အလေးချိန် ၁၅ တန်ခန့်ရှိ ကျောက်စိမ်း အရိုင်းတုံးကြီး ဖားကန့် ဝှေခါရွာအနီး တွေ့ရှိ

ဖေဖော်ဝါရီ ၉ ရက် ညနေ ၅ နာရီက ဖားကန့်မြို့နယ် ဆိပ်မူကျေးရွာအုပ်စု ဝှေခါကျေးရွာနတ်ကြီးစင် အဟောင်းအောက်မော်သောင်းကျေးရွာ အဆင်းလမ်းတွင် အရွယ်အစား အလွန်ကြီး မားသောကျောက်စိမ်း အရိုင်းတုံးကြီး တစ်တုံးတွေ့ရှိကြောင်း ဝှေခါကျေးရွာ အုပ်ချုပ်ရေးမှူး ဦးကျော်မင်းက အကြောင်းကြားခဲ့သည်။

ဖားကန့် မြို့နယ်အုပ်ချုပ်ရေးမှူး၊ ခေတ္တမြို့နယ်ရဲတပ်ဖွဲ့မှူး၊ မြို့မရဲစခန်းမှူးနှင့် အဖွဲ့များသွားရောက်ကြည့်ရှုရာ ဝှေခါကျေးရွာရတနာကြယ်ကုမ္ပဏီ၊ တစ်သုံးလုံးကုမ္ပဏီ၊ ဧရာရတနာကုမ္ပဏီလုပ်ကွက်များနှင့် မျက်နှာ ချင်းဆိုင် ပေ ၁၅၀၀ ခန့်အကွာတွင် အရွယ်အစားပေ ၂၀ ပတ်လည်ခန့် ကျောက်စိမ်းအရည်အသွေး(ပဲရည်/ပဲသား)ခန့်မှန်း အလေးချိန် (၁၅)တန်ခန့်ရှိ ကျောက်စိမ်းအရိုင်းတုံးကြီးကို တွေ့ရှိခဲ့သဖြင့် နယ်မြေခံရဲတပ်ဖွဲ့ဝင်များက အထူးကြပ်မတ်စောင့်ကြပ်လျက်ရှိသည်။

ဒဏ္ဍာရီ(ပျဉ်းမနား)
စံတော်ချိန် နေ့စဉ်သတင်းစာ

ဆေးထိုးမှား၍ သေဆုံးရသည် စွပ်စွဲပြီး အထူးကုဆေးရုံ ဆရာဝန်ကို အမှုဖွင့်

ရန်ကုန်၊ မဇ္ဈိမ။ ။ အင်းစိန်မြို့နယ်တွင် ဆေးထိုးမှား၍ လူတစ်ဦးသေဆုံးရသည်ဟု စွပ်စွဲပြီး အထူးကုဆေးရုံမှ ဆရာဝန်ကို အမှုဖွင့်တိုင်တန်းထားသဖြင့် မြို့နယ်ရဲစခန်းက ဖေဖော်ဝါရီ ၁၂ ရက်တွင် စစ်ဆေးဆောင်ရွက်နေသည်ဟု တိုင်းရဲတပ်ဖွဲ့မှူးရုံးက သတင်းထုတ်ပြန်သည်။

အမှုကို ရွှေပြည်သာမြို့နယ်၊ လှော်ကားကျေးရွာ၊ ပြည်တော်သာလမ်းတွင် နေထိုင်သည့် သေဆုံးသူ၏ ဇနီးတော်စပ်သူက အမှုဖွင့် တိုင်တန်းထားသည်ဟု ရဲတပ်ဖွဲ့က ဆိုသည်။

ယင်းဖြစ်စဉ်တွင် ဆေးထိုးမှားခြင်း လုံးဝမရှိခဲ့ဘဲ လူနာ၏ နှလုံးရောဂါ အခံကြောင့်သာ အမောဖောက်ပြီး ဆေးရုံတင်ပို့စဉ် သေဆုံးသွားရခြင်း ဖြစ်သည်ဟု အဆိုပါပုဂ္ဂလိကဆေးရုံမှ ဆေးရုံအုပ်ကြီးဖြစ်သူ ဒေါက်တာစိန်ဌေးက မဇ္ဈိမကို ပြောကြားခဲ့သည်။

အမှုမှာ ဇန်နဝါရီလ ၂၅ ရက် ည၁၀နာရီအချိန်က ခင်ပွန်းဖြစ်သူသည် ရင်ခါင်းပူ၍ ဗိုက်အောင့်သဖြင့် ကိုယ်တိုင်ကားမောင်းပြီး အင်းစိန်မြို့နယ်၊ စဥ့်ငူရပ်ကွက်ရှိ အထူးကုဆေးရုံသို့ သွားရောက်ပြသခဲ့သည်ဟု တရားလိုက ရဲထံတွင် ပြောပြထားသည်။

မိခင်နှင့်အစ်မတို့ရန်ဖြစ်စဉ် ၀င်ရောက် သတ်ပုတ်သည့်မောင်ကို အစ်မဖြစ်သူမှ ဓါးဖြင့်ထိုး၍ သေဆုံး

ရန်ကုန်၊ ဖေဖော်ဝါရီ ၁၃

၁၂.၂.၂၀၁၄ ရက်နေ့ ၂၁၃၀ အချိန် ကွမ်းခြံကုန်းမြို့မရဲစခန်းမှ တပ်ဖွဲ့ဝင်များသည် ကွန်းခြံကုန်းမြို့နယ်၊ ဒရယ်လူးကျေးရွာတွင် အစ်မဖြစ်သူမှ မောင်ဖြစ်သူအား ဓါးဖြင့်ထိုး၍ သေဆုံးမှုဖြစ်ပွားကြောင်း သတင်းအရ သွားရောက်စစ်ဆေးခဲ့ပါသည်။

ဖြစ်စဉ်မှာ ယင်းနေ့ ၂၁၀၀ အချိန်ခန့်က မိခင်ဖြစ်သူဒေါ်ထွေးကြည်နှင့် သမီးဖြစ်သူမတင်မာညိုတို့ (၂)ဦးမှာ စကားများရန်ဖြစ်ကြကြောင်း၊ ထိုစဉ် မောင်ဖြစ်သူ ကိုမျိုးမင်းထွန်းက မိခင်နှင့်ရန်ဖြစ်နေသည့် အစ်မဖြစ်သူမတင်မာညိုကို ၀င်ရောက်လုံးထွေးသတ်ပုတ်ခဲ့ကြောင်း၊  ထိုသို့ သတ်ပုတ်ခဲ့၍ အစ်မဖြစ်သူ မတင်မာညိုက အနီးရှိထရံ၌ ထိုးထားသော အရိုးအသွား(၁၀)လက်မခန့်ရှိ ဓါးမြှောင်ဖြင့် မောင်ဖြစ်သူ ကိုမျိုးမင်းထွန်းကို ထိုးခဲ့သဖြင့် ကိုမျိုးမင်းထွန်းတွင် ၀ဲရင်အုံအောက်၌ ထိုးသွင်းဒဏ်ရာ(၁)ချက်ရရှိကာ သေဆုံးခဲ့ခြင်းဖြစ်ကြောင်း သိရှိခဲ့ရ ပါသည်။

၃၈ လမ်းမှ တရားမဝင် သင်္ဘောသားများ စေလွှတ်သည့် ရုံးခန်းကို စသုံးလုံး ဝင်ဖမ်း

ရန်ကုန်၊ မဇ္ဈိမ။ ။ ကျောက်တံတားမြို့နယ် ၃၈လမ်းအတွင်းရှိ သင်္ဘောသားများ စေလွှတ်ပေးနေသည့် ရုံးခန်းတစ်ခုကို တရားမဝင် လိမ်လည်လုပ်ဆောင်နေသည်ဟုဆိုကာ ဖေဖော်ဝါရီ ၁၁ရက်တွင် အထူးစုံစမ်းစစ်ဆေးရေး (စသုံးလုံး) တပ်ဖွဲ့က ဝင်ရောက်ဖမ်းဆီးလိုက်သည်။

အဆိုပါ တပ်ဖွဲ့မှ စုံစမ်းရေး ဦးစီးအရာရှိဖြစ်သူ ဦးခင်ဇော်နှင့်အဖွဲ့သည် (၈)ရပ်ကွက်၊ ၃၉ လမ်း၊ အမှတ် (၂၀၆)တွင် နေသူတစ်ဦးနှင့် အဖွဲ့ကို သင်္ဘောသားနှင့် သက်ဆိုင်သော စာအုပ်၊ စာရွက်စာတမ်းများ အတုပြုလုပ်ပြီး တရားမဝင်သင်္ဘော လိုင်းများဖြင့် ချိတ်ဆက်၍ သင်္ဘောသားများထံမှ ငွေကြေးရယူ ပို့ဆောင်ပေးလျက်ရှိကြောင်း သတင်းရရှိခဲ့ခြင်း ဖြစ်သည်။

ထို့ကြောင့် ၎င်းတို့ ရုံးခန်းရှိရာ ကျောက်တံတားမြို့နယ်၊ (၆)ရပ်ကွက်၊ (၃၈)လမ်း၊ အမှတ် (၉၀)သို့ ဦးစီးအရာရှိ ဦးခင်ဇော်နှင့် အဖွဲ့က ဝင်ရောက်ရှာဖွေခဲ့ခြင်းဖြစ်သည်ဟု ရန်ကုန်တိုင်းရဲတပ်ဖွဲ့က သတင်းထုတ်ပြန်ထားသည်။

တောင်ငူ ဗဟိုဈေးကြီး မီးလောင် ၈၀ရာခိုင်းနှုန်းခန့် လောင်ကျွမ်းမှုဖြစ်

ဖေဖေါ်ဝါရီလ ၁၃ ရက်နေ့ ညနေ ၆နာရီအချိန်တွင် တောင်ငူမြို့ ၆လမ်း ဗဟိုဈေးကြီး အလယ်ပေါက် အနီးမှ စတင်လောင်ကျွမ်းခန့်ပြီး လောင်ကျွမ်းမှု အချိန်မြင့်မားသောကြောင့် မီးသတ်တပ်ဖွဲ့များ ခက်ခဲစွာ ငြိမ်းသတ်နေရသည်။

မီးလောင်ကျွမ်းမှုကို လက်ရှိ အခြေအနေထိ ထိန်းချုပ်နိုင်ခြင်း မရှိသေးသောလည်း တောင်ငူခရိုင် မီးသတ်တပ်ဖွဲ့များဖြစ်သည့် အုတ်တွင်း၊ ကျွဲပွဲ၊ ရေတာရှည်၊ ရေနီ၊ ဖြူး၊ဆွာတို့မှ မီးသတ်ယာဉ်များ လာရောက် ငြိမ်းသတ်လျှက်ရှိသည်။

ချစ်သူများနေ့တွင် အမျိုးသမီးများ အတူတွေ့ချင်ဆုံး အမျိုးသားအဖြစ် ဒေးဗစ်ဘက်ခမ်း သတ်မှတ်ခံရ

လန်ဒန်၊ ဖေဖော်ဝါရီ ၁၂

ကမ္ဘာကျော် ဘောလုံးသမားဟောင်း ဒေးဗစ်ဘက်ခမ်းဟာ ဟောလိဝုဒ်ရဲ့ နာမည်ကျော် အမျိုးသား သရုပ်ဆောင်တွေကို ကျော်ဖြတ်ပြီး ချစ်သူများနေ့မှာ အမျိုးသမီးတွေ ချိန်းအတွေ့ချင်ဆုံး အမျိုးသားအဖြစ် သတ်မှတ်ခံခဲ့ရတယ်လို့ contactmusic.com မှာ ဖော်ပြထားပါတယ်။

ဗယ်လင်တိုင်းနေ့ (ချစ်သူများနေ့) မှာ တစ်နေကုန် အတူလျှောက်လည်ပြီး ညစာ အတူစားဖို့အတွက် နာမည်ကျော် အမျိုးသားတွေထဲက ဘယ်သူ့ကို ရွေးချယ်ချင်လဲဆိုပြီး အရွယ်ရောက်ပြီးသား ဗြိတိသျှ အမျိုးသမီးတွေကို ဆန္ဒမဲ ပေးစေခဲ့ရာမှာ ဒေးဗစ်ဘက်ခမ်းက ဆန္ဒမဲ ၁၈ ရာခိုင်နှုန်းရရှိပြီး ဗြိတိသျှ အမျိုးသမီးတွေရဲ့ အိပ်မက်ထဲက ချစ်သူအဖြစ် သတ်မှတ်ခံခဲ့ရတာ ဖြစ်ပါတယ်။

ဒေးဗစ်ဘက်ခမ်းရဲ့ နောက်မှာတော့ ဟောလိဝုဒ် သရုပ်ဆောင်တွေ ဖြစ်ကြတဲ့ ဘရက်ဒလေကူးပါးက ဆန္ဒမဲ ၁၄ ရာခိုင်နှုန်းနဲ့ ဒုတိယ၊ ရိုင်ယန်ဂိုးစလင်းက ဆန္ဒမဲ ၁၃ ရာခိုင်နှုန်းနဲ့ တတိယနေရာတို့မှာ အသီးသီး ရပ်တည်နိုင်ခဲ့ကြပါတယ်။

ဇူကာဘတ်ကို Facebook မှာ ဘလော့လို့ မရ

Facebook တည်ထောင်သူ မာခ့် ဇူကာဘတ် ရဲ့ Facebook အကောင့်ကို Block လုပ်လို့ မရပါဘူး။

သေချာအောင် သတင်းဖတ်သူတို့ https://www.facebook.com/zuck မှာ ဝင်ရောက် စမ်းသပ်နိုင်ပါတယ်။ ပေါ်လာတဲ့ စာကတော့ overload ဖြစ်နေလို့ Block လို့ မရကြောင်း ရေးထားခြင်း ဖြစ်ပါတယ်။ တစ်ကမ္ဘာလုံးက Block နေလို့တော့ မဟုတ်ပါဘူး။ လှည့်ကွက်နဲ့ ပိတ်ဆို့ထားခြင်းသာ ဖြစ်ပါ တယ်။ ဒါကြောင့်မို့ ဇူကာဘတ်ကို ဘယ်သူမှ ဘလော့လို့ မရ ပါဘူး။

ဇူကာဘတ်ရဲ့  နောက်တစ်ခု ထူးခြားချက်က နေ့စဉ် နေ့တိုင်း နီးပါး အညိုရောင် Facebook တီရှပ်ကိုသာ ဝတ်ဆင်လေ့ ရှိပါတယ်။ အဲ့ဒါကို လည်း ကိုယ်တိုင် ရှာဖွေ ကြည့်နိုင် ပါတယ်။ ပွဲတက်ဝတ်ဆုံနဲ့ အနက်ရောင် အနွေးထည်က လွဲလို့ သူဟာ အညိုရောင်ကိုသာ စွဲစွဲ လမ်းလမ်း ဝတ်လေ့ ရှိတာကို တွေ့ရမှာ ဖြစ်ပါတယ်။
.
Ref: dyknow
အောင်ခမ်း (www.innewsmyanmar.com)

နံရံပေါ်မှ မျက်လုံးများ

Written by  ကျော်ဦးနိုင်

ပြောလေ့ပြောထ ရှိသည်မှာ နံရံများတွင် နားတွေရှိသည် ဟူ၍ ဖြစ်သည်။ သို့သော် ယခုအခါ အမျိုးမျိုး အဖုံဖုံသော အကြောင်းများကြောင့် နံရံများပေါ်တွင် မျက်လုံးများ တပ်ဆင်လာကြပြီ ဖြစ်သည်။

(က)
ဂျင်းဘောင်းဘီနှင့် အင်္ကျီဖြူနီ ကွက်ကျား ဝတ်ဆင်ထားသည့် အသက် ၂၀ ကျော် အမျိုးသား တစ်ဦးသည် ဖုန်းဆိုင် တစ်ခုအတွင်း မိုဘိုင်းလ်ဖုန်းများကို အကြိမ်ကြိမ်အခါခါ မေးမြန်းစမ်းသပ်ရင်း အရောင်းကောင်တာမှ ငါးပေခန့်သာ ကွာဝေးသည့် ထိုင်ခုံမှ အရောင်းကောင်တာသို့ အခေါက်ခေါက်အခါခါ ကူးလူးနေသည်။
နောက်တစ်နာရီခန့် အကြာတွင် အသက် ၃၀ ကျော်အမျိုးသားတစ်ဦး ဆိုင်အတွင်းသို့ ကတိုက်ကရိုက် ပြေးဝင်လာသည်။ အရောင်းကောင်တာနှင့် ငါးပေခန့် အကွာရှိ ထိုင်ခုံ၊ စားပွဲဝိုင်းများအနီး တစ်စုံတစ်ခုကို ရှာဖွေနေရင်း အရောင်းကောင်တာမှ ဝန်ထမ်းတစ်ဦးကို ‘ကျွန်တော်ဖုန်းတွေ မေ့ပြီးကျန်ခဲ့တာ သိမ်းထားမိသေးလား’ ဟု မေးလိုက်ရာ ဆိုင်ဝန်ထမ်းများလည်း ပျာယာ ခတ်ကုန်ကြသည်။
ယင်းဖြစ်စဉ်မှာ ယုဇနပလာဇာ နောက်ကျောတွင် ဆိုင်ခန်း ဖွင့်လှစ်ရောင်းချနေသည့် Sky ဖုန်းနှင့် အပိုပစ္စည်း အရောင်းဆိုင်မှ အဖြစ်အပျက် ဖြစ်သည်။

မိန်းကလေးများ အလေးမထားမိသည့် ကျန်းမာရေး ထိခိုက် စေနိုင်သော အချက်များ

မိန်းကလေးတွေဟာ အလှအပ နောက်ကို လိုက်ရင်း ကျန်းမာရေး ထိခိုက်စေနိုင်တာ တွေကို အလေး မထားမိတာမျိုး ဖြစ်တတ် ကြပါတယ်။

(၁) စိတ်ညစ်တိုင်း အစာစားလေ့ရှိခြင်း

ယောကျာ်းလေး အများစုက ပျော်ရွှင်တဲ့ အခါမျိုးမှာ အစာပိုစား တတ်ကြပြီး မိန်းကလေး တွေကတော့ စိတ်ညစ်တဲ့ အခါမှာ အချိုနဲ့ ကယ်လိုရီများတဲ့ အစားအစာ တွေကို ပိုစားလေ့ ရှိပါတယ်။ စိတ်ညစ်လို့ စားတဲ့ အစားအစာတွေက သင့်ခါး အနေအထားကို ပြောင်းလဲ စေပြီး သင့်ကို ဝလာ စေပါတယ်။ စိတ်ညစ်တာကို အစာစားပြီး ဖြေဖျောက်ဖို့ ကြိုးစား တာထက် လေ့ကျင့်ခန်း လုပ်တာ၊ ယောဂကျင့်တာ၊ အပေါင်းအသင်းတွေနဲ့ ပျော်ပျော်ပါးပါး နေတာတွေနဲ့ အစားထိုး လုပ်ဆောင် ကြည့်ပါ။

(၂) ဝသည်ဟု ထင်မြင်နေခြင်း

မိန်းကလေးတွေက ခန္ဓာကိုယ်ကို ဝတယ်လို့ သူများပြောမှာကို ကြောက်ရွံ့တတ်ကြပြီး ဝိတ်ချနေတယ် လို့လည်း တွင်တွင် ပြောတတ်ကြပါတယ်။ လေ့လာ မှုအရ မိန်းကလေးတွေရဲ့ ၉၀ ရာခိုင်နှုန်း လောက်က သူတို့ရဲ့ ခန္ဓာကိုယ်ပုံပန်း သဏ္ဌာန်ကို ပြုပြင်လိုကြပါတယ်။ ခန္ဓာကိုယ်က အဆီတွေကို ခွဲစိတ် ဖယ်ရှားနိုင်တယ်ဆိုပေမယ့် အစားအ သောက်နဲ့ ကိုယ်အလေးချိန် လျှော့ချတာက အကောင်းဆုံး နည်းလမ်းပါ။

Valentine's Day မှာ ချစ်သူကို အချိန်ပေးမယ်ဆိုတဲ့ ချစ်စနိုးဦး

ဂီတ ဘက် တွင် ရှိုးပွဲ များစွာ သီဆို နေပြီး သရုပ်ဆောင် ဘက် နှင့် အနည်းငယ် အဆက် ပြတ်သ လို ဖြစ် နေသည့် အကယ် ဒမီ ချစ်စနိုးဦး က Valentine's Day ကို ချစ်သူ နှင့် အတူ တူ ပျော်ရွှင် စွာ ဖြတ် သန်း မည် ဖြစ်ကြောင်း ပြောပြ သည်။

ဒီအရွယ်ကြီးရှိနေမှတော့ ရည်း စားမရှိဘူး လား ဆိုရင် ရှိတယ် ပေါ့နော်။ အမှန်အတိုင်းပြောရရင် သိနေ တာ ကြာ ပါပြီ။ ငယ်ငယ်ကတည်းကပေါ့။ ဒါပေမဲ့ ခုနောက်ပိုင်းမှ ချစ်သူဖြစ်သွားတာပါ။ နှစ် ယောက်စလုံး ကလ ည်း သိနေတာကြာပြီ ဆိုတော့ အထူးတစ် လည် နားလည်မှုတော့ ယူစရာမရှိပါဘူး။ အနုပညာ ရှင် အချင်းချင်း ဖြစ်နေ တော့လေ။ကိုယ်လည်း သူ့အကြောင်း သိ၊ သူလည်း ကိုယ့် အကြောင်း သိဆိုတော့ မလိုပါဘူး။ အဓိက က တော့ နားလည်ပြီး တစ်ယောက်နဲ့ တစ်ယောက် သစ္စာ ရှိပြီး ချစ် ရင် တော့ ပျော်ရွှင်စရာကောင်း ပါတယ်။ ချစ် သူများနေ့ မှာ ချစ်သူကို ဘယ်လို လက် ဆောင် ပေးရမလဲ ဆိုတဲ့ စိတ် ကူး တော့ မရှိ ပါဘူး။ ဒါပေမယ့် စဉ်း တော့ စဉ်းစားနေတယ်။ ဘယ်လိုလေးပေးရင် ကောင်း မလဲပေါ့။ ကိုယ်က ဘယ်လို ပေးပါ ရယ်လို့ မရှိ ပါဘူး။

ကျွဲတိုက်မိပြီး တိမ်းမှောက်နေသော ပရိုဘောက်ယာဉ်အား ဆူဇူကီးဝက်စ်ဂွန်းယာဉ်မှ ထပ်မံဝင်တိုက်

နေပြည်တော်၊ ဖေဖော်ဝါရီ ၁၂

၂၀၁၄ ခုနှစ်၊ ဖေဖော်ဝါရီလ ၉ ရက်နေ့ ည ၁၁ နာရီ ၄၀ မိနစ်အချိန် ပဲခူးတိုင်းဒေသကြီး၊ ဒိုက်ဦးမြို့နယ်၊ ရန်ကုန်-မန္တလေးအမြန်လမ်း၊ မိုင်တိုင်အမှတ်(၆၇/၁-၂)ကြားတွင် ယာဉ်တိုက်မှုဖြစ်ပွားကြောင်း သတင်းအရ အုတ်ရှစ်ကုန်းအမြန်လမ်းရဲစခန်းမှတပ်ဖွဲ့ဝင်များ သွားရောက်စစ်ဆေးခဲ့သည်။ စစ်ဆေးချက်အရ မန္တလေးမှရန်ကုန်သို့ ရန်ကုန်တိုင်းဒေသကြီး၊ ရန်ကင်းမြို့နယ်နေ ထွန်းထွန်းမင်း(၂၈)နှစ် မောင်းနှင် လာသည့် BB/xxxx ပရိုဘောက်အဖြူရောင်ယာဉ်သည် လမ်းဖြတ်ကူးသော ကျွဲအားရှောင်တိမ်းရာမှ အရှိန်မထိန်းနိုင်ဘဲ ပွတ်တိုက်၍ သစ်ပင်အားတိုက်မိကာ ရပ်တန့်သွားခဲ့သည်။ ထိုသို့တိုက်မိရပ်တန့်နေစဉ် မန္တလေးမှ ရန်ကုန်သို့ ရန်ကုန်တိုင်းဒေသကြီး၊ လှိုင်သာယာမြို့နယ်နေ ကျော်ဇင်ဦး(၂၃)နှစ် မောင်းနှင် လာသော ၁ဂ/xxxx ဆူဇူကီးဝက်စ်ဂွန်းယာဉ်သည် အဆိုပါနေရာတွင် အရှိန်မထိန်းနိုင်ဘဲ ပရိုဘောက်ယာဉ် အား ပွတ်တိုက်မိပြီး လမ်းမပေါ်လဲကျနေသည့် ကျွဲအား ထပ်မံတိုက်မိကာ တိမ်းမှောက်ခဲ့သည်။

ဗိုလ်ချုပ်ကို ပြန်ခေါ်မလာနဲ့

ထုံးစံအတိုင်း သာကေတ ၃၅ ကားဂိတ်တွင် လူက အပြုံလိုက်။ ကျွန် တော်ကတော့ တစ်စီးချင်း လွှတ်ပေးလိုက် သည်။ ထိုင်ခုံရ မှဖြစ်မည်။ ညလုံးပေါက် နီးပါး စာရေး ခဲ့သဖြင့် မတ်တတ်စီးနိုင် မည်မဟုတ်။ အနည်းငယ် ငိုက်မှေးစီး သွားမှသာ အလုပ်တွင် လန်းလန်းဆန်း ဆန်း ရှိမည်။

ဟော မီနီဘတ်စ် တစ်စီးက ကျွန်တော့် ရှေ့တည့်တည့်သို့ ထိုးဆိုက်လိုက် စဉ် ခပ်သုတ်သုတ်ပင် လှမ်းတက်လိုက် သည်။ လူပါးသွားချိန်မို့ ထင်သည်။ ကား ကဟောင်းလောင်း။ ကောင်းလေ စွ။ တစ်ဦးတည်းမို့ ပြတင်းပေါက်ဘေး နောက်ဆုံး ထောင့်ခုံပေါ် ဝင်ထိုင်ကာ မျက်လုံး တို့ကို မှိတ်ထားလိုက်သည်။ မည်သူတွေ တက်၍ မည်သူ တို့ ဆင်း သည်မသိ။ ကားက ရပ်လိုက် သွား လိုက်ဟု ထင်သည်။ ကျွန်တော် မသိ တော့။ ရုတ်တရက် ဆူဆူညံညံ အသံများ ကြောင့် ကျွန်တော် လန့်နိုး သွားသည်။ အိပ်ချင် မူးတူးဖြင့် မျက်လုံး ဖွင့်ကြည့် တော့ မထူးဆန်းတော့သော စပယ်ယာ နှင့်ခရီးသည် ကားတွင်း တိုက်ပွဲ။ သို့ သော် ခရီးသည်က အဘိုးအို တစ် ဦးဖြစ် နေပြီး အရွယ်နှင့် မမျှအောင်ပင် အသံ ကမာသည်၊ ပြတ်သည်၊ မြန်သည်။

”မောင်ရင် တယ်အပြောကြမ်း ပါလား။ ခရီးသည်က မင်းတို့ထမင်းရှင် မဟုတ်ဘူးလား”

”အဘ အေးအေးဆေးဆေး စီးချင် ရင် တက္ကစီငှားစီးသွား။ ကျွန်တော်တို့ လည်း ဒီအပေါက် နဲ့လုပ်စားနေရတာ။ အဘ ကန့်လန့် လုပ်နေရင် လူဘယ်လို တင်မလဲ”

ဦးကိုနီနှင့် ဦးမြအေး ပါဝင်ဟောပြောမည့် စာပေဟောပြောပွဲ ကန့်ကွက်ခံရ၍ ဖျက်သိမ်း

ဟိန်းကိုစိုး၊ ရွှေရည်ဝင်းထက်|ဖေဖော်ဝါရီ ၁၃ ရက်၊ ကြာသပတေးနေ့၊ ၂၀၁၄ ခုနှစ်။

ပြည်ထောင်စုနေ့ အထိမ်းအမှတ်အဖြစ် ဖေဖော်ဝါရီ ၁၂ ရက်တွင် မြောက်ဥက္ကလာပမြို့နယ် (ဂ)ရပ်ကွက် ၌ပြုလုပ်မည့် စာပေဟောပြောပွဲတွင် ဦးကိုနီနှင့် ဦးမြအေးတို့ ဟောပြောမည့်အစီအစဉ်ကို မျိုးချစ်မြန်မာ ရဟန်းတော်များသမဂ္ဂက ကန့်ကွက်ခဲ့သောကြောင့် ဟောပြောပွဲဖျက်သိမ်းခဲ့သည်ဟု ပွဲစီစဉ်သူ အမျိုး သားဒီမိုကရေစီအဖွဲ့ချုပ်အဖွဲ့ဝင် ဦးမျိုးထွဋ်က ပြောသည်။

ဦးကိုနီနှင့် ဦးမြအေးတို့ကို ပြည်ထောင်စုနေ့ကဲ့သို့သော အခမ်းအနားမျိုးတွင် လက်မခံနိုင်ဟူသော အ ကြောင်းပြချက်ဖြင့် မျိုးချစ်မြန်မာ ရဟန်းတော်များသမဂ္ဂမှ ကန့်ကွက်ခဲ့ခြင်းဖြစ်သည်ဟု အဆိုပါအဖွဲ့နှင့် တွေ့ဆုံဆွေးနွေးခဲ့သူလည်းဖြစ်သည့် ဦမျိုးထွဋ်က ဆိုသည်။

ဟောပြောမည့်သူနှစ်ဦးကို မျိုးချစ်မြန်မာရဟန်းတော်များသမဂ္ဂ အရှင်သုစိတ္တက ကန့်ကွက်သည့်စာကို မြောက်ဥက္ကလာပမြို့နယ် အုပ်ချုပ်ရေးမှူးထံ ဖေဖော်ဝါရီ ၁၀ ရက်တွင်ပေးပို့ခဲ့ပြီး ပွဲဖြစ်မြောက်ရေးစီစဉ် သည့် မြောက်ဥက္ကလာပမြို့နယ် အမျိုးသားဒီမိုကရေစီအဖွဲ့ချုပ်က ဖေဖော်ဝါရီ ၁၁ ရက်တွင် ကန့်ကွက် စာရောက်ရှိသည်ကို သိရှိသည်ဟု ဆိုသည်။

လူခြောက်သန်းကို လျှပ်စစ်ပေးမည့်စက်ရုံ မန္တလေးတွင် အမေရိကန်ဆောက်မည်

အောင်မင်း|ဖေဖော်ဝါရီ ၁၃ ရက်၊ ကြာသပတေးနေ့၊ ၂၀၁၄ ခုနှစ်။

လျှပ်စစ်ဓာတ်အား ၁၀၀ မဂ္ဂ၀ပ်ထုတ်ပေးနိုင်မည့် ဓာတ်အားပေးစက်ရုံတစ်ရုံ မြန်မာနိုင်ငံ၌ တည်ဆောက် ခွင့်ရရှိခဲ့ပြီဟု အမေရိကန်နိုင်ငံအခြေစိုက် စွမ်းအင်ကုမ်ဏီ APR Energy PLC မှကြေညာခဲ့သည်ဟု Wall Street သတင်းတစ်ရပ်၌ ဖေဖေါ်ဝါရီ ၁၂ ရက်က ဖော်ပြထားသည်။

“ဒါဟာ အလွန်ကြီးမားတဲ့ ရင်းနှီးမြှုပ်နှံမှုတစ်ခုပါ” ဟု APR ၏ အာရှပစိဖိတ်ဒေသ စီးပွားရေးလုပ်ငန်း တိုး မြှင့်ရေး အကြီးအကဲ ကလစ်တာတန်က ပြောသည်။ သို့သော် သဘာဝဓာတ်ငွေသုံး လျှပ်စစ်ဓာတ်အား ပေးစက်ရုံအတွက် မည်မျှရင်းနှီးမြှုပ်နှံမည်ဆိုသည်ကိုမူ အသေးစိတ် ထုတ်ဖော်ပြောဆိုသွားရန် ငြင်းဆန် ခဲ့သည်။

ဖေဖော်ဝါရီ ၁၂ ရက်နေ့က ထုတ်ပြန်ခဲ့သော APR Energy PLC ၏ ကြေငြာချက်၌ ကုမ္ပဏီ၏ ရင်းနှီးမြှုပ် နှံမှုမှာ မြန်မာနိုင်ငံတွင်းရှိ အကြီးဆုံးသော အမေရိကန်ရင်းနှီးမြှုပ်နှံမှုများအတွက် တစ်ခုအပါအ၀င် ဖြစ် သည်ဟု ဖော်ပြထားသည်။

အိမ်မပြန်ချင်သေးသည့် ယိုးဒယားမြေမှ ကြက်ကြော်သည်လေး

ရေးသားသူ- အေးသူစံ

“မြန်မာပြည်ပြန်ရင် ဘာလုပ်စားရမလဲ။ ကျွန်တော့်တစ်ယောက်စာတောင် မလောက်ဘူး။ အခုဒီမှာ ကျွန်တော်တစ်ယောက်ပဲရှာ တစ်အိမ်လုံးထိုင်စားလို့ရတယ်လေ”

လေးပေနှစ်ပေပတ်လည် တွန်းလှည်းလေးပေါ်မှာ တင်ထားသည့် ပွက်ပွက်ဆူနေသောဆီအိုးထဲသို့ မုန့်နှစ်စိမ်ထားသည့် ကြက်သားတုံးတွေကို ပစ်ထည့်ရင်းက ကိုမင်းထိုက်တစ်ယောက် ဘန်ကောက်မြို့၏ အချက်အချာကျသော နရသီဝလမ်းမကြီးတစ်လျှောက် ပျားပန်းခပ်မျှသွားလာနေသောလူများကိုကြည့်ရင်း ပြောလိုက်ခြင်းဖြစ်သည်။

အေပရွန်ခပ်လတ်လတ်ကို ၀တ်ဆင်ထားပြီး လက်အိတ်စွပ်ထားသည့် လက်တွေက ကြက်ကြော်လာဝယ်သူများကို သွက်လက်စွာထုပ်ပိုးရောင်းချသည့် ကိုမင်းထိုက်လို မြန်မာအလုပ်သမားတစ်သန်းကျော် ထိုင်းနိုင်ငံကို မှီခိုရပ်တည်နေရသည်မှာ အဆန်းတော့မဟုတ်ပါ။

ကမ္ဘာ့အကြီးဆုံးစာအုပ်ထဲမှ ပန်းကလေးတစ်ပွင့်

ရေးသားသူ- အေးမွန်ရာပြည့်

ဘုရားတန်ဆောင်းအတွင်း အုတ်ခုံပေါ်တွင်ထိုင်နေသည့် သမီးရည်းစားစုံတွဲတစ်တွဲရှေ့၌ရပ်ကာ စံပယ်ပန်းကုံးတစ်တွဲချိတ်ထားသည့်လက်ကို ဆန့်တန်းလိုက်သည်။ အမျိုးသမီးဖြစ်သူက သူမရှေ့တွင်ရပ်နေသည့် ကလေးငယ်နှင့် ငါးမိနစ်ခန့်စကားပြောပြီး ပန်းတစ်တွဲကိုယူကာ ငါးရာတန်တစ်ရွက်ကို ထုတ်ပေးနေသည်။ ကလေးငယ်က ငါးရာတန်ကို လက်ထဲတွင်ပိုက်ထားသည့် စံပယ်ပန်းကုံးများဖြင့် ပြည့်မောက်နေသည့် စကောဗန်းထဲသို့ ထိုးထည့်လိုက်ပြီး ပန်းဝယ်မည်ဟု ယူဆရသည့် နောက်ထပ်ဧည့်သည်များကို ဘုရားဝင်းတစ်ပတ်ပတ်ကာ ရှာဖွေနေသည်။

မင်းတုန်းမင်းတရားကြီးတည်ထားခဲ့သည့် မန္တလေးမြို့ရှိ ကုသိုလ်တော်ဘုရားအတွင်းသို့ လာရောက်သည့် ဧည့်သည်များအား တစ်မနက်ခင်းလုံး ပန်းလိုက်ရောင်းနေသည့် မိန်းကလေးငယ်တစ်ဦး၏ ပုံရိပ်များပင်ဖြစ်သည်။

ကမ္ဘာ့အကြီးဆုံးစာအုပ်ကြီးဟုထင်ရှားပြီး နိုင်ငံခြားသားခရီးသွားဧည့်သည်ရော ပြည်တွင်းခရီးသွားဧည့်သည်များပါ နေ့စဉ်စည်ကားနေသည့် အဆိုပါဘုရားကြီးကိုမှီခိုပြီး အသက်မွေးဝမ်းကျောင်းရှာနေရသူများကလည်း ဒုနှင့်ဒေး။ ၎င်းတို့အထဲတွင် မျိုးရိုးစဉ်ဆက်ပန်းရောင်းကာ အသက်မွေးခဲ့သည့် ၎င်းတို့မိသားစုတစ်စုမှာလည်း တစ်စုအပါအ၀င်ပင်ဖြစ်သည်။

တရုတ်သမ္မတဟောင်း ကျန်ဇီမင်းကို ဖမ်းဆီးပေးရန် အင်တာပိုကို စပိန်တရားသူကြီး တောင်းဆို

မက်ဒရစ်၊ ဖေဖော်ဝါရီ ၁၁

တရုတ်သမ္မတဟောင်း ကျန်ဇီမင်းကို တိဘတ်ဒေသ၌ လူမျိုးတုံး သတ်ဖြတ်မှု ကျုးလွန်ခဲ့သည်ဟု စပိန်တရားရုံးက စွပ်စွဲလိုက်ပြီး သမ္မတဟောင်းကို ဖမ်းဆီးပေးရန် အပြည်ပြည်ဆိုင်ရာ ရဲတပ်ဖွဲ့ အင်တာပိုကို စပိန်တရားရုံးချုပ် တရားသူကြီး မာရီနိုက တောင်းဆိုလိုက်ကြောင်း Reuters သတင်းတွင် ဖော်ပြထားသည်။

တိဗက် လူ့အခွင့်အရေး အုပ်စုတစ်ခုက စပိန်တရားရုံး၌ တရားစွဲဆိုထားခြင်းကြောင့် တရုတ်သမ္မတဟောင်း ကျန်ဇီမင်း၊ ဝန်ကြီးချုပ်ဟောင်း လီပန်းနှင့် အခြားသော တရုတ်အရာရှိ သုံးဦးကို မေးခွန်းမေးနိုင်ရန်အတွက် ဖမ်းဆီးပေးရန် အပြည်ပြည်ဆိုင်ရာ ရဲတပ်ဖွဲ့ကို တရားသူကြီး မာရီနိုက တောင်းဆိုလိုက်သည်။

သို့သော်လည်း စပိန်အာဏာရ ပြည်သူ့ပါတီက ကမ္ဘာအနှံ့ တရားစီရင်ပိုင်ခွင့်နှင့် ပတ်သက်နေသည့် တရားသူကြီးများ၏ စွမ်းရည်ကို ကန့်သတ်နိုင်ရေး ဥပဒေထုတ်ပြန်ရန် အလျင်အမြန် ကြိုးပမ်းနေခြင်းကြောင့် တရုတ်သမ္မတဟောင်း အမှုမှာ တိုးတက်မှု ရရှိနိုင်မည် မဟုတ်ချေ။

NLD အလုပ်အမှုဆောင် မိသားစု အဆိပ်ခတ် လုပ်ကြံခံရမှု ရက်၄၀ ကြာသည့်တိုင် ဆေးမှတ်တမ်းအဖြေ မသိရသေးဟုဆို

ပုသိမ်၊ ဖေဖော်ဝါရီ ၁၂

ပုသိမ်ခရိုင် ကျောင်းကုန်းမြို့နယ် NLD အလုပ်အမှုဆောင် တစ်ဦးဖြစ်သည့် ဦးရွယ်လူး အဆိပ်မိသည့် လက္ခဏာဖြင့် ဇန်နဝါရီလ ၂ရက်နေ့က သေဆုံးခဲ့ရာ ရက်ပေါင်း ၄၀ ကြာသည့်တိုင် ဆေးမှတ်တမ်း အဖြေ မသိရသေးကြောင်း မိသားစုဝင်များက ပြောကြားသည်။

ဦးရွယ်လူး ၄၇ နှစ်သည် ကျောင်းကုန်းမြို့နယ် ဒေါင့်ကြီးရွာတွင် အသက် ၁၃ နှစ် အရွယ်သားတစ်ဦး၊ အသက် ၁၀ နှစ်အရွယ် သမီးတစ်ဦးတိုနှင့် အတူနေထိုင်စဉ် ၂၀၁၃ ခုနှစ် ဒီဇင်ဘာလ ၂၇ ရက်နေ့ နံနက်ပိုင်းက ၎င်းတို့ ခြံရှေ့တံခါး၌ ချိတ်ဆွဲထားသည့် ခရစ္စမတ် လက်ဆောင် ကတ်ပါသည့် ပုံစံပျက် နေသော အိုဗာတင်း ပုလင်းတစ်လုံးနှင့် KING STAR အမှတ်တံဆိပ် ပူတင်း ပေါင်မုန့်တို့ကို ရရှိခဲ့ကြောင်း သမီးဖြစ်သူက ပြောကြားသည်။

ယင်းသို့ရရှိသည့် အိုဗာတင်း ပုလင်းကို ၂၉.၁၂.၂၀၁၃ နေ့တွင် သားဖြစ်သူ ခုနစ်တန်း ကျောင်းသား မောင်ကောင်းမြတ်နိုင်က လက်ဖြင့် ကော်စားခဲ့ရာ ယင်းနေ့ညနေတွင်ပင် အစိမ်းရောင် အရည်များ အန်ခဲ့သောကြောင့် ဆေးကုသခဲ့ရကြောင်း ၃၁.၁၂.၂၀၁၃ နေ့တွင် KING STAR အမှတ်တံဆိပ် ပါရှိသည့် ပူတင်းပေါင်မုန့်ကို သားအဖနှစ်ဦး အတူတကွစားခဲ့ရာ အော့အန်ပြီး ဒေါင့်ကြီးရွာ တိုက်နယ်ဆေးရုံတွင် ကုသခဲ့သော်လည်း သက်သာခြင်း မရှိသဖြင့် ပုသိမ်မြို့ အထွေထွေ ဆေးရုံကြီး၌ ကုသနေစဉ် ဖခင်ဖြစ်သူ ဦးရွယ်လူးမှာ ၂.၁.၂၀၁၄ ရက်နေ့တွင် သေဆုံးခဲ့သည်ဟု ၎င်း၏ မိသားစုဝင်များက ပြောဆိုသည်။

ကုလ လူ့အခွင့်အရေး အထူးကိုယ်စားလှယ် ကင်တားနား ရက်ပိုင်းအတွင်း မြန်မာနိုင်ငံရောက်မည်

ရန်ကုန်၊ ဖေဖော်ဝါရီ ၁၂

ကုလသမဂ္ဂ အထွေထွေ အတွင်းရေးမှူးချုပ်၏ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် သောမတ် အိုဟေးကင်တားနားသည် မြန်မာနိုင်ငံသို့ နောက်ဆုံး ခရီးစဉ်အဖြစ် ဖေဖော်ဝါရီလ ၁၄ ရက်နေ့တွင် ရောက်ရှိမည် ဖြစ်ကြောင်း ကုလသမဂ္ဂ လူ့အခွင့်အရေးကောင်စီ (UNHRC) က သတင်းထုတ်ပြန်သည်။

ကင်တားနားသည် မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ်အဖြစ် တာဝန်ထမ်းဆောင်သည့် သက်တမ်းခြောက်နှစ်မှာ လာမည့် မတ်လတွင် ကုန်ဆုံးမည်ဖြစ်၍ မြန်မာနိုင်ငံ လူ့အခွင့်အရေး အခြေအနေနှင့် ပတ်သက်၍ ၎င်း၏ နောက်ဆုံး အစီရင်ခံစာကို တင်ပြရန် မြန်မာနိုင်ငံသို့ လာရောက်ခြင်း ဖြစ်သည်။

ယင်းအစီရင်ခံစာကို မတ်လ ၁၄ ရက်နေ့တွင် UNHRC သို့ တင်ပြရမည် ဖြစ်သည်။ မြန်မာနိုင်ငံ ခရီးစဉ်ကို ဖေဖော်ဝါရီလ ၁၄ ရက်နေ့တွင် စတင်မည် ဖြစ်ပြီး ၁၉ ရက်နေ့တွင် အဆုံးသတ်မည်ဖြစ်ရာ ယင်းခရီးစဉ်တွင် ရခိုင်ပြည်နယ်၊ ကချင်ပြည်နယ်၊ လက်ပံတောင်းတောင် ကြေးနီစီမံကိန်း၊ ရန်ကုန်မြို့တော် တစ်ဖက်ကမ်းတွင် အကောင်အထည် ဖော်နေသည့် သီလဝါ အထူးစီးပွားရေးဇုန်တို့ကို သွားရောက်မည် ဖြစ်ကြောင်း UNHRC က ထုတ်ပြန်ထားသည်။

မိတ္ထီလာ ကန်ထဲသို့ အက်စစ် ထည့်သည်ဆိုသော သတင်း ကောလာဟလဟုဆို

မိတ္ထီလာ၊ ဖေဖော်ဝါရီ ၁၂

မန္တလေးတိုင်းဒေသကြီး၊ မိတ္ထီလာ ကန်တော်ကြီးဘေး မြို့မ (၄) ရပ်ကွက်ရှိ လျှပ်စစ်ရုံး ဓာတ်အားပေးရေး ရုံးအနီးတွင် ဖေဖော်ဝါရီလ ၁၀ ရက်နေ့ ညပိုင်းက မိတ္ထီလာ ကန်ထဲသို့ လူအချို့က အက်စစ်များ လောင်းထည့်သည် ဆိုသော သတင်းမှာ ကောလာဟလ တစ်ခုသာ ဖြစ်ကြောင်း မိတ္ထီလာမြို့နယ် ရဲတပ်ဖွဲ့မှူး ရုံးထံမှ စုံစမ်း သိရှိရသည်။
ယင်းနေ့ ည ၉ နာရီ ၀န်းကျင်ခန့်က၊ မြို့မ (၄) ရပ်ကွက်ရှိ လျှပ်စစ် ဓာတ်အားပေးရေး ရုံးအနီးတွင် မိတ္ထီလာ ကန်အတွင်းသို့ အက်စစ်ရည်များ လောင်းချခဲ့သည်ဟူသော သတင်းအရ မိတ္ထီလာမြို့မ ရဲတပ်ဖွဲ့ စခန်းမှူးနှင့်အဖွဲ့မှ သွားရောက် စစ်ဆေးရာ ယင်းရပ်ကွက်ရှိ မန်းတက္ကသိုလ် ဓာတ်ပုံတိုက်မှ ဓာတ်ပုံဖလင် ဆေးရည်များ စွန့်ပစ်ထားသည်ကို စစ်ဆေး တွေ့ရှိရကြောင်း အဆိုပါ ရဲတပ်ဖွဲ့ စခန်းမှ တာဝန်ရှိသူက ပြောကြားသည်။

အောင်ဆန်း ရပ်ကွက်နေ မောင်လင်း မောင်းနှင်သော ၁ဟ/၉၀၁၁ သုံးဘီး ဆိုင်ကယ်ပေါ်တွင် လိုက်ပါလာသော ရန်ကုန်မြို့၊ ရွှေပြည်သာ မြို့နယ်နေသူ ဦးထွန်းအေးနှင့် ရန်ကုန် တောင်ဒဂုံ မြို့နယ်နေသူ ဦးအောင်ကျော်ဦးတို့က ဖလင်ဆေးသည့် စွန့်ပစ်ဆေးရည် ငါးဂါလန်ဝင်ပုံး ၁၀ ပုံး၏ အပေါ်ရည်ကြည်များကို မိတ္ထီလာ ကန်ဘောင်ဘေး မြေကွက်လပ်ပေါ်သို့ သွန်ချခဲ့ကြောင်းကို စစ်ဆေး တွေ့ရှိခဲ့ပြီး ဆေးရည်များကို ၎င်းတို့ နှစ်ဦးသည် တစ်ဂါလန်လျှင် ၁၄၀၀ ကျပ်ဖြင့် မန်းတက္ကသိုလ် ဓာတ်ပုံတိုက်မှ ၀ယ်ယူခဲ့ကာ အပေါ်ရည်ကြည်သွန်၍ ကျန်အနှစ်ကို ပန်းထိမ်လုပ်ငန်း သုံးသည့် “ဘော်” ချက်ရာတွင် သုံးရန်ဖြစ်ကြောင်း ရဲတပ်ဖွဲ့ မှတ်တမ်းများအရ သိရသည်။

ဖေဖော်ဝါရီ ၁၆ ရက် နောက်ဆုံးထား ပြောင်းရွှေ့ပေးရမည့် ဒဂုံဆိပ်ကမ်း ၆၇ ရပ်ကွက်မှ ကျောင်းသား ၅၀၀ ခန့် စာမေးပွဲဖြေဆိုရန် အခက်အခဲဖြစ်

ဖျက်သိမ်းပြောင်းရွှေ့ပေးရမည့် ၆၇ ရပ်ကွက်ရှိ အိမ်တစ်အိမ်တွင် မူလတန်းအရွယ် ကလေးငယ်များ စာသင်ကြားနေစဉ် (ဓာတ်ပုံ-ကြည်နိုင်)

ဖေဖော်ဝါရီ ၁၆ ရက် နောက်ဆုံးထား ဖျက်သိမ်းပြောင်းရွှေ့ပေးရမည့် ဒဂုံဆိပ်ကမ်းမြို့နယ် ၆၇ ရပ်ကွက်ရှိ အိမ်ခြေ ၂၅၀၀ ကျော်တွင် လူဦးရေ ၇၀၀၀ ကျော် နေထိုင်လျက်ရှိရာ ကျောင်းသား ၅၀၀ ခန့်မှာ အတန်းတင်စာမေးပွဲဖြေဆိုရန် ကာလနှင့် နီးကပ်နေသဖြင့် အခက်အခဲများ ဖြစ်ပေါ်လျက်ရှိကြောင်း သိရသည်။

“ဖျက်သိမ်းပြောင်းရွှေ့ပေးရမယ့် ရပ်ကွက်ထဲမှာ လက်ရှိနေထိုင်နေတဲ့ လူဦးရေ ၇၉၂၀ ရှိပါတယ်။ အဲ့ဒီထဲမှာ အသက် ၇၀ အထက် အဘိုးအဘွား ၈၀ ကျော်လောက်ရှိတယ်။ ကျောင်းသားမူလတန်း၊ အလယ်တန်း၊ အထက်တန်း စုစုပေါင်း ၅၀၇ ဦးရှိတယ်။ အများစုက မူလတန်းကျောင်းသားတွေဖြစ်တယ်။ အများစုက ကျောင်းသားငယ်တွေ ဖြစ်နေတော့ စာမေးပွဲဖြေဖို့အတွက် စိုးရိမ်စိတ်တွေ ၀င်နေတယ်။ သူတို့အိမ် အဖျက်ခံရရင် သူတို့ဘယ်မှာနေပြီး စာကျက်မလဲ” ဟု ၆၇ ရပ်ကွက်အုပ်ချုပ်ရေးမှူး ဦးနှင်းအောင်ဇော်က ရှင်းပြသည်။

ဒဂုံဆိပ်ကမ်းမြို့နယ် အုပ်ချုပ်ရေးမှူးက ယင်းရပ်ကွက်ရှိ လူနေအိမ်ခြေများကို ရန်ကုန်တိုင်းဒေသကြီး အစိုးရပိုင် ပလပ်မြေပေါ်တွင် တရားမ၀င် ခွင့်ပြုချက်မဲ့ ကျူးကျော်နေထိုင်သူများအား ဖျက်သိမ်းပေးရန် အမိန့်စာကို ဖေဖော်ဝါရီ ၆ ရက်တွင် တစ်ကြိမ်၊ ဖေဖော်ဝါရီ ၁၁ ရက်တွင် ပေးပို့ခဲ့သည်။

“၀” တပ်သား ၃၀ ဦးအား ရဟတ်ယာဉ်မောင်းသင်တန်းတက်ရန် တရုတ်နိုင်ငံသို့ စေလွှတ်မည်ဆိုသောသတင်း မမှန်ကြောင်း UWSA ၏ ပြောရေးဆိုခွင့်ရှိသူ ငြင်းဆို

၂၀၁၂ ခုနှစ် ဧပြီ ၁၇ ရက်က ပြုလုပ်သည့် “၀” သွေးစည်းညီညွတ်ရေးပါတီ တည်ထောင်မှု ၂၃ နှစ်ပြည့် အခမ်းအနား၌ စစ်ရေးပြနေသော “၀” တပ်ဖွဲ့ဝင်များ

“ဝ” တပ်သား ၃ဝ ဦးအား တရုတ်နိုင်ငံသို့ စေလွှတ်၍ ရဟတ်ယာဉ်မောင်းသင်တန်းတက်ရန် စေလွှတ်မည့်သတင်းမမှန်ကြောင်း “ဝ” သွေးစည်းညီညွတ်ရေးတပ်မတော် (UWSA) ၏ ပြောရေးဆိုခွင့်ရှိသူ ဦး အောင်မြင့်က ဖေဖော်ဝါရီ ၁၂ ရက်တွင် ငြင်းဆိုခဲ့သည်။

“ဝ” တပ်သားများအား ရဟတ်ယာဉ်မောင်းသင်ရန် တရုတ်သို့ စေလွှတ်မည့်သတင်းကို ဖေဖော်ဝါရီ ၁၁ ရက်က ဧရာဝတီသတင်းဝက်ဘ်ဆိုက်စာမျက်နှာတွင် ဖော်ပြခဲ့သည်။ ထိုသတင်း၌ UWSP/ UWSA ဌာနချုပ် ပန်ဆန်းသို့ ရောက်ရှိခဲ့ကြသော ကရင်အမျိုးသားလွတ်မြောက်ရေးတပ်မတော် (KNLA) မှ အမည်မဖော်လိုသူ အရာရှိတစ်ဦးနှင့် ပန်ဆန်းမြို့သို့ သွားရောက်လည်ပတ်ခဲ့သော ကရင်နီအမျိုးသားတိုးတက်ရေးပါတီ (KNPP) အရာရှိတစ်ဦးတို့၏ ပြောဆိုချက်များကို ကိုးကားပြီး ဖော်ပြခဲ့ခြင်းဖြစ်သည်။ “ဝ” တပ်သားများအား တရုတ်သို့စေလွှတ်မည့်ကိစ္စအား UWSA ခေါင်းဆောင်ပိုင်းများထံမှ သိရှိခဲ့ရသည်ဟု ဧရာဝတီသတင်းရင်းမြစ်များက ပြောကြားခဲ့သည်။

ထိုကိစ္စရပ်နှင့် ပတ်သက်၍ UWSA ၏ ပြောရေးဆိုခွင့်ရှိသူ ဦးအောင်မြင့်ကို ဖေဖော်ဝါရီ ၁၂ ရက်တွင် The Daily Eleven က ဆက်သွယ်မေးမြန်းရာ ထွက်ပေါ်နေသောသတင်းများ မှန်ကန်မှုမရှိကြောင်း ပြန်လည်ဖြေကြားခဲ့သည်။