ပြင်ရေး၊ ဖြုတ်ရေးနှင့် သင်ရိုးညွှန်းတမ်း

(လဲ့ရည်မြင့်)

အခြေခံပညာ သင်ရိုးညွှန်းတမ်း များသည် ကျောင်းသား၊ ကျောင်းသူများ လေ့လာနိုင်သော ပမာဏထက် ပိုများနေခြင်းကြောင့် လာမည့် ၂၀၁၄-၂၀၁၅ ပညာ သင်နှစ်တွင် ၄၀ ရာခိုင်နှုန်းကျော် လျှော့ချထားကြောင်း ပညာရေးဝန်ကြီးဌာန ဒုတိယဝန်ကြီး ဒေါက်တာ ဇော်မင်းအောင်က တရားဝင် ပြောကြားလိုက်သည်။
စာသင်ခန်းအတွင်း အပြန်အလှန် ဆွေးနွေးချိန် ပိုမိုရရှိပြီး နိုင်ငံတကာ အရည်အသွေးမီ သင်ခန်းစာများအဖြစ် ပြောင်းလဲရန် အခြေခံပညာ အဆင့်တွင် သင်ရိုးညွှန်းတမ်းများ လျှော့ချလိုက်ခြင်း ဖြစ်ကြောင်း ၎င်းကဆိုသည်။

ယခင်က သင်ရိုးညွှန်းတမ်း ပြင်ဆင်မှုတွင် လွဲမှားနေသော ပုံနှိပ်စာများကိုသာ ပြင်ဆင်ခဲ့သော်လည်း ၂၀၁၄-၂၀၁၅ ပညာသင်နှစ်တွင်မူ သင်ရိုးညွှန်းတမ်းများကို ပထမဆုံးအကြိမ် လျှော့ချလိုက်ခြင်း ဖြစ်ကြောင်း ပညာရေးဝန်ကြီးဌာန အသိုင်းအဝိုင်းထံမှ သိရသည်။

၂၀၁၄-၂၀၁၅ ပညာသင်နှစ်အတွက် အခြေခံပညာ မူလတန်းအဆင့်တွင် ၂၀ ရာခိုင်နှုန်း၊ အလယ်တန်း အဆင့်တွင် ၁၁ ရာခိုင်နှုန်းနှင့် အထက်တန်း အဆင့်တွင် ၁၁ ရာခိုင်နှုန်း ပြောင်းလဲထားကြောင်း ဒေါက်တာ ဇော်မင်းအောင်က ပြောကြားသည်။

တက္ကသိုလ်ဝင်တန်း အသက် ၆၃ နှစ် အမျိုးသား ဝင်ရောက် ဖြေဆိုမည်

ကော့သောင်း၊ ဇန်နဝါရီ ၃၀

တနင်္သာရီတိုင်းဒေသကြီး ကော့သောင်း မြို့နယ်တွင် ၂၀၁၃-၂၀၁၄ ပညာသင်နှစ် တက္ကသိုလ်ဝင်ခွင့် စာမေးပွဲကို ဝင်ရောက် ဖြေဆိုမည့် အသက် ၆၃ နှစ်အရွယ်ရှိ ဦးအောင်ရွှေသည် စာမေးပွဲ ဖြေဆိုရန် လပိုင်း အလိုအထိ စိတ်ကြိုက် မြန်မာစာ ပုံနှိပ်စာအုပ် မရသေးဟု ကာယကံရှင် ဦးအောင်ရွှေထံမှ သိရသည်။

၎င်းသည် ၁၉၇၃ ခုနှစ်က တစ်ခါ ဖြေဆိုခဲ့ဖူးပြီး အကြောင်းအမျိုးမျိုးကြောင့် မဖြေဖြစ်တော့ရာမှ ၂၀၁၁ - ၂၀၁၂ ပညာသင်နှစ်မှ စပြီး ပြန်လည် ဖြေဆိုခဲ့ကြောင်း၊ ဝိဇ္ဇာအတွဲ(၄)နှင့် စိတ်ကြိုက် မြန်မာစာကို ယူထားသော်လည်း ပြန်လည် ဖြေဆိုသည့်နှစ်မှ စပြီး ယခုနှစ် သုံးနှစ်မြောက်အထိ စိတ်ကြိုက် မြန်မာစာ ပုံနှိပ်စာအုပ်ကို လက်ဝယ် မရရှိသေးကြောင်း ဦးအောင်ရွှေက ပြောကြားသည်။

“မြို့နယ် ပညာရေးမှူးရုံး၊ တိုင်းပညာရေးမှူးရုံး၊ တက္ကသိုလ်က မြန်မာစာ ဌာနတွေကို မေးတယ်။ သူတို့မှာလည်း မရှိဘူး။ အခုထိ စိတ်ကြိုက် မြန်မာစာကို မလေ့လာရသေးဘူး။ တခြားဘာသာတွေက အခက်အခဲ မရှိဘူး” ဟု ဦးအောင်ရွှေက ဆိုသည်။

အဆင့်မြင့်ပညာ ဥပဒေမူကြမ်း နည်းပညာကျောင်းသား တစ်သောင်းကျော် ကန့်ကွက်

ရန်ကုန်၊ ဇန်နဝါရီ ၂၅

ပညာရေး မြှင့်တင်မှု ကော်မတီက ရေးဆွဲသော အဆင့်မြင့်ပညာ မူကြမ်းတွင် ကျောင်းသားကျောင်းသူ ၇၀၀ ကိုသာ အင်ဂျင်နီယာဘွဲ့ပေးမည် ဆိုသောကြောင့် ရန်ကုန်နှင့် မန္တလေး နည်းပညာ တက္ကသိုလ် ကျောင်းလေးကျောင်းမှ ကျောင်းသား ကျောင်းသူ တစ်သောင်းတစ်ထောင့် ငါးရာကျော်က တစ်လအတွင်း လွှတ်တော်သို့ တင်သွင်းကန့်ကွက် သွားမည် ဖြစ်ကြောင်း အဆိုပါ ကျောင်းသားများကိုယ်စား သန်လျင် နည်းပညာတက္ကသိုလ်မှ ကိုကျော်ဇင်ထက်က The Voice သို့ ပြောကြားသည်။

“နည်းပညာတက္ကသိုလ် ကျောင်းတစ်ကျောင်းမှာ ကျောင်းသား ကျောင်းသူက တစ်သောင်းနီးပါးလောက် ရှိတယ်။ အဲဒီထောင်ချီပြီးရှိတဲ့ ကျောင်းပေါင်း များစွာထဲကမှ ကျောင်းသား ၇၀၀ ကိုပဲ အင်ဂျင်နီယာ ဘွဲ့ရခွင့်ပေးမယ်ဆိုတော့ ကျောင်းသားတွေ တော်တော်များများ နစ်နာတာပေါ့” ဟု သန်လျင် နည်းပညာတက္ကသိုလ်တွင် တက်ရောက်နေသူ ကိုထူးအောင်က The Voice သို့ ပြောဆိုသည်။

စမ်းတဝါးဝါး ပညာရေးမြှင့်တင်မှု

ပြုပြင်ပြောင်းလဲမှုများ ဆက်တိုက် ဆောင်ရွက်နေသော အစိုးရသစ် လက်ထက် အရှိန်အဟုန် ပြင်းစွာနှင့် ပြင်ဆင်နေသည့် ပြန်တမ်းဝင် အရာရှိများ၏ ပညာရေး မြှင့်တင်မှု စီမံကိန်းများသည် ကလေးသူငယ်များနှင့် လက်တွေ့ ထိတွေ့ သင်ကြားနေရသူ ဆရာ ဆရာမများ၊ စီမံခန့်ခွဲရေး တာဝန်ရှိသူများနှင့် အဆင့်မြင့်ပညာရေး သုတေသန ပညာရှင်များအတွက် ထင်သလောက် ခရီးမပေါက်ခဲ့ချေ။

နှစ်ပေါင်း ၅၀ ကျော်အတွင်း အကြိမ်ကြိမ် ပြောင်းလဲခဲ့သော ပညာရေး ပြုပြင်မှုများကို ယုံကြည်မှု မဲ့လာသော ပညာရေး အသိုင်းအဝိုင်းက အစိုးရသစ် လက်ထက် ပညာရေး မြှင့်တင်မှု လုပ်ငန်း များကြောင့် ပညာရေးစနစ် ထပ်မံ မနိမ့်ကျသွားရန် အငြိမ်းစား ပညာရေး ဝန်ထမ်းများ၊ ပြင်ပ ပညာရှင်များက အပြိုင်အဆိုင် သုံးသပ် ထောက်ပြကြသည်။
အစိုးရ၏ နှစ်ပေါင်းများစွာ ပညာရေး အသုံးစရိတ်ကို အနည်းဆုံး ခွဲဝေပေးခြင်း၏ ရလဒ်ကြောင့် ဆရာ၊ ဆရာမများ၏ ဂုဏ်သိက္ခာ၊ လူမှု စီးပွားရေး အပါအဝင် စာသင်ကျောင်းများ၏ အသွင်အပြင်၊ သင်ရိုးညွှန်းတမ်း အားလုံးမှာ ဒေသတွင်း နိုင်ငံများအကြား မျက်နှာငယ်ကြရသည်။

အသုံးစရိတ် မရသောကြောင့် အမိုး၊ အကာ မလုံခြုံသော စာသင်ကျောင်းများ၊ ဘဝအာမခံချက် မပေးထားသော ပဋိပက္ခ ဒေသများနှင့် ဝေးလံခေါင်သီသော ဒေသများမှ အခြေခံပညာ ဆရာ၊ ဆရာမများ၏ အခြေအနေတို့ကို ဥပမာပေးပြီး လက်ရှိ ပညာရေး မြှင့်တင်မှု လုပ်ငန်းများကို အား မရသေးကြောင်း၊ အဆင့်မြင့်ကဏ္ဍတွင် ကိုယ်ပိုင် အုပ်ချုပ်ခွင့်ရ တက္ကသိုလ်များ ပေါ်ပေါက်ရန် တောင်းဆိုမှုမှာလည်း ရှုပ်ထွေးနေသော စီမံခန့်ခွဲမှုကြောင့် သီးခြားခွဲထုတ် မရသည့် အခြေအနေ ဖြစ်နေကြောင်း အစိုးရသစ် လက်ထက် ပညာရေး မြှင့်တင်မှုတွင် ပါဝင်နေသူများက ဆိုသည်။

ပညာရေး မူဝါဒသစ်တွေကို ဆရာများ သမဂ္ဂက လက်မခံနိုင်

ပညာရေးစံနစ် ပြုပြင်ပြောင်းလဲဖို့ ပြင်ဆင်နေတဲ့ ကာလမှာ အာဏာပိုင်တွေဖက်က မူကြမ်း အဖြစ် ရေးဆွဲထားတဲ့ ပညာရေး မူဝါဒက အချက်တွေကို တက္ကသိုလ် အသီးသီးက ဆရာများ သမဂ္ဂက လက်မခံနိုင်ကြဘူးလို့ သိရပါတယ်။

အဆင့်မြင့်ပညာ ဦးစီးဌာန ထိန်းချုပ်မှုအောက်ကနေ ဗဟိုကောင်စီ ထိန်းချုပ်မှုအောက်ကို ပြောင်းလဲသွားမှာ ဖြစ်တဲ့အတွက် အမည်သာ ပြောင်းလဲသွားပြီး တက္ကသိုလ်တွေ ကိုယ်ပိုင် အုပ်ချုပ်ခွင့် တကယ်တမ်း မရမှာကို စိုးရိမ် နေကြတာ ဖြစ်ပါတယ်။

ဒီကိစ္စနဲ့ ပက်သက်ပြီး ဒဂုံတက္ကသိုလ် ဆရာများ သမဂ္ဂ အတွင်းရေးမှုး ဦးဇော်မျိုးလှိုင်ကို မေးမြန်းကြည့်တဲ့ အခါ အခုလ ၁ဂ ရက်နေ့တုန်းက အစည်းအဝေး ဆုံးဖြတ်ချက် မူကြမ်းကို သူတို့ကို ပြခဲ့ပြီး တက္ကသိုလ် ဗဟို ကောင်စီ မလိုဘူးလို့ ပြောခဲ့ကြောင်း သူက ရှင်းပြပါတယ်။

မူကြမ်းထဲမှာ ပါမောက္ခချုပ်တွေ ၇၅ ရာခိုင်နှုန်း ၊ တခြား အဖွဲ့က ပညာရှင်တွေ ၂ဝ ကျော်နဲ့ ဆရာ တယောက်စီ ၊ ကျောင်းသား တယောက်စီ ပါဝင် ဗဟိုကောင်စီကို ဖွဲ့စည်းဖို့ ပြင်ထားတယ်လို့ သူက ဆိုပါတယ်။

စတုတ္ထတန်းနှင့် အဋ္ဌမတန်း အတန်းတင် စာမေးပွဲများ ပုံစံပြောင်းမည်

ရန်ကုန်၊ ဒီဇင်ဘာ ၁၅

အခြေခံပညာအဆင့် အတန်းတင် စာမေးပွဲများ ဖြစ်သော စတုတ္ထတန်းနှင့် အဋ္ဌမတန်းအဆင့် စာမေးပွဲများကို ရမှတ်နှင့် စစ်ဆေးသော ပုံစံဖြင့် စစ်ဆေးနေရာမှ အဆင့် အမျိုးအစားအလိုက် ခွဲခြား အတန်းတင်ပေးမည့် စာမေးပွဲစနစ် (Level Test) သို့ ပြောင်းလဲသွားရန် စီစဉ်နေကြောင်း ပညာရေး မြှင့်တင်မှု အကောင်အထည် ဖော်ရေး ကော်မတီဝင်များထံမှ စုံစမ်းသိရှိရသည်။

အဆိုပါ စာမေးပွဲစနစ် အပြောင်းအလဲကို ဒီဇင်ဘာလ ၁၀ ရက်နေ့က ပြုလုပ်သော ပညာရေး မြှင့်တင်မှု အကောင်အထည် ဖော်ရေး ကော်မတီ အစည်းအဝေးတွင် အမှတ် (၁) အခြေခံပညာ ဦးစီးဌာနနှင့် ပညာရေး သုတေသနအဖွဲ့ ဦးစီးဌာန ပူးတွဲ ညွှန်ကြားရေးမှူးချုပ် ဒေါက်တာမျိုးသိမ်းကြီးက ပြောကြားခဲ့ခြင်း ဖြစ်သည်။

လက်ရှိ ကျင့်သုံးနေသော အမှတ် ၄၀ ရပါက စာမေးပွဲ အောင်မြင်သည့် စနစ်မှ အဆင့်အလိုက် ခွဲခြား၍ အတန်းတင်ပေးသော စနစ်သို့ ပြောင်းလဲရန် လုပ်ဆောင်နေခြင်း ဖြစ်ကြောင်း၊ Level A နှင့် Level B ကို အတန်းကူးပြောင်းနိုင်သော အဆင့် အဖြစ် သတ်မှတ်ထားပြီး Level C ကို လိုအပ်ချက်များ ပြန်လည် သင်ကြားပြီးမှ အတန်းတင်ပေးရန် သတ်မှတ်မည် ဖြစ်ကြောင်း ၎င်းကရှင်းပြသည်။

" ပညာရေး ဝေးသေး၏ "

(၁)

တိုင်းပြည်၏ အရေးပါအရာ ရောက်ကြသူ အားလုံး ဆရာ၊ ဆရာမ များ၏ တပည့်များဖြစ်ခဲ့ကြဖူးသော် လည်း ဆရာ၊ဆရာမတို့၏ ဆန်အိုးတွင် ဆန်ပြည့်နေစေ ရန်လို အပ်ကြောင်းကို အစိုးရသစ်လက်ထက်တွင် စတင်ပြော ဆိုလိုက်သည့် အမျိုးသားလွှတ်တော် ဥက္ကဋ္ဌကြီး ဦးခင်အောင်မြင့်မှလွဲ၍ ပညာရေးမြှင့်တင်ရန် စိတ်အားထက် သန်နေကြသော မည်သည့်လွှတ်တော် အမတ်မင်းကမျှ ဆရာ၊ ဆရာမတို့၏ ဘဝ ယခုအရေး နောက်အရေးနှင့် ပတ်သက်သည့် စာနာသိတတ်မှုအဆို ကိုမျှ မတင် သွင်းနိုင်ဘဲ ကျေးဇူးတုံ့ပြန် နေကြသည်။ ဆက်လက်၍ ဦးခင်အောင်မြင့် က အောက်တိုဘာ ၁ဝ ရက် အမျိုး သား လွှတ်တော်အစည်းအဝေးတွင် ”ကျောင်းသား ဗဟိုပြုတဲ့ စနစ်က ပြော သာပြောနေတယ် ဘာမှ ကျောင်းသား ကို ဗဟို မပြုဘူး” ဟူ၍လည်း ဝေဖန်လိုက်သည်။

(၂)

ပညာရေးအကြောင်း ပြောဆို ကြသည့်အခါ လက်ညှိုးထိုးအခံရဆုံးမှာ ကျူရှင်ဝန်ထုပ်ဝန်ပိုးကြီးပင် ဖြစ်သည်။ သက်ဆိုင်ရာတာဝန်ရှိသူများကလည်း ကျူရှင်ပပျောက်ရေး အ တွက် အမိန့်ထုတ်တားဆီးခြင်းနှင့် အရေးယူအပြစ်ပေးခြင်းတို့ကိုသာ တွင် တွင်ဆောင်ရွက်ခဲ့သည်ချည်း ဖြစ်သည်။ ကျူရှင်သင်ရသည့် အကြောင်းရင်းနှင့် ကျူရှင် သင်ဖြစ်အောင် ဖန်တီးပေးနေ သည့် ဝန်းကျင် အခြေအနေတို့ကိုမူ မစဉ်းစားခဲ့ကြချေ။ ထို့ကြောင့် မပ ပျောက်ခဲ့ပါ။ ကျူရှင်မစို့မပို့သင်မိ၍ အရေးယူခံလိုက်ရသော သူများ ရှိ သကဲ့သို့ ကျူရှင်ဖြင့် တိုက်ဆောက်ကားစီး ပြီး ဘေးရန်ကင်းရှင်း နေကြသူများ လည်း ရှိပါသည်။

ပညာရေးဟူသည်.....

ပညာရေးသည် ဘဝအတွက် ပြင်ဆင်ခြင်း၊ လေ့ကျင့်ခြင်း ဖြစ်စဉ် ဖြစ်သည်။ တစ်နည်းဆိုသော် ကျန်းမာစွာ ချမ်းသာစွာ နေနိုင်စေရန် ငယ်ရွယ်စဉ်ကပင် ကြိုတင် လေ့ကျင့်ပြင်ဆင်ခြင်း ဖြစ်သည်။ ကျန်းမာစွာ နေထိုင်ခြင်းကို လူတိုင်း သိပြီးဖြစ်ပြီး ချမ်းသာစွာ နေထိုင်ခြင်း ဆိုသည်မှာ အသက်ရှင်ရသော နေ့တိုင်း စိတ်ချမ်းသာမှုနှင့် အေးချမ်းစွာ နေရခြင်းကို ဆိုလိုရင်း ဖြစ်သည်။ ကလေးတစ်ယောက် ကျန်းကျန်းမာမာနှင့် စိတ်ချမ်းသာ အေးချမ်းစွာ နေထိုင်နိုင်ရေးအတွက် လေ့ကျင့်ပေးရာတွင် တစ်ဦးကောင်းတစ်ယောက် ဆောင်ရွက်လျှင် အောင်မြင်မှု မရနိုင်။ ထိုကလေး၏ မိဘ၊ ထိုကလေးအား လေ့ကျင့်ပေးမည့် ဆရာနှင့် ထိုကလေး ကိုယ်တိုင်ပါ လုပ်ကိုင်ဆောင်ရွက် လေ့ကျင့်နိုင်ပါမှ လေ့ကျင့်မှုမှ ရလဒ်ကောင်း ရနိုင်မည်။

ဆရာကလည်း ကျန်းမာအောင် မည်သို့ နေထိုင်ရမည်ကို ကောင်းစွာသိရှိရန် လိုသည်။ စိတ်ချမ်းချမ်းသာသာနှင့် အေးအေးချမ်းချမ်း နေထိုင်နိုင်ရန် မည်သည်တို့ကို လေ့ကျင့်ရန် လိုသည်ကို သေချာစွာ နားလည် တတ်ကျွမ်းရန် လိုသည်။ ဆရာကိုယ်တိုင်ကလည်း နေ့စဉ် ကျန်းမာအောင် နေထိုင်တတ်သူ ဖြစ်ရန် လိုသည်။ ဆရာကိုယ်တိုင်ကလည်း နေ့စဉ် စိတ်ချမ်းချမ်းသာသာနှင့် အေး အေးချမ်းချမ်း နေနိုင်ရေးအတွက် ထာဝရ ကြိုးစားနေသူ ဖြစ်ရန်လိုသည်။ သို့မှသာ သူကိုယ်တိုင် ကျွမ်းကျင်နေသော နေ့စဉ် လေ့ကျင့်နေသော ကျွမ်းကျင်မှုတို့ကို ကျောင်းသားကလေးများအား ပြန်လည် လေ့ကျင့်ပေးနိုင်မည်။ မိဘတို့ကလည်း ၎င်းနည်းတူ သိရှိ နားလည် သဘောပေါက်ထားပြီး ၎င်းတို့ ကိုယ်တိုင်လည်း ရည်ရွယ်ချက်တူပြီး ကျန်းမာချမ်းသာစွာ နေနိုင်ရေး နေ့စဉ် ကြိုးစား အားထုတ်နေသူများ ဖြစ်ခဲ့လျှင် ဆရာနှင့်မိဘတို့ လျှောက်သောလမ်းတွင် လူမမယ် ကလေးငယ်များကို လက်တွဲ ခေါ်ယူနိုင်မည် ဖြစ်သည်။

ကျောင်းများတွင် ငွေကောက်ခံခြင်း မပြုရ ပေါ်လစီ သည် ကျောင်းသား မိဘ နှင့် ဆရာများ ကို ရန်တိုက်သလိုဖြစ်နေဟု ကျောင်းအုပ်တချို့ ဝေဖန်

အောင်သက်ကို

ရန်ကုန် ၊ နိုဝင်ဘာ ၁၁ ။ ။ ပညာရေး ဝန်ကြီးဌာနမှ ဆရာ ၊ ဆရာမ များ ငွေကောက်ခံခြင်း မပြုရဆိုသည့် ပေါ်လစီချမှတ် ထားခြင်းသည် မှားယွင်းနေပြီး ကျောင်းသားမိဘ နှင့် ဆရာများကို ရန်တိုက်ပေးထား သလိုဖြစ်နေကြောင်း အခြေခံ ပညာ မူလတန်းကျောင်း အုပ်တ ချို့ က ဝေဖန်ပြောဆိုလိုက်သည်။

''ဆရာမကြီးတို့တွေကို ချ မှတ်ပေးထားတဲ့ ငွေကြေးက မလုံ လောက်ဘူး။ ပြီးတော့ ကျောင်း တွေကို တစ်ပြေးညီ ငွေကြေးချ မှတ်တာကလဲ မှားနေ တယ်။ အ မှန်က ကျောင်းတစ်ကျောင်းရဲ့တစ် နှစ်စာ ကုန်ကျစရိတ်ကို တွက်ပြီး တော့မှ ချပေးရမယ်လို့မြင်တယ်။ အခုဟာက ကျောင်းသား ၁ဝဝရှိ တဲ့ ကျောင်းဆိုလဲ သုံးသိန်း၊ တစ် ထောင်ရှိတဲ့ကျောင်းဆိုလဲ သုံး သိန်း ဆိုတော့ ဘယ်ကျောင်းက ပိုကုန်မလဲ။ ချမှတ်လိုက်တဲ့ မူ ကြောင့် ကျောင်း သား မိဘတွေ ကလဲ အဲ့ဒါနဲ့ကိုင်ပြီး တိုင်ကြတော့ မလိုလားတဲ့ပြဿနာတွေ က ဖြစ် နေရတယ်''ဟု ဗဟန်းမြို့နယ်မှ မူလတန်းကျောင်းကျောင်းအုပ် တစ်ဦးက ပြောသည်။

ပညာရေးဝန်ကြီးဌာန အကြီးတန်း အရာရှိများကို ခေါင်းဆောင်စွမ်းရည် သင်တန်း ဗြိတိန်ပေးမည်

ရန်ကုန်၊ နိုဝင်ဘာ ၂

ဘက်စုံလွှမ်းခြုံ ပညာရေး လေ့လာသုံးသပ်ချက် (CESR) တွင် ပါဝင်သော ကဏ္ဍတစ်ခုဖြစ်သည့် အဆင့်မြင့် ပညာရေးအတွက် ဗြိတိန်နိုင်ငံရှိ လန်ဒန်တက္ကသိုလ်၊ မြန်မာနိုင်ငံဆိုင်ရာ ဗြိတိသျှကောင်စီ အပါအဝင် Leadership Foundation (ဗြိတိန်) တို့၏ ပူးပေါင်းမှုဖြင့် ပညာရေးဝန်ကြီးဌာနက အကြီးတန်း အရာရှိများကို ခေါင်းဆောင်စွမ်းရည် သင်တန်းပေးမည် ဖြစ်ကြောင်း အဆိုပါ ဖောင်ဒေးရှင်း၏ အပြည်ပြည်ဆိုင်ရာ စီမံကိန်း ဒါရိုက်တာ Mr.David J.Lock က ပြောကြားသည်။
“ခေါင်းဆောင်ပိုင်းဆိုင်ရာ စွမ်းရည် တိုးမြှင့်ပေးတာဟာ ဗြိတိန်နဲ့ မြန်မာ အဆင့်မြင့် ပညာရေးကဏ္ဍ ပူးပေါင်းရေးအတွက် ပထမဆုံးအဆင့် ဖြစ်ပါတယ်” ဟု ၎င်းကဆိုသည်။

မြန်မာနိုင်ငံရှိ ပညာရေးဝန်ကြီးဌာန အဆင့်မြင့် အရာရှိများကို စွမ်းရည် မြှင့်ပြီးနောက် တက္ကသိုလ်ရှိ အုပ်ချုပ်ရေးပိုင်းဆိုင်ရာ ဆရာများကို သင်တန်းပေးသွားမည် ဖြစ်ပြီး နှစ်နိုင်ငံကြား ပညာရေး အကြောင်းကိုလည်း ဖလှယ်ရေး အစီအစဉ်များ ပြုလုပ်သွားမည် ဖြစ်ကြောင်း Mr.David J.Lock က ရှင်းပြသည်။
“တခြားတက္ကသိုလ် အသိုင်းအဝိုင်းက ဘယ်လိုလုပ်မယ်ဆိုတဲ့ Action ကို မသိကြဘူး” ဟု သမဝါယမ တက္ကသိုလ် ပါမောက္ခချုပ် ဒေါက်တာသိန်းထွန်းက မှတ်ချက်ပေးသည်။

လက်ရှိအချိန်သည် ပညာရေးစနစ်ကို စမ်းသပ်ရမည့်အချိန် မဟုတ်တော့၊ မှန်ကန်သည့်စနစ် ချမှတ်ရန် အရေးကြီးကြောင်း လွှတ်တော်ကိုယ်စားလှယ် သတိပေး

အမျိုးသားလွှတ်တော် အစည်းအဝေးတွင် လွှတ်တော်ကိုယ်စားလှယ် ဦးစတီဗင်သာဘိတ်က ဆွေးနွေးစဉ်

နိုင်ငံ၏ စီးပွားရေး ဖွံ့ဖြိုးတိုးတက်ရန် နည်းပညာ ပိုင်ဆိုင်ရေးသည် ပညာရေးစနစ် မှန်ကန်မှုပေါ် မူတည်ပြီး လက်ရှိအချိန်သည် ပညာရေးစနစ်ကို စမ်းသပ်ရမည့်အချိန် မဟုတ်တော့ဘဲ မှန်ကန်သည့်စနစ် ချမှတ်ရန် အလွန်အရေးကြီးကြောင်း ချင်းပြည်နယ် မဲဆန္ဒနယ် အမှတ် (၄) အမျိုးသားလွှတ်တော် ကိုယ်စားလှယ် ဦးစတီဗင်သာဘိတ်က သတိပေး ပြောကြားသည်။
အောက်တိုဘာ ၂၃ ရက်က ပြုလုပ်သော အမျိုးသားလွှတ်တော် အစည်းအဝေးတွင် မန္တလေးတိုင်း ဒေသကြီး မဲဆန္ဒနယ် အမှတ် (၆) မှ အမျိုးသားလွှတ်တော် ကိုယ်စားလှယ် ဦးမျိုးမြင့်၏ အဆင့်မြင့်နည်းပညာ တက္ကသိုလ်များ ပေါ်ပေါက်လာ၍ အရည်အချင်း ပြည့်ဝသော နည်းပညာ ကျွမ်းကျင်သူများနှင့် အင်ဂျင်နီယာများ မွေးထုတ်ပေးနိုင်ရေး လက်တွေ့ကျစွာ ပုံဖော်မည့် အစီအစဉ်ဖြင့် အင်ဂျင်နီယာနှင့် နည်းပညာဆိုင်ရာ ပညာရေးစနစ်ကို အကောင်အထည်ဖော် ဆောင်ရွက်ပေးပါရန် ပြည်ထောင်စု အစိုးရအား တိုက်တွန်းကြောင်း အဆိုအား ပြောကြားခြင်းဖြစ်သည်။

၂၀၁၃ ခုနှစ် အသက်မွေးဝမ်းကျောင်း တက္ကသိုလ်များမှ ၀င်ခွင့်ပြုသည့် ရမှတ်စာရင်းတွင် ဆေးတက္ကသိုလ် အမျိုးသမီး ၀င်ခွင့်ရမှတ် အမြင့်ဆုံးဖြစ်

(ရန်ကုန်ပညာရေး တက္ကသိုလ်၌ ၂၀၁၃ ခုနှစ် တက္ကသိုလ်ဝင် စာမေးပွဲ အောင်မြင်သူများ တက္ကသိုလ်ဝင်ခွင့် လျှောက်ထားနေသည်ကို တွေ့ရစဉ်)

၂၀၁၃ ခုနှစ် တက္ကသိုလ်ဝင် စာမေးပွဲ အောင်မြင်သူများ အတွက် အသက်မွေးဝမ်းကျောင်း တက္ကသိုလ်များမှ ၀င်ခွင့်ပြုသည့် အနိမ့်ဆုံး ၀င်ခွင့်ပြု ရမှတ်စာရင်းတွင် ဆေးတက္ကသိုလ် အမျိုးသမီးဝင်ခွင့်ပြု ရမှတ်မှာ အမြင့်ဆုံးတွင် ရပ်တည်လျက် ရှိနေကြောင်း တက္ကသိုလ်ဝင်ခွင့် စိစစ်ရွေးချယ်ရေး အဖွဲ့မှ သိရသည်။

ယခင်နှစ်က အဆင့်မြင့် နည်းပညာ တက္ကသိုလ် (ရန်ကုန်)၏ အနိမ့်ဆုံး ၀င်ခွင့်ပြု ရမှတ်မှာ အမြင့်ဆုံး နေရာတွင် ရပ်တည်ခဲ့သော်လည်း ယခုနှစ်၌ အမျိုးသမီးများအတွက် ၀င်ခွင့်ပြုသည့် ဆေးတက္ကသိုလ်ဝင်ခွင့် ရမှတ်မှာ ၂၀၁၃ ခုနှစ်အတွက် အသက်မွေးဝမ်းကျောင်း တက္ကသိုလ် အသီးသီးမှ ၀င်ခွင့်ပြုသည့် ရမှတ်ထက် အမြင့်ဆုံးနေရာတွင် ရပ်တည်ခဲ့သည်။

၂၀၁၃ ခုနှစ် တက္ကသိုလ်ဝင်စာမေးပွဲ အောင်မြင်သူများ အတွက် တက္ကသိုလ်များမှ အနိမ့်ဆုံး ၀င်ခွင့်ပြုရမှတ် အမြင့်ဆုံးနေရာတွင် ရပ်တည်ခဲ့သည့် အသက်မွေးဝမ်းကျောင်း တက္ကသိုလ် နှစ်ခုမှာ ဆေးတက္ကသိုလ်နှင့် အဆင့်မြင့် နည်းပညာ တက္ကသိုလ်(ရန်ကုန်)တို့ ဖြစ်ကြပြီး ဆေးတက္ကသိုလ်များမှ ၀င်ခွင့်ပြုခဲ့သည့် အနိမ့်ဆုံး ၀င်ခွင့်ပြု ရမှတ်မှာ ကျား ၄၈၆ မှတ်နှင့် မ ၅၀၅ မှတ်တို့ ဖြစ်ကြပြီး၊ အဆင့်မြင့် နည်းပညာ တက္ကသိုလ် (ရန်ကုန်)မှ ခွင့်ပြုခဲ့သည့် အနိမ့်ဆုံး ၀င်ခွင့်ပြုရမှတ်မှာ ကျား ၅၀၂ မှတ်နှင့် မ ၄၉၆ မှတ် တို့ ဖြစ်ကြသည်။

မြန်မာကျောင်းသားများ ပညာသင်ဆုရရှိရေး သမ္မတဦးသိန်းစိန်နှင့် သြစတြေးလျ ၀န်ကြီးချုပ်ဟောင်း ဆွေးနွေး

သမ္မတဦးသိန်းစိန်နှင့် သြစတြေးလျ ၀န်ကြီးချုပ်ဟောင်းတို့အား အောက်တိ်ုဘာ ၂၃ ရက်က တွေ့ရစဉ် (ဓာတ်ပုံ-သမ္မတရုံးဝက်ဘ်ဆိုက်)

နိုင်ငံတော် သမ္မတဦးသိန်းစိန်သည် သြစတြေးလျနိုင်ငံ ၀န်ကြီးချုပ်ဟောင်း Hon.Bob Hawke ဦးဆောင်သည့် အဖွဲ့အား အောက်တိုဘာ ၂၃ ရက်၊ နံနက်ပိုင်းတွင် နေပြည်တော်ရှိ နိုင်ငံတော် သမ္မတအိမ်တော် ဧည့်ခန်းမဆောင်တွင် လက်ခံတွေ့ဆုံခဲ့ကြောင်း နိုင်ငံတော် သမ္မတရုံး၏ သတင်း ထုတ်ပြန်ချက်အရ သိရသည်။

ထို့သို့ တွေ့ဆုံရာတွင် မြန်မာနိုင်ငံအနေဖြင့် မူးယစ်ဆေးဝါး ပပျောက်ရေးအတွက် နိုင်ငံတော်အစိုးရ အဆက်ဆက် ကြိုးပမ်းဆောင်ရွက်နေမှု၊ နိုင်ငံဖွံ့ဖြိုး တိုးတက်ရေးအတွက် အဓိက သော့ချက်ဖြစ်သည့် ပညာရေး ကဏ္ဍတွင် သြစတြေးလျနိုင်ငံက ဦးစားပေး ကူညီပံ့ပိုးပေးလိုမှု၊ မြန်မာကျောင်းသား ကျောင်းသူများအတွက် ပညာသင်ဆုများ ရရှိရေးတို့ကို ဆွေးနွေးခဲ့ကြကြောင်း သိရသည်။

အခြေခံပညာ ဆရာ၊ ဆရာမအသင်း ပထမဆုံး ဖွဲ့စည်းရန် ပြည်ပ အဖွဲ့အစည်းများ ကူညီမည်

ရန်ကုန်၊ အောက်တိုဘာ ၂၁

ပထမဆုံးအကြိမ်အဖြစ် အခြေခံပညာ ကျောင်းဆရာ၊ ဆရာမများအသင်း ဖွဲ့စည်းရန် ပြည်ပ အဖွဲ့အစည်းများဖြစ်သော EI (Education International) နှင့် အပြည်ပြည်ဆိုင်ရာ အလုပ်သမား အဖွဲ့အစည်း (ILO) တို့က ကူညီပံ့ပိုးပေးမည် ဖြစ်ကြောင်း မြန်မာနိုင်ငံရှိ အခြေခံပညာဆရာ၊ ဆရာမများ အသိုင်းအဝိုင်းထံမှ သိရသည်။

ယင်းအဖွဲ့အစည်းများက အသင်းမှတ်ပုံတင်ခွင့်၊ ဥပဒေပိုင်း ဆိုင်ရာများ၊ အသင်းဖွဲ့စည်းရာတွင် တွေ့ကြုံရမည့် အခက်အခဲများ၊ ဆရာဆရာများ၏ အခွင့်အရေးများကို သိရှိစေရန် အသိပညာပေးကာ၊ စိန်ခေါ်မှုများကို ကျော်လွှားနိုင်မည့် နည်းလမ်းများကို ကူညီပေးမည် ဖြစ်ကြောင်း ပညာရေး အသိုင်းအဝိုင်းက ဆိုသည်။

ရခိုင်ပြည်နယ် ကယ်ဆယ်ရေး စခန်းများရှိ ကလေးများအား ကျောင်းပြင်ပ မူလတန်းပညာရေး အစီအစဉ်ဖြင့် သင်ကြားပေးနိုင်ရန် စီစဉ်

(၂၀၁၃-၂၀၁၄ ပညာသင်နှစ် ကျောင်းပြင်ပ မူလတန်းပညာရေး အခြေစိုက်စခန်း (၂) တွင် တက်ရောက် နေကြသည့် ကလေးများအား တွေ့ရစဉ်)

ပညာသင်ယူမှု အခွင့်အလမ်းများ ဆုံးရှုံးနေကြသည့် ရခိုင်ပြည်နယ် ကယ်ဆယ်ရေး စခန်းများရှိ ကလေးများအား ကျောင်းပြင်ပ မူလတန်း ပညာရေး အစီအစဉ်ဖြင့် သင်ကြားပေးရန် စီစဉ်လျက် ရှိသည်ဟု သိရသည်။

အဆိုပါ ကလေးများအတွက် ကျောင်းပြင်ပ မူလတန်း ပညာရေး အစီအစဉ်ဖြင့် သင်ကြားပေးနိုင်ရေး အတွက် ကျောင်းပြင်ပ မူလတန်း ပညာရေး နည်းပြသင်တန်းများကို ၂၀၁၃-၂၀၁၄ ပညာသင်နှစ်မှ စတင်ကာ ဖွင့်လှစ်ခဲ့ပြီး ဆင့်ပွားသင်တန်း များကိုလည်း ပြန်လည် ဖွင့်လှစ်ပေးခဲ့သည်။

''ရခိုင်ပြည်နယ် ကယ်ဆယ်ရေး စခန်းတွေမှာရှိတဲ့ ကလေးတွေဟာ ပညာသင်ယူမှု အခွင့်အလမ်းတွေ မရရှိကြတဲ့ အတွက် ဒီကလေးတွေကို ကျောင်းပြင်ပ မူလတန်းပညာရေး အစီအစဉ်နဲ့ သင်ကြားပေးနိုင်အောင် နည်းပြသင်တန်းတွေ ပို့ချပေးပြီး ဆင့်ပွားသင်တန်းတွေကို ဒီပညာသင်နှစ်မှာ စတင်ဖွင့်လှစ်ခဲ့တယ်'' ဟု ကျောင်းပြင်ပ မူလတန်း ပညာရေး အစီအစဉ်မှ တာဝန်ရှိသူက ဆိုသည်။

ရန်ကုန်မန္တလေးနည်းပညာတက္ကသိုလ်နှစ်ခုကို ကန်ဒေါ်လာ (၁၃ .၅) သန်းထောက်ပံ့ပေးမည်

 

ရန်ကုန်နည်းပညာတကကသိုလ်  နှင့် မန္တလေးနည်းပညာတက္ကသိုလ်  တို့အားဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ(JICA) က သင်ထောက်ကူပစ္စည်း  များနှင့် နည်းပညာပိုင်းတို့အတွက်  အမေရိကန်ဒေါ်လာ (၁၃.၅) သန်းထောက်ပံ့သွားမည်ဖြစ်ကြောင်းJICAဥက္ကဋ္ဌဒေါက်တာအာကီဟီကို တာနာကာကပြောသည်။
အင်းစိန်မြို့နယ်ရှိရန်ကုန်နည်း ပညာတက္ကသိုလ်(YIU) တွင်(JICA)နှင့် ဂျပန်တက္ကသိုလ် (၆) ခုတို့မှနည်းပညာပူးပေါင်းဆောင်ရွက် ရေးအတွက်အောက်တိုဘာလ (၄) ရက်နေ့က လက်မှတ်ရေးထိုးပွဲပြု လုပ်ခဲ့ကြောင်း သိရသည်။
အဆိုပါအခမ်းအနားသို့သိပ္ပံ နှင့် နည်းပညာဝန်ကြီးဌာနပြည်ထောင် စုဝန်ကြီးဒေါက်တာဦးကိုကိုဦး၊ ရန်ကုန်တိုင်းဒေသကြီးဝန်ကြီးချုပ် ဦးမြင့်ဆွေနှင့် တာဝန်ရှိသူများ တက်ရောက်ကြသည်။
မြန်မာနိုင်ငံတွင် အဓိကကျ သည့်တက္ကသိုလ်နှစ်ခုကို ပထမဆုံး  ပံ့ပိုးသွားခြင်းဖြစ်ပြီး နည်းပညာ ပူးပေါင်းဆောင်ရွက်ရေးစီမံကိန်းကို သြဂုတ်လမှ စတင်ခဲ့ခြင်းဖြစ်သည်။JICA အနေဖြင့် သင့်ထောက်  ကူပစ္စည်းတွေသာမကနည်းပညာ နှင့် ပတ်သက်ပြီးလိုအပ်တာအားလုံး   ကူညီသွားမယ်။

တက္ကသိုလ်စာမေးပွဲတွင် စာခိုးချဖြေဆိုသူများကိုဆရာ၊ ဆရာမများ ရဲရဲဝံ့ဝံ့ အရေးယူရန်လိုအပ်

တက္က သိုလ်စာမေးပွဲများတွင် စာခိုးချ ဖြေဆိုမှုများအား ဆရာ၊ ဆရာမ များအနေဖြင့် ရဲရဲဝံ့ဝံ့ အရေးယူ ရန်လိုအပ်ကြောင်း အဆင့်မြင့် ပညာ ဦးစီးဌာန (အောက်မြန်မာ ပြည်)မှညွှန်ကြားရေးမှူး ဦးဉာဏ် ဝင်းအောင်က ပြောကြားသည်။ယခင်က တက္ကသိုလ်ကျောင်း သားများသည် စာမေးပွဲ ဖြေဆိုရာတွင် စာခိုးချမှုများပြုလုပ်သည် ကို စာမေးပွဲ အခန်းစောင့်ဆရာ များက သိရှိသိမ်းဆည်းအရေးယူ သည်ကိုမကျေနပ်၍ ယင်းဆရာ အား ရိုက်နှက်မည်ဟု ခြိမ်းခြောက် မှုများရှိခဲ့ဖူးကြောင်း တက္ကသိုလ် ဆရာ အသိုင်းအဝိုင်းမှ သိရသည်။

''အခုနောက်ပိုင်းတော့ ဒီ လို ခြိမ်းခြောက်တာမျိုးတွေ မကြား မိတော့ဘူး။ စာမေးပွဲဖြေချိန်တွေ မှာဆိုရင် ပါမောက္ခချုပ်တွေ၊ ပါ မောက္ခတွေကိုယ်တိုင် လှည့်လည် စစ်ဆေးတာမျိုးတွေ လုပ်နေတဲ့ အတွက် ဒါတွေကတော့ ဖြစ်စရာ မရှိတော့ပါဘူး'' ဟု ဦးဉာဏ်ဝင်း အောင်က ထပ်မံပြောသည်။
ယခင်က ယင်းကဲ့သို့သော ကျောင်းသားများ၏ ခြိမ်းခြောက် မှုများ ရှိခဲ့ခြင်းကြောင့် စာခိုးချမှု များကို အရေးမယူကြခြင်းများရှိ ခဲ့ကြောင်း၊ ယင်းကဲ့သို့သော ခြိမ်း ခြောက်မှုများကိုဂရုမထားဘဲ ရဲဝံ့ စွာအရေးယူနိုင်ရန် လိုအပ်ကြောင်း ထားဝယ်တက္ကသိုလ် စိတ်ပညာ ဌာနမှ ဆရာဦးဇော်သူရက ပြော သည်။

သြစတြေးလျ James Cook University မှ အိုင်တီနှင့်စီးပွားရေး ဒီပလိုမာသီးခြားပေးအပ်မည်

ရန်ကုန်၊ သြဂုတ် ၁၆

သြစတြေးလျနိုင်ငံ James Cook University မှ စီးပွားရေးနှင့် အိုင်တီ ဘာသာရပ်တို့အတွက် ဒီပလိုမာအောင်လက်မှတ် သီးခြားပေးအပ် သွားမည်ဖြစ်ကြောင်း Crown Education မှ သိရသည်။

ယခင်က အင်္ဂလန်နှင့် သြစတြေးလျတက္ကသိုလ်များအနေဖြင့် ဒီဂရီ(၃)နှစ် တက်မြော်ကပြီးမှ သာဘွဲ့၊ အောင်လက်မှတ်ချီးမြှင့်လေ့ရှိပြီးလာမည့် ၂၀၁၄ခုနှစ်ပညာသင်နှစ်မှစ၍ အထက်ပါ ဘာသာရပ်နှစ်ခု အတွက် (၈)လသင်ကြားပြီးရုံဖြင့် ဒီပလိုမာလက်မှတ် ချီးမြှင့်ပေးသွားမည်
ဖြစ်သည်။

အဆိုပါဘာသာရပ်များလျှောက်ထားရာတွင် တက္ကသိုလ် ၀င်တန်းအောင်မြင် ပြီးသူများအပြင် တက္ကသိုလ်တစ်ခုခု မှ ဘွဲ့ရရှိထားပြီးသူများပါ Joint Master ဘွဲ့အနေဖြင့် လျှောက်ထားနိုင်မည်ဖြစ်ကြောင်း သိရသည်။

အမေရိကန် ကောလိပ်တစ်ခု မြန်မာနိုင်ငံ လာရောက်ဖွင့်လှစ်မည်

အမေရိကန် ပြည်ထောင်စုရှိ နာမည်ကျော် Liberal Arts College တစ်ခုဖြစ်သော Bard liberal art college သည် မြန်မာနိုင်ငံတွင်လည်း ဖွင့်လှစ်နိုင်ရန် လွန်ခဲ့သော ရက်သတ္တပတ် အနည်းငယ်အတွင်းက မြန်မာနိုင်ငံသို့ လာရောက်လေ့လာပြီး ပညာရေး နယ်ပယ်တွင်းရှိ လူပုဂ္ဂိုလ်များ၊ အဖွဲ့အစည်းများနှင့် ညှိနှိုင်းမှုများ ပြုလုပ်သွားကြောင်း အဆိုပါ အသိုင်းအဝိုင်းတွင်းမှ စုံစမ်းသိရှိရသည်။
အဆိုပါ အစီအစဉ်ကို ညှိနှိုင်းမှုများ အဆင်ပြေပါက ၂၀၁၃ ခုနှစ်တွင် ကျောင်းသား စတင်လက်ခံနိုင်ရန် ရည်မှန်း လုပ်ဆောင်နေကြောင်း၊ ယင်းကျောင်းက လိုချင်သည်မှာ ကျောင်းဖွင့်ခွင့်နှင့် ကျောင်းနေရာသာ ဖြစ်ကြောင်း၊ ကျောင်းသား ၂၀၀၀ ခန့် တက်ရောက်နိုင်မည့် ကျောင်းဖွင့်လှစ်မည်ဖြစ်ပြီး ယင်းကောလိပ်၏ ဘာသာရပ် အားလုံးနီးပါး သင်ယူနိုင်မည်ဖြစ်ကာ လေးနှစ် တက်ရောက်ပြီးပါက နိုင်ငံတကာရှိ ယင်းကောလိပ်တွင် တက်ရောက်သည့် နည်းတူ ဒီဂရီအဆင့်တူ ရရှိမည်ဖြစ်ကြောင်း ပညာရေးနယ်ပယ်တွင်းမှ ပုဂ္ဂိုလ်တစ်ဦးက ပြောကြားသည်။

မတော်ဘူးဆိုတာ သေချာပြီလား

ကျွန်တော်ယခု ပြောချင်သည့် ပုဂ္ဂိုလ်များသည် တစ်ချိန်က မအောင်မြင်ခဲ့သော၊ မတော်သော၊ အထင်သေးခြင်း ခံရသော သူများဖြစ်သည်။ သို့သော် နောင်တစ်ချိန်တွင် သူတို့သည် ကမ္ဘာကျော်တွေ ဖြစ်လာသည်။ အောင်မြင်သူ တစ်ယောက်ဖြစ်ရန် ဆိုသည်မှာ အယ်ဒီဆင်ပြောသလို ပြောရလျှင် ချွေးက ၉၉ ရာခိုင်နှုန်းလောက် ကျအောင် လုပ်နိုင်မှ၊ စိတ်ကူး ၁ ရာခိုင်နှုန်းကို အထောက်အကူ ပြုနိုင်မည် ထင်ပါသည်။ စိတ်ဓာတ်ကျပြီး နောက်ဆုတ်ပြေး သူတွေအတွက် လောကတွင် နေရာမရှိဆိုသည့် သဘောဖြစ်သည်။

Woody Allen

အကယ်ဒမီဆုရခဲ့သော စာရေးဆရာ၊ ထုတ်လုပ်သူ၊ ဒါရိုက်တာတစ်ယောက်ဖြစ်သည်။ နယူးယော့ခ် ရုပ်ရှင် ထုတ်လုပ်ရေး တက္ကသိုလ်နှင့် နယူးယော့ခ် စီတီး ကောလိပ်သို့ တက်ရောက်စဉ်က စာမေးပွဲကျခဲ့သည်။ နယူးယော့ခ်တက္ကသိုလ်တက်စဉ်က အင်္ဂလိပ်စာကျခဲ့သူဖြစ်သည်။