ပုံရိပ်ကိုအသုံးချဖို့ ချဉ်းကပ်လာမှုတွေကို လိမ္မာပါးနပ်စွာ ရှောင်တိမ်းရပါတယ် ဆိုတဲ့ နန်းခင်ဇေယျာနှင့်အင်တာဗျူး

ပြည်တွင်းဧည့်လမ်းညွှန်မလေးကနေ နိုင်ငံတကာအဆင့်အလှမယ်ပြိုင်ပွဲကို ၀င်ပြိုင်ခဲ့သူက နန်းခင်ဇေယျာပါ။ အင်တာနက်သုံးစွဲသူ တစ်ခဲနက်အားပေး
မှုကြောင့် ဂျပန်မှာကျင်းပခဲ့တဲ့ နိုင်ငံတကာအလှမယ်ပြိုင်ပွဲမှာ ၎င်းဟာ ဆုနှစ်ခုကို ရယူနိုင်ခဲ့ပါတယ်။

ရယူထားတဲ့ဆုတွေနဲ့ထိုက်တန်တဲ့လှုပ်ရှားမှုတွေကို ပြည်တွင်းမှာ စဉ်ဆက်မပြတ်လုပ်ကိုင်နေပြီး အထူးသဖြင့် လူမှုရေးလုပ်ငန်းတွေမှာ သူမရဲ့ပါဝင်လှုပ်ရှားမှုတွေကြောင့် လူထုရဲ့ချစ်ခင်မှုကို တစ်စတစ်စရရှိနေ
ပါပြီ။ ဒါ့အပြင် နိုင်ငံတကာအသိုင်းအ၀ိုင်းကပါ လူမှုရေးလှုပ်ရှားသူတစ်ဦး
အဖြစ် သူတို့နိုင်ငံတွေက လူမှုရေးလုပ်ငန်းတွေမှာ လာရောက်လေ့လာ
ပူးပေါင်းပါဝင်ဖို့ ဖိတ်ခေါ်မှုတွေကိုလည်း ဆက်တိုက်ရရှိနေပါတယ်။

နှစ်ပေါင်းလေးဆယ်ကျော်ကြာမှ ကမ္ဘာ့အလယ်မှာ မြန်မာအလှမယ်တစ်ဦး
အဖြစ် ထင်ပေါ်ခဲ့သူ နန်းခင်ဇေယျာရဲ့လှုပ်ရှားမှုအထွေထွေကို မေးမြန်း
တင်ဆက်လိုက်ပါတယ်။

အားကိုယူထူလျှင်ထချင်သော်လည်း ကမ်းလက်ကမရှိ၊လက်များသည် ဖိထားဆဲ သာဖြစ်၏

”ဟေးဟေး…ပြေးပြေး… ဟိုမှာ လာနေပြီ”
”ဟာ မဟုတ်ပါဘူးကွာ” ဆိုသည့် အော်သံများနှင့်အတူ ထိုနေရာ၌ ရယ် သံများက ကျယ်လောင်စွာ။

ရန်ကုန်၏ ဆင်ခြေဖုံးဖြစ်သော ဒဂုံမြို့သစ် မြောက်ပိုင်းမြို့နယ်ရှိ ကား မှတ်တိုင်တစ်ခုအနီး အစီးရေ ၂ဝ ခန့်ရှိ သော ဆိုက်ကားတန်းကြီး စီးနင်းသူမပါ ဘဲ အပြိုင်နင်းထွက်သွားခြင်းဖြစ်သည်။”စည်ပင် လာဖမ်းတယ်ထင်လို့ ပြေးတာ”ဟု ထိုအုပ်စုထဲမှ အသက် ၅ဝ နီးပါးခန့်ရှိသည့် ဆိုက်ကားသမားတစ်ဦး က ဘရိတ်ကိုညှစ်၍ သက်ပြင်းတစ်ချက် မှုတ်ထုတ်ရင်း၎င်းတို့၏ အဖြစ်အပျက် ကို ပြောပြသည်။

ထိုကဲ့သို့ ပြေးလွှားရသည့် အဖြစ် မျိုးကို တစ်လလျှင် ရက် ၂ဝ ကျော် လ တိုင်းကြုံတွေ့နေကြရာ ¤င်းတို့အတွက် အထူးအဆန်းတော့ မဟုတ်။ သို့သော် လွတ်အောင်ပြေးရန်မှာ ၎င်းတို့၏ တာ ဝန်ဖြစ်သည်။ မပြေးနိုင်လျှင် ၎င်းတို့ အပြင် အိမ်ရှိမိသားစုများ၏ ဝမ်း၌ ဆာ လောင်မှုများ ရွာသွန်းဖြိုးမည့်အနေ အထားရှိသည်။အနှေးယာဉ် ဆိုက်ကားများကို ရန်ကုန်စည်ပင်မှ ၂ဝဝ၂ ခုနှစ်မှ စတင် ကာ လိုင်စင်အသစ်ထပ်မံ ချထားပေး ခြင်းမရှိတော့သည့် အတွက် လိုင်စင်မဲ့ အဖြစ်ခိုး၍ နင်းကြရာ သက်ဆိုင်ရာ အစိုးရဌာနမှ လာရောက်ဖမ်းဆီးပါ က လွတ်မြောက်ရန် ရှောင်တိမ်းပြေး နေရခြင်းဖြစ်သည်။မပြေးနိုင်လျှင် စည်ပင်မှလာသော ကားပေါ်သို့ ၎င်းတို့၏ ဆိုက်ကားများ က တက်၍ ၎င်းတို့အား တာ့တာပြပေ လိမ့်သည်။

“ ကဆုန်လပြည့် ညောင်ရေသွန်းလောင်းပူဇော်ခြင်းဓလေ့ ”

ဗုဒ္ဓဘာသာ မြန်မာလူမျိုးတို့သည် ညောင်ရေသွန်းပွဲတော်ကို
နှစ်စဉ်နှစ်တိုင်း ကဆုန်လပြည့်နေ့၌ ကျင်းပပူဇော်လေ့ရှိကြသည်။
ထိုသို့ကျင်းပပူဇော်ရခြင်းမှာ-

မြတ်ဗုဒ္ဓသည် ကဆုန်လပြည့်၊ သောကြာနေ့၌ ဖွားမြင်တော်
မူ၍ ကဆုန်လပြည့်၊ ဗုဒ္ဓဟူးနေ့၌ ဘုရားအဖြစ်ကိုရောက်တော်
မူပြီး ကဆုန်လပြည့်၊ အင်္ဂါနေ့၌ ပရိနိဗ္ဗာန်စံတော်မူခဲ့သည်။
ထို့ကြောင့် ကဆုန်လပြည့်နေ့သည် ဗုဒ္ဓဘာသာဝင်တို့အတွက်
အလေးအမြတ်ထားအပ်သော နေ့ထူးနေမြတ်ဖြစ်ခဲ့သည်။

ထို့ပြင် မြတ်ဗုဒ္ဓသည် မဟာဗောဓိညောင်ပင်အောက်၌ မဟာ
သက္ကရာဇ် ၁၀၃ခု၊ ကဆုန်လပြည့်၊ ဗုဒ္ဓဟူးနေ့ နေမ၀င်မီ
မာရ်နတ်မင်းနှင့် စစ်သည်အပေါင်းကို သစ္စာပါရမီအဓိဌာန်ဖြင့်
အောင်တော်မူ၍ မိုးသောက်ယံ၌ ဘုရားအဖြစ်သို့ရောက်တော်
မူခဲ့သည်။ ထို့ကြောင့် ဗောဓိညောင်ပင်သည်လည်း ဗုဒ္ဓဘာသာ
ဝင်တို့အတွက် အလေးအမြတ် ပူဇော်ရာ ဌာနတစ်ခုဖြစ်ခဲ့ပေသည်။

သတို့သမီးတစ်ဦးတည်း မင်္ဂလာပွဲကျင်းပ

ရန်ကုန်၊ မေ- ၂၂

မင်္ဂလာဆောင်အကြိုညတွင် ခိုက်ရန်ဖြစ်ပွားကာ သတို့သားအဖမ်းခံရခြင်းကြောင့် မင်္ဂလာပွဲကို သတို့သမီးတစ်ဦးတည်း
ကျင်းပခဲ့ရသည့်ဖြစ်ရပ် မေ ၂၂ ရက်က ဖြစ်ပေါ်ခဲ့သည်။

ဖြစ်စဉ်မှာ ဟင်္သာတမြို့၊ ကျုံတွမ်ကျေးရွာတွင် မေ ၂၂ ရက်၌ မင်္ဂလာဆောင်မည့် သတို့သားလောင်း နိုင်လင်းအောင်နှင့်
သတို့သမီးလောင်းတို့သည် မင်္ဂလာပွဲအကြိုည ဧည့်ခံပွဲကျင်းပနေစဉ် ရပ်ရွာဓလေ့အရ လာရောက်ကူညီ လုပ်ကိုင်
သော လူငယ်များက အရက်သောက်ရန် အိမ်ရှင်ထံ အရက်တောင်းရာမှ စကားများပြီး အုပ်စုလိုက်ခိုက်ရန်
ဖြစ်ပွားခဲ့ခြင်းဖြစ်သည်။

ထိလုမိုးဆီ တိမ်သို့မီသား (မာမာအေးနှင့်တွေ့ဆုံခြင်း)

အနုပညာရှင်ကြီး တချို့ကို အရင်းအဖျား မခွဲခြားဘဲ အစ်မ အမြဲ စောင့်ရှောက်တယ် ဆိုတာလည်း ကြားရပါတယ်။ အထူးသဖြင့် ဂီတ အနုပညာ နယ်ပယ်က လူကြီးသူမတွေရော၊ သည်ပုဂ္ဂိုလ်တွေနဲ့ နှီးနွယ်ရာ မိသားစု တွေကိုပါ စာစာနာနာ မေတ္တာထားတယ် ဆိုတာလည်း သိရတော့ သည်မေတ္တာ စေတနာ မျိုးထားနိုင်ဖို့ အစ်မမှာ ဘယ်လိုလှုံ့ဆော် မှုရှိလို့လဲ။ အစ်မ ကူညီတယ်ဆိုတာ စိတ်ရင်း စေတနာနဲ့ ကူညီတာ ပါ။ ထောက်ပံ့ ပေးကမ်းတယ် လို့တောင် အစ်မ မသုံးချင်ဘူး။ တတ်စွမ်းသမျှ ကူညီ တယ်လို့ပဲ သုံးချင်တယ်။ အစ်မ မေတ္တာ စေတနာကို အမြဲတမ်း မခန်း ခြောက်အောင် စိတ်ကို မွေးမြူထားတယ်။ ဒါကြောင့် သူတစ်ပါးကို ကိုယ့်စေတနာ ရောက်အောင် စိတ်၏ ချမ်းသာခြင်းနဲ့ ကူညီနိုင် ပါရစေလို့ အမြဲ စိတ်ညွှတ်ထားတယ် ဆိုပါတော့။ အမေစိန် ပါတီတို့ဆိုရင် နိုင်ငံကျော် တေးသံရှင် အမျိုး သမီးကြီး။ ဂီတသမိုင်းမှာ အမေစိန်ပါတီ မပါလို့မဖြစ်ဘူး။ စိန်ပါတီဆိုတဲ့ နာမည်ဟာ ဂီတလောက နယ်ပယ်မှာ အင်မတန် လင်းလင်း ကျင်းကျင်း ရှိတဲ့နာမည်ပါ။ အမေ့ သီချင်းတွေ ဆိုရင်လည်း အင်မတန်လူ ကြိုက်များတယ်။ အနန္တ သူရိယတို့၊ ထွေထွေ ဆန်းဆန်းတို့၊ တင့်တင့် တယ်တယ်တို့၊ ရှိပါသေး တယ်။ စောမွန်လှတို့၊ လယ်စပါးတို့၊ ချစ်နိဗ္ဗာန် တို့၊ သုမေဓာရှင် ရသေ့တို့၊ ဒို့ဆွေမျိုးတို့ ပြောမယ်ဆိုရင် အများကြီးပါပဲ။ စပယ်တင်မှဲ့၊ ကောက်စိုက်မ၊ ရောင်တော်ဖွင့်၊ လယ်တောသူ၊ မြနန္ဒာ၊ လင်ဝယ်ရန် ဆိုတဲ့ သီချင်း တွေလည်း ရှိသေး တယ်။

"နာမည်တစ်လုံးနှင့်လူ" (မင်းလူ)

လူတို့သည် ကိုယ့်ရုပ်ခန္ဓာကို ကိုယ်မပိုင်ကြောင်းလောက်တော့ နည်းနည်းပါးပါး ရိပ်မိကြဟန် တူသည်။ မနာအောင် ကြိုးစားရုံ၊ အိုမင်းခြင်းကို တတ်နိုင်သမျှ ထိန်းချုပ်ဖို့ သက်တမ်းကို အနည်းငယ် ဆွဲဆန့်ရုံမျှသာ ဖြစ်နိုင်သေးသည်။ မသေအောင် လုပ်လို့ မရနိုင်။

တချို့ကျတော့ လူကို မသေအောင် လုပ်လို့ မရနိုင်သည့်တိုင် နာမည်ကို မသေအောင် ကြိုးစားခြင်းဖြင့် ကိုယ့်စိတ်ကို ဖြေဖို့ ကြံကြ၏။ မိမိ၏ ဂုဏ်သိက္ခာကို လေးစားတတ်သူတိုင်း ဘဝတစ်လျှောက်မှာ နာမည်ပျက်မရှိအောင် နေထိုင်ကြသည်။ တချို့ လူများကတော့ နည်းနည်းပို၍ လောဘကြီးသည်ဟု ဆိုရမလား၊ အမြော်အမြင်ကြီးသည်ဟု ဆိုရမလား မသိ။ လူသေသွားသည့်တိုင် မိမိ၏ နာမည်ကို ဆက်လက် ရှင်သန်စေချင်သည်။ ဒီအထဲမှာ ကျွန်တော်တို့လို အနုပညာသမားတွေလည်း ပါသည်။ ကိုယ်မရှိတော့ပေမယ့် ကိုယ့်နာမည်ကောင်းလေးတစ်ခု တင်ကျန်ရစ်ဖို့ ကြိုးစားကြသည်။

မြို့တော်ရန်ကုန်ပြန်လည်အသက်ဝင်တော့မလား

ဓာတ်ပုံ- ဂျေမောင်မောင် (အမရပူရ)

ရေးသားသူ- မိုးညို၊ ဆွေမွန်

အင်္ဂလိပ်အစိုးရက အကွက်ချပျိုး ထောင်ခဲ့သော ယနေ့ရန်ကုန်မြို့တော်မှာ နှစ်ပေါင်းနှစ်ရာကျော် ကြာမြင့်နေပြီဖြစ်ပြီး ပြီးခဲ့သည့် တပ်မတော်အစိုးရကာလတစ်လျှောက်လုံး မြို့တော်၏အင်္ဂါရပ်မှာ တဖြည်းဖြည်း ယိုယွင်းပျက်စီးမှုများနှင့် ပုံရိပ်မှာ မှေးမှိန်လာခဲ့ရသည်။

ထို့ကြောင့် ယခုအရပ်သား အစိုးရလက်ထက်တွင် မြို့တော်ကြီးကို ပြန်လည်အဆင့်မြှင့်မွမ်းမံရန် ၀ါရင့်ဗိသုကာပညာရှင်များ၏ လက်သို့ ပြန်လည်အပ်နှံလိုက်ပြီး နိုင်ငံတကာအကူအညီများဖြင့် စီးပွားရေးမြို့တော် ရန်ကုန်၏အနာဂတ်မှာ ပြန်လည်အသက်ဝင်လာဖွယ်ရှိသည်။

မြို့တော်တွင်း စံမမီတော့သည့် အဆောက်အအုံများ ပြည့်စုံလုံလောက်မှု အားနည်းနေသည့် လမ်း၊ ရေ၊ မီးစနစ်အစရှိသော ခေတ်မမီတော့သည့် လူမှုစီးပွားရေးရပ်ဝန်းကြီး တစ်ခုလုံးကို ပြန်လည်အဆင့်မြှင့်ရန် အစိုးရနှင့်ပညာရှင်များ ပူးပေါင်းပြီး ပြန်လည်
အသက်သွင်းရန် ကြိုးပမ်းနေပြီဖြစ်သည်။

ကြောင်ဇရာနဲ့ မော်ဒယ်လ်ကြွက် (Written by ကျိုက်စကောခင်စိုး )

ဦးစိန်ဘတင် တစ်ယောက် သူထုတ်သည့် မေးခွန်းကို သူကိုယ်တိုင် ဘယ်လိုဖြေရမှန်း မသိဖြစ်နေတာ ကြာပြီ။ အလုပ်အားတာနဲ့ စဉ်းစား၊ အဖြေကားမထွက်။ မေးခွန်းက ဒီလိုပါ။ ကြွက်မလေး တစ်ကောင်သည် အိပ်နေသော ကြောင်ထီးကြီး၏ နှုတ်ခမ်း မွေးကို လာဆွဲဆွဲ ပြီးက စား၏။ အနံ့ရ ကတည်းက နိုးနေသော ကြောင်ဖား ကြီးက ကြွက်မလေးကို ခုတ်သတ်စားမလား သို့မဟုတ် ဆက်အိပ် မလား။ ဤမေးခွန်းကို ဖြေရမည့် သူမှာလည်း သူ ကိုယ်တိုင်မှ တစ်ပါး အခြားသူ ဖြေခွင့်မရှိ။ ခက်တာက သူက ကြောင်ဖားကြီးမဟုတ်၊ လူဖားကြီးဖြစ်သလို ကြွက်မလေးကလည်း ခင်ခင်ထားဆိုသော လူမလေး ဖြစ်နေခြင်းပင်။ ထို့ကြောင့် လူဖားကြီး ပီပီ ခုတ်စားမလား၊ လူသားကြီးပီပီ ဆင်ခြင်ရမလား။ ပဲခူး ရိုးမတောင်ခြေ လျှော်ပင် စခန်းကား စည်ကား လှပေစွ။ သစ်ထုတ်လုပ်ရေး လမ်းမကြီး၏ အနောက် ဘက်တွင် သစ်တောရုံး၊ မြစိမ်းကုမ္ပဏီရုံးနှင့် ၀န်ထမ်း အိမ်ရာများရှိသည်။ အရှေ့ ဘက်မှာတော့ တောင်ပေါ်မှ ကဲ့ယူထားသော သစ်တုံး တွေက ထောင်ပုံတောင်ပုံ။ သစ်ပုံတွေ နဲ့လမ်းကြားမှာ တော့ လက်ဖက်ရည်ဆိုင်၊ စားသောက်ဆိုင်တွေ။တံမြက် စည်းရိုးချိုး၊ ဇရစ်ရိုးတိုး၊ နွယ်ခွေ၊ ထင်းခုတ်ဝါးခုတ် အလုပ်သမား များမှသည် ဟဲဗီး သစ်ကားကြီးတွေ၏ ဒရိုင်ဘာ၊ စပယ်ယာ၊ အုံနာအဆုံး အားလုံးသည် ဤလျှော်ပင် စခန်းမှ ဖြတ်သန်းသွားလာ၊ နေ့ညနား ခိုစားသောက်၊ ကာရာအိုကေ ဆိုကြကကြ ပျော်လိုက်တဲ့ဖြစ်အင် သေ မယ်တောင်မထင်။

လုံချည်များဖြင့် လွတ်မြောက်ခြင်း

နိုင်ငံခြားသားများက မြန်မာ့ယဉ်ကျေးမှုများကို စိတ်ဝင်စားလာကြသဖြင့် မြန်မာ့ရိုးရာ ပုဆိုး လုံချည်များကို ၀တ်ကြည့်ကြသည် (ဓာတ်ပုံ – ဂျေပိုင် / ဧရာဝတီ)

ပေါလ် ဗရီးဇ်နှင့် လ၀ီဝမ်| May 20, 2013 |

မြန်မာနိုင်ငံတွင် တံခါးဖွင့်ဝါဒ ကျင့်သုံးလိုက်သဖြင့် နိုင်ငံရပ်ခြားမှ အတွေးအခေါ် အယူအဆများ၊ ဖက်ရှင်ဒီဇိုင်းများ နိုင်ငံတွင်းသို့ ၀င်ရောက်လာသည်။ ထို့အတူ နိုင်ငံခြားသားများလည်း နိုင်ငံတွင်းသို့ ပိုဝင်လာနေခဲ့သည်။

မြန်မာနိုင်ငံသို့ လာရောက် လည်ပတ်ကြသည့် နိုင်ငံခြားသားများက မြန်မာ့ယဉ်ကျေးမှုများကို စိတ်ဝင်စားလာကြသဖြင့် မြန်မာ့ရိုးရာ ပုဆိုး လုံချည်များကို ၀တ်ကြည့်ခြင်းသည် ခရီးသွား နိုင်ငံခြားသားများကြား ခေတ်စားလာသည်ဟု ဆိုနိုင်ပါသည်။

လုံချည်ဝတ်ထားသည့် နိုင်ငံခြားသား ခရီးသွား အများအပြားကို ရန်ကုန်မြို့ရှိ ရွှေတိဂုံစေတီ တော် မြတ်ကြီးတွင် တွေ့မြင်နိုင်ပါသည်။

“နောက်ကျော ဓားနဲ့ အထိုးခံခဲ့ရတာ”

ဦးလွန်းမောင်ကို ၎င်း၏ အောင်ပြည့်စုံ ထမင်းဆိုင်ကောင်တာတွင် ထိုင်နေသည်ကို တွေ့ရစဉ် (ဓာတ်ပုံ – ဂျေပိုင် / ဧရာဝတီ)

ဧရာဝတီ| May 20, 2013 |

၉ နှစ်တာမျှ နိုင်ငံတော် စာရင်းစစ်ချုပ်၊ ပြည်ထောင်စု စာရင်းစစ်ချုပ် အဖြစ် တာဝန်ထမ်းဆောင် ခဲ့ပြီး ယခုလက်ရှိ မွန်ပြည်နယ် ဘီးလင်းမြို့အဝင်တွင် အောင်ပြည့်စုံ အမည်ရှိ ထမင်းဆိုင်ကို ဦးစီးဖွင့်လှစ် လုပ်ကိုင်နေသည့် အငြိမ်းစား ဗိုလ်ချုပ် လွန်းမောင် (ယခု ဦးလွန်းမောင်) ၏ ပြည်ထောင်စု စာရင်းစစ်ချုပ် တာဝန်မှ အနားပေးခံခဲ့ရသော ဖြစ်ရပ်နှင့် ပတ်သက်၍ ဧရာဝတီ သတင်းထောက် မေခက သွားရောက်တွေ့ဆုံ မေးမြန်းခဲ့ပါသည်။

မေး။ ။ လက်ရှိရွေးချယ်ခဲ့တဲ့ ဘ၀က ဦးလွန်းမောင်အတွက် အံဝင်ခွင်ကျတဲ့ ဘ၀တခုလို့ ပြောလို့ရပါသလား။

ဖြေ။ ။ ကျနော်က ငယ်ငယ်ကတည်းက ဆင်းရဲခဲ့တဲ့ မိသားစုက ဆင်းသက်လာသူပါ။ ဒီအချိန်မှာ ငယ်ငယ်က ဘ၀ ကြမ်းသလောက် မကြမ်းပါဘူး၊ ပျော်ပါတယ်။ အံဝင်ခွင်ကျ ရှိတယ်ဆိုတာထက် လူတိုင်းက သူရတဲ့ ဘ၀မှာ နေပျော်နေဖို့ လိုပါတယ်။ အခုအချိန်မှာ ဒီအလုပ်အတွက် အချိန်တောင် မလောက်ပါဘူး။

မြန်မာ့ရုပ်ရှင်လောက၏ ဟောလီးဝုဒ် (သို့မဟုတ်) ပြင်ဦးလွင်မြို့

ရာသီဥတုအေးချမ်းတဲ့ ပြင်ဦးလွင်မြို့ကို တော့ ရုပ်ရှင်ရိုက်ကူးရေး အဖွဲ့တွေဟာ ပူအိုက်တဲ့နွေအပူဒဏ်ကိုရှောင်ရင်း ရုပ်ရှင်တွေ လာရောက်ရို က်ကူး လေ့ရှိပါတယ်။ ဒါ့အပြင် ဆောင်းတွင်းမှာ လည်း လာရောက်ရိုက်ကူးလေ့ရှိပြီး မိုး တွင်းမှသာရိုက်ကူးရေးအဖွဲ့တွေမရှိ တာပါ။ရုပ်ရှင် ရိုက်ကူးရေးအဖွဲ့ တွေရှိ နေတာကြောင့် ပြင်ဦးလွင်မြို့ကတော့ မြန်မာနိုင်ငံရဲ့ ဟောလီးဝုဒ် မြို့လေးလို့ ပြောရမှာပါ။ အဲဒီမြို့လေးရဲ့ ထူးခြားချက် ကတော့ ရုပ်ရှင်ရိုက်ကွင်းတည်နေတာ တွေ့လည်း သိပ်ပြီး ရပ်ကြည့်နေကြ တာမရှိဘဲ သူ့အလုပ်သူလုပ်ပြီးသွားလာနေကြတာ တွေ့ရပါတယ်။ အဲဒါကြောင့် လူအများဝိုင်းအုံ ရပ်ကြည့်နေရင် ရိုက်ကူးရေး ပိုင်းမှာ အချိန်ကြန့်ကြာပြီး အခက်အခဲ ရှိတတ်ပေမယ့် ပြင်ဦးလွင်မြို့မှာတော့ အဲဒီ အခက်အခဲတွေ မရှိဘဲ ရိုက် ကူးနိုင်တယ်လို့ ဒါရိုက်တာ တွေ က ပြောပါတယ်။

တရုတ်နဂါး၏ အရင်းအမြစ် ရှာပုံတော်

ရေးသားသူ- ရဲမိုး

၂၀၀၇ ခုနှစ် နွေရာသီတစ်ခုမှာ ပီရူးနိုင်ငံ၏ တောင်တစ်လုံးကို တရုတ် ကုမ္ပဏီတစ်ခုက ၀ယ်ယူခဲ့သည်။ ကမ္ဘာ့အမြင့်ဆုံး
ဧ၀ရတ်တောင်ကြီး၏ တစ်ဝက်ခန့်မြင့်မားသည့် တိုရိုမိုချိုတောင်ကြီးမှာ ကမ္ဘာပေါ်မှာ နောက်ဆုံးကျန်ရှိသည့်
ကြေးနီသိုက်ကြီးတစ်ခုရှိနေခဲ့သည်။ ညှိနှိုင်းဈေးဖြစ်သည့် အမေရိကန်ဒေါ်လာ သုံးဘီလီယံကို တရုတ်ကုမ္ပဏီ
ချင်နာကိုက ပေးချေပြီးသည့်အခါ တိုရိုမိုချိုတောင်ကြီးကို ပီရူးနိုင်ငံသားများ ဆုံးရှုံးလိုက်ရပါသည်။ တရုတ်နဂါး၏
အနာဂတ်အတွက် အရင်းအမြစ်ရှာဖွေစုဆောင်းမှုစီမံကိန်းကြီး၏ တစ်စိတ်တစ်ပိုင်း ဖြစ်ပါသည်။

ဘာမြူဒါ တြိဂံ

 ဘာမြူဒါ တြိဂံ (Bermuda Triangle) သည် အတ္တလန်တစ် (Atlantic) သမုဒ္ဒရာ၏ အနောက်မြောက်အရပ်တွင် တည်ရှိသော နေရာတဝိုက်ဖြစ်ပြီး ထိုနေရာမှာ သင်္ဘော၊ လေယာဉ်များ ပျောက်ဆုံးသွားသည်ဟု နာမည်ကြီးသော နေရာဖြစ်သည်။ ဘာမြူဒါ တြိဂံဟု ခေါ်ရခြင်းမှာ ထိုနေရာတည်နေပုံသည် တြိဂံပုံထွက်နေသောကြောင့်ဖြစ်သည်။ အကြမ်းဖျင်း အားဖြင့် မက္ကဆီကို ပင်လယ်ကွေ့၊ ဖလော်ရီဒါ ပြည်နယ်၏ အစွန်းနှင့် ကာရီဘီယံကျွန်းများ အနီးတစ်ဝိုက်ဖြစ်သည်။

ထိုနေရာကို သတိထားမိပြီး ပထမဆုံး မှတ်တမ်းတင်ခဲ့သည်မှာ ခရစ်စတိုဖာ ကိုလမ်ဘက်စ် (Christopher Columbus) ဖြစ်သည်။ ၁၄၉၂ အောက်တိုဘာ ၁၁ ရက်နေ့တွင် မိုးကုတ်စက်ဝိုင်းမှ ထူးဆန်းသည့် အလင်းရောင်များကို တွေ့ရှိခဲ့သည်။ မိုးကောင်းကင်တွင် မီးများ တောက်နေသကဲ့သို့ တွေ့ရသည်ဟု သူ၏စာအုပ်တွင် ရေးသားခဲ့ခြင်းဖြစ်သည်။ မည်သည့်အတွက်ကြောင့် ထိုသို့ဖြစ်ရသည်ကို မည်သူမျှ အသေအချာမသိသေးပါ။

အိပ်မက်စာမေးပွဲ (မင်းလူ)

ဒီနေ့ည ဘယ်လိုအိပ်မက်မျိုးမက်လိမ့်မည်ဟု ဘယ်သူမှ ကြိုတင်သိနိုင်လိမ့်မည် မဟုတ်ချေ။
လူ့အခွင့်အရေးကို အချိုးဖောက်ဆုံး၊ အပိတ်ပင်ဆုံးအရာမှာ အိပ်မက်ပင်ဖြစ်၏။ လူတို့အနေဖြင့်
ကိုယ်မက်ချင်သော အိပ်မက်ကို မက်ခွင့်မရှိ။ မမက်ချင်သော အိပ်မက်မျိုးကိုလည်း မမက်ဘဲ
နေချင်လို့မရ။ အိပ်မက်ဆိုသည်မှာ ရုပ်မြင်သံကြားတို့၊ ရေဒီယိုတို့လို နောက်တစ်နေ့ အစီအစဉ်ဆိုပြီး
ကြိုတင်ကြော်ငြာထားတာမျိုးလည်း မဟုတ်။ သူ့ဘာသာ မက်ချင်သည့်နေ့မှာ မက်ချင်တာမက်တာမျိုး
ဖြစ်၏။ အိပ်မက်ကို တားဆီးနိုင်သည့် နည်းလမ်းတစ်ခုပဲ ရှိသည်။ မအိပ်ဘဲနေဖို့ပင် ဖြစ်ပါသည်။

သို့ရာတွင် လူတို့သည် မအိပ်ဘဲနေလို့ရသော အမျိုးမဟုတ်သဖြင့် အိပ်မက်နှင့် ကင်းကင်းရှင်းရှင်းနေလို့
မဖြစ်နိုင်ချေ။ ဒါဆိုလျှင် လူတွေမက်နေကြသော အိပ်မက်များသည် ဘယ်ကလာသနည်း။ ဘယ်သူတွေက
စီစဉ်တင်ဆက်နေကြသနည်း။

ဝပြည်နယ်အရေး တိုင်းရင်းသားပြဿနာသစ်လော(မင်းထက်စံ၊ အောင်ဘိုဘိုရှိန်)

လက်နက်ကိုင် တိုင်းရင်းသားတို့အကြား အားလုံးတန်းတူ အခွင့်အရေးရရှိရေး ဝေဖန်ထောက်ပြ ပြောဆိုနေချိန်တွင် ဝပြည် သွေးစည်းညီညွတ်ရေး ပါတီ/ UWSA (United Wa State Army) က ပြည်နယ်သတ်မှတ်ပေးရန် တောင်းဆို လိုက်ခြင်းသည် တိုင်းရင်းသား အဖွဲ့အစည်းများနှင့် တိုင်းရင်းသား ကိုယ်စားပြုပါတီ တို့အကြား ဂယက်ရိုက်ခဲ့သည်။

တရုတ် ကူမင်တန်တပ်ဟောင်းနှင့် ဗမာပြည် ကွန်မြူနစ်ပါတီတို့ အခြေစိုက်ခဲ့ဖူး သော ဝ နယ်တွင် ၁၉၈၀ မတိုင်မီက အဝတ် အစားမရှိ ကိုယ်လုံးတီးဖြင့် သွားလာခဲ့သူများ ရှိသော်လည်း လက်ရှိတွင် လူဦးရေခုနစ်သိန်း ခန့် နေထိုင်ကာ စစ်တပ်အင်အား သုံးသောင်းခန့် ရှိသည့်အတွက် ကိုယ်ပိုင်ပြဋ္ဌာန်းခွင့်ရ ပြည်နယ်အဖြစ်ရရှိရန် တောင်းဆိုလိုက်ခြင်း ဖြစ်သည်။