ပညာရှင်ကို နေရာမှန်ပေးပါ....( မောင်တင်ဦး (မြောင်းမြ))

ပညာရှင်

ပညာရှိ၊ ပညာရှင်၊ ပညာတတ်၊ ပညာကျော်၊ ပညာသည်၊ ပညာသင်စတဲ့ ပညာနဲ့ ပတ်သက်တဲ့ ဝေါဟာရများ ကွဲပြားနေသလို လူပုဂ္ဂိုလ်များရဲ့ အရည်အချင်း၊ ရပ်တည်ချက်တွေလည်း အနည်းနဲ့အများ ကွဲပြားနေပါတယ်။
ပညာဆိုသော စကားလုံးကို လက်လှမ်းမီသရွေ့ တင်ပြပါမယ်။ knowledge, learning, education, schooling, skill, craft လို့ မြန်မာ-အင်္ဂလိပ် အဘိဓာန်မှာ ဖွင့်ဆိုထားပါတယ်။ ဗဟုသုတ ကြွယ်ခြင်း၊ သင်ယူတတ်မြောက်ခြင်း၊ ကျောင်းစာပေ၊ ကျွမ်းကျင်မှု၊ လက်မှုအတတ်လို့ ဆိုလိုပါတယ်။ အခြားဖွင့်ဆိုချက်က ပညာဆိုတာ အမှားအမှန် ခွဲခြားသိမြင်နိုင်တဲ့ အသိ၊ အတတ်လို့ ဆိုပါတယ်။

ဆိုတော့ ပညာရှိ (Man of wisdom, sage, savant) ဆိုတာ အတတ်တွေ ကျွမ်းကျင်တတ်မြောက် ရုံသာမက အမှားအမှန် ခွဲခြားနိုင်တဲ့ ပုဂ္ဂိုလ်ဖြစ်ရမှာပါ။ လက်ရှိပညာရှိ (မိမိကိုယ်မိမိ ပညာရှိလို့ သတ်မှတ်ထားသူများ) များ အမှန်တကယ် အမှားအမှန်ကို ခွဲခြားသိမြင်သလို အမှန်ဘက်မှ ရဲရင့်တည်ကြည်စွာ ရပ်တည်ပေးပါရဲ့လား။ ရပ်တည်ရဲပါရဲ့လား၊ ရပ်တည်နေပါသလား။

ပညာရှင် (scholar in a particular branch of knowledge or study, skilled practition) ပညာရပ်တစ်ခု တတ်မြောက်ပြီး အဲဒီပညာရပ်နဲ့ ဘ၀ရပ်တည်ရေးအတွက် အသက်မွေးဝမ်းကျောင်း ပြုသူဖြစ်ပါတယ်။ တစ်နည်းဆိုရရင် ပညာရှင်ဟာ မိမိတတ်မြောက်ထားတဲ့ ပညာရပ်ရဲ့ ရပ်ဝန်းမှာ ကျင်လည်ကျက်စား နေထိုင်သူ ဖြစ်ရပါမယ်။ ပညာရပ်နဲ့ ဝေးရာမှာ နေထိုင်ခြင်းဟာ မိမိပညာကို ပစ်ပယ်လိုက်တာနဲ့ အတူတူပါပဲ။ ကြာလေလေ မိမိတတ်မြောက်ထားတဲ့ ပညာ ပျောက်ဆုံးသွားနိုင်သလို မိမိရဲ့ ပညာရှင် ဘ၀ကိုပါ လက်လွှတ်ဆုံးရှုံးရမှာ ဖြစ်ပါတယ်။

မိုင်လီ၏ ဖက်ရှင်အတွက် လူပြောများခဲ့ပြန်သည့် MTV EMA ဆုပေးပွဲ

  
မိုင်လီ၏ ဖက်ရှင်အတွက် လူပြောများခဲ့ပြန်သည့် MTV EMA ဆုပေးပွဲMTV၏ VMA ဆုပေးပွဲ အစီအစဉ်တွင် ခပ်ကြမ်းကြမ်း ဖျော်ဖြေမှုများကြောင့် လူပြောများခဲ့ဖူးသည့် အသက်(၂၀)အရွယ် Popဂီတ ကြယ်ပွင့်သည် ယခုဆုပေးပွဲတွင် အကောင်းဆုံး ဗီဒီယိုဆုကို Wrecking Ballအတွက် ရရှိခဲ့ပြီးနောက် ဆုလက်ခံရယူသည့် ဖက်ရှင်ကြောင့် အများမျက်ခုံးပင့်စရာ ဖြစ်ခဲ့

(၂၀၁၃)ခုနှစ်အတွက် MTV၏ ဥရောပ ဂီတဆုပေးပွဲ (EMA)တွင် One Direction အဖွဲ့က ဆုနှစ်ဆုဖြင့် အအောင်မြင်ဆုံး ဖြစ်ခဲ့သော်လည်း လူအများ အာရုံကို သိမ်းကျုံး ရယူသွားသည်မှာမူ မိုင်လီဆိုင်းရပ်စ်ပင် ဖြစ်လာခဲ့သည်။ MTV၏ VMA ဆုပေးပွဲ အစီအစဉ်တွင် ခပ်ကြမ်းကြမ်း ဖျော်ဖြေမှုများကြောင့် လူပြောများခဲ့ဖူးသည့် အသက်(၂၀)အရွယ် Popဂီတ ကြယ်ပွင့်သည် ယခုဆုပေးပွဲတွင် အကောင်းဆုံး ဗီဒီယိုဆုကို Wrecking Ballအတွက် ရရှိခဲ့ပြီးနောက် ဆုလက်ခံရယူသည့် ဖက်ရှင်ကြောင့် အများမျက်ခုံးပင့်စရာ ဖြစ်ခဲ့သည်။ မိုင်လီသည် အပေါ်ပိုင်းတွင် သားမွေးဖြင့် လုံလုံခြုံခြုံ ဝတ်ဆင်ထားသော်လည်း ခန္ဓာကိုယ် အောက်ပိုင်းကို အလွန်အကျွံ ဖော်ပြထားသည့် ဖက်ရှင်ဖြင့် ဆုတက်ယူခဲ့သလို စင်မြင့်ပေါ်တွင် စီးကရက် သောက်နေသဖြင့် နောက်ထပ် ဝေဖန်စရာ အငြင်းပွားစရာ အခြေအနေမျိုး ထွက်ပေါ်လာစေခဲ့သည်။

တောင်ကိုရီးယား တီဗီဇာတ်လမ်းတွဲ ကြည့်ရှုသူများအား ပြုံးယမ်းအစိုးရက ကွပ်မျက်

တောင်ကိုရီးယား တီဗီဇာတ်လမ်းတွဲ ကြည့်ရှုသူများအား ပြုံးယမ်းအစိုးရက ကွပ်မျက် ကွပ်မျက်ခံရသူ အများအပြားမှာ တရားမဝင် တင်သွင်းလာသော တောင်ကိုရီးယား တီဗီဇာတ်လမ်းတွဲများကြည့်ရှုမှု စွဲချက်ကြောင့်ဖြစ်

မြောက်ကိုရီယားအစိုးရသည် ယခုလ အစောပိုင်းက လူ ၈၀ ဝန်းကျင်ကို အများပြည်သူ မြင်ကွင်းရှေ့တွင် ကွပ်မျက်လိုက်ကြောင်းနှင့် ကွပ်မျက်ခံရသူ အများအပြားမှာ တရားမဝင် တင်သွင်းလာသော တောင်ကိုရီးယား တီဗီဇာတ်လမ်းတွဲများကြည့်ရှုမှု စွဲချက်ကြောင့်ဖြစ်ကြောင်း တောင်ကိုရီးယား သတင်းစာတစ်စောင်က ယနေ့ ပြောကြားလိုက်သည်။ ပြုံးယမ်းအစိုးရ၏ ပြည်ထဲရေးဌာနနှင့် နီးစပ်ပြီး မကြာသေးမီက မြောက်ကိုရီးယားမှ ပြန်လည်ရောက်ရှိလာသော သတင်းရင်းမြစ်ကို ကိုးကား၍ တောင်ကိုရီးယား နေ့စဉ်ထုတ်သတင်းစာ JoongAng Ilbo က ဖော်ပြခဲ့ခြင်း ဖြစ်သည်။

သတင်းစာတွင် ရေးသေားဖော်ပြချက်အရ မြောက်ကိုရီးယား အာဏာပိုင်တို့သည် လူ ၈၀ ဝန်းကျင်ကို မြို့ကြီး ၇ မြို့တွင် နိုဝင်ဘာ ၃ ရက်က ကွပ်မျက်ခဲ့ခြင်းဖြစ်ကြောင်း သိရသည်။ မြောက်ကိုရီးယားနိုင်ငံ အရှေ့ပိုင်းကမ်းခြေမြို့ ဝန်ဆန်ရှိ အားကစားကွင်းတစ်ခုတွင် ဒေသခံ ပြည်သူ ၁၀,၀၀၀ ကို စုစည်းစေပြီးနောက် သေနတ်သမား ၈ ဦးက သေမိန့်ကျခံရသူများကို ပစ်ခတ်သတ်ဖြတ်နေမှုအား ကြည့်ရှုစေခဲ့ကြောင်း

ကော်ဖီတစ်နေ့ သုံးခွက်သောက်ခြင်းက အသည်းကင်ဆာ ဖြစ်ပွားမှုနှုန်းကို ထက်ဝက်လျှော့ချပေးနိုင်

ကော်ဖီကိုတစ်နေ့ သုံးခွက်လောက် ပုံမှန်သောက်သုံးသူတွေမှာ Hepatocellular carcinoma, HCC  လို့ခေါ်တဲ့ အသည်းကင်ဆာ ရောဂါ ဖြစ်ပွားမှုနှုန်းကို၅၀% လျော့ ကျနိုင်တယ်ဆိုတာကို သုတေသန တစ်ရပ်မှာ ဖော်ပြထားပါတယ်။

အသည်းကင်ဆာ HCC ဟာ အဖြစ်အများဆုံး အသည်းကင်ဆာ ရောဂါပုံစံဖြစ်ပါတယ်။ အီတလီနိုင်ငံ၊ မီလန်တက္ကသိုလ်မှ သုတေသီ Dr.Carlo Vecchia က “ကော်ဖီရဲ့ အသည်းကင်ဆာအပေါ် ကာကွယ် နိုင်မှုဟာ ကော်ဖီက ဆီးချိုသွေးချိုရောဂါကို ကာကွယ်နိုင်တယ်ဆိုတဲ့ သက်သေပြချက်အပြီးမှာ ထွက်ပေါ် လာတာ ဖြစ်ပါတယ်။ ဆီးချိုသွေးချိုကလည်း အသည်းကင်ဆာကို ဖြစ်စေနိုင်တဲ့ အကြောင်းရင်းခံ (risk factor) တစ်ခုဖြစ်ပါတယ်”လို့ပြော ကြားထားပါတယ်။

ဒီလေ့လာမှုကို ၁၉၉၆ခုနှစ်ကနေ ၂၀၁၂ခုနှစ်အထိ ပြုလုပ်ခဲ့ပြီး လူဦးရေစုစုပေါင်း ၃၁၅၃ဦးကို အရည်အသွေးမြင့် လေ့လာမှုစနစ်(high-quality studies)်ကို အသုံးပြုပြီး ကော်ဖီသောက်ခြင်းက အသည်းကင်ဆာဖြစ်ပွားမှုနှုန်းကို လျော့ကျစေနိုင်ခြင်းကို သက်သေပြနိုင်ခဲ့ပါတယ်။ ဒါဟာကော်ဖီမှာပါဝင်တဲ့ flavonoid  က အသည်းအင်ဇိုင်းတွေ အပေါ်မှာ သက်ရောက်မှု၊ အသည်းကင်ဆာကို ဖြစ်ပွားစေနိုင်တဲ့ အသည်း ခြောက်ရောဂါကို ကာကွယ်နိုင်မှုတွေ ကြောင့်ဖြစ်တယ်လို့  Dr.Carlo  က ရှင်းပြထားပါတယ်။
ဒီလေ့လာမှုကို Journal of Clinical Gastroenterology and Hepatology  မှာ ဖော်ပြထားပါ တယ်။

ငြိမ်းအေး
ref;ANI

Health Updates Journal No. 91

မိုးစက်ဝိုင်ကို ပရိသတ်များ အားပေးနှစ်သိမ့်

မယ်စကြ၀ဠာပြိုင်ပွဲ ဆန်ခါတင် ၁၆ ဦးစာရင်းတွင် မပါဝင်ဘဲ ဆုတစ်ဆုမျှ မရရှိခဲ့သော မိုးစက်ဝိုင်ကို မြန်မာပရိသတ်များက မိုးစက်ဝိုင်၏ ဖေ့စ်ဘွတ်ခ် စာမျက်နှာနှင့် ကိုယ်ပိုင်စာမျက်နှာတွင်  အားပေးနှစ်သိမ့်စကားများ ရေးသားခဲ့ကြသည်။

၂၀၁၃ ခုနှစ်အတွက် မယ်စကြ၀ဠာသရဖူကို ဗင်နီဇွဲလားမယ်က ဆွတ်ခူးခဲ့သည်။ ရုရှားနိုင်ငံ မော်စကိုမြို့တွင် ပြုလုပ်ခဲ့သော မယ်စကြ၀ဠာပြိုင်ပွဲတွင် မြန်မာအနေဖြင့် နှစ်ပေါင်းငါးဆယ်ကျော်ကြာမှ ပြန်လည် ယှဉ်ပြိုင်ခဲ့ခြင်းဖြစ်သောကြောင့် နိုင်ငံတကာမီဒီယာများက မြန်မာကိုစိတ်ဝင်စားခဲ့ပြီး ပြိုင်ပွဲနီးလာသည်နှင့်အမျှ မြန်မာအနေနှင့် ဆန်ခါတင်စာရင်းတွင် ပါဝင်နိုင်သည်ဟု ထင်ကြေးများပေါ်ထွက်၍ ပရိသတ်များ၏ မျှော်လင့်ချက်များ ပိုမိုထက်သန်လာခဲ့သည်။

ထို့ကြောင့် မိုးစက်ဝိုင်ကို ဆန်ခါတင် ၁၆ ဦးစာရင်းတွင် ပါဝင်ရန် မျှော်မှန်းထားခဲ့သော်လည်း နိုဝင်ဘာ ၉ ရက် နောက်ဆုံးပြိုင်ပွဲတွင် ဆန်ခါတင်စာရင်းတွင် မပါဝင်ဘဲ၊  ဆုမရခဲ့သောကြောင့် မိုးစက်ဝိုင်အတွက် အားပေးစကားများ ရေးသားထားကြခြင်းဖြစ်သည်။

“ရွှေအက်ဖ်အမ်” အမျိုးသမီးပေါ်ပြူလာဆုရှင် အိုင်းရင်းဇင်မာမြင့်နှင့် တွေ့ဆုံမေးမြန်းခြင်း

ရွှေ  FM ဆု ရယူအပြီး ကျေးဇူးတင်စကားပြောကြားနေစဉ်။ (ဓာတ်ပုံ - ဘုန်းနေလ)

ဆန်ခါတင်စာရင်းထဲမှာ ညီမသီချင်းပါတယ်ဆိုတဲ့အခါ ရွှေအက်ဖ်အမ်ဆုကို ဘယ်လောက်အထိ မျှော်လင့်ထားမိလဲ။

အမှန်အတိုင်းပြောရရင် ညီမမျှော်လင့်ပါတယ်။ အပြည့်အ၀ရလိမ့်မယ်လို့ မျှော်လင့်ထားတယ်။ မရခင်က တော့စိတ်ထဲမှာ စိုးရိမ်စိတ်ဖြစ်တယ်။ ဆန်ခါတင်စာရင်းထဲမှာပါပေမယ့်လည်း ကြောက်တယ်။ ညီမသီ ချင်းက ကလေးငယ်လေးကနေစပြီး လူကြီးအထိရနေတဲ့သီချင်းတစ်ပုဒ်ဆိုတော့ပြီးတော့ အနုပညာဘက် မှာဆိုလည်း အနုပညာသမားအချင်းချင်း လက်ခံတဲ့သီချင်းဆိုတော့ ဒီဆုကိုအရမ်းမျှော်လင့်ထားခဲ့တယ်။ မျှော်လင့်ထားတဲ့ အတိုင်းထိုက်ထိုက်တန်တန်နဲ့ ရတဲ့ဆုဖြစ်လို့ အရမ်းဝမ်းသာပါတယ်။

အဲဒီမှာ ဆုရရှိတဲ့သီချင်းက “နှလုံးသား အရင်းအနှီး”နော်။ အဲဒီသီချင်းက ညီမအတွက် မှတ်တိုင် တွေစိုက်ထူပေးနေတဲ့သီချင်းလား။

သေချာပါတယ်။ ညီမက အဆိုတော်တွေအစုံပါတဲ့ အခွေခုနစ်ခွေလောက် ပါခဲ့ဖူးတယ်။ ညီမကို ထူးခြား တဲ့အသံပိုင်တယ်လို့ပဲ သိကြတာပါ။ ဒါပေမဲ့ “နှလုံးသားအရင်းအနှီး”သီချင်းနဲ့ကျမှ ညီမကို အိုင်းရင်းဇင် မာမြင့်လို့ မှတ်တိုင်တစ်ခု ဖြစ်ခဲ့တယ်။ ပရိသတ်အားပေးတဲ့လူတစ်ယောက်လည်း ဖြစ်ခဲ့ပါတယ်။

ဗိုလ်ချုပ်မှူးကြီး မင်းအောင်လှိုင်နှင့် ပုဂ္ဂိုလ်ရေး အမုန်းပွားမှုမရှိဟု NLD မှ ရှေ့နေဦးကိုနီ ပြော

မြန်မာ့ခေတ်|တနင်္လာနေ့၊ နိုဝင်ဘာလ ၁၁၊ ၂၀၁၃ ခုနှစ်

အမျိုးသားဒီမိုကရေစီအဖွဲ့ချုပ်မှ ပြုလုပ်သော ၂၀၀၈ ခုနှစ် ဖွဲ့စည်းပုံအခြေခံဥပဒေဆိုင်ရာ ဆွေးနွေးပွဲများတွင် ယခင် တပ်မတော် စစ်အစိုးရ ဗိုလ်ချုပ်မှူးကြီးများ၏ ဆိုးကွက်များအား ထည့်သွင်းပြောဆို နေသော်လည်း လက်ရှိ ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နှင့် ပုဂ္ဂိုလ်ရေးအရ အမုန်းပွားမှု မရှိကြောင်း အမျိုးသားဒီမိုကရေစီအဖွဲ့ချုပ်၏ ဖွဲ့စည်းပုံ အခြေခံဥပဒေ ပြင်ဆင်ရေးကော်မတီဝင် တရားလွှတ် တော်ရှေ့နေ ဦးကိုနီက ပြောသည်။

နိုဝင်ဘာလ ၁၀ ရက်က ရန်ကုန်မြို့ ဗဟန်းမြို့နယ်ရှိ ဗိုလ်စိန်မှန်အားကစားကွင်း၌ ပြုလုပ်ခဲ့သော ရန်ကုန်တိုင်းအတွက် တိုင်းလုံးကျွတ် ၂၀၀၈ခုနှစ် ဖွဲ့စည်းပုံအခြေခံဆိုင်ရာ ပြည်သူ့ဆန္ဒသဘောထား ရယူပွဲတွင် ယင်းကဲ့သို့  ထည့်သွင်းပြောကြားခဲ့ခြင်း ဖြစ်သည်။

“ပုဂ္ဂိုလ်ရေးအရသူ့ကို လေးစားပါတယ်။ မရည်ရွှယ်ဘဲ ထည့်ပြောမိတာကိုတော့ အဲဒါလေးကိုတော့ နားလည်ပေးပါလို့ ပြောချင်တယ် ” ဟု တရားလွှတ်တ်ာရှေ့နေ ဦးကိုနီက ပြောသည်။

အမျိုးသမီးတစ်ဦးကို လက်ထပ်မည်ဟုဆိုကာ အတူနေပြီး ယောက္ခမလောင်းနှင့်ပြဿနာဖြစ်သူ ဗိုလ်ကြီးအား ပုဒ်မငါးခုဖြင့် အမှုဖွင့်

တပ်မတော်မှ ဗိုလ်ကြီးတစ်ဦးက အမျိုးသမီးတစ်ဦးနှင့် လက်ထပ်မည်ဟုဆိုကာ အတူနေပြီးနောက် ယောက္ခမလောင်းနှင့် စကားများရန်ဖြစ်ကာ ဣနြေ္ဒပျက်အောင် ဆဲဆိုကြိမ်းမောင်းသောကြောင့် ပုဒ်မ ငါးခုဖြင့် အမှုဖွင့်လိုက်ကြောင်း သတင်းရရှိသည်။

အမျိုးသမီး၏မိခင်နှင့် ကားလမ်းမပေါ်တွင် အပြန်အလှန်စကားများကြစဉ် ဗိုလ်ကြီးက မိခင်၏လက်အား လိမ်ချိုး၍ ရင်ဘတ်ကို ဆွဲသောကြောင့် အင်္ကျီကြယ်သီးများ ပြုတ်ထွက်ပြီး ညာဘက်လက် ညိုမဲကာ နာကျင်သောဒဏ်ရာများ ရရှိသည့်အပြင် ဆဲဆိုကာ သတ်ပြစ်မည်ဟု ကြိမ်းမောင်းခဲ့သောကြောင့် အမျိုးသမီး၏မိခင်က တရားလိုပြု၍ တာမွေမြို့မရဲစခန်းတွင် ပုဒ်မငါးခုဖြင့် အမှုဖွင့်လိုက်ကြောင်း ရန်ကုန်တိုင်းဒေသကြီး ရဲတပ်ဖွဲ့မှုခင်းမှတ်တမ်းတွင် ဖော်ပြထားသည်။

သမီးဖြစ်သူနှင့် ချစ်ကြိုက်နေသည်ဟုဆိုကာ ပေါင်းသင်းမည်ဆိုခဲ့၍ အိမ်သို့တစ်ခေါက်လာလည်ပြီးနောက်ပိုင်း ထပ်မလာတော့၍ အမျိုးသမီး၏မိခင်က ဗိုလ်ကြီးအား ဖုန်းဆက်ပြီး နေအိမ်သို့လာရန် ခေါ်သောအခါ မလာနိုင်ကြောင်း ပြန်ပြောသောကြောင့် နိုဝင်ဘာ ၉ နာရီ ညနေ ၆ နာရီအချိန်တွင် ဗဟန်းမြို့နယ်၊ ဗညားဒလလမ်းပေါ်ရှိ သျှင်ပါဂူဆေးရုံရှေ့တွင် တွေ့ဆုံကြစဉ် အထက်ပါအတိုင်း ရန်ဖြစ်ခဲ့ကြခြင်းဖြစ်သည်။

ဦးနေ၀င်းမြေးနှစ်ဦး လွတ်ငြိမ်းချမ်းသာခွင့် သမ္မတပေါ်မူတည်ဟုဆို

ရန်ကုန်၊ နိုဝင်ဘာ ၁၁

အိမွန်ကျော်

အမြင့်ဆုံးနိုင်ငံရေးပုဒ်မဖြစ်သော နိုင်ငံတော်ပုန်ကန်မှုဖြင့် ဖမ်းဆီးခံထားရသော ဦးနေ၀င်း မြေးနှစ်ဦး ဒီဇင်ဘာတွင် လွတ်ငြိမ်းချမ်းသာခွင့်ရရှိမှုသည် သမ္မတပေါ်မူတည်ကြောင်း လက်ကျန်နိုင်ငံရေးအကျဉ်းသား စိစစ်ရေးကော်မတီထံမှ စုံစမ်းသိရရှိသည်။

“ကော်မတီအနေနဲ့ စစ်ဆေးတွေ့ရှိချက်ကိုပဲ တင်ပြနိုင်တာ လွှတ်ဖို့က သမ္မတပေါ်မှာပဲ မူတည်တယ်”ဟု လက်ကျန်နိုင်ငံရေးအကျဉ်းသားများ စိစစ်ရေးကော်မတီဝင် ဦးဘိုကြည်က ပြောကြားသည်။

နိုင်ငံရေးအကျဉ်းသားများ စိစစ်ရေးကော်မတီသည် ဒီဇင်ဘာလတွင် နိုင်ငံရေးအကျဉ်းသားများလွတ်ငြိမ်းချမ်းသာခွင့်ပေးရေးအတွက် လက်ကျန်နိုင်ငံရေးအကျဉ်းသားများကို
စိစစ်ပေးလျှက်ရှိပြီး နိုင်ငံတော်ပုန်ကန်မှု ပုဒ်မ၁၂၂/၁ဖြင့် အကျဉ်းချခံထားရသော ဦးနေ၀င်းမြေးနှစ်ဦးကိုလည်း နိုင်ငံရေးအကျဉ်းသား ဟုတ်မဟုတ် ပြန်လည်စိစစ်ပေးခဲ့ကြောင်း အဆိုပါကော်မတီထံမှ သိရသည်။

အစိုးရတစ်ရပ်ရပ်၏အုပ်ချုပ်ရေးဖွဲ့စည်းမှုအဆင့်ဆင့်မှာ နိုင်ငံရေးရည်ရွယ်ချက်ရှိရှိဖြင့် ပြစ်မှုကြောင်းအရအရေးယူခံထားရသူများကို နိုင်ငံရေးအကျဉ်းသားဟု သတ်မှတ်ထားပြီး ဦးနေ၀င်းမြေးနှစ်ဦးသည် အဆိုပါ နိုင်ငံရေးအကျဉ်းသားအဓိပ္ပာယ်ဖွင့်ဆိုချက်နှင့် ကိုက်ညီမှုရှိကြောင်း၊ ၎င်းတို့နှစ်ဦးသည် နိုင်ငံရေးအရနှင့် ဥပဒေရူ့ထောင့်အရ ပတ်သတ်မှုရှိနေခြင်းကြောင့် စိစစ်ပြီး တွေ့ရှိချက်များကို ၀န်ကြီးဦးစိုးသိန်းမှတစ်ဆင့် သမ္မတထံ တင်ပြထားမည်ဖြစ်ကြောင်း ဦးဘိုကြည်က ဆိုသည်။

စစ်အစိုးရလက်ထက် လူကြီးများ၏ သားသမီးများ ပြည်သူအပေါ် အနိုင်ကျင့်ပါက တိုင်ကြားနိုင်

ရန်ကုန် ၊ နိုဝင်ဘာ ၁၀။         ။ ယခင်စစ် အစိုးရလက်ထက်မှ လူကြီးများ၏ သားသမီးများနှင့် ပတ်သက်ဆက် နွှယ်သူများ ပြည်သူများအပေါ် အနိုင်ကျင့် ဗိုလ်ကျမှုများရှိပါက အထောက်အထားခိုင်လုံစွာဖြင့် တိုင်းဒေသကြီးအစိုးရရုံးသို့ တိုင် ကြားနိုင် ကြောင်း ရန်ကုန်တိုင်း ကြီး နယ်စပ်ရေးရာလုံခြုံရေးဝန် ကြီးဗိုလ်မှူးကြီးတင်ဝင်းက ပြော သည်။

ယင်းကဲ့သို့တိုင်ကြားရာတွင် တိုင်ကြားသူများသည် ကိုယ်တိုင် နစ်နာမှုများကို ကြုံတွေ့ခံစားရ သူများဖြစ်ရမည်ဖြစ်ပြီး အထောက် အထားခိုင်လုံရမည်ဖြစ်ကြောင်း သိရသည်။ ဗိုလ်မှူးကြီးတင်ဝင်းက ''ရဲ အရေးပိုင်မှုဆိုတာလဲ ရှိတယ်။ တခိျု့ ကိစ္စတွေ ကျတော့ ရဲစခန်း ကို တိုက်ရိုက်တိုင်ရတာလဲရှိတယ်။ ကျွန်တော်တို့အစိုးရအဖွဲ့အနေ နဲ့ကတော့ အတတ်နိုင်ဆုံး ဖြေ ရှင်းဆောင်ရွက်ပေးမှာပါ။ ပစ်စာ သဘောမျိုးနဲ့ဆိုရင်တော့ လက်ခံ ဖြေရှင်း ဆောင်ရွက်ပေးမှာမဟုတ် ဘူး။ အထောက် အထား ခိုင်လုံရင် တော့  ဘယ်လိုလူကြီးသားသမီး၊ ဆွေ မျိုးပဲဖြစ်ဖြစ်၊ ပြည်သူ့ဝန်ထမ်းပဲ ဖြစ်ဖြစ် လက်ခံအရေးယူဆောင် ရွက်ပေးမှာပါ''ဟုပြောသည်။

တရားလွှတ်တော်ရှေ့နေ တစ်ဦးက ''နစ်နာရတဲ့သူက ဦး ဆောင်နိုင်မှ အခြားလူတွေက အနောက်က တညီတညွတ်တည်း လှုပ်ရှားလို့ရမှာ။ ဘယ်သူ့ကိုမှ ကြောက်စရာမလိုဘူး။ မတရား အနိုင်ကျင့်ခံရတဲ့သူတွေအနေနဲ့ တိုင်ကြားပါလို့ ပြောချင်ပါ တယ်'' ဟု ပြောသည်။

Yangon Media Group

အင်းဝခေတ် ဝတ်စုံနဲ့ Top 10 ဝင်ခဲ့တဲ့ ထားထက်ထက်နဲ့ တွေ့ဆုံခြင်း

အင်းဝခေတ် ဝတ်စုံနဲ့ ထားထက်ထက် (ဓာတ်ပုံ – လင်းသန့် / ဧရာဝတီ)

ထိုင်းနိုင်ငံမှာ နိုဝင်ဘာ ၃ ရက်နေ့ကနေ ၁၉ ရက်နေ့အထိ ကျင်းပနေတဲ့ Miss Grand International 2013 ပြိုင်ပွဲကို မြန်မာနိုင်ငံ ကိုယ်စားပြု အနေနဲ့ အသက် ၂၄ နှစ် အရွယ်ရှိတဲ့ ထားထက်ထက် ၀င်ရောက် ယှဉ်ပြိုင်နေပါတယ်။ ကမ္ဘာ မှာ ဖြစ်ပွားနေတဲ့ စစ်ပွဲတွေ ရပ်တန့်ဖို့၊ ငြိမ်းချမ်းကြဖို့ ရည်ရွယ်တဲ့ ဒီ Miss ပြိုင်ပွဲကြီးဟာ ပထမဆုံးအကြိမ် အဖြစ် ကျင်းပတာလည်း ဖြစ်ပါတယ်။ မြန်မာနိုင်ငံ WYTU ကနေ IT ဘွဲ့နဲ့ ၂၀၁၁ ခုနှစ်က ကျောင်းပြီး လာခဲ့တဲ့ Miss Myanmar ထားထက်ထက်ဟာ ထိုင်းနိုင်ငံ ချင်းမိုင်မြို့မှာ ကျင်းပသွားခဲ့တဲ့ ဒီပြိုင်ပွဲကြီးရဲ့ အမျိုးသားဝတ်စုံ ပြိုင်ပွဲစဉ်မှာ အင်းဝခေတ် ၀တ်စုံနဲ့ ထိပ်ဆုံး ၁၀ ဦး စာရင်းထဲ ပါဝင်သွားခဲ့ပါပြီ။ လာမယ့် နိုဝင်ဘာ ၁၉ ရက် Final ပွဲစဉ်မှာတော့ ဒီ ၁၀ ယောက် စာရင်းထဲကနေ အကောင်းဆုံး ၁ ဦးကို ပြန်လည် ရွေးချယ်မှာပါ။ Miss Grand International 2013 ပြိုင်ပွဲမှာ နိုင်ငံပေါင်း ၈၈ နိုင်ငံမှ အလှမယ်များ ၀င်ရောက် ယှဉ်ပြိုင်နေတာပါ။
ထားထက်ထက် ၀တ်ဆင်ခဲ့တဲ့ အင်းဝခေတ်ဝတ်စုံကို ဒီဇိုင်နာ မပုံ့ (My Favourite) နဲ့ မန္တလေးက ကိုမျိုးမင်းစိုးတို့က ဖန်တီးေ ပးထားပြီး ညနေခင်း ၀တ်စုံကိုတော့ ကိုသျှီလာက ဖန်တီးပေးထားတဲ့ အပြင် ဒီဇိုင်နာ ကိုဖြိုးပြည့်နဲ့ မမေဇင် တို့လည်း ပါဝင် အားဖြည့်ဖန်တီး ပေးထားကြတယ်လို့ သိရပါတယ်။ Miss Grand International Title ဆုအပြင် Online မဲစနစ်နဲ့ ရွေးချယ်ပေးမယ့် ပေါ်ပြူလာ အဖြစ်ဆုံးဆု၊ အကောင်းဆုံး အမျိုးသားဝတ်စုံဆု၊ အကောင်းဆုံး ညနေခင်း ဝတ်စုံဆု၊ အကောင်းဆုံး ရေကူးဝတ်စုံဆု ဆိုပြီး သတ်မှတ်ထားပြီး အဲ့ဒီ ခေါင်းစဉ် တခုဆီကို အမေရိကန်ဒေါ်လာ ၃ ထောင် ချီးမြှင့်မယ်လို့ သိရပါတယ်။ ပြိုင်ပွဲဝင် Miss Myanmar ထားထက်ထက် ချင်းမိုင်မြို့ကို ရောက်ရှိနေချိန်မှာ ဧရာဝတီ သတင်းထောက် မစပ်စုက တွေ့ဆုံ မေးမြန်းဖြစ်တာလေးတွေကို ဖော်ပြ ပေးလိုက်ပါတယ်။

မြန်မာအမျိုးသမီးဆိုင်ရာ ဆွေးနွေးပွဲ အင်ဂျလီနာဂျိုလီ သဝဏ်လွှာပို့

ရန်ကုန်၊ နိုဝင်ဘာ ၁၀

နာမည်ကြီး ဟောလီဝုဒ် အကျော်အမော် သရုပ်ဆောင် တစ်ဦးဖြစ်သော အင်ဂျလီနာဂျိုလီသည် ကျင်းပဆဲဖြစ်သည့် မြန်မာနိုင်ငံ၏ ငြိမ်းချမ်းရေး၊ လုံခြုံရေးနှင့် ဖွံ့ဖြိုးတိုးတက်ရေးအတွက် နိုင်ငံလုံးဆိုင်ရာ အမျိုးသမီးများ စကားဝိုင်းသို့ သဝဏ်လွှာ ပေးပို့ခဲ့ကြောင်း အဆိုပါ စကားဝိုင်း ဖြစ်မြောက်ရေး အဖွဲ့ဝင် တစ်ဦးဖြစ်သူ ကျား၊ မ ရေးရာ တန်းတူညီမျှရေး ကွန်ရက်မှ အကြီးတန်း ညှိနှိုင်းရေးမှူး ဒေါ်မေစပယ်ဖြူက ပြောကြားသည်။

အင်ဂျလီနာဂျိုလီက မြန်မာနိုင်ငံ၏ ငြိမ်းချမ်းရေး၊ အုပ်ချုပ်ရေးနှင့် စီးပွားရေးဆိုင်ရာ ကဏ္ဍတို့တွင် အမျိုးသမီးများ အပြည့်အဝ ပါဝင် လှုပ်ရှားနေသည်ကို မြင်တွေ့လိုကြောင်း၊ ဒီမိုကရေစီနိုင်ငံ တည်ဆောက်ရာတွင် အမျိုးသမီးများ ပါဝင်မှုနှင့် အရပ်ဘက် အဖွဲ့အစည်းများ၏ အခန်းကဏ္ဍသည် အရေးကြီး လိုအပ်ကြောင်း၊ အကြောင်း အရပ်ရပ်ကြောင့် လူ့အခွင့်အရေး ချိုးဖောက်ခံရသူများ တရားမျှတမှု ရရှိရေး၊ ၎င်းတို့ကို ကာကွယ် စောင့်ရှောက်ရေးအတွက် ဆောင်ရွက်ရာတွင် ခက်ခဲမည် ဖြစ်သော်လည်း အောင်မြင်အောင် ကြိုးစားရမည် ဖြစ်ကြောင်းနှင့် ထိုသို့ ဆောင်ရွက်နေသူ များကိုလည်း အလွန်ပင် လေးစား ဂုဏ်ယူမိပါကြောင်း ၎င်း၏ သဝဏ်လွှာတွင် ပါရှိသည်။

မဟာမြတ်မုနိဘုရား မျက်လုံးတော်ပွင့်ဟူသော ကောလာဟလကြောင့် လုံခြုံရေးကင်မရာကို စစ်မည်

မန္တလေး၊ နိုဝင်ဘာ ၁၀
မြန်မာနိုင်ငံ၏ တန်ခိုးကြီးဘုရား တစ်ဆူဖြစ်သော မန္တလေးမဟာမြတ်မုနိ ဘုရားကြီး ဘယ်ဘက်မျက်လုံးတော် ပွင့်တော်မူသည်ဟူသော ကောလာဟလများ နိုဝင်ဘာလ ၁၀ ရက်နေ့က ထွက်ပေါ်လာမှုနှင့် ပတ်သက်၍ ဘုရားကြီးမျက်နှာတော် အနီးရှိ လုံခြုံရေး ကင်မရာကို စစ်ဆေးသွားမည် ဖြစ်ကြောင်း အဆိုပါ ဘုရားကြီး ဂေါပက အဖွဲ့ထံမှ စုံစမ်း သိရှိရသည်။

“မဟာမြတ်မုနိဘုရား ဘယ်ဘက် မျက်လုံးတော် ပွင့်တယ်လို့ မနက် ၁၀ နာရီ ကျော်လောက် ကတည်းက ကြားလိုက်မိတယ်။ လူမှုကွန်ရက် စာမျက်နှာတွေပေါ်မှာလည်း ဓာတ်ပုံတွေ တွေ့လိုက်ရတယ်။ တချို့ကလည်း အခုချိန်ထိ (မွန်းလွဲ ၃ နာရီ ကျော်ခန့်အထိ) မျက်လုံးတော် ပွင့်နေတယ်လို့ ပြောတာနဲ့ အခု လာဖူးတာပါ။ ဒီရောက်တော့လည်း ဘုရားဖူးလည်း များပြားတာ မတွေ့ရဘူး။ ပုံမှန်ပါပဲ။ ဘုရားမျက်လုံးတော် ကလည်း အရင်အတိုင်းပါပဲ။ ဒါတောင် ဘေးက ဘုရားဖူးတွေက ညာဘက် မျက်လုံးတော် ပွင့်လာတယ်တို့ ဘာတို့ ပြောနေကြသေးတယ်” ဟု မန္တလေး ဒေသခံတစ်ဦး ဖြစ်သူ ဦးမောင်မောင်က The Voice သို့ ပြောကြားသည်။

မိုးပျံပူဖောင်းဖြင့် မြောက်ကိုရီးယားသို့ သမ္မာကျမ်းစာအုပ်များ ချပေး

[ ဆိုးလ် ၊ နိုဝင်ဘာ ၁၀ ၊ Daily Mirror ]
ခရစ်ယာန် သင်းအုပ်ဆရာတော်ဖိုလီးနှင့် ကိုလိုရာဒိုအခြေစိုက်အဖွဲ Seoul USA သည် လွန်ခဲ့သည့်ခုနစ်နှစ် ကတည်းက ပေ၄ဝရှည်သော မိုး ပျံပူဖောင်းများနှင့် သမ္မာကျမ်းစာ အုပ်များကို သယ်ဆောင်စေလျက် မြောက်ကိုရီးယားနိုင်ငံအတွင်းသို့ ချပေးနေခဲ့သည်။ မြောက်ကိုရီး ယားတွင် ခရစ်ယာဉ်ဘာသာကို ပိတ်ပင်ထားသည်။

လွန်ခဲ့သည့်နှစ်က ၎င်းတို့ သည် မြောက်ကိုရီးယားနိုင်ငံအ တွင်း ခန့်မှန်းခြေသမ္မာကျမ်းစာ အုပ်၅၀၀၀ဝခန့် ချပေးခဲ့သည်။ တရားမဝင်သော်လည်း မြောက် ကိုရီးယားတွင် ခရစ်ယာန်ဘာသာ ဝင်၁၀၀၀၀ဝခန့်ရှိမည်ဟု ဖိုလီးက ခန့်မှန်းထားသည်။ ၎င်းတို့အ နက် ၃၀၀၀ဝမှာ ထိန်းသိမ်းရေး စခန်း၌ ရောက်ရှိနေပြီး အလုပ် အလွန်အကျွံလုပ်ရခြင်း၊ ငတ် မွတ်ခြင်း၊ နှိပ်စက်ခံရခြင်းနှင့် သတ်ဖြတ်ခံရခြင်းတို့ပင် ခံရသည် ဟုသိရသည်။ ''သူတို့ဟာ ကမ္ဘာ ပေါ်မှာ နှိပ်စက်အခံရဆုံး ယုံ ကြည်ကိုးကွယ်သူတွေပါ''ဟု ၎င်း ကFox News သို့ ပြောကြားခဲ့ သည်။

ပုဂံ FM မှာသတင်း ကြေညာသူ အဖြစ် ဆောင်ရွက်နေသူ အနဂ္ဂ

 

အနဂ္ဂက ပုဂံ FM မှာ Morning Talk Show အစီအစဉ်နဲ့ World News အစီအ စဉ် နှစ်ခုကို တင်ဆက်ပေးနေပါတယ်။ Morning Talk Show အစီအစဉ်ကိုတော့ ကိုင်ဇာတင်မုံ နဲ့ တင်ဆက် ရတာဖြစ်ပြီး World News အစီအစဉ် မှာတော့ သတင်း ကြေညာသူ အဖြစ် တင်ဆက်ရတာ ဖြစ်ပါတယ်။ သတင်း ကြေညာသူ အဖြစ် လုပ်ဖြစ်ရခြင်း ကလည်း သူ့အနေ နဲ့ သီချင်း မဆိုခင် ကတည်းက သတင်းနဲ့ ပတ်သက်ပြီး တအား စိတ်ဝင်တစားနဲ့ ဖတ်ရှုလေ့ ရှိပြီး ကမ္ဘာ့သတင်း၊ မြန်မာ့ သတင်းပိုင်း ကို စိတ်ဝင် စားခြင်းကြောင့် ဖြစ်တယ်လို့ အနဂ္ဂက ပြောပါတယ်။

“သတင်း ပိုင်းနဲ့ ပတ်သက်ပြီး ကမ္ဘာမှာ ဖြစ်ပျက်နေတဲ့ သတင်း အကြောင်း အရာတွေ အကုန် လုံးကို တင်ဆက်မယ် ဆိုပြီး ရွေးချယ် ခဲ့တာပါ။ ကိုဇော်ဝင်းထွဋ် ကလည်း ဒီ သတင်း အစီအစဉ်က တအား ကောင်းတယ်။ သူတို့လည်း သဘောကျတယ်။ ပြီးတော့ ကျွန်တော် က ဒီသတင်းတွေကို ပုံမှန် ဘာသာပြန်၊ ဒါတွေ ထည့်မယ်လို့ ဆိုပြီး ဒီ အစီအစဉ်ကို စလိုက်တာပါ။ သတင်းတွေ အကုန်လုံး စီစဉ်ရေးသား ရွေးချယ်တာ ကတော့ ကျွန်တော်ပဲ လုပ်မှာပါ။ သတင်းကြေညာ ရမှာလည်း ကျွန်တော် ပါပဲ။ မြန် မာနိုင်ငံ မှာ ရေဒီယိုတွေ ရှိ ကြတယ်။ အစောဆုံး ရေဒီယိုကတော့ နိုင်ငံတော်ပိုင် မြန်မာ့အသံပေါ့။ နာက်ပိုင်းမှာ ရေဒီယိုတွေ လည်း အများကြီး ထပ်ပေါ် လာ တယ်။ ပေါ် လာတဲ့ အခါမှာ ကျွန်တော်က နိုင်ငံခြား ရေဒီယိုတွေလည်း နားထောင်တယ်။ ဒါကြောင့် သတင်း ပြောတဲ့ ပုံစံ ကိုလည်း ကျွန်တော့် ပုံစံ တစ် ခုအနေနဲ့ လည်း ပြောပြ ချင်တာ လည်းပါတယ်” လို့ အနဂ္ဂက သူ တင်ဆက်မယ့် World News ပိုင်းနဲ့ ပတ်သက်ပြီး ရှင်းပြပါတယ်။

သုသာန်တစပြင်အဇ္ဈတ္တ အလှတရားနှင့် မိတ္တလူသား (သို့မဟုတ်) နာရေးကူညီမှုအသင်း (ရန်ကုန်)ဥက္ကဋ္ဌ ဦးကျော်သူ

လူတစ်ယောက်၏ ဘဝ နောက်ဆုံးခရီးဖြစ်သော ဈာပန ကို ကောင်းမွန်စွာဖြင့် ပို့ဆောင် မီးသဂြုင်္ိဟ်မှုပြုလုပ်သော သုသာန် မှာ မြို့တစ်မြို့၊ နိုင်ငံတစ်နိုင်ငံ၊ တိုင်းပြည် တစ်ပြည်အတွက် အထူးအရေးကြီးလှပေသည်။ လူ့လောကအသိုင်းအဝိုင်းတွင် သာရေးရှိသလို၊ နာရေးအတွက် နာရေးပေါင်းများစွာကို လိုက် လံကူညီ ပို့ဆောင်ေ ပးနေေ သာ ဆယ်နှစ်ကျော်သက်တမ်းရှိ နာ ရေးကူညီမှုအသင်း (ရန်ကုန်)ဥက္ကဋ္ဌဦးကျော်သူနှင့် တွေ့ဆုံ ခိုက် မြန်မာနိုင်ငံရှိသုသာန်များ ၏ လက်ရှိအခြေ အနေ၊ နိုင်ငံ တကာရှိ သုသာန်များအကြောင်း၊ သံဝေဂရဖွယ်များ၊ အတုယူဖွယ် များ၊ပြင်ဆင်သင့်ပုံများအကြောင်း၊ လောက၏ အလှတရားများ အကြောင်း၊ မှတ်သားဖွယ်ရာ များကို ဦးကျော် သူက ယခုလို ပြောပြသည်။

သင်္ချိုင်းဆိုတာ အမှန်ဆိုရင် လူတွေ ကြောက်စရာမလိုဘူး

” လူတွေမှာ တစ်ကိုယ်ရေ သန့်ရှင်းရေးကအရေးကြီးသလို၊ ပတ်ဝန်းကျင်သန့်ရှင်းရေးကလည်း အရေးကြီးတယ်။ သုသာန် အကြောင်းပြောရတာက ကျွန် တော်တို့က သုသာန်နဲ့ နာရေး ကူညီမှုလုပ်နေတဲ့ အတွက်၊ သုသာန်တွေနဲ့ တိုက်ရိုက်ထိတွေ့ နေရတဲ့အတွက် သုသာန်တွေ ကို လိုက်လေ့လာတယ်။ ကမ္ဘာ့ နိုင်ငံတွေသွားရင်လည်း ကျွန် တော်ရှောပင်းသွားတာမဟုတ် ဘူး။သုသာန်တွေကို လိုက်လေ့လာ တာ။သူတို့နိုင်ငံမှာ သုသာန်တွေကို ဘယ်လိုထားလဲ သိတယ်။ လူတစ်ယောက်ရဲ့ ဘဝနောက် ဆုံးခရီးမှာ သုသာန်နေရာက တအားအရေးကြီးတယ်။ ဥပ မာ မလေးရှားဆိုရင် ဗုဒ္ဓဘာ သာဝင်လည်း ရှိတယ်။ သူတို့ သင်္ချိုင်းဆိုရင် ဂူအကြီးကြီးနဲ့၊ ရေတံခွန်ကြီးနဲ့ အတု လုပ်ထား တာ။ အဲဒီဂူထဲဝင်သွားရင် ပြ တိုက်လို သဘောထားကြတာ။ အဲဒီ မှာမကောင်းမှုလုပ်ရင် ဘယ် ငရဲဘုံကို ရောက်မယ်ဆိုတာ ရုပ် လုံးကြွတွေနဲ့ အသံတွေ လွှင့်ပြီး ပြထားတယ်။

ဓမ္မစေတီ ခေါင်လောင်းကြီးကို အစိုးရကသာ ဦးစီး၍ ဆယ်ယူစေလို

UMFCCI တွင် ကျင်းပသော ဓမ္မစေတီ ခေါင်းလောင်းဆိုင်ရာ စာတမ်းဖတ်ပွဲတွင် တခြား နာမည်ကျော် ခေါင်းလောင်းများနှင့် ဓမ္မစေတီ ခေါင်းလောင်းကြီး၏ ဖြစ်နိုင်ဖွယ် အလေးချိန်ကို နှိုင်းယှဉ် ပြနေစဉ် (ဓာတ်ပုံ – ဧရာဝတီ)

နှစ်ပေါင်း ၄၀၀ ကျော်ကြာ ရေထဲတွင် နစ်မြှုပ်နေသည်ဆိုသော ဓမ္မစေတီ ခေါင်းလောင်းကြီးကို ရှာဖွေ ဆယ်ယူရန် ကြိုပမ်းရာတွင် ပုဂ္ဂိုလ်တဦးတယောက်၏ ဦးဆောင်မှုဖြင့် မဟုတ်ဘဲ နိုင်ငံတော် အစိုးရ၏ တိုက်ရိုက် ဦးဆောင်မှုဖြင့် လုပ်ဆောင်စေလိုကြောင်း မွန်စာပေနှင့် ယဉ်ကျေးမှုအဖွဲ့က တိုက်တွန်းလိုက်သည်။
နိုဝင်ဘာလ ၉  ရက်နေ့က ရန်ကုန်မြို့ ရှိ မြန်မာဂျာနယ်လစ်ကွန်ရက် ရုံးခန်းတွင် ပြုလုပ်သော ဓမ္မစေတီ မွန် ခေါင်းလောင်းတော်ကြီးနှင့် ပတ်သက်သော မွန်အမျိုးသားတို့၏ သဘောထား သတင်းစာရှင်းလင်းပွဲတွင် အထက်ပါအတိုင်း တိုက်တွန်းလိုက်ခြင်း ဖြစ်သည်။
ဓမ္မစေတီ ခေါင်းလောင်းကြီးကို ငွေကြေးအကုန်ကျခံ ဆယ်ယူမည်ဟု ဇေကမ္ဘာကုမ္ပဏီပိုင်ရှင်၊ လွှတ်တော်အမတ် ဦးခင်ရွှေက ပြောဆိုကြောင်း သတင်းများ ထွက်ပေါ်ပြီးနောက် မွန်အဖွဲ့က နိုင်ငံတော်အစိုးရကို  ဦးဆောင်ပေးရန် တိုက်တွန်းလိုက်ခြင်း ဖြစ်သည်။
ယဉ်ကျေးမှုဝန်ကြီးဌာန၊ သမိုင်းသုတေသန ဦးစီးဌာနနှင့် စင်ကာပူ အခြေစိုက် SD Mark International LLP ကုမ္ပဏီတို့ ပူးပေါင်းပြီး ၂၀၁၂ ခုနှစ်တွင် ချက်ထရီယမ်ဟိုတယ်၌ ဓမ္မစေတီခေါင်းလောင်း ဆယ်ယူမှုဆိုင်ရာ အလုပ်ရုံဆွေးနွေးပွဲ ပြုလုပ်ခဲ့သော်လည်း နောက်ပိုင်းတွင် ဆယ်ယူမည့် ကုန်ကျစရိတ်နှင့် ပတ်သက်၍ အဆိုပါ စင်ကာပူကုမ္ပဏီကို လုပ်ကိုင်ခွင့် မပြုတော့ကြောင်း သိရသည်။
မွန်အမျိုးသားတို့၏ သဘောထား သတင်းစာရှင်းလင်းပွဲတွင် ဓမ္မစေတီ ခေါင်းလောင်းကြီးကို အစိုးရကိုယ်တိုင် ဦးဆောင် တူးဖော်ရန်နှင့် ယင်းခေါင်းလောင်းကြီး၏ မူလပိုင်ရှင်မှာ မွန်လူမျိုးများဖြစ်ပြီး မွန်များ၏ ရှေးဟောင်း သမိုင်းဝင် အမွေအနှစ်များကို အသိအမှတ်ပြုပေးရန် တိုက်တွန်း တောင်းဆိုခဲ့ကြသည်။

ပြစ်မှုကျူးလွန်သူဟု သံသယရှိခံရသူများ၊ စွပ်စွဲခံရသူများ ဖမ်းဆီးစစ်ဆေးရာတွင် ထိခိုက်မှုနှင့် သေဆုံးမှုများ ရှိနေဆဲဖြစ်

ဇော်ဇော်ထွေး| တနင်္လာနေ့၊ နိုဝင်ဘာလ ၁၁ ရက် ၂၀၁၃ ခုနှစ်

အမှုအခင်းများအတွက် ပြစ်မှုကျုးလွန်သူဟု သံသယရှိထားသူများ၊ စွပ်စွဲခံထားရသူများအား ရဲစခန်းများ ၌ ဖမ်းဆီးစစ်ဆေးကြရာတွင် ထိခိုက်ဒဏ်ရာရရှိမှုနှင့် သေဆုံးမှုများ ရှိနေဆဲဖြစ်ပြီး ပြည်သူ့ရဲဝန်ထမ်းများ အနေဖြင့် ဥပဒေကို အထူးလိုက်နာရန် လိုအပ်နေပေသည်။

လက်ရှိတွင် တရားဥပဒေစိုးမိုးရေး နှင့် တည်ငြိမ်အေးချမ်းရေး ကော်မတီမှ ဦးဆောင်ပြီး မြန်မာနိုင်ငံ ရဲတပ်ဖွဲ့၏ အရည်အသွေးများ မြင့်မားလာစေရန် ဥရောပသမဂ္ဂနိုင်ငံများဖြင့် ချိတ်ဆက်၍ သင်တန်းပေး မှုများ ပြုလုပ်လျက်ရှိသော်လည်း တရားခံဟု သံသယရှိထားသူများ၊ ဖမ်းဆီးစစ်ဆေးခံရသူများအပေါ် ရဲဝန်ထမ်းများ၏ ဆက်ဆံပုံများ၊ အပြုအမူများနှင့်ပတ်သက်၍ လက်ရှိတွင် ပြည်သူများက ဝေဖန်မှုများ ရှိနေသည်။

အဆိုပါကိစ္စနှင့် ပတ်သက်၍ တရားဥပဒေစိုးမိုးရေးနှင့် တည်ငြိမ်အေးချမ်းရေး ကော်မတီမှ အတွင်းရေး မှူးဖြစ်သူ ဦးဝင်းမြင့်က “ပြည်သူ့ရဲဆိုတာ ဥပဒေအရ ပြည်သူကို အကာအကွယ်ပေးရမှာပါ၊ ရဲဆိုတာ ပြည်သူကို ညှဉ်းပန်းနှိပ်စက်တဲ့ ဥပဒေမဲ့ အဖွဲ့အစည်းမဟုတ်ပါဘူး” ဟု ပြောပြသည်။

မူးယစ်ဆေးဝါးမှောင်ခို လေးဦး အသေဖမ်းမိ

ချင်းမိုင် နိုဝင်ဘာ ၁၁။

ထိုင်းနိုင်ငံ ချင်းမိုင်ခရိုင် မယ်အိုင်မြို့နယ် တာ့တွန့်
ကျေးရွာအုပ်စု ဟွေ့ဆန်ကျေးရွာအနီး တောအုပ်ထဲတွင်
မြန်မာဖက်က ၀င်ရောက်လာ သည်ဟု ယူဆရသည်
အမည်မသိ လက်နက်ကိုင် အဖွဲ့နှင့် တိုက်ပွဲများဖြစ်ပွားခဲ့ပြီး မူးယစ်ဆေးဝါးများနှင့်အတူ လူလေးဦးကို အသေဖမ်းဆီး
ရမိကြောင်း ချင်းမိုင်အခြေစိုက် သတင်းထောက်က
သတင်းပေးပို့ထားသည်။

အမည်မသိ လက်နက်ကိုင် အဖွဲ့တစ်ဖွဲ့နှင့် နိဝင်ဘာလ
၉ရက်နေ့က ည၈နာရီခန့်က မိနစ်၂၀ကြာ တိုက်ပွဲဖြစ်ပွား
ခဲ့ပြီး အလောင်းလေးလောင်း၊ လက်လုပ်မိုင်းတစ်လုံးနှင့်
ကာလတန်ဖိုးဘတ် သန်း၂၀၀ခန့်တန်ဖိုးရှိ စိတ်ကြွဆေးပြား
လေးသိန်းကို ကျောပိုးအိပ် လေးအိပ်ထဲကနေ သိမ်းဆည်း
ရမိကြောင်း ရဲက ပြောကြားသည်။

ဖွဲ့စည်းပုံ အခြေခံဥပဒေ ပြင်ဆင်လိုသည့် အချက်များ ကိုယ်ပိုင် သီးခြားပြုလုပ်ထားဟု သူရဦးရွှေမန်းဆို

မန္တလေး၊ နိုဝင်ဘာ ၁၀

မြန်မာနိုင်ငံတွင် ၂၃ နှစ်ကြာ အုပ်ချုပ်ခဲ့သော တပ်မတော်အစိုးရက ရေးဆွဲ ခဲ့သည့် ၂၀၀၈ ခုနှစ် ဖွဲ့စည်းပုံ အခြေခံဥပဒေတွင် ပြင်ဆင်လိုသည့် အချက်များကို ကိုယ်ပိုင် သီးခြား ပြုလုပ်ထားသည်ဟု သူရဦးရွှေမန်းက နိုဝင်ဘာလ ၉ ရက်နေ့တွင် ပြောကြားသည်။

မန္တလေးမြို့ (တယက) ရုံးဟောင်း အစည်းအဝေးခန်းမတွင် ကျင်းပသော ပြည်သူ့လွှတ်တော် ဥက္ကဋ္ဌ သူရဦးရွှေမန်းနှင့် လူမှုရေး အသင်းအဖွဲ့များ၊ နိုင်ငံရေးပါတီများ၊ တိုင်းဒေသကြီး အစိုးရ အဖွဲ့ဝင်များ၊ ပြည်သူ့လွှတ်တော် ကိုယ်စားလှယ်များ တွေ့ဆုံပွဲတွင် ၎င်းက ယင်းသို့ ပြောကြားခဲ့ခြင်း ဖြစ်သည်။
“အဲဒီ ပြင်ဆင်ရန် အချက်တွေက ကျွန်တော်သီးခြား လုပ်ထားတဲ့ အချက်တွေ ဖြစ်တယ်” ဟု ၎င်းကဆိုသည်။

ဖွဲ့စည်းပုံ အခြေခံဥပဒေအပေါ် ကိုယ်ပိုင် လေ့လာသုံးသပ်ထားသည့် အချက်များအပြင် ပါတီ အနေနှင့်လည်း ပါတီရဲ့ အာဘော်အဖြစ် လေ့လာသုံးသပ် ဆောင်ရွက်မှုများ လုပ်လျက် ရှိကြောင်း၊ ဖွဲ့စည်းပုံ အခြေခံဥပဒေနှင့် သက်ဆိုင်သည့် ကိစ္စများ ပြုပြင်ပြောင်းလဲ လိုသည့်၊ တစ်ဦးချင်း အနေနှင့် ပူးပေါင်း ကော်မတီသို့ တင်ပြနိုင်ကြောင်း ၎င်းက ထပ်လောင်းပြောကြားသည်။

ဖူးခက်မြို့အဝင်တွင် အဝေးပြေးယာဉ် တိမ်းမှောက်မှု မြန်မာကိုးဦး ဒဏ်ရာရ

ရန်ကုန်၊ နိုဝင်ဘာ ၁၀

မြန်မာနိုင်ငံသားများ အပါအဝင် နိုင်ငံတကာ ကျောင်းသားများ စီးနင်း လိုက်ပါလာသော အဝေးပြေး ယာဉ်တစ်စင်းသည် နိုဝင်ဘာလ ၉ ရက်နေ့ မွန်းလွဲ ၂ နာရီခန့်က ဖူးခက်မြို့အဝင် ပတန် (Patong) တောင်ပေါ်၌ တိမ်းမှောက်သွားပြီး မြန်မာ ကျောင်းသားကိုးဦး အပါအဝင် နိုင်ငံတကာ ကျောင်းသား ၂၇ ဦး ထိခိုက်ဒဏ်ရာ ရရှိခဲ့ကြောင်း Phuket Wan ခရီးသွားဌာနတွင် ဖော်ပြထားသည်။

ထိုင်းနိုင်ငံ ဘန်ကောက်ရှိ Asian Institute of Technology (AIT) မှ ကျောင်းသား၊ ကျောင်းသူ နှစ်ရာ၏ လေ့လာရေး ခရီးစဉ်ကို အဝေးပြေးယာဉ် လေးစီးဖြင့် ဘန်ကောက်မြို့မှ ထွက်ခွာခဲ့ရာ ပတန် တောင်တက်ခရီးတွင် အရှိန်လွန်ကာ တိမ်းမှောက်ခဲ့ကြောင်း၊ ယင်းတိမ်းမှောက်ခဲ့သော ယာဉ်သည် နောက်ဆုံးယာဉ် ဖြစ်ပြီး ခရီးသည် ၄၀ ကျော် လိုက်ပါလာခဲ့ကြောင်း အဆိုပါ သတင်းဌာနထံမှ သိရသည်။

အဆိုပါ ယာဉ်တိမ်းမှောက် မှုကြောင့် မြန်မာနိုင်ငံသား ကိုးဦး၊ သီရိလင်္ကာ နိုင်ငံသား ရှစ်ဦး၊ ဘင်္ဂလားဒေ့ရှ် နိုင်ငံသား လေးဦး၊ ပါကစ္စတန် နိုင်ငံသားနှစ်ဦး၊ ထိုင်းနိုင်ငံသား နှစ်ဦး၊ နိုက်ဂျီးရီးယား နိုင်ငံသား တစ်ဦးနှင့် နီပေါ နိုင်ငံသားတစ်ဦးတို့ ထိခိုက်ခဲ့ပြီး ဒဏ်ရာ အပြင်းအထန်ရရှိသူ ၁၀ ဦးကို ဖူးခက်မြို့ရှိ Bangkok Hospital Phuket သို့ လွှဲပြောင်းထားသည်။

ကျပ်သိန်းနှစ်ထောင် ပြန်ပေးဆွဲမှု ကျူးလွန်သူများကို ဖမ်းဆီးနိုင်ခြင်း မရှိသေးဟုဆို

ရန်ကုန်၊ နိုဝင်ဘာ ၁၀

တွံတေးမြို့နယ်တွင် လွန်ခဲ့သော လေးရက်က ဖြစ်ပွားခဲ့သော ဆိုင်ကယ် စီးလာသည့် ဇနီးမောင်နှံကို ငွေကျပ် သိန်းနှစ်ထောင်ဖြင့် ပြန်ပေးဆွဲမှု ကျူးလွန် ထွက်ပြေး တိမ်းရှောင်နေသူများကို ဖမ်းဆီးနိုင် ခြင်းမရှိသေးဘဲ ရှာဖွေစုံစမ်းနေဆဲ ဖြစ်ကြောင်း လှိုင်သာယာမြို့နယ် မြို့မရဲစခန်းမှ ရဲအရာရှိတစ်ဦးက The Voice သို့ နိုဝင်ဘာလ ၁၀ ရက်နေ့ ည ၈ နာရီခန့်တွင် ပြောကြားသည်။

ဇနီးမောင်နှံကို သိန်းနှစ်ထောင်ဖြင့် ပြန်ပေးဆွဲပြီး ရဲတပ်ဖွဲ့ဝင်ကို ဓားဖြင့်ခုတ်ကာ ထွက်ပြေး တိမ်းရှောင်နေသူ သုံးဦးကို ဖမ်းဆီးရမိရေးအတွက် ၎င်းတို့၏ မျက်နှာကို ခဲပန်းချီဖြင့် ပုံတူရေးဆွဲပြီး ရန်ကုန်တိုင်းဒေသကြီး အတွင်းရှိ ခရိုင် ရဲတပ်ဖွဲ့များသို့ သတင်းပေးပို့ ထားကြောင်း၊ ရန်ကုန်တိုင်း အတွင်းရှိ မြို့ဝင်မြို့ထွက် ဂိတ်များတွင် လူဝင်လူထွက်များကို ရှာဖွေ စုံစမ်းလျက် ရှိကြောင်း ၎င်းက ဆက်လက်ပြောကြားသည်။

ပြန်ပေးဆွဲသူများကို တင်ဆောင် ခဲ့သော ဟွန်ဒါဖစ် ယာဉ်တစ်စီးကို ရဲတပ်ဖွဲ့ဝင်များက စုံစမ်းရှာဖွေလျက်ရှိရာ နိုဝင်ဘာလ ၇ ရက် နံနက် ၂ နာရီခန့်က မသင်္ကာသော ယာဉ်တစ်စီးကို ရဲတပ်ဖွဲ့ဝင်များက လိုက်လံ ဖမ်းဆီးခဲ့ကြောင်း၊ အဆိုပါယာဉ်သည် ရွှေပြည်သာတံတား အလယ်ရွာအနီးတွင် အခြားယာဉ် တစ်စီးဖြင့် တိုက်မိရာမှ ရပ်တန့်နေစဉ် တွံတေးမြို့နယ် ရဲတပ်ဖွဲ့ဝင်တစ်ဦးက ဝင်ရောက် ဖမ်းဆီးခဲ့ရာ ယာဉ်ပေါ်မှ လူတစ်ဦးက ဓားဖြင့်ခုတ်ခဲ့ပြီး အလယ်ရွာတွင်းသို့ ထွက်ပြေး လွတ်မြောက်ခဲ့ကြောင်း လှိုင်သာယာမြို့နယ် မြို့မရဲစခန်းမှ ရဲအရာရှိ တစ်ဦးက ရှင်းပြသည်။

အမျိုးသမီးတဦး လက်ထိတ်တန်းလန်းဖြင့် သေဆုံးမှုကြောင့် ဖမ်းထားသည့် ရဲ ၄ ဦးကို ပြန်လွှတ်ပေးပြီ

မသန်းသန်းအေး ဈာပန မြင်ကွင်း (ဓာတ်ပုံ – ဧရာဝတီ)

ဧရာဝတီတိုင်း ဒေသကြီး ပုသိမ်မြို့အနီးရှိ င၀န်မြစ်အတွင်း၌ လက်ထိတ် သုံးစုံ ခတ်လျှက်သား အနေအထားဖြင့် ရေနစ်သေဆုံးခဲ့သူ မသန်းသန်းအေးအမှုနှင့် ပတ်သက်၍ ဖမ်းဆီးထားသည့် မြန်မာနိုင်ငံ ရဲတပ်ဖွဲ့ဝင် ၅ ဦး အနက် ၄ ဦးကို ရာထူးတဆင့်လျှော့၊ ပြစ်ဒဏ်ချ၍ အချုပ်မှ ပြန်လွှတ်ပေးခဲ့ကြောင်း သတင်းရရှိသည်။
လိန်ကုန်း ကျေးရွာအုပ်စု သပြေပင်ကျေးရွာနေ ဦးအုန်းသန်း၊ ဒေါ်မြင့်မြင့်သန်းတို့ နေအိမ်မှ ရွှေ ၁၀ ကျပ်သား ပျောက်ဆုံးမှုနှင့် ပတ်သတ်၍ သံသယတရားခံ အဖြစ် ဖမ်းဆီးပြီး အမှုစစ်ဆေးနေစဉ် လက်ထိတ်တန်းလန်းဖြင့် ရေထဲခုန်ချပြီး မိမိကိုယ်ကိုယ် အဆုံးစီရင်ခဲ့သူ မသန်းသန်းအေးအတွက် တာဝန်ရှိသည့် တပ်ကြပ်ကြီး ကြည်လင်း၊ တပ်ကြပ် နေထွန်း၊ တပ်ကြပ်
ကျော်လင်းနိုင်နှင့် ဒု တပ်ကြပ် ဇော်မင်းထွန်းတို့အား ရာထူးတဆင့်စီ လျှော့ချ၍ ယခုလ ၅ ရက်နေ့က ပြန်လွှတ်ပေးခဲ့ပြီး လက်ရှိတွင် မြန်မာနိုင်ငံရဲတပ်ဖွဲ့တွင် တာဝန် ပြန်လည်ထမ်းဆောင် နေပြီဖြစ်ကြောင်း ဧရာဝတီတိုင်းဒေသကြီး ရဲတပ်ဖွဲ့မှူးရုံးမှ ထိပ်တန်း အရာရှိတဦးက ဧရာဝတီကို ပြောသည်။
“မသန်းသန်းအေး သေတဲ့ကိစ္စနဲ့ ပတ်သတ်လို့ ၄ ယောက်တော့ အမိန့်ချပြီးပြီ။ တပ်ကြပ်ကြီး ကြည်လင်းကို တပ်ကြပ် လုပ်ပစ်လိုက်တယ်။ တပ်ကြပ် နေထွန်းနဲ့ တပ်ကြပ် ကျော်လင်းနိုင်ကို ဒုတပ်ကြပ်အဆင့်ကို လျှော့ပစ်လိုက်တယ်။ ဒုတပ်ကြပ်
ဇင်မင်းထွန်းကို ရဲတပ်သားအဖြစ် လျှော့ပစ်လိုက်တယ်။ ရာထူးလျှော့တဲ့ အဆင့်ပေါ့။ အခုတော့ ပြန်ခန့်ထားပြီ။ တာဝန် ပြန် ထမ်းဆောင်နေပြီ” ဟု သူက ပြောသည်။

လက်ကျန် နိုင်/ကျဉ်းစာရင်း ဒီဇင်ဘာလ ၃၁ မတိုင်ခင်ပို့ဖို့ ဝန်ကြီးဦးအောင်မင်းတောင်းဆို

နိုင်ငံရေးအကျဉ်းသားအားလုံးကို ဒီနှစ်မကုန်ခင် အားလုံးပြန်လွှတ်ပေးနိုင်ရေးအတွက် လက်ကျန်နိုင်ငံရေး အကျဉ်းသားစာရင်းကို ဒီဇင်ဘာလ (၃၁) ရက်နေ့ မတိုင်ခင် ပေးပို့ဖို့လိုအပ်ကြောင်း သမ္မတရုံးဝန်ကြီး ဦးအောင်မင်းက မနေ့က ပြောပါတယ်။

မြန်မာငြိမ်းချမ်းရေးဗဟိုဌာနမှာ ပြည်ထောင်စုဝန်ကြီးတွေနဲ့ နိုင်ငံရေးပါတီတွေ၊ အရပ်ဘက် အဖွဲ့အစည်းတွေနဲ့ တွေ့ဆုံစဉ်အတွင်း ပြောကြားခဲ့တာပါ။

ဒီနှစ်ကုန်ကျရင် မြန်မာနိုင်ငံမှာ နိုင်ငံရေးအကျဉ်းသားမရှိစေရဘူးလို့ သမ္မတ ဦးသိန်းစိန်က နိုင်ငံတကာကို ကတိပြု ပြောဆိုခဲ့ပါတယ်။ အဲဒါကြောင့် အခုရက်ပိုင်းအတွင်း နိုင်ငံရေးအကျဉ်းသားလွှတ်ပေးဖို့ ဆောင်ရွက်နေကြောင်း၊ ဒီနှစ်ကုန်မှာ စာရင်းမကျန်ဘဲ အားလုံးလွှတ်နိုင်ဖို့ နိုင်ငံရေးအကျဉ်းသားစိစစ်ရေး ကော်မတီအနေနဲ့ ဒီဇင်ဘာ (၃၁) ရက်နေ့အမီ အကြောင်းကြားပေးပို့ဖို့လိုကြောင်း ဝန်ကြီးဦးအောင်မင်းက ပြောပါတယ်။

ဒု ဗိုလ်ချုပ်မှူးကြီးဟောင်း ဦးမောင်အေး ကျန်းမာရေး ယိုယွင်း

စစ်ခေါင်းဆောင်ဟောင်း ဒုတိယ ဗိုလ်ချုပ်မှူးကြီး ဦးမောင်အေးရဲ့ ကျန်းမာရေး အခြေအနေ ယိုယွင်းလာနေပြီး ဘီးတပ်ကုလားထိုင်နဲ့ သွားလာနေရတယ်လို့ မိသားစုနဲ့ နီးစပ်သူတွေများထံမှ သိရပါတယ်။
အသက် ၇၆ နှစ်ရှိပြီဖြစ်တဲ့ စစ်ခေါင်းဆောင်ဟောင်းဟာ ပြီးခဲ့တဲ့ သီတင်းပတ်က ရန်ကုန်မြို့ သင်္ကန်းကျွန်းမြိုနယ်ရှိ ပုညနိမိတ္တာရာမ ရွှေသုဝဏ်ကျောင်းမှာ ပြုလုပ်တဲ့  မိသားစု ကထိန်ကိုတောင်မှ တက်ရောက်နိုင်ခြင်း မရှိတော့ဘဲ ဆရာတော်ကို အိမ်သို့ ပင့်ဆောင်ပြီး တရားနာယူခဲ့ရပါတယ်။
ဒါကြောင့် လက်ရှိကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ ထိပ်ပိုင်း စစ်ဗိုလ်ချုပ်တွေလည်း ရန်ကုန်မြို့ကို ရောက်ရှိလာပြီး ဂါရ၀ပြုခဲ့ကြတယ်လို့ သိရပါတယ်။
DSA အပတ်စဉ် ၁၉ ဆင်း ဗိုလ်ချုပ်မှူးကြီး မင်းအောင်လှိုင်ဟာ စစ်ခေါင်းဆောင်ဟောင်း ဗိုလ်ချုပ်မှူးကြီး မောင်အေး အပေါ်မှာ လေးစားသူတဦးဖြစ်သလို၊ ကာကွယ်ရေး ဦးစီးချုပ်နေရာကို ရရှိအောင် ထောက်ခံပေးသူတဦးလို့လည်း ယုံကြည်ထားသူလို့ သိရှိရပါတယ်။
သူတို့နှစ်ယောက်စလုံးမှာ တူညီတဲ့ အချက်ကတော့ စစ်သားစိတ် အပြည့်ရှိခြင်းနဲ့ လက်အောက်ငယ်သားများ အပေါ် ကြမ်းကြမ်းတမ်းတမ်း ဆက်ဆံခြင်းတို့ ဖြစ်တယ်လို့ စစ်တပ်အသိုင်းအ၀န်းက အသိအမှတ်ပြုကြပါတယ်။
မိသားစု ကထိန်ကိုတော့ ဇနီးဖြစ်သူ ဒေါ်မြမြစန်းကပဲ ဦးစီးကျင်းပခဲ့ပြီး ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ ဒု ဗိုလ်ချုပ်ကြီးဟောင်း ဦးတင်အေး၊ န၀တ အစိုးရလက်ထက် အတွင်းရေးမှူး (၃) ဒု ဗိုလ်ချုပ်ကြီး ၀င်းမြင့်တို့ အပါအ၀င် စစ်ဘက်၊ နယ်ဘက်မှ အရာရှိများလည်း လာရောက်တယ်လို့ သိရပါတယ်။

လင်ကွန်းကိုလုပ်ကြံခဲ့သော တရားခံလေးဦး၏ ကြိုးပေးသည့်ဓာတ်ပုံများ လေလံတင်

[ ၀ါရှင်တန် ဒီစီ ၊ နိုဝင်ဘာ ၁၀ ၊ Daily Mail ]
သမ္မတအေဗရာဟင်လင် ကွန်းအား ပူးပေါင်းလုပ်ကြံသတ် ဖြတ်ရာတွင်ပါဝင်ခဲ့သည့် တရားခံ လေးဦးကို ကြိုးပေးစီရင်စဉ်က ရိုက်ကူးထားသော ဓာတ်ပုံလေး ပုံအား မယုံနိုင်ဖွယ်ရာပင် အမေ ရိကန်ဒေါ်လာ ၁၀၀၀၀ဝနှင့် လေ လံတင်ရောင်းချခဲ့ကြောင်း သိရ သည်။

သမိုင်းဝင်ဖြစ်ရပ်မှတ်တမ်း တင် ဓာတ်ပုံများကို ၁၈၆၅ခုနှစ် ဇူလိုင်ရရက်က ဝါရှင်တန်ဒီစီတွင် အလက်ဇန္ဒားဂါနာဆိုသူက ရိုက် ကူးခဲ့ခြင်းဖြစ်သည်။ ထိုအချိန်က ကြိုးစင်တစ်ဝိုက်တွင် စစ်သားများ၊ သတင်းထောက်များနှင့် မျက်မြင် သက်သေများစုဝေးနေပုံကို သရုပ် ဖော်ထားသော ထိုဓာတ်ပုံများအား ပထမဆုံးဖိုတို ဂျာနယ်လစ်က နမူ နာများအဖြစ် ထည့်သွင်းထားခဲ့ သည့်ဓာတ်ပုံများလည်း ဖြစ်သည်။

Swann Galleriesလေလံ ရုံတွင် ဓာတ်ပုံလေးပုံအား လေလံ တင်ရောင်းချခဲ့ရာ အမေရိကန် ဒေါ်လာ၂၀၀၀ဝနှင့် ၃၀၀၀ဝအ ကြား ရရှိမည်ဟု မျှော်လင့်ထား ခဲ့ကြောင်း သိရသည်။

အမေရိကန်မှာ သေနတ်ပစ်မှု ဖြစ်ပြန်ပြီ

ပြီးခဲ့တဲ့ နိုင်ဝင်ဘာလ ၁၀ ရက်နေ့ ည ၁၁ နာရီလောက်က အမေရိကန်ပြည်ထောင်စု၊ တက္ကဆက်ပြည်နယ်က Hoston မြို့ ထဲက Cypress ဒေသမှာ သေနတ်ပစ်မှု ဖြစ်ခဲ့ ပါတယ်။

၂ ဦးသေဆုံးပြီး ၂၂ ဦး ဒဏ်ရာရတဲ့ သေနတ်ပစ်မှုက ကျောင်းမှာတော့ မဟုတ်ပါဘူး။ ညခင်း၊ ညဘက် ကျင်းပတဲ့ လူနေအိမ်တစ်ခုက မွေးနေ့ ပါတီပွဲမှာ ဖြစ်ပြီး ရေကူးကန်ကို သွေးတွေနဲ့ နီရဲစေခဲ့ ပါတယ်။ အိမ်တွင်း မှာ သေနတ် ပစ်ဖောက်သံ ၁၀ ချက်မက ကြားရပြီးချိန်အထိ အပြင်က လူတွေ ကနေဆဲပါပဲ။ အိမ်တွင်း အပေါ်ထပ် ပြတင်းပေါက်ခွဲလို့ ခုန်ချလာ သူတို့ကို တွေ့မှ ခြံဝိုင်းတွင်းက လူများ စတင် ထွက်ပြေး ပါတော့တယ်။ လူဦးရေ ၁၀၀ ကျော်တက်ရောက်တဲ့ ပါတီပွဲ အကြီး စား ဖြစ်ပြီး သေနတ်ပစ်မှုကြောင့် ထွက်ပြေးရာကနေ ထိခိုက်ဒဏ်ရာများ ရရှိကုန်ခြင်း ဖြစ်ပါတယ်။

သုံးမရသည့် ဖွဲ့စည်းပုံအခြေခံဥပဒေဟု NLD နာယက ဦးဝင်းတင် ဝေဖန်

မင်းမင်း| တနင်္လာနေ့၊ နိုဝင်ဘာလ ၁၁ ရက် ၂၀၁၃ ခုနှစ်

၂၀၀၈ ခုနှစ် ဖွဲ့စည်းပုံအခြေခံဥပဒေကို သုံးမရသည့် ဥပဒေဟု အမျိုးသားဒီမိုကရေစီအဖွဲ့ချုပ် နာယကဦးဝင်းတင်က ဝေဖန်လိုက်ပြီး နိုဝင်ဘာ ၁၀ ရက်တွင် ပြုလုပ်သည့် ရန်ကုန်တိုင်းလုံးကျွတ် ဖွဲ့စည်းပုံ အခြေခံ ဥပဒေ ဆန္ဒရယူပွဲတွင် အသစ်ပြန်လည်ရေးဆွဲရန် ဆန္ဒပြုလိုက်သည်။

ရန်ကုန်တိုင်း ဗဟန်းမြို့နယ်ရှိ ဗိုလ်စိန်မှန် အားကစားကွင်းတွင် ပြုလုပ်သည့် ၂၀၀၈ ဖွဲ့စည်းပုံ အခြေခံဥပဒေနှင့်ပတ်သက်၍ တိုင်းလုံးကျွတ် ပြည်သူ့ဆန္ဒခံယူပွဲတွင် အများစုက ပြင်ဆင်ရန် သဘောထား ပေးခဲ့ သော်လည်း ဦးဝင်းတင်ကမူ အသစ်ပြန်လည်ရေးဆွဲရန် ဆန္ဒပြုခဲ့ခြင်းဖြစ်သည်။

“ဒီအခြေခံဥပဒေဟာ သုံးလို့မရပါဘူး။ သုံးလို့မရတဲ့ဥပဒေကို ဒါကြီးကို အသေးစိတ် လျှောက်ပြင်နေရင် ပြီးတော့မှာလည်းမဟုတ်ဘူး။ ပြီးလည်းမပြီးနိုင်ဘူး။ ပြည်သူ့ဆန္ဒသဘောထားက အသစ် လိုချင်တာပဲ ပြောဖို့ရှိတယ်။ ကျွန်တော်ကတော့ အဲ့လိုပဲ ယူဆတယ်”ဟု ဦးဝင်းတင်က ပြောသည်။

နိုင်ငံသား ၅၀ ရာခိုင်နှုန်းကို လျှပ်စစ်မီးပေးနိုင်ရေး အမေရိကန်ဒေါ်လာ သန်း ၁,၅၀၀ ခန့် လိုအပ်သည်ဟုဆို

နန်းလွင်နှင်းပွင့်| တနင်္လာနေ့၊ နိုဝင်ဘာလ ၁၁ ရက် ၂၀၁၃ ခုနှစ်

မြန်မာနိုင်ငံရှိ ပြည်သူ ၅၀ ရာခိုင်နှုန်းခန့်ကို လာမည့် ၂၀၁၅ ခုနှစ်အထိ လျှပ်စစ်မီး အပြည့်အ၀ပေးနိုင်ရန် အမေရိကန်ဒေါ်လာ သန်း ၁၅၀၀ ခန့် လိုအပ်သည်ဟု လျှပ်စစ်စွမ်းအားဝန်ကြီးဌာန၊ ပြည်ထောင်စုဝန်ကြီး ဦးခင်မောင်စိုးက နိုဝင်ဘာ ၁၀ ရက် ရန်ကုန်မြို့၌ ပါတီများ၊ နိုင်ငံရေးအင်အားစုများ၊ အရပ်ဘက်လူမှုအဖွဲ့ အစည်းများနှင့် တွေ့ဆုံစဉ် ပြောဆိုလိုက်သည်။

“၂၀၁၅ ခုနှစ်အထိကို ကျွန်တော်တို့ တွက်လိုက်ရင် မြန်မာတစ်နိုင်ငံလုံးရဲ့ ၅၀ ရာခိုင်နှုန်းကို လျှပ်စစ်မီး အပြည့်အ၀ပေးဖို့ မဂ္ဂါဝပ် ၄,၀၀၀ လောက်လိုနေတယ်၊ ကျွန်တော်တို့ပေးနိုင်မှာက ၁,၅၀၀ မဂ္ဂါဝပ်ပဲ၊ အဲ့ဒီ လိုနေတာတွေကို ကျွန်တော်တို့ကိုယ်တိုင် လုပ်မယ်ဆိုရင်လည်း ဒေါ်လာက သန်းပေါင်း ၁,၅၀၀လောက် လိုနေတယ်”ဟု ၎င်းက ရှင်းပြသည်။

မြန်မာနိုင်ငံ၏ လျှပ်စစ်မီးသုံးစွဲမှုပမာဏသည် ၂၀၁၁ ခုနှစ်တွင် ၁၄၂၀ မဂ္ဂါဝပ်ဖြစ်သော်လည်း လက်ရှိအ ချိန်တွင် ၂,၈၆၀ မဂ္ဂါဝပ်အထိ တိုးမြှင့်သုံးစွဲနေသည်ဟု ပြည်ထောင်စုဝန်ကြီးက ဆိုသည်။ ထို့ပြင် လက်ရှိအချိန်၌ အစိုးရအနေဖြင့် အရှုံးခံရောင်းချနေရသည်ဟုလည်း ၎င်းက တွက်ချက်ပြခဲ့သေးသည်။

အကောင်းဆုံးရိုးရာဝတ်စုံဆု ၁၀ ဦးတွင် ရွေးချယ်ခံရတဲ့ ထားထက်ထက်

ထိုင်းနိုင်ငံ၌ ပြုလုပ်သော Miss Grand International ပြိုင်ပွဲတွင် မြန်မာကိုယ်စားပြု ယှဉ်ပြိုင်နေသော ထားထက်ထက်သည် ရိုးရာဝတ်စုံယှဉ်ပြိုင်မှု၌ ဆန်ခါတင် ၁၀ ဦး စာရင်းတွင် ရွေးချယ်ခံထားရကြောင်း ပြိုင်ပွဲ၏ တရားဝင်ဖေ့စ်ဘွတ်ခ်စာမျက်နှာ၌ ကြေညာထားသည်။

အဆိုပါပွဲကို ၀င်ရောက်ယှဉ်ပြိုင်သော ပြိုင်ပွဲဝင် နိုင်ငံ ၈၀ ကျော်ထဲမှ အကောင်းဆုံးရိုးရာဝတ်စုံဆုအတွက် မြန်မာ၊ ထိုင်း၊ ဖိလစ်ပိုင်၊ တရုတ်၊ ဗင်နီဇွဲလား၊ မက္ကဆီကို၊ ဆွီဒင်၊ တာခ်မန်နစ္စတန်၊ လက်ဘနွန်၊ ပေါ်တိုရီကို နိုင်ငံမယ်များအား  ရွေးချယ်ထားသည်။

နိုဝင်ဘာ ၈ ရက်က ရိုးရာဝတ်စုံပြိုင်ပွဲကို ထိုင်းနိုင်ငံချင်းမိုင်မြို့၌ ကျင်းပခဲ့ပြီး ထားထက်ထက်က ဒီဇိုင်နာ မပုံ့ချုပ်ပေးထားသည့် အင်းဝခေတ်ရိုးရာဝတ်စုံကို ၀တ်ဆင်ခဲ့သည်။ ထပ်မံယှဉ်ပြိုင်မှုတစ်ခုဖြစ်သည့် ရေကူးဝတ်စုံဖြင့်ပြိုင်ပွဲကို ပတ္တရားကမ်းခြေ၌ နိုဝင်ဘာ ၁၀ ရက်တွင်   ကျင်းပမည်ဖြစ်ပြီး ဆန်ခါတင် ၁၀ဦး စာရင်းကိုလည်း ထုတ်ပြန်သွားမည်ဖြစ်ကြောင်း သိရသည်။

နောက်ဆုံးဖိုင်နယ်ပြိုင်ပွဲကို နိုဝင်ဘာ ၁၉ ရက်၌ ပြုလုပ်မည်ဖြစ်ပြီး ဆန်ခါတင်ရွေးချယ်ခံထားရသူများထဲမှ ပေးအပ်မည့်ဆုအသီးသီးကို ထိုပွဲတွင် ကြေညာမည်ဖြစ်သည်။

7Day Daily 

မြောက်ဥက္ကလာပမြို့နယ်၊ ရွှေပေါက္ကံ၌ မီးလောင်မှုဖြစ်ပွားစဉ် ၀ိုင်းဝန်းမီးငြိမ်းသတ်သူ အမျိုးသားတစ်ဦး ဓါတ်လိုက်သေဆုံး

ရန်ကုန်၊ နိုဝင်ဘာ ၁၀

၁၀.၁၁.၂၀၁၃ရက်နေ့ ၁၅၄၀အချိန်မြောက်ဥက္ကလာပမြို့နယ်၊ ရွှေပေါက္ကံ၊ (၁၅)ရပ်ကွက်၊ န၀ရတ်လမ်း ရှိ ဦးဝင်းအောင် (ဘ)ဦးမောင်စိုး၏နေအိမ်တွင် မီးလောင်မှုဖြစ်ပွားသဖြင့် အဆိုပါနေရာသို့ မီးသတ်ဦးစီးဌာန လက်ထောက် ညွှန်ကြားရေးမှူး ဦးကြည်ဝင်းနှင့် မီးသတ်တပ်ဖွဲ့ဝင်များ၊ မြောက်ဥက္ကလာပမြို့နယ် ရဲတပ်ဖွဲ့မှူးနှင့်အဖွဲ့တို့ မှ အုပ်ချုပ်မှုယာဉ် (၃)စီး၊ မီးသတ်ယာဉ် (၁၃)စီးတို့ဖြင့် မီးငြိမ်းသတ်ခဲ့ရာ ၁၅၅၄အချိန်တွင် မီးငြိမ်းသွားခဲ့ပါသည်။

မီးလောင်ရာသို့ မီးသတ်တပ်ဖွဲ့ဝင်များနှင့်အတူ ၀ိုင်းဝန်းမီးငြိမ်းသတ်သူ မင်းဘိုဝင်း (ဘ)ဦးအောင်ဝင်း၊ (၁၅)ရပ်ကွက်၊ ရွှေပေါက္ကံနေသူပေါ်သို့ ဓါတ်ကြိုးမှာ မီးလောင်ပြုတ်ကျပြီး မင်းဘိုဝင်းတွင် ယာဘက်ပုခုံ၊ ၀ဲဘက်ရင်အုံနှင့် နှုတ်ခမ်းတို့တွင် ဓါတ်လိုက်ဒဏ်ရာများရရှိသဖြင့် မြောက်ဥက္ကလာပဆေးရုံသို့ ပိုအပ်စဉ်သေဆုံးသွားခဲ့ပါသည်။

မဟာမုနိဘုရားကြီး မျက်လုံးတော်ပွင့်ဟု သတင်းများထွက်ပေါ်

မန္တလေး၊ နိုဝင် ဘာ၁၀
ယနေ့မနက်တွင် မဟာမုနိဘုရားကြီးမျက်လုံးတော်ပွင့်ခဲ့ကြောင်း အင်တာနက် လူမှုကွန်ယက်စာ မျက်နှာများနှင့် ပြည်သူများကြားတွင် ကောလဟလများပျံ့နှံ့လျှက်ရှိရာ အတိကျမသိလိုက်ကြောင်းနှင့် မျက်မြင် သက်သေမရှိကြောင်း မဟာမုနိဘုရားကြီးဂေါပကအဖွဲ့ထံမှ သတင်းရရှိသည်။
၎င်းတို့ဂေါပကအဖွဲ့တာဝန်ယူသည့်နှစ်နှစ်အတွင်း ယခုဖြစ်စဉ်မျိုးလည်း ဖြစ်ပွားခဲ့ဘူးခြင်းမရှိကြောင်း အဆိုပါဂေါပကအဖွဲ့မှ အတွင်းရေးမှူး ဦးစိန်သင်းက ပြောသည်။
အတိကျမသိဘူး၊ မျက်မြင်သက်သေလည်းမရှိပါဘူးဟု ၄င်းက ဆိုသည်။
မဟာမုနိဘုရားကြီးနှင့်ပတ်သက်ရ်ျ ကောလဟလများ မကြာခဏပျံ့နှံ့ကြောင်း အတိကျ ပြောဆိုနိုင်သူအချက်လက်ဖြင့် ထောက်ပြနိုင်သူတစ်ဦးတစ်ယောက်မှ မရှိတာကြောင့် ယခုကဲ့သို့ ကောလာဟ လသာဖြစ်နိုင်ကြောင်း မဟာမုနိဘုရားဈေးဆိုင်တန်းမှ ရတနာမောင် ဆိုင်မှဦးမောင်က ၄င်းအမြင်ကိုသုံးသပ်ပြောဆိုသည်။

မြိတ်မြို့ လုံခြုံရေးအတွက် ပိတ်ဆို့စစ်ဆေးမှု တာဝန်ထမ်းဆောင်နေသူများအား နယ်ကျွံရောက်ရှိလာသော ရဲဝန်ထမ်းတစ်ဦးမှ ၀တ္တရားနှောင့်ယှက် ပြဿနာရှာ

တနင်္သာရီတိုင်းဒေသကြီး မြိတ်မြို့နယ်တွင် လုံခြုံရေးစီမံချက်အရ ညပိုင်းအချိန် သွားလာသူများအား လမ်းများ ပိတ်ဆို့ စစ်ဆေးခြင်းကို ရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ရပ်ကွက်/ကျေးရွာ အုပ်ချုပ်ရေးမှူးများနှင့် တာဝန်ရှိသူများမှ နယ်မြေအလိုက် ခွဲခြားပြီး နေ့စဉ်နီးပါး ပြုလုပ်ဆောင်ရွက်လျှက် ရှိသည်။

၂၀၁၃ ခုနှစ်၊ နိုဝင်ဘာလ (၆)ရက်၊ ည (၁၀း၃၀)အချိန်ခန့် ကန်ဖျားနယ်မြေ၊ ပိတောက်ပင်လမ်းဆုံ၌ ပိတ်ဆို့စစ်ဆေးမှုများ ပြုလုပ်နေစဉ် အမျိုးသမီးတစ်ဦး တင်ဆောင်မောင်းနှင်လာသော ဆိုင်ကယ်တစ်စီး ပိတ်ဆို့စစ်ဆေးရာသို့ ဖြတ်သန်းရောက်ရှိလာသဖြင့် လုံခြုံရေးစီမံချက်အရ စစ်ဆေးမှုပြုလုပ်ခံရန် ပြောဆိုသည့်အခါ ဆိုင်ကယ်မောင်းနှင်လာသူမှ အစစ်ဆေးမခံနိုင်ကြောင်း ငြင်းဆန်ပြောဆိုပြီး မိမိသည် မြိတ်မြို့သို့ နိုဝင်ဘာလ (၉)ရက်နေ့၌ ရဲအုပ်စာမေးပွဲဖြေဆိုရန် ရောက်ရှိလာသော ကော့သောင်းခရိုင်မှ လူကုန်တား ဒုရဲအုပ် ကျော်လင်းအောင် ဖြစ်ကြောင်း၊ စာမေးပွဲဖြေဆိုရန်လာသော လူကုန်တား ဒုရဲအုပ်တစ်ယောက်ကို စစ်ဆေးစရာအကြောင်းမရှိ၊ ယခုမောင်းနှင်လာသော ဆိုင်ကယ်မှာ ခိုးယူလာသည့် ဆိုင်ကယ်ဖြစ်သည်ဟု

တေးသံရှင် အိမ့်ချစ်နှင့်တွေ့ဆုံခြင်း

‘အချစ်ရေး’ ဆိုတဲ့ ဒုတိယမြောက် တစ်ကိုယ်တော် တေးစီးရီးကို နိုဝင်ဘာလ ၁၆ ရက်နေ့တွင် စတင် ဖြန့်ချိတော့မည့် တေးသံရှင် အိမ့်ချစ်နှင့် တွေ့ဆုံ၍ အဆိုပါ တေးစီးရီးအကြောင်း၊ သူရေးသား ထားသော သီချင်းများ အကြောင်းနှင့် လတ်တလော အနုပညာ လှုပ်ရှားမှုများကို The Voice က မေးမြန်းထားခြင်း ဖြစ်သည်။

Voice ။ ။ ‘အချစ်ရေး’ စီးရီးကို အိမ့်ချစ် အချိန်ဘယ်လောက်ယူပြီး လုပ်ခဲ့ရလဲ။
EC ။ ။ ဒီစီးရီးကို ညီမ တစ်နှစ်လောက် အချိန်ယူပြီး လုပ်ခဲ့ရပါတယ်။ ဒီအခွေကို ညီမ ပထမဆုံး စီးရီးဖြစ်တဲ့ ကိုယ်တိုင်ရေးပုံတူ ဗီစီဒီထွက်ပြီးမှ လုပ်ဖြစ်တာပါ။
Voice ။ ။ စီးရီးထဲမှာ ပါဝင်ရေးသား ပေးထားတဲ့ တေးရေး ဆရာတွေနဲ့ သီချင်း အမျိုးအစားတွေကို ပြောပြပေးပါဦး။
EC ။ ။ ဒီစီးရီးထဲမှာ သီချင်းအားလုံးပေါင်း ၁၂ ပုဒ်ပါပါတယ်။ သီချင်းအမျိုး အစားတွေကတော့ Pop နဲ့ R&B ပုံစံလေးတွေပါ။ တေးရေးဆရာတွေကတော့ နောင်နောင် (Sun Flowers)၊ SP၊ ကျော်ထွဋ်ဆွေ၊ နိုင်းဝမ်း၊ ဘန်နီဖြိုး၊ ရော်ဂျီ၊ သားကြီး၊ သားသား၊ စိုင်းစိုင်းခမ်းလှိုင်၊ ပိုင်ပိုင်၊ Bobby Soxer နဲ့ အိမ့်ချစ်ကိုယ်တိုင် ရေးထားတာ လေးပုဒ်လောက်ပါတယ်။
Voice ။ ။ အိမ့်ချစ် ကိုယ်တိုင်ရေးထားတဲ့ သီချင်းတွေအကြောင်း ပြောပြပေးပါဦး။
EC ။ ။ စီးရီး Title သီချင်း ‘အချစ်ရေး’ ကို အိမ့်ချစ်နဲ့ ဘန်နီဖြိုး ပေါင်းရေးထားတယ်။ အိမ့်ချစ်က သီချင်း အကြောင်းအရာပိုင်းကို စဉ်းစားတယ်။ ဘန်နီဖြိုးက သံစဉ်ပိုင်းကို စဉ်းစားပေးတယ်။ နောက်တစ်ပုဒ်က ညီမရယ်၊ ဖေကြီးရယ်၊ မောင်လေးရယ် သုံးယောက် ဆိုထားတဲ့ ‘တို့ရဲ့ည’ ဆိုတဲ့ သီချင်းလေး။ သားအဖသုံးယောက် ညဘက် အပြင်မှာ ပျော်ပျော်ရွှင်ရွှင်နဲ့ လည်ပတ်ကြတဲ့ အကြောင်းလေးကို ရေးထားတာပါ။ နောက်ထပ် အပြစ်ရှိသူဆိုတဲ့ သီချင်းနဲ့ ဘန်နီဖြိုးနဲ့ စုံတွဲဆိုထားတဲ့ ထပ်တူညီသောဆိုတဲ့ သီချင်းလေးကိုလည်း အိမ့်ချစ် ရေးထားတယ်။

အရက်မူးနေသည့် ရဲတပ်သားတစ်ဦးနှင့် ပေါင်းသင်းပြီး ရဲတပ်ဖွဲ့ ၀တ်စုံများအား ၀တ်ဆင်ထားသူကို အရေးယူ

နိုဝင်ဘာ ၁၀

စစ်ကိုင်းတိုင်းဒေသကြီး၊ ကလေးမြို့နယ်၊ ထောက်ကြံ့ကျေးရွာ၌ ကပြဖျော်ဖြေလျက်ရှိသည့် ရွှေဝေလျှံ ဇာတ်ပွဲခင်းတွင် ရဲတပ်သားဦးသည် အရက်မူးနေပြီး ရဲတပ်ဖွဲ့ဝင်မဟုတ်သူ လူတစ်ယောက်မှလည်း ရဲဝတ်စုံများ ၀တ်ဆင်ထားလျက်ရှိကြောင်း ထောက်ကြံ့ကျေးရွာ အုပ်ချုပ်ရေးမှူး ဦးသိန်းဝင်းမှ သက်ဆိုင်ရာသို့ အတည်ပြုပြောကြားသည်။

အဆိုပါ ပွဲဈေးခင်း၌ အရက်မူးနေသည့် ရဲတပ်သားမှာ ဇော်မိုးဆိုသူဖြစ်ကြောင်း သွားရောက်စစ်ဆေးခဲ့သည့် ရဲအုပ် ၀င်းထွဋ် ရှိန်နှင့် အဖွဲ့မှ ဆိုသည်။ ထိုသို့သွားရောက်စစ်ဆေးစဉ် ရဲတပ်သား ဇော်မိုးဆိုသူမှာ အရက်သေစာသောက်စားမူးယစ်လျက်ရှိ ပြီး ထိုသူနှင့်အတူလိုက်ပါလာသူ ကိုမင်းဇော်နောင် အသက်(၂၇)နှစ်၊ (ဖခင်အမည်) ဦးဒေါ်လာ နတ်ချောင်းကျေးရွာ၊ ကလေးမြို့နယ်၌ နေထိုင်သူသည် ရဲတပ်ဖွဲ့ဝင် မဟုတ်သော်လည်း ရဲဝတ်စုံများအား ၀တ်ဆင်ထားသည်ကို စီစစ်တွေ့ရှိခဲ့ရ သည်ဟု ၎င်း၏မှတ်တမ်းများတွင် ဖော်ပြထားသည်ဟု ရဲတပ်ဖွဲ့ဝင် တစ်ဦးမှ အတည်ပြုပြောကြားသည်။

ထို့ကြောင့် ခွင့်ပြုချက်တစ်စုံတစ်ရာမရှိဘဲ ရဲတပ်ဖွဲ့၏ ၀တ်စုံအား ၀တ်ဆင်ထားရှိသူ ကိုမင်းဇော်နောင်အား ဥပဒေအရ အရေး ယူဆောင်ရွက်ပေးရန် ဒုရဲအုပ် ဌေးလွင် မှ ယခုလ ၈ ရက်နေ့ ည ၉ နာရီခွဲချိန်ခန့်က တရားလိုပြုလုပ်၍ ကလေးမြို့မရဲစခန်း၌ တိုင်တန်းခဲ့သဖြင့် ရဲစခန်းက(ပ) ၅၂၁/ ၂၀၁၃ ပြစ်မှုပုဒ်မ ၁၇၁ အရ အမှုဖွင့်ဆောင်ရွက်ခဲ့ကြောင်း သိရသည်။

Royal Green River အပျော်စီး သင်္ဘောသစ် ရန်ကုန်မြစ်အတွင်း အပျော်စီးသင်္ဘော ခရီးစဉ် စတင်ပြေးဆွဲမည်

Royal Green River အပျော်စီး သင်္ဘောအား ရန်ကုန်မြစ်အတွင်း တွေ့ရစဉ် (Photo:www.royalgreenriver.com)

Royal Green River အပျော်စီး သင်္ဘောသစ်ဖြင့် ရန်ကုန်မြစ်အတွင်း အပျော်စီးသင်္ဘော ခရီးစဉ်များအား ယခုလအတွင်း စတင်ပြေးဆွဲမည်ဖြစ်ကြောင်း သတင်းရရှိသည်။

Royal Green River အပျော်စီးသင်္ဘော ခရီးစဉ်အား အပတ်စဉ် စနေနှင့် တနင်္ဂနွေနေ့များတွင် ဗိုလ်တထောင်ဆိပ်ကမ်းမှ စတင်ထွက်ခွာမည်ဖြစ်ကာ အချိန်နှစ်နာရီခန့် ရန်ကုန်မြစ်အတွင်း ရှုခင်းများကြည့်ရှု အပန်းဖြေပြီး ဗိုလ်တထောင် ဆိပ်ကမ်းသို့ ပြန်လည်ဆိုက်ကပ်မည်ဟု သိရသည်။

"နိုဝင်ဘာလကစပြီး အပတ်စဉ် စနေနဲ့ တနင်္ဂနွေနေ့တွေမှာ ရန်ကုန်မြစ်အတွင်း အပျော်စီးသင်္ဘော ခရီးစဉ် ပြေးဆွဲမှာပါ။ စင်းလုံးငှား ခရီးစဉ်တွေလည်း ငှားရမ်းနိုင်မှာပါ" ဟု Royal Green River အပျော်စီးသင်္ဘော ကုမ္ပဏီမှ MD ဦးဌေးအောင်က ပြောပါသည်။

Royal Green River အပျော်စီး သင်္ဘောသစ်အား ယခုနှစ် ခရီးသွား ရာသီတွင် မန္တလေး၊ ပုဂံ၊ ဗန်းမော်စသည့် ရက်ရှည်ခရီးစဉ်များကိုလည်း စင်းလုံးငှား အနေဖြင့် ငှားရမ်းနိုင်မည်ဖြစ်သည်။ Royal Green River အပျော်စီး သင်္ဘောတွင် အိပ်ခန်းရှစ်ခန်း၊ ထမင်းစားခန်း၊ ဘားကောင်တာများ ပါဝင်ပြီး ညအိပ်ခရီးစဉ်တွင် ခရီးသည် ၁၆ ဦး တည်းခိုလိုက်ပါ နိုင်မည်ဖြစ်ပြီး နေ့ခရီးစဉ်များတွင်မူ ခရီးသည် ၅၀ ဦး လိုက်ပါနိုင်မည်ဖြစ်ကြောင်း သိရသည်။

အပယ်ခံ မြန်မာ့လွတ်လပ်ရေး မော်ကွန်းဝင်

အပယ်ခံဘဝထဲက လွတ်လပ်ရေး သူရဲကောင်း ဦးလှကြိုင်

ဒီကနေ့ ဟာ ပထမ ကမ္ဘာစစ်ကြီး ပြီးဆုံး သွားတဲ့ နေ့ အထိမ်းအမှတ် နေ့ အဖြစ် ကမ္ဘာတဝန်း ရှိ ဓနသဟာရ အဖွဲ့ဝင် နိုင်ငံတွေ မှာရော၊ အဖွဲ့ဝင် မဟုတ်တဲ့ နိုင်ငံတွေ မှာပါ၊ စစ်ဖက် ဆိုင်ရာ တာဝန် ထမ်းဆောင်ယင်း ကျဆုံးသွားတဲ့ စစ်သည် ရဲဘော်တွေ အတွက် အမှတ်တရ နေ့ အဖြစ်၊ အလေးပြုတဲ့ အခန်းအနားတွေ၊ ဆုတောင်းဝတ်ပြုပွဲ တွေ ကျင်းပ ကြပါတယ်။

ဒါပေမယ့် မြန်မာ နိုင်ငံမှာတော့ မြန်မာ့ မြေပုံ ကို ကမ္ဘာ က အသိအမှတ် ပြုရလေအောင်၊ လွတ်လပ်ရေး တိုက်ပွဲဝင် ရဲဘော်ဟောင်း မော်ကွန်းဝင် သခင်လှကြိုင် အသက် ၉၃ နှစ် ဟာ ပဲခူးမြို့ တံတားထက် တောင်းရမ်း စားသောက်နေရတဲ့ ဘဝ ရောက်နေရတာ ဟာ ရင်နာစရာ၊ ရှက်စရာ၊ ဝမ်းနည်းစရာ ကောင်းတဲ့ အကြောင်း ဒိန်းမတ်နိုင်ငံ ဘွန်ဟွန် ပြည်နယ် မှ မွန်တိုင်းရင်းသား မင်းသိန်းဦး က ဘီဘီစီ ကို ပြောပါတယ်။

အဲဒီ အတွက် ကထိန်သင်္ကန်း ကပ်လှူတဲ့ အခန်းအနားမှာ အဘ ဦးလှကြိုင် အတွက် အလှူငွေ ကောက်ခံတဲ့ အကြောင်း၊ ဒိန်းမတ်နိုင်ငံ တွင်းမှာ နောက်ထပ် အလှူရှင်တွေ ပေါ်ပေါက် လာဘွယ် ရှိတယ် လို့လည်း ဆိုပါတယ်။ အခုလို လွတ်လပ်ရေး တိုက်ပွဲဝင် ရဲဘော်ဟောင်း မော်ကွန်းဝင် ပုဂ္ဂိုလ် တယောက် အိုကြီး အိုမ၊ ဘဝ နေဝင်ချိန် စောင့်စားနေသူ ကို စစ်အစိုးရ မှ အရပ်ဘက် ပြောင်းလာတဲ့ မြန်မာ အစိုးရ အနေ နဲ့ စောင့်ရောက်ဖို့ တာဝန်ရှိသလို၊ ပရဟိတ လူအိုရုံ တွေ အနေနဲ့ လည်း ကူညီစေ လိုတဲ့ အကြောင်း မင်းသိန်းဦး က ဘီဘီစီ ကို ပြောပါတယ်။

NLD ပါတီ၏ ၂၀၀၈ ခုနှစ် ဖွဲ့စည်းပုံအပေါ် ရန်ကုန်တိုင်းလုံးကျွတ် ပြည်သူ့သဘောထား ရယူပွဲသို့ လူဦးရေ ၂၀၀၀၀ ကျော် တက်ရောက်ကာ ဖွဲ့စည်းပုံ အခြေခံဥပဒေ ပြင်ဆင်ရေး တစ်ခဲနက် ဆန္ဒပြု

နိုဝင်ဘာ ၁၀ ရက်က ပြုလုပ်ခဲ့သည့် ရန်ကုန်တိုင်းလုံးကျွတ် ၂၀၀၈ ဖွဲ့စည်းပုံ အခြေခံဥပဒေဆိုင်ရာ ပြည်သူ့ဆန္ဒသဘောထား ရယူရေး လူထုဟောပြောပွဲ ကျင်းပနေစဉ်

အမျိုးသားဒီမိုကရေစီ အဖွဲ့ချုပ်၏ ၂၀၀၈ ခုနှစ် ဖွဲ့စည်းပုံ အခြေခံဥပဒေအပေါ် ပြင်ဆင်ရေး (သို့မဟုတ်) အသစ်ပြန်လည် ရေးဆွဲရေး ရန်ကုန်တိုင်းလုံးကျွတ် ပြည်သူ့ဆန္ဒ သဘောထား ရယူပွဲကို နိုဝင်ဘာ ၁၀ ရက်က ဗဟန်းမြို့နယ် ဗိုလ်စိန်မှန် အားကစားကွင်း၌ ပြုလုပ်ခဲ့ရာ လူဦးရေ ၂၀၀၀၀ ကျော် တက်ရောက်ခဲ့ပြီး တက်ရောက်လာသူ အများစုမှာ ဖွဲ့စည်းပုံ ပြင်ဆင်ရေး လမ်းကြောင်းအား တစ်ခဲနက် ဆန္ဒပြုခဲ့ကြသည်။

အဆိုပါ အခမ်းအနားသို့ အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည် တက်ရောက်ခဲ့ခြင်း မရှိသော်လည်း NLD ပါတီ၏ သဘာပတိ အဖွဲ့နာယက ဦးတင်ဦးနှင့် သဘာပတိ အဖွဲ့ဝင် ဟံသာဝတီ ဦးဝင်းတင်၊ ဗဟိုအလုပ်အမှုဆောင် အဖွဲ့ဝင်များ၊ ဗဟိုကော်မတီဝင်များ၊ အမျိုးသားဒီမိုကရေစီ အဖွဲ့ချုပ် လွှတ်တော်ကိုယ်စားလှယ်များ တက်ရောက်ခဲ့ကြသည်။

အခမ်းအနား၌ သဘာပတိအဖြစ် NLD ပါတီအဖွဲ့ နာယက ဦးတင်ဦးက ဆောင်ရွက်ခဲ့ပြီး အမျိုးသား ဒီမိုကရေစီ အဖွဲ့ချုပ် ဖွဲ့စည်းပုံ အခြေခံဥပဒေ ပြင်ဆင်ရေး ကော်မတီအဖွဲ့ဝင် တရားလွှတ်တော်ရှေ့နေ ဦးကိုနီနှင့် တရားလွှတ်တော်ရှေ့နေ့ ဦးကျော်ဟိုးတို့က ဟောပြောပွဲသို့ တက်ရောက်လာသူများအား ပြင်ဆင်ရေး (သို့မဟုတ်) အသစ်ရေးဆွဲရေးအား ဆန္ဒပြုနိုင်ရန် ရှင်းလင်းဟောပြောခဲ့သည်။