မိုဘိုင်းဖုန်း အသုံးပြုနေသော အမျိုးသားတဦးနှင့် အများသုံးဖုန်း အသုံးပြုနေသော အမျိုးသမီးတဦးတို့ကို ၂၀၁၂ မတ်လ အတွင်းက ရန်ကုန်မြို့တွင် မြင်ရစဉ် (ဓာတ်ပုံ – Reuters / Soe Zeya Tun)Add caption |
Blackbery ဖုန်း၊ iPhone ဖုန်း အမျိုးအစားများကို မြန်မာနိုင်ငံတွင် တွင်တွင်ကျယ်ကျယ် အသုံးပြုခြင်းမရှိ။ အကြောင်းရင်းကုို ကြည့်ပါက မြန်မာနိုင်ငံတွင် လက်ရှိအသုံးပြုနေသည့် ကွန်ရက်သည် မကြာခဏ လိုင်းပူးနေတတ်ခြင်း၊ ဖုန်းနှင့်အင်တာနက် ဝန်ဆောင်မှုပေးသည့် Data service အလွန်ရှားပါးခြင်း၊ ဈေးအလွန်ကြီးမားခြင်း၊ လိုင်း ကြည်လင်ပြတ်သားမှု မရှိခြင်း စသည်တို့အပြင် ဖုန်းတော်တော်များများသည် ကွန်ရက်တခုနှင့် တခုအကြား လိုင်းချိတ်ဆက် အသုံးပြုမရခြင်း စသည်တို့ကြောင့် ဖြစ်သည်။
မြန်မာနိုင်ငံ၏ ကြိုးမဲ့ကြေးနန်း ဆက်သွယ်ရေးလုပ်ငန်းသည် ဆယ်စုနှစ်ပေါင်းများစွာကြာ ပျက်ဆီးယိုယွင်းလာခဲ့သည်။
လူဦးရေသန်း ၆၀ ရှိသည့် ဤတိုင်းပြည်သည် မြောက်ကိုရီးယားပြီးပါက ကမ္ဘာပေါ်တွင် လက်ကိုင်ဖုန်းအသုံးပြုမှု ဒုတိယအနည်းဆုံး တိုင်းပြည်ဖြစ်သည်မှာ အံ့သြစရာမဟုတ်။ တတိုင်းပြည်လုံး အားထားအသုံးပြုနေသည့် ကွန်ရက်သေးသေးလေးတွင် ဖုန်းလိုင်းများ စုပြုံရောက်မလာစေရန် SIM (ဖုန်းကဒ်) ဈေးကို အဆမတန် မြှင့်ထားလိုက်သဖြင့် ဖုန်းပေါ်တွင် အီးမေးလ်သုံးခြင်း၊ အင်တာနက် အသုံးပြုခြင်းသည် အိပ်မက်တခုသဖွယ် ဖြစ်နေပြီး အရင်းရှင် လူတန်းစား အသုံးအဆောင်ကဲ့သို့ပင် ဖြစ်နေသည်။