မြန်မာဆေးပညာရှင် ဦးဆောင်သော ဖော်ထုတ်တွေ့ရှိချက် အသစ် (သို့မဟုတ်) ရှားပါးရောဂါစု တစ်မျိုးနှင့် ရင်သားကင်ဆာတို့ ဆက်စပ်နေကြောင်း တွေ့ရှိ



ရှားပါးရောဂါစု တစ်မျိုးနှင့် ပန်ကရိယကင်ဆာ၊ ရင်သားကင်ဆာတို့ ဆက်စပ်နေကြောင်း သုတေသန တွေ့ရှိချက် အသစ်တစ်ခုကို မြန်မာ ဆေးပညာရှင်တစ်ဦး ဦးဆောင်သော သုတေသနအဖွဲ့မှ ဖော်ထုတ်နိုင်ခဲ့ပြီး အဆိုပါတွေ့ရှိချက်ကို နိုင်ငံတကာ သတင်းမီဒီယာများ၌ ထိပ်တန်း သတင်းအနေဖြင့် ဖော်ပြခဲ့ကြောင်း သိရှိရသည်။ အဆိုပါ သုတေသနတွေ့ရှိချက် အသစ်ကို အမေရိကန်နိုင်ငံ ကင်ဆာ ရောဂါပညာရှင်များအဖွဲ့( American Society of Clinical Oncology) မှ ထုတ်ဝေသည့် ထိပ်တန်းဆေးသိပ္ပံဂျာနယ် Journal of Clinical Onco- logy  ၌ ဖေဖော်ဝါရီလ ၁၃ရက်နေ့တွင် ဖော်ပြခဲ့ပြီး ရိုက်တာသတင်းဌာနနှင့် Sky News ၊ Fox News ၊ Science Daily  အစရှိသော မီဒီယာများ အပါအ၀င် နိုင်ငံတကာသတင်းမီဒီယာများတွင်လည်း ယခုရက်ပိုင်းအတွင်း ဆက်တိုက်ဖော်ပြခဲ့ကြသည်။

အောက်ဆိုက်ရှိလား(သူရိယမျိုး)

ပထမဆုံး အလုပ် စ၀င်သူတစ်ယောက်ကို သူ့မိတ်ဆွေများက လခဘယ်လောက်ရသလဲဟုမေးလေ့ရှိပါသည်။ တဆက်ထဲ၌ ထုံးတမ်းစဉ်လာဖြစ်နေသော နောက်ဆက်တွဲမေးခွန်းဖြင့် ထပ်မံစူးစမ်းကြပြန်သည်။ လစာအပြင် အောက်ဆိုက်ရော ရှိသေးလား..ဟူသတတ်။
အကယ်၍ လစာအရင်းကဘယ်လောက်၊ အပိုအောက်ဆိုက်ကမည်မျှဆိုကာ ခွဲခြားပြလိုက်လျှင် ကြားရသူများက ကျေနပ်ဝမ်းမြောက်သောအပြုံးဖြင့် နှစ်လိုဖွယ်တုန့်ပြန်တတ်ကြသည်။ ထိုသို့ အောက်ဆိုက်ရှာသူများကို လွဲမှားစွာ အသိအမှတ်ပြုလိုက်ခြင်းသည် ကျွန်တော်တို့ပတ်ဝန်းကျင်၌ အောက်ဆိုက်ယဉ်ကျေးမှု ထွန်းကားခြင်း၏ အခြေခံအချက် ဖြစ်သည်။
ထိုဘေးပေါက်ရသောဝင်ငွေကို မည်သူကစ၍ အောက်ဆိုက် ဟုခေါ်သလဲမသိပါ။ အရင်ကတော့ လက်ဖက်ရည်ဖိုးဟု ချိုချိုသာသာ ခေါ်ကြသည်။ ဖြစ်နိုင်သည်မှာ လာဘ်စယူစဉ်က အမှန်တကယ်လက်ဖက်ရည်ဖိုးလောက်သာ တောင်းခဲ့ကြဟန် တူသည်။

ကချင်ပြည်နယ် မနောကွင်းတွင် ဖေဖော်ဝါရီလ ၂၃ ရက်နေ့ညက ပြုလုပ်သော ညစာစားပွဲသို့ ဒေါ်အောင်ဆန်းစုကြည် တက်ရောက်

ကချင်ပြည်နယ်၊ မနောကွင်းအတွင်းရှိ မဂျွယ်ခန်းမတွင် ဖေဖော်ဝါရီလ ၂၃ ရက်နေ့ညက ပြုလုပ်သော ညစာစားပွဲသို့ ဒေါ်အောင်ဆန်းစုကြည် တက်ရောက်ခဲ့ကြောင်း သတင်းရရှိသည်။ ညစာစားပွဲကို ဖေဖော်ဝါရီလ ၂၃ ရက်နေ့ည ၈ နာရီခွဲတွင် ပြုလုပ်ပြီး ၁၀ နာရီတွင် ပြီးဆုံးခဲ့ကြောင်း သိရသည်။ ယင်းညစာစားပွဲသို့ ပင်လုံညီလာခံ လက်မှတ်ရေးထိုးရာတွင် ပါဝင်ခဲ့သော ကချင်တိုင်းရင်းသား ခေါင်းဆောင်များ၏ ဆွေမျိုးများပါ တက်ရောက်ခဲ့ကြောင်း သိရသည်။

အငှားယာဉ် အရှိန်လွန် ဓာတ်တိုင်တိုက်မိ၍ ယာဉ်မောင်းသေ ခရီးသည်နှစ်ဦး ဒဏ်ရာရ

ရန်ကုန်၊ဖေဖော်ဝါရီ-၂၀

ရန်ကင်းမြို့နယ် ကမ္ဘာအေးဘုရားလမ်း ၁၀၆ မှတ်တိုင်အနီးတွင် အငှားယာဉ်တစ်စီး အရှိန်လွန်ကာဓာတ်တိုင်ဝင်တိုက်မိ၍ ယာဉ်မောင်းသေဆုံးသွားကြောင်း ကြိုး မဲ့ကြေးနန်းနှင့် ယာဉ်ထိန်းတပ်ဖွဲ့မှူးရုံးမှ သတင်းရရှိသည်။
ဖေဖော်ဝါရီ ၁၉ ရက် ညနေ ၅ နာရီ ၄၅ မိနစ်အချိန်တွင် ရန်ကုန်မြို့ထဲမှ ကမ္ဘာအေးလမ်းအတိုင်း မောင်းနှင်လာသော ပ/၉၁၈၂ ကရီနားဆလွန်းအဖြူ အငှားယာဉ်သည် အရှိန်လွန်ကာ ယာဘက်ဓာတ်တိုင်ကို တိုက်မိသဖြင့် ယာဉ်ထက်ပိုင်းပြတ် ပျက်စီးကာ ယာဉ်မောင်းဖြစ်သူ အွစ်မန်အလီဆိုသူမှာလည်း ပြင်းထန်စွာ ဒဏ်ရာရရှိပြီး  အခင်းဖြစ်ပွားရာ နေရာတွင်ပင်သေဆုံးသွားခဲ့သည်။

အမှားများနဲ့ နေသားကျနေတဲ့လူ(မောင်စံပေါ)



(၁) ပြောရရင်တော့ ခရီးထွက်ခဲ့မိတာက စရမှာ။ အောင်မင်္ဂလာ အဝေးပြေးဂိတ်သွားဖို့ တက္ကစီကားငှားပြီး လာခဲ့တယ်။ ဟိုမေး ဒီမေး ဟိုပြော ဒီပြောလုပ်တတ်တာက အသက်ကြီးမှ ဖြစ်လာတဲ့အကျင့်တစ်ခု။ လမ်းမှာကတည်းက ယာဉ်မောင်းက နားကြားပြင်းကပ်နေလောက်ပြီ။ ''ဟာ ဟိုကားက လိုင်းမှားနေတယ်''၊ ''တယ် ဒီကောင်လေး ကွေ့ကြောကနေ တည့်တည့်ထွက်ပြန်ပြီ'' ''အချက်မပြဘဲနဲ့ ဒီလိုချက်ချင်းရပ်လို့ရမလား'' ဘာညာတွေက များတာကိုး။ တော်တော်လေးကြားပြီးချိန်မှာ ယာဉ်မောင်းက တစ်ခွန်းပြောတယ် ''ဆရာကြီး လူတွေတော်တော်များ များက ဒီလိုဘဲမောင်းနေကြတာ''တဲ့။ ဒါနဲ့ ကိုယ်ကပိုက်ဆံပေး ငှားလာတဲ့ယာဉ်မောင်းက ကြာရင် အမြင်ကပ်ရော့မယ်ဆိုပြီး ပါးစပ်ကို ဘရိတ်အုပ်ခဲ့ရတယ်။ အောင်မင်္ဂလာ ၀င်ပါရော။ ''ဆရာကြီး ဘယ်ဂိတ်လဲ'' ယာဉ်မောင်းရဲ့အမေးကို သွက်သွက်လက်လက်လေး ဖြေပေးလိုက်တယ်။ ''အီလစ် အီလစ်။''ယာဉ်မောင်းရဲ့မျက်နှာမှာ နည်းနည်းရှုပ်သွားပုံပေါ်တယ်။ သေသေချာချာ မကြားမိတာ လည်းဖြစ်နိုင်တာပါပဲ။ ''ဆရာကြီးလက်မှတ်လေးပြပါဦး''တဲ့။ လက်မှတ်လည်းပြလိုက်ရော ''ဟာ ဆရာကြီးကလည်း အီလိုက်ဆိုပြောရင် သိတာပေါ့ဗျာ။ ဒီမှာရေးထားတယ်လေ အီး အယ် အိုင် တီ အီး မတွေ့ဘူး လား။''မောင်စံပေါလည်း အင်္ဂလိပ်စာလေးတောင် မှန်အောင်အသံမထွက်တတ်တဲ့ကောင် ဖြစ်သွားတယ်။ ဖြတ်ကနဲ ''အီလိုက် မဟုတ်ဘူးကွ သူငယ်ချင်းရ အီလစ်လို့ အသံထွက်တယ်'' ဆိုပြီး အမှန်ပြင်ပေးခဲ့တဲ့ နိုင်ငံခြားပြန် ပါရဂူသူငယ်ချင်းရဲ့ မျက်နှာကို ပြေးမြင်မိတယ်။ ငါအမှန်အသံထွက်မိတာများ မှားသွားလေသလား။ (၂) မောင်စံပေါတို့ အင်မတန်ဂုဏ်ယူတဲ့ ယဉ်ကျေးမှုမြို့တော်ကြီးကို ၀င်ဖြစ်ပါတယ်။ ယာဉ်မောင်းကတော့ သူ့အလုပ်ကို သူလုပ်လို့ တည်တည်ငြိမ်ငြိမ်ပါပဲ။ မတည်ငြိမ်တာက ဟောဒီ ကောင် ''စိတ်'' ထဲနေက မောင်းလိုက်၊ လီဗာနင်းလိုက်၊ ဘရိတ်အုပ်လိုက်၊ စတီယာရင်ဘီးကို ဟိုလှည့်လိုက် ဒီလှည့်လိုက်။ တိုက်မိတာတွေနဲ့ မနည်းမနော။

မြန်မာ့ပင်လယ်ပြင်တွင် ငါးသလောက် မျိုးပြုန်းတီးလုနီးပါး အခြေအနေနှင့် ရင်ဆိုင်နေရ



မြန်မာ့ပင်လယ်ပြင်အတွင်း ငါးဖမ်းပိုက်များပြောင်းလဲကာ ငါးဖမ်းဆီးမှုကြောင့် ငါးသယံဇာတများ ပြုန်းတီးမှုနှင့်အတူ ငါးသလောက် ငါးမျိုးပြုန်းတီးလုနီးပါး အခြေအနေနှင့် ရင်ဆိုင်နေရကြောင်း သိရှိရပါသည်။ ''အရင်တုန်းကဆိုရင် ရေပေါ်ငါးမျိုးဖြစ်တဲ့ ငါးသလောက်ကို ၄ ဒသမ ၃ လက်မ အရွယ်ရှိတဲ့ ပိုက်ကွက်တွေနဲ့သာ ဖမ်းတာကြောင့် အရွယ်ရောက်ပြီးတဲ့ ငါးသလောက်တွေကို သာဖမ်းမိပြီး အကောင်ပေါက်တွေကတော့ လွတ်မြောက်သွားနိုင်ပါတယ်။ အခုဖမ်းနေတဲ့ ပိုက်ဖြစ်တဲ့ ၀ိုင်းချုပ်ပိုက်ဆိုရင် အရွယ်အစားက တစ်လက်မခန့်လောက် ရှိပါတယ်။ ဒီတော့ ဖမ်းတဲ့နေရာမှာ ငါးအကောင် ပေါက်လေးတွေပါ ဖမ်းမိတဲ့ထဲ ပါကုန်ပါတယ်။ ငါးသလောက်ငါးမျိုးဆို အခုဆိုရင် တဖြည်းဖြည်း ရှားပါးလာပြီး အခြေအနေ တော်တော်ဆိုးနေပါပြီ''ဟု ငါးလုပ်ငန်းအဖွဲ့ချုပ်မှ တာဝန်ရှိသူတစ်ဦးက ပြောကြားခဲ့သည်။

အမေရိကန်အခြေစိုက် Visa ကုမ္ပဏီက စီးပွားရေးပိတ်ဆို့မှု ရုပ်သိမ်းသည်နှင့် လုပ်ငန်းဆောင်ရွက်နိုင်ရန် ပြည်တွင်းဘဏ်အချို့နှင့် ချိတ်ဆက်လာ



အမေရိကန်နိုင်ငံအခြေစိုက် Visa  အကြွေးဝယ်ကတ်လုပ်ငန်းက မြန်မာနိုင်ငံအပေါ် စီးပွားရေးပိတ်ဆို့မှုရုပ်သိမ်းသည်နှင့် လုပ်ငန်းဆောင် ရွက်နိုင်ရန် ပြည်တွင်းဘဏ်အချို့နှင့် ချိတ်ဆက်ဆွေးနွေးလာကြောင်း ဘဏ်လုပ်ငန်း အသိုင်းအ၀ိုင်းထံမှ သတင်းရရှိပါသည်။ ''Visa  ကုမ္ပဏီက ပြည်တွင်းဘဏ်တွေနဲ့ ဆွေးနွေးသွားပါတယ်။ သူတို့က စီးပွားရေးပိတ်ဆို့မှုရုပ်သိမ်း သွားပြီဆိုတာနဲ့ ၀င်လာနိုင်အောင် ပြင်ဆင်လာတဲ့အခြေအနေပါ။ တခြားနိုင်ငံတွေက အကြွေးဝယ်ကတ်လုပ်ငန်းတွေ လည်း မြန်မာပြည်ဈေးကွက်ကို တော်တော်စိတ်ဝင်စားနေတာ တွေ့ရတယ်''ဟု အဆိုပါလုပ်ငန်းများနှင့် ဆွေးနွေးရာတွင် ပါဝင်သည့်ပုဂ္ဂလိကဘဏ်တစ်ခုမှ  ပြောကြားပါသည်။

ဗဟန်းမြို့နယ်တွင် နေအိမ်အတွင်းသို့ လူအစုလိုက် ဝင်ရောက် ရိုက်နှက်မှု ဖြစ်ပွား

ရန်ကုန်တိုင်း ဒေသကြီး၊ ဗဟန်းမြို့နယ်၊ ဆရာစံတောင်ရပ်ကွက် ဦးအောင်ကျော်ဖြူလမ်း အိမ်အမှတ် (-) တွင် ၁၇-၂-၂ဝ၁၂ ရက် ည ၈ နာရီခန့်က နေအိမ်အတွင်းသို့ လူအစုလိုက် ဝင်ရောက်ကာ ရိုက်နှက်မှု ဖြစ်ပွားခဲ့ကြောင်း သိရသည်။ အဆိုပါ အခင်းဖြစ်ပွားချိန်တွင် ဝင်ရောက်ရိုက်နှက်မှု ဖြစ်သည့် အိမ်၌အသက် ၁၆ နှစ်မှ ၂၅ နှစ်ကြား လူငယ်ခြောက်ဦး ရှိနေရာ ရိုက်နှက်မှုကြောင့် နှစ်ဦး(ပုံ)မှာ ရန်ကုန်ဆေးရုံကြီး၊ ဦးနှောက်နှင့် အာရုံကြော ဌာနတွင် အတွင်းလူနာအဖြစ် တက်ရောက် ကုသလျက်ရှိကြောင်း သိရသည်။

Hot News မမ နှင့် ရွှေနံသာရွာမှ လယ်သူမလေး နှင်းနန္ဒာ

Hot Newsသတင်းဂျာနယ်မှ သတင်းမှား၊ သတင်းလွဲများ ဖော်ပြခြင်း မရှိကြောင်းနှင့် ရွှေနံသာရွာမှာ လယ်သူမလေး နှင်းနန္ဒာ တကယ်ရှိမရှိ

 ရွှေနံသာရွာမှာ လယ်သူမလေး နှင်းနန္ဒာ

မေး-   ညီမနာမည်ဘယ်လို ခေါ်လဲ.မှတ်ပုံတင်နံပါတ်-
ဖြေ- နှင်းနန္ဒပါရှင်။
မေး- ညီမအမျိုးသားနာမည် ကရော။
ဖြေ- ဦးကျော်ဟိန်းပါ။
မေး- အိမ်မှာလင်မယားနှစ် ယောက်ထဲနေတာလား။
ဖြေ- ကျွန်မရဲ့ယောက္ခမ၊ ဦး ကျော်ဟိန်းရဲ့အဖေ ဦးဗြိုးနဲ့နေ ပါတယ်။
မေး- အစ်မတို့နှစ်ယောက် အင်တာဗျူးတဲ့ကိစ္စနဲ့ပတ် သက်လို့ မရှိဘူးဆိုတာကို ပြောခံရတဲ့အခါ ဘယ်လို ခံစားရလဲ။

ရန်ကုန်မြို့ကို စင်ကာပူကဲ့သို့ စတင်အကောင်အထည်ဖော်ပြီ

ရန်ကုန်မြို့ 

ရန်ကုန်တိုင်းဒေသကြီးကို စင်ကာပူနိုင်ငံကဲ့သို့ ဖြစ်လာစေရန် ရန်ကုန်မြို့တော် မြို့ပြစီမံကိန်း ရေးဆွဲရေးကော်မတီကို ဖွဲ့စည်းပြီး စတင်အကောင်အထည်ဖော်ဆောင်ရွက်နေပြီဖြစ်ကြောင်း မြို့တော်ဝန်ဦးလှ မြင့်က ပြောသည်။

ရန်ကုန်တိုင်းဒေသကြီး အစိုးရအဖွဲ့မှ ၂၀၁၁ ခုနှစ် နိုဝင်ဘာ ၉ ရက်တွင် ရန်ကုန်မြို့တော် မြို့ပြစီမံကိန်း ရေးဆွဲရေးကော်မတ်ီကို ဖွဲ့စည်းခဲ့ပြီး ယင်းအဖွဲ့မှ ကွန်ဆက် Plan များကို စတင်ရေးဆွဲနေပြီဟု သိရသည်။

NLD ရှုံးလျှင် ပြဿနာပေါ်နိုင်ဟု ကြံ့ခိုင်ရေးပါတီ ဆို

ကြားဖြတ် ရွေးကောက်ပွဲ၌ အမျိုးသားဒီမိုကရေစီ အဖွဲ့ချုပ် (NLD) ရှုံးနိမ့်ပါက ပြဿနာ ဖြစ်ပေါ်နိုင်ကြောင်း ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ခိုင်ရေးပါတီ)၏ ရွေးကောက်ပွဲ အောင်နိုင်ရေး အစည်းအဝေး မှတ်တမ်း၌ ရေးသားထားသည်။

“NLD ပါတီရှုံးလျှင် ပြဿနာရှာမည်၊ အနောက်နိုင်ငံများက ဝေဖန်မည်၊ သူတို့နိုင်လျှင် တရားတယ် ပြောမည်၊ သို့ဖြစ်၍ မိမိတို့ဘက်က အမှားမရှိစေရေး၊ တရားဥပဒေ ဘောင်အတွင်းက အလေးထား လုပ်ဆောင်ရမည်” ဟု ကြံ့ခိုင်ရေးပါတီ၏ ဒု ဥက္ကဋ္ဌ သူရဦးရွှေမန်းက အထူး အစည်းအဝေး၌ ပြောဆိုခဲ့ကြောင်း ရေးသားထားသည်။
အင်တာနက် စာမျက်နှာများတွင်ပျံ့နှံ့နေသည့် ကြံ့ခိုင်ရေးပါတီ၏ စာမျက်နှာ ၁၃ မျက်နှာရှိ ယခုလဆန်းက ပြုလုပ်သည်ဆိုသော ရွေးကောက်ပွဲ အောင်နိုင်ရေးအစည်းအဝေး မှတ်တမ်း၌ အထက်ပါအတိုင်း ရေးသားထားခြင်း ဖြစ်သည်။

Orchid Hotel မှ မြန်မာအမျိုးသမီး ၀န်ထမ်းနှင့် ဂျပန်နိုင်ငံသားတို့ နှစ်ဦး အပြန်အလှန် တရားစွဲဆိုထားသည့် အမှုကို တရားရုံးမှ ဖေဖော်ဝါရီလ ၂၉ ရက်နေ့တွင် စတင်စစ်ဆေးမည်



Orchid Hotel မှ မြန်မာအမျိုးသမီး ၀န်ထမ်းတစ်ဦးနှင့် ဂျပန်နိုင်ငံသားတို့ နှစ်ဦးအပြန်အလှန် အမှုဖွင့်ပြီး တရားစွဲဆိုထားသည့် ဖြစ်စဉ်ကို ဖေဖော်ဝါရီလ ၂၉ ရက်နေ့ တွင် ပုဇွန်တောင်တရားရုံးမှ စတင် စစ်ဆေးသွားမည် ဖြစ်ကြောင်း သိရှိရသည်။ ပုဇွန်တောင်တရားရုံးမှ အဆိုပါဖြစ်စဉ်မှ တရားခံ၊ တရားလိုများ ကို တရားရုံးသို့ ဖေဖော်ဝါရီလ ၂၂ ရက်က ခေါ်ယူခဲ့ပြီး၊ နှစ်ဘက်မှ အကျိုးဆောင်မည့်ရှေ့နေ့များက ကိုယ်စားလှယ်အဖြစ် လိုက်ပါဆောင်ရွက် ရန် တရားရုံးသို့ လျှောက်ထားခဲ့ခြင်း၊ စကားပြန်များထားရှိရန်နှင့် ပတ်သက်သည့် အကြောင်းအရင်းများ ကြောင့် ဖေဖော်ဝါရီလ ၂၉ ရက်နေ့၌ စတင် စစ်ဆေးရန် ချိန်းဆိုခဲ့ကြောင်း ပုဇွန်တောင်တရားရုံးနှင့် ရှေ့နေ့ထံမှ သိရှိရသည်။

ပြည်သူ့လွှတ်တော်ဥက္ကဋ္ဌ သူရဦးရွှေမန်းနှင့် ကိုယ်စားလှယ်များ တရုတ်ပြည်သူ့သမ္မတနိုင်ငံသို့ ရောက်ရှိနေ

ပြည်သူ့လွှတ်တော်ဥက္ကဋ္ဌ သူရဦးရွှေမန်း ယူနန်နိုင်ငံခြားရေးရုံး ညွှန်ကြားရေးမှူးချုပ်၊ ယူနန်ပြည်နယ် ပြည်နယ်ပြည်သူ့ကွန်ဂရက် နိုင်ငြာံခးရေးဌာနမှူးတို့နှင့် တွေ့ဆုံဆွေးနွေးနေစဉ် ပြည်သူ့လွှတ်တော်ဥက္ကဋ္ဌ သူရဦးရွှေမန်းနှင့် ကိုယ်စားလှယ်များသည် တရုတ်ပြည်သူ့သမ္မတနိုင်ငံ အမျိုးသားပြည်သူ့ကွန်ဂရက်ဥက္ကဋ္ဌ Wu Bangguo ၏ ဖိတ်ကြားချက်အရ မြန်မာနိုင်ငံမှ ဖေဖော်ဝါရီလ ၂၂ ရက်နေ့က ထွက်ခွာလာခဲ့ပြီး ယခုအခါ တရုတ်ပြည်သူ့သမ္မတနိုင်ငံ ပေကျင်းမြို့သို့ ရောက်ရှိနေပြီ ဖြစ်သည်။ ပြည်သူ့လွှတ်တော်ဥက္ကဋ္ဌ သူရဦးရွှေမန်းနှင့်ကိုယ်စားလှယ်များသည် ဖေဖော်ဝါရီလ ၂၂ ရက်နေ့မှ ၂၆ ရက်နေ့အထိ တရုတ်ပြည်သူ့သမ္မတနိုင်ငံသို့ ချစ်ကြည်ရေးခရီးအဖြစ် တရုတ်ပြည်သူ့သမ္မတနိုင်ငံ အမျိုးသားပြည်သူ့ ကွန်ဂရက် ဥက္ကဋ္ဌ Wu Bangguo ၏ ဖိတ်ကြားချက်အရ ရောက်ရှိနေခြင်းဖြစ်သည်။

ကိုရမ် (Qur’an) မီးရှို့မှု အိုဘားမားတောင်းပန်

အာဖဂန်နစ္စတန် နိုင်ငံမှာရှိတဲ့ မြောက်အတ္တလန်တိတ် စာချုပ်အဖွဲ့ (NATO) စစ်စခန်းတခုမှာ အစ္စလာမ် ကိုရမ်ကျမ်းစာတွေကို မီးရှို့ဖို့ ကြိုးပမ်းတယ်ဆိုတဲ့ ကိစ္စနဲ့ ပတ်သက်လို့ တမင်သက်သက် မရည်ရွယ်ဘဲ ဘာသာရေးပစ္စည်းတွေကို ထိခိုက်မိတဲ့ အဖြစ်အပျက်တခုအဖြစ် အမေရိကန် သမ္မတ ဘရက်ခ် အိုဘားမားက တောင်းပန်စာတစောင် ပေးပို့ခဲ့ကြောင်း အာဖဂန် သမ္မတ Hamid Karzai ရဲ့ ရုံးက ပြောပါတယ်။
အဖြစ်အပျက်နဲ့ ပတ်သက်လို့ မကျေမနပ် ဆန္ဒပြပွဲတွေ ဖြစ်ပွားနေချိန်မှာပဲ နိုင်ငံအရှေ့ပိုင်းမှာ အာဖဂန် စစ်ဝတ်စုံ ဝတ်ဆင်ထားသူ တယောက်ရဲ့ပစ်ခတ်မှုကြောင့် ညွန့်ပေါင်း တပ်ဖွဲ့ဝင် ၂ ဦး သေဆုံး သွားခဲ့ကြောင်းလည်း NATO တာဝန်ရှိသူတွေက ကြာသပတေးနေ့မှာ ပြောခဲ့တာပါ။

ထိုင်းနိုင်ငံ အုန်းဖြန်ဒုက္ခသည်စခန်း မီးလောင်

ဓာတ်ပုံ AP

ဒီနေ့ နေ့လည် မွန်းတည့်ချိန်လောက်က ထိုင်းမြန်မာနယ်စပ် တပ်ခ်ခရိုင်ထဲက လူဦးရေ သောင်းနဲ့ ချီ ပြီးရှိတဲ့ အုန်းဖြန် ဒုက္ခသည်စခန်းက ရပ်ကွက် ၄ ခု လောက် မီးလောင်ခဲ့တဲ့ အတွက် ဒုက္ခသည် ထောင်နဲ့ ချီပြီးတော အိုးမဲ့အိမ်မဲ့  ဖြစ်သွားကြပါတယ်။ ဒီအကြောင်းကို ဗီအိုအေ ထိုင်းအခြေစိုက် သတင်းထောက် မအေးအေးမာ ကသတင်းပေးပို့ထားပါတယ်။
ထိုင်းမြန်မာနယ်စပ် တပ်ခ်ခရိုင်ထဲက ဒုက္ခသည် စခန်း တစ်ခုဖြစ်တဲ့ အုန်းဖြန် စခန်းမှာ ဖေဖေါ်ဝါရီလ ၂၃ ရက် နေ့လည် ၁၂ နာရီကျော်အချိန်က စပြီး မီးစတင်လောင်ခဲ့တဲ့အတွက် ရပ်ကွက် ၄ ခုမှာ   အိမ်တွေ မီးလောင် သွားခဲ့ရပါတယ်။