ယာဉ်နောက်လိုက်နှင့် အဖော်ဖြစ်သူတို့အား ခါးပိုက်နှိုက်လူတစ်စုက ဓားဖြင့်ထိုးမှုဖြစ်စဉ် ၁၉၉ ယာဉ်လိုင်းပေါ်တွင် ဖြစ်ပွား

ဓားထိုးမှုဖြစ်စဉ် ဖြစ်ပွားခဲ့သည့် ၁၉၉ ယာဉ်လိုင်းမှ မော်တော်ယာဉ်ကို တွေ့ရစဉ် ရန်ကုန်တိုင်းဒေသကြီး၊ ကြည့်မြင်တိုင် မြို့နယ်တွင် မထသ ယာဉ်လိုင်းတစ်ခုဖြစ်သည့် ၁၉၉ ယာဉ်လိုင်းမှ ယာဉ်နောက်လိုက်နှင့် အဖော်ဖြစ်သူတို့အား ခါးပိုက်နှိုက်တစ်စုက ဓားဖြင့်ထိုးမှု ဖြစ်စဉ်တစ်ခု ဧပြီလ ၁၀ ရက်နေ့က ဖြစ်ပွားခဲ့ကြောင်း သိရသည်။ ဖြစ်စဉ်မှာ ရွှေပြည်သာမြို့နယ်မှ ဆူးလေဘက်သို့ ပြေးဆွဲလာသော ၁၉၉ ယာဉ်လိုင်းမှ ယာဉ်တစ်စီးသည် ကြည့်မြင်တိုင်၊ စာတိုက်မှတ်တိုင် အရောက်၌ ယာဉ်ပေါ်တွင် ခရီးသည် အမျိုးသမီးကြီး တစ်ဦးခါးပိုက်နှိုက် ခံရ၍ ယာဉ်အကူ၏ အဖော်ဖြစ်သူ ကိုစိုးမင်းထွေးမှ ကားပေါ်မှ ဆင်းသွားသော  ခါးပိုက်နှိုက်သူအား ညွှန်ပြခဲ့ရာ ယာဉ်ပေါ်တွင် ကျန်ရှိနေသော ခါးပိုက်နှိုက်၏ အဖော်တစ်စုမှ ဓားဖြင့် လိုက်ထိုးသဖြင့် ကိုစိုးမင်းထွေးနှင့် ယာဉ်အကူ ကိုဇင်မင်းဦးတို့မှာ လက်နှင့်ပေါင်တို့တွင် ဓားဖြင့် အထိုးခံခဲ့ရခြင်းဖြစ်ကြောင်း သိရသည်။

တောင်တရုတ်ပင်လယ်အတွင်း တရုတ်၊ ဖိလစ်ပိုင် ဆက်လက်တင်းမာ

တောင်တရုတ်ပင်လယ်ပြင်ထဲမှာ နယ်မြေပိုင်တဲ့အငြင်းပွားမှုတွေ ဆက်ပြီး ဖြစ်နေချိန်မှာပဲ ဒီလို အငြင်းပွားနေတဲ့ ကျွန်းတွေနားကို တရုတ်နိုင်ငံက နောက်ထပ် စစ်သင်္ဘောတစင်း ထပ်ပြီး စေလွှတ်ခဲ့တယ်လို့ ဖိလစ်ပိုင်နိုင်ငံက စွပ်စွဲလိုက်ပါတယ်။
ပြဿနာဖြစ်နေတဲ့အခြေအနေကို ပိုပြီး ရှုပ်ထွေးအောင် မလုပ်ဆောင်ဖို့ သဘောတူညီထားတဲ့ကြားကနေ တရုတ်နိုင်ငံက ဘာ့ကြောင့် ချိုးဖောက်တယ်ဆိုတာနဲ့ ပတ်သက်ပြီး ဖိလစ်ပိုင်အစိုးရက တရုတ် အာဏာပိုင်တွေကို မေးမြန်းဖို့ စီစဉ်နေတယ်လို့ ဖိလစ်ပိုင်နိုင်ငံခြားရေးဌာန ပြောခွင့်ရ ရာအောလ်၊ ဟာနန်ဒတ်ဇ် (Raul Hernandez) က ပြောပါတယ်။

မြန်မာအမျိုးသမီး ၇၀ နီးပါး ထိုင်းရဲက ကယ်တင်

ထိုင်းနိုင်ငံ Chanthaburi ခရိုင်မှာ ဖွင့်ထားတဲ့ အနှိပ်ခန်း တစ်ခုက မြန်မာ အမျိုးသမီး ၇၀ နီးပါးကို ထိုင်း လူကုန်ကူးမှု တိုက်ဖျက်ရေး အဖွဲ့က ကယ်တင်လိုက်ကြောင်း သိရပါတယ်။

RFA

ထိုင်း-မြန်မာနယ်စပ် မဲဆောက်မြို့တွင် စိုက်ထူထားသော လူကုန်ကူးမှု ဆန့်ကျင်တိုက်ဖျက်ရေး ပိုစတာ ဆိုင်းဘုတ်တခု ဖြစ်ပါသည်။ (Photo: RFA)

ကယ်တင်လိုက်တဲ့သူတွေထဲက တစ်ဝက်ခန့်ဟာ အသက် ၁၈ နှစ်အောက် မိန်းကလေးငယ်တွေ ဖြစ်ကြောင်းနဲ့ သူတို့အားလုံးကို လူမှုဝန်ထမ်းဌာနက စောင့်ရှောက်ထားကြောင်း အထူး စုံစမ်းစစ်ဆေးရေး အဖွဲ့ DSI လူကုန်ကူးမှုတိုက်ဖျက်ရေးဌာန အကြီးအကဲ ဒုတိယ ဗိုလ်မှူးကြီး Komvich Pathanarat က ပြောပါတယ်။ စုံစမ်းစစ်ဆေးမှုတွေအပြီး အားလုံးကို မြန်မာနိုင်ငံဘက် ပြန်ပို့ပေးမှာဖြစ်ကြောင်းလည်း သူက ပြောပါတယ်။ စုံစမ်းစစ်ဆေးမှုက နှစ်လ သုံးလလောက် ကြာနိုင်တယ်လို့ သိရပါတယ်။

ထိုင်းတောင်ပိုင်း မြန်မာ အလုပ်သမားအရေး မြန်မာသံရုံး ညှိနှိုင်းပေးနိုင်ခဲ့

ဆန္ဒပြမှုတွေ ဖြစ်ပွားခဲ့တဲ့ ထိုင်းနိုင်ငံတောင်ပိုင်း ဆောင်ခလာခရိုင် ဖတ်တနာ ပင်လယ်အစားအစာ စက်ရုံက မြန်မာ အလုပ်သမားအရေး ကိစ္စကို ဘန်ကောက်အခြေစိုက် မြန်မာသံရုံးက သံမှူးကြီး ဦးမျိုးတင့်၊ အလုပ်သမားရေး တာဝန်ခံနဲ့ ရွှေ့ပြောင်း အလုပ်သမားအရေး ဆောင်ရွက်နေသူတွေက သွားရောက် ညှိနှိုင်းပေးခဲ့ရာမှာ အဆင်ပြေ သွားပြီလို့ သိရပါတယ်။

Photo Courtesy of Sein Kyaw Hlaing

ထိုင်းနိုင်ငံတွင် အလုပ်လုပ်ကိုင်ကြသည့် မြန်မာ ရွှေ့ပြောင်းအလုပ်သမား တချို့ကို မဲဆောက်-မြ၀တီ နယ်စပ်တွင် ၂၀၁၁ ခုနှစ် ဒီဇင်ဘာလအတွင်း တွေ့ရစဉ်။

နှစ်နိုင်ငံ သဘောတူညီမှု စာချွန်လွှာ (MOU) နဲ့ လာရောက် အလုပ်လုပ်ကိုင်နေတဲ့ မြန်မာ အလုပ်သမားတွေရဲ့ ရပိုင်ခွင့်တွေကို ကန့်သတ်ထားပြီး သူတို့ပိုင်ဆိုင်တဲ့ ယာယီ ပတ်စပို့စ်တွေကိုလည်း သိမ်းဆည်းထားခဲ့တဲ့အတွက် ဒီလ (၈) ရက်နေ့က စက်ရုံမှာ အတူလုပ်ကိုင်နေတဲ့ ကမ္ဘောဒီးယား အလုပ်သမားတွေနဲ့အတူ မြန်မာ အလုပ်သမားတွေက စုပေါင်းပြီး ဆန္ဒပြခဲ့ကြတာ ဖြစ်ပါတယ်။
ဒါကြောင့် ညှိနှိုင်းမှုတွေ အဆင့်ဆင့် ပြုလုပ်ခဲ့ရပြီး ပြီးခဲ့တဲ့ ရက်ပိုင်းကတော့ သိမ်းဆည်းထားတဲ့ ယာယီ ပတ်စပို့တွေက စက်ရုံက ပြန်လည်ပေးအပ်ခဲ့ပါတယ်။

ဥရောပသမဂ္ဂက လက်နက် တင်သွင်းရောင်းချမှုမှအပ မြန်မာနိုင်ငံအပေါ် ချမှတ်ထားသည့် အရေးယူပိတ်ဆို့ ထားမှုများကို တစ်နှစ်ဆိုင်းငံ့မည်

ပြင်သစ်နိုင်ငံခြားရေး ၀န်ကြီး Alain Juppe အား မြန်မာနိုင်ငံသို့ ၂၀၁၂ ခုနှစ် ဇန်န၀ါရီလက လာရောက်စဉ်အတွင်း တွေ့ရစဉ် ဥရောပသမဂ္ဂက လက်နက်တင်သွင်း ရောင်းချမှုမှအပ မြန်မာနိုင်ငံအပေါ် ချမှတ်ထားသော အရေးယူပိတ်ဆို့မှုများကို တစ်နှစ်ဆိုင်းငံ့မည် ဆိုသည်ကို မူအားဖြင့် သဘောတူညီ လိုက်ပြီဖြစ်ကြောင်း ဧပြီလ ၂၃ ရက် နေ့တွင် ကျင်းပမည့် ဥရောပသမဂ္ဂ နိုင်ငံခြားရေးဝန်ကြီးများ အစည်းအဝေးနှင့် နီးစပ်သည့် သံတမန်တစ်ဦး၏ ဧပြီလ ၁၉ ရက်နေ့ ပြောကြားချက်ကို ကိုးကားပြီး အေအက်ဖ်ပီသတင်း တစ်ပုဒ်တွင် ဖော်ပြထားသည်။ လူဇင်ဘတ်နိုင်ငံ၌ ဧပြီလ ၂၃ ရက်နေ့တွင် ကျင်းပမည့် ဥရောပ သမဂ္ဂ နိုင်ငံခြားရေးဝန်ကြီးများ အစည်းအဝေးတွင် အဆိုပါဆိုင်းငံ့မှုကို တရားဝင် ထုတ်ပြန်သွားဖွယ်ရှိကြောင်း သိရသည်။ ထို့ပြင် ပြင်သစ်နိုင်ငံခြားရေး ၀န်ကြီး Alain Juppe က လာမည့် တနင်္လာနေ့ (ဧပြီလ ၂၃ ရက်)တွင် ကျွန်တော်တို့အနေဖြင့် အရေးယူပိတ်ဆို့မှုများကို ရုပ်သိမ်းသွားမည် မဟုတ်ဘဲ ဆိုင်းငံ့သွားမည် ဖြစ်ကြောင်း၊ အဘယ်ကြောင့်ဆိုသော် အစိုးရအနေဖြင့် ဒီမိုကရေစီလမ်းကြောင်းပေါ်တွင် တိုးတက်မှုများ ရှိနေသည် ဆိုသည်ကို စစ်ဆေးလို၍ ဖြစ်ကြောင်း ပြင်သစ်နိုင်ငံရှိ BFM ရုပ်သံသို့ ဧပြီလ ၂၀ ရက်နေ့က ပြောကြားခဲ့သည်။

ဂျပန်နိုင်ငံက မြန်မာနိုင်ငံကြွေးမြီ အမေရိကန်ဒေါ်လာ ၃ ဒဿမ ၇ ဘီလျံကို လျှော့ပေါ့ပေးပြီး ရပ်တန့်ထားသည့် အကူအညီပေးရေးအစီအစဉ်ကို ပြန်လည်စတင်မည်

နိုင်ငံတော်သမ္မတ ဦးသိန်းစိန်အား ဂျပန်ဝန်ကြီးချုပ် ယိုရှီဟီကိုနိုဒါနှင့်အတူ ဧပြီလ ၂၁ရက်နေ့က ဂျပန်-မဲခေါင် ထိပ်သီးအစည်းအဝေးပွဲ သတင်းစာရှင်းလင်းပွဲ၌ တွေ့ရစဉ် မြန်မာခေါင်းဆောင် တစ်ဦး၏ နှစ်ပေါင်း ၂၈ နှစ်အတွင်း ပထမဆုံး ဂျပန်ခရီးစဉ်အဖြစ် နိုင်ငံတော်သမ္မတ ဦးသိန်းစိန်သည် ဂျပန်နိုင်ငံသို့ ငါးရက်ကြာ ချစ်ကြည်ရေး ခရီးသွားရောက်ခဲ့ပါသည်။ နိုင်ငံတော်သမ္မတ ဦးသိန်းစိန်သည် ဂျပန်နိုင်ငံ တိုကျိုမြို့တွင် ကျင်းပမည့် စတုတ္ထအကြိမ်မြောက်  ဂျပန်-မဲခေါင်ထိပ်သီး အစည်းအဝေးကိုလည်း တက်ရောက်မည်ဖြစ်ပြီး မြန်မာနိုင်ငံ နေပြည်တော်မှ အထူးလေယာဉ်ဖြင့် ဧပြီလ ၁၉ ရက်နေ့က ထွက်ခွာသွားခဲ့သည်။ နိုင်ငံတော်သမ္မတ ဦးသိန်းစိန် ခေါင်းဆောင်သော မြန်မာကိုယ်စားလှယ်အဖွဲ့သည် ဂျပန်နိုင်ငံသို့ ဧပြီလ ၂၀ ရက်နေ့တွင်ရောက်ရှိခဲ့သည်။ နိုင်ငံတော်သမ္မတ ဦးသိန်းစိန်သည် ဂျပန်ထိပ်တန်း စီးပွားရေး လုပ်ငန်းရှင်များနှင့် ဧပြီလ ၂၀ ရက်နေ့က တွေ့ဆုံခဲ့ရာတွင် မြန်မာနိုင်ငံတွင် နိုင်ငံရေးနှင့် စီးပွားရေး ပြုပြင် ပြောင်းလဲမှုများ ဆောင်ရွက်နေပါကြောင်း၊ ထို့အတူ အထူး စီးပွားရေး ဇုန်များလည်း တည်ထောင်နေပါကြောင်း၊ ဂျပန်နိုင်ငံက ရင်းနှီးမြှုပ်နှံမှုကို ကြိုဆိုပါကြောင်း ပြောကြားခဲ့သည်။