မူးယစ်ဂိုဏ်းနှင့် ပူးပေါင်းသည့်ရဲအရာရှိများ လူသတ်မှုများ ထုတ်ဖော်ဝန်ခံ

နိုဝင်ဘာ ၁၇။
မက္ကဆီကိုတွင် မူးယစ်ဂိုဏ်းနှင့်ပူးပေါင်းခဲ့သော ရဲအရာရှိ နှစ်စ်ဒါဇင်ခန့်၏ ၀န်ခံထွက်ဆိုချက်အရ နိုင်ငံအတွင်း တိတ်တဆိတ် အသတ်ခံခဲ့ရသူများ၏ အလောင်းများ ပြန်လည်ဖော်ထုတ်နိုင်ခဲ့သည်။ အသတ်ခံရသူများ မြုပ်နှံ့ရာ
နေရာ သည် တစ်နေရာတည်းမဟုတ်ဘဲ ရှစ်နေရာအထိ ရှိခဲ့ပြီး ခုအချိန်အထိ အလောင်းပေါင်း ၁၈လောင်းအထိ ပြန်ဖော်နိုင်ပြီဟု သိရသည်။

လွန်ခဲ့သော တစ်ပတ်က စစ်ဘက်ဆိုင်ရာနှင့် ဗဟိုရဲတပ်ဖွဲ့တို့ပူးပေါင်းပြီး မစ်ခ်ျချော့ကန်မှ ရဲများကို ဆေးစစ်ခြင်း၊ မူးယစ်ဂိုဏ်းနှင့် ပတ်သတ်မှု ရှိမရှိ စုံစမ်းခြင်းများ ပြုလုပ်ခဲ့ကြသည်။ ထိုအခါ ရဲအရှိ ၂၂ဦးသည် မူးယစ်ဂိုဏ်းနှင့် ပေါင်းကာ လာဘ်စားခြင်း၊ မူးယစ်ဆေးဝါ ရောင်းချခြင်း၊ သတင်းပေးခြင်းများ ကျူးလွန်ခဲ့ကြောင်း ဖော်ထုတ်နိုင်ခဲ့သည်။ ယခု တွေ့ရှိသည့် အလောင်းများတွင် ပါးစပ်ထဲသို့ တစ်စုံတစ်ခု ထိုးထည့်ထားခြင်း၊ နှိပ်စက်ခံထားရခြင်း စသော လက္ခဏာ များကို တွေ့ရသည်။ အများစုမှာ အမျိုးသားများဖြစ်ပြီး အမျိုသမီးအလောင်း တစ်ခုသာ ပါသည်။

ချီကာဂို လေဆိပ်ထဲတွင် အမျိုးသမီးတစ်ဦး မိကျောင်း တစ်ကောင်ကို လွှတ်ပေး

ချီကာဂို၊ နိုဝင်ဘာ ၁၆

ချီကာဂို လေဆိပ်ထဲမှာ အမျိုးသမီးတစ်ဦးက နှစ်ပေလောက် ရှည်တဲ့ မိကျောင်းပေါက် တစ်ကောင်ကို လာလွှတ်သွားတာကို CCTV ကတစ်ဆင့် တွေ့ခဲ့ရလို့ သူ့ကို အရေးယူဖို့ ရဲက လိုက်ရှာနေတယ်လို့ sky news သတင်းတစ်ရပ်က ဖော်ပြထားပါတယ်။
“ဘူတာရုံထဲကို သမင် ဝင်လာတာ။ ဘတ်စ်ကားပေါ်မှာ ကြက်တွေ ပါလာတာကို ကျွန်တော် မြင်ဖူးပါတယ်။ ဒါပေမဲ့ လေဆိပ်ကို မိကျောင်း ရောက်လာတာတော့ ဒါပထမဆုံး တွေ့ဖူးတာပါ” ဟု ဒီအမျိုးသမီး စီးလာတဲ့ ရထားလိုင်းရဲ့ ပြောရေးဆိုခွင့်ရ အရာရှိက ပြောကြားပါတယ်။
ရထားပေါ်မှာ ဒီအမျိုးသမီးဟာ ဖုန်းပြောရင်း မိကျောင်းပေါက်ကို ချော့မြှူ နေတယ်လို့ မျက်မြင်သက်သေ များကရော CCTV ရုပ်ပုံများကပါ ဖော်ပြထားပါတယ်။
အမျိုးသမီးက ရထားပေါ်က ဆင်းသွားခဲ့ပြီး လေဆိပ်မှာ ရှိတဲ့ကင်မရာ များမှာတော့ သူ့မှာ မိကျောင်း ပါမလာတော့တာကို တွေ့ရပါတယ်။
နောက်တော့ မိကျောင်းကို လေဆိပ် အထုပ်အပိုး ရွေးတဲ့ စက်လှေကားနားမှာ တွေ့ခဲ့ပြီးတော့ လေဆိပ် ရဲတွေက အမှိုက်ပုံး တစ်ခုကို သုံးပြီး ဒီသားရဲတိရစ္ဆာန်ကို ဖမ်းခဲ့ပါတယ်။
အီလီနွိုက်စ် ပြည်နယ် ဥပဒေအရ အိမ်မှာ မမွေးရတဲ့ သတ္တဝါတွေထဲမှာ မိကျောင်းလည်း ပါတာမို့ ဒီလုပ်ရပ်ဟာ ဥပဒေကို ချိုးဖောက်တာ ဖြစ်ပါတယ်။

The Voice Weekly

ခေတ်ဟောင်း ရုပ်ရှင် အနုပညာများကို ထိန်းသိမ်းနေသူ ဒါရိုက်တာ (ကြည်စိုးထွန်း)

ကြည့်ရှုသူ ပရိသတ်အတွက် အတုယူစရာ၊ ဆင်ခြင်စရာ တစ်ခုခုပါပြီး ရည်ရွယ်ချက် ကောင်းမွန်သည့် ရုပ်ရှင်ဇာတ်ကားများကို ရွေးချယ် ရိုက်ကူးလေ့ရှိသူ၊ အနုပညာ သင်တန်းကျောင်း တစ်ခုတွင် မျိုးဆက်သစ် အနုပညာရှင် များကို အနုပညာ အမွေဖြန့်ဝေ ပေးနေသူ၊ မှတ်တမ်းမှတ်ရာ မရှိမှုနှင့် သုတေသန အားနည်းမှု တို့ကြောင့် တိမ်မြုပ် ပျောက်ကွယ်လုနီးပါး ဖြစ်နေသော ခေတ်ဟောင်း ရုပ်ရှင် အနုပညာများကို ထိန်းသိမ်းနေသူမှာ အကယ်ဒမီ လေးဆုရှင် ဒါရိုက်တာ ကြည်စိုးထွန်း ဖြစ်သည်။
အနုပညာကို ချစ်တယ်
ရွှေဘိုလို နယ်မြို့တစ်မြို့တွင် နေထိုင် ကြီးပြင်းခဲ့ရသော သူ့အတွက် ဆယ်ကျော်သက် အရွယ်ကာလ အထိတော့ အနုပညာလောက ဆိုသည်မှာ သူနှင့် အလှမ်းကွာဝေးသော နယ်ပယ်တစ်ခု ဖြစ်သလို တစ်ချိန်တွင် အောင်မြင်သော ဒါရိုက်တာတစ်ယောက် ဖြစ်လာလိမ့်မည် ဟုလည်း သူအိပ်မက်ပင် မမက်ဖူးခဲ့။ သို့သော် အနုပညာနှင့် ပတ်သက်သော အရာမှန်သမျှကိုတော့ သူငယ်စဉ် ကတည်းက ချစ်ခင် မြတ်နိုးခဲ့သည်။ ကလေးဘဝ အရွယ်ကတည်းက ရွှံ့ရုပ် ကလေးများနှင့် ပြဇာတ် ကသည့်ပုံစံ ကစားခဲ့ဖူးသလို၊ ပိတ်စပေါ်ကို မှန်ချပ်ထိုးပြီး ရုပ်ရှင်ပြတမ်းလည်း ကစားခဲ့ဖူးသည်။ အသံတိတ် ဇာတ်ကားခေတ်မှသည် သံစုံသွင်း ရုပ်ရှင်ဇာတ်ကား ခေတ်အထိ ရုပ်ရှင် ဇာတ်ကားများကို စွဲစွဲလမ်းလမ်း ကြည့်ရှုခဲ့ဖူးသည်။
ဆယ်ကျော်သက် အရွယ်တွင်လည်း ဝါတွင်းကာလ ပတ်လုံး တစ်ရပ်ကွက်လျှင် ဘုရားတစ်ဆူစီ အပတ်စဉ် လှည့်လည် အပူဇော်ခံသော အချိန်၌ ရပ်ကွက်အလိုက် ပြုလုပ်သော အငြိမ့်ပွဲ၊ ဇာတ်ပွဲများကို သူနှစ်သက်စွာ ကြည့်ရှုခဲ့ဖူးသလို တက္ကသိုလ် ကျောင်းသား ဘဝတွင်လည်း ဂီတ ဖျော်ဖြေပွဲများကို မလွတ်တမ်း ကြည့်ရှုခဲ့ဖူးသည်။ ပရိသတ် တစ်ယောက် အနေနှင့် သူခံစားခဲ့ဖူးသော အနုပညာများက နောင်တစ်ချိန် ဒါရိုက်တာ တစ်ယောက် ဖြစ်လာသော အခါတွင် သူ့အတွက် အနုပညာဝမ်းစာများ ဖြစ်လာခဲ့သည်။

အမျိုးသား စာပေ တသက်တာဆုရှင် နာမည်ကြီး စာရေးဆရာ ၃ ဦး ရရှိ

၂၀၁၂ ခုနှစ်အတွက် အမျိုးသားစာပေ တစ်သက်တာဆုရှင်များ အဖြစ် မြန်မာ့အသံက ကြေညာသွားပါပြီ။ စာရေးဆရာမကြီး ဒေါ်ခင်ဆွေဦး၊ ဆရာကြီး ဦးအောင်သင်းနဲ့ ဆရာကြီး ဦးတင်မောင် ( သိပ္ပံမှူးတင်) တို့ကို ကို ၂၀၁၂ ခုနှစ်အတွက် တသက်တာ စာပေဆုရှင်တွေအဖြစ် ကြေညာသွားခဲ့ပါတယ်။ 

 ဆရာကြီး အောင်သင်း၊ ဆရာမကြီး ဒေါ်ခင်ဆွေဦး၊ ဆရာကြီး ဦးတင်မောင်( သိပ္ပံမှူးတင်)

"အမျိုးသားစာပေဆု စိစစ်ရွေးချယ်ရေးကော်မတီသည် ပြည်ထောင်စု သမ္မတ မြန်မာနိုင်ငံတော်တွင် 
မြန်မာ စာပေအကျိုးကို ထူးချွန်ပြောင်မြောက်စွာ တစ်သက်တာလုံး အားထုတ်ရေးသားပြုစု ခဲ့သော 
ဆောင်ရွက်ချက်များကို နိုင်ငံတော်က အသိအမှတ်ပြုသောအားဖြင့် ဆရာမကြီး ဒေါ်ခင်ဆွေဦး (ခင်ဆွေဦး)၊ ဆရာကြီး ဦးအောင်သင်း (အောင်သင်း) နှင့် ဆရာကြီး ဦးတင်မောင် (သိပ္ပံမှူးတင်)တို့အား ၂၀၁၂ ခုနှစ် အတွက် အမျိုးသားစာပေ တစ်သက်တာဆုရှင်များ အဖြစ် ရွေးချယ်ချီးမြှင့်လိုက်သည်" ဟု နိုင်ငံပိုင်မီဒီယာ များက ကြေညာသွားခဲ့တာပါ။ ခေတ်

အခုလို စာရေးဆရာကြီး၊ ဆရာမကြီးတွေကို တသက်တာ စာပေဆု ရွေးချယ် ချီးမြင့်လိုက်ခြင်းဟာ အရင်ခေတ်တွေတုန်းကလို မတူပဲ အလွန် ထိုက်တန်တဲ့ ဆုချီးမြှင့်မှုအဖြစ် ရန်ကုန် စာပေ အသိုင်းအဝိုင်း နဲ့ မြန်မာစာပေချစ်မြတ်နှိုးသူတွေက ပြောဆိုဂုဏ်ယူနေကြောင်းလည်း သိရပါတယ်။ 


ဧရာဝတီ

မန်စီတွင် တိုက်ပွဲပြန်ဖြစ်၊ ဒုက္ခသည် နှစ်ထောင်ကျော် ထပ်မံတိုး

နန်းလွင်နှင်းပွင့်| တနင်္ဂနွေနေ့၊ နိုဝင်ဘာလ ၁၇ ရက်၊ ၂၀၁၃ ခုနှစ်

ကချင်ပြည်နယ်၊ မန်စီမြို့အနီး၊ နမ့်လင်းပါ ကျေးရွာတွင် အစိုးရတပ်မတော်နှင့် ကချင်လွတ်မြောက်ရေးတပ်မတော် (KIA)တို့တိုက်ပွဲ ပြန်လည်ဖြစ်ပွားမှုကြောင့် ကျေးရွာများမှ မန်ဝိုင်းကြီးဘက်သို့ ထွက်ပြေးလာသူ ရွာဒေသခံများ နှစ်ထောင်ကျော်ရှိနေသည်ဟု ကယ်ဆယ်ရေးစခန်းများတွင် စားနပ်ရိက္ခာများ ကူညီပေးနေသည့် ကတ်သလစ် အသင်းတော်မှ တာဝန်ရှိသူ ကိုနော်ဒင့်က မဇ္ဈိမကို ပြောသည်။

တိုက်ပွဲမှာ နိုဝင်ဘာလ ၁၇ရက် မနက် ၇နာရီတွင် ပြန်လည်ဖြစ်ပွားခဲ့ပြီး ဒေသခံ ရွာသူရွာသားများမှာ တပ်မတော်ဘက်မှ စစ်ကြောင်းများ ၀င်လာစဉ် နိုဝင်ဘာလ ၁၆ ရက်တွင် မန်ဝိုင်းကြီးဘက်သို့ ထွက်ပြေးတိမ်းရှောင်ခဲ့ကြခြင်း ဖြစ်သည်ဟု ကိုနော်ဒင့်က ပြောသည်။

"မနက် ၇ နာရီက စပစ်လိုက်တာ နေ့လည် ၁နာရီကျော်လောက်မှ တိုက်ပွဲက အသံတွေရပ်သွားတယ်"ဟု ၄င်းက ပြောသည်။

နမ့်လင်းပါ ကျေးရွာမှာ ၂၀၁၃ ခုနှစ် အောက်တိုဘာလ ၂၂ ရက်နေ့တွင် တိုက်ပွဲများပြန်လည် ဖြစ်ပွားခဲ့စဉ်ကတည်းကပင် ဒုက္ခသည် ၁၀၀၀ ကျော်ပိတ်ဆို့နေခဲ့ခြင်းဖြစ်သည်။

ပြည်ထောင်စုငြိမ်းချမ်းရေးဖော်ဆောင်ရေး လုပ်ငန်းကော်မတီ နည်းပညာအထောက်အကူပြုအဖွဲ့ဝင် ဦးလှမောင်ရွှေက “ ပဋိပက္ခဆိုတာ မရှိလေကောင်းလေပါပဲ၊ ကျွန်တော်တို့ ပြောချင်တာတော့ မန်စီကိစ္စက အသေးစိတ်ရယ်တော့ သေချာမသိဘူး၊ ဒါပေမယ့် နားလည်မှုတွေ လွဲနေတယ် ထင်ပါတယ်၊ ဘာပဲဖြစ်ဖြစ်ပါ၊ ကျွန်တော်တို့ကတော့ ဘယ်လိုကိစ္စတွေပဲ ဖြစ်ဖြစ် စားပွဲဝိုင်းမှာပဲ ဆွေးနွေးချင်ပါတယ်"ဟု ပြောသည်။

ရဲများနှင့် ပဋိပက္ခဖြစ်သော လက်ပံတောင်းဒေသ ရွာသူရွာသား ၁၅၀ ကျော်ကို လုံခြုံရေး ရဲများက အမှုဖွင့်

လက်ပံတောင်းတောင်ဒေသ မိုးကြိုးပြင်တောင်ရွာတွင် ဒေသခံများနှင့် ရဲများ နိုဝင်ဘာလ ၁၄ရက်ညက ပဋိပက္ခဖြစ်ပွားခဲ့ပြီး ဒဏ်ရာရရှိသူ ဒေသခံခုနှစ်ဦး ထဲမှ ငါးဦးသည် နိုဝင်ဘာလ ၁၅ရက် ည ၇နာရီခန့်က မန္တလေးမြို့ ပြည်သူ့ဆေးရုံကြီးသို့ ရောက်ရှိလာသည်ကို တွေ့ရစဉ်။ (ဓာတ်ပုံ- အောင်ကိုဦး၊ မဇ္ဈိမ)

မုံရွာမြို့နယ် လက်ပံတောင်းဒေသရှိ မိုးကြိုပြင်တောင်ရွာတွင် လုံခြုံရေးရဲများနှင့် ဒေသများ နိုဝင်ဘာလ ၁၄ရက် ညက ပဋိပက္ခဖြစ်ပွားပြီးနောက် ဒေသခံ ၁၅၀ ကျော်ကို လက်ပံတောင်း ကြေးနီစီမံကိန်း လုံခြုံရေးတာ ၀န်ကျရဲများက ထိုနေ့ည ၁၁ နာရီကပင် ဆားလင်းကြီးမြို့မရဲစခန်း၌ အမှုဖွင့်ထားသည်ဟု မုံရွာခရိုင် ရဲတပ်ဖွဲ့မှူး ဒုရဲမှူးကြီး တင်ထွဏ်းက မဇ္ဈိမကို ပြောသည်။

“တာဝန်ထမ်းဆောင်နေတဲ့ ရဲတပ်ဖွဲ့ဝင်တွေ အပြင်းအထန် နာကျင်ဒဏ်ရာရစေအောင် ဥပဒေမဲ့ ပြုလုပ်ခဲ့ပြီး နိုင်ငံတော်ပိုင် ရဲကားတချို့ကို ပျက်စီးစေအောင်ပြုလုပ်ကြတဲ့အတွက် ဥပဒေနဲ့အညီ အခုလို အမှုဖွင့်လိုက်တာဖြစ်ပါတယ် .” ဟု မုံရွာခရိုင် ရဲတပ်ဖွဲ့မှူး ဒု-ရဲမှူးကြီး တင်ထွဏ်း ပြောသည်။

လက်ပံတောင်းတောင် လုံခြုံရေးရဲများနှင့် မိုးကြိုးပြင်ရွာသုံးရွာမှ ဒေသခံများသည် မုံရွာ - ပုသိမ် အဝေး ပြေးကားလမ်းမကြီးအနီး မိုးကြိုးပြင်တောင်ရွာတွင် နိုဝင်ဘာလ ၁၄ရက် ည၈နာရီခန့်က ပဋိပက္ခများ ဖြစ်ပွားခဲ့ပြီး ရဲတပ်ဖွဲ့ဝင် ကိုးဦးနှင့် ဒေသခံ ခုနှစ်ဦး ဒဏ်ရာရရှိခဲ့သည်။

ဆေးပေါင်းခတဲ့ ည

Sunday, November 17, 2013
ယနေ့သည် တန်ဆောင်မုန်း လပြည့်နေ့ ဖြစ်သည်။ တန်ဆောင်မုန်း လပြည့်နေ့ သည် ဗုဒ္ဓဘုရားရှင် လက်ထက် ကပင် ကြယ်တာရာ အစုံအညီ ထွန်းလင်း တောင်ပ သောကြောင့် နက္ခတ်ပွဲသဘင်များ ကျင်းပလေ့ ရှိပြီး ထို လပြည့်ည ၌ ဆေးပေါင်းခ သည်ဟု ယုံကြည် ကြကာ မဲဇလီဖူးကို သုပ်စားလေ့ ရှိကြသည်။ တန်ဆောင်မုန်း လပြည့် ည ၁၂ နာရီ တိတိ အချိန်ကို ဆေးပေါင်းခ သည့် ည၏ အမြင့်ဆုံး ၊ အစွမ်း အထက်ဆုံး အချိန်အဖြစ် သတ်မှတ်၍ မြန်မာ တိုင်းရင်းဆေး ဆရာကြီး များသည် ဆေးဝါး မျိုးစုံ ဖော်စပ်လေ့ ရှိကြသည်။

တန်ဆောင်မုန်း လပြည့်ည တွင် ဗုဒ္ဓမြတ်စွာ ဘုရားရှင် သည် အဇာတသတ် မင်းအား သာမညဖလ သုတ္တန် ဒေသနာတော် ( ရဟန်းပြုခြင်း အကျိုး ) ဟောကြား တော်မူ ခဲ့သည်။ ရာဇဂြိုဟ် ပြည့်ရှင် အဇာတသတ် မင်းသည် သာမညဖလ သုတ္တန် ဒေသနာတော် ကို ကြားနာပြီး အဆုံးတွင် ရတနာ သုံးပါးကို ကိုးကွယ် ဆည်းကပ်သည့် ဥပသကာ အဖြစ်သို့ ရောက်ခဲ့သည်။ ထိုအခါတွင် အဇာတသတ် မင်း၏ အိပ်မပျော်သည့် ရောဂါ ဝေဒနာ ငြိမ်းအေး သွားခြင်း ၊ ဗုဒ္ဓမြတ်စွာ ဘုရားရှင် ၏ သာသနာတော် ၌ အသက်ပေး ၍ ကြည်ညိုသူ ဖြစ်လာခြင်း ၊ မဟာ အ၀ီစိ ငရဲသို့ မကျရောက် တော့ဘဲ လောဟကုမ္ဘီ ငရဲ၌သာ ကျရောက်ခြင်း ၊ နောင်အခါ ဝိဇိတာဝီ အမည်ဖြင့် ပစ္စေကဗုဒ္ဓ ဖြစ်ပြီး နိဗ္ဗာန်ကို မျက်မှောက် ပြုရမည့် ပုဂ္ဂိုလ်ဖြစ်ခြင်း စသည့် အကျိုးတရား များကို ခံစားရသည် ကို အကြောင်း ပြု၍ တန်ဆောင်မုန်း လပြည့်နေ့ ကို သာမညဖလ အခါတော်နေ့ ဟု သတ်မှတ် ဖြစ်ပေါ် လာသည်။

တန်ဆောင်မုန်း လပြည့်ည တွင် ဗုဒ္ဓဘာသာဝင် မြန်မာပြည်သား တို့သည် တာဝတိံသာ နတ်ပြည်ရှိ စူဠာမဏိ စေတီတော်ကို အာရုံပြု၍ ဗုဒ္ဓါ နုဿတိ ပွားကာ ဆီမီးများဖြင့် ပူဇော် ကန်တော့ ကြ၏။ သာမညဖလ သုတ္တန်ကို ရွတ်ဖတ် ပူဇော်ကြ၏။ ဘုရားရှင်အား ရည်မှန်း၍ မသိုးသင်္ကန်း ရက်လုပ် ပူဇော် လှူဒါန်းကြ၏။ ကထိန် သင်္ကန်းများကို သံဃာတော် များအား လှူဒါန်း၍ ကထိန်ခင်း ကြ၏။ ကထိန် သင်္ကန်းသည် တစ်နှစ်တွင် တစ်လ ၊ တစ်လတွင် တစ်ကြိမ်သာ ပြုရသည့် ကာလဒါန ဖြစ်ပြီး ကထိန်သင်္ကန်း လှူဒါန်း နိုင်သော ကာလမှ သီတင်းကျွတ် လပြည့်ကျော် ၁ ရက်မှ တန်ဆောင်မုန်း လပြည့်နေ့ အထိသာ ဖြစ်သည်။

မြို့စားမင်းနှင့် ပုဒ်မ-၁၈

ကမ္ဘာပြားလေပြီ။
နည်းပညာကြောင့် လူ့အဖွဲ့အစည်းတွေ ဒိုးယိုပေါက် ဖြစ်ကုန်သည်။ ဘာသေကိုပဲ ဖြစ်ဖြစ် ဘာသားရေနဲ့မှ ဖုံးလို့မရတော့။ သို့ပါ၍ ရွှေပြည်သာ မြို့စားကြီး အဂ္ဂမဟာသရေစည်သူ ဘခက် အနေနှင့် ယခင်လို မြို့တော်သူ မြို့တော်သားတွေကို ဓားမိုးအုပ်ချုပ်၍ မကောင်း တော့ချေပြီ။ အိမ်နီးချင်းမြို့တော်တွေ၊ ဒေသတွင်း အဖွဲ့အစည်းတွေ ကလည်း ပြောလှပြီ၊ ဖိအားပေးလှပြီ။
ဒီလိုနဲ့ ပြုပြင် ပြောင်းလဲရေးတွေ လုပ်ပေးလိုက်သည်။
ပြုပြင်ပြောင်းလဲခြင်း လုပ်ပေး ကတည်းက အရင်ဆုံးတက်သည့် ပြဿနာက ဆန္ဒပြခြင်းဖြစ်သည်။
မြို့တော်သူ မြို့တော်သားတွေ ကလည်း ဘယ်တုန်းကတည်းက ပြချင်နေမှန်းမသိ။ ဆန္ဒတွေ လွှတ်ပြကြသည်။ သူတို့တွေ မျက်စိကျိန်းမှာစိုးလို့ စေတနာဖြင့် မီးဖြတ်ပေးထားလျှင်လည်း စေတနာကို နားမလည် ဆန္ဒပြကြသည်။
ကိုယ်ပိုင်ပစ္စည်းလို့ သဘောထားလျှင် စိတ်စွဲပြီး သံသရာမှာ ဒုက္ခများမည် စိုးသမို့ကြောင့် လယ်လေးယာလေး ယူထိန်းပေးထားလျှင်လည်း အာပြဲကြီးဖြင့် ထထ ဆန္ဒပြကြသည်။ ပြုပြင်ပြောင်းလဲရေးတွေ လုပ်ပေးမိတာတောင် မှားပြီလားဟု မြို့စားကြီးဘခက် စာဖတ်ရင်း တစ်ခါတလေ တွေးနေမိသည်။
ဒီမိုကရေစီဆိုတာ ချိုင်းမွှေးနဲ့ တူသည်ဟု မြို့စားမင်းဘခက် တွေးနေမိသည်။
ချိုင်းမွှေးမရှိလျှင် အင်္ဂါမစုံဟု ပြောလိမ့်မည်။ ရှိလည်း ဘာသွားသုံးရမှန်း သူ့အတွက်မသိပေ။
တစ်ရက် …

စုပေါင်းနွှဲပျော် တောင်ကြီးတန်ဆောင်တိုင် ပွဲတော်

မနက် ၅ နာရီ အေးသာယာ အဝေးပြေးဝင်းသို့ ရောက်ရှိလာသည်။ အအေးဓာတ်သည် မြေပြန့်မှ လာသူအဖို့ အရိုးကွဲမတတ် ခံစားရသည်။ တောင်ကြောအတိုင်း မြွေလိမ်မြွေကောက် လမ်းဖြင့် တောင်ကြီးမြို့သို့ လိုက်ထရပ်ကားဖြင့် တက်လာသည့်အချိန် ပို၍အေးသည်။ ခိုက်ခိုက်တုန်အောင် ချမ်းသည်။
အဝေးပြေး ကားပေါ်တွင် တစ်ညတာ နိုးတစ်ဝက် အိပ်တစ်ဝက်နှင့် ခရီးဆက် လာသဖြင့် တောင်ကြီး မီးပုံပျံ ကွင်းအနီး တည်းခိုသည့် နေအိမ်တွင် သုံးနာရီခန့် အိပ်စက်လိုက်သည်။ အိပ်ရာ နိုးသည်နှင့် တံခါး ဖွင့်လိုက်သောအခါ မြင်လိုက်ရသည်က ‘၁၃၇၅ ခုနှစ် တောင်ကြီး မြို့တော် တန်ဆောင်တိုင်ပွဲတော်’ ဟူသော မုခ်ဝ။
တောင်ကြီး တန်ဆောင်တိုင် မီးပုံပျံကွင်း အတွင်းရှိ မြေနီတို့တွင် အစိုဓာတ်များ မြင်ရသည်။ သေချာသည်၊ မနေ့ညက မိုးရွာထားသည်။
မြို့ပြင်တွင်ရှိသော မီးပုံးပျံကွင်းမှ တောင်ကြီး မြို့ထဲသို့ သွားရန် ဆိုင်ကယ်ဖြင့် ထွက်အလာ တောင်ကြီး တက္ကသိုလ် လမ်းထောင့်တွင် အမှိုက်များ စုပုံနေခြင်းသည် ညက မိုးသည်းထန်စွာ ရွာသွန်းထားသဖြင့် မီးပုံးပျံပွဲမှ အမှိုက်များ ရေစီးဖြင့် မျောလာခြင်း ဖြစ်ကြောင်း သက်သေပြနေသည်။
“ညက မိုးတော်တော်သည်းတော့ ဈေးရောင်း မကောင်းဘူး” ပွဲဈေးတန်းတွင် ရှမ်းအစားအသောက် ရောင်းသည့် ဈေးသည်တစ်ဦးက ပြောပြာသည်။
တောင်ကြီးမြို့သည် ဆိုင်ကယ် အစီးရေများသော မြို့ဟု ဆိုရမည် ဖြစ်သည်။ လူငယ်လူကြီး အတော်တော်များများ ဆိုင်ကယ် စီးကြသည်။ ဝမ်းတူးဖိုက်၊ ကလစ်ဆိုင်ကယ် အမျိုးမျိုး။ အနောက် မြို့ပတ်လမ်းသို့ ရောက်တော့ သံဃာတော်များ စုရုံး စုရုံး။ လူပုဂ္ဂိုလ်များလည်း ပါသည်။

ကမ္ဘာမှာ မိမိလောက် အကကောင်းသူမရှိဟု ရှာရွတ်ခန်းပြော

နယူးဒေလီ၊ နိုဝင်ဘာ ၁၆

နာမည်ကျော် ဘောလိဝုဒ် သရုပ်ဆောင်တစ်ဦး ဖြစ်တဲ့ ရှာရွတ်ခန်းဟာ ကမ္ဘာပေါ်မှာ မိမိလောက် အကကောင်းသူ မရှိဘူးလို့ ပြောကြားလိုက်ကြောင်း Times of India သတင်းက ဖော်ပြထားပါတယ်။

အိန္ဒိယ ဘောလိဝုဒ် ရုပ်ရှင်လောကမှာ နာမည်ကြီး မင်းသားဖြစ်တဲ့ ရှာရွတ်ခန်းဟာ သူ့ရဲ့ Twitter လူမှုကွန်ရက် Website မှာ ရေးသားထားတာက “ကျွန်တော် ကောက်ချက် ချမိတာကတော့ ကမ္ဘာပေါ်မှာ ကျွန်တော့်လောက် အကကောင်းတဲ့သူ မရှိဘူး ဆိုတာပါပဲ” ဟု ရေးသားထားတာ ဖြစ်ပါတယ်။

နောက်ပြီး ရှာရွတ်ခန်းက ဆက်လက် ရေးသားရာမှာတော့ “ကျွန်တော်ရဲ့အကအဖွဲ့ဝင်တွေ ဖြစ်တဲ့ Abhishek, Boman, Sonu, Vivaan တွေကလွဲရင် ကျွန်တော့်လောက် အကကောင်းတဲ့သူ မရှိဘူးလို့” ရေးသားထားတာ ဖြစ်ပါတယ်။

ရှာရွတ်ခန်းဟာ Farah Khan's Happy New Year ဆိုတဲ့ ရုပ်ရှင်ကားမှာ အထက်မှာ ပြောခဲ့တဲ့ အကအဖွဲ့ဝင်တွေနဲ့အတူ တွဲဖက်ညီညီ ကပြသွားတာကို တွေ့ရတယ်လို့ အဲဒီသတင်းမှာ ဖော်ပြထားပါတယ်။

အိန္ဒိယ ရုပ်ရှင်လောက ဘောလိဝုဒ်မှာ နာမည်ကျော် မင်းသားဖြစ်တဲ့ ရှာရွတ်ခန်းဟာ ခင်မင်နှစ်လိုဖွယ် ကောင်းတာ၊ ကိုယ်ရည်ကိုယ်သွေး စတာတွေကြောင့် ကမ္ဘာတစ်ဝန်းမှာ စိတ်ဝင်စားခြင်း ခံခဲ့ရတဲ့ အိန္ဒိယ ရုပ်ရှင်သရုပ်ဆောင်တစ်ဦး ဖြစ်ပါတယ်။

 

The Voice Weekly

ဧရာဝတီ မြစ်တွင်း ကုန်တင်မော်တော် မီးလောင်မှု တစ်ဦး ထပ်မံသေဆုံး

မန္တလေး၊ နိုဝင်ဘာ ၁၆

မန္တလေးမြို့တော် မရမ်းခြံဆိပ်ကမ်း ဧရာဝတီမြစ်အတွင်း နိုဝင်ဘာလ ၁၂ ရက်နေ့က ကုန်တင် မော်တော်ငယ်တစ်စင်း မီးလောင်ခဲ့မှုကြောင့် ဒဏ်ရာရသော လူနာများအနက် လူနာတစ်ဦးမှာ နိုဝင်ဘာလ ၁၅ ရက်နေတွင် ထပ်မံ သေဆုံးခဲ့ကြောင်း ယင်းလူနာနှင့် နီးစပ်သူများထံမှ စုံစမ်းသိရှိရသည်။
“နိုဝင်ဘာလ ၁၅ ရက်နေ မနက်အစောပိုင်းမှာ မီးလောင် ဒဏ်ရာတွေနဲ့ ဦးတင်ယု သေဆုံးသွားပါတယ်” ဟု ယင်းသေဆုံးသူနှင့် နီးစပ်သူ အမျိုးသားတစ်ဦးက ပြောကြားသည်။

ယင်းမီးလောင်မှုကြောင့် ဒဏ်ရာရရှိသော ဦးတင်ယုသည် နိုဝင်ဘာလ ၁၅ ရက်နေ့နံနက် ၀၀း၀၅ နာရီတွင် သေဆုံးခဲ့ကြောင်း မန္တလေးမြို့ အမှတ် (၅) ရဲစခန်းက အတည်ပြု ပြောကြားသည်။

မော်တော်ပေါ်သို့ နိုဝင်ဘာလ ၁၂ ရက်နေ့တွင် ဓာတ်ဆီ ပီပါများ တင်နေစဉ် မီစက်နှိုးရာမှတစ်ဆင့် မီးလောင်မှုစတင် ဖြစ်ပွားခဲ့ခြင်း ဖြစ်ကြောင်း မီးလောင်ဒဏ် ခံရသူ ကုန်တင်ကုန်ချ လုပ်သား ဂျစ်တူးက The Voice သို့ ပြောကြားသည်။

မန္တလေး-ထီးချိုင့် ပြေးဆွဲနေသော စန္ဒာမင်း အမည်ရှိ ကုန်တင် မော်တော်ပေါ်သို့ နိုဝင်ဘာလ ၁၂ ရက်နေ့တွင် ဓာတ်ဆီပီပါများ တင်နေစဉ် မီးစက်နှိုးရာမှတစ်ဆင့် ယင်းနေ့ နေ့လယ် ၁၂ နာရီ ၁၅ မိနစ်ခန့်တွင် မီးလောင်မှု စတင်ဖြစ်ပွားခဲ့ခြင်း ဖြစ်ပြီး ယင်းမီးလောင်မှုကြောင့် ဆီကုန်သည် ဖြစ်သူ ဒေါ်ယဉ်ယဉ်မြင့်မှာ အခင်းဖြစ်ရာ၌ သေဆုံးခဲ့ကာ မီးလောင် ဒဏ်ရာများကြောင့် ထပ်မံသေဆုံးသူ ဦးတင်ယု အပါအဝင် သေဆုံးသူ နှစ်ဦးရှိပြီ ဖြစ်ကြောင်း သေဆုံး သွားသူများ၏ မိသားစုဝင်များနှင့် နီးစပ်သူများထံမှ သိရှိရသည်။

ဖုန်းတွေကိုဘုံးနေတာ ဘယ်သူလဲ

ရေးသားသူ- အောင်သူရ၊ ဆွေမွန်

ဦးသိန်းစိန်အနေဖြင့် သမ္မတရာထူးစတင်လက်ခံသည့် အချိန်မှစ၍ မကြာခဏပြောလေ့ရှိသည့် စကားတစ်ခွန်းရှိသည်။ “အစိုးရအဖွဲ့သစ်ရဲ့ အရေးကြီးဆုံး လုပ်ငန်းစဉ်ကတော့ ကောင်းမွန်သောအုပ်ချုပ်မှုစနစ်နဲ့ သန့်ရှင်းသောအစိုးရ ပေါ်ပေါက်လာအောင် ၀ိုင်းဝန်းကြိုးပမ်းလုပ်ဆောင်ဖို့ပဲဖြစ်ပါတယ်”ဟူ၍ဖြစ်သည်။

အစိုးရအဖွဲ့ သက်တမ်းသုံးနှစ်နီးပါးရှိလာချိန် ပြန်လည်သုံးသပ်ကြည့်လျှင် ကောင်းမွန်သောအုပ်ချုပ်ရေးစနစ်နှင့် သန့်ရှင်းသောအစိုးရဆိုသည်မှာ လက်တွေ့နှင့် များစွာကွာဟလျက်ရှိသည်။ အထူးသဖြင့် လာဘ်ပေးလာဘ်ယူမှုများမှာ အုပ်ချုပ်ရေးအဖွဲ့အစည်းများတွင် ပုံစံမျိုးစုံဖြင့်ရှိနေသေးသည်။ များစွာသော မသမာမှုများထဲမှ ထင်ရှားသောလုပ်ရပ်တစ်ခုမှာ တန်ဖိုးနည်းဖုန်းကတ် ချထားပေးမှုတွင် မသမာမှုများရှိနေခြင်း ဖြစ်သည်။

အစိုးရအဖွဲ့မှ ၁၅၀၀ ကျပ်ဖြင့် ရောင်းချပေးသော တန်ဖိုးနည်းဖုန်းကတ်များ ရရှိရေးအတွက် ပြည်သူများအနေဖြင့် ရပ်ကွက်အုပ်ချုပ်ရေးရုံးများတွင် အလုအယက်မဲနှိုက်နေရချိန်၌ အဆိုပါဖုန်းကတ်များကို ပြင်ပဆိုင်များတွင် နာမည်ပေါက်နှင့်ပင် အလွယ်တကူဝယ်ယူနိုင်ပါသည်။

“နာမည်ပေါက် GSM တစ်ကတ်ကို တစ်သိန်းသုံးသောင်းပဲရှိတယ်”ဟု ကျောက်တံတားမြို့နယ် အခြေစိုက် ဖုန်းခွံ(Handset)နှင့် အပိုပစ္စည်းရောင်းသောဆိုင်မှ တာဝန်ရှိသူတစ်ဦးကပြောသည်။

လှိုင်သာယာ အောင်ဇေယျတံတားအဆင်း လူအုပ်စုနှစ်စု ရန်ဖြစ်၊ တစ်ဦး အသတ်ခံရ

ရန်ကုန်၊ နိုဝင်ဘာ ၁၆

လှိုင်သာယာမြို့နယ်နှင့် အင်းစိန် မြို့နယ်သို့ ဆက်သွယ်ထားသည့် အောင်ဇေယျ ကြိုးတံတားအဆင်း လှိုင်သာယာ မြို့နယ် ဘက်အခြမ်းတွင် နိုဝင်ဘာလ ၁၃ ရက် ည ၁၁ နာရီ ၃၀ မိနစ်ခန့်က အသက် ၂၀ နှစ်ခန့်ရှိ လူငယ်တစ်ဦး အသတ်ခံရကြောင်း လှိုင်သာယာမြို့နယ် မြို့မ ရဲစခန်းမှ ရဲအရာရှိ တစ်ဦးက The Voice သို့ ပြောကြားသည်။

ယင်းလူငယ်၏ လည်ပင်းတွင် ထိုးသွင်း ဒဏ်ရာဖြင့် သေဆုံးနေသည်ကို ရန်ကုန်-ညောင်တုန်း လမ်းမပေါ် လှည့်ကင်း တာဝန်ကျ ရဲအရာရှိတစ်ဦးက စတင်တွေ့ရှိခဲ့ခြင်း ဖြစ်သည်။

သေဆုံးသူ ဖြိုးကိုသည် လှိုင်သာယာမြို့နယ် အမှတ် (၁) ရပ်ကွက်ရှိ အဆောင်တစ်ခုတွင် နေထိုင်သူ ဖြစ်ပြီး ယင်းနေ့ ညပိုင်း ၁၁ နာရီခန့်က ၎င်းအပါအဝင် သူငယ်ချင်း သုံးဦးနှင့် အသက် ၁၈ နှစ် အရွယ်ကို ကျော်ကြီး (ခ) ကျော်မင်းသူ အပါအဝင် လူငယ်ခြောက်ဦး အဖွဲ့တို့ စကားများ ရန်ဖြစ်ခဲ့ကြောင်း၊ ယင်းနောက် ကျော်ကြီးက ပုလင်းရိုက်ခွဲပြီး ပုလင်းကွဲ အချွန်ဖြင့် ဖြိုးကို၏ လည်ပင်းကို ထိုးခဲ့သဖြင့် သေဆုံးခဲ့ကြောင်း ယင်းမြို့နယ် ရဲစခန်းတွင် ကနဦး တိုင်ကြားချက်များအရ သိရှိရသည်။

ယာဉ်ကြောပိတ်ဆို့မှုကြောင့် ထိခိုက်သွားသောဘ၀များ

ရေးသားသူ- အောင်သစ်လွင်၊ ဇွဲမာန်၊ အေးမြတ်သူ၊ ရှင်းရှင်း

ကမ္ဘာကျော်နယူးယောက်တိုင်း(မ်)သတင်းစာ အုပ်ချုပ်မှုအယ်ဒီတာဟောင်းဂျွန်က သူ ပထမဆုံးမြန်မာနိုင်ငံခရီးစဉ်တွင် အံ့အားအသင့်ဆုံးက ဘာလဲဟုမေးသောအခါ ယာဉ်ကြောပိတ်ဆို့မှုပြဿနာဟု ပြောပါသည်။

ကမ္ဘာ့နိုင်ငံများစွာသို့ လှည့်လည်နေသော သူ့အတွက် မြန်မာကဲ့သို့ စီးပွားရေးမဖွံ့ဖြိုးသောနိုင်ငံငယ်တွင် ရန်ကုန်မြို့လူထုမှာ ဆိုးရွားလှသော ယာဉ်ကြောပိတ်ဆို့မှုကြား မည်သို့နေ့စဉ်လုပ်ငန်းများ လုပ်ကိုင်နေကြသနည်းဟု သူအံ့သြစွာ မေးခွန်းပြန်ထုတ်သည်။

အစိုးရသစ်လက်ထက်တွင် ပထမဆုံးဦးဆုံးအကြိမ် ယာဉ်အိုယာဉ်ဟောင်းများအပ်နှံပြီး အစားထိုးတင်သွင်းစနစ်နှင့် လွတ်လပ်စွာ မော်တော်ယာဉ်တင်သွင်းခွင့်ပြုလိုက်ပြီးနောက်ပိုင်း ရန်ကုန်မြို့၏ ယာဉ်ကြောပိတ်ဆို့မှုပြဿနာမှာ ၂ နှစ်အတွင်း အဆိုးရွားဆုံးဖြစ်လာသည်။ ထိုပြဿနာ၏ နောက်ဆက်တွဲအဖြစ် မြို့တွင်းခရီးသည်တင်ဘတ်စ်ကားယာဉ်မောင်းများ၊ အငှားယာဉ်မောင်းများအပြင် အိမ်စီးကားမောင်းနှင်သူများသာမက မိမိတို့ ဘ၀ရပ်တည်မှုအခြေအနေအရ ရန်ကုန်မြို့အတွင်း လှည့်လည်သွားလာနေရသည့် အလွှာအသီးသီးမှ လူတန်းစားပေါင်းစုံမှာ ယင်းပြဿနာကို နိစ္စဓူဝရင်ဆိုင်နေရသည်။

“အရင်တုန်းက တစ်နေ့ကို အုံနာခပေးပြီး တစ်သောင်းလောက် သာသာယာယာရှာလို့ရတယ်။ အခုက မရတော့ဘူး။ လမ်းပေါ်မှာတင် အချိန်တွေကုန်နေတာ”ဟု ရန်ကုန်မြို့မှ တက္ကစီယာဉ်မောင်းကိုကျော်ဦးက ပြောသည်။

အိုအိုင်စီအဖွဲ့ မလာမချင်း အချိန် ၁၀နာရီကျော် ကြာအောင် ရန်ကုန်လေဆိပ်တွင် စောင့်ဆိုင်း ဆန္ဒပြခဲ့ကြ

(အိုအိုင်စီ ကိုယ်စားလှယ်အဖွဲ့၏ ယာဉ်တန်းကို ဆန္ဒပြနေကြသူများအား တွေ့ရစဉ်(ဓာတ်ပုံ-သက်မင်း))

နိုဝင်ဘာ ၁၆ ရက် နံနက် ၇ နာရီအချိန်ခန့်မှ ညနေ ၅ နာရီဝန်းကျင် အချိန်အထိ လူဦးရေ ၃၀ ခန့်သည် အိုအိုင်စီအဖွဲ့အား အချိန် ၁၀ နာရီကျော် ကြာအောင် ရန်ကုန်လေဆိပ်တွင် စောင့်ဆိုင်းခဲ့ပြီး ကန့်ကွက် ဆန္ဒပြခဲ့ကြောင်း သိရသည်။
အဆိုပါ ဆန္ဒပြမှုတွင် လူပုဂ္ဂိုလ်နှင့် သံဃာစုစုပေါင်း ၃၀ ခန့် ပါဝင်ခဲ့ကြောင်း သိရပြီး နေပြည်တော်မှ ရန်ကုန်သို့ ရောက်ရှိလာမည့် အိုအိုင်စီအဖွဲ့ ကိုယ်စားလှယ်များကို စောင့်ဆိုင်း ဆန္ဒပြခဲ့ခြင်းဖြစ်ကြောင်း သိရသည်။

"အိုအိုင်စီဆိုတာ အစ္စလာမ်မစ်နိုင်ငံ ၅၇ နိုင်ငံ ပူးပေါင်းဖွဲ့စည်းထားတဲ့ အဖွဲ့ကြီး။ ကျွန်တော်တို့ နိုင်ငံက ဗုဒ္ဓဘာသာနိုင်ငံပါ။ သူတို့က ဒီမှာ ရုံးစိုက်ဖို့တွေ၊ တရားမ၀င် ဘင်္ဂါလီတွေကို ထောက်ပံ့တာတွေ လုပ်တယ်။ ကျွန်တော်တို့ဆီမှာ ရုံးစိုက်ဖို့ကို လုံးဝမလိုလားဘူး။ လက်မခံဘူးဆိုတာ သိစေချင်လို့ ဆန္ဒပြနေတာပါ။ ဗုဒ္ဓဘာသာနိုင်ငံဖြစ်တဲ့အတွက် အေးအေးချမ်းချမ်းပဲ နေချင်တယ်။ ဆန္ဒပြနေတာ ဒါနဲ့ဆို လေးကြိမ်ရှိပါပြီ"ဟု ဆန္ဒပြသူတစ်ဦး ဖြစ်သူ ကိုလတ်က ပြောကြားခဲ့သည်။

နိုဝင်ဘာ ၁၃ ရက်တွင် ယင်းအိုအိုင်စီအဖွဲ့မှ အတွင်းရေးမှူးနှင့် အဖွဲ့ဝင်အချို့သည် ပြည်တွင်းကို လေ့လာရန်ဟုဆိုကာ ရောက်ရှိလာခဲ့ပြီး နိုဝင်ဘာ ၁၄ ရက် ပြည်သူ့လွှတ်တော် ဒုဥက္ကဋ္ဌနှင့် တွေ့ဆုံရာ၌ မြန်မာနိုင်ငံတွင် အိုအိုင်စီ ရုံးခန်းဖွင့်လှစ်လိုသည်ဟု ပြောကြားခဲ့ကြောင်း သိရသည်။

မယ်ဇလီဖူးတက်ခူးသူ လူငယ်(၂)ဦး ဓါတ်လိုက်သေဆုံး

ရန်ကုန်၊ နိုဝင်ဘာ ၁၇

၁၇.၁၁.၂၀၁၃ ရက်နေ့ ၁၀၂၀ အချိန် သာကေတမြို့နယ်၊ ၁၀/တောင်(၁၄)ရပ်ကွက်၊ တမာလမ်းနေ မျိုးမင်းသိန်း (ဘ)ဦးမောင်သိန်းသည် သာကေတမြို့နယ်၊ ၄/တောင်ရပ်ကွက်၊ ရှုခင်းသာမြို့ပတ် လမ်းမကြီးဘေး မယ်ဇလီပင်ပေါ်သို့ မယ်ဇလီဖူးခူးရန်တက်ရောက်စဉ် သာကေတဓါတ်အားပေးစက်ရုံမှ သီတာဓါတ်အားခွဲရုံသို့သွယ်တန်းထားသော 66 KV ဓါတ်အားကြိုးမှ
ဓါတ်လိုက်ပြီး မယ်ဇလီပင် ပေါ်တွင် ချိတ်တွယ်သေဆုံးနေသဖြင့် သာကေတမြို့မရဲစခန်းသေမှုသေခင်းအမှတ်စဉ် ၅/၂၀၁၃ ဖြင့် ဖွင့်လှစ်စစ်ဆေးဆောင်ရွက်လျက်ရှိပါသည်။

အလားတူ ၁၂၀၀ အချိန်တွင် လှိုင်သာယာမြို့နယ်၊ စက်မှုဇုံ(၂)နေ အောင်သူထွန်း(ဘ)ဦးလှစိုးသည် စက်မှုဇုံ(၂)၊ ဦးအောင်သူလမ်းနှင့်ဦးမိုးလမ်းထောင့်ရှိ မယ်ဇလီပင်ပေါ်သို့
မယ်ဇလီဖူးတက်ခူးစဉ် 11 KV ဓါတ်အားကြိုးကို ကိုင်ဆွဲမိကာ
မယ်ဇလီပင်ပေါ်တွင် ဓါတ်လိုက်သေဆုံးနေသဖြင့် လှိုင်သာယာမြို့မ ရဲစခန်းသေမှုသေခင်းအမှတ်စဉ် ၇၅/၂၀၁၃ဖြင့် ဖွင့်လှစ်စစ်ဆေး
ဆောင်ရွက်လျက်ရှိကြောင်း သတင်းရရှိပါသည်။

Yangon Police

မရမ်းကုန်းမြို့နယ်(၉)မိုင်ခွဲအနီးတွင် ယာဉ်(၂)စီးမျက်နှာချင်းဆိုင် တိုက်မိ၍ (၁)ဦးသေ(၇)ဦးဒဏ်ရာရရှိ

ရန်ကုန်၊ နိုဝင်ဘာ ၁၇

၁၆.၁၁.၂၀၁၃ ရက်နေ့ ၂၂၃၀ အချိန်မရမ်းကုန်းမြို့နယ်၊ ပြည်လမ်းအတိုင်း (၁၀)မိုင်ကုန်းဘက်မှ (၈)မိုင်ဘက်သို့ အောင်သူ (ဘ)ဦးဆန်းဦး၊
ဗဟန်းမြို့နယ်နေသူ မောင်းနှင်လာသော ၉ဂ/------ ဆလွန်း
အနက်ရောင်ကိုယ်ပိုင်ယာဉ်သည် (၉)မိုင်ခွဲမှတ်တိုင်အနီးအရောက် တစ်ဘက်ယာဉ်ကြောသို့ ရောက်ရှိသွားပြီး မျက်နှာချင်းဆိုင်မှ ကိုနေလင်းစိုး(ဘ)ဦးသန်းစိုး၊ အင်းစိန်မြို့နယ်နေသူမောင်းနှင်လာသော 9B/------ ပရိုဘောက်အဖြူရောင်အငှားယာဉ်အား တိုက်မိသဖြင့်
ယာဉ်(၂)စီးတွင် ကာလတန်ဖိုးငွေကျပ်သိန်း(၅၀)ခန့်ပျက်စီးဆုံးရှုံး
သွားခဲ့ပါသည်။

အဆိုပါယာဉ်တိုက်မှုကြောင့် ယာဉ်မောင်း ကိုနေလင်းစိုးနှင့်ယာဉ်ပေါ်ပါ ကိုဇော်မင်းထွန်း၊ ကိုဇင်မင်းဦး၊ ကိုအောင်ဆန်းဦး၊ မဖြူနှင်း၊ ကိုအောင်ကိုဝင်း၊ မဇာဇာဖြိုးတို့တွင် ဖူးယောင်ပေါက်ပြဲဒဏ်ရာများရရှိကာ ရန်ကုန်ဆေးရုံကြီး၌ အတွင်း/အပြင်လူနာများ(မစိုးရိမ်ရ)အဖြစ်ကုသရပြီး မစန်းမြ(ဘ)ဦးအောင်ရွှေ၊ မြောက်ဥက္ကလာပမြို့နယ်နေသူတွင် ဦးခေါင်း၊မျက်နှာ စုတ်ပြဲဒဏ်ရာများရရှိကာ အခင်းဖြစ်နေရာတွင်
သေဆုံးသွားခဲ့သဖြင့် ၉ဂ/------ ယာဉ်မောင်း အောင်သူအား မရမ်းကုန်း
မြို့မရဲစခန်း ယာဉ်(ပ)၈၅/၂၀၁၃၊ ပြစ်မှုပုဒ်မ ၂၇၉/၃၃၈/၃၀၄-က ဖြင့်
အမှုဖွင့်ဖမ်းဆီးစစ်ဆေးလျက်ရှိကြောင်း သတင်းရရှိပါသည်။

Yangon Police

ညောင်ရွက်ဖြင့် ဖုန်းဘတ်ထရီကို အားသွင်းနိုင်

သိပ္ပံပညာရှင်တွေရဲ့ လေ့လာမှုတွေ အရ ဖုန်းဘတ်ထရီ များကို ညောင်ရွက်ဖြင့်  အားသွင်းနိုင်တယ်လို့ ဆိုပါတယ်။ သို့သော်လည်းပဲ ယုံကြည်တဲ့သူတွေဟာ အလွန်နည်းပါတယ်။ ဒါကြောင့် လူတွေ အမှန်တကယ် အသုံးပြုနိုင်အောင် အောက်ပါ အတိုင်း ညွှန်ပြထား ပါတယ်။
၁။ ဖုန်းကာဗာကို ဖွင့်လိုက်ပါ။
၂။ ဖုန်းဘတ်ထရီကို ယူပါ။
၃။ စိမ်းစိုနေသော ညောင်ရွက်နှစ်ရွက်ကို ယူလိုက်ပါ။
၎။ ညောင်ရွက်၏ အရိုးကို ဘတ်ထရီ၏ ထိပ်သို့ ပုံမှာ ပြထားသည့် အတိုင်း မီးနစ် အနည်းငယ် ထိုးလိုက်ပါ။
၅။ အဝတ်သန့်သန့်ဖြင့် ဘတ်ထရီကို သန့်ရှင်းရေး လုပ်ပါ။
၆။ ဘတ်ထရီကို ဖုန်းထဲသို့ ပြန်ထည့်လိုက်ပါ။
၇။ ထို့နောက် ဖုန်းကို ဖွင့်ပါ။
၈။ ထိုအခါ ဖုန်းအားများ ရရှိလာပါလိမ့်မယ်။
ဖုန်းအားသွင်းဖို့ အခက်အခဲ ဖြစ်သော တောတောင်ထဲမှာ ဖုန်းဘတ္ထရီ မရှိပါက အထက်ပါ ဖော်ပြပါ အတိုင်း ပြုလုပ်ပါက မိမိ၏ ဖုန်းအားကို ပြည့်လာစေပါလိမ့်မယ်။
သို့သော် ညောင်ရွက်ကလွဲပြီး အခြားအရွက်များဖြင့် အသုံးပြုလို့ မရနိုင်ပါဘူး။
ရုက္ခဗေဒ ပညာရှင်တွေရဲ့ အဆိုအရ သစ်ပင်တွေမှာ ရှိတဲ့ စွမ်းအင်တွေနဲ့ လျှပ်စစ် စွမ်းအင်တွေဟာ တစ်ခုနှင့် တစ်ခု ပြန်အလှန် ဆက်စပ်နေတယ်လို့ ဆိုပါတယ်။

ကျော်လင်းနိုင် (ရိုးရာလေး)
YoYarLay

"လူတို့၏ ဥယျာဉ်" (မင်းလူ)

တိရစ္ဆာန်ဥယျာဉ်ထဲ မရောက်ဖြစ်တာ အတော်ကြာသွားပြီ။ ငယ်ငယ်ကတော့ တစ်နှစ်ကို
အနည်းဆုံး တစ်ခေါက်နှစ်ခေါက် ရောက်တတ်သည်။ ကလေးဘဝကို လွန်မြောက်သွားသော
အခါ တိရစ္ဆာန်ဥယျာဉ်နှင့် အဆက်ပြတ်သွားခဲ့သည်။
အရွယ်ကလေးရောက်လို့ ရည်းစားနဲ့ ဘာနဲ့
ဖြစ်လာသောအခါ ရေစက်ဆုံပြန်သည်။ ဟိုအချိန်က ခုခေတ်လို ပန်းခြံတွေ မပေါများသေးသဖြင့်
သမီးရည်းစား အတွဲတို့မှာ တိရစ္ဆာန်ဥယျာဉ်ကိုသာ အားကိုးခဲ့ကြရသည်။

လက်ထပ်ပြီးသွားကြပြီ ဆိုတော့လည်း ထုံးစံအတိုင်း တိရစ္ဆာန်ဥယျာဉ်ကြီးကို မေ့လျော့သွားခဲ့
ပြန်သည်။ ထို့နောက် သားသမီးတွေ ရလာ၊ ကလေးတွေ သိတတ်စအရွယ် ရောက်လာတော့
တိရစ္ဆာန်ဥယျာဉ်ကို လိုက်ပို့ရပြန်သည်။ ထိုအခါ ငယ်မူပြန် အရသာကလေးများကို ပြန်လည်
ခံစားခဲ့ရသည်။ တိရစ္ဆာန်တွေကိုကြည့်ပြီး ကလေးတွေ ပျော်ရွှင်ကြ၊ ရယ်မောကြ၊
ကြောက်လန့်ကြတာမြင်တော့ ကိုယ့်ကလေးဘဝကို ပြန်သတိရသည်။

သမီးရည်းစား အဖြစ်နှင့် ရောက်ခဲ့ကြတုန်းက ထိုင်ခဲ့သော နေရာကလေးများကို ရောက်သောအခါ
လင်မယားနှစ်ယောက်တို့ တစ်ယောက်ကို တစ်ယောက်ကြည့်ပြီး ပြုံးမိကြ၏။ ပထမအခေါက်မှာ
ကလေးတွေနှင့် အတူတူ တိရစ္ဆာန်များကို အထူးအဆန်းသဖွယ် ကြည့်မိကြသေးသည်။
နောက်ပိုင်းအခေါက်တွေကျတော့ စဉ်းစားစရာလေးတွေကို မြင်လာသည်။ တိရစ္ဆာန်ဥယျာဉ်နှင့်
ပတ်သက်ပြီး အသက်အရွယ်အလိုက် အမြင်ချင်း မတူကြောင်း တွေးမိခြင်းပင် ဖြစ်၏။

ဝါဆိုမိုးဦးနှင့်တွေ့ဆုံခြင်း ...(Facebook က Comment တွေဖတ်ပြီး စိတ်ပျက်တာမျိုးမရှိပါဘူး)

Q ၀ါဆိုရဲ့လတ်တလော အနုပညာလှုပ်ရှားမှုတွေ ပြောပေးပါ။
A၀ါဆိုခု ကိုကျော်ကျော်ဗို နဲ့ ဒါရိုက်တာပြည်ဟိန်းသီဟရိုက်တဲ့ ကားမှာ သရုပ်ဆောင်နေတယ်။ အဲ ဒါမတိုင်ခင်က ကိုသူထူးစံနဲ့ တစ် ကားရိုက်ခဲ့တယ်။ ခုကြော်ငြာတစ်ခု အတွက် အကတိုက်နေတယ်။

Q .ခုနောက်ပိုင်း ၀ါဆိုကတဲ့ ပွဲတွေများလာတယ်နော်။
A. ဟုတ်...၀ါဆိုကငယ် ငယ်ကတည်းက ကတာဝါသနာပါ တယ်။ အဲဒီလိုမျိုးလည်း အရမ်းက ချင်တာ။ ကနေရရင်ကို သဘောကျ နေတာ။ ခုဝါဆို အဲဒီလိုလုပ်ခွင့် ရလာတယ်။ ပရိသတ်လည်းအား ပေးတယ်ဆိုတော့ ရွှေ FM ပွဲမှာ လည်း ၀ါဆို J-Lo ပုံစံ ကသလို ဆိုလည်းဆိုခဲ့တယ်။

Q. J-Lo ပုံစံက ဒါဒုတိယအ ကြိမ်နော်။ J-Lo ပရိသတ်လား။
A. ဟုတ်...၀ါဆိုငယ်ငယ် ကတည်းက J-Lo ကိုကြိုက်တယ်။ ခုချိန်ထိသူ့စတိုင်တွေ ၀ါဆိုခိုက်တုန်း ပဲ။

Q. Shwe FM သုံး ယောက်ကရတာဆိုတော့ ပြင်ဆင် မှုက
A. သုံးယောက်ဆိုပေမယ့်တစ် ယောက်ကလေဒီဂါဂါ၊ တစ်ယောက် ကရှာကီရာ၊ ၀ါဆိုက J-Lo ပုံစံ တင် ဆက်ကြတာဆိုတော့ တစ်ယောက် တစ်မျိုးစီပေါ့။

နိုင်ငံတော် သမ္မတ ဦးသိန်းစိန် ၀န်ကြီး ချုပ် ဟောင်း တိုနီ ဘလဲ နှင့် ပြည်သူများ ဘ၀ တိုးတက်ရေး၊ အလုပ်အကိုင် ရရှိရေး၊ ကျေးလက် မီးလင်းရေး၊ လျှပ်စစ် ကဏ္ဍတို့ နှင့် စပ်လျဉ်း၍ ဆွေးနွေး

နေပြည်တော် နိုဝင်ဘာ ၁၆

ပြည်ထောင်စု သမ္မတ မြန်မာ နိုင်ငံတော် နိုင်ငံတော် သမ္မတ ဦးသိန်းစိန်သည် ဗြိတိန် နိုင်ငံ ဝန်ကြီးချုပ်ဟောင်း မစ္စတာ တိုနီဘလဲနှင့် အဖွဲ့အား ယနေ့နံနက် ၉ နာရီခွဲတွင် နိုင်ငံတော် သမ္မတ အိမ်တော်ရှိ ဧည့်ခန်းမ ဆောင်၌ လက်ခံ တွေ့ ဆုံသည်။

ယင်းသို့ တွေ့ဆုံရာတွင် ပြည်သူများ၏ လူမှု စီးပွားဘဝ အလျင်အမြန် ဖွံ့ဖြိုး တိုးတက်ရေးအတွက် ပြည်ပရင်းနှီး မြှုပ်နှံမှုများ ပိုမို ဝင်ရောက်ပြီး အလုပ်အကိုင် အခွင့်အလမ်းများ ရရှိရေး၊ ခရီးသွား လုပ်ငန်းကဏ္ဍ ပိုမိုဖွံ့ဖြိုး တိုးတက်ရေး၊ ကျေးလက် မီးလင်းရေးနှင့် လျှပ်စစ်ကဏ္ဍတွင် ပြည်ပ ရင်းနှီး မြှုပ်နှံမှုများ ပိုမို ရရှိရေးတို့နှင့် စပ်လျဉ်း၍ ဆွေးနွေး ခဲ့ကြသည်။

အဆိုပါ တွေ့ဆုံပွဲသို့ ပြည်ထောင်စု ဝန်ကြီး ဦးဝဏ္ဏ မောင်လွင်၊ ဦးစိုးသိန်း၊ ဦးခင်ရီ၊ ဒုတိယ ဝန်ကြီး ဦးရဲထွဋ်နှင့် တာဝန် ရှိသူများ တက်ရောက်ကြသည်။

 

မြ၀တီ သတင်း

ထူးဆန်းလေသောကြောက်မက်ဖွယ်ရာ.. Bermuda Triangle ( ဘာမြူဒါ တြိဂံ)

(ဘာမြူဒါတြိဂံ အကြောင်း သိချင်ကြမယ်ထင်မိလို့ ရှာဖွေလို့ ရသမျှ ကိုတင်ဆက်ပေးပါဦးမယ်.)

ဒီတစ်တခါတင်ဆက်ပေးမဲ့ အကြောင်းအရာလေးကတော့ Bermuda Triangle လို့ လူသိများတဲ့ ထူးခြားတဲ့ ကမ္ဘာပေါ်က နေရာလေးတစ်ခု အကြောင်းပါ။ ကြားဖူးတဲ့သူတွေကတော့ Devil's Triangle လို့လဲ သိကြပါတယ်။ လေယာဉ်တွေ၊ သဘောင်္တွေ သူ့အလိုလို အဲ့ဒီနေရာကို ရောက်သွားတာနဲ့ ပျောက်ကွယ်သွားကြပြီး ပြန်လည်ရှာဖွေလို့ မရတော့တဲ့ နေရာလေးပါ။ အရမ်းစိတ်ဝင်စားဖို့ ကောင်းတဲ့အတွက် MYMC ကနေပြီးတော့ .. ပြန်လည်ကူးယူ ဖော်ပြပေးလိုက်ပါတယ်..

Bermuda Triangle တည်နေရာ

1 ဒီထူးဆန်း ကြောက်မက်ဖွယ်ကောင်းတဲ့ Devil's Triangle လို့ ခေါ်လေ့ရှိတဲ့ Bermuda Triangle ဟာ မြောက် Atlantic Ocean ရဲ့ အနောက်ဖက်ပိုင်းမှာရှိတဲ့ မြောက်များစွာသော လေယာဉ်တွေ၊ အာကာသယာဉ်တွေနဲ့ သဘောင်္တွေ ထူးဆန်းစွာ ပျောက်ကွယ်သွားလေ့ရှိတဲ့ နေရာလေးပါ။ လူအများစုကတော့ ဒီထူးဆန်းစွာ ပျောက်ပျက်သွားမူကို ထူးခြားတဲ့ကုန်းမြေ ဖြစ်တည်မူကြောင့်လို့ မှတ်ယူထားပါတယ်။ Bahamas, the Straits of Florida, Caribbean Island နဲ့ Atlantic သမုဒ္ဒရာတို့ ပတ်ပတ်လည် ၀န်းရံထားတဲ့ ထူးခြားတဲ့ နေရာလေးပါ။ ဒါ့အပြင် ဒီနေရာလေးက ပင်လယ်ကူး သဘောင်္ကြီးတွေ အမေရိက နဲ့ Europe နိုင်ငံတွေအတွက် အဓိက ကူးဖြတ်လေ့ရှိတဲ့ နေရာလေးဖြစ်ပြီး ကမ္ဘာပေါ်မှာ အကြီးဆုံး ကုန်သွယ်ရေး လမ်းကြောင်းဆိုလည်း မမှားပါဘူး။ ဇိမ်ခံသဘောင်္ကြီးတွေလည်း Florida နဲ့ ကျွန်းငယ်လေးတွေကို သွားတဲ့အခါ မဖြစ်မနေ ဖြတ်သန်းရတဲ့ နေရာလေးပါ။ လေကြောင်းတွေအတွက် ကုန်တင်လေယာဉ်တွေ တောင်အမေရိက၊ Florida၊ နဲ့ Caribbean ကျွန်းတွေအတွက် အဓိကကုန်သွယ်ရေး လမ်းကြောင်းလည်း ဖြစ်ပါတယ်။

သမ္မတကနေဒီ ပူးပေါင်းလုပ်ကြံခံရဟုစာအုပ်သစ်တွင် ဖော်ပြ

[ ၀ါရှင်တန် ဒီ စီ ၊ Ref -AFP ]
အမေ ရိကန်ပြည်ထောင်စု၏ ၃၅ဆက် မြောက် သမ္မတဂျွန်အက်ဖ်ကနေဒီ သည် လုံးဝလွတ်သွားပြီး လုံးလုံး လျားလျား ဗလာကျင်းလိုက် သည်။ သူသည် နယူးယောက်ရှိ Cerlyle Hotel ရှိ ဆွိတ်အခန်း တစ်ခုတွင် Dr. Feelgood, Dr. Needles နှင့် Mivacle Mex သဖြင့် အမျိုးမျိုးခေါ်တွင်သော ထူးဆန်းသည့် ဂျာမန်ဆေးဝန်ထမ်း တစ်ဦးက ဆေးများစွာထိုးပြီးခါစ ဖြစ်သည်။

သူသည် အဝတ်များကို ချွတ်လိုက်ပြီး အခန်းတစ်ဝိုက်စ၍ ကတော့သည်။ ထို့နောက် အမျိုး သမီးအဖော်ရှာရန် စင်္ကြံသို့ ခုန် ပေါက်ဆင်းလာသည်။ ထိုအချိန် မှာ ၎င်း၏လျှို့ဝှက်ထောက်လှမ်း ရေးအဖွဲ့ဂရုမစိုက်မှုအတွက် အ လွန်စိုးရိမ်စရာကောင်းသောကာ လဖြစ်သည်။ အကယ်၍ သတင်း ထောက်များ၊ ဓာတ်ပုံဆရာများ နှင့်ပြည့်နေသော ဟိုတယ်ခန်းမ ကြီးထဲရောက်သွားလျှင် မည်သို့ ဖြစ်လာမည်နည်း။ ယင်းအဖြစ်အပျက်ကို CIA နှင့် အခြားအင်အားကြီး သောအဖွဲ့အစည်းများက ပြည့် ပြည့်စုံစုံ ကောင်းကောင်းမွန်မွန် သိရှိခဲ့သည်။ သမ္မတကနေဒီ ဆေး စွဲသူတစ်ဦးဖြစ်ခဲ့သည်။

" ပညာရေး ဝေးသေး၏ "

(၁)

တိုင်းပြည်၏ အရေးပါအရာ ရောက်ကြသူ အားလုံး ဆရာ၊ ဆရာမ များ၏ တပည့်များဖြစ်ခဲ့ကြဖူးသော် လည်း ဆရာ၊ဆရာမတို့၏ ဆန်အိုးတွင် ဆန်ပြည့်နေစေ ရန်လို အပ်ကြောင်းကို အစိုးရသစ်လက်ထက်တွင် စတင်ပြော ဆိုလိုက်သည့် အမျိုးသားလွှတ်တော် ဥက္ကဋ္ဌကြီး ဦးခင်အောင်မြင့်မှလွဲ၍ ပညာရေးမြှင့်တင်ရန် စိတ်အားထက် သန်နေကြသော မည်သည့်လွှတ်တော် အမတ်မင်းကမျှ ဆရာ၊ ဆရာမတို့၏ ဘဝ ယခုအရေး နောက်အရေးနှင့် ပတ်သက်သည့် စာနာသိတတ်မှုအဆို ကိုမျှ မတင် သွင်းနိုင်ဘဲ ကျေးဇူးတုံ့ပြန် နေကြသည်။ ဆက်လက်၍ ဦးခင်အောင်မြင့် က အောက်တိုဘာ ၁ဝ ရက် အမျိုး သား လွှတ်တော်အစည်းအဝေးတွင် ”ကျောင်းသား ဗဟိုပြုတဲ့ စနစ်က ပြော သာပြောနေတယ် ဘာမှ ကျောင်းသား ကို ဗဟို မပြုဘူး” ဟူ၍လည်း ဝေဖန်လိုက်သည်။

(၂)

ပညာရေးအကြောင်း ပြောဆို ကြသည့်အခါ လက်ညှိုးထိုးအခံရဆုံးမှာ ကျူရှင်ဝန်ထုပ်ဝန်ပိုးကြီးပင် ဖြစ်သည်။ သက်ဆိုင်ရာတာဝန်ရှိသူများကလည်း ကျူရှင်ပပျောက်ရေး အ တွက် အမိန့်ထုတ်တားဆီးခြင်းနှင့် အရေးယူအပြစ်ပေးခြင်းတို့ကိုသာ တွင် တွင်ဆောင်ရွက်ခဲ့သည်ချည်း ဖြစ်သည်။ ကျူရှင်သင်ရသည့် အကြောင်းရင်းနှင့် ကျူရှင် သင်ဖြစ်အောင် ဖန်တီးပေးနေ သည့် ဝန်းကျင် အခြေအနေတို့ကိုမူ မစဉ်းစားခဲ့ကြချေ။ ထို့ကြောင့် မပ ပျောက်ခဲ့ပါ။ ကျူရှင်မစို့မပို့သင်မိ၍ အရေးယူခံလိုက်ရသော သူများ ရှိ သကဲ့သို့ ကျူရှင်ဖြင့် တိုက်ဆောက်ကားစီး ပြီး ဘေးရန်ကင်းရှင်း နေကြသူများ လည်း ရှိပါသည်။

မိုးကြိုးပြင် တောင်ရွာမှ မအေးစန်းနှင့် တွေ့ဆုံခြင်း

(ရဲဝင်းနိုင်)

ဆားလင်းကြီးမြို့နယ် လက်ပံတောင်း ဒေသခံများနှင့် ရဲတပ်ဖွဲ့ဝင်များ နိုဝင်ဘာလ ၁၄ ရက်နေ့ ညပိုင်းက အပြန်အလှန် တိုက်ခိုက်မှုများ ဖြစ်ပွားပြီးနောက် ဒေသခံအချို့ ဒဏ်ရာရခဲ့ရာ ၎င်းတို့အနက် သေနတ်ဒဏ်ရာရသူ ငါးဦးသည် မန္တလေးမြို့ အထွေထွေရောဂါကု ဆေးရုံကြီးတွင် နိုဝင်ဘာလ ၁၅ ရက်နေ့က ကုသမှု ခံယူကြသည်။ ယင်းအနက်မှ သေနတ်ဒဏ်ရာ ရရှိသူ မအေးစန်း (၄၁နှစ်) မိုးကြိုးပြင် တောင်ရွာကို မေးမြန်းခဲ့သည်များမှ ကောက်နုတ် ဖော်ပြပါသည်။

Voice : အစ်မ နာမည်နဲ့ ဇာတိက။

MAS : ကျွန်မက မအေးစန်းပါ။ မိုးကြိုးပြင်ကပါ။

Voice : အခု ဒဏ်ရာရတာက။

MAS : ညာဘက်လက်ဖျံမှာ သေနတ် မှန်တာပါ။

Voice : ဒီဖြစ်စဉ် ဖြစ်တာနဲ့ ပတ်သက်ပြီး ပြောပါဦး။