ကြည့်မြင်တိုင်မြို့နယ်အတွင်းရှိ အမှိုက်ပုံးမှ သေနတ်ကျည်ဆန်များကောက်ရ

ကြည့်မြင်တိုင်မြို့နယ်အတွင်း ရထားသံလမ်းအနီး အမှိုက်ပုံးမှ ပစ္စည်းဟောင်းများ ရှာဖွေကောက်ယူသူ အမျိုးသမီးတစ်ဦးသည် ဇန်န၀ါရီ ၉ ရက် နံနက် ၁၀ နာရီခန့်က ကျည်ဆန်များကောက်ယူရရှိခဲ့သည်။

လှိုင်သာယာမြို့နယ် အမှတ် (၁၈) ရက်ကွက် အနော်မာလမ်းနေ မမျိုးပပစမ်း အသက် (၂၈)နှစ်သည် မီးရထားသံလမ်းတစ်လျှောက် ပစ္စည်းဟောင်းများရှာဖွေကောက်ယူခဲ့ရာ ကြည့်မြင်တိုင် မီးရထားဝန်းအနီးရှိ အမှိုက်ပုံးမှ ပလတ်စတစ်ဆေးဘူးဟောင်း အဖြူရောင်အတွင်းမှ သေနတ်ကျည်ဆန်များကို ကောက်ယူရရှိခဲ့သည်။

မမျိုးပပစမ်းက ကျည်ဆန်များကို စမ်းချောင်းမြို့နယ် ဟုမ်လမ်းဘူတာရပ်ကွက် ရပ်ကွက်အုပ်ချုပ်ရေးမှူးရုံးသို့ သွားရောက်အပ်နှံခဲ့သည်။

၎င်းကောက်ယူရရှိသည့်နေရာမှာ ကြည်မြင်တိုင်မြို့နယ် ရဲစခန်းအပိုင်းနယ်မြေဖြစ်၍ ကြည့်မြင်တိုင်မြို့မရဲစခန်းမှ ဒုတိယရဲအုပ် မိုးကျော်နှင့်အတူရပ်ကွက်မှ တာဝန်ရှိသူများက ပြန်လည်သိမ်းဆည်းခဲ့သည်။

ဒေါ်အောင်ဆန်းစုကြည်၏ နမ့်စန်ခရီးစဉ် စင်းလုံးဌား လေယာဉ်ဖြင့် တပ်မတော်ပိုင် လေယာဉ်ကွင်းတွင် ဆင်းဖွယ်ရှိ

တင်ဇာအောင်၊ အောင်ကိုဦး| တနင်္လာနေ့၊ ဇန်န၀ါရီ ၁၃ရက်၊ ၂၀၁၄ခုနှစ်။

ရန်ကုန်၊ မဇ္ဈိမ။ ။ အမျိုးသားဒီမိုကရေစီ အဖွဲ့ချုပ်(NLD) ဥက္ကဌ ဒေါ်အောင်ဆန်းစုကြည်၏ ရှမ်းပြည်တောင်ပိုင်း နမ့်စန်ခရီးစဉ်တွင် စင်းလုံးဌားလေယာဉ်ဖြင့် သွားမည်ဖြစ်ပြီး တပ်မတော်ပိုင် လေယာဉ်ကွင်းတွင် ဆင်းသက်ခွင့်ရရေး ဆောင်ရွက်နေသည်ဟု နမ့်စန်မြို့နယ် NLD ဥက္ကဋ္ဌ ဦးနေဇော်နိုင်က မဇ္ဈိမကို ပြောသည်။

အဆိုပါ ခရီးစဉ်ကို ဒေါ်အောင်ဆန်းစုကြည်သည် Air KBZ ပိုင် လေယာဉ်ဖြင့် စင်းလုံးဌား သွားမည်ဖြစ် သော်လည်း လေယာဉ်ကွင်းမှာ တပ်မတော်ပိုင် လေယာဉ်ကွင်းဖြစ်နေ၍ ဆင်းသက်ခွင့်ရရန် မသေမချာ သေးပေ။ ထိုလေယာဉ်ကွင်းတွင် ဆင်းရန်အတွက် လေကြောင်းညွှန်ကြားမှု ဦးစီးဌာန၏ ခွင့်ပြုချက်တစ်ခုတည်းဖြင့် မရနိုင်ဘဲ စစ်တပ်သို့ ထပ်ဆင့် စာတင်ရဦးမည်ဖြစ်သည်။

ဦးနေဇော်နိုင်က “အခုလောလောဆယ်ဖြစ်နေတာကတော့ လေယာဉ်ဆင်းခွင့်မရသေးတဲ့ ကိစ္စပဲရှိတယ်။ ဒေသခံတွေကလည်း မျှော်လင့်နေသလို ခရီးစဉ်ပျက်မှာကိုလည်း စိုးရိမ်နေကြတယ်” ဟု ဆိုသည်။

ကွမ်းစားသူ ၁၀၀ လျှင် ဆယ်ဦးခန့်တွင် ကင်ဆာဖြစ်နိုင်သော ခံတွင်းအနာတွေ့ရှိ

မြန်မာနိုင်ငံရှိ ကွမ်းစားသူ တစ်ရာလျှင် ဆယ်ဦးနီးပါးတွင် ကင်ဆာရောဂါဖြစ်နိုင်သော ခံတွင်းအနာတွေ့ရှိရသည်ဟု ကျန်းမာရေးဆိုင်ရာသုတေသနညီလာခံ၌ ဖတ်ကြားခဲ့သည့် စာတမ်းတစ်စောင်တွင်ဖော်ပြသည်။

ကွမ်းစားသူများတွင် ကင်ဆာဖြစ်လာနိုင်သည့် ခံတွင်းအနာ တွေ့ရှိမှုသည် ၈ ဒသမ ၅ ရာခိုင်နှုန်းအထိ ရှိနေပြီး ကွမ်းမစားသူများတွင် မြန်မာနိုင်ငံရှိ ကွမ်းစားသူ တစ်ရာလျှင် ဆယ်ဦးနီးပါးသည် ကင်ဆာရောဂါဖြစ်နိုင်သော ခံတွင်းအနာ တွေ့ရှိရသည်ဟု ကျန်းမာရေးဆိုင်ရာ သုတေသနညီလာခံတွင် ဖတ်ကြားခဲ့သည့် စာတမ်းတစ်စောင်တွင် ဖော်ပြသည်။

ကွမ်းစားသူများတွင် ကင်ဆာဖြစ်လာနိုင်သည့် ခံတွင်းအနာ တွေ့ရှိရမှုသည် ၈ ဒသမ ၅ ရာခိုင်နှုန်းအထိ ရှိနေပြီး ကွမ်းမစားသူများတွင် သုညဒသမ လေး ရာခိုင်နှုန်းသာရှိသည်ဟု စာတမ်းတွင်ဖော်ပြထားသည်။  ရန်ကုန်တိုင်းအတွင်း အသက် ၁၈ နှစ်နှင့်အထက် လူပေါင်း ၅၄၂ ဦးကို ကွမ်းစားခြင်းနှင့်ပတ်သက်၍ ဆေးသုတေသနဦးစီးဌာန(အောက်မြန်မာပြည်)၊ သွားဘက်ဆိုင်ရာဆေးတက္ကသိုလ် (ရန်ကုန်)၊  ကျန်းမာရေးဝန်ကြီးဌာန  နိုင်ငံခြားဆက်သွယ်ရေးဌာန၊ ကျန်းမာရေးဦးစီးဌာနတို့မှ သုတေသီများက ပူးပေါင်းလုပ်ဆောင်ခဲ့ခြင်းဖြစ်ပြီး ကွမ်းစားသူ ၂၈၄ ဦး နှင့် ကွမ်းမစားသူ ၂၅၈ ဦး ရှိသည်ဟုဆိုသည်။သုတေသနပြုလုပ်မှုတွင် ပါဝင်သူများ၏ ပျမ်းမျှအသက်မှာ ၄၅ နှစ် ဖြစ်ပြီး အမျိုးသမီးပါဝင်မှုမှာ ၅၉ ရာခိုင်နှုန်း ရှိသည်ဟု သိရသည်။

အငြင်းပွားနေသော ဂျပန် ကျွန်းစုရေပိုင်နက် အတွင်းသို့တရုတ်သင်္ဘောများဝင်

ဇန်နဝါရီ ၁၃။
ဂျပန်ကာကွယ်ရေးဝန်ကြီးက နိုင်ငံ၏ ရေပိုင်နက်ကို ကာကွယ်ရန်အတွက် အရှေ့တရုတ်ပင်လယ်ပြင်မှ တိုကျို၏ ထိန်းချုပ် မှုအောက်တွင်ရှိသော ရေပိုင်နက်များအတွင်း တရုတ်အစိုးရ၏ သင်္ဘောများ ၀င်ရောက်မှုကို တာဆီးတော့မည်ဖြစ်ကြောင်း သန္နိဌာန်ချလိုက်ပြီဟု ဆိုသည်။
တရုတ်ကမ်းခြေစောင့်ရေယာဉ်များသည် တနင်္ဂနွေနေ့ ဒေသစံတော်ချိန် နံနက် ၈နာရီခွဲတွင် ဆန်ခါကုကျွန်းစုများအနက် တစ်ခု၏ အနီးသို့ ၀င်ရောက်ခဲ့ကြောင်းကို နှစ်ဘက်စလုံးက အတည်ပြုပြောကြားခဲ့သည်။ ဂျပန်ကာကွယ်ရေး ၀န်ကြီး အိဆုနိုရိအိုနိုဒီရာက နောက်တစ်ကြိမ်နိုင်ငံ၏ ရေပိုင်နက်အတွင်း ၀င်ရောက်ခြင်းကို ခွင့်ပြုတော့မည်မဟုတ်ကြောင်း၊ နိုင်ငံ၏ မြေ၊ ရေ နှစ်ရပ်စလုံးကို ကျူးကျော်မှုများ လက်မခံနိုင်တော့ဟု ဆိုသည်။
တမင်ကြံရွယ်ချက်ဖြင့် နယ်ကျော်ဝင်ရောက်လာသော သင်္ဘောများသည် နှစ်နာရီမရှိတရှိ အချိန်အတွင်း ဂျပန်ရေပိုင်နက် အတွင်း လှည့်လည်နေခဲ့ကြသည်။

မူးယစ်ဆေးရောင်းချသူနှစ်ဦးကို ဖမ်းဆီးသော ရဲတပ်ဖွဲ့အား ဒေသခံအချို့ ၀ိုင်းဝန်းတိုက်ခိုက်

ရှမ်းပြည်နယ်အရှေ့ပိုင်း ကျိုင်းတုံမြို့နယ်တွင် မူးယစ်ဆေးဝါးရောင်းချနေသူနှစ်ဦးကို ဖမ်းဆီးလာသည့် ရဲတပ်ဖွဲ့ဝင်များအား ဖမ်းဆီးခံရသူများ၏ ဆွေမျိုးများနှင့် ဒေသခံအင်အား နှစ်ဆယ်ခန့်က လမ်းခုလတ်မှ စောင့်ကာ တိုက်ခိုက်မှု ဇန်န၀ါရီ ၁၁ ရက် ညနေက ဖြစ်ပွားခဲ့သည်။

ထိုသို့ ရဲတပ်ဖွဲ့ကို စောင့်ဆိုင်းတိုက်ခိုက်မှုကြောင့် ဖမ်းဆီးထားသူများ လွတ်မြောက်သွားသည့်အပြင် တိုက်ခိုက်ခံရသည့် ရဲတပ်ဖွဲ့ဝင်များ ဒဏ်ရာပြင်းထန်စွာရရှိကာ ဆေးရုံသို့ တက်ရောက်ကုသနေရကြောင်း သတင်းရရှိသည်။
““ရွာသားတွေက တူမီးသေနတ်တွေရော ဓားတွေပါကိုင်ထားပြီး ရဲတွေကို ၀ိုင်းထားတာပါ။ သူတို့ကို ရွာသားတွေက ၀ိုင်းထားတဲ့အကြောင်း သတင်းပို့လို့ နောက်ထပ်အင်အားတိုးပြီး လိုက်သွားတဲ့အချိန်မှာတော့ ရွာသားတွေအားလုံး ထွက်ပြေးကုန်ပါပြီ။ ရဲတွေကိုတော့ ကျိုင်းတုံဆေးရုံကို ချက်ချင်းပို့ခဲ့ရပါတယ်””ဟု ကျိုင်းတုံခရိုင်ရဲတပ်ဖွဲ့မှူးရုံးမှ ရဲအရာရှိတစ်ဦးကပြောသည်။

စီးပွားရေးလုပ်ဖြစ်ရင်တော့ အနုပညာအလုပ်ကို မလုပ်ဖြစ်တော့ ဘူးလို့ဆိုသူ မေကဗျာ

ဒါရိုက်တာညိုမင်းလွင်ရိုက်ကူး နေတဲ့ ‘ချောကလတ်ထဲတွင်အချစ်ဆယ် ရာခိုင်နှုန်းပါဝင်သည်’ ဆိုတဲ့ဇာတ်ကား ကို မေကဗျာက ဖြိုးငွေစိုးနဲ့အတူ ပါ ဝင်သရုပ်ဆောင်နေပါ တယ်။ ဒီဇာတ် ကားထဲမှာမေကဗျာကအလုပ်လုပ်နေ တဲ့ကောင်မလေးတစ်ယောက်အဖြစ် ပါဝင်သရုပ်ဆောင်ထားပါတယ်။

အနုပညာအလုပ်လုပ်တဲ့အခါ မှာတော့ ဘယ်အချိန်၊ ဘယ်နှစ်ရယ် လို့ ကန့်သတ်ပြီး ကြိုးစားတာမျိုး မဟုတ်ဘဲ နှစ်တိုင်းနှစ်တိုင်းမှာ ပိုပြီး သရုပ်ဆောင်ပီပြင်အောင်ကြိုး စားဖြစ် ပါတယ်လို့မေကဗျာကပြောပါတယ်။

“လူဆိုတာတော့ ကိုယ့်ကိုယ် ကိုယ်အမြဲကျေနပ်အားရနေတာ တော့ မရှိပါဘူး။ ဒီတစ်နေရာရောက် ရင် ဒီထက်ကောင်းတဲ့မြင့်တဲ့ နေရာ ကိုတော့ လိုချင်ကြတာချည်းပါပဲ။ ဒီ တော့ ပြည့်စုံတယ်ဆိုတာတော့မရှိပါ ဘူး။ အမြဲတမ်းတော့အကောင်းဆုံး ဖြစ်အောင်လုပ်ချင်တယ်။ဒါပေမဲ့ အနု ပညာဆိုတာက ကံနဲ့လည်းဆိုင်တယ်။ ကိုယ်ကလုပ်ချင်ေ နပေမယ့်လည်း ကိုယ့် မှာကအခွင့်အရေးရှိဦးမှလေ။ ကဗျာ ကတော့နှစ်တိုင်းနှစ်တိုင်းမှာ အကောင်း ဆုံးဖြစ်အောင် ကြိုးစားနေပါတယ်” လုိ့မေကဗျာက ပြောပါတယ်။

၆ လပိုင်းမှာ တစ်ကိုယ်တော် ပန်းချီပြပွဲ ပြုလုပ်မယ့် ဂရပ်ဖစ်တီအနုပညာ ရှင်အာကာကျော်ရဲ့ ဘဝကောက်ကြောင်း

ကိုယ်ဝါသနာပါရာ၊ ကိုယ် လျှောက်ချင်တဲ့လမ်းကြောင်းကို ခက်ခဲကြမ်းတမ်းမှုတွေကြား ထဲကနေလျှောက်နေကြတဲ့ လူငယ်တွေ အများကြီးရှိပါ တယ်။ ဒီလို လူငယ်တွေ ထဲမှာမှ အသက်၂ဝ ကျော်အရွယ် ဂရပ်ဖစ်တီ အနုပညာရှင် အာ ကာကျော်ကတော့ သူဝါသနာပါ ရာ ပညာရပ်တစ်ခုကို အခက် အခဲတွေကြားကနေ ဇွဲသန်သန် နဲ့ ဖြတ်ေ ကျာ်ရင်း အောင်မြင်မှု ဆီကို ရောက် အောင်သွားနေတဲ့ လူငယ်တစ်ယောက်ပေါ့။ သူ့ရဲ့ဘဝဖြတ်သန်းမှုက ကြမ်းတမ်း ခဲ့သလို၊ စိတ်ဝင်စားစရာ လည်းေ ကာင်း နေ ခဲ့ပြန်ပါတယ်။

” ကျွန်တော် ပထမဆုံးစဆွဲဖြစ်တာက ၈တန်းလောက်မှာ စဆွဲဖြစ်တယ်။ စာအုပ်ထဲမှာ ဆွဲရင်းနဲ့ နံရံမှာ ဆွဲချင်စိတ်ဖြစ် လာခဲ့တယ်။ သူငယ်ချင်းတစ် ယောက် က ဆေး ဘူးတွေ ဝယ် ပေးတော့ ကျွန်တော်ဆွဲဖြစ်ခဲ့ တယ်။ ပန်းချီသင်တန်းတွေ လည်း တက်ဖြစ်ခဲ့တယ်။ ကြားထဲမှာ family ကလည်း စီးပွားကျသွား တယ်။ အဲတော့ ကျွန်တော့် အနေနဲ့ ပွဲတွေမှာ ပုံတူတွေ ဆွဲ တယ်။သူငယ်ချင်းမိန်းကလေး တွေရဲ့ ပုံတူတွေ ဆွဲပေးတယ်။ အရင်တုန်းကဆိုရင် ဆေးဗူးတောင် ဝယ်မစုနိုင်ခဲ့ဘူး။ ဒါနဲ့ ကျွန်တော် ပန်းချီမ ဆွဲတော့ဘဲနဲ့ အလုပ်လုပ်ဖို့ပဲ ဆုံးဖြတ် လိုက်တယ်။အိမ်ကလည်း ဖိအားများလာတယ်။ လသာမှာ တစ်ပတ်လောက် အင်္ကျီတွေဘာတွေ ထွက်ရောင်း ခဲ့သေး တယ်။ နောက်ပိုင်း အရင်းအနှီး နည်း နည်းစုမိတာနဲ့ တက်တူး စက် တွေဘာတွေဝယ်ပြီး ကိုယ်တတ် တဲ့ အနုပညာတစ်ခုနဲ့ အလုပ် လုပ်တော့မယ်ဆိုပြီး ဆုံးဖြတ်ခဲ့ တယ်။

ဘာကြောင့် ဆုံးဖြတ်ဖြစ် လိုက်လဲဆိုရင် ကျွန်တော် စာအုပ် တစ်အုပ်ဖတ်ရတယ်။အဲ့ဒီစာအုပ် ထဲမှာ ရေးထားတာက လူတစ် ယောက်မှာ ကိုယ်ပိုင်အရည် အချင်းရှိ တယ်။အဲဒီ အရည် အချင်းကိုပဲ အသုံးချပါ။ အဲ့ဒီ အရည်အချင်းကိုပဲ up date  ဖြစ်အောင်လုပ်ပါ။ အဲဒါနဲ့ပဲ အသက်မွေးဝမ်းကျောင်း ပြုပါ တဲ့။ ဒါနဲ့ ကျွန်တော်လည်း ပုံပဲ ဆွဲတော့မယ်လို့ ဆုံးဖြတ် လိုက်တယ်။

လက်သည်းဝှက်ထားတဲ့ နဂါးနှင့် ကျားသေကိုအသက်သွင်းခြင်း (သို့) တစ်နိုင်ငံလုံးတုန်ခါစေဦးမည့် တစ်ကျော့ပြန် မြစ်ဆုံနှင့် ပြည်သူ့အသံ

ဧရာဝတီမြစ် အစပြုရာ မြန်မာပြည်မြောက်ပိုင်း မြစ်ဆုံဒေသတွင် တည်ဆောက်မည့် မြစ်ဆုံရေအားလျှပ်စစ် စီမံကိန်းကို ရပ်နား ထားသည်မှာ တစ်နှစ်ကျော်ရှိလာပြီဖြစ် သည်။ ယခင်စစ်အစိုးရလက်ထက် ၂ဝဝ၉ ခုနှစ်အတွင်း လက်မှတ်ရေးထိုးထားခဲ့သော အဆိုပါ စီမံကိန်း၏ သဘာဝပတ်ဝန်းကျင်ဆိုင်ရာ သက်ရောက်မှုများကို ပြည်သူများ ကျယ်ကျယ်ပြန့်ပြန် မသိရှိခဲ့ကြ။ သို့သော် အရပ်သားအစိုးရတက် လာသောအချိန်တွင် မြစ်ဆုံစီမံကိန်း၏ သဘာဝပတ်ဝန်းကျင်ဆိုင်ရာ သက်ရောက်မှုများကို ပညာ ရှင်များ၊ အရပ်ဘက်အဖွဲ့အစည်းများက ထောက်ပြလာခဲ့ကြသည်။

ထို့ကြောင့်ပြည်သူများ ကျယ်ကျယ်ပြန့်ပြန့် သိရှိလာကြပြီး မြစ်ဆုံစီမံကိန်းကို ကန့်ကွက်လာကြသောအခါ သမ္မတ ဦးသိန်းစိန်က သူ၏ သမ္မတသက်တမ်းအတွင်း စီမံကိန်း ကို ရပ်နားထားမည်ဖြစ်ကြောင်း ၂ဝ၁၁ စက်တင်ဘာလတွင် ထုတ်ပြန်ခဲ့သည်။ သို့သော် အဆိုပါစီမံကိန်းကို လုပ်ဆောင်သည့် CPIကုမ္ပဏီက ၎င်းတို့၏ လူမှုရေးဆိုင်ရာ တာဝန်ယူဆောင်ရွက်မှုအစီရင်ခံစာကို ၂ဝ၁၃ ဒီဇင်ဘာတွင် ချပြလာခဲ့ပြီး မြစ်ဆုံစီမံကိန်းကို နောက်တက်လာမည့်အစိုးရလက်ထက်တွင် လုပ်ဆောင်လိုကြောင်း ထုတ်ေ ဖ်ာပြောဆို လာခဲ့သည်။ ဤသို့ CPI ၏ တစ်ကျော့ပြန် ကြိုးပမ်းမှုအပေါ် ပြည်သူများ၏သဘောထားများနှင့် အစိုးရသစ်အတွက် မည်သို့သက်ရောက် မှုရှိနိုင်မည် လဲဆို သည့် နယ်ပယ်အသီးသီးမှ ပုဂ္ဂိုလ်များ၏ သဘောထားများကို စုစည်းဖော်ပြလိုက်ပါသည်။

ဘန်ကောက် အစိုးရရုံးများနှင့်အဓိကလမ်းမကြီးများကို စတင်ပိတ်ဆို့

ထိုင်းဝန်ကြီးချုပ် ယင်းလပ်ရှင်နာဝပ်ကို ဖြုတ်ချပြီး ရွေးကောက်တင်မြှောက်တာ မဟုတ်တဲ့ အစိုးရကို ခန့်အပ်ချင်တဲ့ ထိုင်းဆန္ဒပြသူတွေဟာ ဇန်န၀ါရီ ၁၃ ရက်မှာတော့ မြို့တော် ဘန်ကောက်က လမ်းဆုံကြီး ၇ ခုနဲ့ အစိုးရရုံးတွေရှိရာ အဓိကလမ်းတွေကို ပိတ်ချလိုက်ပါပြီ။

ထိုင်းဘုရင်ကို သစ္စာခံပြီး အတိုက်ခံ တွေနဲ့ သင့်မြတ်တဲ့ အုပ်စုနဲ့ ကာကွယ်ရေးဝန်ကြီးနဲ့ ၀န်ကြီးချုပ်ရာထူးကို ပူးတွဲ တာဝန်ယူထားတဲ့ ယင်းလပ်ရှင်နာဝပ်ကို ထောက်ခံသူအုပ်စုတွေ ကွဲနေလို့ နိုင်ငံရေးအကျပ်အတည်းဟာ ပြည်တွင်းစစ်ကို ဦးတည်သွားနိုင်မလားဆိုတဲ့ စိုးရိမ်မှုတွေ ကြီးထွားလာနေပါတယ်။

အဓိက လူနေရပ်ကွက်တွေနဲ့ စီးပွားရေးနယ်မြေ အနည်းဆုံး ၇ နေရာမှာတော့ ယာယီတဲတွေနဲ့ ဟောပြောပွဲ စင်မြင့်တွေကို ဆင်ယင်ထားပြီး ဘန်ကောက်မြို့လယ် တလျှောက် ထောင်သောင်းချီတဲ့ အစိုးရဆန့်ကျင်ရေး ဆန္ဒပြသူတွေ ချီတက်နေပါတယ်။

ဒုဝန်ကြီးချုပ်ဟောင်းနဲ့ အတိုက်အခံ နိုင်ငံရေးသမားဟောင်း ဆူသက် သောင်ဆုဘန် ခေါင်းဆောင်တဲ့ ဆန္ဒပြသူတွေက ဇန်န၀ါရီ ၁၂ ရက် ညနေကတည်းက လမ်းဆုံတွေကို ပိတ်ချခဲ့တာပါ။

ရက် ၉၀ အတွင်း ၂၈ ပေါင်ချလို့ မော်ဒယ်ဖြစ်ခဲ့တဲ့ ဗြိတိန်သူလေး

Rosie Grech လို့အမည်ရတဲ့ အသက် ၂၃ နှစ်အရွယ် အမျိုးသမီးငယ် တစ်ဦး ဖြစ်ပါတယ်။ အသက်ငယ်ပေမယ့် အိမ်ထောင်သည် ဖြစ်ပြီး ၂ နှစ် အရွယ် ကလေးတစ်ဦးနဲ့ ၈ လ အရွယ် ကလေး တစ်ဦး ရှိပါတယ်။ ကလေး ၂ ယောက်မိခင်ဖြစ်ပြီး သူမရဲ့  မူရင်း ပေါင်ချိန်က ၁၄၇ အထက်မှာ ရှိပါ တယ်။

မိန်းကလေးတစ်ယောက်အနေနဲ့ ပေါင် ၁၅၀ ကပ်နေခြင်းက ဝတဲ့ စာရင်းထဲ ပါဝင်နေပါပြီ။ သူမအနေနဲ့ ယနေတာကို ပိန်အောင် ရက် ၉၀ အတွင်း ကြိုးစားပန်းစား ဝိတ်ချ အားကစားလုပ်လိုက်တာ ၂၈ ပေါင်တောင် လျော့ ချနိုင်ခဲ့ ပါတယ်။ ဒီတော့ ပေါင် ၁၂၀ အောက်တောင် ရောက်သွားပါတယ်။ နဂိုကလည်းက ရုပ်ခံလည်း ရှိနေတော့ သူမရဲ့  အလှပဟာ ဗြိတိန်နိုင်ငံက မထင်မရှားမြို့ ကလေးကနေ နိုင်ငံကျော်ဖြစ်သွားရပြီး အမေရိကန် အေဂျင်စီ တစ်ခု က မော်ဒယ်လုပ်ဖို့ စာချုပ်နဲ့ ကမ်းလှမ်းလာခဲ့ ပါတယ်။ မိခင်ဖြစ်ပြီး မှ မော်ဒယ်လေး ပြန်ဖြစ်ရမယ့် အခွင့်အရေးမို့လို့ Rosie လက်ခံ ခဲ့ပါတယ်။

ဝတယ်ပိန်တယ်ဆိုတာ ကြိုးစားလုပ်ယူလို့ရတဲ့ အရာတစ်ခုဖြစ်ကြောင်း သူမက သက်သေပြခဲ့ခြင်း ဖြစ်ပီး တစ်ကမ္ဘာလုံးက ဝိတ်ချဖို့ ကြိုးစားနေသူ များအတွက် အားကျအတုယူစရာ အမျိုးသမီးများထဲမှ တစ်ဦး ဖြစ်လာ ပါတယ်။
.
Ref: dailymail
အောင်ခမ်း ( ရိုးရာလေး )

YoYarLay

ဘောင်းဘီမဝတ် ရထားစီးနေ့

ဇန်နဝါရီလ ၁၃ ရက်နေ့ဟာ ဘောင်းဘီမဝတ်ရ ရထားစီးနေ့ ( No Pants Subway Ride ) ဖြစ်ပါတယ်။ ယင်းနေ့က No Pants Day လို့ခေါ်တဲ့ ဘောင်းဘီမဝတ်ရနေ့ပြီး အသစ်ထပ်ပေါ်လာတဲ့ နေ့ ဖြစ်ပါတယ်။ No Pants Day ကို မေလရဲ့  ပထမ သောကြာနေ့မှာ ပြုလုပ်ပြီး No Pants Subway Ride ကို ဇန်နဝါရီလမှာ ကျင်းပ ပါတယ်။ ရက်အတိအကျတော့ မရှိပါဘူး။

ယခု နှစ်ကတော့ ဇန်နဝါရီလ ၁၃ ရက်န့ ဖြစ်ပြီး ကမ္ဘာပေါ်က မြို့ ပေါင်း ၆၀ က ပြည်သူများ ပါဝင် ဆင်နွဲခဲ့ ပါတယ်။ No Pants Day ကို သက္ကရာဇ် ၂၀၀၀ ခုနှစ်က ကျောင်းသားလူငယ်တို့ ပထမ နှစ်ဝက်စာမေးပွဲ အပြီး ပျော်တဲ့ အမှတ်တရ တစ်ခုအနေနဲ့ ဟာသလုပ် ဆင်နွဲခဲ့ခြင်း ဖြစ်ပါတယ်။ ယင်းကနေမှ သက္ကရာဇ် ၂၀၀၂ ခုနှစ် နယူးယာက်မြို့ က ရထားဘူတာမှာ No Pants Subway Ride ပြုလုပ်ကျင်းပပြီး လူပေါင်း ၁၅၀ ကျော် ပါဝင်ခဲ့ ပါတယ်။ ယနေ့ ၂၀၁၄ ခုနှစ် ဇန်နဝါရီရဲ့  No Pants Subway Ride မှာတော့ ကမ္ဘာတစ်လွှားက ပါဝင်ဆင်နွဲသူပေါင်း ၄၀၀၀ ကျော်ရှိခဲ့ပါတယ်။
ရယ်စရာပဲပြောပြော၊ ရှက်စရာပဲ ပြောပြော၊ ရူးတယ်ပဲ ပြောပြော အားလုံး ပါဝင်ဆင်နွဲနေကြတဲ့ ယင်း No Pants Subway Ride နေ့ အမှတ်တရ ဓာတ်ပုံများကို အောက်ပါ Link မှာ ဝင်ရောက် ကြည့်ရှု နိုင်ပါတယ်။
.
http://mashable.com/2014/01/12/no-pants-subway-ride-2014/

အောင်ခမ်း ( ရိုးရာလေး )

YoYarLay

မလေးရှားရောက် တရားမဝင် လုပ်သားများကို တစ်ကျော့ပြန် ဖမ်းဆီးမည်

ရန်ကုန်၊ ဇန်နဝါရီ ၁၂

မလေးရှားနိုင်ငံတွင် လုပ်ကိုင်နေသူ အထောက်အထားမဲ့ တရားမဝင် နိုင်ငံခြား လုပ်သားများကို ၂၀၁၄ ခုနှစ် ဇန်နဝါရီလ ၂၁ ရက်နေ့မှ စတင်ဖမ်းဆီးသွားမည် ဖြစ်ကြောင်း မလေးရှားနိုင်ငံပိုင် ရုပ်သံသတင်း နှင့် သတင်းစာများတွင် ဖော်ပြသည်။

အဆိုပါ ဖမ်းဆီးမှုတွင် ပြည်ထဲရေး လက်အောက်ရှိ အဖွဲ့သုံးဖွဲ့ ပါဝင်မည်ဖြစ်ပြီး တရားမဝင် လုပ်သား လက်ခံထားသော အလုပ်ရှင်များကိုပါ တိတိကျကျ အရေးယူမည် ဖြစ်ကြောင်း၊ ဖမ်းဆီးရမိသော တရားမဝင် လုပ်သားများအားလုံးကို သက်ဆိုင်ရာ နိုင်ငံအသီးသီးသို့ ပြန်လည် ပို့မည် ဖြစ်ကြောင်းလည်း မလေးရှားနိုင်ငံ ပြည်ထဲရေးဝန်ကြီး DR. AHMAD Zahid Hamidi ကပြောကြားသည်။

ဖမ်းဆီးခံရသည့် တရားမဝင် လုပ်သားများသည် ထောင်တွင်း ကုန်ကျစရိတ်များနှင့် လေယာဉ်လက်မှတ် ကုန်ကျစရိတ်များကို ကိုယ်တိုင် ကျခံရမည်ဖြစ်ပြီး နေရပ် ပြန်ပို့ခံရသူများသည် မလေးရှားနိုင်ငံသို့ ပြန်လည် ဝင်ရောက်နိုင်မည် မဟုတ်ကြောင်း The Star သတင်းဌာနတွင် ဖော်ပြသည်။
“ဒီတစ်ကြိမ် အဖမ်းအဆီးကတော့ အတော်လေးကို ဆိုးမယ်ထင်တယ်။ ပြဿနာတွေကလည်း ဖြစ်တာများတော့ မိရင် ချက်ချင်းတောင် ပြန်ပို့မလားပဲ” ဟု ကွာလာလမ်ပူမြို့တော် တရုတ်တန်းတွင် အဝတ်အထည်နှင့် အမျိုးသား အသုံးအဆောင်ဆိုင် ဖွင့်ထားသူ ဦးခိုင်ဇော်မိုးက ဆိုသည်။

ထိုင်းနိုင်ငံရေး ပဋိပက္ခ ယခုတစ်ပတ်တွင်း အဆိုးဆုံး အဆင့်သို့ ရောက်နိုင် ကုလအကြီးအကဲ ကြားဝင် ဖျန်ဖြေရန် စတင်ကြိုးပမ်း

ဘန်ကောက်၊ ဇန်နဝါရီ ၁၂

ထိုင်းနိုင်ငံတွင် ဝန်ကြီးချုပ် ယင်းလပ်ရှင်နာဝပ် ဦးဆောင်သည့် အစိုးရကို ဖြုတ်ချရန် ကြိုးပမ်းလျက် ရှိသည့် အတိုက်အခံ အင်အားစုများနှင့် အစိုးရ ထောက်ခံသူ အင်အားစုများ အကြား ပဋိပက္ခမှာ ယခုရက်သတ္တတစ်ပတ် အတွင်း အဆိုးရွားဆုံး အဆင့်သို့ ရောက်ရှိလာပြီး မြို့တော် ဘန်ကောက် ရပ်ဆိုင်းသွားမည့် အနေအထားတွင်ရှိရာ ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းက ပြဿနာ အားလုံး ပြေလည်စေရေးအတွက် ကြားဝင် ဖျန်ဖြေရေး ကြိုးပမ်းချက် တစ်ရပ်ကို စတင်လိုက်ပြီ ဖြစ်ကြောင်း The Nation သတင်းစာက ရေးသား ဖော်ပြသည်။

ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းသည် ဝန်ကြီးချုပ် ယင်းလပ်နှင့် တွေ့ဆုံဆွေးနွေးပြီး ဖြစ်သလို အတိုက်အခံ ဒီမိုကရက်တစ်ပါတီ ခေါင်းဆောင် အဘီ ဆစ်ဝိချာချီဝနှင့်လည်း တွေ့ဆုံပြီး ဖြစ်ရာ ၎င်းအနေနှင့် နှစ်ဖက်စလုံး၏ မတူညီမှုများကို ပေါင်းကူး ပေးနိုင်ရေးအတွက် အကူအညီ ပေးသွားမည်ဟု ဆိုသည်။

“လာမယ့် ရက်တွေမှာ အခြေအနေ အရပ်ရပ်တွေက ပိုမို ဆိုးရွားလာမှာကို ကျွန်တော် အထူးပဲ စိုးရိမ်မိပါတယ်။ အထူးသဖြင့် တနင်္လာနေ့(၁၃ရက်နေ့)ပေါ့ ဗျာ။ အတိုက်အခံ ဆန္ဒပြ အင်အားစုတွေက ဘန်ကောက် ရပ်ဆိုင်းသွားအောင် လုပ်မယ်လို့ ပြောလိုက်တဲ့အချိန်မှာ ကျွန်တော် အင်မတန် စိုးရိမ် ပူပန်မိသွားပါတယ်” ဟု ဘန်ကီမွန်းက ပြောကြားသည်။

အကြမ်းဖက်မှု၊ မုဒိမ်းမှုများ အရေးယူရန် ဘင်္ဂလားဒေ့ရ်ှတွင် ရခိုင်မျိုးနွယ်စုဝင်များ ဆန္ဒပြ

မောင်တော၊ ဇန်နဝါရီ ၁၂

ဘင်္ဂလားဒေ့ရှ် နိုင်ငံတွင် ရွေးကောက်ပွဲ မလိုလားသည့် အတိုက်အခံများက ရခိုင်မျိုးနွယ်စုဝင် အမျိုးသမီးငယ်တစ်ဦး အပါအဝင် အမျိုးသမီးသုံးဦးကို မုဒိမ်းကျင့်မှု၊ နေအိမ်မီးရှို့မှုများ ပြုလုပ်ခဲ့ သည်ကို အရေးယူပေးရန် ဘင်္ဂလားဒေ့ရှ် နိုင်ငံတွင် နေထိုင်နေသော ရခိုင်တိုင်းရင်းသား မျိုးနွယ်စုဝင်များနှင့် ဟိန္ဒူ ဘာသာဝင် စုစုပေါင်း လူသုံးထောင်ခန့် ဇန်နဝါရီလ ၁၁ ရက်နေ့က ဖလောင်းချိတ်မြို့၌ ဆန္ဒပြခဲ့ကြကြောင်း ဆန္ဒပြသူများထံမှ သိရှိရသည်။

အတိုက်အခံများသည် ဇန်နဝါရီလ ၇ ရက်နေ့က ဟိန္ဒူဘာသာဝင် အမျိုးသမီး နှစ်ဦးကို လက်နက်ပြကာ မိသားစုရှေ့တွင် မုဒိမ်းကျင့်ခဲ့ကြောင်း ဇန်နဝါရီလ ၁၁ ရက်နေ့တွင် ရခိုင်မျိုးနွယ်စုဝင် အမျိုးသမီး တစ်ဦးကိုလည်း မုဒိမ်းမှု ထပ်မံကျူးလွန်ခဲ့ပြီး နေအိမ် ၃၅၀ ကျော်ကို မီးရှို့ခဲ့ကြောင်း၊ ယင်းလုပ်ရပ်များကို အရေးယူပေးရန်၊ ရပ်တန့်ပေးရန် တောင်းဆိုခြင်း ဖြစ်ကြောင်း ဆန္ဒပြပွဲတွင် ပါဝင်ခဲ့သူ ဦးမောင်ထွန်းလှက ပြောကြားသည်။

ဖလောင်းချိတ်မြို့တွင် ပြုလုပ်သည့် အဆိုပါ ဆန္ဒပြ တောင်းဆိုမှုတွင် ရခိုင်၊ မာရာမာ၊ ဒိုင်းနက်၊ သက်၊ ဘူရိုဝါနှင့် ဟိန္ဒူ ဘာသာဝင် စုစုပေါင်း လူဦးရေ သုံးထောင်ဝန်းကျင် ပါဝင်ခဲ့ကြောင်း ၎င်းကဆိုသည်။

၈၈ မျိုးဆက် ( ငြိမ်းချမ်းရေးနှင့် ပွင့်လင်းလူ့အဖွဲ့အစည်း ) က အကြံပြု ထားသော ဖွဲ့စည်းပုံအခြေခံဥပဒေ ပြင်ဆင်ရေး တွင် ဒေါ်အောင် ဆန်း စုကြည်အား သမ္မတ မဖြစ်စေရန် တားဆီးထားသည့် ပုဒ်မ ၅၉ (စ) မပါ

ရန်ကုန်မြို့ တော်ဝင်နှင်းဆီ စားသောက်ဆိုင်တွင် ဇန်န၀ါရီ ၁၁ ရက်နေ့က ကျင်းပခဲ့သော ၈၈ မျိုးဆက် (ငြိမ်းချမ်းရေးနှင့် ပွင့်လင်းလူ့အဖွဲ့အစည်း) ၏ ရှစ်လေးလုံး အရေးတော်ပုံ ငွေရတု ကြေငြာစာတမ်း၌ ပါဝင်သော အချက်အလက်များကို လက်တွေ့ အကောင်အထည်ဖော်ရန် ပြုလုပ်သော အစည်းအဝေးတွင် ပုဒ်မ ၅၉ (စ) အား ထည့်သွင်းဆွေးနွေးခြင်း မရှိခဲ့ ကြောင်း အဆိုပါ အစည်းအဝေးသို့ တက်ရောက်ခဲ့သော ၈၈ မျိုးဆက် အဖွဲ့ဝင်တစ်ဦးထံမှ သိရသည်။
“ ပြီးခဲ့တဲ့နှစ် သြဂုတ်လ ၆ ရက်နေ့ကနေ ၈ ရက်နေ့ထိ ပြုလုပ်ခဲ့တဲ့ ရှစ်လေးလုံး အရေးတော်ပုံ (၂၅) နှစ်ပြည့် အခမ်းအနား မှာ ချမှတ်ခဲ့တဲ့ ဆုံးဖြတ်ချက်တွေကို အကောင်အထည်ဖော်ဖို့ လုပ်ငန်းကော်မတီဖွဲ့မယ်ဆိုပြီး စုံညီအစည်းအဝေး ခေါ်ခဲ့တာပါ၊ ဖွဲ့စည်းပုံအခြေခံဥပဒေပြင်ဖို့ အကြံပြုချက်ထဲမှာ ကျွန်တော်တို့ ၈၈ အဖွဲ့အနေနဲ့ ပုဒ်မ ၅၉ (စ) ကိုပြင်ဆင်ဖို့ ထည့်သွင်းအကြံပြုခဲ့တာ မရှိတဲ့အတွက် ဒီအစည်းအဝေးမှာလည်း ထည့်သွင်းမဆွေးနွေးခဲ့ပါဘူး ” ဟု အဆိုပါ အဖွဲ့ဝင်က ပြောကြားသွားသည်။

အဆိုပါ စုံညီအစည်းအဝေးတွင် နိုင်ငံရေးမူဘောင် အဆိုပြုချက်နှင့် ရှေ့လုပ်ငန်းစဉ် အဆိုပြုချက် ခေါင်းစဉ်နှစ်ခုအား အပိုင်း (၂) ပိုင်းခွဲ၍ ဆွေးနွေးခဲ့ကြောင်း အနာဂတ်တွင် ဖက်ဒရယ် ပြည်ထောင်စု ပေါ်ပေါက်လာရေးဆိုင်ရာ ကိစ္စရပ်များ၊ ငြိမ်းချမ်းရေးနှင့် အမျိုးသားပြန်လည်သင့်မြတ်ရေးမူကို အခြေခံ၍ တိုင်းရင်းသားလူမျိုးစုများ၊ ဒီမိုကရေစီအင်အားစုများ၊ ပြည်ထောင်စုအစိုးရနှင့် တပ်မတော်အပါအ၀င် အမျိုးသားအင်အားစု အားလုံးပါဝင်သော ပြည်ထောင်စု ညီလာခံကျင်းပ ရေးဆိုင်ရာများ ပါဝင်သော်လည်း ဒေါ်အောင်ဆန်းစုကြည်အား သမ္မတမဖြစ်စေရန် တားဆီးထားသည့် ပုဒ်မ ၅၉ (စ) ပြင်ဆင်ရေးကိုမူ ထည့်သွင်းဆွေးနွေခြင်းမရှိကြောင်း သိရသည်။

တာမွေ ဓမ္မစိန္တာလမ်း အကြွေစေ့ဂိမ်းဆိုင်ကို ဝင်ဖမ်း

ရန်ကုန်၊ ဇန်နဝါရီ ၁၂

တာမွေမြို့နယ်၊ ပုသိမ်ညွန့်ရပ်ကွက် ဓမ္မစိန္တာလမ်းရှိ အကြွေးစေ့ ဂိမ်းဆိုင်ကို ဇန်နဝါရီလ ၁၁ ရက် ညနေ ၅ နာရီခွဲခန့်က ဝင်ရောက် ဖမ်းဆီးရာ အကြွေစေ့ ဂိမ်းစက် ၃၀ နီးပါးနှင့် လောင်းကစား လုပ်နေသူ ခုနစ်ဦးကို ဖမ်းမိခဲ့ကြောင်း တာမွေမြို့မ ရဲစခန်းမှ ရဲအရာရှိတစ်ဦးက ပြောကြားသည်။

အကြွေစေ့ ဂိမ်းစက်များဖြင့် လောင်းကစား ပြုလုပ်နေသည်ဟု ကြိုတင် သတင်းရရှိချက်အရ ရဲတပ်ဖွဲ့ဝင်များနှင့် ရပ်ကွက်တွင်း နေထိုင်သူများ ပူးပေါင်း ဝင်ရောက် ရှာဖွေရာမှ ရွှေငါးမန်း ဂိမ်းစက် ရှစ်လုံး၊ အန်စာဂိမ်းစက် ရှစ်လုံး၊ ဖဲချပ် ဂိမ်းစက်ရှစ်လုံး၊ ဂျက်ပေါ့ဂိမ်းစက် ငါးလုံး အပါအဝင် စုစုပေါင်း ဂိမ်းစက် ၂၉ လုံး၊ လောင်းကစားငွေ နှစ်သိန်းခန့်နှင့်အတူ အကြွေစေ့ ဂိမ်းစက်များ အပါအဝင် လောင်းကစား လုပ်နေသူ ခုနစ်ဦး၊ ဆိုင်ပိုင်ရှင်နှင့် ဆိုင်တာဝန်ခံ နှစ်ဦးတို့ကို အထောက်အထား အစုံအလင်နှင့်တကွ ဖမ်းမိခဲ့ကြောင်း တာမွေမြို့မရဲစခန်းမှ ရဲအရာရှိတစ်ဦးက ပြောကြားသည်။

အဆိုပါ ဂိမ်းဆိုင် ဖွင့်လှစ်သည်မှာ တစ်နှစ်နီးပါးခန့် ရှိပြီး ရန်ကုန်မြို့တော် စည်ပင်သာယာရေး ကော်မတီ၏ လုပ်ငန်း ခွင့်ပြုချက် လိုင်စင်ဖြင့် ဖွင့်လှစ်ထားသည်ဟု ကြားသိရကြောင်း၊ ဆိုင်ဖွင့်ပြီး တစ်လခန့် အကြာတွင် အကြွေစေ့စက်များဖြင့် လောင်းကစားများ ပြုလုပ်နေသောကြောင့် ရပ်ကွက်အတွင်းရှိ လူငယ်များ အကျင့်စာရိတ္တ ပျက်ပြားလာမည်ကို စိုးရိမ်သဖြင့် မြို့နယ်ရဲတပ်ဖွဲ့သို့ သတင်းပေး တိုင်ကြားရခြင်း ဖြစ်ကြောင်း ဓမ္မစိန္တာလမ်းတွင် နေထိုင်သူ အသက် ၅၀ ခန့် အမျိုးသား တစ်ဦးက ပြောကြားသည်။

လက်တစ်ဘက်တို လက်တစ်ဘက်အတုတ်ကြီးနှင့် ထူးခြားသည့် သနားစဖွယ်ကလေးငယ်

မိတ္ထိလာမြို့ အရှေ့ဘက် ၅ မိုင်အကွာတွင် ပျော်ကုန်းကျေးရွာအုပ်စု၊ ပျော်ကုန်းကျေးရွာရှိ အဖဦးပြုံးမောင်၊ အမိဒေါ်အေးမော်တို့၏ သားဖြစ်သူ မောင်ထူးထူးအောင်(အသက် ၆ နှစ်)သည် မွေးဖွားစဉ်က သာမန်ကလေးတစ်ယောက်ဖြစ်သော်လည်း ဘယ်ဘက်လက်မှာ တစ်နှစ်ထက်တစ်နှစ် ကြီးထွားလာခဲ့သည်။ လက်မနှင့် လက်သန်းမှာလည်း ပိုမိုကြီးထွားလာကာ ကျန်လက်ချောင်းကလေးများမှာ သာမန်အရွယ်သာ ဖြစ်သည်။

မောင်ထူးထူးအောင်ကို ၃ နှစ်သားအရွယ်က ရန်ကုန်မြို့ ကြည်းမြင်းတိုင်ဆေးရုံကြီးသို့ သွားရောက်ပြသခဲ့ရာ ဆေးရုံမှ လက်ဖြတ်ပစ်ရမည်ဆိုသဖြင့် မိသားစုမှာ ပြန်လာခဲ့ရသည်ဟုဆိုသည်။

ပျော်တန်းကုန်းမူလတန်းကျောင်းတွင် သူငယ်တန်းတတ်နေသော မောင်ထူးထူးအောင်၏ ဘယ်ဘက်လက်သည် အလျား ၂ ပေရှိပြီး လက်မောင်းလုံးပတ်မှာ ၂၀ လက်မရှိသည်။ ညာဘက်လက်မှာမူ ပုံမှန်အရွယ်အစားအတိုင်း အလျား ၁ ပေနှင့် လုံးပတ် ၅ လက်မရှိနေသည်။

ထူးခြားသော အသွင် သဏ္ဌာန်ရှိ ငှက်တစ်ကောင် မန္တလေးမြို့၌ တွေ့ရှိ

မန္တလေးတိုင်း ဒေသကြီး ချမ်းအေးသာစံမြို့နယ် ၂၇x ၂၈ လမ်းကြား၊ ၈၄လမ်း ဈေးချို မန်းမြန်မာ ပလာဇာ ၂၅ထပ်ပေါ်တွင် အမျိုးအမည်မသိ ထူးခြားသော ငှက်တစ် ကောင်ကို ယမန်နေ့ညနေ ၃ နာရီက ပြည်ကြီး ရန်လုံ ရပ်ကွက်နေ အဆောက်အအုံ ကန်ထရိုက်လုပ် ကိုင်သူ ဦးဇော်ဝင်းက တွေ့ရှိခဲ့ကြောင်း သိရသည်။

အဆိုပါ အမျိုးအမည်မသိ ငှက်သည် ကြောင်ခေါင်း သဏ္ဌာန်ရှိပြီး လည်ပင်းတွင် အဖြူရစ် ပါရှိသည်။ အတောင်နှစ်ဖက် ဖြန့်လျှင် သုံးပေခန့် ရှည်လျားပြီး အမြီးနှင့် အတောင် တို့တွင် ဒေါင်းမြီး များကဲ့သို့ လှပသော ပန်းကွက်များ ပါရှိသော ထူးခြားဆောင်းခိုငှက် တစ်ကောင်ဖြစ်နိုင်ကြောင်း ဒေသခံများက ယူဆကြသည်။ ၎င်းငှက်အား စိတ်ပါဝင် စားသူများနှင့် ကလေးသူငယ်များ ကြည့်ရှု လေ့လာနိုင်ရန်အတွက် ယနေ့နံနက် ၉နာရီတွင် မန္တလေး တိုင်းဒေသကြီး အောင်မြေသာစံ မြို့နယ် ၁၂ လမ်းရှိ ရတနာပုံ တိရစ္ဆာန်ဥယျာဉ်သို့ လှူဒါန်းခဲ့ကြောင်း သိရသည်။

By ကျော်ထူး(မန္တလေး)

New Myanmar News

အယ်လ်ဂိုးကို ဘန်ကောက်မှာအလိုရှိသည်

ရေးသားသူ- ရဲမိုး

ယခုဆောင်းပါးကို သင်စတင်ဖတ်နေချိန်မှာ ဘန်ကောက်မြို့ကြီးကတော့ သူ၏အကြမ်းတမ်းဆုံးနေ့ရက်တစ်ရက်ကို စတင်ဖြတ်သန်းနေပြီဖြစ်သည်။

“ဖရဲသီးနိုင်ငံရေး”ဟု ဆိုရလောက်အောင် တချို့အသီးက အတွင်းကအ၀ါ၊ တချို့အသီးက အတွင်းကနီနေသည့် ထိုင်းနိုင်ငံရေးပဋိပက္ခက သမိုင်းမှာ (၁၈)ကြိမ် အာဏာသိမ်းခဲ့ပြီးဖြစ်သည့် ထိုင်းစစ်တပ်အား သူတို့တင့်ကားတွေကို နောက်တစ်ကြိမ်အင်ဂျင်စနှိုးထားဖို့ ဖိအားပေးနေပါပြီ။

ဖေဖော်ဝါရီ ၂ ရက်နေ့ ရွေးကောက်ပွဲကိုငြင်းဆန်သည့် အတိုက်အခံခေါင်းဆောင် ဆူသက်သောင်ဆူဘန်နှင့် “အ၀ါ” များက အစိုးရနုတ်ထွက်ပေးဖို့အတွက် ဘန်ကောက်မြို့ကြီးကို ဒီကနေ့ ၀ိုင်းဝန်းပိတ်ဆို့ကြမည်ဖြစ်သည်။ Bangkok Shut Down ဟု သူတို့ခေါ်ဆိုသည့် စစ်ဆင်ရေးက နိုင်ငံ၏စီးပွားရေးအရ နှလုံးသည်းပွတ်ဖြစ်သည့် ဘန်ကောက်ကိုထိန်းချုပ်လိုက်ခြင်းဖြင့် လူ့အဖွဲ့အစည်း၏ ယန္တရားတစ်ခုလုံးကို လည်မျိုညှစ်လိုက်ခြင်းပင်။

သေဒဏ် ဖျက်သိမ်းရန် မြန်မာအစိုးရကို ကုလသမဂ္ဂ တိုက်တွန်း

ရန်ကုန်၊ ဇန်နဝါရီ ၁၂

မြန်မာအစိုးရ အနေနှင့် သေဒဏ်ပေးခြင်း ပုဒ်မကို အပြီးတိုင် ဖျက်သိမ်းပေးရန် လိုအပ်ကြောင်း ကုလသမဂ္ဂ လူ့အခွင့်အရေး ဆိုင်ရာ မဟာမင်းကြီးများရုံး၏ ပြောရေးဆိုခွင့်ရှိသူ Rupert Colville က ဇန်နဝါရီလ ၁၀ ရက်နေ့က သတင်းထုတ်ပြန်သည်။

မြန်မာအစိုးရ အနေနှင့် လူ့အခွင့်အရေးကို အခြေခံ၍ ပြစ်မှုဆိုင်ရာ ပုဒ်မများတွင် သေဒဏ်ကို အပြီးတိုင် ဖျက်သိမ်း ပေးသင့်ကြောင်း ၎င်းကဆိုသည်။

မြန်မာအစိုးရက သေဒဏ်ချမှတ် ခံရသူများကို ထောင်ဒဏ် တစ်သက် (နှစ်အကန့်အသတ်မရှိ) သို့ ပြောင်းလဲ ပေးခဲ့သည့် အမိန့်တစ်ရပ်ကို ဇန်နဝါရီလ ၂ ရက်နေ့က ချမှတ်ခဲ့သည့်အတွက် ကုလသမဂ္ဂ အနေနှင့် ကြိုဆိုကြောင်း Rupert Colville ကဆိုသည်။

အာဆီယံဥက္ကဋ္ဌအဖြစ် တာဝန် ယူတော့မည့် မြန်မာအစိုးရ အနေနှင့် သေဒဏ်ကျခံ အကျဉ်းသားများကို ထောင်ဒဏ် အဖြစ် ပြောင်းလဲပေးလိုက်ခြင်းသည် ဒေသတွင်း အာဆီယံ နိုင်ငံများအတွက် စံပြကောင်းတစ်ခု ဖြစ်လာနိုင်ကြောင်း ၎င်းက ရှင်းပြသည်။

လော့လော့ကျောက်မီးသွေး ဓာတ်အားပေးစက်ရုံ ဖျက်သိမ်းရေး ဒေသခံများ ဆန္ဒပြ

မြိတ်၊ ဇန်နဝါရီ ၁၂

တနင်္သာရီတိုင်းဒေသကြီး၊ မြိတ်မြို့နယ် လော့လော့ ကျေးရွာတွင် တည်ဆောက်မည့် ကျောက်မီးသွေးသုံး လျှပ်စစ် ဓာတ်အားပေးစက်ရုံ ဖျက်သိမ်းရေးအတွက် ယင်းကျေးရွာ တစ်ဖက်ကမ်းရှိ သမုတ်ဒေသခံ ၁၅၀ ဝန်းကျင်ခန့်က ဇန်နဝါရီလ ၁၂ ရက် မွန်းလွဲ တစ်နာရီ အချိန်က ဆန္ဒထုတ်ဖော် ကန့်ကွက်ခဲ့ကြသည်ဟု ဆန္ဒထုတ်ဖော်သူများထံမှ သိရသည်။

အဆိုပါ ကျောက်မီးသွေး ဓာတ်အားပေးစက်ရုံ တည်ဆောက်ရေးကို ဒေသခံ ပြည်သူများအား ရှင်းရှင်းလင်းလင်း ချမပြခြင်း၊ မည်သည့် နိုင်ငံ၏ နည်းပညာဖြင့် လုပ်သည်ဖြစ်စေ ကျောက်မီးသွေး ဓာတ်အားပေးစက်ရုံကို လုံးဝ လက်မခံနိုင်ခြင်းကြောင့် ဆန္ဒပြခြင်း ဖြစ်ကြောင်း ယင်းကျေးရွာ ပဂျီရှောင်ရပ်ရှိ ဘောလုံးကွင်းတွင် ပြုလုပ်သည့် အဆိုပါ ဆန္ဒပြပွဲကို ဦးဆောင်သူများအနက် တစ်ဦးဖြစ်သည့် ဦးဘိုဝင်းမောင်က ပြောကြားသည်။

ဒေသခံများသည် စိုက်ပျိုးရေးနှင့် ရေလုပ်ငန်းကို ရိုးသားစွာ အသက်မွေး လုပ်ကိုင်နေကြသူများ ဖြစ်ပြီး စက်ရုံမှ ထွက်ရှိလာမည့် မီးခိုး၊ ပြာ၊ စွန့်ပစ်ပစ္စည်း များကြောင့် ယင်းလုပ်ငန်းများကို များစွာ ထိခိုက်နိုင်သည်ဟု ဦးဆောင်ဆန္ဒပြသူ နောက်တစ်ဦး ဖြစ်သည့် ဦးစိုးချစ်က ပြောပြသည်။
“လော့လော့ ကျောက်မီးသွေးသုံး လျှပ်စစ်ဓာတ်အားပေး စက်ရုံ လုံးဝအလိုမရှိ”၊ “သဘာဝဓာတ်ငွေ့ စက်ရုံ ရရှိရေး”၊ “ပြည်သူ သဘောမတူသည့် စီမံကိန်း အလိုမရှိ” စသည့် ဆိုင်းဘုတ်များအပြင် “သဘာဝ ပတ်ဝန်းကျင်ကို ပျက်စီးအောင်လုပ်တဲ့ သူဟာ တိုင်းပြည်ကို ပျက်စီးအောင် လုပ်တဲ့သူ ဖြစ်တယ်” ဟူသည့် သမ္မတဦးသိန်းစိန်၏ မိန့်ခွန်းပါ ဗီနိုင်း ပိုစတာကြီးများ စသည်တို့ကို ကိုင်ဆောင်ပြီး ဆန္ဒထုတ်ဖော်ခဲ့သည်ဟု ဆန္ဒပြသူများထံမှ သိရသည်။

သက်မွန်မြင့် စက်ရုပ်မဟုတ်ပါ

သက်မွန်မြင့်ရဲ့ ပရိသတ်ဖေ့စ်ဘုတ်စာမျက်နှာမှာ နောက်ဆုံးတင်ထားတာ ၂ ခုကတော့ သူတို့စုံတွဲဓာတ်ပုံ နဲ့ စာပိုဒ်တပိုဒ်ပါပဲ။

ဓာတ်ပုံမှာတော့ ဆိုင်ကယ်မောင်းတဲ့သူ့ခင်ပွန်းလောင်းကို နောက်ကဖက်ပြီးလိုက်သွားတာ တွေ့ရမှာပါ။

ရေးထားတဲ့စာမှာတော့ ... အနုပညာသမားဟာ စက်ရုပ်မဟုတ်ဘူးလို့ အစချီထားပါတယ်။

အနုပညာသမားကို ဘာခံစားမှုမှ မရှိတဲ့ စက်ရုပ်တွေ ထင်ကြလား မသိဘူး။
ဘက်ထရီလေးထည့်ပြီး ရီမုတ်လေးနဲ့ ထိန်းရတဲ့ စက်ရုပ်တွေလို့ သဘောထားကြတယ်။
တခါတခါအဲဒီခံစားမှုက ကိုယ့်ဘဝကိုယ် ရင်နာစေတယ်။
ဘယ်သူမပြုမိမိမှုဆိုတော့လည်း အဆိုးအကောင်းအားလုံးရင်စည်းခံယုံပဲ။
ဘယ်အရာမှာမှ အကောင်းကြီးပဲ မရနိုင်ပါဘူး။
ကိုယ့်ကိုကိုယ် ယုံကြည်မှုနဲ့ မှန်မှန်ကန်ကန် လျှောက်လှမ်းနိုင်ဖို့ အရေးကြီးပါတယ်လေ။

ကမ္ဘာကျော် Time မဂ္ဂဇင်းက ရွေးချယ်သည့် ၂၀၁၃ ခုနှစ် အကောင်းဆုံး ဓာတ်ပုံ ၁၀ ပုံ

1. John Tlumacki, Boston
ဒီဓာတ်ပုံကတော့ ၂၀၁၃ ခုနှစ် ဧပြီလ အတွင်းက အမေရိကန် ပြည်ထောင်စု ဘော်စတွန်မြို့မှာ ပြုလုပ်ခဲ့တဲ့ မာရသွန်ပြိုင်ပွဲမှာ ဗုံးပေါက်ကွဲမှု ဖြစ်ပွားခဲ့ချိန်မှာ ဓာတ်ပုံဆရာ John Tlumacki က ရိုက်ကူးထားခဲ့တာ ဖြစ်ပြီး The Boston Globe သတင်းစာမှာ ဖော်ပြခဲ့တာ ဖြစ်ပါတယ်။ ဗုံးပေါက်ကွဲမှု စတင်ဖြစ်ပွားတဲ့ အချိန်မှာ ဓာတ်ပုံဆရာက အမျိုးသား မာရသွန် ပြိုင်ပွဲဝင်တွေ ပန်းဝင်တဲ့ နေရာနားမှာ ရပ်ပြီး အပြေးသမားတွေကို ဓာတ်ပုံရိုက်နေတာ ဖြစ်ပြီး ပြေးလမ်းပေါ်မှာ အပြေးသမားတစ်ဦး လဲကျသွားတဲ့ အချိန်မှာ သူကလည်း ဓာတ်ပုံရိုက်ဖို့ ပြေးအသွား ရဲသုံးယောက်ကလည်း ပြေးလာတာကို မြင်လိုက်ရတဲ့ အချိန်မှာ ဒီဓာတ်ပုံကို ရိုက်ခဲ့တာ ဖြစ်ပါတယ်။
ဗုံးပေါက်ကွဲမှု ဖြစ်စဉ်မှာ ဒဏ်ရာရသွားတဲ့ သူတွေ၊ ခြေပြတ်နေတဲ့ သူတွေကို ဆယ့်နှစ်မိနစ်ကြာ ဓာတ်ပုံရိုက်ခဲ့ပြီး The Boston Globe ရုံးကို ပြန်ခဲ့ပါတယ်။ တချို့ ညတွေမှာဆို ဗုံးပေါက်ကွဲမှု ဖြစ်စဉ်က ပုံရိပ်တွေကို ပြန်မြင်နေရတုန်း ပါပဲလို့ ဓာတ်ပုံဆရာက ပြောပါတယ်။

ဘန်ကောက်မြို့ ရပ်ဆိုင်းရေး အစိုးရ အတိုက်အခံများ အဓိကလမ်းများကို စတင်ပိတ်ဆို့

ဘန်ကောက်၊ ဇန်နဝါရီ ၁၂

မြန်မာနိုင်ငံသား အများစု ပြည်ပထွက်ခွာရာတွင် အဓိက ဝင်ပေါက် ထွက်ပေါက်သဖွယ်ဖြစ်သော ထိုင်းနိုင်ငံ၏ စီးပွားရေးနှင့် အုပ်ချုပ်ရေးမြို့တော် ဘန်ကောက် ရပ်ဆိုင်းရေး လှုပ်ရှားမှု စတင်ရန် ဇန်နဝါရီလ ၁၂ ရက်နေ့ ညနေကတည်းက ထိုင်းအစိုးရ အတိုက်အခံများ မြို့တော်၏ အဓိကနေရာ အများအပြားတွင် စတင်ပိတ်ဆို့ နေရာယူလာပြီ ဖြစ်ကြောင်း Bangkok Post သတင်းတွင် ဖော်ပြထားသည်။

ပြည်သူ့ ဒီမိုကရက်တစ် ပြုပြင်ပြောင်းလဲရေး ကော်မတီမှ ဆန္ဒပြသူများသည် ဘန်ကောက် မြို့လယ်ရှိ လမ်းဆုံလမ်းခွ များကို ဇန်နဝါရီ ၁၂ ရက်နေ့ ညနေကတည်းက ပိတ်ဆို့လိုက်ပြီး အစိုးရရုံး အဆောက်အအုံများ တည်ရှိရာ ချောင်ဝပ်တနာလမ်းကို ယင်းနေ့ ညနေ ၄ နာရီ ကတည်းက ပိတ်ဆို့ထားပြီး ဖြစ်ကြောင်း ယင်းသတင်းတွင် ဖော်ပြထားသည်။

မူလက ဇန်နဝါရီ ၁၃ ရက်တွင် ဘန်ကောက်မြို့တော် ရပ်ဆိုင်းရေး စတင်မည်ဟု ဆိုထားသော်လည်း ဆန္ဒပြသူများသည် မျှော်မှန်း ထားသည်ထက် ၁၂ နာရီပိုစော၍ ဇန်နဝါရီ ၁၂ ရက် ညနေကတည်းက မြို့လယ်ရှိ လုဗ္ဗီနီဥယျာဉ်၊ နာမည်ကျော် ချူလာလောင်ကွန်း တက္ကသိုလ် အနီးတစ်ဝိုက်နှင့် MBK ကုန်တိုက်၊ အောင်ပွဲ အထိမ်းအမှတ် ကျောက်တိုင် (Victory Monument) တို့ အပါအဝင် အဓိကနေရာ ခုနစ်ခုကို စတင်စီးနင်းနေခြင်း ဖြစ်သည်။

အမျိုးသား ရဲတပ်ဖွဲ့ လက်ထောက် အကြီးအကဲကမူ လမ်းအသုံးပြုသူများကို ကူညီနိုင်ရန် ဘန်ကောက် ရပ်ဆိုင်းရေး လှုပ်ရှားမှုအတွင်း အဓိကနေရာ ခုနစ်နေရာတွင် ရဲတပ်ဖွဲ့ဝင် အင်အား ၄၀၀၀ ဝန်းကျင် ချထားမည် ဖြစ်ကြောင်း ပြောဆိုထားသည်။

၂၀၁၅ ခုနှစ် စတော့အိတ်ချိန်း ပေါ်ပေါက်ပြီးမှ အိမ်ခြံမြေဈေးနှုန်းများ ကျဆင်းစေရန် လုပ်ဆောင်ပါက ငွေကြေးဈေးကွက်တွင် ကမောက်ကမ များစွာဖြစ်ပေါ်လာနိုင်

၂၀၁၅ ခုနှစ်၊ စတော့အိတ်ချိန်းဈေးကွက် ပေါ်ပေါက်ပြီးမှ မြန်မာနိုင်ငံ၏ အဆမတန် ကြီးမြင့်နေသော အိမ်ခြံမြေဈေးနှုန်းများကို ကျဆင်းစေရန် လုပ်ဆောင်ပါက မြန်မာ့ငွေကြေး ဈေးကွက်တွင် ကမောက်ကမများစွာ ဖြစ်ပေါ်လာနိုင်ကြောင်း စီးပွားရေးပညာရှင် အသိုင်းအ၀ိုင်းမှ သုံးသပ်ချက်များအရ သိရသည်။

“အစိုးရအနေနဲ့ အိမ်ခြံမြေဈေးကို ချချင်ရင် စတော့အိတ်ချိန်း မပေါ်ပေါက်မီ ချမှဖြစ်မယ်။ စတော့အိတ်ချိန်း ပေါ်ပေါက်ပြီးမှ ချမယ်ဆိုရင် စတော့ဈေးကွက်တောင် ပြိုလဲသွားနိုင်တဲ့အထိ ငွေကြေးကမောက်ကမ ဖြစ်နိုင်တယ်။ ဒီတော့ ၂၀၁၅ ခုနှစ်မတိုင်မီ လက်ရှိအစိုးရ သက်တမ်းအတွင်းမှာပဲ အိမ်ခြံမြေဈေးနှုန်းတွေကိုချမှ အဆင်ပြေပါလိမ့်မယ်” ဟု စီးပွားရေးလေ့လာသူ တစ်ဦးက သုံးသပ်ပြောကြားသည်။

လက်ရှိ မြန်မာနိုင်ငံ၊ မြို့ကြီးများတွင် ဖြစ်ပေါ်နေသော မြေဈေးနှုန်းများမှာ အခြားဖွံ့ဖြိုးဆဲ နိုင်ငံများနှင့် နှိုင်းယှဉ်ပါက လွန်စွာကြီးမြင့်လျက် ရှိနေပြီး ပြည်ပရင်းနှီးမြှုပ်နှံသူများ အခက်တွေ့လျက်ရှိသည်။

စီးပွားရေးမြို့တော် ရန်ကုန်မြို့အတွင်း ရုံးခန်းငှားရမ်းခမှာ အခြေခံအဆောက်အအုံများ ပြည့်စုံပြီးဖြစ်သည့် အမေရိကန်နိုင်ငံ မန်ဟက်တန်ထက်ပင် ဈေးကြီးမြင့်လျက်ရှိကြောင်း နိုင်ငံတကာ သတင်းဆောင်းပါးများတွင် ဖော်ပြမှုများ ရှိနေသည်။

လှိုင်သာယာမြို့နယ် ရွှေလင်ဗန်း တန်ဖိုးနည်းအိမ်ရာ စီမံကိန်းရှိ အိမ်ရာများကို ကျပ်သိန်း ၁၂၀ ထက်မကျော်စေဘဲ မကြာမီရောင်းချမည်

ရန်ကုန်တိုင်းဒေသကြီး၊ လှိုင်သာယာမြို့နယ် ရွှေလင်ဗန်း တန်ဖိုးနည်းအိမ်ရာ စီမံကိန်းရှိ အိမ်ရာများကို ကျပ်သိန်း ၁၂၀ ထက် မကျော်စေဘဲ ရောင်းချမည်ဖြစ်ကြောင်း မြို့ရွာနှင့်အိုးအိမ် ဖွံ့ဖြိုးရေးဦးစီးဌာနမှ သိရသည်။

“ရွှေလင်ဗန်းမှာ အိမ်ရာတွေရောင်းဖို့ကို ရန်ကုန်တိုင်းဒေသကြီး အစိုးရအဖွဲ့နဲ့ ဆွေးနွေးနေကြပါပြီ။ တန်ဖိုးကို ကျပ်သိန်း ၁၂၀ ထက် မကျော်စေဘဲ ရောင်းချမှာပါ။ ခုမှစီစဉ်တုန်းပဲ” ဟု မြို့ရွာနှင့်အိုးအိမ် ဖွံ့ဖြိုးရေး ဦးစီးဌာနမှ သိရသည်။

ရွှေလင်ဗန်း တန်ဖိုးနည်းအိမ်ရာ စီမံကိန်းသည် လှိုင်သာယာမြို့နယ် ကျန်စစ်သားလမ်းမပေါ်၊ ရွှေလင်ဗန်းချောင်း၏ မြောက်ဘက်တွင် တည်ရှိကြောင်း၊ စီမံကိန်းတစ်ခုလုံး၏ အကျယ်အ၀န်းမှာ ဧက ၂၀ ကျော်ရှိကြောင်း၊ သို့သော်လည်း အဆိုပါဧက ၂၀ ကျော်ကို အပိုင်းလေးပိုင်းခွဲကာ တည်ဆောက်ခဲ့ခြင်းဖြစ်ကြောင်း၊ ယင်းကဲ့သို့ တည်ဆောက်ခဲ့မှုမှာ အချို့မှာ ယခုလကုန်တွင် ပြီးစီးတော့မည်ဖြစ်ပြီး မကြာမီရောင်းချရန် စီစဉ်နေခြင်းဖြစ်ကြောင်း သိရသည်။

ဆီးဂိမ်းစ်ပြိုင်ပွဲတွင် မြန်မာဘောလုံးအသင်း အောင်မြင်မှု မရရှိခြင်းကြောင့် MNL ကစားသမားများအား လစာကန့်သတ် လျှော့ချခြင်းအပေါ် ဝေဖန်မှုများရှိနေ

ပြီးခဲ့သည့် ဆီးဂိမ်းပြိုင်ပွဲတွင် မြန်မာဘောလုံးအသင်း အနေဖြင့် အောင်မြင်မှု မရရှိခြင်းကြောင့် MNL ကစားသမားများအား လစာကန့်သတ် လျှော့ချလိုက်ခြင်းအပေါ် ဝေဖန်မှုများရှိနေကြောင်း သိရသည်။ မြန်မာနိုင်ငံက အိမ်ရှင်အဖြစ်လက် ခံကျင်းပခဲ့သော (၂၇) ကြိမ်မြောက် ဆီးဂိမ်းစ်ပြိုင်ပွဲတွင် မြန်မာ့လက်ရွေးစင် ဘောလုံးအသင်းအနေဖြင့် အောင်မြင်မှုရရှိရန် ရည်ရွယ်ခဲ့ပြီး ပြင်ဆင်မှုများ ပြုလုပ်ခဲ့သော်လည်း အင်ဒိုနီးရှားအသင်းကို ရှုံးနိမ့်ကာ အုပ်စုအဆင့်မှာပင် ထွက်ခဲ့ရသည်။

မြန်မာဘောလုံးအသင်း အုပ်စုအဆင့်မှ ထွက်ခဲ့ရပြီးနောက် မြန်မာဘောလုံးအဖွဲ့ချုပ် အနေဖြင့် နည်းပြချုပ်ဖြစ်သူ ကိုရီးယားလူမျိုး ပတ်ဆောင်ဟွာနှင့် ချက်ချင်းလမ်းခွဲခဲ့သည်။ မြန်မာပရိသတ်များ အနေဖြင့် ဆီးဂိမ်းစ်တွင် အိမ်ရှင်အဖြစ် လက်ခံကျင်းပခဲ့ပြီး အောင်မြင်မှုမရဘဲ စိတ်ပျက်စရာကောင်းသည့် ရှုံးနိမ့်မှုမျိုးဖြင့် ကြုံတွေ့ခဲ့ရသည့်အပေါ် နည်းပြချုပ် ပတ်ဆောင်ဟွာအား ဝေဖန်ပြစ်တင် ခဲ့ကြသည့်အပြင် လက်ရွေးစင် ကစားသမားများ၊ အသင်းအုပ်ချုပ်သူနှင့် နည်းပြအဖွဲ့ဝင်များ၊ မြန်မာနိုင်ငံ ဘောလုံးအဖွဲ့ချုပ်နှင့် တာဝန်ရှိသူများအား မြန်မာဘောလုံးအသင်း ကျရှုံးမှုအတွက် မေးခွန်းထုတ်ခဲ့သလို ဝေဖန်မှုများလည်း ကျယ်ကျယ်ပြန့်ပြန့် ထွက်ပေါ်ခဲ့သည်။

ယင်းသို့သော အနေအထားတွင် ပြီးခဲ့သည့် ဇန်န၀ါရီ ၈ ရက်နေ့က မြန်မာနိုင်ငံ ဘောလုံးအဖွဲ့ချုပ်ရုံးတွင် လိဂ်ကော်မတီ၊ ကလပ်အသင်းများနှင့် ကစားသမားများ ညှိနှိုင်းမှု ပြုလုပ်ခဲ့သည်။ မြန်မာနေရှင်နယ်လိဂ်မှ ကစားသမားများ၏ လစာနှုန်းထားများကို ကန့်သတ်လျှော့ချရန် သဘောတူညီမှု ရရှိခဲ့ကြောင်း ဆွေးနွေးဆုံးဖြတ်မှုကို မြန်မာနိုင်ငံ ဘောလုံးအဖွဲ့ချုပ်က ထုတ်ပြန်ခဲ့သည်။ ထိုသို့ လစာလျှော့ပေါ့ရခြင်းမှာ ဘောလုံးသမားများ အနေဖြင့် ပရော်ဖက်ရှင်နယ်ပီသစွာ မိမိတို့ရရှိနေသည့် ခံစားခွင့်များနှင့် လိုက်ဖက်သော ခြေစွမ်းအဆင့်အတန်းမျိုး ပြသလာနိုင်စေရန်၊ တိုင်းပြည်နှင့်လူမျိုးအတွက် ဘောလုံးအောင်မြင်မှုဖြင့် ပိုမိုပေးဆပ် ကြိုးစားလိုသည့် ကစားသမားများ တိုးတက်များပြား လာစေရန်နှင့် ဘောလုံးကို ချစ်မြတ်နိုးသည့် လူငယ်ဘောလုံးသမားကောင်းများ ပိုမိုပေါ်ထွက်လာစေရန် ရည်ရွယ်၍ ကစားသမားများ၏လစာကို နှုန်းထားတစ်ခုဖြင့် လျှော့ချသတ်မှတ်ရန် မြန်မာနိုင်ငံ ဘောလုံးအဖွဲ့ချုပ်၊ မြန်မာနေရှင်နယ်လိဂ် ကော်မတီနှင့် ကလပ်အသင်းပိုင်ရှင်များ၊ ဘောလုံးသမားများ တွေ့ဆုံညှိနှိုင်းခဲ့ခြင်းဖြစ်ကြောင်း သိရသည်။