ဆြာဒင်နှင့် LIKE ကို LIKE ကြသူများ

(တစ်)
ဆြာဒင့်အိမ်နောက်က တောအုပ်ငယ်မှာ ပိန်းပိတ်အောင် မှောင်မိုက်နေ၏။ ပုစဉ်းရင်ကွဲသံ မှအပ  ပတ်ဝန်းကျင်တစ်ခုလုံး တိတ်ဆိတ်ငြိမ်သက်နေသော အကာလညအခါပေတည်း။ သက်ကြီးခေါင်းချချိန်လွန်ခဲ့ပြီ။ အိပ်ရာအနီးစားပွဲပေါ်မှ ဖွင့်လျက်သားကွန်ပျူတာနှင့်ကပ်လျက်ရှိသော မှိန်ပျပျစာကြည့်မီး အလင်းရောင်လဲ့လဲ့အောက်တွင် ဆြာဒင်တစ်ယောက်အိပ်၍ မပျော်နိုင်သေးချေ။ အိပ်ရာပေါ်တွင်လဲလျောင်းလိုက်၊ကွန်ပျူတာရှေ့တွင်ထထိုင်လိုက်ဖြင့် ဖေ့စ်ဘွတ်ခ်နှင့်အလုပ်ရှုပ်လျက်ရှိ၏။အထူးသဖြင့် ကွန်ပျူတာဆီမှတိန်ခနဲ အသံကြားလျှင် ဆြာဒင်သည် ဆတ်ခနဲကွန်ပျူတာဆီသို့ ထသွားကာ မောက်စ်ခလုတ်ကို ကောက်ကိုင်လှုပ်ယမ်းရင်းတစ်စုံတစ်ခုသောအာရုံတွင် စိတ်ဇောကပ်လျက်ရှိ၏။
ဆြာဒင်၏စိတ်ဇောအာရုံကို ဖမ်းစားညှို့ယူ၊ ရတက်ပူစေသည် ကား LIKE ဟူသောအရာပေ တည်း။ ဖေ့စ်ဘွတ်ခ်လောကတွင် LIKE သည်လွန်စွာအဖိုးတန်လှ ၏။ LIKE များများရရေးသည် အရေးကြီး၏။ LIKE သည်သာ ဆြာဒင့်ဘဝ၊ LIKE သည်သာ ဆြာဒင်၏ကိုးကွယ်ရာပေတည်း။
လွန်ခဲ့သောနာရီဝက်ခန့်က ဆြာဒင်၏ဖေ့စ်ဘွတ်ခ်တွင် ဆြာ ဒင်တင်ခဲ့သော စတေးတပ်က ‘ဝတ်ကြောင်ကိုလွတ်အောင်ရုန်း မယ်လို့ကတုံးစိန်ကကြံ’ဟူ၏။ ရှေးခေတ်ဗမာဇာတ်မင်းသားကြီး ဦးစိန်ကတုံး၏ ညီတော်မင်းနန် နှစ်ပါးသွားမြိုင်ထသီချင်းမှ အပိုင်းအစတစ်ခုမျှသာဖြစ်လေသည်။ ယင်းစတေးတပ်တင်ပြီးသည်၏ နှစ်မိနစ်မရှိတရှိမှာပင် LIKE သူဦးရေငါးဆယ်ကျော်လေပြီ။ တစ်ဦးသောဖေ့စ်ဘွတ်ခ်မိတ်ဆွေကမူဆြာဒင်၏စတေးတပ်ကို မည်သို့သဘောပေါက်လေသည်မသိ။ ‘သြော် . . . ဆြာဒင် ကတုံးကေနဲ့ဖြစ်သွားပြီကိုး’ဟု Comment မှတ်ချက်ပြု၏။ ကိစ္စမရှိလေ။ ဆြာဒင့်မျှော်လင့်သည့်အဓိက အချက်မှာLIKE များများရရေးသာမဟုတ်တုံလော။

ဆြာဒင်၏ ခြေဥတရားစီရင်ခန်း

(၁)
‘ဃရာဝါသော ဗဟုကိစ္စော’ကိစ္စမြားမြောင်လူတို့ဘောင် ဟု ပညာရှိတို့  ဆိုကြလေသောကြောင့် အသက်အရွယ်ထောက်လာသော ဆြာဒင်တစ်ယောက် လောကီအရေးတို့ကို  အထိုက်အလျောက် အာရုံနည်းလာသည်ကားအမှန်ဖြစ်၏။ သျှောင်တစ်ထုံးအဆုံးခံကာ စိပ်ပုတီးနှင့် ရိပ်ကြီးခိုလိုသော်ငြား ‘တောခိုချင်စိတ်ကယ်နဲ့ သပိတ်ကိုလွယ်သရေနွယ်ကွဲ့ရှာတုန်း။ ချောင်အနီးမှာလ။ မောင်ကြီးကို တစ္ဆေကိုက်လိမ့်မယ် မင်းလိုက်ခဲ့ဦး’ဟူ၍ စာချိုးကာ အဖော်ခေါ်ရမည်ဖြစ်လေရာ ဖ၀ါးခြေထက်ကြပ်မကွာရေပူရေချမ်းကမ်းလှမ်းရန်လိုက်ပါကြမည့် မော်ဒယ် အလှကပ္ပိယတစ်ပြုံတစ်မကြီးဖြင့်မူ မသင့်တော်လေရကား ဧကစာရီတောမှီလိုသည့် မဟာအလောင်းတော်တို့၏ စိတ်ထားမျိုးကို အတန်တန်ချိုးနှိမ်နေရပြန်ချေ၏။
  ထိုသို့လျှင် ဆြာဒင်တစ် ယောက်ရှုပ်ထွေးပွေလီလှသည့် လောကီထုပ္ပတ်လူတို့ဇာတ်နှင့်  တတ်နိုင်သမျှ ကင်းအောင်ရှောင် ကာ ယိုးဒယားပြည် ဖူးခက်မြို့ အမ်မခန်အရပ်ရှိ နှစ်ထပ်အိမ်အို ကြီးပေါ်တွင် မြင်မြင်သမျှသင်္ခါရ  ပေတကားဟု ဓမ္မာနုဿတိတရား ပွားများလျက် ရှိနေချိန်တစ်ခုသော နံနက်ခင်းတွင် အိမ်အောက် ထပ်ဆီမှ အုန်းအုန်းကျွက်ကျွက်ဆူညံသော ငြင်းခုံသံများကြားရလေရာ   လက်စွဲတော်တပည့်ကျော်သုံးဦးနှင့် မျက်နှာစိမ်းလူငယ်တို့ကို  တွေ့မြင်ရလေ၏။ ဆြာဒင်၏  အိမ်ဂေဟာကား ၎င်းတို့အတွက် သာလာယံဇရပ်မျှသာတည်း။
‘‘ပြင်စရာမလိုဘူးလေ’’
‘‘ပြင်မှဖြစ်မှာပေါ့ဗျာ’’
‘‘မပြင်လို့ ဘယ်ဖြစ်မလဲ’’
‘‘ခင်ဗျားတို့ ဆြာဒင့်အားကိုး ၊လူအုပ်ကြီးအားကိုးနဲ့ အနိုင်မ ကျင့်ကြနဲ့နော်။ ဘာမှပြင်စရာမ လိုဘူးဗျ။ ဒီအတိုင်းပဲကောင်းပါ တယ်’’
သူ့လူကိုယ့်လူ အချေအတင် ဖြစ်နေချိန်ဖြစ်ရကား ကြားဝင်ရန် လက်လှသဖြင့် ဆြာဒင်ခမျာ လှေ ကားခြေရင်းမှာ ငူငူကြီးရပ်နေရင်း အကြောင်းခြင်းရာ အဖြစ်သနစ်စုံ ကို ပညာရှိသုခမိန်ဂိုက်ဖမ်းလျက် မေးမြန်းသမှုပြုရလေ၏။
  ‘‘မကောင်းရင်ပြင်ပေါ့။ ကောင်းရင် ဒီအတိုင်းထားလိုက် ကြပေါ့မောင်တို့ရာ။ ဒါနဲ့ ဘာကို ပြင်မှာတုံး။  ဘာကိုမပြင်ချင်တာ တုံး မြွက်ကြပါစံ့’’

ပြင်ပြင်၊ မပြင်ပြင် ..... ငါ့ထိုင်ခုံ ပြန်ပေး

ဒီရပ်ကွက်လေးက လူတော်တော် စုံတယ်။ ကြံ့ခိုင်ရေးလည်း ရှိတယ်။ အန်အယ်လ်ဒီလည်း ရှိတယ်။ ရာအိမ်မှူးတွေ ရှိတယ်။ စီအိုင်ဒီက ရဲမေလည်း ရှိတယ်။ စစ်သား မိန်းမလည်း ရှိတယ်။ စွမ်းအားရှင် လိုလိုတွေ၊ အရန်မီးသတ်လိုလို တွေကလည်း ရှိတယ်။

သူတို့တွေရှိတာ ပျော်စရာ သိပ်ကောင်းတာပဲ။ တစ်ယောက်နဲ့ တစ်ယောက် မှိုချိုးမျှစ်ချိုး ပြောကြတယ်။

ကိုထွေးကို ကိုညိုက “ဖွတ်မျိုးတွေ” လို့ ခေါ်တယ်။ ကိုထွေးကတော့ ကိုညိုကို ဒီလိုပြောတယ်။ “ထဘီ လိုက်ဆွဲနေတဲ့ အကောင်” တဲ့။
ကိုညိုကတော့ သူ့ကိုယ်သူ ဒီမိုမောင်ညိုလို့ ကင်ပွန်းတပ်တယ်။
ကိုထွေးကတော့ “မောင်ညိုက ဒီမို မဟုတ်ဘူး။ ဟိုမိုကွ။ ခြောက်နေတာ” လို့ ပြောတယ်။

ဟိုးအရင် အစိမ်းရောင် ခေတ်တုန်းကတော့ ရပ်ကွက်ထဲမှာ အရန်မီးသတ်ယောင် ဆောင်ထားတဲ့ စွမ်းအားရှင်တွေနဲ့ သူတို့ကို နောက်ကွယ်က ထိန်းချုပ်ထားတဲ့ အမျိုးသား နိုင်ငံရေးအသင်းက လူတွေကို ကြောက်ရတယ်။

အားနာပါသည် M.P.T

ပြည်ပဆက်သွယ်ရေး ကုမ္ပဏီတွေ လာတော့မည်။ သူတို့ကလည်း လိုင်စင် ချပေးလိုက်သည့် အစိုးရကိုမှ မျက်နှာမထောက်။ စစချင်း ဆောက်နှင့်ထွင်းသလို ရှစ်လအတွင်း ဖုန်းကတ်သန်း ၃၀ ထုတ်လုပ် ရောင်းချမည်ဟု ကြေညာသည်။

ယခု မဲဖောက်ကာ ရောင်းနေသည့် ၁၅၀၀ ကျပ်ထက် နည်းသော ဈေးနှုန်းဖြင့် ရောင်းမည်ဟုလည်း ကြေညာလိုက်သည်။ ပြောခလည်း လျှော့ပေးဦးမည်တဲ့။

လက်ရှိ ဆင်းမ်ကတ် ရောင်းနေသည့် အစိုးရနှင့် ပါတနာကြီးတို့ မျက်လုံး ပြူးသွားသည်။ ငါတို့ ခွင်ပျောက်တော့မှာပဲ ဟုလည်း တွေးကြသည်။ ခွင်ပျောက်လျှင် နောက်ခွင် အသစ်တစ်ခုလည်း စဉ်းစားကြသည်။ ပြည်သူတွေကလည်း လက်ရှိ လူတွေကို စိတ်ပျက်နေတာ ကြာပြီ။ ဒါကို လက်ရှိ ဆင်းမ်ကတ် ရောင်းနေသူတွေလည်း သိကြသည်။

ဒါကြောင့် သူတို့ကလည်း ပြည်ပ ကုမ္ပဏီတွေလို ကြေညာလိုက်သည်။ လာမည့် သြဂုတ်လအတွင်း ဆင်းမ်ကတ်တွေ အလကား ဝေမည်ဟု ဖြစ်သည်။ သို့သော် ပြည်သူတွေက မရတော့။ ပြည်ပမှ ပြည်ပ ဖြစ်ကုန်ပြီ။

ဝန်ကြီးများ အငြိမ့်သဘင်

လော်ဘီအုတ်ခဲ စိတ်ညစ်ရ ပြန်သည်။ ပူလစီဆိုလား မူနပီဆိုလား ဂျာနယ်တစ်စောင်က ပြည်ထောင်စု ဝန်ကြီးတစ်ဦး၏ ပြောကြားချက်များကို ဘွင်းဘွင်းကြီး ဖော်ပြလိုက်လို့ ဖြစ်သည်။ အပြည့်အစုံ သိလို၍ ဖုန်း အစုတ်လေးကို အမြန်ဖွင့်ကာ ဖွဘုတ်ပေါ် ကပိုကရိုလေး တက်ကြည့်ရသည်။

ထုံးစံအတိုင်း ခွီးတဲ့မှ အမ်ပီတီ။ လိပ်ခရု ကော်နက်ရှင်။
အဝိုင်းလေး လည်နေတာ ငါးမိနစ်ခန့် ထိုင်ကြည့်နေပြီးမှ ဖွဘုတ်ကြီး ပေါ်လာသည်။

တွေ့ပြီ။
ဝန်ကြီး ကလော်တုတ်နေသည့် ဗီဒီယိုဖိုင်။ ဝန်ကြီးနောက်မှ ပုန်း၍ ဖိုသီဖတ်သီ ရိုက်ကူးထားသည့် ဗီဒီယို ဖိုင်လေးကို ကြည့်လိုက်သည်။

ဝန်ကြီးက အစကတော့ အကောင်း။ နောက်မှ ဘာထဖြစ်သည် မသိ။ အစက ကျွဲ၊ နွား၊ ကြက်၊ ဝက် ကိစ္စ မေးမြန်းရင်းမှ ရွာသားတစ်ဦးက ရေသန့်လိုချင်သည် ဟုဆိုသော် ဝန်ကြီးတစ်ယောက် ဗြုန်းခနဲ ဒေါသ ပေါက်ကွဲသွားသည်။ ဘာကြောင့်တော့ မသိ။ အုတ်ခဲ နားမလည်။ ဖွဘုတ်ပေါ်မှာတော့ ဝန်ကြီး ပြောစကားတွေကို ချပြကာ ပယ်ပယ်နယ်နယ် ကလော်တုတ် နေကြသည်။ အဆဲ ကောင်းကောင်းဖြင့် ဆွမ်းကြီးလောင်း နေကြသည်။ မျက်နှာ မမြင်ရတိုင်း ပျော်ပျော်ကြီး သမနေကြသည်။ ဝန်ကြီးတစ်ယောက် ဖွဘုတ်ပေါ်တွင် ဆဲနည်းပေါင်းစုံဖြင့် လူထုမေတ္တာကို ခံယူနေရသည်။ ဘာမှန်းမသိ ဝင်ဆဲလိုက်ပြီး ဆဲကောင်းသကွာ ဆိုကာ ပြုံးပျော်ကြသည်။

ခွန်အားတိုး နို့အရက်

ဒီနေ့က ဂျာနယ်ဖတ်မိခြင်းကို စိုပြေတစ်ယောက် နောင်တရနေသည်။ အခုတော့ မတတ်နိုင်တော့။ လူကြီး မိဘစကား နားထောင်ရမည်ဟု အမေက ဆုံးမထားသည်။

စိုပြေ ဝမ်းနည်းနေသည်။ ရင်ကွဲပက်လက်ကလေး ဖြစ်နေသည်။ ငယ်ချစ်ဦးကို စွန့်လွှတ်ရတော့မည်။
စိုပြေ ငိုလေသည်။

ဒီကိစ္စက သမ္မတကြီးကြောင့် ဖြစ်သည်။
ဂျာနယ်ထဲမှာ သတင်းတွေ ပါလာသည်။ ကျေးလက်နေ ပြည်သူလူထုမှာ အရက်သောက်သုံးမှု များပြားနေသောကြောင့် အရက်အစား နွားနို့သောက်ကြ ပါရန် သမ္မတကြီးက တိုက်တွန်းလိုက်ခြင်း ဖြစ်သည်။ သမ္မတကြီးကို အဖရင်းသဖွယ် ကြည်ညိုလာသည့် စိုပြေတစ်ယောက် ဒီကိစ္စကိုတော့ ကန့်ကွက်လိုသည်။ ဒါက စိုပြေ့အရေး တစ်ခုတည်းမဟုတ်။ အမျိုးသားရေး ဖြစ်သည်။

သမ္မတကြီးက နွားနို့ သောက်ခိုင်းသည်။ အရက်ကိုလည်း ဖြတ်ခိုင်းသည်။ အရက်ကြောင့် အမှုအခင်းတွေ အဖြစ်များလို့ အရက်အစား နွားနို့သောက်ကြပါဟု သမ္မတကြီးက တိုက်တွန်းလိုက်သည်။ ထိုအခါ အရက်သမားတွေ လှုပ်လှုပ်ရှားရှား ဖြစ်သွားသည်။ နွားနို့က မူးလို့လားဟု အရက်သမားတွေ စမ်းကြည့်ကြသည်။ မြန်မာပြည်ကလူ တော်တော်များများ နွားနို့ မသောက်ဖူးကြ။ အရက်ပဲ သောက်ဖူးကြသည်။ ဒါကို ဂရန်းရွိုင်ရယ်မှ တာဝန်ရှိသူများ အသိဆုံး။

အုတ်ခဲနှင့် မူဝါဒလမ်းစဉ်ကိစ္စ အရှုပ်တော်ပုံကြီး

(လော်ဘီအုတ်ခဲ)

လက်ဖက်ရည်ဆိုင်မှာ ချထားတဲ့ ဂျာနယ်တစ်စောင်ကို လော်ဘီအုတ်ခဲ ကောက်ဖတ်မိသည်။ ကာကွယ်ရေးဦးစီးချုပ် ဓာတ်ပုံကို မြင်ရသည်။ ခေါင်းစဉ်ကြီး ကလည်း ပြူးနေ၏။

အို... ဘာတဲ့။

နေပြည်တော်မှာ စာဖတ်နေသည့် ဘဘကြီး ချမှတ်ခဲ့တဲ့ မူဝါဒတွေအတိုင်း လက်ရှိ ကာကွယ်ရေးဦးစီးချုပ်က ကျင့်သုံးသွားမည် ဆိုပါလား။ အုတ်ခဲ ကျောပင်စိမ့်ရလေ၏။ ကြက်သီးများ တဖုဖုထ၍ နားသယ်မွေးများတောင် ဖလန်းဖလန်း ထောင်ရလေ၏။

မဖြစ်။ ဒီကိစ္စက ရှော့ခ်ရှိသည်။
ဂျာနယ်ကို မလှန်သေးဘဲ ဖုန်းအစုတ်လေးကို ထုတ်ကာ ဖွဘုတ်ကို ဖွင့်လိုက်သည်။ ဒီကိစ္စကို ဖွဘုတ်လွှတ်တော်မှာ ဝင်ရှင်းရမည်။ ဖွဘုတ် ဆိုတာက မြန်မာနိုင်ငံမှာ အော်ချက်ထုတ်လို့ အကောင်းဆုံးနေရာ မဟုတ်လား။

"သောက်.... ကွိစိကွစ အမ်ပီတီ"။
အရေးထဲ အင်တာနက်လိုင်းက တဖုတ်ဖုတ် ပြုတ်ကျနေသဖြင့် MPT ကို အသံထွက်အောင် ဆဲမိသေးသည်။ အမ်ပီတီဆိုတဲ့ ဆက်သွယ်ရေးဌာန ကလည်း မြန်မာနိုင်ငံမှာ ဘောလုံးသမားများ ပြီးလျှင် ဒုတိယ အဆဲအခံရဆုံး ဖြစ်သည်။

မြို့စားမင်းနှင့် ပုဒ်မ-၁၈

ကမ္ဘာပြားလေပြီ။
နည်းပညာကြောင့် လူ့အဖွဲ့အစည်းတွေ ဒိုးယိုပေါက် ဖြစ်ကုန်သည်။ ဘာသေကိုပဲ ဖြစ်ဖြစ် ဘာသားရေနဲ့မှ ဖုံးလို့မရတော့။ သို့ပါ၍ ရွှေပြည်သာ မြို့စားကြီး အဂ္ဂမဟာသရေစည်သူ ဘခက် အနေနှင့် ယခင်လို မြို့တော်သူ မြို့တော်သားတွေကို ဓားမိုးအုပ်ချုပ်၍ မကောင်း တော့ချေပြီ။ အိမ်နီးချင်းမြို့တော်တွေ၊ ဒေသတွင်း အဖွဲ့အစည်းတွေ ကလည်း ပြောလှပြီ၊ ဖိအားပေးလှပြီ။
ဒီလိုနဲ့ ပြုပြင် ပြောင်းလဲရေးတွေ လုပ်ပေးလိုက်သည်။
ပြုပြင်ပြောင်းလဲခြင်း လုပ်ပေး ကတည်းက အရင်ဆုံးတက်သည့် ပြဿနာက ဆန္ဒပြခြင်းဖြစ်သည်။
မြို့တော်သူ မြို့တော်သားတွေ ကလည်း ဘယ်တုန်းကတည်းက ပြချင်နေမှန်းမသိ။ ဆန္ဒတွေ လွှတ်ပြကြသည်။ သူတို့တွေ မျက်စိကျိန်းမှာစိုးလို့ စေတနာဖြင့် မီးဖြတ်ပေးထားလျှင်လည်း စေတနာကို နားမလည် ဆန္ဒပြကြသည်။
ကိုယ်ပိုင်ပစ္စည်းလို့ သဘောထားလျှင် စိတ်စွဲပြီး သံသရာမှာ ဒုက္ခများမည် စိုးသမို့ကြောင့် လယ်လေးယာလေး ယူထိန်းပေးထားလျှင်လည်း အာပြဲကြီးဖြင့် ထထ ဆန္ဒပြကြသည်။ ပြုပြင်ပြောင်းလဲရေးတွေ လုပ်ပေးမိတာတောင် မှားပြီလားဟု မြို့စားကြီးဘခက် စာဖတ်ရင်း တစ်ခါတလေ တွေးနေမိသည်။
ဒီမိုကရေစီဆိုတာ ချိုင်းမွှေးနဲ့ တူသည်ဟု မြို့စားမင်းဘခက် တွေးနေမိသည်။
ချိုင်းမွှေးမရှိလျှင် အင်္ဂါမစုံဟု ပြောလိမ့်မည်။ ရှိလည်း ဘာသွားသုံးရမှန်း သူ့အတွက်မသိပေ။
တစ်ရက် …

"တပ်မတော်ကြီးက အင်အားရှိဖို့ အရာရာမှာကူညီ"....(စိုးမင်း)

          လွန်ခဲ့တဲ့ နှစ်လကတည်းက ထွက်သွားမိတဲ့ သင်ကြားလေ့လာရေး ခရီးရှည်ကြီးဟာ ဒီနေ့ညနေမှ လိုက်ပါလာသူ ဂျပန်ဆရာကြီးများကို လေဆိပ်အ၀အထိ တာ့တာ့ဘိုင့်ဘိုင်လုပ်ပြီး ဆုံးခန်းတိုင်ပါတော့တယ်။ ကိုယ့်ဆီက သတင်းထောက်သူငယ်မလေးတွေလိုမျိုး “ဟိုပေါ့နော်။ နိုင်ငံခြားကို ပညာတော်သင်သွားပြီး ပြန်လာတော့ ဘယ်လိုခံစားရပါသလဲရှင့်။” လို့ မေးလာရင်တော့ သည်ကလည်း သူတို့လေသံအတိုင်း “ဟုတ်ကဲ့။ ဟိုပေါ့နော်။ ဘယ်လိုပြောရမလဲ။ ဟိုးအရင် ဒုတိယကမ္ဘာစစ်အတွင်းတုန်းကလိုပေါ့နော်။ ဂျပန်စစ်သားတွေ ချွေးတပ်ဆွဲသွားတာ ခံရသလိုမျိုး ခံစားမိပါတယ်ဗျ။ ဟုတ်။” လို့ အဲသလိုလေး ပဲပြစ်ပြစ်နှစ်နှစ်ပေးလို့ ဖြေလိုက်ချင်ပါတယ်။ အောင်မယ်။ အကောင်းစား ဟော်တယ်ကြီးတွေပေါ်က မဆင်းပဲ အစားကောင်းအသောက်ကောင်းတွေ ၀ါးကာမြိုကာနဲ့ ကျည်ဆန်ရထား လေယာဉ်များနဲ့ လှုပ်ရှားသွားလာနေရတာများ သူမို့လို့ ပြောရက်ပလေတယ်။ ချွေးတပ်ဆွဲသလေး ဘာလေးနဲ့။ တကယ်လည်း အဲသည်အတိုင်းပဲ ခံစားရပါတယ်။ လူကဘယ်လောက်ပဲ သာယာငြိမ့်ငြောင်း အာရုံကောင်းတွေနဲ့ မိန်းမူးနေသော်ငြားလည်း ကိုယ်ရောစိတ်ပါ တစက်ကလေးမှ အနားမရခဲ့တာ အခုချိန်ကျမှ စာရေးဖို့ထိုင်နိုင်တာသာ ကြည့်ပါတော့။ ရောက်ကာစကမှ သူများသင်ကြားပို့ချသမျှကို ငြိမ်ငြိမ်လေး ထိုင်နားထောင်ပြီး ညဘက်ကျ တွေးကာတောကာ ရေးနိုင်ခဲ့သေးတယ်။ နောက်ပိုင်းရက်တွေ ရောက်လာလေလေ၊ သူတို့ အပြောတွေလျှော့ပြီး ကိုယ်တွေကို အလုပ်ခိုင်းတာ များများလာလေလေဆိုတော့ ညတိုင်ကျလည်း မအိပ်ရဘူး။ နောက်တစ်နေ့ ကိုယ့်လုပ်ရမယ့်အလုပ်အတွက် ပြင်ရဆင်ရ ရှာရဖွေရနဲ့ ဘာစာမှ မရေးနိုင်တော့ဘူး။

ငိုရတယ်... ၀ါးဟားဟား

ရေးသားသူ- ဘစီ

အခုတစ်လော သမိန်ပေါသွပ်ရဲ့ “ရယ်ရတယ်..ဗြဲ”ဆိုတဲ့ စကားလေးက လူကြီးတွေကြားထဲမှာ တစ်ပတ်လည်ပြီး ခေတ်စားနေ
တဲ့ အချိန်ဆိုတော့ဗျာ ကျုပ်ကလည်း ကပြောင်းကပြန်လုပ်ပြီး“ငိုရတယ်... ၀ါးဟားဟား”လို့ ဆိုလိုက်ချင်တယ်ဗျို့။ ပြီးရင် ကျုပ် နာမည်ကိုလည်း ပြောင်းပစ်မယ်။ ကလိန်ဘစီလို့။ သမိန်ပေါသွပ်နဲ့ မတူတဲ့ ကလိန်ဘစီရဲ့ထွင်လုံး လေးတစ်ခု ဆိုပါတော့လေ။

တစ်လောက သမိန်ပေါသွပ် စကားငှားသုံးသွားတဲ့ ဖေ့စ်ဘွတ်ခ်ပျော် အစိုးရပိုင်းက လူကြီးမင်းတစ်ဦးကို သမိန်ဘယ်သူဘယ်ဝါ ဆိုပြီး နာမည်ပြောင်ပေးကြတာတွေ့လို့ခင်ဗျ။ နောင် ကျုပ်ရဲ့ ဒီစကားလုံး ငှားသုံးတဲ့ လူကြီးမင်းများရှိခဲ့ရင် ကလိန်ဘစီရဲ့ စကား ငှားသုံးသွားတဲ့ ကလိန်ဘယ်သူ ဘယ်ဝါလို့ အလွယ်နာမည်ပေးလို့ရတာပေါ့ဗျာ။

အခုတစ်လော ကျုပ်အူမြူးနေတယ်ဗျာ။ မမြူးလည်းခံနိုင်ပါ ရိုးလား။ တိုင်းပြည်အုပ်ချုပ် မင်းလုပ်နေကြတဲ့ အစိုးရလူကြီးမင်း များထဲမှာ တချို့သော လူကြီးတွေက သိပ်ပြီး ဟာသတွေ ပြောနေသ ကိုးဗျ။ သြော်.. ၀န်ကြီးလည်း လူပဲဗျာ။ ရယ်စရာပြောတာ ကျုပ် ကတော့ အပြစ်မတင်ရက်ပါဘူး။ ပြည်သူအားလုံးကို ပျော်စေချင် တဲ့သူတွေအဖြစ် အနှီလူကြီးများကို ကျုပ်လွှတ်ပြီး အသိအမှတ်ပြု ပါတယ်။

သမ္မတလောင်း ဦးသံချောင်း နှင့် တွေ့ ဆုံမေးမြန်းခြင်း

ရေးထားတာလေး သဘောကျလို့
သမ္မတလောင်း မောင်သံချောင်းကိုအားပေးချစ်ခင်သူများ Facebook Page မှ ကူးယူလာခြင်းဖြစ်ပါသည်။

Q မင်္ဂလာပါ ဦးသံချောင်းခင်ဗျာ

A ဟုတ်ကဲ့ မင်္ဂလာပါခင်ဗျာ ..

Q ပထမဆုံးအနေနဲ့ မေးချင်တာက မြန်မာ/ ဗမာ အခေါ်အဝေါ်နဲ့  ပတ်သတ်ပြီး ဦးသံချောင်းရဲ့  သဘောထားအမြင်ကိုသိချင်ပါတယ် ။

A တကယ်တော့ မြန်မာပဲဖြစ်ဖြစ် ဗမာပဲဖြစ်ဖြစ် အဓိကအရေးကြီးတာ မာ ဖို့ ပါပဲ ။ အဲ့ဒိတော့ ကျွန်တော်သာ သမ္မတဖြစ်ရင် မာမာတောင်ပြည်ထောင်စုသမ္မတနိုင်ငံတော် လို့  အမည်ပြောင်းပါမယ့် ။ ဒါဆိုရင် တိုင်းရင်းသားတွေအနေနဲ့ လည်း မဟာဗမာလူမျိုးကြီးဝါဒ လို့  စွပ်စွဲစရာမရှိပါဘူး ။

Q ဦးသံချောင်းဟာ သမ္မတအာဏာကိုရချင်တယ်လို့ ခဏခဏပြောခဲ့တယ်နော် ။ အဲ့ဒိအတွက် ဦးသံချောင်းကို အာဏာမက်တယ် လို့ စွပ်စွဲရင် ဦးသံချောင်းလက်ခံနိုင်ပါသလား ။

အရိုက်ခံချင်လွန်းသော ကိုကိုချစ်၊ မမချစ်များ(ရေးသားသူ- ဘစီ)

 သြဂုတ်လမှာ ကျုပ်အသုဘ အတော်များများ ပို့လိုက်ရတယ်ဗျာ။ ခင်ဗျားတို့လည်း သိမှာပါပဲ။ ကျုပ်တို့ရဲ့ စာပေနယ်၊ သတင်းစာနယ်ပယ်ထဲက အထင်ကရဆရာအချို့ကွယ်လွန်သွားကြတယ်မို့လား။ ရက်စက်လွန်းတဲ့ သေမင်းရဲ့ ခေါ်ရာနောက်ကို တစ်ယောက်ပြီးတစ်ယောက်လိုက်သွား ကြရရှာတယ်။

“ချစ်သူတို့အသက်ကားတို၏။ မုန်းသူတို့အသက်ကား ရှည်ကြ၏”ဆိုပြီး ဆရာမမိုးမိုး(အင်းလျား)ကွယ်လွန်တုန်းက ဆရာတင်မိုးက ၀မ်းနည်းမှတ်တမ်းရေးပါသေးသကော။ သွေးထွက်အောင်မှန်တဲ့ အလင်္ကာပေပဲဗျ။ ဒီလိုဘယ်အငြိုးနဲ့ရက်စက်သွားမှန်းမသိတဲ့ သြဂုတ်လကြီးထဲမှာ သေမင်းက ကျုပ်တို့ချစ်ရသော သူများကိုပဲ ရွေးခေါ်သွားသဗျ။

ကျုပ်တို့ မုန်းပါတယ်ဆိုသူတွေကျတော့ဗျာ။ ရှည်လိုက်ကြတဲ့ အသက်တွေ။ ကျုပ်တို့ကို ရုပ်ပိုင်းဆိုင်ရာ၊ စိတ်ပိုင်းဆိုင်ရာ နှိပ်စက်ဖို့များ ဘယ်နတ်ဘုရားတွေက အသက်ရှည်အောင် ဖန်ဆင်းထားသလဲ မေးရမလိုဖြစ်နေသဗျ။ ယုတ်မာရက်စက်၊ အသတ်အဖြတ်မှာ ငါဆရာ၊
အမိုက်မှာ အောင်လံထူကြသူတွေကျတော့ အသက်တွေရှည်သလား မမေးနဲ့။

မြန်မာ့ ...မြန်မာ့....ရုပ်ရှင်

တောကြိုအုံကြားမှ လွတ်လပ်ရေးအတွက်တိုက်ပွဲဝင်နေရသ

ဖြင့် ပေတိပေစုတ် ထွက်လာသော သီဟတင်စိုးတစ်ယောက် တော်လှန်ရေး အတွက် အသုံးပြုရန် မြို့ပေါ်တက်၍ ယမ်းစိမ်း၊ ယမ်းခြောက်၊ ယမ်းစို၊ နှင့် သီတင်းကျွတ်ဖောက်သည့် ဗျောက်အိုးများကို လာဝယ်လေရာ မြို့ပေါ်တွင် မျက်စိ သူငယ်နားသူငယ် ဖြစ်နေရှာလေ၏။ ထိုစဉ် ပေတိပေကြောင်နှင့် ကားလမ်းဖြတ်ကူးရာ ကားတစ်စီးနှင့် တိုက်မိမလို ဖြစ်သွားလေ၏။ ကားမှာ ကျွီ ခနဲ ရပ်သွားပြီး ကားပေါ်မှ ငယ်ငယ်ရွယ်ရွယ်နှင့် မြန်မာနိုင်ငံ၏ Top ten စာရင်းဝင် က.ုမ္ပဏီ ကြီးတစ်ခုတွင် အမြဲတမ်း MD ဖြစ်နေသော ဟိန်းဝေယံ ဆင်းချလာလေသည်။ ဆင်းဆင်းလာချင်း နေကာမျက်မှန်ကို ချွတ်ကာ အလိုမကျသလို ပုံစံဖြင့် ကားပတ်လည်ကို သေသေချာချာ ကြည့်၏။ ကားနောက်ခန်းမှ သူ၏ အမြဲတမ်း သူငယ်ချင်းများ ဖြစ်ကြကုန်သော ဇော်ဇော်အောင်နှင့် ဇင်မျိုး တို့မှာ ပြာပြာသလဲ ဖြစ်ကာ ဆင်းလာကြပြန်လေလျှင် တောသားကြီး သီဟတင်စိုး မှာ နေမထိ ထိုင်မသာ ဖြစ်နေလေသည်။

ဝေသာလီပြည်မှာ ဘီလူးတွေဝင်သောအခါ ( ရေးသားသူ- ဘစီ )

မှတ်မိသေးတယ်ဗျို့။ ကျုပ်တို့ ငယ်ငယ်တုန်းက ကိုယ်ကြိုက်တဲ့ ဟင်းကောင်းလေးများ မိဘကချက်ထားရင် တနင့်တပိုးစားပစ်တာကလား။

ဒါကို ကြည့်နေတဲ့ လူကြီးတွေက ပီတိနဲ့ပြုံးကြည့်ပြီး အခုလိုပြောတတ်တယ်။ “အောင်မလေးဟဲ့ကြည့်ပါဦး စားလိုက်ကြတာ ဝေသာလီပြည် ဘီလူးဝင်တာ ကျနေတာပဲ”တဲ့။

မိဘအနေနဲ့ ကိုယ့်သား၊ ကိုယ့်သမီးက ထမင်း၊ ဟင်းကို ဗိုက်ဆာဆာနဲ့ အားပါးတရစားတာတွေ့လို့ ကျေနပ်စိတ်နဲ့ပြောတာမျိုးဗျ။ ဒါမျိုး လူငယ်ဘ၀ကို ဖြတ်သန်းခဲ့သူတိုင်း တစ်ချိန်မဟုတ်တစ်ချိန် ကြုံကြမှာပါဗျာ။ ကျုပ်တို့ကလည်း အဲဒီလို လူကြီးမိဘတွေကပြောရင် ဘ၀င်ကျ နေတာပဲလေ။

ဟော အခုတော့ ခေတ်တွေကပဲ ပြောင်းလို့လား၊ အနေအထားတွေကပဲ ဖောက်လှဲဖောက်ပြန်ဖြစ်လို့ လားတော့မသိပါဘူး။ ဝေသာလီပြည် ဘီလူးဝင်တယ်လို့ပြောတာကို မနှစ်သက်တဲ့သူတွေ ပေါ်လာပြီခင်ဗျ။

ရွာလည်တဲ့ စာ ( တိုင်းလုံးကျော် )

ခုတလော တိုင်းလုံးကျော်တို့ အပေါင်းအသင်းတွေကြား ရေပန်း စားနေတာကတော့ ဥသြဆွဲခြင်းပါပဲ။ ဥသြဆွဲခြင်းဆို တော့ မထိတ်သာ မလန့်သာ ရင်တုန်ပန်း တုန် ဖြစ်မ သွားကြပါနဲ့ဗျာ။ရန်ကုန်မှာကလည်း ကူးတို့ဆိပ် မီးဘေးကစလို့ မကြာ ခဏ မီးသတ်ဥသြသံတွေ ဟိုနေရာ ကကြား၊ ဒီနေရာကကြားခဲ့ရ တာကတစ် မျိုး။ တစ်ခုခုဆို မီးရှို့တယ် ဆိုတာတွေက ဒီနှစ်ထဲ ရေပန်းစားနေတော့ ဥသြဆွဲခြင်းကို အဓိပ္ပာယ် တစ်မျိုးနဲ့ အဆိုး မတွေးလိုက်ကြပါနဲ့ဗျာတို့။

ဒီလက ဇူလိုင်လ။ ဇူလိုင်ဆိုရင် မြန်မာနိုင်ငံသားအားလုံး အလိုလိုရွတ်မိတဲ့ စကားရှိပါတယ်။ သိကြတဲ့အတိုင်း အထူးတ လည် စဉ်းစားစရာမလိုပါဘူး။ ‘၁၉ ဇူလိုင် မမေ့နိုင်’။ အမှန် ပါပဲဗျာ။ မြန်မာနိုင်ငံလွတ်လပ်ရေးရခဲ့တဲ့ ခုနှစ်ထက် ဒီလ ဒီ ရက်ကို အားလုံး အလွယ်တကူ သတိတရရှိနေကြဆဲပါ။ အဲ…သို့သော်လည်းပေါ့လေ။ အသက်အရွယ် နဲ့အတွေ့အကြုံ အရတော့ တန်ဖိုးထား လေးနက်မှု ကတော့ ကွာမှာ သေချာပါတယ်။ တိုင်းလုံးကျော် ဒီလို ဘာဖြစ်လို့ ပြောရလဲဆိုရင် အစကရေးခဲ့တဲ့ ဥသြဆွဲခြင်းကြောင့်ပါပဲ။

လဒနဲ့ ကက်ကင်း (မာဂျေ)

လွင်ကိုတိတ် / မြန်မာတိုင်း(မ်)
"အစ်ကိုကြီး သတင်းထူးတစ်ခုကြားပြီးပြီလား"လို့ တပည့်မောင်ဆိတ်သိုးက အမေးတော်ရှိလာရင်ပဲ
"သတင်းတွေက ထူးတာတွေများလွန်းလို့ ဘာတွေမှန်းကို မသိတော့ပါဘူးကွာ၊ ကဲ ပြောဘာတွေ
ကြားလာပြန်လို့လဲ"
"ကြားလာတာမဟုတ်ဘူး။ မြင်လာတာဗျ။ ရွှေတိဂုံဘုရားပေါ်မှာ လဒ (လင်းတ)တွေ နားနေလို့"
"အဲဒါကို သတင်းလို့ခေါ်တယ်လား။ ဟာဟာဟ၊ ဒီလိုဆောင်းတွင်းမှာ တိဘက်ကုန်းမြေမြင့်နဲ့
ဟိမ၀န္တာမှာ အအေးဓာတ်လွန်ကဲလို့ အဲဒီကငှက်တွေ ဆောင်းခိုရင်း ရာသီဥတုနွေးတဲ့ပင်လယ်ဘက်
ဆင်းလာတာလေ၊ ဒါများ အထူးအဆန်းလုပ်လို့"
"အစ်ကိုကြီးကသာ မထူးတာ၊ ဗေဒင် ဆရာတွေကတော့ ထူးတယ်ဆိုပြီး ဟောစာတမ်းတွေ အများ
ကြီး ထွက်လာပါ ပေါ့လား"

တရားခွင် (မာဂျေ)

အစ်ကိုကြီးရေ၊ တရားရုံးကလည်း သပ်ရပ်ခံ့ညား၊ နံရံတွေကလည်း ပေါလစ် တိုက်ထားတာ
ဖိတ်ဖိတ်တောက်၊ တရားခံထိုင်မယ့် ၀က်ခြံကလည်း ဆေး တွေသုတ်၊ တရားခွင်မှာ လာနားထောင်
မယ့်သူတွေအတွက်လည်း ပလတ်စတစ် ထိုင်ခုံတွေခင်းလို့၊ စားပွဲတွေပေါ်မှာ လည်း အနီရောင်
အခင်းတွေနဲ့၊ နောက် က နံရံမှာလည်း နိုင်ငံတော်တံဆိပ်ကြီးက အရောင်တစ်လက်လက်နဲ့...လို့
တပည့်ကျော် မောင်ကြွက်နီက ပြော လာပါတယ်။
သိတဲ့အတိုင်းပဲလေ ကြွက်နီစကား က သုံးခွက်တစ်ခွက်တောင် မတင်တတ် လေတော့ -
မင်းကလည်း သောက်မှ မသောက်ရ သေးဘူး၊ မဟုတ်တာက စပြောပြီ၊ ငါက တရားရုံးဆိုရင်
ဒုတိယမြို့နယ် တရား သူကြီးရုံးကနေ တရားရုံးချုပ်အထိ တရားမမှုမှာ တရားလိုအနေနဲ့ရော၊
အသေရေဖျက်မှုနဲ့ တရားစွဲခံရလို့ တရားခံအနေနဲ့ရော ရောက်ဖူးပြီးသား။

ခေတ်သစ် ငခင်ညိုများ(မာဂျေ)

"အမယ် လော်စပီကာကြီး တကိုင်ကိုင်နဲ့ လမ်းထဲမှာ ထီရောင်းဖို့ကျင့်နေတာလား" ပြောသံနဲ့အတူ
တပည့်ကျော် မောင်ကြွက်နီ ရောက်လာပါတယ်။
"အသံကျယ်ရင် နိုင်စတမ်းခေတ်မို့လို့ အသံကျယ်ကျယ်ထွက်အောင် ဟောဒီ လော်ကြီးနဲ့ ကျင့်နေ
တာ။ ဒါထက် ငါ့ဆီ မလာဘဲ လနဲ့ချီပြီးပျောက်နေတာ ဘယ်သွားနေတာလဲ"လို့ ဟောက်လိုက်
ရင်ပဲ
"ရေလိုက်ခပ်နေတာပေါ့ဗျ။ ခင်ဗျားကြီးက ဖြစ်ထွန်းတဲ့သူမဟုတ်တော့ ခင်ဗျားကို ဆရာတင်မှား
ခဲ့တဲ့ ကျွန်တော့မလည်း ကျွန်စုပ်တဲ့သရက်စေ့လောက်တောင် မပြောင်လို့ ငွေလိုက်ရှာနေရတာ
ပေါ့။ တချို့များ ဟိုခေတ်ဆိုလည်း ဟိုခေတ်က အာဏာရှိသူနဲ့ပေါင်းလိုက်၊ တစ်ခါ ခေတ်ပြောင်း
ပြန်တော့လည်း သူတို့လောက် ဒီမိုကရေစီလိုလားသူမရှိ လိုက်နဲ့၊ အနေအစားချောင်နေလိုက်တာ၊

ခါတော်မီသင်တန်း(မာဂျေ)

မရောက်တာလည်းကြာ၊ သတင်းလည်း ဘာမှမကြားရဖြစ်နေတဲ့ တပည့်ကျော် မောင်ကြွက်နီရဲ့
အဆောင်ကိုလိုက်သွား မိတယ်။ ဟုတ်တယ်လေ၊ တစ်ယောက်တည်းနေတဲ့ လူပျိုကြီးဆိုတော့
ပုပ်စော် နံမှ ဘေးအခန်းက တံခါးဖျက်ဝင်ကြည့် ရတယ်ဆိုရင် လူကြားမကောင်း သူကြား
မကောင်းဖြစ်ဦးမယ်။
ဒါပေသိဗျာ သူ့အခန်းရောက်တော့ ဒီလောက်ကျဉ်း ကျပ်တဲ့အခန်းထဲမှာ လူတွေကအပြည့်။
ထင်တဲ့အတိုင်းများဖြစ်နေပြီလားဆိုပြီးသူ့အခန်းဝအရောက်-
(ကြွက်) အားလုံးညီညီညာညာဆိုကြ နော်၊ ဒီကိစ္စဟာလုံးဝပွင့်လင်းမြင်သာမှု မရှိဘူး၊ ပွင့်လင်း
မြင်သာဖို့လိုတယ် (ပရိသတ်များ) ဒီကိစ္စဟာ လုံးဝပွင့်လင်း မြင်သာမှုမရှိဘူး။ ပွင့်လင်းမြင်သာဖို့လို
တယ်။

မြန်မာ့ဆက်သွယ်ရေး၏ ဂင်းနစ်စံချိန်တင်နိုင်လောက်သည့် အမှား

ကျွန်တော် ဦးသောင်းညွန့် ၁၄/ဖပန(နိုင်)061988 သည် သတင်းထောက် အလုပ်ဖြင့် အသက် မွေးဝမ်းကျောင်း ပြုသူ တစ်ဦးဖြစ်ပြီး၊ ချမ်းသာ ကြွယ်ဝသူ တစ်ဦး မဟုတ်ပါ သဖြင့် (မိသားစု စားဝတ် နေရေးမှာ လုံလောက

်ရုံမျှသာ) ယနေ့ထက်တိုင် တယ်လီဖုန်း ၀ယ်သုံးနိ...
ုင်သော လူတန်းစားထဲတွင် ပါဝင် နိုင်ခြင်းမရှိသေးသူ တစ်ဦးဖြစ်ပါသည်။

သို့ပါသော်လည်း (၂၄.၅.၂၀၁၂) ရက်နေ့တွင် ကျွန်တော့်ထံသို့ ဖျာပုံမြို့၊ မြန်မာ့ ဆက်သွယ်ရေး လုပ်ငန်းရုံးမှ ပူးတွဲပါ ပုံအတိုင်း တယ်လီဖုန်း အခွန်ငွေပေးသွင်းရန် တောင်းခံလွှာ ရောက်ရှိလာခဲ့ပါသည်။ ငွေတောင်းခံလွှာတွင် ပါဝင်သော တယ်လီဖုန်းနံပါတ်မှာ လွန်ခဲ့သော နှစ်အတန်ကြာကပင် ကျွန်တော်တို့မြို့တွင် တပ်ဆင်ချထားပေးခဲ့သော တယ်လီဖုန်းနံပါတ် အစဉ်များထဲက တစ်ခုအပါအ၀င်ဖြစ်နေ သည်ကိုလည်း စုံစမ်း သိရှိရပါသည်။