ရွှေဘုန်းတော်တိုးပါလို့ ငွေမိုးတွေရွာ (ရဲဘော်ကျော်သန်း)

ရွှေဘုန်းတော်တိုးပါလို့ ငွေမိုးတွေရွာဆိုလိုက်လို့ အရမ်း သာဓုမခေါ်လိုက်နဲ့အုံးဗျ။ မဟုတ်မဟတ်ကို အဟုတ်မှတ်ပြီး ကောင်းချီးပေးမိလို့ အသာဓု.. နသာဓု.. မသာဓုတွေ ဖြစ်သွားမယ်။ ခုလေးတင်ကြည့်လိုက်ရတဲ့ နေပူတော်ကနေ တိုက် ရိုက်လွှင့်တဲ့ ဘီဘီစီရဲ့ စီးပွားရေးဖိုရမ် ထိုးဇာတ်ကလေးကိုကြည့်ပြီး ဖိုရမ်ပါသူပရိတ်သတ်တွေအများစုက လက်ရှိ ဗိုလ် ချုပ်ကြီးများ စွန့်ကြဲတော်မူသော စည်းကမ်းပြည့်ဝသည့် ဒီမိုကရေစီစနစ်ကြီးကို လုံးဝအကောင်းမြင်သူ မျှော်လင့်နေကြ တယ်လို့ သဘောထားပေးလိုက်တော့.. ခေါင်းထဲဝင်လာတဲ့အတွေးနဲ့ ရှေးစာဆိုတွေရဲ့ စကားစုလေးပေါ်လာတယ်။

သူတို့အတွက်တော့ ရွှေဘုန်းတော်တိုးပါလို့ ငွေမိုးတွေရွာ နေကြပြီပေါ့။ စကားဝိုင်းမှာ ဦးဆောင်ဆွေးနွေးသွားကြတာက ဝန်ကြီးဦးစိုးသိမ်း၊ ဒေါ်အောင်ဆန်းစုကြည်နဲ့ ဒေါ်ဇင်မာအောင်ဆိုလား၊ ပြီးတော့ ပရိတ်သတ်ထဲက ဘယ်သူမှန်းမသိတဲ့ အင်္ဂလိပ်စကားကောင်း ပညာတတ်ဟန်ပေါက်တဲ့ အလံရှူးတယောက်.. လက်ခုပ်သံတဖျောင်းဖျောင်းနဲ့ ရွှေဘုန်းတော် တိုးပါလို့ ငွေမိုးတွေရွာနေလိုက်ကြတာ လက်ပံတောင်းတောင်လည်း ပျောက်၊ လည်မျိုအညှစ်ခံထားရတဲ့ ဧရာဝတီလည်း မေ့။ လယ်ပျောက် မှီခိုရာမြေပါပျောက်ကြရတဲ့ တောနေလယ်သမား သန်းပေါင်းများစွာတို့ရဲ့ ဆင်းရဲဒုက္ခတွေလဲ သဗ္ဗေသတ္တာ ကမ္မသကာ ဖြစ်သွားရတယ်။

အားကျစရာ

"ကျွန်တော်နှင့် အတောင်ပံ" (မင်းလူ)

အိပ်ရာမှ နိုးသောအခါ ခြင်ထောင်အမိုးမှာ ဇောက်ထိုးရပ်နားနေသော ခြင်တစ်ကောင်ကို ထူးထူးခြားခြား မြင်လိုက်ရ၏။ ထူးထူးခြားခြားဆိုသော စကားသည် ခြင်၏ ရပ်တည်နေမှုနှင့် မသက်ဆိုင်။ ခြင်သည် ရေပြင်ညီဖြစ်စေ၊ ထောင်လိုက်ဖြစ်စေ၊ ပြောင်းပြန်ဖြစ်စေ ရပ်နားနိုင်ကြောင်း အများသိပြီးသားပင်။ ခြင်ထောင်ထဲတွင် ခြင်ရောက်နေသောကြောင့် ထူးခြားသည်ဟု ဆိုရခြင်းဖြစ်သည်။
ငယ်ငယ်တုန်းက ခြင်သတ်တမ်း ကစားဖူးသည်။ လက်ဝါးနှစ်ဖက်ကို ခပ်ခုံးခုံး ခပ်ဖွဖွလုပ်၍ ရိုက်လိုက်သောအခါ ခြင်သည် လေဟပ်ပြီး မူးမေ့သွားသည်။ အကောင်မပျက် အရှင်ဖမ်းမိခြင်း ဖြစ်သည်။
ခြင်ထောင်ပေါ်သို့ ဖယောင်းစက်ချသည်။ ဖယောင်းခြောက်သွားသောအခါ အသာ ခွာယူလိုက်လျှင် ဂူသွင်းပြီးသား ရလေသည်။ ဖယောင်းလုံး ဘယ်နှစ်လုံးရသည်ဟု သူငယ်ချင်းတွေနှင့် ပြိုင်လေ့ရှိသည်။ လူပျိုပေါက်အရွယ် ရောက်သောအခါ ခြင်တွေကို မေ့သွားပြန်၏။
တစ်ချိန်တွင် ခြင်ကိုက်ခြင်း၊ ကြမ်းပိုးကိုက်ခြင်းတို့ကို ပေယျာလကန်သဘော ထားခဲ့လိုက်ပြန်သည်။ ခြင်ထောင်ဆိုသည်မှာ အကျင့်ကြီး ပါနေသောကြောင့်သာ ညကျလျှင် ဆွဲချ၊ မနက်ကျလျှင် လုံးထွေးပြီး ပြန်တင်အပ်သော အရာတစ်ခုအဖြစ် အသိအမှတ်ပြုထား၏။

အနုပညာရှင်များကြားက မူးယစ်ဆေးပြဿနာ(ရေးသားသူ- နွေဦး)

ဓာတ်ပုံ- ဂျေမောင်မောင် (အမရပူရ)

မကြာသေးမီရက်ပိုင်းအတွင်းက နာမည်ရသရုပ်ဆောင်မင်းသားတစ်ဦးကို စိတ်ကြွရူးသွပ်ဆေးပြား တစ်ရာကျော်နှင့်အတူ ဖမ်းဆီးလိုက်သည့်သတင်းမှာ ပရိသတ်အတွက် အထူးအဆန်းမဟုတ်တော့ပါ။ အနုပညာရှင်များနှင့် မူးယစ်ဆေးဝါးပြဿနာ ရောထွေးနေမှုများမှာ ပရိသတ်များနှင့် ရင်းနှီးနေပြီဖြစ်သည်။

“တချို့ရုပ်ရှင်ထုတ်လုပ်ရေး တိုက်တွေမှာ စိတ်ကြွဆေးတွေကို ဧည့်ခန်းမှာ ပန်းကန်နဲ့ချထားပြီ ဧည့်ခံနေတာ။ မကင်းနိုင်တဲ့သူအများစုက အ၀င်အထွက်လုပ်တော့ လူစည်တယ်။ ရိုက်ကွင်းမှာဆိုလည်း မင်းသား၊ မင်းသမီးကို ဆေးဝယ်ပေးချင်တဲ့၊ ဆေးသယ်ပေးချင်တဲ့သူတွေ တစ်ပုံကြီး၊ ပွဲတော်ကြီးလိုဖြစ်နေတာ”

ယနေ့ အနုပညာလောကအတွင်း ကြီးကြီးမားမားစိမ့်ဝင် နေရာယူထားသည့် စိတ်ကြွရူးသွပ်ဆေးဝါးများ၏ အခန်းကဏ္ဍမြင်ကွင်းကို အမည်မဖော်လိုသည့် ရုပ်ရှင်ဒါရိုက်တာတစ်ဦးက ဖွင့်ဟပြောဆိုလိုက်ခြင်းဖြစ်သည်။

အာဇာနည်နေ့ကိုဖြင့် မမေ့သင့်ပါသလေ(ရေးသားသူ- သင်းရီ)

လာမည့်ဇူလိုင် ၁၉ ဆိုလျှင် မြန်မာ့လွတ်လပ်ရေးအတွက် သက်စွန့်ကြိုးပမ်းဆောင်ရွက်ခဲ့ကြသည့် ဗိုလ်ချုပ်အောင်ဆန်းနှင့်တကွ အာဇာနည်ခေါင်းဆောင်ကြီးများ ကျဆုံးခဲ့သည်မှာ ၆၆ နှစ်တိုင်ခဲ့ပြီဖြစ်သည်။ အာဇာနည်ခေါင်းဆောင်ကြီးများ၏ ကျေးဇူးကို အသက် ၆၀ ကျော် ဟိုဘက်သုံးလေးနှစ်စွန်းခဲ့ပြီဖြစ်သည့် ကျွန်တော့်အနေနှင့်တော့ဖြင့် မေ့နိုင်စွမ်းမရှိခဲ့။

သို့သော် အာဇာနည်ကြီးများကို မေ့လျော့ပျောက်ပြယ်စေရန် လူတစ်စုက ကြိုးပမ်းခဲ့ကြသည်များကိုမူ ဆယ်စုနှစ် ၂ နှစ်နီးပါးကြာအောင် ကြုံခဲ့ရသည်။ အဘယ်ကြောင့် ထိုကဲ့သို့ ဆောင်ရွက်ခဲ့ကြသည်ကို မိမိ၏ပုံမှန်ဦးနှောက်ဖြင့် အထပ်ထပ်တွေးကြည့်မိသော်လည်း အဖြေမပေါ်ခဲ့။ မည်သည့်သူက မည်သို့ထူးခြားသော ရွှေဉာဏ်တော်ဖြင့် စတင်ဆောင်ရွက်ခဲ့သည်လဲတော့မသိ။ ကျွန်တော့်အနေနှင့် ရိုးရိုးလေးမြင်မိသည်ကမူ ဣဿာမစရိယတွင်အခြေခံသည့် မလိုတမာစိတ်များလားဟုသာ ထင်သည်။ ကျွန်တော့်အမြင်မှားလျှင်တော့လည်း မတတ်နိုင်။ ထိုအတိုင်းသာမြင်ပါ၏ဟု ထပ်၍သာဆိုပါမည်။တိုင်းပြည်အတွက် ငါဘာလုပ်ပေးနိုင်သလဲတွေးသူနှင့် တိုင်းပြည်က ငါ့ကိုဘာလုပ်ပေးနိုင်မလဲသာ တွေးသူနှစ်ဦး၏ အတွေးအခေါ်နှစ်ရပ်ကြားမှ ဖြစ်ပေါ်လာသည့် အငုံ့စိတ်က ဣဿာမစရိယကို ပေါက်ဖွားစေခဲ့သည်ထင်၏။