လက်တုံ့ပြန်မှု မဟုတ်သည့် အိတ်ဖွင့်ပေးစာ ဦးသန်းရွှေနှင့် ဦးခင်ညွှန့်ထံပေးပို့......

လက်တုံ့ပြန်မှု မဟုတ်သော်လည်း သဘောထားကြီးစွာ ပြန်လည် တောင်းပန်ရန် ယခင် နိုင်ငံတော် အကြီးအကဲ နှစ်ဦးထံသို့ အိတ်ဖွင့်ပေးစာ တစ်စောင်ကို နိုင်ငံရေး အကျဉ်းသားဟောင်းတစ်ဦးဖြစ်သည့် ဦးအောင်ထွန်းက စက်တင်ဘာ ၂ဝ ရက်က ပေးပို့ခဲ့သည်။

ယခင်အစိုးရ လက်ထက်တွင် နိုင်ငံတော်အကြီးအကဲအဖြစ် တာဝန်ယူ ခဲ့ကြသည့် ဗိုလ်ချုပ်မှူးကြီး သန်းရွှေ ဥက္ကဋ္ဌ (ငြိမ်း) နိုင်ငံတော် ငြိမ်ဝပ်ပိပြားရေး တည်ဆောက်မှု အဖွဲ့၊ နိုင်ငံတော် အေးချမ်း သာယာရေးနှင့် ဖွံ့ဖြိုးရေး ကောင်စီနှင့် ဗိုလ်ချုပ်ကြီးဟောင်း ခင်ညွှန့်၊ ဝန်ကြီးချုပ်(ငြိမ်း)တို့ နှစ်ဦးကို အကျဉ်းထောင်တွင်း ညှဉ်းပန်း နှိပ်စက်မှုများနှင့် ပတ်သက်၍ အသနားခံစာ(သို့) တောင်းပန်စာ ပေးပို့ပေးရန် ၂ဝ.၉.၂ဝ၁၂ နေ့စွဲဖြင့် အိတ်ဖွင့်ပေးစာ တစ်စောင် ပေးပို့ခဲ့ခြင်း ဖြစ်သည်။

တောင်ကြီးပြည်တော်သာ၌ ဆေးရုံဆောက်လုပ်စဉ် ပန်းရံလုပ်သား(၆)ဦး ငြမ်းပြို၍ သေဆုံး

တောင်ကြီးမြို့၊ပြည်တော်သာ ရပ်ကွက်၊ ကြံ့ခိုင်ရေးလမ်း အမှတ်(၂၂)ရှိ ဆေးရုံသစ်တည်ဆောက်လျက်ရှိသော (၇) ထပ်တိုက်၌ ကွန်ကရစ်လောင်းစဉ် ဆင်ထားသည့် ငြမ်းများ

ပြိုကျကာ ပန်းရံအလုပ်သမား (၆)ဦး သေဆုံး ခဲ့ကြောင်း မြို့ခံများထံက သိရှိရသည်။

၂၀၁၂ခုနှစ်၊ အောက်တိုဘာ(၃)ရက်၊ နေ့လည် (၂နာရီခွဲ)အချိန်တွင် (၇)ထပ်တိုက်ရှိ (၅)လွှာ၌ ကွန်ကရစ် လောင်းစဉ် အောက်မြေပြင်ရှိ ပန်းရန်လုပ်နေသူများထံသို့ ဆင်ထားသော ငြမ်းများပြိုကျကာ ပန်းရံလုပ်သား (၆)ဦးသေဆုံး၍ (၄)ဦးဒဏ်ရာရရှိခဲ့ခြင်းဖြစ်သည်။

“ဒီနေ့ပဲ ဖြစ်တာ။ (၆)ယောက် သေသွားတယ်။ (၄)ဦးကတော့ အတွင်းလူနာတွေ အဖြစ်နဲ့ ဆေးရုံကြီးမှာ တင်ထားရတယ်။ ရဲဘက်ကတော့ ဒီကိစ္စနဲ့ပတ်သက်ပြီး အရေးယူတာတွေ၊ ဘာတွေတော့ မရှိသေးဘူး၊ ဆက်လိုက် နေတုန်းပဲ” ဟု တောင်ကြီးမြို့မှ ဦးသန်းဝေက ပြောသည်။

အီရန်တို့ ယူရေနီယမ် ထုတ်လုပ်ရန် အခြားနိုင်ငံများနှင့် ပူးပေါင်းသွားမည်

အောက်တိုဘာ ၃။ ။ အီရန်ရှိ နျူကလိယျ စက်ရုံများမှ ထုတ် လုပ်သော ယူရေနီယမ်များကို ဆက်လက် ထုတ်လုပ်ရန် အခြားနိုင်ငံ များနှင့် ပူးပေါင်းသွားမည် ဖြစ်ကြောင်း သမ္မတ အမာဒီနီဂျက်ကြေ

ပာဆိုခဲ့သည်။

လက်ရှိတွင် အီရန်တို့သည် ယူရေနီယမ်သန့်စင်ခြင်းကို ၂၀ ရာခိုင်နှုန်း သန့်စင်ခြင်းအဆင့်သို့ ရောက်ရန် နီးလာပြီး အကယ်၍ ၂၀ ရာခိုင်နှုန်း အဆင့်ထိ သန့်စင်ပြီးပါက ကုန်ကျစရိတ်မြင့်မားသဖြင့် အခြားနိုင်ငံ များနှင့် ပူးပေါင်းဆောင်ရွက်သွားမည် ဖြစ်ကြောင်း ပြောဆိုခဲ့သည်။
...

စီပီရဲ့ ဆီ(သံလွင်ခက်)

“ဟိုမှာဟေ့၊ စီပီကြီး မြစ်ဆိပ် ဆင်းဆော့နေတယ်။  တို့တစ်တွေ တုတ်ကောက်ပြီး သူ့အမေ ပေးထားရအောင်၊ ဒါမှ ညကျတော့ စီပီကြီးကတာ ကြည့်ရမှာ ဟား...ဟား...ဟား...” တာရိုးပေါ် ကနေ လှောင်ပြောင် ရယ်မောနေကြတဲ့ အသံကြောင့် ကျုပ် လှမ်းကြည့်လိုက်တော့ သာလွန် ကျော်တို့ တစ်သိုက်၊ ကျောင်းဖြူ ကျောင်းစိမ်းတွေနဲ့ ဆိုတော့ နေ့လယ်ခင်း ထမင်းစားပြီး ကျောင်းပြန်လာကြတာ ဖြစ်မယ်။ နေ့လယ် တစ်နာရီတောင် ထိုးတော့မှာပဲ။ နေက တော်တော့်ကို ပြင်းနေပြီ။ မြစ်ဆိပ်က ခ၀ါသည်တွေကတော့ အ၀တ်တွေလှန်းပြီးလို့ မန်ကျည်းပင်ရိပ်မှာ အိပ်တဲ့သူက အိပ်၊ နားတဲ့သူက နား။ ကျုပ်အိမ်က မနက် ၁၀ နာရီလောက်ကတည်းက ထွက်လာခဲ့တာ။ မနက်ခင်း အဆာပြေစားခဲ့တဲ့ ထမင်းကြော် တစ်ပန်းကန်ကလည်း အစာအိမ်ထဲမှာ မရှိတော့ဘူးနဲ့ တူပါရဲ့။ တဂွီဂွီ တဂွမ်ဂွမ်မြည်လို့။ ဒါပေမဲ့ ဆက်လျှောက်ရဦးမယ်။ ရှေ့ခပ်လှမ်းလှမ်းမှာ ဆီပီပါ တစ်စု။ မှန်းခြေ အလုံး ၂၀ လောက်ရှိမယ်။ ဒါနဲ့ပါဆို တစ်ပိဿာအောက်ထစ်ပဲ။ ကျုပ်လုပ်ငန်းစစချင်းရက်မှာ ဒီလောက်ရတယ်ဆိုတော့ မဆိုးပါဘူး။ ကျုပ်အတွေးနဲ့ ကျုပ် ခပ်သွက်သွက်လေး လှမ်းလိုက်တယ်။

ပက်စီနှင့် ကိုကာကိုလာကြောင့် ပြည်တွင်းအချိုရည် ဈေးကွက်ပျက်စပြု

ကမ္ဘာကျော် အချိုရည်များဖြစ်ကြသည့် ပက်စီနှင့် ကိုကာကိုလာ အချိုရည်များ
မြန်မာဈေးကွက်အတွင်းသို့ ပြန်လည် ၀င်ရောက်လာပြီး လ အနည်းငယ် အတွင်း ပြည်တွင်း အချိုရည် ဈေးကွက် စတင်ပြိုလဲေ

နပြီ ဖြစ်ကြောင်း လုပ်ငန်းရှင်တချို့၏ ပြောကြားချက်နှင့် ဈေးကွက်အတွင်း စုံစမ်းမှုများအရ သိရှိရသည်။

ယခင်က အမေရိကန် ပြည်ထောင်စုနှင့် အနောက်နိုင်ငံများ၏ စီးပွားရေး ပိတ်ဆို့မှုကြောင့် မြန်မာနိုင်ငံတွင် ရင်းနှီး မြှုပ်နှံမှုများ ရပ်ဆိုင်းခဲ့ကြသော ပက်စီနှင့် ကိုကာကိုလာ အချိုရည် ကုမ္ပဏီများသည် သမ္မတ ဦးသိန်းစိန် အစိုးရ လက်ထက် ပြုပြင်ပြောင်းလဲမှုများ အရှိန်အဟုန်မြှင့် အကောင်
အထည် ဖော်လာချိန်တွင် မြန်မာ့ဈေးကွက်အတွင်းသို့ ရှေ့ဆင့်နောက်ဆင့် ၀င်ရောက်လာကြောင်း၊

လောင်းကစားဒိုင် အား တိကျသေချာသည့် အထောက်အထားပေး က ဖမ်းဆီးမည်ဟုဆို

နိုင်ငံသားများ၏ အကျင့် ပျက်ပြားအောင် စီးပွားရေးဆန်ဆန် ပြုလုပ်နေသည့်
လောင်း ကစားဒိုင်များအား မြန်မာနိုင်ငံ ရဲတပ် ဖွဲ့မှ ထိရောက်စွာ အရေးယူမှု မရှိဟု လွှတ်တော်ကိုယ်စားလှယ်များ တင

်ပြမှုအပေါ် တိကျ သေချာသည်
ထောက်အထား ပေးပါကဖမ်းဆီးသွားမည်ဟု လုံခြုံရေးနှင့် နယ်စပ်ရေးရာ ဝန်ကြီး ဗိုလ်မှူးကြီး တင်ဝင်းက ပြောသည်။

ရဲတပ်ဖွဲ့အနေဖြင့် သက်သေ ခိုင်လုံမှသာ ဖမ်းဆီးအရေးယူမှုကို
ဆောင်ရွက်နိုင်သည့် အတွက် ခိုင်မာသည့်သတင်းပေးသူရှိပါက သတင်း ပေးသူကို လျှိုဝှက်၍ဒိုင် ကြီးများအား ဖမ်းဆီးသွားမည်ဟု ၄င်းက ပြောသည်။

ဖားကန့်မြို့ပေါ်တွင် မှားယွင်းပစ်ခတ်မှုကြောင့် သေဆုံးခဲ့ရသူ မဂျာဆိုင်းအိန်အတွက် ဖခင်ဖြစ်သူကိုယ်တိုင် လူ့အခွင့်အရေးကော်မရှင်သို့ တိုင်ကြား

Phar Kant (Kachin State, Burma)

စက်တင်ဘာလ ၁၃ ရက်နေ့က ဖားကန့်မြို့ ဆွတ်ငိုင်ယန်ရွာအ၀င်တွင် ပစ်ခတ်မှုများကြောင့် ကိုးတန်းကျောင်းသူ မဂျာဆိုင်းအိန်(အသက် ၁၄)နှစ် သေဆုံးခဲ့ရသည့်အမှုနှင့် ပတ်သက်ပြီး အဖြစ်မှန်ကို ဖော်ထုတ် အရေးယူပေးရန် ဖခင်ဖြစ်သူ ဦးဘရန်ရှောင်က မြန်မာနိ

ုင်ငံ လူ့အခွင့်အရေးကော်မရှင်သို့ အောက်တိုဘာလ ၁ ရက်နေ့က တိုင်ကြားခဲ့ကြောင်း သတင်းရရှိသည်။

အဆိုပါဖြစ်စဉ်သည် စက်တင်ဘာလ ၁၃ ရက်နေ့ ညနေ ၄ နာရီဝန်းကျင် ကျောင်းဆင်းချိန်တွင် ဖြစ်ပွားခဲ့ခြင်းဖြစ်ပြီး မဂျာဆိုင်းအိန်သည် ၎င်းတက်ရောက်နေသည့် ဖားကန့်အထက်တန်းကျောင်းမှ နေထိုင်ရာ ဆွတ်ငိုင်ယန်သို့ ပြန်လာစဉ် လမ်း၌ပစ်ခတ် မှုကြောင့် သေဆုံးခဲ့ခြင်းဖြစ်သည်။

ဘော်လခဲ ရွာသစ်ရေတာကာစီမံကိန်းကြောင့် ငြိမ်းချမ်းရေးဖြစ်စဉ်အား ထိခိုက်မည်ကို KCSN စိုးရိမ်

ကယားပြည်နယ်၊ ဘော်လခဲမြို့နယ်အတွင်းရှိ ရွာသစ်ရေကာတာစီမံကိန်းအား အကောင်အထည်ဖော်ရာ၌ ပွင့်လင်းမြင်သာ မှုမရှိခြင်း

ကြောင့် ကယားပြည်နယ်(ကရင်နီ)ငြိမ်းချမ်းရေးဖြစ်စဉ်ကို အနှောင့်အယှက်ဖြစ်စေ နိုင်ကြောင်း Karean Civil Society Network (KCSN) တာဝန်ခံတစ်ဦးက ဆိုသည်။

“KNPP ရဲ့လုပ်ဆောင်ချက်အားလုံးက ပြည်သူလူထုငြိမ်းချမ်းရေးရရှိဖို့အတွက် တောင်းဆိုပေးခြင်းဖြစ်တယ်၊ဆိုတဲ့အပေါ်မှာ ကျွန်တော်တို့ခံယူတယ်၊ ကျွန်တော်တုိ့ လူမှုအဖွဲ့အနေနဲ့လည်း ၀င်ရောက်လှုပ်ရှားတယ်၊ဒါပေမဲ့ အစိုးရဘက်က ပွင့်လင်းမြင်သာမှုမရှိသေးဘူးလို့ ထင်တယ်။” ဟု ကရင်နီလူမှုအဖွဲ့အစည်းများ ကွန်ယက် (Karen Civil Society Network)တာဝန်ခံ ဦးခူးမီရယ်က အောက်တိုဘာ(၂)ရက် သတင်းစာ ရှင်းလင်းပွဲတွင် ပြောကြားခဲ့သည်။

စာအုပ်ဆိုင်တွေ ကျန်းမာရေးကောင်းကြပါစေ( မောင်စံပေါ)

(၁) အမြင်များမှားနေသလားလို့ သေသေချာချာ ပြန်ကြည့်မိတယ်။ အမြင်လည်း မမှားပါ။ မရောက်တာ ကြာပြီမို့ အပြင်အဆင်တွေများ ပြောင်းသွားတာလား။ အပြင်အဆင် ပြောင်းတယ်ပြောဦးတော့ အမျိုးအမည်ကတော့ မကွဲသင့်ပါဘူး။ အခုဟာကြီးက လုံးဝခြားနားနေတော့တာ။ နေရာရယ်၊ တိုက်ခန်းနံပါတ်ရယ်ကြောင့်သာ ငါမမှားပါဘူးပြောရဲတာ။ (၂) ''ဘာသုံးဆောင်မလဲရှင်၊ ကြက်ဆီထမင်း၊ ကြက်ကြော်၊ ကြက်ဆာတေး အစုံရပါတယ်''        ဆိုင်ရှေ့မှာ အူကြောင်ကြောင်နဲ့ ငေးနေမိတာက ဧည့်ကြိုမိန်းကလေးရဲ့ အသံကြောင့် စိတ်နဲ့လူနဲ့ ပြန်တွဲမိသွားတယ်။       ''မစားပါဘူး။ သမီးရယ်၊ မရောက်တာကြာလို့ အရင်ဒီနေရာမှာ ဖွင့်တဲ့ဆိုင်ကလေးရောကွယ်။ ဘယ်များပြောင်းသွားပါလိမ့်။ '' သြော် အခွေငှားဆိုင်လား။ ပိတ်သွားပြီဦးရဲ့။ ဆိုင်ခန်းခက ဈေးတက်၊ အငှားကကျနဲ့မို့ ရှုံးတာမခံ နိုင်တော့လို့ပြောတယ်''

ဟောင်ကောင်သင်္ဘော တိုက်မှု ရေယာဉ်ဝန်ထမ်း ၆ ဦးကို အရေးယူ

Hong Kong မှာ လူအနည်းဆုံး (၃၇) ဦး သေဆုံးသွားရတဲ့ သင်္ဘော (၂) စင်း တိုက်မိတာကနေ အသက်ရှင် ကျန်ရစ်သူတွေကို ကယ်ဆယ်ရေးသမားတွေ ဆက်လက်ရှာဖွေနေတဲ့အချိန်မှာပဲ ရဲက

တော့ အဲဒီ သင်္ဘောတွေ က ရေယာဉ်ဝန်ထမ်း (၆) ဦးကို ဖမ်းဆီးလိုက်ပါတယ်။

ပင်လယ်ပြင်မှာ အများပြည်သူရဲ့အသက်ကို အန္တရာယ်ဖြစ်စေတဲ့အတွက် သူတို့ကို စုံစမ်းစစ်ဆေးနေ တာ ဖြစ်တယ်လို့ ရဲအရာရှိတွေက ပြောပေမယ့် ဆယ်စုနှစ်ပေါင်း တော်တော်ကြာ ကာလ အတွင်း ဟောင်ကောင်သမိုင်းမှာ အဆိုးရွားဆုံး ဒီရေကြောင်းထိခိုက်မှုနဲ့ ပတ်သတ်လို့ ပိုပြီး အသေးစိတ် မပြောပြပါဘူး။ တခြား ခရီးသည်တင် သင်္ဘောတစ်စင်းနဲ့ Hong Kong လျှပ်စစ်စွမ်းအင် ကုမ္ပဏီပိုင် သင်္ဘောတို့ တိုက်မိခဲ့ပြီး မိနစ်ပိုင်းအတွင်းမှာပဲ လျှပ်စစ်စွမ်းအင် ကုမ္ပဏီပိုင်သင်္ဘော နစ်သွား ခဲ့တာ ဖြစ်ပါတယ်။

အမေရိကန်မှာ ဒေါ်အောင်ဆန်းစုကြည်နေ့အဖြစ် သတ်မှတ်

လတိုင်း၊ လတိုင်း၏စက်တင်ဘာလ၂၅ရက်နေ့ကို ဒေါ်အောင်ဆန်းစုကြည်နေ့
အဖြစ် အမေရိကန်နိုင်ငံ၊ အင်ဒီယားနားပြည်နယ်၊ Fort Wayne မြို့တော်ဝန် Tom Henry ကသတ်မှတ်ခဲ့ကြောင်း သိရသည်။

“ဒေါ်အောင်ဆန်းစုကြည် အမေရိကန

်ကိုရောက်နေတုန်း ဖို့ဝေးမြို့မှာ မိန့်ခွန်းပြောခဲ့ပြီးတော့ စက်တင်ဘာ ၂၅ ရက်နေ့ကို ဒေါ်အောင်ဆန်းစု ကြည်နေ့သတ်မှတ်ဖို့မြို့တော်ဝန်က ပြောကြားခဲ့တာဖြစ်တယ်လို့ ကြေညာ
ချက်မှာ ဖော်ပြထားပါတယ်။ မြန်မာတွေအတွက်တော့ ဂုဏ်ယူစရာပါပဲ။
ဒေါ်အောင်ဆန်းစုကြည်လို ပုဂ္ဂိုလ်မျိုးပာာ တစ်ခေတ်မှာတယောက်ပဲ
ပေါ်လာနိုင်မှာပါ”ပာု လွှတ်တော်ကိုယ်စားလှယ်တစ်ဦးက ဆိုသည်။

မွေးကင်းစ ကလေးငယ် စွန့်ပစ်ခဲ့သူ မိခင်နှင့် အဖွားကို (၂၄)နာရီအတွင်း ဖမ်းဆီး ဖော်ထုတ်နိုင်ခဲ့

မကွေးမြို့ တိုင်းဆေးရုံရပ်၊ လမ်းသွယ် ၁ ရှိ ဦးကံလှ(ခ)ဦးသိန်း ထွန်း၏ နေအိမ်ရှေ့လမ်းဘေးတွင် စက်တင်ဘာ ၂၁ ရက်၊ ည ၇ နာရီ အချိန်က အသက် ၁၅ ရက်သားခန့်ရှိ မိန်းကလေးတစ်ဦးအား ပလပ်စတစ် ခြင်းတောင်း အစိမ်းရောင်ဖြင့် ထည့်လျက် စွန့်ပစ်ထားသည်ကို တွေ့ရှိကြရသည်။

သက်ဆိုင်ရာ ရဲစခန်းသို့ အ

ကြောင်းကြားရာ အခင်းဖြစ်နေရာသို့ သွားရောက် ကြည့်ရှုစစ်ဆေးခဲ့ပြီး၊ အဆိုပါ ကလေးငယ်အား လူမှုဝန်ထမ်းဦးစီး ဌာန ကလေးပြုစုရေးဌာန ဦးစီးအရာရှိ ဒေါ်နွယ်နွယ်အောင်ထံ အပ်နှံခဲ့ ကြောင်း သိရှိရသည်။ အဆိုပါ ကလေးအား စွန့်ပစ်ခဲ့သူအပေါ် အရေးယူပေးပါရန် ဦးအောင်စိုးမှ တရားလိုပြု တိုင်တန်းခဲ့ရာ သက်ဆိုင်ရာက အဆိုပါကိစ္စနှင့် ပတ်သက်၍ နယ်မြေအတွင်း သတင်းရယူစုံစမ်းခဲ့ရာ မကွေးမြို့၊ မြစ်သာရပ်ကွက် ရှိ နေ့ကလေးထိန်း ကျောင်းသို့ ရောက်ရှိခဲ့ပြီး ကလေးထိန်းဆရာမ မသန်းစိုးမှ ယင်းထံ စက်တင်ဘာ ၂ဝ ရက် ည ၈ နာရီအချိန်က အသားညိုညို အမျိုးသမီးတစ်ဦး ရောက်ရှိလာကြောင်း မိဘရှိပြီး ရက်သားအရွယ် ကလေးငယ်အား အပ်နှံပါက လက်ခံခြင်း ရှိ/မရှိ မေးမြန်းသွားကြောင်း၊ အဆိုပါ အမျိုးသမီးမှာ မင်းဘူးမြို့၌ ဈေးရောင်းကြောင်း ပြောဆို ၍ ပြန်သွားခဲ့ကြောင်း သတင်းရရှိခဲ့သည်။

ကမ္ဘာမူစလင်အဖွဲ့ချုပ် (OIC) ရခိုင်ပြည်နယ်တွင် အခြေစိုက်ရန်ကြိုးပမ်း မှုအား ဆန္ဒပြကန့်ကွက်သွားမည်

Wednesday, 3 October 2012

ကမ္ဘာမူစလင်အဖွဲ့ချုပ် (OIC) သည် ရခိုင်ပြည်နယ်တွင်း အခြေစိုက်၍ ရခိုင်လူမျိုးတို့နှင့် ဘင်္ဂါလီလူမျိုးတို့ အတူယှဉ်တွဲနေထိုင

်နိုင်ရန်နှင့် ဘာသာ ရေးလုပ်ငန်းများ လုပ်ဆောင်မည့်အစီအစဉ်အား အစိုးရအဖွဲ့မှခွင့်ပြု မည်ဟု ကြားသိရသောကြောင့် ရခိုင်လူမျိုးများအနေဖြင့်ဆန္ဒပြကန့်ကွက်သွား
မည် ဖြစ်ကြောင်းကို စစ်တွေ မြို့ရှိ ဝံလက် ဖောင်ဒေးရှင်းမှ အမှုဆောင် ဦးသိန်းဝင်းက ပြောသည်။

စစ်တွေမြို့တွင် အောက်တိုဘာလ ပထမပါတ် အတွင်း OIC အဖွဲ့အား ခွင့်မပြုနိုင်ကြောင်း စစ်တွေမြို့ရှိ သံဃာတော်များ၊ မြို့မိမြို့ဖများ၊ ကျောင်း သားလူငယ် များက လက်မှတ်ရေးထိုး၍ နိုင်ငံတော်သမ္မတအား တင်ပြမည်
ဖြစ်ကြောင်းနှင့် အောက်တိုဘာ ၄ ရက်နေ့တွင် ရခိုင်အမျိုးသမီးထုမှ ရခိုင် အမျိုးသမီးများနှင့် ကလေးသူငယ်များ၏ ဘဝလုံခြုံရေးနှင့် အေးချမ်းစွာ
နေထိုင်ရေး အတွက် အတူယှဉ်တွဲမနေထိုင်နိုင်ကြောင်း ဆန္ဒပြတောင်း
ဆိုမည် ဖြစ်ကြောင်း သိရသည်။

ရွှေ(၇)ပိဿာ ၊ ကျပ်သိန်းပေါင်း (၆)သောင်းကျော် အလိမ်ခံရ

ရွှေအရောင်းအ၀ယ်ဖလှယ် မှုမှ ထွက်ပေါ်လာသည့်အကျိုး အမြတ်များကို ခွဲဝေပေးမည်ဟု မက်လုံးပေးခဲ့သည်ကို ယုံစားမိ သဖြင့် ရွှေချိန် (၇)ပိဿာ၊ ကျပ် သိန်းပေါင်း (၆)သောင်းကျော်၊ အလိမ်ခံခဲ့ရကြောင်းသိရသည်။
ြ

ဖစ်စဉ်မှာ အမှတ်(၁၃/၄၈၁) ကန်တော်လမ်း၊ မန်းရပ်၊ တောင် ငူမြို့နေ စိန်ရွှေရတနာသန့်စင် ရေးလုပ်ငန်းလုပ်ကိုင်သူ ဦးပီတာ (ခ) ဦးစိန်လင်းနှင့် ဇနီးဒေါ်နီနီ အေးတို့ထံ ပုဂ်္ဂိုလ်ရေးယုံကြည်မှု ဖြင့် လစဉ်အကျိုးအမြတ်ပေး မည်။ မိမိတို့အပ်နှံထားသောရွှေ နှင့်ငွေများကို ပြန်လည်ထုတ်ပေး မည်ဟု သဘောတူလက်မှတ် ရေးထိုးထားသည်ကို ယုံကြည်စွာ ဖြင့် အပ်နှံခဲ့ရာမှ ပြန်လည်ပေး အပ်ခြင်း မရှိတော့သဖြင့် အဆိုပါ ဇနီးမောင်နှံအား (ပ) ၄၄၃/၁၁ ပုဒ်မ (၄၂၀)ဖြင့် အမှုဖွင့်တိုင်ကြား ခဲ့ရသည်ဟု သိရသည်။

မြန်မာ အမျိုးသမီးများကို တရုတ်သို့ လိင်ကုန်ကူးရန် ဗြောင်စည်းရုံး

မြန်မာနိုင်ငံမှ အမျိုးသမီးများကို တရုတ် နိုင်ငံသားများနှင့် အဓမ္မ ထိမ်းမြားရန် လိင်ပိုင်းဆိုင်ရာ လူကုန်ကူးရန် ဗြောင်ကျစွာ စည်းရုံးလာကြောင်း လူကုန်ကူးမှု တားဆီး နှိမ်နင်းရေး အဖွဲ့မှ ဒုတိယ ရဲမှူးကြီး ညွန့်လှိုင်က ပြောကြားသည်။

ပြည်ပ အလုပ်အကိုင် ရှာဖွေရေး အေဂျင်စီများကို လူကုန်ကူးမှု ဥပဒေများနှင့် ပတ်သက်၍ စက်တင်ဘာလ ၂၇ ရက်နေ့က ရန်ကုန်မြို့

ပန်ဒါ ဟိုတယ်၌ ပြုလုပ်သော အသိပညာပေး ဆွေးနွေးပွဲ အပြီးတွင် ၎င်းက သတင်းထောက် များကို ပြောကြားခြင်း ဖြစ်သည်။

“တရုတ် အမျိုးသားနဲ့ လက်ထပ်ရမယ်။ ကလေးတစ်ယောက် မွေးပေးရမယ်။ သိန်းသုံးဆယ် ရမယ်။ ပြီးရင် ပြန်လာ ရမယ်ဆိုပြီး သဘောတူညီချက် ယူပြီး လုပ်တာ အများကြီးပဲ” ဟု ၎င်းက ရှင်းပြသည်။

မြစ်ဆုံထက်ကြီးသော ရေအားလျှပ်စစ်စီမံကိန်း သံလွင်မြစ်၌ ဆောက်မည်

ရပ်ဆိုင်းထားသည့် မြစ်ဆုံရေအားလျှပ်စစ်စီမံကိန်းထက်ကြီးသော ရေအားလျှပ်စစ်စီမံကိန်းတစ်ခုကို သံလွင်မြစ်ပေါ်တွင် တည်ဆောက်ရန် ပြင် ဆင်နေကြောင်း ရှမ်းပြည်နယ်ဝန်ကြီးချုပ် ဦးစဝ်အောင်မြတ်က

ပြောသည်။

အဆိုပါ စီမံကိန်းသည် ရှမ်း ပြည်နယ် အရှေ့ပိုင်း မိုင်းတုံမြို့နယ် တာဆန်းတွင်တည်ရှိပြီးတစ်နှစ်လျှင် လျှပ်စစ်ဓာတ်အား မဂ္ဂါဝပ် ၇၁ဝဝ ထုတ်ယူနိုင်မည်ဟု သိရသည်။

''ဒီနေရာမှာ ကျောက်တောင် တွေပဲ ရှိတယ်။ ပြောင်းရွှေ့ရမယ့် ဒေသခံ အနေအထား ကလည်း အနည်းဆုံး နေရာဖြစ်နေတယ်'' ဟု အဆိုပါနေရာကို ရွေးချယ်ရခြင်း အကြောင်းနှင့်ပတ်သက်၍ ဝန်ကြီး ချုပ်က ပြောသည်။

အသက် ၁၉ နှစ်အရွယ် မိန်းကလေးတစ်ဦးအစာအိမ်ထဲမှ လေးပေါင် အလေးချိန်ရှိ အမွှေးလုံးကြီးဖယ်ရှားခဲ့ရ

Indore ပြည်နယ် ရှိ အသက် ၁၉ နှစ်အရွယ် မိန်းကလေးတစ်ဦးရဲ့ အစာအိမ်ထဲမှာ မယုံနိုင်ဖွယ်ရာ အမွှေးတွေစုပြုံနေတဲ့အလုံးကြီးတစ်လုံးရှိနေခဲ့တယ် ။ အဲဒီမိန်းကလေး

ဟာ အစားအစာကို မယ်မယ်ရရမစားပဲ Snack လို့ခေါ်တဲ့ သရေစာတွေကို သာ တပ်မက်နေခဲ့တယ် ။ အခုတော့ အဲဒီအရာကသူ့ကို တစ္ဆေတစ်ကောင်လို ခြောက်လှန့်နေခဲ့ရပါပြီ ။

လွန်ခဲ့တဲ့လက အင်ဒိုးပြည်နယ်ရှိ Maharaja Yeshwantrao ဆေးရုံကို သွားရောက်ခဲ့ပြီး “ ကျွန်မ ရက်အနည်းငယ်လောက် စားလည်းမစားနိုင် သောက်လည်းမသောက်နိုင် ဖြစ်နေတယ် ” ဆိုပြီးပြောပြခဲ့တယ် ။

တရားမဝင်နိုင်ငံသား စိမ့်ဝင်မှုကာကွယ်ရေး အမျိုးသားစီမံကိန်း ချမှတ် ရန်လိုဟု သမ္မတအကြံပေး ဆို

လူဦးရေများပြားသော နိုင်ငံနှစ်ခုကြား ရှိနေသည့် မြန်မာနိုင်ငံအနေဖြင့် တရားမဝင်နိုင်ငံသား စိမ့်ဝင်မှုကို ကာကွယ်ရန် အမျိုးသားစီမံကိန်းချမှတ် လုပ်ဆောင်ရမည

်ဖြစ်ကြောင်း နိုင်ငံတော်သမ္မတ၏ နိုင်ငံရေးအကြံပေးဦးကိုကိုလှိုင်က ပြောသည်။

''ပြင်ဆင်ထားဖို့ အင်မတန် လိုပါတယ်။ ပွင့်လင်းလာတာနဲ့ အမျှ လူဦးရေဖိအားကြောင့် အထဲ ကိုစိမ့်ဝင်လာနိုင်တဲ့ အန္တရာယ် တွေကလည်း ရှိနေပါတယ်''ဟု ၄င်းက ပြောသည်။

ယင်းသို့ ပြင်ဆင်ထားရန် အ စိုးရအာဏာစက်သည် နေရာ တိုင်း ရောက်ရှိ ရန်လိုအပ်ပြီး ဒေသတွင်း အခြေခံအဆောက်အအုံများ ပြည့်စုံ ရန်လို အပ်ကြောင်း၊ ဒေသခံ ပြည် သူများ၏ အသိပညာဖွံ့ဖြိုးမှု မြင့် တက်ရန်လိုအပ်ကြောင်း ပထဝီနိုင်ငံ ရေးရာကျွမ်းကျင်သူအချို့က ပြော သည်။

ရခိုင်အနောက်ဘက် ကမ်းခြေတစ်လျှောက် ကမ်းခြေစောင့်တပ်များ ချထားရန် စီစဉ်

နိုင်ငံတွင်း တရားမဝင်နိုင်ငံသားစိမ့်ဝင်မှုတွေ ကာကွယ်နိုင်ရန် ရခိုင်ပြည်နယ်အနောက်ဘက်ကမ်းခြေတစ်လျှောက် ကမ်းခြေစောင့်တပ်များ

ချထားရန် စီစဉ်ပြီးဖြစ်ကြောင်း နိုင်ငံတော်သမ္မတရုံး၏ အကြံပေးပုဂ္ဂိုလ် တစ်ဦးက ပြောသည်။

ချထားရန် ကမ်းခြေစောင့် တပ်များ ထူထောင်ဖွဲ့စည်းပြီးဖြစ် သလို ဖွဲ့စည်းပုံလည်း ကျထားပြီး ဖြစ်ကြောင်း နိုင်ငံတွင်းတရားမဝင် ဝင်ရောက်မှုတွေအတွက် ထိထိ ရောက်ရောက်ဆောင်ရွက်သွားရန် စတင်နေပြီဖြစ်ကြောင်း ¤င်းက ဆိုသည်။

''အစိုးရဘက်ကတော့ တတ် နိုင်သလောက် စနစ်တကျတစ် ဖက် နိုင်ငံ ကစိမ့်ဝင်တဲ့ကိစ္စတွေကို မဖြစ် အောင် ထိထိရောက်ရောက်လုပ်ဖို့ စနေပါပြီ''ဟု ပြောကြားသည်။

ဆေးတက္ကသိုလ်ကျောင်းသား ကားဖြင့်တိုက်ခံရ

ရန်ကုန်မြို့၊ မရမ်းကုန်းမြို့နယ်၊ အင်းလျားလိပ်ဟိုတယ်ဝင်းအတွင်းရှိ ဒီဂျေဘားတွင် ယမန်နေ့ည သန်းခေါင်အချိန်မှာ လူငယ်များ အချင်းများရာမှ ကားဖြင့် တိုက်သည့်အတွက် မောင

်ဝေအောင်အမည်ရှိ ဆေးတက္ကသိုလ်နောက်ဆုံးနှစ်ကျောင်းသားမှာ ရန်ကုန်ပြည်သူ့ဆေးရုံးကြီး ဦးနှောက်နှင့်အာရုံကြောခွဲစိတ်ကုသဆောင်တွင် ဆေးကုသမှုခံယူလျက်ရှိသည်။

ဖြစ်ပွားပုံမှာ ဒီဂျေဘားတွင် လူငယ်များအချင်းများကြပြီး အဆိုပါ ဆေးကျောင်းသား မောင်ဝေအောင်နှင့်သူငယ်ချင်းများ ပြန်ထွက်လာစဉ် လူငယ်တစ်ဦးမှာ လန်ခရူဆာမော်တော်ကားဖြင့် လိုက်လံတိုက်သဖြင့် ရှောင်တိမ်းသော်လည်း မောင်ဝေအောင်ကို ၀င်ရောက်တိုက်ခဲ့ခြင်းဖြစ်သည်ဟု ဆိုပါသည်။

တစ်နာရီလျှင် မိုင် ၁ဝဝဝ ကျော် မောင်းနှင်နိုင်သည့် ဒုံးကျည် မော်တော်ယာဉ် ပထမဆုံးအကြိမ် အဖြစ် ဗြိတိန်တွင် စမ်းသပ် မောင်းနှင်မည်

ဗြိတိန် နိုင်ငံသည် နိုင်ငံတွင်းရှိ စက်မှု ပညာရှင်များ တီထွင်ထားသော ဒုံးကျည် စွမ်းအင်ဖြင့် မောင်းနှင်သွားလာ နိုင်သည

့် ခဲတံပုံ သဏ္ဌာန်ရှိ မျိုးစပ် မော်တော်ယာဉ် တစ်စင်းကို ပထမဆုံး အကြိမ်အဖြစ် နယူးကီးကွန် ဝေါလ်လေဆိပ်၌ အောက်တိုဘာ ၃ ရက် တွင် စမ်းသပ် မောင်းနှင်သွားမည် ဖြစ်ကြောင်း အင်တာနက် သတင်း တစ်ရပ်အရ သိရသည်။
အဆိုပါ ဒုံးကျည် မော်တော်ယာဉ်သည် ဒုံးကျည်နှင့် ဂျက်လေယာဉ် အင်ဂျင် နှစ်မျိုးဖြင့်မျိုးစပ်ထားသော မော်တော်ယာဉ် ဖြစ်ပြီး ပုံစံအားဖြင့် ခဲတံ တစ်ချောင်း၏ ပုံသဏ္ဌာန် ရှိကြောင်း သိရ သည်။ မော်တော်ယာဉ်၏ ကိုယ်ထည်မှာ ၁၂ ပေရှည်ပြီး အလေးချိန် ၉၉၂ ပေါင် ရှိကြောင်းနှင့် တစ်နာရီလျှင် မိုင် ပေါင်း ၁ဝဝဝ ကျော်အထိ မောင်းနှင်နိုင်ကြောင်း၊ သာမန် ဆလွန်း ကားများနှင့် ဂျက် လေယာဉ်များထက် ပိုမို လျင်မြန်စွာ မောင်းနှင်နိုင်ရန် တီထွင်ထားကြောင်း သိရသည်။

လူကုန်ကူးခံရသူများ၏ ၈၃ ရာခိုင်နှုန်းမှာ အသက် ၁၂ နှစ်မှ ၃၅ နှစ်ကြား အမျိုးသမီးများဖြစ်ပြီး ၂၀၁၁ ခုနှစ်အတွင်း တရုတ်နိုင်ငံသို့ အဓမ္မလက်ထပ်ထိမ်းမြားမှု ၈၉ မှုဖြင့် အများဆုံးဖြစ်ပွားခဲ့

၂၀၁၁ ခုနှစ်အတွင်း လူကုန်ကူးမှု ၁၃၆ မှုဖြစ်ပွားခဲ့ပြီး လူကုန်ကူးခံရသူများ၏ ၈၃ ရာခိုင်နှုန်းမှာ အသက် ၁၂ နှစ်မှ အသက် ၃၅ နှစ်ကြား အမျိုးသမီးများဖြစ်ကြောင်းနှင့် တရုတ်နိုင်ငံသို့ အဓမ္မလက်ထပ်ထိမ်းမြားစေမှု ၈၉ မှုဖြင့် အများဆုံးဖြစ်ပွားခဲ့ကြောင်း လူကုန်ကူးမှု တားဆီးကာကွယ်ရေးဗဟိုအဖွဲ့မှ သိရပါသည်။ တရုတ်နိုင်ငံတွင် နိုင်ငံခြားမှ အမျိုးသမီးများကို အဓမ္မထိမ်းမြား လက်ထပ်ထားသော နိုင်ငံသားများကို တရားမ၀င်နိုင်ငံခြားသား လက် ခံမှုဖြင့်သာ အရေးယူလျက်ရှိနေ၍ တရုတ်နိုင်ငံဘက်မှ အမျိုးသမီးဝယ်လိုအားမှ မြင့်တက်နေဆဲဖြစ်သောကြောင့် မြန်မာအမျိုးသမီးများ တရုတ်နိုင်ငံသို့ အဓမ္မလက်ထပ်ရန် လူကုန်ကူးမှုမှာ ထိုသို့ များပြားနေရ ခြင်းဖြစ်ကြောင်းလည်း အဆိုပါအဖွဲ့မှ တာဝန်ရှိသူတစ်ဦးက ဆိုပါသည်။

ငြိမ်းချမ်းရေး ဆန္ဒပြပွဲ ဦးဆောင်သူနှစ်ဦး စမ်းချောင်းတရားရုံး ဆင့်ခေါ်

အပြည်ပြည်ဆိုင်ရာ ငြိမ်းချမ်းရေးနေ့က လမ်းလျှောက်ဆန္ဒပြပွဲမှာ ဦးဆောင် ပါဝင်ခဲ့ကြတဲ့ ကချင်ငြိမ်းချမ်းရေး ကွန်ရက် ခေါင်းဆောင် ဦးမရန်ဂျော်ဂွန်းနဲ့ ဒေါ်မေစံပယ်ဖြူ (ခေါ်) အယ်လ်ခေါန်ထွဲ တို့ကို ဒီကနေ့ မနက် (၁၀) နာရီမှာ စမ်းချောင်းမြို့နယ် တရားရုံးက ဆင့်ခေါ်ခဲ့ပြီး လာမယ့် အောက်တိုဘာလ (၃) ရက်နေ့ကို ရုံးချိန်း သတ်မှတ် လိုက်ပြီလို့ သိရပါတယ်။

RFA

စမ်းချောင်းမြို့နယ် တရားရုံး

ဒီအမှုကို မြို့နယ်ရဲစခန်းက တရားလိုအဖြစ် စွဲချက် တင်လိုက်တာ ဖြစ်ပါတယ်။ ကချင်ငြိမ်းချမ်းရေး ကွန်ရက်ခေါင်းဆောင်  ဦးမရန်ဂျော်ဂွန်းနဲ့ ဒေါ်မေစံပယ်ဖြူ တို့ကို အရပ်ဘက် အသင်းအဖွဲ့အစည်း တွေက ကူညီပံ့ပိုးပေးကြဖို့  ရှိပါတယ်လို့ ဦးမရန်ဂျော်ဂွန်းက ပြောပါတယ်။

နိုင်ငံတော် သမ္မတကြီး ဦးသိန်းစိန် ဘီဘီစီ Hardtalk နှင့် အင်တာဗျူး

“ဖွဲ့စည်းပုံ အခြေခံဥပဒေကို ပြင်တာဟာ ကျွန်တော့် တစ်ယောက်တည်း သဘောနဲ့ ကျွန်တော်တို့ ပြင်လို့မရ ပါဘူး။ ”

BBC။ ဒေါ်အောင်ဆန်းစုကြည်ဟာ စစ်အာဏာရှင် စနစ်ကို ဆန့်ကျင်တဲ့ အတွက် အနှစ်နှစ်ဆယ် နီးပါး နေအိမ်မှာ အကျယ်ချုပ် ကျခံ ခဲ့ရသလို ထောင်နဲ့ချီတဲ့ ပုဂ္ဂိုလ်တွေလည်း အကျဉ်းကျ ခံခဲ့ရပါတယ်။ ဒီ စစ် အစိုးရ ထဲမှာ ပါဝင်ခဲ့တဲ့ ဦးသိန်းစိန် အနေနဲ့ ဒေါ်အောင်ဆန်းစုကြည်ကို ဒီအတွက် တောင်းပန်စကား ပြောဖို့ အစီအစဉ် ရှိပါသလား။
သမ္မတကြီး။ အဲဒီကိစ္စနဲ့ ပတ်သက်ပြီးတော့ ကျွန်တော်တို့ ပြောရမယ် ဆိုလို့ရှိရင်တော့ သူလည်း သူ့ ယုံကြည်ချက် အရ လုပ်ကြ ပြုကြတာပဲ။ ဒါက နိုင်ငံတိုင်းမှာ ကျွန်တော်တို့ ဖြစ်လေ့ဖြစ်ထ ရှိပါတယ်။ ဆိုတော့ ဟိုတုန်းက ကျွန်တော်တို့နဲ့ ဆန့်ကျင်ဘက် ဖြစ်ပေမယ့် ဒီကနေ့တော့ ကျွန်တော်တို့နဲ့ ခုနကလို လုပ်ဖော်ကိုင်ဖက်တွေ ဖြစ်နေပါပြီ။

BBC။ ဒီမိုကရေစီ ပြောင်းလဲရေး လုပ်ဆောင်မယ် ဆိုတဲ့ ဦးသိန်းစိန်ရဲ့ ဆုံးဖြတ်ချက်အပေါ် လူတွေက ယုံကြည်ဖို့ အတွက် ဆိုရင် အတိတ်က ဖြစ်ပျက်ခဲ့တာတွေ အတွက် အစိုးရရဲ့ ဖိနှိပ်မှု တွေနဲ့ ပတ်သက်လို့ ဝမ်းနည်းပါတယ် ဆိုတဲ့ စကားကို ကြားလိုကြမှာ အမှန်ပါပဲ။ ဒီလိုပြောဖို့ ပြင်ဆင် ထားပါသလား။
သမ္မတကြီး။ အခုကတော့ ကျွန်တော်တို့ရဲ့ ပြုပြင် ပြောင်းလဲမှု တွေကို သူတို့ ကိုယ်တိုင်တောင် လက်ကမ်း ကြိုဆိုပြီး ဝင်ရောက် လာတာပဲဖြစ်ပါတယ်။

ကား အရစ်ကျဝယ်ယူခြင်း အတွက် စနစ်အသစ်

အာရှစိမ်းလန်းမှုဖွံ့ဖြိုးရေးဘဏ်လီမိတက် ချေးငွေဌာနသည် အငှားဝယ်ယူ ရောင်းချသော စနစ်ဖြင့် မော်တော်ယာဉ် ဝယ်ယူလိုသူများကို ဝန်ဆောင်မှု ပေးလျက်ရှိသည်။

ယခင်က ငွေကြေးအာမခံဖြင့်သာ ဝယ်ယူနိုင်ကြသည့်စနစ်အစား၊ ယခုအခါတွင် ငွေကြေးအာမခံမလိုဘဲ မည်သူမဆို ဝယ်ယူနိုင်ပြီဖြစ်ပါကြောင်း သတင်းကောင်း ပေးအပ်ပါသည်။

၁။ ရောင်းချသည့်မော်တော်ယာဉ်အား မြန်မာ့အာမခံလုပ်ငန်းတွင် အလုံးစုံ အာမခံထားရှိပေးရမည်။

၂။ သက်တမ်းမပြည့်မီ ပြန်လည်ပေးဆပ်သော ချေးငွေများအတွက် ငှားရမ်းခ ပြန်လည်ထုတ်ပေးခြင်း (Refund) နှင့် အရစ်ကျ ပေးသွင်းရန် ပျက်ကွက်ခြင်းများအတွက် ပျက်ကွက်ကြေး (Penalty) စနစ်များလည်း ရှိပါသည်။

၃။ သက်တမ်းနှင့် နှုန်းထားများ -

ဆက်သွယ်ရေး ကဏ္ဍအား ပုဂ္ဂလိက တယ်လီဖုန်း အော်ပရေတာ တင်ဒါခေါ်ယူရေး နိုင်ငံတကာ ကုမ္ပဏီများ ဖိတ်ခေါ် ဆောင်ရွက်လျက်ရှိ

အာဆီယံ ဆက်သွယ်ရေးနှင သတင်း အချက်အလက် နည်းပညာဆိုင်ရာ အရာရှိကြီးများနှင့်

ဆက်သွယ်ရေး ဥပဒေပြု သူများ ကောင်စီတို့၏ ခေါင်းဆောင်များ အလွတ်သဘော အစည်း အဝေးကို ယနေ့တွင် ပုဂံမြို့ရှိ ရွှေနန်းတော် ဟိုတယ်၌ ကျင်းပသည်။

ယင်းအစည်းအဝေးမှာ ယခင်နှစ် မှစ၍ နေပြည်တော်၌ ကျင်းပခဲ့သော အာဆီယံ ဆက်သွယ်ရေးနှင့် သတင်း အချက်အလက် နည်းပညာဆိုင်ရာ ဝန်ကြီးအဆင့် အစည်းအဝေးမှ တာဝန်ယူခဲ့သော ဥက္ကဋ္ဌ တာဝန်ထမ်းဆောင် နေစဉ်အတွင်း ကျင်းပသော အစည်းအဝေး ဖြစ်သည်။

အစည်းအဝေးတွင် ဆက်သွယ်ရေး၊ စာတိုက်နှင့် ကြေးနန်း ဝန်ကြီးဌာန ပြည်ထောင်စု ဝန်ကြီး ဦးသိန်းထွန်းက ယခု အစည်းအဝေး၏ ယမန်နေ့က ပြုလုပ်ခဲ့သော အာဆီယံ အိုင်စီတီဆု ရွေး ချယ်ပေးရေး နောက်ဆုံးအဆင့် ရွေးချယ်ပွဲအား အောင်မြင်စွာ ပြုလုပ်နိုင်ခြင်းကို ဂုဏ်ယူပါကြောင်း၊ အာဆီယံ၏ ရှေ့လုပ်ငန်းစဉ်များ အတွက် စီမံကိန်းများနှင့် ဘတ်ဂျက်ဆိုင်ရာ များ ကို ဆွေးနွေး ဆုံးဖြတ်ကြ စေလိုကြောင်း၊ အာဆီယံ အိုင်စီတီ ၂ဝ၁၅ ခုနှစ် စီမံကိန်း၏ အချိန်နှင့် တစ်ပြေးညီ အကောင် အထည်ဖော်မှုကို ယခု အစည်းအဝေးမှ ဆက်လက် ထိန်းသိမ်း ဆောင်ရွက်သွားမည်ဟု မျှော်လင့်ပါကြောင်း။

အမျိုးသမီးငယ် တစ်ဦး ကာဘော်လစ်ဆီသောက် သေဆုံး

ရန်ကုန် ၊အောက်တိုဘာလ ၃

သံလျင် မြို့နယ် ဖားကူး ကျေးရွာတွင် အသက် ၁၇ နှစ်အရွယ် မိန်းကလေးတစ်ဦး ကာဘွန်လစ်ဆီ သောက်၍ သေဆုံးခဲ့သော ဖြစ်စဉ်တစ်ခု အောက်တိုဘာလ ၁ ရက်နေ့ နံနက်ပိုင်းက ဖြစ်ပွားခဲ့ကြောင်း ရန်ကုန်တိုင်း ဒေသကြီး ရဲတပ်ဖွဲ့မှူးထံမှ စုံစမ်းသိရှိရသည်။
...
အဆိုပါမိန်းကလေးမှာ ဖားကူးကျေးရွာတွင်နေထိုင်ကာ ဈေးရောင်း လုပ်ကိုင်သူ တစ်ဦး ဖြစ်ပြီး၊ ချစ်သူဖြစ်သူက

မကြာခင်ရက်ပိုင်းအတွင်းက လမ်းခွဲခဲ့ကြောင်း၊

SKY Net လိုင်း ၁၁လိုင်းလုံးမရသေး

ရန်ကုန် အောက်တိုဘာ ၃
ှ
Sky Net ရုပ်သံလိုင်းမှ ယခုလ ၁ရက်နေ့တွင် ရုပ်သံလိုင်း ၁၁လိုင်းတိုးချဲ့ပြသမည်ဟုထုတ်ပြန်ထားသော်လည်း လက်ရှိတွင် ရုပ်သံလိုင်း သုံးလိုင်းသာထုတ်လွှင့်နေကြောင်းသိရသည်။
အောက်တိုဘာလ ၁ရက်နေ့ မှ စ

တင်၍ Thaicoms ဂြိုလ်တုမှ Apstar 7 ဂြိုလ်တုသို့ပြောင်းလဲ တပ်ဆင်သူများအား ရုပ်သံကြည့်ရှု့ခွင့် အခမဲ့တစ်လနှင့် ရုပ်သံလိုင်း ၁၁လိုင်းအား တို့ချဲ့ကြည့်ရှုခွင့် ပေးမည်ဟု Sky Net မှ စက်တင်ဘာလတွင် ပြုလုပ်ခဲ့သော သတင်းစာရှင်းလင်းပွဲ ၌ ပြောကြားခဲ့သည်။

တိုးချဲ့ပြသနိုင်ခြင်းမရှိဘဲ Nickelodeon ,MTV SEA နှင့် MU tv ရုပ်သံလိုင်း သုံးလိုင်းကိုသာထုတ်လွှင့်ထားသည်။ယင်းသို့ ထုတ်လွှင့်ပေးရာတွင်လည်း Auto Scan ပြုလုပ်မှသာကြည့်ရှုနိုင်သည်။

အဓိကရုဏ်းကြောင့် လူသေဆုံးခဲ့သည့် ရှားခဲကြီးအင်း အများလုပ်ကိုင်နိုင်အောင် လေလံကြေးလျော်ပြီ

အဓိကရုဏ်းကြောင့် လူ သုံးဦး သေဆုံးခဲ့သော ရှားခဲကြီးအင်းကို အများလုပ်ကိုင်နိုင်သည့် ဘုံစားအင်းအဖြစ်သို့ သတ်မှတ်ပေးလိုက်သည်ဟု ဧရာဝတီတိုင်းဒေသ ကြီးဝန်ကြီးချုပ် ဦးသိန်းအောင်က ပြောသည်။

စက်တင်ဘာ ၂၇ ရက်နေ့တွင် ကျုံပျော်မြို့နယ်၊ ရှားခဲကြီး အင်း ကျေးရွာ၌ ဒေသခံရေလုပ်သားများ နှင့် လေလံအောင်ထားသည့် ဝိုင်း ဝိုင်းလည် က

ုန်ထုတ်သမအသင်း တို့ကြား ရှားခဲကြီးအင်း လုပ်ကိုင် ခွင့်အပေါ် အခြေခံ၍ အဓိကရုဏ်း ဖြစ်ပွားခဲ့ရာလူသုံးဦး သေဆုံး၍ နှစ်ဦးဒဏ်ရာ ရရှိခဲ့သည်။စက်တင်ဘာ ၂၈ ရက်နေ့ နံနက်ပိုင်းတွင် ဝန်ကြီးချုပ် ဦးသိန်း အောင်နှင့် အဖွဲ့သည် ရှားခဲကြီး၊ ရှားခဲလေးရွာသို့ ရောက်ရှိလာပြီး ဘုံစားအင်းအဖြစ် လုပ်ကိုင်ခွင့်ပြု မည် ဖြစ်ကြောင်း၊ ပြဿနာများနှ င့် သေဆုံးမှု အပေါ် တရားဥပဒေအ တိုင်းဖြေရှင်းသွားမည်ဟု အေးအေး ချမ်းချမ်း ဖြေရှင်းကြရန် ပြောကြားခဲ့ ကြောင်း ဒေသခံတစ်ဦးက ပြော သည်။ ”ဘဏ္ဍာငွေ နစ်နာရင် နစ်နာ ပါစေ။ လေလံအောင်ထားတဲ့သူကို ၆၅ သိန်း ပေးလျော်ပြီးဖြစ်ပွားပြီး နောက်ရက်အတွင်းမှာပဲ ဘုံစားအင်း အဖြစ် သတ်မှတ်ပေးခဲ့ပါတယ်” ဟု ဝန်ကြီးချုပ်က ပြောသည်။

ကေအိုင်အေ ပြန်ကြားရေးမှူး ဦးလနန်နှင့် တွေ့ဆုံခြင်း



'ပြည်တွင်းမှာဖြစ်နေတဲ့ ဆယ်စုနှစ်ချီတဲ့ ပြည်တွင်းစစ်တွေဟာ နိုင်ငံရေးပြဿနာလို့ပဲ ပြောလို့ရတယ်။ တိုင်းရင်းသားတွေ ကိစ္စဟာလည်း နိုင်ငံရေးပြဿနာပါ' မေး - ကေအိုင်အေနှင့် တပ်မတော်ကြား ၁၉၉၄ မှ အပစ်အခတ် ရပ်စဲလာတယ်။ ၂၀၁၁ ဇွန်မှာ တိုက်ပွဲတွေပြန်ဖြစ်လာတယ်။ ဘာကြောင့်ပါလဲ။ ဖြေ - တိုက်ပွဲကတော့ ၂၀၁၁ ဇွန်လမှာ ပြန်ဖြစ်လာတယ်ဆိုပေမယ့် တစ်ချိန်ချိန်မှာ ပြန်ဖြစ်မယ်ဆိုတဲ့ လမ်းကြောင်းကိုသွားနေတယ်။ အစိုးရကနေပြီးတော့ တော်လှန်ရေးအဖွဲ့ အစည်းတွေကို နိုင်ငံရေးနဲ့ ဖြေရှင်းတဲ့ ကဏ္ဍမရှိဘဲနဲ့ စစ်ရေးနဲ့ပဲ တော်လှန်ရေး အဖွဲ့အစည်းကိုင်ထားတဲ့ လက်နက်ကို ဘယ်လိုသိမ်းဆည်းမလဲ ဆိုတဲ့ပုံစံနဲ့ပဲ ငြိမ်းချမ်းရေးကို ချဉ်းကပ်တယ်။ အဲဒါကြောင့်ပဲ တိုက်ပွဲတွေ ပြန်ဖြစ်ပါတယ်လို့ ပြောရမှာပါ။ မေး - အခုလောလောဆယ်ဆယ် အစိုးရနဲ့ ဆရာတို့ လက်နက်ကိုင်အဖွဲ့အစည်းတွေ ကွဲလွဲနေတဲ့ အချက်တွေက ဘယ်နှစ်ချက်လောက်ရှိပါသလဲ။ ဖြေ - အစိုးရစစ်တပ်ဟာ ကချင်ပြည်နယ်အတွင်းမှာ ဖြစ်နေတဲ့ ပြည်တွင်းစစ်ပြဿနာရဲ့ အကြောင်းတရားကို အဓိကမထားဘဲနဲ့ လက်နက်ကိုဘယ်လိုဖြုတ်သိမ်းမလဲဆိုတဲ့ ကိစ္စကပထမအချက်ပါ။ တိုင်းရင်းသားလက်နက်ကိုင် အဖွဲ့အစည်းတွေ အမြဲတမ်းပြောနေတဲ့အချက်ကတော့ နိုင်ငံရေးပြဿနာဖြစ်တဲ့အတွက်ကြောင့်မို့ နိုင်ငံရေးနည်းလမ်းနဲ့ မှန်မှန်ကန်ကန်ဖြေရှင်းရမယ်ဆိုတဲ့ အချက်ကအဓိကပါ။ နိုင်ငံရေးကိစ္စနဲ့ ဖြေရှင်းမယ်ဆိုတဲ့နေရာမှာ တိုင်းရင်းသားတွေပြောဆိုနေတဲ့ နိုင်ငံရေး ဖြေရှင်းပုံနည်းလမ်းတော့ ရှိပါတယ်။

အနာဂတ်မဲ့ နေလောင်ပန်းလေးများ

ရန်ကုန်ဘူတာကြီး၏ နံနက် ခင်းသည် ထုံးစံအတိုင်း ရှုပ်ယှက် ခတ်လှုပ်ရှားနေသည်။ မြို့ပတ်ရ ထားက ရှုးရှုးရှဲရှဲဖြင့် ထိုးဆိုက် လာသည်နှင့် လူများစွာ ဝေါခနဲ က တိုက် ကရိုက်ဆင်းလာကြသည်။ ဒီ မြင်ကွင်းက မထူးဆန်းပါ။ဘူတာ ကြီးသို့ ဝင်ထွက်သွား လာဖူးသူများအတွက် နည်းနည်းမှ မထူးဆန်း။
 အကယ်၍ ထိုခရီးသည်များ ကြား သင်ဂရုတစိုက် စောင့်ကြည့် နိုင်မည်ဆိုပါက ဆံပင် ဘုတ်သိုက်၊ ညစ်ပေဟောင်းနွမ်းသော အဝတ် အစားများဖြင့် အသက်ဆယ်နှစ် ဝန်းကျင် ကလေးငယ်များကို တွေ့ ရမည်ဖြစ်သည်။ ရထားဆိုက်သည် နှင့် သူတို့ကလေးတစ်စု အလုအ ယက် ဆင်းကြမည်။ သို့သော် သူတို့လက်ဗလာသက်သက်တော့ မဟုတ်။ အထုပ်ငယ်လေးများကို ခေါင်းပေါ်ရွက်ကာ တစ်စုစီ တစ်နေ ရာစီ ဦးတည်သွားကြမည်။ တကယ်တော့ ထိုကလေးငယ် များသည် ရန်ကုန်မြို့အနှံ့ တောင်း ရမ်းစားသောက်ရန်အတွက် ဆင် ခြေဖုံးရပ်ကွက်များမှ နေ့စဉ်နံနက် တိုင်းရထားစီးကာ လာကြခြင်း ဖြစ်ပြီး သူတို့ရွက်ထားသော အထုပ် ငယ်များမှာ အိုးတိုက်ဖွဲပြာ များဖြစ် ပြီး သူတို့အတွက်အကာအကွယ် ဖြစ်သည်ဟု မြောက်ဒဂုံ ၄၈ ရပ် ကွက်တွင် နေထိုင်ပြီး အသက် ၅ နှစ်အရွယ်ရှိ မောင်ငယ်ကို လက်ဆွဲ ကာ လိုက်လံ တောင်း ရမ်းးနေသည့် အသက် ၉ နှစ်ရှိ မပုံပုံက ပြော သည်။