ကယ်လီဖိုးနီးယား ပင်လယ်ကွေ့မှ မျက်တစ်လုံးငါး

ကယ်လီဖိုးနိးယား ပင်လယ်ကွေ့မှာ တံငါသည် တစ်ဦး ဖမ်းဆီးရမိခဲ့တဲ့ ငါး ဖြစ်ပြီး ငါးမန်းအမျိုးအစား ဖြစ်ပါတယ်။

၂၂ လက်မ အရှည်ရှိပြီး သက်ရှိတွေမှာ ဖြစ်တတ်တဲ့ Cysclops အမည်ရ ချို့ ယွင်းချက် ဖြစ်နေခြင်း ဖြစ်ပါတယ်။ ယင်းချို့ ယွင်းချက်က မွေးကတည်းက မျက်လုံး တစ်လုံးတည်းပဲ ပါရှိစေပြီး သက်ရှိတွေကိုမွေးဖွား လာခြင်း ဖြစ်ပါ တယ်။ ယင်းထဲမျာ ငါးမန်းတစ်ကောင် အနေနဲ့ ယခုလို မွေးဖွားတယ်ဆိုတာ အင်မတန်ရှားပါး ပါတယ်။ သက်ရှိထင်ရှား ရှိပြီး မျက်လုံး တစ်လုံးတည်း ပါဝင်တဲ့ ငါးမန်း အထီး ဖြစ်ပါတယ်။ အရည်ခွံဟာလည်း ဖြူနေပြီး အမြင်မှာ တင် ထူးခြားနေပါတယ်။

ယင်းကဲ့သို့ မျက်လုံး တစ်လုံးတည်း ပါဝင်တဲ့ ငါးများကို ယခင်ကလည်း များစွာ ဖမ်းဆီး ရမိဖူးပြီး သုတသန ပြုလုပ်လျက် ရှိကြောင်း သိရ ပါတယ်။
.
Ref: dyknow
အောင်ခမ်း

အင်းလေးမီဒီယာ

ပင်စင်စား ဝန်ထမ်းများကို တန်ဖိုးနည်းဖုန်း ခွဲဝေပေးရန် အခက်အခဲရှိဟုဆို

မော်လမြိုင်၊ ဇန်နဝါရီ ၂၆

ဆက်သွယ်ရေးနှင့် သတင်းအချက်အလက် နည်းပညာဝန်ကြီးဌာန မြန်မာ့ ဆက်သွယ်ရေး လုပ်ငန်းက၂၀၁၄ ခုနှစ် ဇန်နဝါရီလ၂၄ ရက်နေ့တွင် နဝမအကြိမ် ချထားပေးမည့် တန်ဖိုးနည်း ဖုန်းအလုံးရေ ၃၅၀,၀၀၀ အနက် သက်ပြည့် ပင်စင်ခံစား လျက်ရှိသည့် အငြိမ်းစားများအတွက် တန်ဖိုးနည်း WCDMA ဖုန်းအလုံးရေ ၅၀၀၀၀ ခွဲဝေပေးမည်ဟု ကြေညာထားသော်လည်း ပင်စင်စား ဝန်ထမ်းများကို ဆက်သွယ်ရန် အခက်အခဲ ရှိခြင်းကြောင့် ဖုန်းခွဲဝေမှုအတွက် အခက်အခဲ ရှိနိုင်ကြောင်း မွန်ပြည်နယ် အစိုးရရုံးမှ တာဝန်ရှိသူ တစ်ဦးက ပြောကြားသည်။

ပင်စင်စား ဝန်ထမ်းများကို ဖုန်းခွဲတမ်း ပေးအပ်ရာတွင် ၎င်းတို့ တာဝန်ထမ်းဆောင်ခဲ့သည့် ဌာနများက တာဝန်ယူ ပေးမည် ဆိုပါကလည်း ဖျက်သိမ်းလိုက်ပြီ ဖြစ်သော ဌာနများမှ ပင်စင်စား ဝန်ထမ်းများကို ဆက်သွယ်ရန် ခက်ခဲသွားပြီ ဖြစ်ကြောင်း မွန်ပြည်နယ် ဘဏ္ဍာရေးနှင့် အခွန်ဝန်ကြီး ဒေါက်တာခင်မောင်သွင်က သုံးသပ် ပြောဆိုသည်။

မုံရွာမြို့ပေါ်တွင် ဆိုင်ကယ်စီး၍ ပိုက်ဆံအိတ်လိုက်လံ လုယက်သူများကို အလုပ်နှင့်ထောင်ဒဏ် ၂၁ နှစ်ချမှတ်

သတင်း + ဓာတ်ပုံ = ကိုတိုးကြီး (Facebook)

စစ်ကိုင်းတိုင်း၊ မုံရွာမြို့ပေါ်တွင် ညအချိန် ဆိုင်ကယ်စီးနင်း၍ သွားလာလျက်ရှိသော အမျိုးသမီးများထံမှ လက်ကိုင်ပိုက်ဆံ အိတ်များကို ဆိုင်ကယ်စီး လူငယ်တစ်စုက လိုက်လံလုယက်လျက်ရှိရာ ရဲတပ်ဖွဲ့ဝင်များမှ အဆိုပါ လုယက်လူငယ်တစ်စုအား အချိန်မီဖမ်းဆီးပြီး တရားစွဲဆိုနိုင်ခဲ့သည့်အတွက် တရားရုံးက ကြားနာစစ်ဆေးပြီးနောက် ယခုလ ၂၂ ရက်နေ့က အလုပ်နှင့် ထောင်ဒဏ်များကို သိးခြားစီးချမှတ်လိုက်ပြီးဖြစ်ကြောင်း မုံရွာမြို့နယ်ရဲတပ်ဖွဲ့မှူး ရဲမှူး ကြူအင်းက ပြောသည်။

အဆိုပါ ဆိုင်ကယ်စီးလုယက် လူငယ်အဖွဲ့သည် ၂၀၁၃ ခုနှစ်၊ စက်တင်ဘာ ၂၈ ရက်နေ့ည ၈ နာရီက မုံရွာပြည်သူ့ဆေးရုံ ကြီးတွင် တာဝန်ထမ်းဆောင်လျက်ရှိသော ဒေါက်တာ ဒေါ်ဖြိုးသန္တာသိန်းသည် တာဝန်ချိန်ပြီးဆုံး၍ ဆိုင်ကယ်စီး၍ နေအိမ်သို့ အပြန်လမ်းခရီးတွင် လိုက်ကိုင်ပိုက်ဆံအိတ်အား လုယက်ခံရသည့်အတွက် မုံရွာမြို့မရဲစခန်းတွင် သွားရောက်တိုင်တန်းခဲ့ရာ ရဲစခန်းက(ပ) ၆၀၂/ ၂၀၁၃ ပြစ်မှု ပုဒ်မ ၃၈၂ အရ အမှုဖွင့်လက်ခံခဲ့သည်။
ထို့နောက် ၂၀၁၃ ခုနှစ်၊ ဒီဇင်ဘာလ ၅ ရက်ည ၁၁ နာရီက မုံရွာမြို့၊ ဒေါနခြံရပ်ကွက်နေ ပရဟိတ ပညာရေးဒါန ကျူရှင်ဆရာ မ ဒေါ်သီတာဝင်းသည် စာသင်ချိန်ပြီးဆုံး၍ နေအိမ်သို့ ဆိုင်ကယ်စီး၍ ပြန်လာစဉ် သူမ၏ လက်ကိုင်ပိုက်ဆံအိတ်အား
ဆိုင် ကယ်စီး လူငယ်တစုမှ လုယက်ခဲ့ကြောင်း မုံရွာမြို့မရဲစခန်းတွင် သွားရောက်တိုင်တန်းခဲ့ရာ ရဲစခန်းက(ပ) ၆၀၀/ ၂၀၁၃ ပြစ်မှု ပုဒ်မ ၃၈၂ အရ အမှုဖွင့်လက်ခံခဲ့သည်။

ပလောင် လက်နက်ကိုင်တပ်ဖွဲ့နဲ့ အစိုးရ စစ်တပ် တိုက်ပွဲတွေဖြစ်နေ

ရှမ်းပြည်မြောက်ပိုင်း မြို့နယ်တချို့၌ စိုက်ပျိုးထားသည့် ဘိန်းခင်းများအား ဖျက်ဆီးနေစဉ် တအာင်း (ပလောင်) အမျိုးသား လွတ်မြောက်ရေး တပ်မတော် (TNLA) နှင့်အစိုးရ တပ်တို့ တိုက်ပွဲများ ဖြစ် ပွားကြောင်း သိရသည်။ 

TNLA တပ်ရင်း ၁၁၂ တပ်ဖွဲ့ဝင် တချို့ကိုရှေ့တန်း စစ်မြေပြင်တွင် တွေ့ရစဉ် (ဓာတ်ပုံ – ကျော်ခ / ဧရာဝတီ)

နမ့်ဆမ်၊ ကျောက်မဲ၊ မိုးမိတ်၊ ကွတ်ခိုင် စသည့် မြို့နယ်များရှိ ဘိန်းခင်းများကို TNLA တပ်ဖွဲ့ဝင်များက ဖျက်ဆီး နေစဉ် အစိုးရ တပ်မတော် တပ်ရင်း ၅၀၆ တပ်၏ စစ်ကြောင်းမှ ထိုးစစ် ဆင်လာသည့်အတွက် ဇန်န၀ါရီလ ၂၅ ရက်နေ့က နှစ်ဘက် အကြား ထိပ်တိုက်တွေ့၍ တိုက်ပွဲ ဖြစ်ပွားရခြင်း ဖြစ်ကြောင်း TNLA က ဆို သည်။ 

“ဘိန်းခင်းတွေ ဖျက်ဆီးတဲ့ ရာသီဆိုတော့ ကျနော်တို့ တပ်ဖွဲ့က အဲဒီနယ်မြေထဲက ဘိန်းခင်းတွေကို ဖျက်ဆီးနေတုန်း အစိုးရ စစ်တပ်က ထိုးစစ်ဆင်လာလို့ ထိပ်တိုက်တွေ့ ပြီး တိုက်ပွဲဖြစ်ရတာပါ” ဟုTNLA 
ဲပြန်ကြားရေး တာဝန်ခံ မိုင်းအိုက်ကျော် က ဧရာဝတီ ကို ပြောသည်။ 

TNLA တပ်ဖွဲ့ဝင်များသည် ဘိန်းခင်းများအား ဖျက်ဆီးနေရခြင်းကြောင့် ထိုဒေသ တ၀ိုက်တွင် သွားလာ လှုပ်ရှားမှုများ ရှိ ကြောင်း၊ ထို့အတူ အစိုးရ တပ်များကလည်း ၎င်းတို့တည်ရှိရာ နယ်မြေများကို ရောက်ရှိ လာ သည့်အတွက် မကြာခဏ တိုက် ပွဲများ ဖြစ်ပွားနေ ရကြောင်း သိရသည်။ 

မောင်တော အကြမ်းဖက်ခံရမှု စုံစမ်းရန် ICG တိုက်တွန်း

ရခိုင်ပြည်နယ်၊ ဒုက္ခသည်စခန်းတခုအတွင်းမှ အမျိုးသမီးနှင့် ကလေးတဦး (ဓာတ်ပုံ – ဂျေပိုင် / ဧရာဝတီ)

ရခိုင်ပြည်နယ်၊ မောင်တောမြို့ ဒုချီးရားတန်းရွာတွင် ဖြစ်ပေါ်ခဲ့သည့် အကြမ်းဖက်မှုနှင့် ပတ်သက်ပြီး အငြင်းပွားဖွယ် ဖြစ်နေချိန်၌ မြန်မာအစိုးရနှင့် လက်တွဲ ဆောင်ရွက်နေသည့် ဘယ်ဂျီယံနိုင်ငံ ဘရပ်ဆဲလ်မြို့ အခြေစိုက် နိုင်ငံတကာ ပဋိပက္ခများ လေ့လာစောင့်ကြည့်ရေး အဖွဲ့ (ICG) က ပွင့်လင်းမြင်သာသည့် စုံစမ်းမှု တခု အမြန်ဆုံး လုပ်ဆောင်ရန် တိုက်တွန်းလိုက်သည်။
ဒုချီးရားတန်းရွာ၌ ရဲတပ်ကြပ်ကြီး တဦး သေဆုံးမှု အပါအ၀င် မွတ်စလင် ၄၀ ဦးကျော် သေဆုံးမှုတွင် ရာဇ၀တ်မှု ကျူးလွန်သူ အားလုံးကို မြန်မာ အစိုးရ အနေဖြင့် ထိထိရောက်ရောက် စုံစမ်း အရေးယူပေးရန် ICG က တိုက်တွန်းခြင်း ဖြစ်သည်။
ICG ၏ ယခု သတင်းထုတ်ပြန်ချက်သည် အကြမ်းဖက်မှု ဖြစ်ပွားခဲ့ရာ ဒေသသို့ သွားရောက်ခဲ့သူများ အပါအ၀င် ယင်းအဖြစ်အပျက်နှင့် ပတ်သက်ပြီး မျက်မြင်သက်သေများနှင့် မေးမြန်း ပြောဆိုမှုပြီးနောက် မှတ်တမ်းဓာတ်ပုံ တချို့ပါ ရရှိခဲ့သောကြောင့် ဇန်န၀ါရီလ ၉ ရက်က ၁၃ ရက်အတွင်း အကြမ်းဖက်မှု ဖြစ်ရပ်တွင် လူပေါင်း ၄၉ ဦး ၀န်းကျင် အသတ်ခံခဲ့သည်ကို ယုံကြည်ရကြောင်းကို ယမန်နေ့ ရက်စွဲဖြင့် ထပ်မံ ထုတ်ဖော် ပြောဆိုခြင်း ဖြစ်သည်။
ICG ၏ စုံစမ်းမှုများ အရ သေဆုံးသူများထဲတွင် အမျိုးသမီးနှင့် ကလေးငယ်များ ပါဝင်ပြီး ရဲတပ်ဖွဲ့က အဆိုပါ လူသတ်မှု တချို့ကို ကျူးလွန်ခဲ့ကြောင်း သတင်းထုတ်ပြန်ချက်တွင် ထည့်သွင်း ဖော်ပြထားသည်။
ကုလသမဂ္ဂ အပါအ၀င် နိုင်ငံတကာ အဖွဲ့အစည်းများက အဆိုပါ အကြမ်းဖက်မှု အပေါ် အမှုမှန် ပေါ်လာရေး အမြန်ဆုံး ဆောင်ရွက်မှု ပြုရန် တိုက်တွန်းထားသော်လည်း မြန်မာ အစိုးရက ယင်းဖြစ်ရပ်သည် ဟုတ်မှန်ခြင်း မရှိကြောင်း ငြင်းဆိုဆဲ ဖြစ်သည်။

ပါရမီကားနှစ်စီး အပြိုင်မောင်းရာမှ ဓာတ်တိုင်ဝင်တိုက် ကျိုးသွားသည့် ဓာတ်တိုင် နောက်မှ ပါရမီကားပေါ်လဲကျ

ရန်ကုန်တိုင်းဒေသကြီး မရမ်းကုန်း မြို့နယ် ရန်ကုန်-အင်းစိန် လမ်းမကြီး ဘုရားလမ်းမှတ်တိုင်အနီး၌ ဇန်န၀ါရီ ၂၆ ရက် နံနက် ၁၁ နာရီ ၁၅ မိနစ် ၀န်းကျင်က ပါရမီ ခရီးသည်တင်ကားနှစ်စီး အပြိုင် မောင်းရာမှ ရှေ့ကားက ဓာတ်တိုင် ၀င်တိုက်မိပြီး မောင်းပြေးသွားရာ နောက်ကား ပေါ်သို့ ဓာတ်တိုင်လဲကျသည့် ယာဉ်မတော်တဆမှု ဖြစ်ပွားခဲ့သည်။

ရန်ကုန်-အင်းစိန် လမ်းမကြီး အတိုင်းမြောက်မှတောင်သို့ ပါရမီ (၁၇၄) ယာဉ်နှစ်စီးသည် အပြိုင်မောင်းနှင်ရာမှ (၁၇၄) ယာဉ်အမှတ် ၂ဂ/၄၅၈၃ သည် ဘုရားလမ်းမှတ်တိုင်အနီးတွင် လမ်းလယ်ကျွန်း ဓာတ်တိုင်အား အရှိန်မထိန်းနိုင်ဘဲဝင်တိုက်မိပြီး ဓာတ်တိုင်လဲကျသော်လည်း
ဆက်လက်မောင်းနှင်သွားရာနောက်မှ ကပ်ပါလာသော (၁၇၄)ယာဉ်အမှတ် ၇ခ/၇၉၄၀ ပေါ်သို့ ဓာတ်တိုင်လဲပြိုကျခဲ့ခြင်းဖြစ်သည်။

ဖက်ရှင်အဆန်းအပြားနဲ့ ဂီတလောကသားတွေ စုံစုံညီညီတက်ရောက်ခဲ့ကြတဲ့ ဂရမ်မီဆုပေးပွဲ

ထက်ဆု on 2014-01-27 17:08

ဒီရက်ပိုင်းအတွင်းမှာ လူပြောများပြီး ရေပန်းစားနေတဲ့ ဂရမ်မီဆုပေးပွဲနဲ့ ပတ်သက်လို့ ဖက်ရှင်ပိုင်း အမြင်လေးတွေ တင်ဆက်ပေးပါဦးမယ်။ ဒီထဲမှာ highlight လုပ်ထားတဲ့ Katy Perry ရဲ့ ပွဲတက်စတိုင် ၊ Beyonce နဲ့ Pink တို့ရဲ့ သရုပ်ဖော်ပြကွက်တွေလည်း ပါပါတယ်။
          အားလုံးသိချင်နေကြမယ်လို့ထင်တဲ့ နာမည်ကြီးတချို့ရဲ့ ဖက်ရှင်ပိုင်းနဲ့ performance ပြကွက် လေးတွေကို တင်ဆက်ပေးပါမယ်။
၁။ Beyonce နဲ့ Jay Z တို့ရဲ့ ၀တ်စုံကို ပုံဖော်ပေးထားတာ Micheal Costello ပဲဖြစ်ပါတယ်။ ဒီအဖြူရောင် ၀တ်စုံဟာ Beyonce ရဲ့ အလှအပတွေကို ဖော်ပြနိုင်ရုံသာမက သူမနဲ့လည်း အလွန်လိုက်ဖက်ပါတယ်။

၂။ Taylor Swift ရဲ့ သရုပ်ဖော်တင်ဆက်မှု စတိုင်ပါ။

ကျောက်ကပ်တစ်လုံးပေးအပ်ပြီး ခင်ပွန်းကို ကယ်တင်ခဲ့တာတောင် ခင်ပွန်းရဲ့ စွန့် ခွာခြင်းကို ခံခဲ့ရသူ

Angel on 2014-01-27 13:34

Andy Lamb  ဟာ ကျောက်ကပ်အလုပ်မလုပ်တော့တဲ့ ရောဂါကြောင့် သေလုမျောပါးဖြစ်နေခဲ့ပြီး  ၊ ကျောက်ကပ်ကို ဆေးကြောပေးတဲ့ ကုထုံးတွေနဲ့ သာ အသက်ဆက်ရှင်နေခဲ့ရတာပါ။ ဒါပေမယ့် အန်ဒီရဲ့ မိန်းမ စမန်သာ ဟာ သူမရဲ့ ကျောက်ကပ်တစ်လုံးကို လက်ခံဖို့ အန်ဒီကို နားချတာ အောင်မြင်ခဲ့ပြီးတဲ့နောက် အန်ဒီဟာ လူကောင်းပကတိ ပြန်ဖြစ်လာခဲ့ပါတယ်။
အသက် ၄၁ နှစ်အရွယ် ရှိပြီ ဖြစ်တဲ့ စမန်သာဟာ ဒီ အစားထိုးခွဲစိတ်မှုကို ခံယူဖို့  ကျန်းမာကြံ့ခိုင်ကြောင်း ပြဖို့  အတွက် ကိုယ်အလေးချိန် သုံးစတုံ အထိ ချခဲ့ရတာပါ။  ဒီစုံတွဲ ရဲ့ ချစ်ခြင်းမေတ္တာဇာတ်လမ်းကို BBC ရုပ်သံလိုင်းကတောင် မှတ်တမ်းတင်ရိုက်ကူးခဲ့ပါသေးတယ်။ ဒါပေမယ့် လည်း သူတို့ နှစ်ယောက်ရဲ့ အချစ်ဇာတ်လမ်းဟာ မတည်မြဲခဲ့ပါဘူး။
အန်ဒီရဲ့ အသက်ကို ကယ်တင်နိုင်ခဲ့ပြီး နှစ်အနည်းငယ်အကြာ ၂၀၁၂ ခုနှစ် သြဂတ်စ် လမှာ အန်ဒီဟာ စမန်သာ ကို စွန့် ခွာသွားခဲ့ပြီး သူတို့ နှစ်ယောက်ရဲ့ အိမ်ထောင်ရေးကို ဆုံးခန်းတိုင်စေခဲ့ပါတယ်။
ဒေဗွန်ကောင်တီ ၊ အိုင်ဗွီဘရစ်ခ်ျ မြို့ ငယ်လေးမှာ နေထိုင်တဲ့ သူတို့ စုံတွဲဟာ လူနာတင်ယာဉ်မောင်း အဖြစ် အလုပ်လုပ်ကိုင်နေကြတုန်း မှာ တွေ့ ဆုံခဲ့ကြတာဖြစ်ပြီး ပထမဆုံး ချိန်းတွေ့ မှုကို ၂၀၀၄ ခုနှစ်မှာ ပြုလုပ်ခဲ့ပါတယ်။ ၂၀၀၇ ခုနှစ်မှာ လက်ထပ်ခဲ့ကြပြီး အောက်တိုဘာ ၂၀၀၉ မှာ စမန်သာရဲ့ ကျောက်ကပ်တစ်လုံးကို အန်ဒီ အသက်ရှင်ဖို့ အစားထိုးပေးအပ်ခဲ့တာပါ။

အကွက်မျက်ခံရတဲ့ ဦးလေးရဲ့မိသားစုဝင်တွေ (ကလေးငယ်များအပါအ၀င်) ကိုအိမ်တွေထဲကဆွဲထုတ်ပြီးပစ်သတ်စေခဲ့တဲ့ မြောက်ကိုရီးယားခေါင်းဆောင်

Jack the Ripper on 2014-01-27 17:10

-       ဦးလေးဖြစ်သူဂျန်ဆောင်သက် ရဲ့သားသမီး၊ ညီအစ်ကိုတွေနဲ့ မြေးတော်စပ်သူတွေသေဆုံးခဲ့ပြီဖြစ်
-       မိသားစုတစ်ခုလုံးရှင်းလင်းသုတ်သင်ခံရမှုအဖြစ်  တောင်ကိုးရီးယားသတင်းဌာနကအစီရင်ခံ

ကင်ဂျုံအွန်ရဲ့ ကွက်မျက်ခံခဲ့ရတဲ့ဦးလေးရဲ့ဆွေမျိုအရင်းအချာများကို အမိန့်အရသုတ်သင်လိုက်ပြီဖြစ်ကြောင်းကြေငြာခဲ့ပါတယ်။
ဂျန်ဆောင်သက်ရဲ့သားသမီး၊ညီအစ်ကိုများနဲ့ မြေးတော်စပ်သူများကိုကွက်မျက်ဖို့အမိန့်ပေးခဲ့တာဖြစ်ကြောင်း တောင်ကိုးရီးယားနိုင်ငံက မီဒီယာတစ်ခုကအစီအရင်ခံတဲ့သတင်းတစ်ခုအရသိရပါတယ်။
အသက် ၆၇ နှစ်အရွယ် ဂျန်ကို ကွန်မြူနစ်စနစ်ပပျောက်ရေးကြံစဉ်မှုနဲ့ စွပ်စွဲပြီး ပြီးခဲ့တဲ့လက ကွက်မျက်ခဲ့တာဖြစ်ပါတယ်။
အဲဒီ့မိသားစုဝင်တွေအသက်ခံရတဲ့အချိန်ကိုတော့ ရှင်းရှင်းလင်းလင်မသိသေးပေမယ့် ဂျန်ကို ကွက်မျက်ခဲ့တဲ့ ဒီဇင်ဘာ ၁၂ ရက်နေ့နောက်ပိုင်းမှာ သေဒဏ်ပေးခဲ့တယ်လို့ယုံကြည်ရကြောင်း အတွင်းသိတွေက Yohap သတင်ဌာနကိုပြောပါတယ်။
အဲဒီ့ဆွေမျိုးတော်စပ်သူတွေထဲကအချို့ကို သူတို့ရဲ့နေအိမ်တိုက်ခန်းထဲကဆွဲထုတ်ဖမ်းဆီးခဲ့တာဖြစ်ပြီး လိုက်ပါရန်ငြင်းဆန်တဲ့သူတွေကို ပစ္စတိုသေနတ်နဲ့ ပစ်သတ်ခဲ့တယ်လို့ဆိုပါတယ်။
အဆိုပါသတင်းများအရ အကွက်မျက်ခံရသူတွေထဲမှာ ဂျန်နဲ့ မောင်နှမတော်စပ်သူ ဂျန်ဂျယ်ဆွန်းနဲ့ သူမရဲ့ခင်ပွန်းနဲ့ ကျူးဘားနိုင်ငံဆိုင်ရာသံအမတ်ဖြစ်သူ ဂျုံယောင်ဂျင်း၊ ဂျန်ရဲ့တူဖြစ်သူ မလေးရှားနိုင်ငံဆိုင်ရာသံအမတ် ဂျန်ယောင်ချိုး နဲ့သူ့သားနှစ်ဦးတို့ပါဝင်ပါတယ်။
ဂျန်ရဲ့သားသမီးတွေနဲ့ မြေးတော်စပ်သူတွေလဲ အသက်ခံခဲ့ရတယ်လို့ဆိုပါတယ်။
ကလေးသူငယ်တွေအပါအ၀င် ဂျန်ရဲ့ဆွေမျိုးတွေအားလုံးအသက်ခံခဲ့ရတာဖြစ်တယ်လို့ အတွင်းသိတစ်ယောက်က အဲဒီ့သတင်းဌာနကိုပြောပြပါတယ်။

အမျိုးသားများ၏ ဆီးလမ်းကြောင်း ပြဿနာအဖြာဖြာ

Q. ဆီးကျိတ်ကင်ဆာ အကြောင်းရှင်းပြပါ။

A. ဆီးကျိတ်မှာ ကင်ဆာဖြစ်တာကို ဆီးကျိတ်ကင်ဆာလို့ ခေါ်ပါတယ်။ အစာအိမ် ဒါမှမဟုတ် အူမကြီး ကင်ဆာလောက် ကြီးထွားနှုန်း၊ ပျံ့နှံ့နှုန်းမြန်ဆန်မှု မရှိပါဘူး။ သူကြီးထွားဖို့ဟာ အမျိုးသား ဟော်မုန်းပေါ်မှာ မူတည်ပါတယ်။ ဆီးကျိတ်ကင်ဆာဟာ စင်ကာပူနိုင်ငံမှာ အမျိုးသားတွေမှာ တတိယအဖြစ်များဆုံး ကင်ဆာ ဖြစ်ပါတယ်။ ဆီးကျိတ်ကင်ဆာကို စောစောစီး စီးရှာဖွေနိုင်တာ ဟာလည်း PSA (Prostatic Specific Antigen) အသားစ ယူပြီး ရှာဖွေနိုင်မှု (Biopsy)တွေကြောင့် တွေ့ရှိနှုန်း များလာပါတယ်။ ခွဲစိတ်ကုသမှုနဲ့ ဟော်မုန်းနဲ့ ကုသမှုတွေ အဆင့်မြင့်ပြီး တိုးတက် လာတာကြောင့် ဆီးကျိတ် ကင်ဆာ ပျောက်ကင်းနှုန်း ပိုမိုကောင်းလာပြီး လူနာအနေနဲ့ အသက်ရှည်ရှည်နေနိုင် ကြတယ်လို့ သိရပါတယ်။

Q. ဘယ်သူတွေ ဆီးကျိတ်ကင်ဆာဖြစ်နိုင်ပါသလဲ။ ဆီးကျိတ်ကင်ဆာ ဖြစ်နိုင်ခြေများတဲ့ အချက်တွေကို ဖော်ပြပေးပါ။

A. အောက်ပါအချက် တွေဟာ ဆီးကျိတ် ကင်ဆာ ဖြစ်နိုင်ခြေများတဲ့ အချက်တွေပါ။

စီအန်ပီစီ ရေနံပိုက်လိုင်းကုမ္ပဏီတွင် မီးရှို့မှုဖြစ်ပွား

ရခိုင်ပြည်နယ် အမ်းမြို့နယ် ရန်ကုန်စစ်တွေလမ်းမပေါ်မှာရှိတဲ့ စီအန်ပီစီ ရေနံပိုက်လိုင်းကုမ္ပဏီ ဆီသန့်ထုတ်ကြားစခန်းတခုမှာ ဇန်န၀ါရီ ၂၆ ရက် ည ၁၂ နာရီလောက်က မီးရှို့မှုတခု ဖြစ်ပွားခဲ့ပါတယ်။

မီးရှို့မှုတိုင်ခင်က  အဲဒီစက်ရုံမှာ ကုမ္ပဏီဝန်ထမ်းနဲ့  ဒေသခံအလုပ်သမားတွေ အချင်းများခဲ့ကြပြီး ညသန်းခေါင်လောက်မှာ ဆီပီပါတခုကို အလုပ်သမားတွေက မီးရှို့ခဲ့တယ်လို့ အန်းမြို့နယ် ရခိုင်တိုင်းရင်းသားများ တိုးတက်ရေးပါတီရဲ့ ဗဟိုကော်မ တီဝင် ဒေါ်သွယ်သွယ်စိုးက ပြောပါတယ်။

“အိမ် ၂ ထပ်အိမ်ပါတယ်။ အပေါ်မှာ တရုတ်တွေ နေပါတယ်။ အောက်မှာက ဒေသခံ လုပ်သားတွေ နေပါတယ်။ အပေါ်က ရေတွေ ကျနေတာကို လုပ်သားတွေက တမင်ကျတာလား၊ တမင်လုပ်တာလား၊ ဒေသခံလုပ်သားတွေက စကားပြန်ကတဆင့်မေးတော့ ဘယ်သူက လုပ်တယ်ဆိုပြီး တောင်းပန်လိုက်ရင် ကျေအေးသွားဖို့ သဘော ရှိပါတယ်။ မတောင်းပန်ဘဲ ၀န်မခံတော့ ပိုဆိုးသွားပြီး ဒေါသတွေ ဖြစ်ပြီး မနေ့က ဆီပီပါကို မီးရှို့လိုက်ကြတာပါ။”

မိန်းကလေးများ အလေးမထားမိသည့် ကျန်းမာရေး ထိခိုက် စေနိုင်သော အချက်များ

မိန်းကလေးတွေဟာ အလှအပ နောက်ကို လိုက်ရင်း ကျန်းမာရေး ထိခိုက်စေနိုင်တာ တွေကို အလေး မထားမိတာမျိုး ဖြစ်တတ် ကြပါတယ်။

(၁) စိတ်ညစ်တိုင်း အစာစားလေ့ရှိခြင်း

ယောကျာ်းလေး အများစုက ပျော်ရွှင်တဲ့ အခါမျိုးမှာ အစာပိုစား တတ်ကြပြီး မိန်းကလေး တွေကတော့ စိတ်ညစ်တဲ့ အခါမှာ အချိုနဲ့ ကယ်လိုရီများတဲ့ အစားအစာ တွေကို ပိုစားလေ့ ရှိပါတယ်။ စိတ်ညစ်လို့ စားတဲ့ အစားအစာတွေက သင့်ခါး အနေအထားကို ပြောင်းလဲ စေပြီး သင့်ကို ဝလာ စေပါတယ်။ စိတ်ညစ်တာကို အစာစားပြီး ဖြေဖျောက်ဖို့ ကြိုးစား တာထက် လေ့ကျင့်ခန်း လုပ်တာ၊ ယောဂကျင့်တာ၊ အပေါင်းအသင်းတွေနဲ့ ပျော်ပျော်ပါးပါး နေတာတွေနဲ့ အစားထိုး လုပ်ဆောင် ကြည့်ပါ။

(၂) ဝသည်ဟု ထင်မြင်နေခြင်း

မိန်းကလေးတွေက ခန္ဓာကိုယ်ကို ဝတယ်လို့ သူများပြောမှာကို ကြောက်ရွံ့တတ်ကြပြီး ဝိတ်ချနေတယ် လို့လည်း တွင်တွင် ပြောတတ်ကြပါတယ်။ လေ့လာ မှုအရ မိန်းကလေးတွေရဲ့ ၉၀ ရာခိုင်နှုန်း လောက်က သူတို့ရဲ့ ခန္ဓာကိုယ်ပုံပန်း သဏ္ဌာန်ကို ပြုပြင်လိုကြပါတယ်။ ခန္ဓာကိုယ်က အဆီတွေကို ခွဲစိတ် ဖယ်ရှားနိုင်တယ်ဆိုပေမယ့် အစားအ သောက်နဲ့ ကိုယ်အလေးချိန် လျှော့ချတာက အကောင်းဆုံး နည်းလမ်းပါ။

ဂျက်စတင်ဘီဘာအား နိုင်ငံအတွင်းမှ နှင်ထုတ်ရန် အမေရိကန် နိုင်ငံသားများ တောင်းဆို

လော့စ်အိန်ဂျလိစ် ဇန်နဝါရီ ၂၆

ကနေဒါပေါ့ပ်ငွေကြယ်ပွင့် ဂျက်စတင် ဘီဘာသည် မူးယစ်ဆေးဝါးမှုနှင့် အဖမ်းခံရပြီးနောက် ၄င်းအား အမေရိကန် နိုင်ငံအတွင်းမှ နှင်ထုတ်ရန် အမေရိကန် နိုင်ငံသား ထောင်ပေါင်း များစွာ က လက်မှတ် ရေးထိုး၍ တောင်းဆိုခဲ့ကြကြောင်း သိရသည်။

အဆိုပါ တောင်းဆိုချက်ကို WeThe People သတင်းဝက်ဘ်ဆိုက်တွင် ဖော်ပြခဲ့ခြင်း ဖြစ်ပြီး ၄၈ နာရီ အတွင်းမှာပင် အမေရိကန် နိုင်ငံသား ၁၅ဝဝဝ ကျော်က ပါဝင် လက်မှတ်ရေး ထိုး ခဲ့ကြသည်။ ဘီဘာသည် ပေါ့ပ်ဂီတ ယဉ်ကျေးမှုကို မှားယွင်းစွာ ကိုယ်စားပြုမိသည်ဟု အမေရိကန် နိုင်ငံသားများက ယူဆထားကြောင်း၊ ၄င်း၏ အပြုအမူများသည် လူငယ်များ အတွက် အန္တရာယ်ရှိကြောင်း၊ ၄င်းအား မိခင်နိုင်ငံသို့ ပြည်နှင်ဒဏ်ပေးသင့်ပြီး ၄င်း၏ Green Card ကိုလည်း ပြန်လည် ရုပ်သိမ်းသင့်ကြောင်း အမေရိကန် ပြည်သူများက ပြောကြား ထားသည်။

အသုဘပို့ခြင်းကို တံတားဖြတ်သန်းခွင့် ပိတ်ပင်ခဲ့သည့် ရွာသားများ အမှုဖွင့်ခံရ

ဇော်ဇော်ထွေး|ဇန်န၀ါရီ ၂၇၊ တနင်္လာနေ့၊ ၂၀၁၄ ခုနှစ်

ကျေးရွာဓလေ့ထုံးတမ်းများအရ ရွာနာသည်ဟုဆိုပြီး အသုဘပို့ဆောင်သူများအား အများပိုင်တံတားပေါ် မှ ဖြတ်သန်းခွင့် ပိတ်ပင်သည့် အခြားရွာသားများကို အမှုဖွင့်တိုင်တန်းထားသည်ဟု ထန်းတပင်မြို့နယ် တက်သစ်နယ်မြေရဲစခန်းမှ စခန်းမှူးဖြစ်သူ ရဲအုပ်သိန်းနိုင်က မဇ္ဈိမကို ဇန်န၀ါရီ ၂၆ ရက်တွင် ပြောသည်။

အမှုမှာ ဇန်န၀ါရီ ၁၅ ရက် နေ့လယ်၁၂ နာရီက ထန်းတပင်မြို့နယ် ကျိုက်ခနော ကျေးရွာသားများသည် ကျေးရွာသုသာန်သို့ အသုဘပို့ဆောင်စဉ် တစ်ခုတည်းသော တံတားအား ဖြတ်သန်းခြင်းမပြုနိုင်ရန် ရှမ်း စုကျေးရွာသား (၄၅)ဦးက ထော်လာဂျီများဖြင့် ပိတ်ဆို့ထားခဲ့ခြင်းဖြစ်သည်။

“တံတားက ကျေးရွာနှစ်ခုရဲ့ တစ်ခုတည်းသော တံတားပါ၊ မြို့နယ်အုပ်ချုပ်ရေးကလည်း တရားဝင်မဖြေ ရှင်းရသေးခင်မှာ တံတားပေါ်ကနေသွားမြဲသွားဖို့ ခွင့်ပြုထားတယ်။ ဒါကို ရွာဓလေ့အရ အသုဘပို့ရင် ရွာဦးတိုက်ဖြစ်နေတဲ့အတွက် ရွာနာတယ်ဆိုပြီး တစ်ဖက်ရွာက တံတားပေါ်ကနေပေးမသွားဘူး၊ ဒါ ကြောင့် ကျွန်တော်တို့ဆီမှာ အများသူငါသွားတဲ့လမ်းကို ပိတ်ပင်မှုနဲ့ အမှုဖွင့်ထားတာပါ။ ဒီအမှုကို စစ် ဆေးတုန်းပဲ ရှိပါသေးတယ်” ဟု စခန်းမှူးဖြစ်သူ ရဲအုပ်သိန်းနိုင်က ရှင်းပြသည်။

မြန်မာ့လက်ရွေးစင်ဘောလုံးအသင်း နည်းပြသစ် ဖေဖော်ဝါရီ ၂ ရက်တွင် စာချုပ်,ချုပ်မည်

ရဲရင့်ဋ္ဌေး|ဇန်န၀ါရီ ၂၇၊ တနင်္လာနေ့၊ ၂၀၁၄ ခုနှစ်

မြန်မာ့လက်ရွေးစင်နည်းပြချုပ် ရာထူးအတွက် ညှိနှိုင်းဆွေးနွေးမှုများ ပြုလုပ်နေသော ဆားဘီးယားလူမျိုး နည်းပြ အေဗရာမိုဗစ်နှင့် ဖေဖော်ဝါရီ ၂ ရက်တွင် စာ ချုပ်, ချုပ်ဆိုမည်ဖြစ်ပြီး ယင်းနေ့တွင်ပင် မီဒီယာ များနှင့်တွေ့ဆုံကာ သတင်းစာရှင်းလင်းပွဲလုပ်မည်ဟု မြန်မာနိုင်ငံ ဘောလုံးအဖွဲ့ချုပ်ဥက္ကဋ္ဌ ဦးဇော်ဇော် က မဇ္ဈိမသို့ ပြောသည်။

စင်ကာပူလက်ရွေးစင်နည်းပြဟောင်း အေဗရာမိုဗစ်နှင့် လက်ရှိအချိန်တွင် စာချုပ်အချက်အလက်များ ညှိနှိုင်းဆွေးနွေးနေပြီး ၎င်း၏လက်ထောက်နည်းပြ၊ ဂိုးနည်းပြများကိုပါ တစ်ပါတည်း စာချုပ်ခေါ်ယူရန် မြန်မာနိုင်ငံ ဘောလုံးအဖွဲ့ချုပ်အနေဖြင့် စီစဉ်နေသည်။ “ဇန်န၀ါရီ ၁၇ ရက်က အေဗရာမိုဗစ်ကို မြန်မာ နိုင်ငံခေါ်ပြီး ဆွေးနွေးထားပါတယ်။ အကြမ်းဖျင်း အချက်အလက်တွေကို သဘောတူထားပါတယ်။ ဖေ ဖော်ဝါရီ ၂ ရက်ကျရင် အပြီးသတ်စာချုပ်ဖို့ ပြန်လာပါမယ်။ တရားဝင်စာချုပ်, ချုပ်ဆို ဖြစ်ရင်တော့ အဲဒီ နေ့မှာပဲ သတင်းစာရှင်းလင်းပွဲ တစ်ခါတည်းလုပ်ပါမယ်” ဟု ဦးဇော်ဇော်က ဆိုသည်။

အီဂျစ်တော်လှန်ရေး သုံးနှစ်မြောက် နှစ်ပတ်လည်နေ့တွင် ပဋိပက္ခဖြစ်၊ လူပေါင်း ၂၉ ဦးသေဆုံး

ကိုင်ရို၊ ဇန်နဝါရီ ၂၆

အီဂျစ်အာဏာရှင် မူဘာရက်ကို ရာထူးမှ ဖြုတ်ခဲ့သည့် အီဂျစ်တော်လှန်ရေး သုံးနှစ်မြောက် နှစ်ပတ်လည်နေ့တွင် နိုင်ငံတစ်ဝန်း၌ စစ်တပ် ထောက်ခံသူများနှင့် ဆန့်ကျင်သူများက ဆန္ဒပြပွဲများ အပြိုင် ဆန္ဒပြလျက်ရှိပြီး ပဋိပက္ခများ ဖြစ်ပွားခဲ့ခြင်းကြောင့် လူပေါင်း ၂၉ ဦး သေဆုံးခဲ့ကြောင်း အီဂျစ် ကျန်းမာရေးဝန်ကြီးဌာန ထုတ်ပြန်ချက်ကို ကိုးကားပြီး BBC သတင်းတွင် ဖော်ပြထားသည်။

အီဂျစ် အစိုးရဆန့်ကျင်ရေး ဆန္ဒပြပွဲများကို ရဲတပ်ဖွဲ့ဝင်များက ဖြိုခွင်းခဲ့ပြီး ကိုင်ရိုမြို့နှင့် အလက်ဇန်းဒီးယား မြို့များတွင် ဆန္ဒပြသမားများကို ဖမ်းဆီးခဲ့သည်။

ထို့အပြင် လမ်းကြားများတွင်းသို့ ပြေးဝင်သည့် ဆန္ဒပြသမားများကို ရဲတပ်ဖွဲ့ဝင်များက လိုက်လံ ဖမ်းဆီးနေပြီး ကျည်ဆန် အစစ်များဖြင့် ပစ်ခတ်လျက်ရှိသလို မျက်ရည် ယိုဗုံးများ အသုံးပြုပြီးလည်း ဆန္ဒပြသမားများကို နှိမ်နင်းလျက်ရှိသည်။

ယာဉ်တိုက်မှုကြောင့် တိမ်းရှောင်နေသောသားကို ဖခင်က ရဲစခန်းသို့အပ်

မိတ္ထီလာ၊ ဇန်နဝါရီ ၂၆

လူသေဆုံး သွားခဲ့သော ယာဉ်တိုက်မှုမှ သားဖြစ်သူ ယာဉ်မောင်းကို ဖခင်ဖြစ်သူက သက်သေခံ ယာဉ်နှင့်အတူ မန္တလေးတိုင်းဒေသကြီး မိတ္ထီလာမြို့နယ် မြို့မရဲစခန်းသို့ ဇန်နဝါရီလ၂၄ ရက်နေ့က လာရောက် အပ်နှံခဲ့ကြောင်း ယင်းရဲစခန်းမှ တာဝန်ကျ ရဲအရာရှိက ပြောကြားသည်။

ဇန်နဝါရီလ ၁၉ ရက်နေ့ ညနေ ၆ နာရီ ၄၅ မိနစ်က မိတ္ထီလာ-ကျောက်ပန်းတောင်းလမ်း မိုင်တိုင်အမှတ် ၁၉/၃၊ ရေဝေ ကျေးရွာအနီး ယာဉ်တိုက်မှု ဖြစ်ပွားခဲ့ရာ အနက်ရောင် ဆိုင်ကယ်တစ်စီးနှင့်အတူ ဦးခေါင်း ပွင့်ထွက် ဒဏ်ရာနှင့် မှောက်လျက် အနေအထားဖြင့် လူတစ်ဦး သေဆုံးနေသည်ကို တွေ့ရှိခဲ့၍ ကျေးရွာ နာရေးကူညီမှုအသင်း၏ ကူညီမှုဖြင့် ယင်းအလောင်းကို တမာကုန်း ကျေးရွာဈေးအနီးတွင် ပြင်ဆင်ထားခဲ့ကြောင်း၊ သေဆုံးသူမှာ ပေကုန်းကျေးရွာနေ အောင်အောင် (ခ) ဗိုလ်အောင်ဒင် ဖြစ်ကြောင်း ဇန်နဝါရီလ ၂၀ ရက်နေ့တွင် သိရှိခဲ့ရပြီး ယာဉ်တိုက်မှု ဖြစ်ချိန်တွင် ထော်လာဂျီ ယာဉ်တစ်စီး ဖြတ်သွားကြောင်း ဒေသခံများ၏ ပြောကြားချက်အရ ဆက်လက် စုံစမ်းခဲ့ရသည်ဟု ရဲမှတ်တမ်းတွင် ဖော်ပြထားသည်။

ထောင်တွင်းသို့ စိတ်ကြွဆေး တင်သွင်းသူ မိန်းကလေး အမှုမှ ကွင်းလုံးကျွတ်လွတ်

ကျိုင်းတုံ၊ ဇန်နဝါရီ ၂၆

ရှမ်းပြည်နယ်(အရှေ့ပိုင်း) ကျိုင်းတုံမြို့ အကျဉ်းထောင် အတွင်းရှိ ဖခင်ဖြစ်သူထံသို့ စိတ်ကြွဆေးပြားများ တင်သွင်းလာသည့် အသက် ၁၃ နှစ်အရွယ် မိန်းကလေးငယ် တစ်ဦးကို ကျိုင်းတုံမြို့နယ် တရားရုံးက ဇန်နဝါရီလ ၂၄ ရက်နေ့တွင် အပြီးသတ် စစ်ဆေးကာ ကလေးသူငယ် ကာကွယ် စောင့်ရှောက်ရေး ဥပဒေ ၄၇(က)(၁)အရ အမှုမှ အပြီးအပြတ် လွှတ်၍ အုပ်ထိန်းသူ ဆွေမျိုးများထံ ပြန်လည် အပ်နှံရန် အမိန့်ချမှတ်ကြောင်း ယင်းမြို့နယ် ရဲတပ်ဖွဲ့စခန်းမှူး ဒုရဲမှူးရဲကြည်က ပြောကြားသည်။

အဆိုပါ မိန်းကလေးငယ်သည် ၂၀၁၃ ခုနှစ် နိုဝင်ဘာလ ၂၀ ရက်နေ့ နံနက် ၁၁ နာရီ ၂၀ မိနစ်ခန့်က မူးယစ်ဆေးဝါး အမှုဖြင့် ထောင်ဒဏ် ကျခံနေရသော ဖခင်ဖြစ်သူထံသို့ ခုနစ်နှစ်အရွယ် မောင်ဖြစ်သူ နှင့်အတူ ထောင်ဝင်စာ လာတွေ့စဉ် ၎င်းယူဆောင်လာသည့် ပစ္စည်းများကို ရှာဖွေ စစ်ဆေးရာမှ အိုင်အိုဒင်းဆား ထုပ်အတွင်း သိုဝှက် သယ်ဆောင်လာသည့် WY စာတမ်းပါ လိမ္မော်ရောင် စိတ်ကြွ ရူးသွပ် ဆေးပြား ၁၀ ပြားပါ ၃ ထုပ် စုစုပေါင်း ၃၀ ပြားကို ရှာဖွေ တွေ့ရှိရသဖြင့် ရဲတပ်ဖွဲ့ စခန်းမှ မယ(ပ) ၅၈/၂၀၁၃၊ မူး/စိတ် ပုဒ်မ ၁၅/၁၉(က) အရ တရားစွဲ တင်ပို့ခံရသူ ဖြစ်ကြောင်း အထက်ပါ ဒုရဲမှူးက ဆိုသည်။

အရှင်ဝီရသူနှင့် တွေ့ဆုံမေးမြန်းခြင်း

အမျိုးဘာသာ သာသနာ စောင့်ရှောက်ရေးနှင့်(၉၆၉) အမျိုးသားရေး တရားတော်များအား အစဉ်တစိုက် ဟောပြောခဲ့သည့် ပြည်တွင်းပြည်ပ မီဒီယာများ၏ စိတ်ဝင်စားမှုအမြင့်ဆုံး၊ ပြည်ပနိုင်ငံအများအပြား၊ ပြည်တွင်းရှိ လူအချို့တို့၏ ဆန့်ကျင်မှုခံနေရပြီး ဗုဒ္ဓဘာသာမြန်မာနိုင်ငံသား အများအပြား၏ အားပေးထောက်ခံမှု ရရှိနေသည့် မစိုးရိမ်တိုက်သစ် ဆရာတော်အရှင်ဝီရသူနှင့် တွေ့ဆုံမေးမြန်းချက်ကို ဖော်ပြလိုက်ရပါသည်။

မေး➤ လက်ရှိ ဘာသာရေးပွဲတွေ ပြုလုပ်နေတဲ့နေရာမှာ တိုက်တိုက်ဆိုင်ဆိုင် ဒေါ်အောင်ဆန်းစုကြည် သမ္မတ မဖြစ်ရေးအတွက် စာရွက်စာတမ်းတွေ ဝေငှတဲ့ဖြစ်စဉ်တွေရှိခဲ့ပါတယ်။ ဒီကိစ္စအပေါ်မှာ အရှင်ဘုရားတို့ သံဃာတော်တွေဘက်က ဘယ်လိုအမြင်မျိုးတွေ ရှိပါသလဲဘုရား။

ဖြေ➲ နံပါတ်တစ်ကတော့ အဲလိုအောက်လမ်းနဲ့သွားတာမျိုးတွေ ဦးဇင်းတို့ ကန့်ကွက်ပါတယ်။ ရှုတ်ချပါတယ်။ ဒါမျိုး မလုပ်သင့်ဘူးလို့ ဦးဇင်းတို့ပြောချင်တယ်။ နိုင်ငံရေးဆိုတာ နိုင်ငံရေးစင်မြင့်ရှိပြီးသားလေ။ ပြိုင်ဘက် အချင်းချင်း စင်မြင့်ပေါ်ကပဲ ယှဉ်ပြိုင်ရမှာပေါ့။ အဲဒါကြောင့် ဦးဇင်းတို့ သဘောမတူပါဘူး။

အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်အား တရုတ်နိုင်ငံသို့ တရားဝင်ဖိတ်ကြားမည်ဖြစ်ကြောင်း မြန်မာနိုင်ငံဆိုင်ရာ တရုတ်သံအမတ်၏ ပြောကြားမှုကို တရုတ်မီဒီယာများဖော်ပြ

ဒေါ်အောင်ဆန်းစုကြည်အား တရုတ်အစိုးရက ဖိတ်ကြားမည့်သတင်းကို South China Morning Post ၀က်ဘ်ဆိုက်တွင် ဇန်န၀ါရီ ၂၆ ရက်က ဖော်ပြထားစဉ်

အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်အား တရုတ်နိုင်ငံသို့ တရားဝင်အလည်အပတ်ခရီး ဖိတ်ကြားသွားမည်ဖြစ်ကြောင်း မြန်မာနိုင်ငံဆိုင်ရာ တရုတ်သံအမတ်ကြီးက ပြောကြားခဲ့သည်ဟု South China Morning Post သတင်းစာတွင် ဇန်နဝါရီ ၂၆ ရက်က ဖော်ပြခဲ့သည်။

မြန်မာနိုင်ငံ၏ စီးပွားရေးနှင့် နိုင်ငံရေးကဏ္ဍများတွင် သိသာသည့် လွှမ်းမိုးမှုများ ရှိနေဆဲဖြစ်သော တရုတ်နိုင်ငံသို့ သွားရောက်လိုသော်လည်း တရုတ်အစိုးရက ဖိတ်ကြားမှု ပြုလုပ်သင့်ကြောင်း ဒေါ်အောင်ဆန်းစုကြည်က ပြောကြားသည်ဟု အဆိုပါသတင်းတွင် ဖော်ပြထားသည်။

ဒေါ်အောင်ဆန်းစုကြည်သည် တရုတ်အစိုးရက တစ်စိတ်တစ်ပိုင်း ပါဝင်နေသည့် အဖွဲ့အစည်းများ၏ ဖိတ်ကြားမှုများကို ယခင်က ငြင်းဆိုခဲ့သည်။

ဘတ်ဂျက်လိုငွေပြသည့်အခါတိုင်း အစိုးရက ငွေစက္ကူများ ရိုက်ထုတ်နေသဖြင့် မြန်မာနိုင်ငံ ဒုက္ခရောက်စေသည့် ငွေဖောင်းပွမှု ဖြစ်ပေါ်လာစေပြီး ငွေကြေးဖောင်းပွမှုအား ထိန်းချုပ်နိုင်ရန် လိုအပ်နေကြောင်း ပညာရှင်များပြောကြား

မြန်မာနိုင်ငံတော်ဗဟိုဘဏ် အဆောက်အအုံအား တွေ့ရစဉ် (ဓာတ်ပုံ-ဖြိုးဝေ)

ဘတ်ဂျတ်လိုငွေပြသည့်အခါတိုင်း အစိုးရက ငွေစက္ကူများ ရိုက်ထုတ်နေခြင်းမှာ မြန်မာနိုင်ငံ ဒုက္ခရောက်စေသည့် အရင်းခံအချက် ဖြစ်နေပြီး မြန်မာနိုင်ငံ၏ ငွေကြေးဖောင်းပွမှုအား ထိန်းချုပ်နိုင်ရန် လိုအပ်နေကြောင်း နိုင်ငံတော်သမ္မတ၏ စီးပွားရေးအကြံပေး အဖွဲ့ခေါင်းဆောင် ဒေါက်တာဦးမြင့် အပါအဝင် ပညာရှင်များက ပြောကြားသည်။

မြန်မာနိုင်ငံ၏ ငွေကြေးဖောင်းပွမှုနှုန်းမှာ ၂ဝ၁၂ ခုနှစ် မေလတွင် စံချိန်တင် ကျဆင်းမှုအဖြစ် မြန်မာကျပ်ငွေတန်ဖိုး မြင့်တက်လာခဲ့ပြီး ငွေကြေးဖောင်းပွမှုနှုန်းမှာ ၁ ဒသမ ၈ ရာခိုင်နှုန်းသာ ရှိခဲ့ကြောင်း အမျိုးသားဘက်စုံ ဖွံ့ဖြိုးရေးစီမံကိန်း နှစ်ရှည်ရည်မှန်းချက်ဆိုင်ရာ စီးပွားရေးနှင့် လူမှုရေး ပြုပြင်ပြောင်းလဲမှုအတွက် အခြေခံမူဘောင်တွင် ဖော်ပြထားချက်အရ သိရသည်။

ထိုသို့ ငွေကြေးဖောင်းပွမှုနှုန်း ကျဆင်းနေသည့် အနေအထားအား ရေရှည်ထိန်းသိမ်းနိုင်ရန် ကြိုးပမ်းခဲ့သော်လည်း ၂ဝ၁၃ ခုနှစ် ဇန်နဝါရီလတွင်မူ ၁ ဒသမ ၉၅ ရာခိုင်နှုန်းအထိ မြင့်တက်ခဲ့ကြောင်း ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးဝင်းရှိန်က ပြောကြားသည်။

သတင်းစာများ အရှုံးခံထုတ်ဝေနေသော သတင်းနှင့်စာနယ်ဇင်း လုပ်ငန်းအတွက် အပါအ၀င် ငွေလုံးငွေရင်း အသုံးစရိတ်အဖြစ် ပြန်ကြားရေး ၀န်ကြီးဌာနက ပြည်သူ့ချွေးနှဲစာ ဘဏ္ဍာငွေမှ ကျပ် ၃၆ ဘီလျံကျော် တောင်းခံမှုအပေါ် ဝေဖန်မှုများရှိနေ

ဇန်န၀ါရီ ၂၆ ရက် နံနက်အစောပိုင်းက ရန်ကုန်မြို့တွင် သတင်းစာ၊ ဂျာနယ်များ ဖြန့်ချိရန် ပြင်ဆင်နေမှုကို တွေ့ရစဉ် (ဓာတ်ပုံ- ဉာဏ်ဝင်းရှိန်)

လာမည့် ၂ဝ၁၄-၁၅ ဘဏ္ဍာရေးနှစ်အတွက် ပြည်သူ့ချွေးနှဲစာ ဘဏ္ဍာငွေမှ ပြန်ကြားရေးဝန်ကြီးဌာန အနေဖြင့် သတင်းစာများ အရှုံးခံထုတ်ဝေနေသော သတင်းနှင့်စာနယ်ဇင်းလုပ်ငန်းအတွက် ကျပ် ၃ ဘီလျံကျော် အပါအဝင် ငွေလုံးငွေရင်း အသုံးစရိတ် ၃၆ ဒသမ ၅၆၆ ဘီလျံ တောင်းခံခဲ့ခြင်းနှင့် ပတ်သက်ပြီး လွှတ်တော်ကိုယ်စားလှယ်များ၊ သတင်းစာဆရာများနှင့် ပြည်သူများအကြား ဝေဖန်ပြောဆိုမှုများ ရှိနေသည်။

၂ဝ၁၄-၂ဝ၁၅ ခု၊ ဘဏ္ဍာရေးနှစ် အမျိုးသားစီမံကိန်း ဥပဒေကြမ်းနှင့် စပ်လျဉ်း၍ သက်ဆိုင်ရာ ကဏ္ဍအလိုက် ပါဝင်သော ပြည်ထောင်စုအဆင့် အဖွဲ့အစည်းများ၏ မူဝါဒ၊ ရည်မှန်းချက်၊ လုပ်ငန်းစဉ်များ၊ နိုင်ငံပိုင်အခန်း ရင်းနှီးမြှုပ်နှံမှုများကို သက်ဆိုင်ရာ ပြည်ထောင်စုအဆင့် အဖွဲ့အစည်းအသီးသီးမှ ပြည်ထောင်စုလွှတ်တော်သို့ လာရောက်ရှင်းလင်း တင်ပြရာတွင် ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးအောင်ကြည်က လာရောက်တောင်းခံခဲ့ခြင်းဖြစ်သည်။