ဇူလိုင်ဝိညာဉ်( ကေသွယ် )

ရန်ကုန်တက္ကသိုလ် သထုံဆောင် သဟာယနှင့် စာဖတ်အသင်း (၁၉၆၃-၆၄) မှ ထုတ်ဝေဖြန့်ချိသော ၇ ဇူလိုင် ဓာတ်ပုံမှတ်တမ်း
ဇူလိုင်လထဲကို စ၀င်လာပြီ ဆိုတာနဲ့ တစ်စုံတစ်ရာက နှိုးဆွလိုက်သလို သူတို့စိတ်ဝိညာဉ်တွေ အသင့်ဖြစ်နေ တတ်ကြသည်။ ဇူလိုင်သြဂုတ်ဆိုတဲ့ ပြက္ခဒိန် စာလုံးတွေရဲ့နောက်မှာ သမိုင်းနီနီ ညိုညိုမှိုင်းတွေက ကပ်ပါနေခဲ့သည်ကိုး။
"ဗိုလ်ချုပ်အောင်ဆန်းနှင့်တကွ အာဇာနည်ကြီးများ" ဆိုတဲ့ စကားရပ်ကိုတော့ ကျောင်းတက်စ အရွယ်ကတည်းက သူတို့ခေါင်းထဲမှာ သံမှိုနှက်ပြီးသား။ မုတ်သုံမိုး တဖွဲဖွဲစွေနေတတ်တဲ့ ဇူလိုင် ၁၉ ရဲ့ ဥသြဆွဲသံကို ကြားရုံနှင့်ပင် ၀မ်းနည်းပက်လက် ဖြစ်တတ်ခဲ့သလို ဒီဇူလိုင်လထဲမှာပဲ နောက်ထပ်ဝမ်းနည်းစရာ နေ့တစ်နေ့ ရှိနေသေးတယ် ဆိုတာကိုလည်း ရိပ်ဖမ်းသံဖမ်း သိနေခဲ့ကြသည်။ တကယ်တော့ ဆဲဗင်းဇူလိုင်ဆိုတာ  ဥသြသံမစွဲ မျက်ရည်မ၀ဲနိုင်ဘဲ အံကြိတ်ခဲရင်း မျိုးဆက်တစ်ခုကနေ မျိုးဆက်နောက်တစ်ခုကို တိတ်တိတ်ဆိတ်ဆိတ် လက်ဆင့်ကမ်းခဲ့ရတဲ့ အာဇာနည်နေ့ နောက်တစ်နေ့ပဲ မဟုတ်လား။

လူမိုက်ပုံပြင်(ရန်ကင်းသား)

တစ်ခါတုန်းက သူဌေးကြီးတစ်ယောက်သည် တပည့်ဖြစ်သူအား လူမိုက်ကြီး (၁၀)ယောက်အား ရှာဖွေ၍ စာရင်းကောက်ခဲ့ရန် တာဝန်ပေးလိုက်သည်။ တပည့်ဖြစ်သူကလည်း သူဌေးကြီး၏ တာဝန်ပေးချက်အရ စာရင်းကောက်ရန် ခရီးထွက်ခဲ့သည်။

သူဌေးကြီးတပည့်သည် ခရီးထွက်ခွာလာရာ မြစ်တစ်ခု သို့ရောက်လာ၏။ လူတစ်ယောက်သည် မြစ်ထဲမှရေများကို ခပ်ထုတ်နေသည်ကိုတွေ့ရ၏။ ဘာကြောင့် ခပ်ထုတ်နေသည်ကို သိချင်လာ၍ အကြောင်းစုံကိုမေးမြန်းကြည့်သည်။
"ရွာထဲက ကျွန်တော်ကြိုက်နေတဲ့ ကွမ်းတောင်ကိုင် အလှအပလေးက မြစ်ထဲကရေတွေ ကုန်အောင်ခပ်ထုတ်နိုင်ရင် ကျွန်တော်ကို လက်ထပ်မယ်တဲ့။ အဲဒါ သူအချစ်ကို ရအောင်ကြိုးပမ်းနေရတာဗျ။" အင်းတော်တော် မိုက်မဲတဲ့လူပေပဲ။ ထိုသူနံမည် ကိုမေးမြန်း၍ လူမိုက်နံပါတ်(၁)အဖြစ် စာရင်းမှတ်လိုက်လေ၏။

ထိုမြစ်ကြောင်းအတိုင်း ဆက်လက်ထွက်ခွာလာရာ လူတစ်ယောက်သည် မြစ်ထဲသို့ ခေါက်ခေါက်အခါခါ လှော်နေသည်ကို တွေ့ရပြန်သည်။ သူဌေးကြီး၏ တပည့်က အကြောင်းအရင်း ကိုမေးမြန်းလေ၏။

သပ်ရပ်သားနားတဲ့ ကုလားထိုင်တွေနဲ့ ညံ့ဖျင်းတဲ့ လမ်းမကြီးတွေ(တာနာကာ)

ဂျပန်နိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (JICA) ရဲ့ မြန်မာနိုင်ငံဆိုင်ရာအကြီးအကဲအဖြစ် ကျွန်တော် ရန်ကုန်ကို ပြောင်းရွှေ့လာခဲ့ ရပြီး မကြာခင်မှာပဲ JICA(ရန်ကုန်) ရုံးမှာတစ်စုံတစ်ခုကို စတင်သတိပြုမိလာ ပါတယ်။

ကျွန်တော်တို့ရဲ့ စည်းဝေးခန်းမကြီးထဲကို ၀င်လိုက်ရင် သိပ်ပြီးသပ်ရပ် သန့်ရှင်းနေပါတယ်။ စားပွဲတွေပေါ်မှာ အားလုံးရှင်းလင်းနေပြီး ယခင် အစည်း အဝေးက စာရွက်လက်ကျန်တွေ ဘာတစ်ခုမှမရှိပါဘူး။ ကုလားထိုင်တွေ အားလုံးဟာ တည့်တည့်မတ်မတ် ရှိနေပါတယ်။ ဒါပေမဲ့ တစ်ခုခုလိုနေ သလိုပဲ။

အခန်းက ထူးထူးခြားခြား သပ်ရပ်နေတယ်။ ကျွန်တော် နောက်မှ သဘောပေါက်လာတယ်။ အစည်းအဝေးကျင်းပတိုင်း အစည်းအဝေးထိုင် သူတွေဟာ ကုလားထိုင်တွေကို သူတို့အရပ်အမောင်းအနေအထားနဲ့ အဆင်ပြေသလို ခုံအမြင့်ကို ညှိပြီး ထိုင်ကြပါတယ်။

လှိုင်းအသင့်အတင့်(ဂျူး)

သရုပ်ဖော်ပန်းချီ ဝင်းသိန်း

           ဓနိပင်များ ကျိုးတိုးကျဲတဲ ပေါက်ရောက်နေသည့်စက်လှေဆိပ်မှာ ဆိပ်ခံတံတား မရှိ။ လှေအဆင်း မြေအတက် ဆက် သွယ်ပေးသည့် ကုန်းဘောင်ဟုခေါ်သောသစ်သားပြားမရှိ။ လှမ်းမြင်ရသမျှ ရွာထဲ အဝင်လမ်းသည် ရေစပ် စပ်၊ ရွှံ့နွံထူထပ် သည့် မြေစိုစိုစွတ်စွတ်။စက်လှေပေါ်မှ ကမ်းစပ်ဓနိတော ရွှံ့မြေပေါ် ခုန်ဆင်းလိုက်သည့်အခါ ဗွက်ထဲ သို့ နစ်ဝင်သွားသည်။ရွှံ့သည် ရာဘာလည်ရှည် ဖိနပ်၏ ခြေဖမိုးနေရာတစ်ခုလုံးကို ဖုံးလွှမ်းသွားခဲ့သည်။          
            ရွာကအမျိုးသမီးတွေနှင့် အတူတူ ဖြစ်အောင် ထဘီ ဝတ်လာခဲ့ရသော်လည်း တကယ်တော့ ကျွန်မ ဘောင်းဘီဖြင့်သာ လာချင်သည်။ အခုလို လှေအဆင်းမှာ လွှားခနဲ ခုန်ချင်ခုန်၊ ရေမြောင်းကလေးတွေ ရေအိုင်ဗွက်တွေတွေ့ လျှင် လွှားခနဲ ခုန်ချင်ခုန် ကြိုက်သလောက်ခုန် ထဘီလည်း ခဏခဏ ပြင်ဝတ်စရာ မလိုအောင်ပေါ့။သို့သော် ကျွန်မ ထဘီ ဝတ်မှကို ဖြစ်မည်။ မိန်းကလေး ဟူ၍ ကျွန်မ တစ်ယောက်တည်း ပါသည်။ ထိုတစ်ယောက်ကပါယောက်ျားလို ဝတ်ဆင်ထားလျှင် ရွာက အမျိုးသမီးတွေက ကျွန်မ ကို တခြားကမ္ဘာက ဂြိုဟ်သားဟုသတ်မှတ်လိုက်ကြလိမ့်မည်။

အမြန်လမ်းနှင့် ယာဉ်အန္တရာယ် (သန်းဝင်း (အာအိုင်တီ))

အများပြည်သူတို့ အသုံးပြုနေသော ရန်ကုန်-နေပြည်တော်-မန္တလေး အမြန်လမ်းမကြီးကို အန္တရာယ် အနည်းဆုံးဖြင့် သွားလာနိုင်ကြရန်နှင့် ပြုပြင်သင့်သည်တို့ကို ပြုပြင်နိုင်ရန် ရည်ရွယ်၍ ဤဆောင်းပါးကို ရေးသားရခြင်း ဖြစ်ပါသည်။
လမ်းအန္တရာယ် ကင်းစေရေးအတွက် လူ၊ လမ်းနှင့် ယာဉ်တို့ သုံးခုလုံး ကောင်းမွန် ပြည့်စုံရပါမည်။ တစ်ခုခု ချို့ယွင်းလျှင် အန္တရာယ်ရှိပါသည်။ သို့သော် လမ်းဒီဇိုင်း ပြုလုပ်ရာတွင်လည်းကောင်း၊ လမ်း ဖောက်လုပ်ရာတွင်လည်းကောင်း အင်ဂျင်နီယာများ အဓိက ထည့်သွင်း စဉ်းစားရမည့် အချက်များမှာ လူနှင့် ယာဉ်တို့၏ ချို့ယွင်းနိုင်သည့် အချက်များ၊ ပျက်စီးနိုင်သည့် အချက်များ၊ စည်းကမ်း ဖောက်ဖျက် နိုင်သည့် အချက်များ ဖြစ်ပေသည်။ ကောင်းမွန်စွာ ဒီဇိုင်း ရေးဆွဲ ဆောက်လုပ်ထားသော လမ်းသည် သာ လူ၊ လမ်း၊ ယာဉ် သုံးရပ်ထဲတွင် အဓိက အရေးအပါဆုံးသော အချက်ဖြစ်ပေသည်။

အမြန် ဒီဇိုင်းဆွဲ၊ အမြန် ဖောက်ခဲ့ရသော ရန်ကုန်-နေပြည်တော်-မန္တလေး လမ်းသည် အင်ဂျင်နီယာ ရှုထောင့်မှကြည့်လျှင် အားနည်းချက်များ မြောက်မြားစွာ ရှိနေသည်မှာ အံ့သြရန် မရှိပါ။ ခေတ်စနစ် အခြေအနေအရ ထိုသို့ လုပ်ဆောင်ခဲ့ကြရသည်ကို နားလည်မိပါသည်။ သို့သော် အဆိုပါ အားနည်းချက်များ မှားယွင်းမှုများကို အမြန် ပြုပြင်ပေးမှသာလျှင် အန္တရာယ် အနည်းဆုံးသော လမ်းမကြီး ဖြစ်လာပါမည်။

ရထားဘီးနှင့် ခဲလုံးများ....(ကြည်အေး)

ညနေ ငါးနာရီထိုးလျှင် ချစ်သူလာမယ် ။ ငါးနာရီထက် ဘယ်နည်းနှင့်မှ ပို၍ စောပြီးမပြန်နိုင်သည်ကို သိသည်။ လေးနာရီထိုးကတည်းက စောင့်ရှာသည် ။ ကြို၍စောင့်သော တစ်နာရီသည် ပင်ပန်းခြင်းစင်စစ်ဖြစ်လေ၏ ။ ဘယ်တော့မှ မကုန်နိုင်တော့သည့် တစ်ဒင်္ဂလို့လည်း ဆိုချင်သည်။ လျှပ်တစ်ပက်မျှကြာသော သံသရာလို့လည်း ခေါ်ချင်သည် ။
စောင့်ဆဲတွင် ဂနာမငြိမ်ဖြစ်စမြဲပင် ။ အိပ်ရာပေါ် လှဲလိုက်၏ ။ ပြီးတော့ ဟိုဘက်သည်ဘက် မသိဘဲ ယောင်ယမ်း၍လှိမ့်သည် ။ အိပ်ရာပေါ်က ထထိုင်ပြီး ဖြုတ်ခနဲ စားပွဲဘေးတွင် မတ်တပ်ရပ်လျှက်ရှိပြန်သည် ။ စိတ်က အရှေ့ကပြေးနေလေရာ လူက အတွင်လိုက်လုပ်သော်လည်း လုပ်မိသမျှ ပြန်ပြီးမမှတ်မိနိုင်ရှိရ၏ ။ လက်ချောင်များသည် မလှတော့ဘဲ ကျိုးကြဲမသေမချာဖြစ်ကာ ပစ္စည်းပစ္စယကလေးများကို လှုပ်ဆွဲနေလေသည်။ ထို့နောက် လေတစ်ချက်ချွန်သည်။

ချစ်သူ၌ ယုံကြည်သူမို့ ပူလောင်ခြင်းတော့ မရှိချေ။

နယ်စပ်မြို့လေးရဲ့ စိန်ခေါ်သံ(ရေးသားသူ- ဥက္ကာကိုကို)

ဓာတ်ပုံ- ဥက္ကာကိုကို

ပင်လယ်ရေမျက်နှာပြင်အထက် ပေပေါင်း ၆၉၀၀ ခန့်တွင် တည်ရှိပြီး နှစ်စဉ်နှင်းခဲတတ်သည့် တောင်တန်းရှည်ကြီးများ သေသပ်လှပစွာ ၀န်းရံထားသော မြန်မာပြည်အရှေ့မြောက်ဖျား နယ်နိမိတ်မျဉ်းပေါ်က မြို့နယ်လေးသည်မူရင်း ဒေသခံများဖြစ်သော လော်ဝေါ်၊ လချိတ်၊ လီဆူးလူမျိုးတို့၏ လိုတရ နတ်ဗိမာန်တစ်ခုဖြစ်ခဲ့ပြီး ကြက်ပျံမကျစည်ကားခဲ့သည်ဟု ယနေ့လက်ညှိုးထိုးပြလျှင် မည်သူ မျှယုံနိုင်ဖွယ်ရာ မရှိပါပေ။

လွန်ခဲ့သည့် နှစ်တွေမှာ စည်ကားသိုက်မြိုက်လွန်းပါသည်ဟု ဒေသခံတို့ တခုတ်တရပြောပြကြသည့် မြို့လေးက မြန်မာ့ဒီမိုကရေစီသက်တမ်း သုံးနှစ်နီးပါးအတွင်းမှာပင် ရှေးဟောင်းမြို့ပျက်တစ်ခုအလား သမိုင်းတင်ရမလိုလို အခြေအနေသို့ ရုတ်ခြည်းပြောင်းလဲသွားခဲ့ပါပြီ။

ထိုမြို့လေးသည် ပြည်တွင်းမှ အရောက်အပေါက်နည်းပါးပြီး နာမည်ကျော်မြို့တစ်မြို့မဟုတ်သော်လည်း တရုတ်-မြန်မာနယ်စပ်မျဉ်းပေါ်တွင် တည်ထားသော မြန်မာ့မြေပိုင်နက်မှ မြို့လေးကို ပန်ဝါဟု ခေါ်ပါသည်။

လီလီပန်းလေးများရဲ့ နောက်ကွယ်မှာ… ( ငြိမ်းငြိမ်းနိုင်)

ကိုယ်မလုပ်ခဲ့တဲ့ ကိစ္စအတွက် ဒီလိုခံစားရတာကို စိတ်မကောင်းဘူး။ ကလေးတွေက ဘာမှ လုပ်ခဲ့တာမှ မဟုတ်တာ။ သူတို့ အဘိုးကလည်း သူ့အပြစ်အတွက် ဥပဒေအရ ခံသွားပြီပဲ။ ကျန်တဲ့လူမှာ ဘာအပြစ်မှ မရှိဘူး။ ဒီကလေးတွေကို အေးအေးချမ်းချမ်းနဲ့ နေစေချင်တယ်။ သူတို့ကိုယ်သူတို့လည်း အပြစ်ရှိတဲ့ လူတွေရယ် လို့ မသတ်မှတ်သင့်ဘူး။    (ဒေါ်အောင်ဆန်းစုကြည် )

လီလီပန်း အဖြူရောင်လေးများက ကနုတ်ပန်းကြွ မင်္ဂလာဘိသိက် ငွေဖလားကြီးထဲ၌ လှလှပပ လန်းလန်းဆန်းဆန်း။ လွန်ခဲ့ပြီးသော ဆယ်စုနှစ်သုံးခုကျော်မှကြီးကျယ် ခမ်းနားလှသည့် မင်္ဂလာအခမ်းအနားပွဲ တစ်ခု၏ မြင်ကွင်းဖြစ်သည်။
ဘိသိက်ခံမင်္ဂလာမောင်နှံမှ သတို့သမီးမှာ အမျိုးသားခေါင်းဆောင်ကြီး ဗိုလ်ချုပ်အောင်ဆန်းနှင့် အာဇာနည် ခေါင်းဆောင်ကြီးများကို လုပ်ကြံမှုတွင် မြန်မာ့သမိုင်း တရားခံတစ်ဦးအဖြစ် ပြည်သူများအကြား ယနေ့တိုင် နာမည်ဆိုးနှင့် ရှိနေခဲ့သော ဂဠုန်ဦးစော၏ မြေးဖြစ်၏။ ဦးစော၊ ဒေါ်သန်းခင်တို့၏ သမီးဒေါ်ဘေဘီစော မှ မွေးဖွား သော ဒုတိယသမီး ဒေါ်မွန်မွန်ရင်ဖြစ်သည်။

အကျိုးထူးပေးတော့မယ်တဲ့ဗျ .. (မောင်ဝဏ္ဏ)

၁။

မောင်စိန်သောင်း ဆိုတဲ့ ငတိက တော်တော့်ကို အူပါတယ် ဗျာ။

သူ့ဘာသာသူ အပျင်းထူပြီး ပိုက်ဆံ ရပေါက် ရလမ်း အလုပ်တွေ မလုပ်ဖြစ်တာကို ရိုးရိုးသားသား ၀န်မခံဘဲ ကမ္ဘာ့ စီးပွား ပျက်ကပ်ကြောင့်တို့၊ နယူးရော့ခ် ဝေါလ်စထရိတို့၊ စတော့ရှယ်ယာ ဈေးကွက် ပျက်လို့တို့ ထင်ရာ မြင်ရာတွေ လျှောက်ပြော နေတယ်။ နယူးရော့ခ်တို့ ဘာတို့ဆိုတာ အဝေးကြီး။ လေယာဉ်ပျံ စီးသွားရင်တောင် နာရီ ၂၀ လောက် စီးရဆိုပဲ။ အဲဒီလောက် ဝေးတဲ့နေရာက ဝေါလ်စထရိ စတော့ ရှယ်ယာ တွေနဲ့ သူနဲ့ ဘာဆိုင် လို့တုံး။ အဲဒီလို ပြောတော့ မောင်စိန်သောင်း ဆိုတဲ့ ငအူက ဂလိုဘယ် လိုက်ဇေးရှင်းတဲ့။ ဂလိုဘယ် လိုက်ဇေးရှင်းတဲ့။ ကမ္ဘာကြီးဟာ ရွာကြီးတစ်ရွာနဲ့ တူလာပြီ ဆိုပဲ။ ရွာမြောက်ပိုင်းမှာ မီးလောင်ရင် ရွာတောင်ပိုင်းကို ကူးနိုင်ဆိုပဲ။ မထော်မနန်းတွေ လျှောက်ပြော ပြန်ရောဗျ။ လက်ဖက်ရည်ဆိုင် ထိုင်ပြီး လေပစ်ရင် ဆိုမာလီ ပင်လယ်ကွေ့မှာ ဓားပြတိုက်လို့ သူ့အိမ်မှာ စီးပွားရေး သိပ်အဆင်မပြေ ဘူးလို့ ပြောလား ပြောရဲ့ဗျာ။ အဲဒါနဲ့ ဘာဆိုင်လဲ ဆိုတော့ ဘတ်တာဖလိုင်း အဖက်တဲ့။ အိန္ဒိယမှာ လိပ်ပြာ တစ်ကောင် တောင်ပံ ခတ်ရင် အမေရိကမှာ မုန်တိုင်းတိုက် နိုင်တယ်ဆိုလား။

အဲဒါများ အဆန်းမှတ်လို့။ ရှေ့လူကြီးတွေက ပြောပြီးပြီ။ ညောင်ဦးကမ်းပါး ပြိုတာနဲ့ စမ္ပာနဂိုက နွားမ ပေါင် ကျိုးတဲ့။ ဒီလို ပြောကြေးဆိုရင် နွားမပေါင် ကျိုးအဖက်လို့ မြန်မာမှု ပြုလို့ ရတာပေါ့ နော် ပေါ့နော်။ ပြီးတော့ ငတိက နိုင်ငံတကာ အရေးတွေလည်း ဟိုပြောဒီပြော ပြောပြီး (ဖြီးပြီး) သူ့ကိုယ်သူ ကမ္ဘာ့ ရေးရာ ပါမောက္ခလိုလို ဘာလိုလို လုပ်ချင် လုပ်နေတာကလား။