မကြာခဏခေါင်းလျှော်ခြင်း
တစ်ကိုယ်ရေ သန့်ရှင်းမှု အတွက် ပုံမှန်ခေါင်း လျှော်တာက သင့်ဦးရေပြား ပေါ်က အညစ်အကြေးတွေနဲ့ ချွေးတွေကို သန့်စင်စေနိုင်ပေမယ့် တစ်နေ့တည်းမှာ နှစ်ကြိမ်လောက် ခေါင်းလျှော် တာမျိုးနဲ့ မကြာခဏ
ဆိုသလို ခေါင်းလျှော် ရည်တွေနဲ့ ခေါင်းလျှော်နေ တာကြောင့် သင့်ဦးရေပြား ခြောက်သွေ့ စေပြီး သဘာဝအဆီတွေကို ခန်းခြောက် စေနိုင် ပါတယ်။ ဦးရေပြား ခြောက်သွေ့တာကြောင့် ဗောက်ထ စေနိုင်ပါသေးတယ်။ တစ်ပတ်ကို နှစ်ကြိမ် သုံးကြိမ် လောက်သာ ပုံမှန် ခေါင်းလျှော်ပါ။
တင်းကျပ်စွာ စည်းနှောင်ခြင်း
ဆံပင်ကို တင်းတင်းကျပ်ကျပ် သားရေကွင်းတွေနဲ့ စည်းနှောင် တာဟာ သင့်ဆံသားတွေကို ထက်ပိုင်းကျိုးတာမျိုးနဲ့ ပြတ်ထွက်တာ မျိုးတွေဖြစ်စေနိုင် ပါတယ်။ နေ့စဉ် ဆံပင်စည်းနှောင် တာမျိုးကြောင့်လည်း ဆံသားတွေ ပြတ်ထွက်စေတတ် ပါတယ်။ ခပ်လျော့လျော့သာ စည်းနှောင်ပေးပါ။