ဇွန်လအတွင်းက ပျောက်ဆုံးသွားသောယာဉ်အား တိုက်ကြီးမြို့နယ် ဖူးကြီးလမ်း၌ ပြန်လည်တွေ့ရှိ

ရန်ကုန်၊ သြဂုတ် ၁၉
သစ်ထုတ်လုပ်ရေး(မြန်မာ့သစ်လုပ်ငန်း)၊ လက်ထောက်မန်နေဂျာ ဦညီညီထွေးသည် သစ်ထုတ်လုပ်ရေးဌာနပိုင် မော်တော်ယာဉ် ၁ခ/---- ၊ ကိုရိုလာဗင်အဖြူရောင်ယာဉ်မှာ ၈.၆.၂၀၁၃ ရက်နေ့ ၂၁၀၀ အချိန်တွင်
ပုဇွန်တောင်မြို့နယ်၊ အမှတ်(၁၀)ရပ်ကွက်၊ ဗိုလ်မြတ်ထွန်းလမ်း ၊
အ.ထ.က (၄)ကျောင်းရှေ့တွင် ရပ်တန့်ထားခဲ့စဉ် ၂၂၁၅ အချိန်ခန့်တွင်
ပျောက်ဆုံးနေကြောင်းသိရှိရသဖြင့် စုံစမ်းအရေးယူပေးပါရန်တိုင်တန်းခဲ့၍ ပုဇွန်တောင်မြို့မရဲစခန်း (ပ)၁၁၆/၂၀၁၃၊ ပြည်သူပိုင်ပစ္စည်းကာကွယ်
စောင့်ရှောက်ရေးဥပဒေပုဒ်မ ၆(၁) ဖြင့်အမှုဖွင့်စုံစမ်းရှာဖွေခဲ့ပါသည်။

ငြိမ်းချမ်းရေးမဟာတာရာ ကြွေလွင့်ခြင်း (ရေးသားသူ- ဥက္ကာကိုကို)

ကျည်ဆန်ခြုံ၍မလုံ... မေတ္တာခြုံမှ လုံလိမ့်မည်ဆိုသည့် ငြိမ်းချမ်းရေး ကြယ်မဟာဖြစ်သော ကဗျာဆရာကြီး၊ စာရေးဆရာကြီး သခင်ဌေးမြိုင် (ခေါ်) ဒဂုန်တာရာသည် အသက် (၉၅)နှစ်အရွယ်၊ ၂၀၁၃ သြဂုတ် ၁၉ ရက် တွင် မငြိမ်းချမ်းသည့်ကမ္ဘာကြီးကို ငြိမ်းချမ်းစွာပင် စွန့်ခွာသွားခဲ့လေပြီ။

“ဌေးမြိုင်ကတော့ ငါ့ကိုအရိုင်းတဲ့ကွာ။ ငါအဲဒီလောက်လည်း မရိုင်းသေးပါဘူး”ဟု ဗိုလ်ချုပ်အောင်ဆန်းက အပါးတော်မြဲဗိုလ်ထွန်းလှဘက်သို့လှည့်၍ ခပ်ပြုံးပြုံးပြောလိုက်သည်။
အောင်ဆန်း (သို့မဟုတ်) အရိုင်းဟု ခေါင်းစဉ်တပ်၍ ရုပ်ပုံလွှာစာအုပ်တွင် ရေးသားခဲ့သည့် ဆောင်းပါးကိုဖတ်ရှုပြီးပြောခြင်းဖြစ်သည်။
ထိုဆောင်းပါးကို ရေးသားခဲ့သူ ကိုဌေးမြိုင်၏ ကလောင်အမည်က ဒဂုန်တာရာ။

ကျွန်တော်က သူ့ကို အရိုင်းဟု ၀ိသေသပြုခြင်းမှာ ဟန်ဆောင်ခြင်းမရှိဘဲ သူခံစားသည့်အတိုင်း ရိုးရိုးဘွင်းဘွင်းပြောတတ်သော သူ၏စရိုက်သဘာဝကို ပေါ်လွင်ထင်ရှားစေလို၍သာဖြစ်သည်ဟု ဒဂုန်တာရာက ပြန်လည်ဖြေရှင်းပြခဲ့သည်။

မန္တလေးမြို့တွင် နေ့ခင်းအချိန် ဆိုင်ကယ်ဖြင့် လုယက်မှု ပိုမိုများပြားလာ

မန္တလေးတွင် နေ့အချိန် မြို့လယ်ကောင်၌ ဆိုင်ကယ်ဖြင့် လုယက်မှု ပိုမိုများပြားလာပြီး ဖြစ်ပွားသည့် မှုခင်းပြဿနာများတွင် ပြည်သူများ အနေဖြင့် ပူးပေါင်းပါဝင်လိုမှု နည်းပါးလာကြောင်း ရဲတပ်ဖွဲ့ဝင်များက သုံးသပ် ပြောကြားခဲ့သည်။

နေ့အချိန် လူစည်ကားရာ နေရာများဖြစ်သည့် ဒိုင်းမွန်းပလာဇာနှင့် ရတနာပုံဈေး တစ်ဝိုက်နေရာများ၊ နန်းရှေ့ဈေးကဲ့သို့ နေရာများတွင် ဆိုင်ကယ်ဖြင့် ဆွဲကြိုးဖြတ်ပြေးခြင်း၊ ပိုက်ဆံအိတ် လုယူမှုများ ပိုများလာပြီး သက်သေလိုက်ရ ခြင်းများနှင့် ရဲလုပ်ထုံးလုပ်နည်းများကြောင့် စစ်ဆေးမေးမြန်း ခံရခြင်း၊ မိမိအန္တရာယ် ပြုခံရမည်ကို စိုးရိမ်ခြင်းတို့ကြောင့် ပြည်သူများ ကူညီဆောင်ရွက် လိုခြင်းများ မရှိတော့သဖြင့် လုယက်သူများ ပိုမိုရဲတင်းလာခြင်း ဖြစ်ကြောင်း မြို့ခံများက ပြောကြားသည်။

''ကျွန်တော်တို့ ပိုင်နက်နယ်မြေထဲမှာ တိုင်ကြားထားတာ တွေရှိတယ်။ တခြားမြို့ နယ် တွေမှာလည်း ဆိုင်ကယ်နဲ့ ဆွဲကြိုးဖြတ် ခံရတာတွေ တိုင်တာများနေပြီ။ FZ ဆိုင်ကယ်နဲ့ လုတာများနေတာကို စစ်ဆေးတွေ့ ရပါတယ်။ နီးတော့နီးပါပြီ'' ဟု အမှတ် (၈) ရဲစခန်းမှ တာဝန်မှူးက ဆိုသည်။

ရာဇ၀င်ကြားက စိန်ပွင့်များ

ကမ္ဘာပေါ်မှာ တန်ဖိုးအရှိဆုံး ကျောက်မျက်ရတနာဟာ စိန်ရယ်လို့ လူအများက လက်ခံကြသလို စိန်ဆိုတာဟာလည်း အမျိုးသမီးများရဲ့ သည်းခြေကြိုက် ရတနာတစ်ပါးဖြစ်ပါတယ်.. ကမ္ဘာ့တန်ဖိုးအကြီးဆုံး စိန်ကို ပိုင်ဆိုင်ခွင့်သာရမယ်ဆိုရင် ဘယ် အမျိုးသမီး မဆို လိုချင်ကြလိမ့်မယ် ထင်ပါတယ် ။ တကယ်လို့များ စိန်ထည် လက်ဝတ်ရတနာ လက်ဆောင် ပေးမယ်ဆိုရင်လည်း ငြင်းပယ်မဲ့သူ ဆိုတာ အင်မတန်မှ ရှားမယ် ထင်ပါတယ်. စိန်ဆိုရင် ကြီးကြီးသေးသေး လေဒီမမတို့က ကြိုက်ပြီးသား ဖြစ်ကြပါတယ်.. စိန်တစ်ပွင့်ဖြစ်လာဖို့ ကမ္ဘာမြေကြီးရဲ့ အောက်ခြေမှာ ဖိနှိပ်အားတွေနဲ့ ဖိနှိပ်ခံရပြီး နှစ်သန်းပေါင်းများစွာ အချိန်ကြာတဲ့အခါမှ စိန်ဆိုတာ ဖြစ်ပေါ်လာတာပါ။ စိန်ဟာ ရတနာအားလုံးထဲမှာ အမာကြောဆုံးနဲ့ အတောက်ပဆုံး ရတနာလည်း ဖြစ်ပါတယ်.. ဒါကြောင့်လည်း စိန်ကို ကျောက်မျက်ရတနာ လောကမှာ ရှားပါး တန်ဖိုးကြီးရတနာအဖြစ် သတ်မှတ်ထားတာ ဖြစ်ပါတယ်။

စစ်သွေးကြွ တိုက်ခိုက်မှုကြောင့် အီဂျစ်ရဲ ၂၄ ဦးသေဆုံး

ဆီနိုင်းကျွန်းဆွယ်မှာ ရဲတပ်ဖွဲ့ဝင် ၂၄ ယောက်ထက်မနည်းကို လက်နက်ကိုင်တွေက သတ်ပစ်ခဲ့ပါတယ်။ သမ္မတ မိုဟာမက် မော်စီ ကို စစ်တပ်က ပြီးခဲ့တဲ့လမှာ အာဏာသိမ်းယူပြီး ဖြုတ်ချလိုက်ပြီးကတည်းက အဲဒီဒေသမှာ တိုက်ပွဲတွေ အရှိန်မြှင့် ဖြစ်နေခဲ့တာပါ။

ဂါဇာကမ်းမြောင်ဒေသနဲ့ နယ်စပ်တလျှောက် ရာဖာမြို့နားမှာ ရဲတပ်ဖွဲ့ဝင်တွေပါလာတဲ့ ဘတ်စ်ကားတွေကို တနင်္လာနေ့ အစောပိုင်းမှာ လက်နက်ကိုင်တွေက ခြုံခိုတိုက်ခိုက်ခဲ့တာပါ။

အီဂျစ်သမ္မတဟောင်း ဟော်စနီ မူဘာရက်ရဲ့ ရှေ့နေတစ်ဦးဖြစ်သူက သူ့ရဲ့အမှုသည်ဟာ မကြာခင် ပြန်လွတ်လာတော့မယ်လို့ တနင်္လာနေ့မှာပဲ ပြောလိုက်ပါတယ်။

ငါးပိတွင် ယူရီးယား ဓာတ်မြေသြဇာ ပါဝင်သည်ကို တွေ့ရှိရသည်ဟုဆို

မြန်မာလူမျိုးများ အဓိက စားသုံးနေသော ငါးပိတွင် ယူရီးယား ဓာတ်မြေသြဇာ ပါဝင်သည်ကို တွေ့ရှိရသည်ဟု စားသုံးသူ ကာကွယ်ရေး အသင်း ဥက္ကဋ္ဌ ဦးဗအုပ်ခိုင်က The Voice သို့ ပြောကြားသည်။

လုပ်ငန်းရှင် တစ်ဦးက ငါးပိနှင့် ပတ်သက်သော စီးပွားရေး လုပ်လိုသဖြင့် ဧရာဝတီတိုင်းတွင် ငါးပိ ဝယ်ယူနိုင်ရန် စားသုံးသူ ကာကွယ်ရေးအသင်းက ကူညီရာတွင် ငါးပိများ၌ ဓာတ်မြေသြဇာများ ထည့်သွင်း အသုံးပြုထားခြင်း ကို တွေ့ရှိခဲ့ခြင်း ဖြစ်ကြောင်း ၎င်းက ပြောသည်။

အဆိုပါ ကိစ္စနှင့် ပတ်သက်၍ သြဂုတ်လ ၁၉ ရက်နေ့တွင် ရန်ကုန်မြို့တော်ရှိ စီးပွားရေးနှင့် ကူးသန်း ရောင်းဝယ်ရေး ဝန်ကြီးဌာန၌ အစားအသောက်နှင့် ဆေးဝါး ကွပ်ကဲရေးဌာန FDA၊ ရန်ကုန်မြို့တော် စည်ပင်သာယာရေး ကော်မတီ ဈေးများဌာန၊ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ လုပ်ငန်းရှင်များ၊ အသင်းအဖွဲ့များနှင့် စားသုံးသူ ကာကွယ်ရေးအသင်းတို့ တွေ့ဆုံ ဆွေးနွေးမှုများ ပြုလုပ်ခဲ့ကြောင်း ၎င်းက ရှင်းပြသည်။

ခုနှစ်ဆင့် ရေတံခွန်ကို မြန်မာနိုင်ငံတွင် ပထမဆုံး တွေ့ရှိ

မြန်မာနိုင်ငံတွင် ပထမဆုံးအနေဖြင့် ခုနှစ်ဆင့်ပါသော ရေတံခွန်တစ်ခုကို ကချင်ပြည်နယ်မြစ်ကြီးနားမြို့နှင့် ၁၆ မိုင်ခန့်အကွာ ဆဒုံးမြို့နား မရောက်မီ တောနက်ကြီးတစ်ခုထဲတွင် အမှတ်မထင် တွေ့ရှိခဲ့ရကြောင်း သြဂုတ်လ ၁၄ ရက်တွေင် ဒေသခံတစ်ဦးကပြောကြားခဲ့ သည်။ “အရင်တုန်းက ဒီတောက တအားနက်တယ်။ သစ်ပင်တွေ ထူတယ်။ ပိန်းပိတ်အောင် ပေါက်ရောက် တယ်။ အဲဒီမှာ တရုတ်-မြစ်ကြီးနား ကမ်မန်စီလမ်းဖောက်တော့ သစ်ပင်တွေခုတ်ရင်းနဲ့ ဒီခုနှစ်ဆင့် ရေတံခွန်ကို တွေ့တာပါ” ဟု ဒေသခံ တစ်ဦးက ပြောသည်။

ယင်းသို့ အမှတ်မထင် တွေ့ရှိခဲ့သော ခုနှစ်ဆင့် ရေတံခွန်သည် ဆဒုံးမြို့ နယ်နား၌ တွေ့ရသည့်အတွက် ဆဒုံးရေတံခွန် ဟု ခေါ်ဆိုကြပြီး ၄င်းရေတံခွန် ကို ၂၀၀၈ခုနှစ်က တွေ့ရှိခဲ့ကြသော်လည်း နယ်မြေ မလုံခြုံခြင်း နှင့် မိုင်းများ ပေါများသောကြောင့် ဒေသခံများအနေဖြင့် ရေတံခွန် အဆင့်သုံးဆင့်အထိသာ ရောက်ရှိကြပြီးခုနှစ်ဆင့်အထိ ရောက်ရှိခဲ့သူ အချို့လည်းရှိကြောင်း သိရသည်။ပြင်ဦးလွင်မှ နာမည်ကျော် ပွဲကောက် ရေတံခွန်သည် အဆင့်လေးဆင့်သာရှိကြောင်းသိရပြီး ယင်းဒေသ များ ကို လမ်းပန်းဆက်သွယ်ရေး ကောင်းမွန်အောင် လုပ်ပေးပြီး နယ်မြေအေးချမ်းပါ က ခရီးသွားများ အထူးနှစ်ခြိုက်စွာ သွားရောက်လည်ပတ် ကြမည်ဖြစ်ကြောင်း သိရသည်။

အိန္ဒိယတွင် လမ်းဖြတ်ကူးသောဘုရားဖူးအဖွဲ့ကို အမြန်ရထားက အရှိန်ဖြင့်ဝင်တိုက် ၃၅ဦးသေ

အိန္ဒိယနိုင်ငံအရှေ့ပိုင်းတွင် အမြန်ရထားတစ်စီးသည် ဟိန္ဒူ ဘုရားဖူးလူအုပ်အတွင်းသို့ အရှိန် ဖြင့် ဝင်တိုးမိရာ လူပေါင်း ၃၅ဦး သေဆုံးခဲ့ရသည်ဟု သိရသည်။
လူသေမှုဖြစ်ပွားခဲ့သည့် အတွက် လူအုပ်ကြီးကို အမျက် ဒေါသထွက်စေခဲ့ပြီး ရုန်းရင်းဆန် ခတ်ဖြစ်ပွားခဲ့ကြောင်း သက်ဆိုင် ရာအရာရှိတို့က ပြောကြားခဲ့ သည်။
အခင်းဖြစ်ပွားသည့်နေရာ မှာ ဘီဟာပြည်နယ်ရှိ ဘူတာရုံ တွင်ဖြစ်ပြီး ဘုရားဖူးတို့က ဘူတာ ရုံရှိ ရထားလမ်းကိုဖြတ်ကူးနေစဉ် အမြန်ရထားက လူအုပ်ကို အရှိန် ဖြင့် ဝင်ကျုံးခဲ့ခြင်းဖြစ်သည်။ အခင်း ဖြစ်ပွားမှုကြောင့် လူ၃၅ဦး သေ ဆုံးကာ အမြောက်အမြားထိခိုက် ဒဏ်ရာရရှိခဲ့ကြောင်း သိရသည်။
လူအများအပြား သေဆုံး မှုကြောင့် ဒေါသထွက်နေသော လူအုပ်ကြီးက ရထားတွဲများကို မီးရှို့ခဲ့ကြသကဲ့သို့ ဒါဟာရာဘူ တာရုံကို မွှေနှောက်ဖျက်ဆီးခဲ့ကြ သည်ဟု သိရသည်။ ဒါဟာရာဘူ တာရုံသည် ပတ္တနားမြို့မှ ၁၇၈ ကီလိုမီတာအကွာတွင်ရှိကြောင်း သိရသည်။

အရပ် ၇ ပေ ၁၀ လက်မရှိ ကိုဝင်းဇော်ဦး အကြောင်း မှတ်တမ်းရိုက်ကူးရန် Discovery Channel မှ ကမ်းလှမ်း

ခွဲစိတ်ကုသရန် စင်ကာပူနိုင်ငံသို့ ရောက်ရှိနေသည့် ကိုဝင်ဇော်ဦးကို ဗီဒီယိုရိုက်ကူး နေသူများအား တွေ့ရစဉ် (ဓာတ်ပုံ-အိသဉ္ဇာကျော်)
အရပ် ၇ ပေ ၁၀ လက်မရှိ ကိုဝင်းဇော်ဦးအကြောင်း မှတ်တမ်းတင် ရိုက်ကူးပြသရန် Discovery Channel မှ လာရောက် ကမ်းလှမ်းမှုများ ရှိနေကြောင်း သိရသည်။
ကိုဝင်းဇော်ဦးနှင့် ပတ်သက်သည့် အကြောင်းအရာများကို Discovery Channel တွင် ရိုက်ကူးပြသရန် အတွက် တစ်နှစ်စာချုပ် ချုပ်လိုကြောင်း ကမ်းလှမ်းမှုများ ရှိနေပြီး လက်ရှိ ကိုဝင်းဇော်ဦး၏ ကျန်းမာရေးနှင့် ပတ်သက်၍ တာဝန်ယူ လုပ်ဆောင်ပေးနေသူများ အနေဖြင့် အဆိုပါ ကမ်းလှမ်းမှုအပေါ် လက်ခံမှု ရှိမရှိကိုမူ အတည်မပြု နိုင်သေးကြောင်း သိရသည်။
ထို့ပြင် ကိုဝင်းဇော်ဦး စင်ကာပူနိုင်ငံသို့ ရောက်ရှိနေစဉ် ယင်းနိုင်ငံတွင် ထုတ်လွှင့်ပြသနေသည့် CHANNEL NEWSASIA ရုပ်သံလိုင်းနှင့် တရုတ်ဘာသာဖြင့် ထုတ်ဝေသည့် Lianhe Zaobao Newspaper မှလည်း လာရောက် သတင်းယူခဲ့သည်။

ယာဉ်စစ်ဆေးသည့် ရဲအရာရှိ ဓားထိုးခံရ

ရန်ကုန်၊ သြဂုတ် ၁၉

ရန်ကုန်တိုင်းဒေသကြီး ဗဟန်းမြို့နယ် ကမ္ဘာအေးဘုရားလမ်း အင်းလျားကန်ရှေ့ရှိ ဖူဆန်ဘုံကျောင်းရှေ့တွင် သြဂုတ်လ ၁၈ ရက် ည ၁၀ နာရီ ၃၀ မိနစ်ခန့်က လုံခြုံရေးအတွက် မတ်တူးယာဉ်ကို စစ်ဆေးသည့် ရဲအရာရှိတစ်ဦးကို အဆိုပါယာဉ်ပေါ်မှ အမျိုးသားတစ်ဦးက ဓားဖြင့်ထိုးခဲ့ကြောင်း ရန်ကုန်တိုင်းဒေသကြီး ရဲတပ်ဖွဲ့မှူးရုံးထံမှ စုံစမ်းသိရှိရသည်။

ဗဟန်းမြို့နယ် ရဲတပ်ဖွဲ့မှူးရုံးမှ ရဲအရာရှိများ အပါအဝင် ရဲတပ်ဖွဲ့ဝင် ရှစ်ဦးနှင့် အခြားအဖွဲ့အစည်းမှ တာဝန်ရှိသူများက ည ၉ နာရီ ၄၅ မိနစ်ခန့်တွင် မတ်တူးယာဉ်ကို စစ်ဆေးစဉ် အဆိုပါ ယာဉ်မောင်းနှင်လာသူ ဗဟန်းရွှေတောင်ကြား ၂ ရပ်ကွက်၊ ကုက္ကိုင်းရိပ်သာလမ်းတွင်နေသူ အသက် ၃၆ နှစ်အရွယ် အမျိုးသားက ယာဉ်စစ်ဆေးသူများကို မချေမငံ ဆက်ဆံခဲ့ပြီး ယာဉ်ကို မောင်းနှင်သွားခဲ့ကြောင်း၊ ထို့နောက် ည ၉ နာရီ ၅၅ မိနစ်တွင် ယာဉ်စစ်ဆေးသူများထံ ပြန်လည် ရောက်လာကာ ရန်စပြောဆိုမှု ပြုလုပ်ခဲ့ပြီး ယာဉ်ကို ပြန်လည် မောင်းနှင်သွားကြောင်း ဗဟန်းမြို့နယ် ရဲစခန်းထံမှ သိရှိရသည်။

အဓိကရုဏ်း နှိမ်နင်းရေးယာဉ် ၁၆၀ ကျော် ဝယ်မည်

ရန်ကုန်၊ သြဂုတ် ၁၉

ပဋိပက္ခ ဖြစ်ပွားသော ဒေသများတွင် အဓိကရုဏ်း နှိမ်နင်းရေးနှင့် လှည့်ကင်း အဖြစ် အသုံးပြုနိုင်ရန် ပြည်ထဲရေး ဝန်ကြီးဌာနက မော်တော်ယာဉ် စီးရေ ၁၆၀ ကျော် ဝယ်ယူမည် ဖြစ်ကြောင်း ပြည်ထဲရေး ဝန်ကြီးဌာန ဒုတိယ ဝန်ကြီး ဗိုလ်မှူးချုပ် ကျော်ကျော်ထွန်းက ပြောကြားသည်။

သြဂုတ်လ ၁၉ ရက်နေ့တွင် ကျင်းပသည့် ပြည်သူ့လွှတ်တော် အစည်းအဝေး တွင် နတ်တလင်း မဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးရဲထွဋ်ဦးက လှည့်ကင်း/လုံခြုံရေးနှင့် အဓိကရုဏ်း နှိမ်နင်းရေးအတွက် တရားခံများ ဖမ်းဆီးရန် မည်သို့ စီစဉ် ဆောင်ရွက်ထားသည်ကို သိရှိ လိုပါကြောင်း မေးမြန်းရာ ပြည်ထဲရေး ဝန်ကြီးဌာန ဒုတိယ ဝန်ကြီးက ယင်းသို့ ပြန်လည် ဖြေကြားခဲ့ခြင်း ဖြစ်သည်။

မြန်မာနိုင်ငံ ရဲတပ်အဖွဲ့ အနေနှင့် အဓိကရုဏ်းများ ဖြစ်ပွားရာ ဒေသများသို့ အချိန်မီ မသွားနိုင်ခြင်း၊ ယာဉ် မလုံလောက်ခြင်းများကို တွေ့နေရကြောင်း ဦးရဲထွဋ်ဦးက ပြောကြားသည်။

ဝမ်းတွင်းတွင် ရန်ငြိုးကြောင့် ချစ်သူ သားအမိကို ဓားဖြင့် ထိုးသတ်

မန္တလေး၊ သြဂုတ် ၁၉

မန္တလေးတိုင်းဒေသကြီး ဝမ်းတွင်းမြို့နယ် ကုက္ကိုစုကျေးရွာအုပ်စု ရွာသာ (အနောက်) ကျေးရွာတွင် သြဂုတ်လ ၁၇ ရက်နေ့ ညပိုင်းက ချစ်သူ မိန်းကလေးနှင့် ၎င်းမိန်းကလေး၏ မိခင်ကို ရန်ငြိုးကြောင့် ဓားဖြင့် ထိုးသတ်မှု တစ်ခု ဖြစ်ပွားရာ သားအမိ နှစ်ဦးစလုံး ပွဲချင်းပြီး သေဆုံးသွားကြောင်း ယင်းနယ်မြေ ရဲတပ်ဖွဲ့ စခန်းနှင့် ကျေးရွာ ဒေသခံများထံမှ စုံစမ်း သိရှိရသည်။

“ည ၁၁ နာရီ ၃၀ မိနစ်လောက်က ဖြစ်တာ။ သားအမိ နှစ်ယောက်ကတော့ ပွဲချင်းပြီး သေတယ်။ တရားခံကတော့ ထွက်ပြေးတယ်” ဟု ယင်းဒေသခံ တစ်ဦးက ဆိုသည်။

အဆိုပါ တရားခံဟု ယူဆရသူ ဒင်ကြီး (ခ) ဇင်မင်းထွန်းနှင့် သေဆုံးသူ သားအမိ နှစ်ဦးအနက် သမီးဖြစ်သူ မမာမာသန်းတို့သည် သမီးရည်စား များ ဖြစ်ကြကာ လူငယ် သဘာဝ တွေ့ဆုံကြသည်ကို မမာမာသန်း၏ မိခင်ဖြစ်သူက ဇင်မင်းထွန်းကို ရိုက်နှက်မှုများ ရှိဖူးကြောင်း၊ ဇင်မင်းထွန်း သည် ယင်းရိုက်နှက်မှုကို အငြိုးအတေးထားကာ

တောင်ကိုရီးယား တိုက်လေယာဉ်များ ဈေးကွက်အတွင်း ဝင်လာမည်

ဆိုးလ်၊ သြဂုတ် ၁၉

အဆင့်မြင့် နည်းပညာသုံး လူသုံးကုန် ပစ္စည်းများနှင့် ကား၊ သင်္ဘော စသည့် ဈေးကွက်များတွင် ကျော်ကြားသော တောင်ကိုရီးယားနိုင်ငံသည် အာရှဒေသတွင်း နောင်လာမည့် ဆယ်စုနှစ်၌ ကာကွယ်ရေး စစ်လက်နက် ပစ္စည်း ဝယ်လိုအား တက်လာမည် ဖြစ်သောကြောင့် ဂျက် တိုက်လေယာဉ် များ တင်ပို့ ရောင်းချမည် ဖြစ်ကြောင်း Reuters သတင်း တစ်ရပ်တွင် ဖော်ပြ ထားသည်။

တောင်ကိုရီးယား ပြည်တွင်းဖြစ် အပေါ့စား ဂျက် တိုက်လေယာဉ် FA-50 ကို ကိုရီးယား အာကာသ စက်မှုလုပ်ငန်း လီမိတက်၏ တောင်ပိုင်းမြို့တော် ဆာချွန်ရှိ တပ်ဆင် စက်ရုံမှ အပြင်သို့ စတင် ထုတ်လာတော့မည် ဖြစ်သည်။

FA-50s နှင့် T-50s အမျိုးအစား တိုက်လေယာဉ် အစင်း တစ်ထောင်ခန့် အထိကို လာမည့် ဆယ်စုနှစ် သုံးခုအတွင်း အရှေ့တောင်အာရှ၊ ဥရောပ အရှေ့ပိုင်းနှင့် အမေရိကဒေသ ဈေးကွက်များကို ရောင်းချသွားရန် လျာထားလျက် ရှိကြောင်း KAI လီမိတက်မှ အရာရှိများ၏ အဆိုအရ သိရသည်။

အီဂျစ် ထောင်ဖောက်ရန် ကြိုးစားမှုတွင် အစ္စလာမ္မစ် အကျဉ်းသား ၃၆ ဦး သေဆုံး

ကိုင်ရို၊ သြဂုတ် ၁၉

အီဂျစ်တွင် အကျဉ်းထောင် တစ်ခု၌ ပြီးခဲ့သည့် တနင်္ဂနွေနေ့ သြဂုတ် ၁၈ ရက်က ထောင်ဖောက် ထွက်ပြေးကြရန် ကြိုးစားမှု တစ်ခု ဖြစ်ခဲ့ရာ အကျဉ်းသား ၃၆ ဦး သေဆုံးခဲ့ရကြောင်း AFP သတင်း တစ်ရပ်တွင် ဖော်ပြ ထားသည်။

ယင်းကိစ္စရပ် ဖြစ်ခဲ့ပြီးနောက် သမ္မတ မော်စီကို ထောက်ခံ ဆန္ဒပြနေသည့် အစ္စလာမ္မစ် အင်အားစုများ အား အစိုးရက အကြမ်းနည်းဖြင့် နှိမ်နင်းနေသည့် ငါးရက်အတွင်း သေဆုံးသူ အရေအတွက် ၈၀၀ နီးပါး ရှိသွားပြီ ဖြစ်သည်။

“ထောင်သားတွေ မလွတ်သွားအောင် မျက်ရည်ယိုဗုံးတွေနဲ့ တားဆီးနေတဲ့ အချိန်မှာ အကျဉ်းသား ၃၆ ဦးဟာ လူ ပိမိတာနဲ့ အသက်ရှူကျပ် တာတွေကြောင့် သေဆုံးသွားကြတာ ဖြစ်ပါတယ်” ဟု ပြည်ထဲရေး ဝန်ကြီးဌာနက ထုတ်ပြန်ထားသည်။

ရပ်ကွက်အုပ်ချုပ်ရေးမှူးများ အာဏာမပြရန် သမ္မတ သတိပေး

ရပ်ကွက် အုပ်ချုပ်ရေးမှူးများ အာဏာမပြရန် သမ္မတ ဦးသိန်းစိန်က သြဂုတ်လ ၁၉ ရက် နေပြည်တော်ရှိ မြန်မာနိုင်ငံ အမျိုးသမီးရေးရာအဖွဲ့ချုပ်ခန်းမတွင် ပြုလုပ်သည့် ကျေးလက် ဒေသဖွံ့ဖြိုးရေးနှင့် လူမှုစီးပွား မြှင့်တင်ရေး အခမ်းအနားတွင် ပြောသွားသည်။

"ကျေးရွာတွေဖွံ့ဖြိုးတိုးတက်ဖို့အတွက် လူထုကရွေးချယ်တင်မြှောက်ထားတဲ့ ကျေးရွာအုပ်ချုပ်ရေးမှူးတွေ တော်ဖို့
ကောင်းဖို့ အရေးကြီးပါတယ်။ ရှေးဦးစွာ ကျေးရွာတွေမှာ တရာဥပဒေစိုးမိုးအောင်၊ လောင်းကစားဝိုင်းတွေ၊ အရက်ပုန်းချက်လုပ်တာတွေ၊ ချဲထီဒိုင်တွေ၊ မူးယစ်ဆေးဝါးတွေ မရှိအောင် ထိထိရောက်ရောက်လုပ်ရပါမယ်။ သို့မှာသာ ရာဇဝတ်မှု၊ မုဒိမ်းမှု၊ လုယက်မှု၊ ခိုးမှုတွေကင်းစင်ပြီး တရားဥပဒေစိုးမိုးတဲ့ ကျေးရွာတွေဖြစ်လာပြီး စီးပွားရေး၊ ပညာရေး၊ ကျန်းမာရေး၊ လူမှုရေးတွေ တိုးတက်အောင်လုပ်ရမှာဖြစ်ပါတယ်။ တည်ငြိမ်အေးချမ်းမှု မရှိဘဲ၊ တရားဥပဒေစိုးမိုးမှုမရှိဘဲ၊ စည်းလုံးညီညွတ်မှုမရှိဘဲ ဘယ်လိုမှ တိုးတက်လာနိုင်မည်မဟုတ်ပါဘူး။ ရာထူးဆိုတာ အာဏာပြဖို့ မဟုတ်ပါဘူး။" ဟု သမ္မတက ပြောသည်။