ရွှေဖား သို့မဟုတ် ကမ္ဘာ့အဆိပ်အပြင်းဆုံး သတ္တဝါ

ကမ္ဘာ့အဆိပ်အပြင်းဆုံး သတ္တဝါစာရင်းထဲမှာ ထိပ်တန်းအဖြစ် ပါဝင်တဲ့ သတ္တဝါ တစ်မျိုးကတော့ ရွှေဖား (ရွှေအဆိပ်ဖား) (Golden poison frog) ဖြစ်ပါတယ်။

ရွှေဖား တစ်ကောင်မှ ထွက်တဲ့ ၁ မီလီဂရမ် အဆိပ်ဟာ ကြွက်ပေါင်း ၁ သောင်း သတ်လို့ ရပါတယ်။ လူဆိုရင် အယောက် ၂၀၊ ဆင်ဆိုရင် အာဖရိက ဆင် နှစ်ကောင် သေလောက်အောင်တောင် အဆိပ်ပြင်း ပါတယ်။ ဒါကြောင့် ၁ ဂရမ် ရှိတဲ့ ရွှေအဆိပ်ဖား တစ်ကောင်ဟာဆိုရင် လူ အယောက် ၁ သောင်းခွဲကို သေစေနိုင်တယ်ိလုိ့ သိပ္ပံပညာရှင်တို့ တွက်ချက် လေ့ လာ တွေ့ရှိထားပါတယ်။

ဖြေဆေးလည်း တော်ရုံ ရှာလို့မရပဲ အဆိပ်မိရင် အားလုံး သေကြ ရပါတယ်။ ယင်း ရွှေဖားကသာ ကမ္ဘာပေါ်မှာ တစ်မျိုးတည်းသော ကိုယ့်အဆိပ်ကို ခံနိုင်ရည် ရှိသူများ ဖြစ်ပါတယ်။ သူ့အဆိပ်က ဘယ် သက်ရှိ သတ္တဝါကိုမဆို သတ်နိုင်ပါတယ်။ ယင်းဖားကို စားမိတဲ့ ဘယ်သတ္တဝါမဆိုလည်း သေရပါ တယ်။ Liophis epinephelus အမည်ရ မြွေ မျိုးကလွဲလို့ ဖြစ်ပါတယ်။ ဒါတောင် အပြည့်အဝမဟုတ်ပဲ Liophis မြွေလည်း အခန့်မသင့်ရင် သေပါ တယ်။

The Voice Daily မှ သတင်းထောက်တစ်ဦး နေပြည်တော် ပျဉ်းမနား၌ ရိုက်နှက်ခံရ

နေပြည်တော်၊ အောက်တိုဘာ ၂၉

The Voice Daily သတင်းစာ တွင် တာဝန်ထမ်းဆောင်နေသည့် သတင်းထောက်တစ်ဦးအား ဝိုင်းဝန်း ရိုက်နှက်မှု ပျဉ်းမနားမြို့၌ ဖြစ်ပွားခဲ့ ကြောင်း သိရသည်။

ယင်းဖြစ်ရပ်မှာ အောက်တိုဘာ ၂၈ ရက်နေ့ ၁ဝ နာရီခွဲခန့်တွင် ဖြစ်ပွား ခဲ့ခြင်းဖြစ်ပြီး အမှုကို ပျဉ်းမနားမြို့မ ရဲစခန်းတွင် (ပ) ၆၉၄/ဝ၃၊ ပုဒ်မ ၂၉၄/၃၂၃ တို့ဖြင့် ဖွင့်လှစ်ထားကြောင်း သိရသည်။

ဖြစ်စဉ်မှာ ဝိုင်းဝန်းရိုက်နှက်ခံရသူ သတင်းထောက် ကိုအောင်ထက်သည် မင်္ဂလာရပ်ကွက် သံလမ်းထိပ် ထမင်း ဆိုင်မှ ထမင်းစားပြန်လာချိန် အောင် ချမ်းသာဘုရားအနီးအရောက် စက်ဘီး တစ်စီးကို ၄င်းစီးနင်းလာသည့် ဆိုင် ကယ်ဖြင့်ကျော်တက်စဉ် စက်ဘီးနှင့် ဆိုင်ကယ်ထိမိရာမှ စတင်ဖြစ်ပွားခဲ့ ခြင်းဖြစ်ကြောင်း သိရသည်။

စစ်ဘက် ဆက်ဆံရေး တိုးမြှင့်ရန် အိန္ဒိယ ကြည်းတပ် ဦးစီးချုပ် မြန်မာပြည် ရောက်

အိန္ဒိယ ကြည်းတပ် ဦးစီးချုပ် ဗိုလ်ချုပ်ကြီး ဘီကာရမ် ဆင်း (Bikram Singh) (ဓာတ်ပုံ – thehindu.com)

နှစ်နိုင်ငံ စစ်ရေးဆက်ဆံမှု တိုးမြှင့်ရန် အိန္ဒိယ ကြည်းတပ် ဦးစီးချုပ် ဗိုလ်ချုပ်ကြီး ဘီကာရမ် ဆင်း (Bikram Singh)နှင့် အဖွဲ့ ယနေ့ မြန်မာနိုင်ငံသို့ သွားရောက်ကြောင်း The Times of India သတင်းစာတွင် ဖော်ပြထားသည်။
ယခု ခရီးစဉ်အတွင်း မြန်မာတပ်မတော် ခေါင်းဆောင်များနှင့်တွေ့ဆုံ၍ ပိုမိုကောင်းမွန်သော နယ်စပ်ဒေသ စီမံခန့်ခွဲမှုမှသည် စွမ်း ရည် ပြည့်ဝသည့် မြန်မာတပ်မတော် တည်ဆောက်ရေး အထိ ဆွေးနွေးသွားမည်ဟု သိရသည်။
အိန္ဒိယနိုင်ငံအနေဖြင့် အာဆီယံနိုင်ငံများ နှင့် တိုးချဲ့ဆက်ဆံရန် ရည်ရွယ်ပြီး မြန်မာတပ်မတော်အား စွမ်းရည်မြှင့်တင်ပေးရေး အတွက် အိန္ဒိယ စစ်တက္ကသိုလ်များနှင့် စစ်သင်တန်းများတွင် မြန်မာစစ်အရာရှိများ ပိုမိုတက်ရောက်နိုင်ရေး စီစဉ်သွားမည်ဟုလည်း  အဆိုပါသတင်း၌ ဆက်လက် ဖော်ပြထားသည်။
ထို့အပြင် မြန်မာတပ်မတော်အား ရေတပ်ကင်းလှည့် လေယာဉ် များ၊ စစ်သင်္ဘောများ၊ ထောက်လှမ်းရေး ကိရိယာများ၊ ၁၀၅ မမ အမြောက်ကြီးများ စသည့် လက်နက်များ ထောက်ပံ့နေရာ ပြီးခဲ့သည့် ရက်ပိုင်းကလည်း အိန္ဒိယနိုင်ငံလုပ် အသံလှိုင်းဖြင့် ရေ အောက် ထောက်လှမ်းရေး Sonar ကိရိယာများ မြန်မာရေတပ်သို့ ရောင်းချမည်ဖြစ်ကြောင်း အိန္ဒိယ ကာကွယ်ရေး ၀န်ကြီး ၏ အကြံပေး ပုဂ္ဂိုလ်ကို ကိုးကားပြီး The Hindu သတင်းစာတွင်လည်း ရေးသားထားသေးသည်။

UNFC အတွင်းရေးမှူး (၂) ဦးခွန်ဥက္ကာနှင့် တွေ့ဆုံခြင်း

ကေအိုင်အို အဖွဲချုပ်ရှိရာ လိုင်ဇာတွင် ပထမဆုံးအကြိမ် ပြုလုပ်မည့် တိုင်းရင်းသား လက်နက်ကိုင်များ တွေ့ဆုံပွဲသို့ တက်ရောက်လာသော UNFC အတွင်းရေးမှူး (၂) ဦးခွန်ဥက္ကာနှင့် အောက်တိုဘာလ ၂၈ ရက်နေ့ ညနေတွင် ပြည်တွင်းပြည်ပ သတင်းမီဒီယာများနှင့် တွေ့ဆုံမေးမြန်း ခဲ့သည်များကို ကောက်နုတ် ဖော်ပြအပ်ပါသည်။

DVB : MPC က အပစ်အခတ် ရပ်စဲရေး မူကြမ်းအပေါ် ဘယ်လိုသဘောရလဲ။
UKO : မူကြမ်းတစ်ခုတော့ တွေ့ပါတယ်။ သို့သော် အလုပ်ဖြစ်နိုင်တဲ့ အခြေအနေတော့ နည်းနည်းလေး ဝေးသေးတယ်။ ကျွန်တော်တို့ဘက်က ထုတ်ထားတဲ့ မူကြမ်းလည်း ရှိတယ်။ အဆင့် သုံးဆင့်ပေါ့။ အဆင့်တစ်၊ အဆင့်နှစ်၊ အဆင့်သုံး အပိုင်းသုံးပိုင်း။ အဲ့ဒါက တိုတိုတောင်းတောင်း။ ခုဟာတော့ နည်းနည်းရှည်တယ်။ ဒါကြောင့် အဲ့ဒီနှစ်ခု ညှိဖို့လိုတယ်။ ညှိဖို့လိုတော့ ကျွန်တော်တို့ ကတော့ ကျွန်တော်တို့ တိုင်းရင်းသား ညီလာခံက ထုတ်ထားတဲ့ မူကြမ်းကိုပဲ အဲ့ဒီမှာ အဓိက ညှိမှာပေါ့။ အဲ့ဒီဟာ ညှိပြီးလို့ ရလို့ရှိရင် အဲ့ဒီအပေါ်မှာ မူတည်ပြီးတော့ MPC ကပေးထားတဲ့ မူကတော့ ကျွန်တော်တို့ နည်းနည်း အကြောင်းအရာတွေများတော့ ချုံ့လိုက်မှာပေါ့။ ချုံ့လိုက်ပြီးတော့ အလုပ်ဖြစ်နိုင်တဲ့ မူတစ်ခုတော့ ထွက်မယ်လို့ ယူဆရတယ်။

အင်းလေးကို ကယ်တင်ခြင်း....( ကိုထက် )

အင်းလေးကန်နှင့် အင်းလေးဖောင်တော်ဦး ဘုရားကို မေလအတွင်းက တွေ့ရစဉ် (ဓာတ်ပုံ) အောင်မျိုးသန့်
အင်းလေးကန်သည် လွန်ခဲ့သော နှစ်သန်းပေါင်း များစွာကတည်းက သဘာဝအတိုင်း ဖြစ်တည်လာတဲ့ ရေကန်၊ ရာဇ၀င် အဆိုအရ အလောင်းစည်သူ မင်းကြီးရဲ့ ဘုန်းတန်ခိုး အာနုဘော်ကြောင့် ပေါ်ပေါက်လာတဲ့ ရေကန်။ မည်သို့ပင် ဆိုစေကာမူ အင်းလေးကန်ကတော့ ရှမ်းပြည်နယ်ရဲ့ ပြယုဂ်ကို အလှဆင်ထားတာကတော့ အမှန်ပါပဲ။ အင်းလေးကန်ဟာ တောင်-မြောက် ၁၄ မိုင်၊ အရှေ့-အနောက် ၇ မိုင်ခန့် ကျယ်ဝန်းပါတယ်။ ညောင်ရွှေစော်ဘွားကြီးရဲ့ အပိုင်စား နယ်မြေမှာလည်း ပါဝင်ပါတယ်။ နောက်တော့ ခေတ်အခြေအနေအရ ကိုလိုနီလက်အောက်ကို ကျသွားတော့လည်း အင်္ဂလိပ်တွေဟာ အင်းလေးကန်ကို ထိန်းသိမ်းဖို့အတွက် ကြိုးစားခဲ့တယ်လို့ ဒေသရဲ့ သမိုင်းကြောင်းအရ သိရပါတယ်။ ဂျပန်ခေတ် ရောက်ပြန်တော့လည်း ဂျပန်တွေက အင်းလေးကန်ကို ကယ်တင်ဖို့ ကြိုးပမ်းခဲ့ပေမယ့်လည်း ဂျပန်ခေတ် ကုန်ဆုံးသွားတဲ့ အခါမှာတော့ ရပ်တန့်သွားခဲ့ ရပါတယ်။
နှစ်ပေါင်းခြောက်ဆယ် ကျော်လာပါတယ်။ အင်းလေးကန်ရဲ့ စိုးရိမ်ဖွယ် ရေမှတ်ကို ပြီးခဲ့တဲ့ ၂၀၁၂ နွေရာသီမှာ သတိထားမိ လာကြပါပြီ။ ပူပြင်းတဲ့ နွေရာသီ ကာလမှာ အပူရှိန်ကြောင့် အင်းလေးကန်ရဲ့ ရေတိမ်ပိုင်း နေရာတွေမှာ ရေခန်းခြောက် သွားပါတယ်။ အင်းလေးကန်ကြီးတောင် ရေခန်းသွားတယ်ဆိုတဲ့ သတင်းက ပြည်သူတွေကြားထဲမှာ ပျံ့နှံ့လာပါတယ်။ အင်းလေးကန် သတင်းကြားတော့ ပထမဆုံး တွေးမိတာက အင်းသားတွေ ဘယ်လိုလုပ်ကိုင် စားသောက်ကြမလဲ။ သူတို့ရဲ့ ကျွန်းမျောစိုက်ခင်းတွေ၊ နောက်ပြီး ကမ္ဘာလှည့် ခရီးသည် ၀င်ရောက်မှု အခြေအနေ၊ အနီးပတ်ဝန်းကျင် ကျေးရွာ ၄၀၀ က လူတွေ သောက်သုံးရေကိစ္စ စသဖြင့်ပေါ့လေ၊ ကိုယ်မီသလောက်လေးတော့ တွေးမိပါသေးတယ်။ နောက်ကွယ်က ဖြစ်ရပ်တွေကိုတော့ သတင်းစာ၊ ဂျာနယ်တွေမှာ ပါသလောက်ပဲ ဖတ်မှတ်မိပါတယ်။

လိုင်ဇာ ညီလာခံကို ‘ဝ’ နဲ့ မိုင်းလား ဘာကြောင့် မတက်သလဲ

လိုင်ဇာသို့ ရောက်ရှိလာသော တိုင်းရင်းသား ခေါင်းဆောင်များကို KIA က ဧည့်ခံကြိုဆို (ဓာတ်ပုံ – ဂျေပိုင် / ဧရာဝတီ)

ကချင် လွတ်လပ်ရေးအဖွဲ့(KIO) ဗဟိုဌာနချုပ်တည်ရှိရာ လိုင်ဇာမြို့မှာ ပြည်တွင်း၊ ပြည်ပ အခြေစိုက် တိုင်းရင်းသား လက်နက်ကိုင် တပ်ဖွဲ့တွေ စုစည်းဆွေးနွေးကြမယ့် ညီလာခံကို အင်အားကြီး လက်နက်ကိုင် အဖွဲ့တစ်ဖွဲ့ဖြစ်တဲ့ ‘ဝ’ ပြည် သွေးစည်း ညီညွှတ်ရေး တပ်မတော် (UWSA) နဲ့ သူ့ရဲ့ မဟာမိတ် မိုင်းလားအဖွဲ့ (NDAA) တို့ တက်ရောက်ခြင်းမရှိဘူးလို့ သတင်း ရရှိပါတယ်။
အောက်တိုဘာ ၃၀ ရက်နေ့ကစပြီး ၃ ရက်အကြာ ပြုလုပ်မယ့် အဲဒီညီလာခံ KIO ကစီစဉ်ကျင်းပတာဖြစ်ပြီး ပြည်တွင်း၊ ပြည်ပ အခြေစိုက် တိုင်းရင်းသား လက်နက်ကိုင် တပ်ဖွဲ့ ၁၈ ဖွဲ့ကို ဖိတ်ကြားထားရာ တခြားအဖွဲ့က ခေါင်းဆောင်တွေ လိုင်ဇာကို ရောက်ရှိနေကြပြီဖြစ်ပေမယ့် ဝ နဲ့ မိုင်းလား အဖွဲ့တွေကတော့ ရောက်မလာဘူးလို့ သိရပါတယ်။
လိုင်ဇာညီလာခံကို မတက်ဖြစ်ရတဲ့ အကြောင်း အရင်းနဲ့ပတ်သက်ပြီး ဧရာဝတီက UWSA ပြောခွင့်ရပုဂ္ဂိုလ် ဦးအောင်မြင့် ကို ဆက်သွယ်မေးမြန်းခဲ့ပေမယ့် လိုင်ဇာ ညီလာခံ နဲ့ ပတ်သက်ပြီး လတ်တလော မဖြေဆိုနိုင်သေးဘူးလို့ ပြောပါတယ်။

သံတွဲပဋိပက္ခ သံသယဖြစ်ခံရသူငါးဦး ထပ်မံဖမ်းဆီးခံရ

ရန်ကုန်၊ အောက်တိုဘာ-၂၈

ရခိုင်ပြည်နယ် သံတွဲမြို့နယ်၌ ဖြစ်ပွားခဲ့သော ပဋိပက္ခများတွင် ပါဝင်ပတ်သက်သည်ဟုဆိုကာ သံသယဖြစ်ခံရ သူရခိုင်အမျိုးသားငါးဦးကို တစ်ပတ်အတွင်း ထပ်မံဖမ်းဆီးခဲ့ ပြီး ဖမ်းဆီးခံရသူ ရခိုင်အမျိုးသား ၅၃ ဦးအထိရှိပြီဖြစ်ကြောင်း သံတွဲမြို့နယ် ရခိုင်တိုင်းရင်းသားများ တိုးတက်ရေးပါတီ အတွင်းရေးမှူး ကိုမောင်ဖြူက စံတော်ချိန်သို့ အောက်တိုဘာ ၂၇ ရက်က ပြောဆိုသည်။

တစ်ပတ်အတွင်း ဖမ်းဆီးခံရသူများတွင် အောက်တို ဘာ ၁၈ ရက်က ဒွါရာဝတီကွက်သစ်မှ ကိုတင်ထွဋ်နှင့် ဗိုက်ကလေးတို့ နှစ်ဦးဖြစ်ကြောင်း အောက်တိုဘာ ၂၀ ရက်တွင် ဒွါရာဝတီမြို့သစ် (၆) လမ်းမှ ကိုခင်ထွန်းဖြစ်ပြီး အောက်တိုဘာ ၂၁ ရက်တွင် ကိုသိန်းဝင်းဦးနှင့် အောက်တိုဘာ ၂၂ ရက်က ရခိုင်အမျိုးသား တစ်ဦး ထပ်မံဖမ်းဆီးခံရကြောင်း သိရသည်။

ကြံ့ခိုင်ရေးပါတီ နှစ်ခြမ်းကွဲပြီလား

ကြံ့ခိုင်ရေးပါတီ နှစ်ခြမ်းကွဲသွားလျှင်သော်မျှ ဦးသိန်းစိန်နှင့် ဦးရွှေမန်းတို့၏ ပုဂ္ဂိုလ်ရေးအခြေခံ ကွဲပြားမှုသာ ဖြစ်မည် (ကာတွန်း – စိုင်းစိုးကြည်)

၂၀၁၅ ရွေးကောက်ပွဲတွင် သမ္မတရာထူးအတွက် လက်ရှိ သမ္မတ ဦးသိန်းစိန်က ထပ်မံ တာဝန်ထမ်းဆောင်မည်မဟုတ် ဟု ယခင်အပတ်က သူရဦးရွှေမန်း မီဒီယာများသို့ ထုတ်ဖော်ပြောဆိုမှုသည် သမ္မတ၏ သဘောထားမဟုတ်ဟု သမ္မတ ပြောရေးဆိုခွင့်ရှိသူ ပြန်ကြားရေး ဒုတိယဝန်ကြီး ဦးရဲထွဋ်က တုန့်ပြန် ပြောဆိုလိုက်ပြီးနောက် အုပ်ချုပ်ရေးနှင့် အာဏာရပါတီ အသိုင်းအဝိုင်းကြား ဦးသိန်းစိန်ထောက်ခံသော အုပ်စုနှင့် ဦးရွှေမန်း ထောက်ခံသော အုပ်စု ၂ ခု ပိုမိုပေါ်လွင်လာနေပြီး ပြည်ထောင်စု ကြံခိုင်ရေးနှင့် ဖွံ့ဖြိုးရေးပါတီ နှစ်ခြမ်းကွဲတော့မလား ဟု မေးခွန်းထုတ်ရန် ဖြစ်လာနေစေသည်။
သမ္မတဦးသိန်းစိန်အနေဖြင့် ၂၀၁၅ ရွှေးကောက်ပွဲတွင် သမ္မတရာထူး ပါဝင်ယှဉ်ပြိုင်ခြင်းကို သမ္မတကိုယ်တိုင် တိုင်းပြည်သို့ အသိပေးမည် ဖြစ်ပြီး ကြားလူမှ တဆင့် အသိပေးစရာ အကြောင်းမရှိဟု ဦးရဲထွဋ်က အောက်တိုဘာလ ၂၇ ရက်နေ့ထုတ် 7 Day Daily သတင်းစာသို့ ထုတ်ဖော်ပြောဆိုခဲ့သည်။
” ဦးရွှေမန်း ဘယ်လိုသဘောမျိုးနဲ့ ဒါကို ထုတ်ပြောတယ် ဆိုတာတော့ မသိပါဘူး။ ဒါပေမဲ့ သမ္မတကြီးက သူ့သဘောထား ဆုံးဖြတ်ချက်တွေကို ပြည်သူထံ အသိပေးဖို့လိုရင် လိုအပ်တဲ့အချိန်မှာ တိုက်ရိုက် အသိပေးပြောကြားမှာပါ။ အခုလို ကြားလူကတဆင့် ပြည်သူကို အသိပေးဖို့ အကြောင်းမရှိပါဘူး”ဟု သမ္မတပြောရေးဆိုခွင့် ရှိသူက ပြောဆိုကြောင်း 7 Day Daily သတင်းစာတွင် ဖော်ပြထားသည်။

ဗုံးခွဲတိုက်ခိုက်မှု အထူးစုံစမ်းစစ်ဆေးရေး ကော်မရှင် ကေအန်ယူ ဖွဲ့စည်း

မြန်မာနိုင်ငံမှာ မကြာသေးခင်က ဖြစ်ပွားခဲ့တဲ့ ဗုံးခွဲတိုက်ခိုက်မှုတွေနဲ့ ပတ်သက်ပြီး ပြစ်မှု ကျူးလွန်သူတွေကို ဥပဒေအရ အပြစ်ပေး အရေးယူနိုင်ဖို့ ကရင်အမျိုးသားအစည်းအရုံး (ကေအန်ယူ)က ဗုံးခွဲတိုက်ခိုက်မှု ဖြစ်စဉ်ဆိုင်ရာ အထူး စုံစမ်းစစ်ဆေးရေး ကော်မရှင်ကို ဖွဲ့စည်း တာဝန်ပေးလိုက်ပါတယ်။
မြန်မာနိုင်ငံအနှံ့ ဖြစ်ပွားခဲ့တဲ့ ဗုံးပေါက်ကွဲမှုဖြစ်စဉ်တွနဲ့ ကေအန်ယူအဖွဲ့ဝင်တချို့ ပါဝင်ပတ်သက်နေမှုနဲ့ ပတ်သက်လို့ ပြီးခဲ့တဲ့ အောက်တိုဘာ ၂၅ ရက်နေ့က ဘားအံခရိုင် တပ်မဟာ ၇ ဌာနချုပ်မှာ ကရင်အမျိုးသားအစည်းအရုံး ဗဟိုဌာနချုပ်က အရေးပေါ် အစည်းအဝေးခေါ်ယူ ကျင်းပကာ ဆွးနွေးကြပြီးနောက် အထူးစုံစမ်းစစ်ဆေးရေးကော်မရှင်ကို ဖွဲ့စည်းလိုက်တာ ဖြစ်ပါတယ်။

စာနာမှုကင်းတဲ့ ဗုံးပေါက်ကွဲမှုဖြစ်စဉ်တွေမှာ ပါဝင်ပတ်သက်တဲ့ ပြစ်မှုကျူးလွန်သူတွေကို ဥပဒေနဲ့အညီ အရေးယူအပြစ်ပေးနိုင်ဖို့အတွက် ဒီကော်မရှင်ကို ဖွဲ့စည်းလိုက်တာလို့ ကေအန်ယူ ထုတ်ပြန်ချက်မှာ ဖော်ပြထားပါတယ်။

အိမ်ထောင်ထပ်ပြုဖို့ စိတ်မဝင်စားသေးတဲ့ ခိုင်နှင်းဝေရဲ့ စကား

သရုပ်ဆောင် ခိုင်နှင်းဝေ (ဓာတ်ပုံ – မြတ်သူအောင် / ဧရာဝတီ)

ကိုယ်က တကယ်ချစ်ပေမယ့် အချစ်ကို အလိမ်ခံရတဲ့ မိန်းမတယောက် အဖြစ် ဇာတ်ကားတကားမှာ သရုပ်ဆောင်ထားတဲ့ ခိုင်နှင်းဝေကို သိချင်တာတချို့ မေးမြန်းပြီး ဧရာဝတီရဲ့ အနုပညာ ပရိသတ်တွေအတွက် သူ့အကြောင်းတွေကို ရေးသား ဖော်ပြလိုက်ပါတယ်။
အခု လောလောဆယ်တော့ ခိုင်နှင်းဝေက အိမ်ထောင်ထပ်ပြုဖို့ ကိစ္စကို စိတ်မ၀င်စားသေးဘူး၊ စီးပွားရေးနဲ့ အနုပညာ အလုပ်ကိုပဲ စိတ်ဝင်စားနေတဲ့ အတွက် ဒါတွေကိုပဲ ဦးစားပေးရမယ်လို့ ဟြေပါတယ်။
“အစ်မ လောလောဆယ်တော့ အိမ်ထောင်ထပ်ပြုဖို့ ကိစ္စကို စိတ်ကို မ၀င်စားဘူး။ အခုလောလောဆယ် စိတ်ဝင်စားတာက စီးပွားရေးနဲ့ ကိုယ့်အနုပညာကို ဘယ်လိုလုပ်ရမလဲ ဆိုတာကိုပဲ ဦးစားပေးရမယ်။ ဘာဖြစ်လို့လဲ ဆိုတော့ ဘ၀မှာ ဦးစားပေး ခဲ့တာတွေက အများကြီးပဲလေ၊ အခုတော့ ဖြစ်သင့်တာကိုပဲ ဦးစားပေး ရတော့မယ်လေ။ အမှန်တကယ်တော့ သရုပ်ဆောင် တိုင်းက အပြင်မှာ စီးပွားရေး တခုခုတော့ ရှိကြတယ်” လို့ သူက ဆိုပါတယ်။
သရုပ်ဆောင် လောကဆိုတာ အမြဲတမ်း တက်လိုက် ကျလိုက်ဖြစ်နေတာ တကြောင်း၊ သရုပ်ဆောင် ဆိုတာက ငယ်တဲ့ အရွယ်နဲ့တင် တန့်နေမှာ မဟုတ်ဘဲ တဖြည်းဖြည်း အသက်ကြီးလာမှာ ဖြစ်တဲ့အတွက် ဘဝရပ်တည်ဖို့ စီးပွားရေး လုပ်ငန်း တခုခု ရှိထားသင့်တဲ့အကြောင်း ခိုင်နှင်းဝေက ရှင်းပြပါတယ်။
“သရုပ်ဆောင် အလုပ်က ၀ါသနာ အရသာ လုပ်နေရတာ၊ တကယ်တမ်း ဘ၀ရပ်တည်ဖို့ အတွက် ခိုင်မာတဲ့ စီးပွားရေးတခု ရှိဖို့လိုတယ်။ ကိုယ်ကတော့ အနုပညာ လုပ်ငန်းနဲ့ပဲ စီးပွားရေး လုပ်ရတာ ၀ါသနာပါတော့ ပရိုဂျူဆာ လုပ်မယ်၊ ဒီထဲမှာပဲ ကျင်လည် နေမှာပဲ၊ အောင်မြင်တယ် ဆိုတာကလည်း ၀ါသနာရှိမှ အောင်မြင်တာလေ၊ ၀ါသနာမရှိဘဲ တခြား သွားလုပ်လည်း ကျရှုံးမှာပဲ။ အနုပညာ လောကထဲမှာပဲ အစ်မ ရပ်တည်သွားမှာပါ” လို့ သူက ဟြေပါတယ်။

ဒေါ်အောင်ဆန်းစုကြည်ဟာ တုနှိုင်းမဲ့ ပုဂ္ဂိုလ်တဦးလို့ ကမ္ဘာကျော် ဘောလုံးသမား ဘက်ဂီယို ပြော

ဂုဏ်ထူးဆောင် ရောမမြို့သူဆု ချီးမြှင့်ပွဲမှာ တွေ့ရတဲ့ ဒေါ်အောင်ဆန်းစုကြည် (ဓာတ်ပုံ – robertobaggio.com)

ဒေါ်အောင်ဆန်းစုကြည်ဟာ တုနှိုင်း မမီနိုင်တဲ့ ပုဂ္ဂိုလ်တဦး ဖြစ်ပြီး ခေတ်သစ် သူရဲကောင်းစစ်စစ် တဦးလည်း ဖြစ်တယ်လို့ ကမ္ဘာကျော် ဂန္ထ၀င် ဘောလုံးသမား ရောဘတ်တို ဘက်ဂီယိုက ယမန်နေ့က ပြောလိုက်ပါတယ်။
နိုဗဲလ်ငြိမ်းချမ်းရေးဆုရှင် ဒေါ်အောင်ဆန်းစုကြည်ကို ရောမ မြို့တော်ဝန် Ignazio Maroni က ဂုဏ်ထူးဆောင် ရောမမြို့သူဆု ချီးမြှင့်ပွဲအပြီး အီတလီ ဘောလုံးသမား ဘက်ဂီယိုက အီတလီအခြေစိုက် ANSA.it သတင်း ဌာနကို ပြောလိုက်တာပါ။
“လူတိုင်းက သူ့ရဲ့ လွတ်လပ်မှုအတွက် တိုက်ပွဲဝင်ခဲ့တဲ့ သတ္တိတွေအကြောင်း ပြောကြတယ်။ ဒါပေမယ့် သူ့ရဲ့ ကြီးမားတဲ့ သူ့ နှလုံးသားကို လူတိုင်းက မသိကြဘူး”လို့ ဘက်ဂီယိုက ဒေါ်အောင်ဆန်းစုကြည်ကို ခေတ်သစ် သူရဲကောင်း စစ်စစ်လည်း ဖြစ် တယ် လို့ ချီးမွမ်း ပြောဆိုခဲ့ပါတယ်။
ဒီအပြင် ရွှေရောင် မြင်းမြီး ဆံကေသာပိုင်ရှင် ဘက်ဂီယို က “သူ့ခန္ဓာ ပိန်ပါးသေးသွယ်ပေမယ့် သူ့စိတ်ဓာတ်က အရမ်း ခိုင်မာ အားကောင်းတယ်။ သူ့ဘ၀မှာ ဖြတ်သန်း ထိုးဖောက် ကျော်လွှားရတာတွေကို ကြည့်ပြီး ဘောလုံး ဝေါဟာရနဲ့ ပြောမယ် ဆိုရင် တော့ သူ့ကို ဘယ်သူမှ လူကပ်ပြီး ကစားလို့ မရဘူး”လို့လည်း ပြောပါတယ်။
ဘက်ဂီယို ဟာ ဒေါ်အောင်ဆန်းစုကြည် နေအိမ်အကျယ်ချုပ် က လွတ်မြောက်ရေး လှုပ်ရှားခဲ့သူ တဦးလည်း ဖြစ်ပါတယ်။
၁၉၉၄ ခုနှစ်မှာ ကမ္ဘာ့အကောင်းဆုံး ဘောလုံးသမားဆု အပါအ၀င် ဘက်ဂီယိုဟာ ဆုပေါင်းများစွာ ရထားသူဖြစ်ပြီး သူ့ရဲ့ Golden Ponytail ဆိုတဲ့ ရွှေရောင်မြင်းမြီးလို ဆံကေသာဟာ ပရိသတ်တွေ စွဲမက်ခဲ့ရသူလည်း ဖြစ်ပါတယ်။

ငွေဆောင်မြို့နယ်တွင် ဆင်ရိုင်းအန္တရာယ်စိုးရိမ်နေရဟုဆို

ပုသိမ်၊ အောက်တိုဘာ ၂၈

ဧရာဝတီတိုင်းဒေသကြီး ငွေဆောင်မြို့နယ် ပုသိမ်-ငွေဆောင် ကားလမ်းဘေးရှိ သလပ်ခွာ ကျေးရွာအနီးရှိ မဒေါ့ကုန်းကျေးရွာ၊ ရွာသစ် ကျေးရွာ၊ ကျောင်းကုန်းကျေးရွာ၊ ညောင်ကုန်း ကျေးရွာတို့တွင် စပါးရိတ်သိမ်းချိန်၌ ဆင်ရိုင်းများ အန္တရာယ်ကို စိုးရိမ်နေကြကြောင်း ဒေသခံများက ပြောသည်။

ကျေးရွာရှိလယ်သမားများသည် မိမိပိုင် လယ်များကို စပါးရိတ်သိမ်းချိန်တွင် လင့်စင်ထိုး ၍ ဆင်များဖျက်ဆီးမည့် အန္တရာယ်မှ ကာကွယ်ရ ကြောင်း၊ ဆင်များရောက်ရှိလာလျှင် မိသားစု လိုက် ဗြောက်အိုးဖောက်ခြင်း၊ ဒန်အိုးများတီး၍ အော်ဟစ်ခြောက်လှန့်မောင်းထုတ်ရကြောင်း ၄င်း တို့က ပြောသည်။

ရပ်ရွာဖွံ့ဖြိုးမှုဆောင်ရွက်နေသော ကျောင်း ကုန်းကျေးရွာရှိ အမျိုးသမီးတစ်ဦးက ''ရွာတွေကို ဖွံ့ဖြိုးဖို့ ကျွန်မတို့ဆောင်ရွက်တဲ့အခါဆင်းရဲမွဲတေမှု ပြဿနာကိုတွေ့ရပါတယ်။ ဒီမှာလယ်ယာတွေ ရိတ်သိမ်းခါနီးရင် ဆင်တစ်ဝက်၊ လူတစ်ဝက်ပဲ ရတဲ့ ပြဿနာကိုတွေ့ရပါတယ်''ဟု ပြောသည်။

အိန္ဒိယအတိုက်အခံ မဲဆွယ်ဟောပြောပွဲမလုပ်ခင် ဗုံးများပေါက်ကွဲ၊ ငါးဦးသေဆုံး

ပတ္တနာ၊ အောက်တိုဘာ ၂၈
အိန္ဒိယနိုင်ငံအရှေ့ပိုင်း မြို့တော် ပတ္တနာတွင် အတိုက်အခံ BJP ပါတီမှ ဝန်ကြီးချုပ်လောင်း နာရန်ဒါမိုဒီ၏ စည်းရုံးမဲဆွယ် လူထုစုဝေးပွဲ မတိုင်ခင် ဗုံးခွဲ တိုက်ခိုက်မှုများ ဖြစ်ပွားခဲ့ရာ လူ ငါးဦး သေဆုံးသွားခဲ့ပြီး ဒါဇင်ပေါင်းများစွာ ဒဏ်ရာ ရရှိသွားခဲ့ကြောင်း AFP သတင်းတစ်ရပ်က ဖော်ပြ ထားသည်။
သဘောထား တင်းမာသော ဟိန္ဒူအမျိုးသားရေးဝါဒီ မစ္စတာမိုဒီ၏ မိန့်ခွန်းကို နားထောင်ရန် လူထောင်ပေါင်းများစွာ လာရောက်စုဝေးခြင်း မတိုင်ခင် အနီးအနား၌ ဗုံးခုနစ်လုံး ပေါက်ခဲ့ ခြင်းဖြစ်သည်။
စုစုပေါင်း လူ ၈၃ ဦး ဒဏ်ရာရရှိခဲ့ကြောင်း ဘီဟာပြည်နယ် ဝန်ကြီးချုပ် နီတစ်ရ်ှကူးမားက သတင်းစာရှင်းလင်းပွဲတွင် အတည်ပြု ပြောကြားပေးခဲ့သည်။
“ခုအချိန်မျိုးမှာ ဘယ်သူဘယ်ဝါ လုပ်တယ်ဆိုတာကို ခန့်မှန်းပြောဆိုဖို့ မသင့်ပါဘူး။ နိုင်ငံရေးအရ တိုက်ခိုက်တာမျိုး ဆိုတာ မဟုတ်ဘူးလို့ ကျွန်တော်ငြင်းပါတယ်” ဟု ပြည်နယ်ဝန်ကြီးချုပ် မစ္စတာ ကူးမားက ပြောကြားသည်။

သူရဦးရွှေမန်းသည် ကိုယ့်သိက္ခာကိုယ် အလွန်တန်ဖိုးထားသူဖြစ် မိမိအတွက် ဖြောင့်မတ်သောပြိုင်ဘက်ဖြစ်လာမည်ဟုယူဆကြောင်း ဒေါ်အောင်ဆန်းစုကြည်ပြောကြား

ရန်ကုန် အောက်တိုဘာ ၂၈

ဥရောပ (၅)နိုင်ငံ ခရီးစဉ်အတွင်း လန်ဒန်မြို့သို့ရောက်ရှိစဉ် ဘီဘီစီ သတင်းဌာနနှင့် ယခုလ ၂၅ ရက် တွေ့ဆုံမေးမြန်းခန်းတွင် အမျိုးသား ဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က ပြည်ထောင်စုလွှတ်တော်နာယက ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ဥက္ကဋ္ဌသူရ ဦးရွှေမန်းသည် ကိုယ့်သိက္ခာကိုယ်အလွန် တန်ဖိုးထားသူဖြစ်ကြာင်း၊ ဖြောင့်မတ်သည့် ပြိုင်ဘက်တစ်ဦး ဖြစ်၍ ကြိုဆိုကြောင်း ပြောကြားခဲ့သည်။

ဘီဘီစီသတင်းဌာနမှ ဒေါ်တင်ထားဆွေက ''၂ဝ၁၅ ခုနှစ်မှာ ပြည်ထောင်စုလွှတ်တော်နာယကကြီးသူရဦးရွှေမန်း ပါဝင်ယှဉ်ပြိုင်မယ်လို့ ကျွန်မတို့နားလည်ထားပါတယ်။ သူဟာ ဒေါ်အောင်ဆန်းစုကြည်ရဲ့အဓိကယှဉ်ပြိုင်ဘက်ဖြစ်လာနိုင်ပါတယ်။ ဒေါ်အောင်ဆန်းစုကြည်အနေနဲ့ သူရဦးရွှေမန်းနဲ့ ယှဉ်ပြိုင်တဲ့အခါမှာ အဓိက စိန်ခေါ်မှုတွေက ဘာတွေဖြစ်လာနိုင်ပါသလဲ''ဟူ၍ မေးမြန်းခဲ့ရာ ဒေါ်အောင်ဆန်းစုကြည်က ''ဘယ်သူနဲ့ပဲ ယှဉ်ပြိုင်ယှဉ်ပြိုင် နိုင်အောင်လုပ်ရမှာပဲ။ ဒါပေမယ့် သူရဦးရွှေမန်းဟာ အင်မတန်မှ မိမိရဲ့သိက္ခာကို မိမိတန်ဖိုးထားတဲ့လူဆိုတော့ ကျွန်မအတွက် ဖြောင့်မတ်တဲ့ယှဉ်ပြိုင် ဘက်တစ်ဦးဖြစ်လာမယ်လုိ့ ယူဆတဲ့အတွက် ကျွန်မကတော့ ကြိုဆိုပါတယ်''ဟု ဖြေကြားခဲ့သည်။ ဒေါ်တင်ထားဆွေက ဆက်လက်၍''အပေးအယူ ညှိထားတာမျိုးရှိပါသလား''ဟုမေးရာ ဒေါ်အောင်ဆန်းစုကြည်က ''ကျွန်မတို့ကတော့ နှစ်ယောက်စလုံးပြောထားပြီးသား။ ပြိုင်ရင်တော့ နိုင်အောင် လုပ်မှာပဲလို့''ဟူ၍ ပြောကြားခဲ့ကြောင်းသိရသည်။

ကျန်းမာရေးနဲ့ ညီညွတ်တဲ့ မနက်စာကို ပြင်ဆင်နိုင်စေဖို့ နည်းလမ်းများ

မနက်ခင်းစာဟာ တစ်နေ့တာမှာ အရေးအကြီးဆုံးဖြစ်ပြီး ကျန်းမာရေးနဲ့ ညီညွတ်ဖို့ဆိုရင် မှန်ကန်တဲ့ အစားအစာကို ရွေးချယ်ဖို့ လိုအပ်ပါတယ်။ ဒီနည်းလမ်းကို Make Mine Milk  လှုပ်ရှားမှုအဖွဲ့က ဦးဆောင်ခဲ့တာဖြစ်ပြီး နို့ထွက်ပစ္စည်းများကို အခြေခံထားတဲ့ အစားအစာတွေကို မနက်ခင်းစာအဖြစ် စားသုံးဖို့ အဓိကအကြံပြုတဲ့ အဖွဲ့ဖြစ်ပါတယ်။

နည်းလမ်းများကို အကြံပြုထားတာကတော့-
- ရုံးပိတ်ရက်အပြီး တနင်္လာနေ့မှာတော့ မလိုင်ဖတ် အနည်းငယ်ပါတဲ့ နို့တစ်ခွက်ထဲကို မိမိနှစ်သက်ရာ သစ်သီးကို မွှေပြီးသောက်သုံးပါ။
- အင်္ဂါနေ့မှာတော့ နို့နဲ့စီမံထားတဲ့ ယာဂု(ဆံပြုတ်)ကို စားသုံးပေးပါ။
- ဗုဒ္ဓဟူးနေ့မှာတော့ အဆီထုတ်ထားတဲ့ နို့တစ်ဖန်ခွက်ကို ပန်းကန်လုံး အပြည့်သစ်သီးစုံတစ်ပွဲနဲ့ တွဲဖက်စားသုံးပေးသင့်ပါတယ်။
- ကြာသပတေးနေ့ ရောက်ပြီဆိုရင်တော့ နို့တစ်ဖန်ခွက်အပြင် ဟင်းသီးဟင်းရွက်ကြော်တစ်ပွဲကို တွဲဖက်စားသုံးပေးခြင်းဟာ နေ့ခင်းဘက်အချိန်ထိ ဗိုက်ပြည့်နေစေပါတယ်။
- သောကြာနေ့မှာတော့ အကြိုက်ဆုံးနှံစားသီးနှံ (cereal) ကို ရွေးချယ်ပြီး နို့တစ်ခွက်နဲ့ စားသုံးပေးပါ။
- စနေနေ့ဆိုရင်တော့ ကောက်နှံ၊ အခွံမာသီးနဲ့ စားဖွယ်အချို့ပါဝင်တဲ့ muesli  လို့ခေါ်တဲ့ မနက်စာကို နို့တစ်ခွက်နဲ့ တွဲဖက်စားသုံးပေးနိုင်ပါတယ်။
- တနင်္ဂနွေနေ့ မနက်ခင်းမှာတော့ ကြက်ဥကို မွှေထားတာကို ခဲကပ်ပြီး ကင်ထားတဲ့ မနက်စာကို စားသုံးပေးပါ။

ငြိမ်းအေး

Health Updates Journal No. 89
ref: IANS

အမျိုးသမီးရော့ခ်သံစဉ်ပြင်းပြင်းတွေကိုခံစားရမယ့် စမိုင်းလ် ရဲ့ New Me စီးရီး

၂ဝဝဝ ပြည့်နှစ်ဝန်းကျင် ကာလတွေမှာမော်ဒယ်လ် သရုပ်ဆောင်အဖြစ် ပရိသတ် အသိအမှတ်ပြုလက်ခံအား ပေး မှုကိုရရှိခဲ့တဲ့စမိုင်းလ်ကအနုပ ညာလောကနဲ့နှစ် အေ တ်ာကြာ ဝေးကွာခဲ့ပြီးနောက်မှာတော့ ၂ဝ၁၁ဝန်းကျင်မှာ မြန်မာ ပြည်ကို ပြန်လည်ရောက်ရှိလာခဲ့ပြီး  New Me ဆိုတဲ့ ရော့ခ်တေးအယ်လ်ဘမ် တစ်ချပ်ကို နိုဝင်ဘာ လ၃ ရက်နေ့မှာ ဖြန့် ချိတော့မှာဖြစ်ပါတယ်။ ဟန်ထူးလွင်၊ဗီနိုထွန်းတို့ပါဝင်တဲ့  Boxer Music Band နဲ့ တီးခတ်ထားတဲ့ စမိုင်းလ်ရဲ့ အခွေမှာတော့ ရွှေဂျော်ဂျော်၊ ဇဝါ၊ ကျားပေါက်၊ ဗီနိုထွန်း၊ ရေမွန် (Idiots) နဲ့ ဖော်ကာ (Wanted) တို့က သီချင်းတွေကို ရေးစပ်ပေးထားပါတယ်။ တေးရေးအင်အားကိုကြည့်တာ နဲ့တင်ပဲ စမိုင်းလ်ရဲ့ အယ်လ် ဘမ် ဟာ ရော့ခ်အငွေ့အသက်မကင်းနိုင်ဘူးဆိုတာသိသာပါ တယ်။ သီချင်း ၁၁ပုဒ်ပါဝင်မယ့် စမိုင်းလ်ရဲ့အယ်လ်ဘမ်မှာအင်္ဂလိပ် သီချင်းနှစ် ပုဒ်နဲ့ မြန်မာ သီချင်းကိုးပုဒ် ပါဝင်မှာ ဖြစ်ပါတယ်။ Rock  စတိုင်တွေ လွှမ်းခြုံ နေမယ့် စမိုင်းလ်ရဲ့ အခွေထဲမှာတော့ အစဦးဆုံးအပုဒ်ကို Hello ချစ်သူဆိုတဲ့ သီချင်းအေးအေးလေးနဲ့ စထားပါတယ်။

လျှပ်စစ်ဓာတ်အားခများ နိုဝင်ဘာလမှစ၍ တိုးကောက်မည်

မန္တလေး အောက်တိုဘာ ၂၈

နိုင်ငံအတွင်း လျှပ်စစ်ဓာတ်အား တိုးတက် ဖြန့်ဖြူး ပေးနိုင်ရေးအတွက် လျှပ်စစ်ဓာတ်အား အသုံးပြုခများကို နိုဝင်ဘာလမှ စတင်ကာ တိုးမြှင့်ကောက်ခံမည် ဖြစ်ကြောင်း လျှပ်စစ်ဓာတ်အား ဖြန့်ဖြူးရေးလုပ်ငန်း ဦးဆောင် ညွှန်ကြားရေးမှူး ဦးမြင့်အောင်က ပြောကြားသည်။

လက်ရှိ အိမ်သုံးမီတာ တစ်ယူနစ်လျှင် ၃၅ ကျပ် ကောက်ခံနေရာ မှ နိုဝင်ဘာလ ၁ ရက်နေ့မှ စတင်၍ သုံးစွဲသည့်ယူနစ် ၁၀၀ ကျော်ပါက ကျော်လွန်သည့် ပမာဏကို တစ်ယူနစ်လျှင် ကျပ် ၅၀ နှုန်းဖြင့် ကောက်ခံသွားမည် ဖြစ်ကြောင်း၊ စက်မှုသုံးအတွက် တစ်ယူနစ်လျှင် ၇၅ ကျပ် ကောက်ခံရာမှ ၁၀၀ ကျပ်ထိ တိုးမြှင့်လိုက်ပြီး အဆိုပါ တစ်ယူနစ် တစ်ရာကျပ်ဖြင့် ယူနစ်ငါးထောင်ထိ ကောက်ခံမည် ဖြစ်ပြီး ယင်းပမာဏ ကျော်လွန်သည့် ယူနစ်များကို တစ်ယူနစ်လျှင် ၁၅၀ ကျပ်နှုန်းဖြင့် ကောက်ခံ သွားမည် ဖြစ်ကြောင်း ၎င်းကဆိုသည်။

လျှပ်စစ်ဓာတ်အားကို နိုင်ငံတော်က အရှုံးခံ ထုတ်လုပ်ဖြန့်ဖြူး ပေးနေရာက ယင်းသို့ ဓာတ်အားခ တိုးမြှင့်လိုက်ခြင်း ဖြစ်ကြောင်း၊ ရေအားလျှပ်စစ်ဖြင့် ထုတ်လုပ်ပါက တစ်ယူနစ် အနည်းဆုံး ၅၀ ကျပ်၊ ကျောက်မီးသွေးဖြင့် ထုတ်လုပ်ပါက တစ်ယူနစ် ၁၀၀ ကျပ်၊ သဘာဝ ဓာတ်ငွေ့ဖြင့် ထုတ်လုပ်ပါက တစ်ယူနစ် ၁၃၀ ကျပ်၊ နေစွမ်းအင်ဖြင့် ထုတ်လုပ်ပါက တစ်ယူနစ် ၁၆၀ ကျပ်ခန့် ကုန်ကျမှု ရှိကြောင်း ၎င်းက ထပ်မံပြောကြားသည်။

ပြည်နှင်ဒဏ်ခံ တရုတ်နိုင်ငံသားများ ပတ်စ်ပို့သစ်ဖြင့် ပြန်ဝင်ရောက်ဟုဆို

မန္တလေး၊ အောက်တိုဘာ ၂၈

ဗီဇာစည်းကမ်း ဖောက်ဖျက်သဖြင့် အမည်ပျက် စာရင်းသွင်းပြီး ပြည်နှင်ဒဏ် ခံရသည့် တရုတ်နိုင်ငံသားများ မန္တလေး အပြည်ပြည်ဆိုင်ရာ လေဆိပ်သို့ နိုင်ငံကူး လက်မှတ်အသစ်ဖြင့် ပြန်လည် ဝင်ရောက်လာမှုများ ရှိကြောင်း မန္တလေးတိုင်းဒေသကြီး လူဝင်မှုကြီးကြပ်ရေးနှင့် အမျိုးသား မှတ်ပုံတင်ရေးဦးစီးဌာန တာဝန်ရှိသူတစ်ဦးက ပြောကြားသည်။

အဆိုပါ လေဆိပ်မှ မြန်မာနိုင်ငံတွင်းသို့ ပြန်လည် ဝင်ရောက်လာသူ တစ်လလျှင် နှစ်ဦးခန့် ဖမ်းဆီးမိပြီး လေယာဉ်ဖြင့် နေရပ် ပြန်ခိုင်းရခြင်းများ ရှိကာ ဇူလိုင်လမှ စက်တင်ဘာလအထိ ခြောက်ဦးခန့် ရှိ ကြောင်း ၎င်းကပြောကြားသည်။
“အဓိကက ကျောက်ဆည်နဲ့ မြစ်သားမြို့နယ်တွေမှာ ဖရဲလာစိုက်နေတဲ့ တရုတ်နိုင်ငံသားတွေ များတယ်။ သူတို့ကို အမည်ပျက်စာရင်း သွင်းတာကို ပတ်စ်ပို့ အသစ်ကိုင်ပြီး လာကြတာမှာ လေဆိပ်မှာ မိတာပါ” ဟု အဆိုပါ တာဝန်ရှိသူက ဆိုသည်။

မိုက်ကယ်လ်ဂျက်ဆင် သေဆုံးမှုတွင် တာဝန်ရှိသော ဆရာဝန် ဆေးကုသခွင့် လိုင်စင် ပြန်လိုချင်

လော့စ်အိန်ဂျလိစ်၊ အောက်တိုဘာ ၂၇

ပေါ့ပ်ဘုရင် မိုက်ကယ်လ်ဂျက်ဆင် သေဆုံးရမှုမှာ အဓိက တာဝန်ရှိသူအဖြစ် သတ်မှတ်ခံခဲ့ရပြီး ထောင်ဒဏ် ကျခံနေရတဲ့ ဒေါက်တာကွန်းရက်ဒ်မာရေးက သူထောင်က လွတ်တဲ့အချိန်မှာ ဆေးကုသခွင့် လိုင်စင် ပြန်ပေးဖို့ တောင်းဆိုခဲ့ကြောင်း Contactmusic. com မှာ ဖော်ပြထားပါတယ်။

ဒေါက်တာကွန်းရက်ဒ်မာရေးဟာ အောက်တိုဘာလ ၂၈ ရက်နေ့မှာ ထောင်က ပြန်လွတ်ခဲ့ပြီး ထောင်က မလွတ်မီမှာပဲ ဆိုင်းငံ့ခံထားရတဲ့ သူ့ရဲ့ဆေးကုသခွင့် လိုင်စင်ကို ပြန်ထုတ်ပေးဖို့ တောင်းဆို ခဲ့တာ ဖြစ်ပါတယ်။

ဒေါက်တာကွန်းရက်ဒ်မာရေးဟာ မိုက်ကယ်လ်ဂျက်ဆင်ကို အကိုက်အခဲ သက်သာလျော့ပါးစေတဲ့ ပရိုပိုလ်ဖောင်းကို သေစေနိုင်လောက်တဲ့ ပမာဏအထိ သုံးစွဲခွင့် ပြုခဲ့ကြောင်း ထင်ရှားသဖြင့် ၂၀၁၁ ခုနှစ် နိုဝင်ဘာလမှာ ထောင်ဒဏ်လေးနှစ် ပြစ်ဒဏ် ချမှတ်ခြင်း ခံခဲ့ရပေမယ့် ပြစ်ဒဏ်ကျခံနေစဉ် ကာလအတွင်း ကောင်းမွန်စွာ နေထိုင်ခဲ့တာကြောင့် လျှော့ရက်တွေ ရရှိခဲ့ပြီး အခုလိုစောစီးစွာ ပြစ်ဒဏ်မှ လွတ်မြောက်ခွင့် ရခဲ့တာ ဖြစ်ပါတယ်။

ရွေးကောက်ပွဲဝင်ဖို့ ဦးခင်ညွန့် စဉ်းစားနေသလား

ဗိုလ်ချုပ်ကြီးဟောင်း ဦးခင်ညွန့် ၂ဝ၁၅ ရွေးကောက်ပွဲအတွက် ပြင်ဆင်နေသလား။
ဝင်ဖို့ ရည်ရွယ်ချက် ရှိသလား။

ဝင်နိုင်ဖွယ်ရှိတယ်၊ သူ့ကို အားပေးသူ အများအပြားရှိတဲ့ ရန်ကုန်တိုင်းဒေသကြီး ကျောက်တန်းမြို့နယ်ကနေ ဝင်လိမ့်မယ် လို့ တချို့က ဆိုပါတယ်။
အခုတလောက သဲ့သဲ့ထွက်နေတယ်ဆိုတဲ့ဒီသတင်းနဲ့ ပတ်သက်ပြီး  သူကတော့ တစုံတရာ ပြောသေးဟန် မတူပါဘူး။

ဒေါ်အောင်ဆန်းစုကြည်၏ ဘီဘီစီ မှတ်ချက်အပေါ် သဘောထား ကွဲ

စက်တင်ဘာလ အတွင်း ရန်ကုန်မြို့တွင် ကျင်းပခဲ့သော မြန်မာ့လွတ်လပ်ရေး တိုက်ပွဲဝင် ဆရာတော်ဦးဥတ္တမ အထိမ်းအမှတ် အခမ်းအနားသို့ တက်ရောက်ခဲ့သော ဒေါ်အောင်ဆန်းစုကြည် (ဓာတ်ပုံ – ဧရာဝတီ)

မြန်မာနိုင်ငံတွင် မွတ်ဆလင်များကို ဦးတည်ချက်ထားသည့် လူမျိုးဖြုတ် သတ်ဖြတ်မှုများ မရှိကြောင်း ငြင်းဆိုလိုက်ပြီး ဗုဒ္ဓ ဘာသာဝင်များ ကြားတွင်လည်း ဘာသာရေးပဋိပက္ခနှင့် တင်းမာမှုများကြောင့် ကြောက်ရွံ့မှုများကို ခံစားခဲ့ရသည်ဟု ပြောခဲ့ခြင်းအတွက် မြန်မာနိုင်ငံ၏ ဒီမိုကရေစီ ခေါင်းဆောင်အဖြစ် လူသိများသည့် ဒေါ်အောင်ဆန်းစုကြည် အပေါ် လူ့အခွင့်အရေး ဆောင်ရွက်သူများနှင့် ဘာသာရေး ခေါင်းဆောင်များ၏ ဝေဖန်ပြောဆိုမှုနှင့် ထောက်ခံမှုများ အမျိုးမျိုး ရှိနေသည်။
ဘီဘီစီ သတင်းဌာနနှင့် ယခင်အပတ် ကြာသပတေးနေ့က ပြုလုပ်ခဲ့သော တွေ့ဆုံမေးမြန်းမှုတွင် ဒေါ်အောင်ဆန်းစုကြည် က လူဦးရေ ၁၄၀၀၀၀ ကျော် အိုးမဲ့ အိမ်မဲ့ဖြစ်ခဲ့ရသည့် ဆူပူအကြမ်းဖက်မှုသည် ဗုဒ္ဓဘာသာဝင်များကြားတွင်လည်း မွတ်ဆလင်များကဲ့သို့ အကြောက်တရားကို ခံစားခဲ့ရသဖြင့် ဖြစ်ပွားခဲ့ရခြင်းဖြစ်သည်ဟု ပြောဆိုခဲ့သည်။
“ဒါဟာ လူမျိုးဖြုတ် သတ်ဖြတ်မှုမဟုတ်ပါဘူး။ နှစ်ဘက်လုံးမှာ ဖြစ်ပေါ်ခဲ့တဲ့ ကြောက်ရွံ့မှုကြောင့်လို့ ထင်ပါတယ်။ ဒါကြောင့် နိုင်ငံတကာ အနေနဲ့ နားလည်ထားဖို့ လိုအပ်တာက ကြောက်ရွံ့မှုကို မွတ်ဆလင်တွေပဲ ခံစားရတာ မဟုတ်ပါဘူး။ ဗုဒ္ဓဘာသာဝင်တွေ ဘက်မှာလဲ တူတူပါပဲ။ ဟုတ်ပါတယ်။ မွတ်ဆလင်တွေဟာ ပစ်မှတ်ဖြစ်ခဲ့တယ်။ ဒါပေမယ့် ဗုဒ္ဓဘာသာဝင်တွေဟာ လည်း ပဋိပက္ခတွေဆီကို တွန်းပို့ ခံခဲ့ရပါတယ်။ နှစ်ဘက်လုံးမှာ ကြောက်ရွံ့မှုတွေ ရှိနေတယ်။ ဒါဟာ အားလုံးကို ဒုက္ခတွေဆီ ပို့ဆောင်လိုက်တဲ့ အကြောင်းတရားပါပဲ” ဟု ဒေါ်အောင်ဆန်းစုကြည်က ပြောသည်။

အပုပ်နံ့ထွက်မှ သိရှိရသည့် စစ်တွေတက္ကသိုလ်ဆရာမတစ်ဦး သေဆုံးမှု

By မိုးဝေ-ရခိုင်ပြည်နယ်(မြစ်မခ)

ရခိုင်ပြည်နယ်စစ်တွေတက္ကသိုလ်၌ တာဝန်ထမ်းဆောင်နေသည့် ဆရာမတစ်ဦးသေဆုံးနေမှုကို နှစ်ရက်ကြာမှ တွေ့ရှိခဲ့သည်ဟု စစ်တွေမြို့နယ် ရဲစခန်းမှ သိရှိရသည်။
စစ်တွေမြို့မ ကျည်းမြိုင်ရပ်ကွက်တက္ကသိုလ်ဆရာ/ဆရာမများအဆောင် တိုက်နံပါတ်(၁)အခန်း(၉)နေ ဆရာမ ဒေါ်လှအုန်း(မြန်မာစာကထိက)၏အခန်းမှ အပုပ်နံ့ရသဖြင့်ဘေးခန်းနေဆရာများက သက်ဆိုင်ရာ ရဲစခန်းသို့ အကြောင်းကြားရာ အောက်တိုဘာလ၂၇ ရက်နေ့ကစစ်တွေမြို့နယ်ရဲစခန်း၌ တာဝန်မှူးအဖြစ် တာဝန်ထမ်းဆောင်နသည့် ရဲအုပ်ဘိုထင်ကျော်က သွားရောက်ကြည့်ရှုစစ်ဆေးရာ ဆရာမဒေါ်လှအုန်းသည် အိမ်သာခန်း၌ မှောက်လျက်အနေအထားဖြင့် သေဆုံးနေသည်ကို တွေ့ရသည်ဟု ရဲစစ်ချက်မှတ်တမ်းအရ သိရသည်။
 သေဆုံးသူ၏ခန္ဓာကိုယ်တွင် ဒဏ်ရာတစ်စုံတရာမတွေ့ရှိရဘဲ အလောင်းမှာ ပုပ်ပွနေခြင်းကြောင်း၊ ရဲဆေးစာဖြင့် စစ်တွေဆေးရုံပို့အပ်ခဲ့ရာ သေဆုံးသူဆရာမဒေါ်လှအုန်းမှာ အာရုံကြောပြတ်၍သေဆုံး ခြင်းဖြစ်သည်ဟု ဆရာဝန်၏ ဆေးစစ်ချက်မှတ်တမ်းအရသိရသည်။
“သေတာကို မနေ့ကမှသိရတယ်။ သေတာကတော့ နှစ်ရက်လောက်ရှိလိမ့်မယ်၊ အပုပ်နံ့ကလည်းထွက် နေတယ်။ သူမှာ ဘာပြဿနာမရှိပါဘူ။ အာရုံကြောပြတ်လို့ သေတာပါ။ သွေးတိုးရှိတယ်လို့တော့ အရင်က သူပြောဖူး လို့ သိရတယ်’’ဟု စစ်တွေ တက္ကသိုလ်မှ ဆရာတစ်ဦးကပြောသည်။

ရှေးဟောင်းယာဉ် ကိုးစီးဖြင့် မြို့ ၁၃ မြို့သို့ လှည့်လည် သွားရောက်မည်

ရန်ကုန်၊ အောက်တိုဘာ ၂၈
၁၉၃၀ မှ ၁၉၇၀ ဝန်းကျင်က မော်တော်ယာဉ် များဖြစ်သော ရှေးဟောင်း မော်တော်ယာဉ် ကိုးစီးဖြင့် မြန်မာနိုင်ငံ အတွင်းရှိ မြို့ကြီး ၁၃ မြို့နယ်သို့ လှည့်လည် သွားရောက်မည် ဖြစ်ကြောင်း ခရီးစဉ်ကို စီစဉ်သည့် Myanmar Burma Road Classic အဖွဲ့မှ ဒေါ်ခိုင်ဇာနည်က ပြောကြားသည်။

အင်္ဂလန်၊ ဘယ်လ်ဂျီယံနှင့် ဆွစ်ဇာလန်နိုင်ငံတို့မှ မော်တော်ယာဉ် အစီးရေ ကိုးစီးကို တစ်စီးလျှင် ယာဉ်မောင်း နှစ်ဦးစီဖြင့် အောက်တိုဘာလ ၂၈ ရက်နေ့တွင် ရန်ကုန်မြို့မှစတင်၍ မြို့ ၁၃ မြို့သို့ လှည့်လည် သွားရောက်ပြီး ရန်ကုန်မြို့တွင် အဆုံးသတ်မည် ဖြစ်ကြောင်း ၎င်းကပြောကြားသည်။
“ဒီလိုလုပ်ခြင်းဟာ မြန်မာ့ခရီးသွား လုပ်ငန်းရဲ့ ပုံရိပ်ကို တိုးတက်စေသလို ကျွန်တော်တို့ရဲ့ လုပ်ငန်းကိုလည်း အထောက်အကူ ဖြစ်စေတယ်။ ပြီးတော့ ဒီအလုပ်က ဘယ်သူမှ မလုပ်သေးတဲ့ အတွက် လုပ်ဆောင်ရခြင်း ဖြစ်ပါတယ်” ဟု ၎င်းကဆိုသည်။

မူးယစ်ဆေးသုံး ရမ်းကားသဖြင့် ဟိုတယ်ဝန်ထမ်းတစ်ဦးနှင့် ရဲလေးဦး ဒဏ်ရာရ

ကျိုင်းတုံ၊ အောက်တိုဘာ၂၇

မူးယစ်ဆေးဝါးများ မကြာခဏ ဖမ်းမိနေသည့် ရှမ်းပြည်နယ် (အရှေ့ပိုင်း) ကျိုင်းတုံမြို့ရှိ နောင်တုံဟိုတယ်တွင် အောက်တိုဘာလ ၂၅ ရက် နံနက် ၁၀ နာရီ ခွဲခန့်က တည်းခိုနေသူတစ်ဦးက မူးယစ်ဆေးသုံးစွဲကာ စိတ်ပုံမှန် မဟုတ်တော့ဘဲ တူဖြင့်ထုနှက် ရမ်းကားသဖြင့် ဟိုတယ် ဝန်ထမ်းတစ်ဦး အပါအဝင် ရဲတပ်ဖွဲ့ဝင် လေးဦးဒဏ်ရာ ရရှိခဲ့ကြောင်း ယင်းမြို့ ရဲတပ်ဖွဲ့စခန်းမှ ရဲအုပ်ဝင်းမင်းသန့်က ပြောကြားသည်။
မူးယစ်ရမ်းကားသူမှာ ကျိုင်းတုံမြို့နယ် တုံကွမ်ကျေးရွာတွင် နေထိုင်သူ ဦးလီဒို (၆၅) နှစ် ဖြစ်ပြီး ၎င်း၏အခန်းကို ဝင်ရောက် ကြည့်ရှုသည့် ဟိုတယ်ဝန်ထမ်း ဦးရဲလွင်အောင်ကို တူနှင့်ထုနှက်သဖြင့် နဖူးတွင် ပေါက်ပြဲဒဏ်ရာ ရရှိခဲ့သည့်အပြင် လာရောက် ဖမ်းဆီးသည့် ရဲတပ်ဖွဲ့ဝင်များကိုလည်း ပြန်လည် ခုခံသဖြင့် ဒုရဲအုပ်သုံးဦးနှင့် ရဲတပ်ကြပ်တစ်ဦး ဒဏ်ရာအသီးသီး ရရှိခဲ့ကြောင်း ၎င်းကရှင်းပြသည်။
“လက်ထဲမှာက တူတစ်ခုတည်း မဟုတ်ဘူး။ ဓားနဲ့ သံပိုက်လုံးတွေပါ ကိုင်ထားတာ။ အဲဒီပစ္စည်းတွေနဲ့ ခုခံရိုက်နှက်လို့ လုံးထွေးဖမ်းဆီးခဲ့တဲ့ ရဲတပ်ဖွဲ့ဝင်တွေ ဒဏ်ရာရတာပါ” ဟု ၎င်းကဆိုသည်။
ဟိုတယ် အခန်းတံခါးဖွင့်၍ ဝင်ရောက် လုံးထွေးဖမ်းဆီးသည့် ဒုရဲအုပ် ဉာဏ်မင်းကိုကို၊ ဒုရဲအုပ် ထွန်းဦးဝင်း၊ ဒုရဲအုပ် နေလင်းအောင်နှင့် ရဲတပ်ကြပ် ဝေဖြိုးတို့တွင် နဖူး၊ ဝဲယာလက်ဖျံ၊ လက် ကောက်ဝတ်နှင့် လက်ခုံတို့တွင် ဖူးရောင် ဒဏ်ရာအသီးသီး ရရှိခဲ့ပြီး ဦးလီဒိုမှာလည်း အခန်းတံခါးစောင်းနှင့် ရိုက်မိသဖြင့် မျက်နှာနှင့် ဦးခေါင်းတို့တွင် သွေးထွက် ဒဏ်ရာရရှိခဲ့ကြောင်း ရဲမှတ်တမ်းများအရ သိရသည်။

ဗြိတိန်တွင် နှစ်နှစ်အတွင်း မောင်းသူမဲ့ဘက်ထရီကားများ အသုံးပြုနိုင်မည်

[ အင်္ဂလန် ၊ အောက်တိုဘာ ၂၈ ၊ Ref- Daily Mirror ]
GPS နည်းပညာကို နှစ် ယောက်စီး အသေးစားမော် တော်ယာဉ် ( Pod )များတွင် တပ်ဆင်အသုံးပြုနိုင်တော့မည် ဖြစ်ပြီး ၂၀၁၅ တွင် မောင်းသူမဲ့ GPS စနစ်သုံးဆင်ဆာစနစ် Pod ကားငယ်များကို ကားလမ်းမ များပေါ်တွင် မြင်တွေ့နိုင်တော့ မည်ဟု သိရသည်။မောင်းသူမဲ့အဆိုပါ Pod ယာဉ်ငယ်များသည် အမြန်နှုန်း (12 mph) ဖြင့် မောင်းနှင်နိုင် ပြီး မျက်ကွယ် အရာဝတ္ထုများကို အလိုအလျောက် ရှောင်ရှားနိုင် မည်ဟု သိရသည်။

စီးပွားရေး ဝန်ကြီး ဗင့်ကေဘယ်က ၂၀၁၅ ခုနှစ်တွင် Pod ယာဉ်ငယ်များ ၏ အရေအတွက်မှာ လေးဘီလီ ယံ (လေးဆ)ခန့်အထိ ဈေးကွက် အတွင်း ရောက်ရှိရန် မျှော်မှန်း ထားသည်ဟု ဆိုသည်။ မောင်း သူမဲ့ကားများကို လွန်ခဲ့သောနှစ် က ကယ်လီဖိုးနီးယားတွင် ဂူဂဲလ် မှ မိတ်ဆက်ပြသခဲ့ပြီးဖြစ်ကာ အ မေရိကတွင် မိုင်ပေါင်း ၄၀၀၀၀၀ ခန့်ကို ထိခိုက်မှုတစ်စုံတစ်ရာမ ဖြစ်ပွားဘဲ မောင်းနှင်ခဲ့ကြပြီး ဖြစ်သည်ဟု သိရသည်။

“မ၀င်းမော်ဦး အဖေ ရေစက်ချတာနဲ့ ကျနော်က ရိုက်လို့ရပြီ”....(ဒါရိုက်တာ အဏ်ထော်နီနှင့်တွေ့ဆုံခြင်း)

ဒါရိုက်တာ အဏ်ထော်နီ (ဓာတ်ပုံ – စတိဗ် တက္ကနာ / ဧရာဝတီ)

မြန်မာပြည် နိုင်ငံရေးသမိုင်းတွင် ကျောင်းသား ကျောင်းသူများ၏ အခန်းကဏ္ဍက အဓိကကျသော နေရာမှ ပါဝင်ခဲ့သည်။ အပြောင်းအလဲ များအတွက် ပေးဆပ်ခဲ့ရသော ကျောင်းသား၊ ကျောင်းသူများ၏ ဘ၀များရှိသည်၊ အသက်များ ရှိခဲ့သည်၊ ၎င်းတို့၏ မိသားစုများ ရှိခဲ့သည်။ ထိုသို့ပေးဆပ်ခဲ့ရသော ဘ၀များ၊ အသက်များအနက် ၈ လေးလုံး အရေးအခင်းတွင် အသက် ၁၆ နှစ်အရွယ် ကျောင်းသူလေး မ၀င်းမော်ဦး တယောက်လည်း အပါအ၀င်ဖြစ်သည်။ တနွှယ်ငင် တစင်ပါ ဆိုသလို မ၀င်းမော်ဦး၏ မောင်နှမများ၊ မိသားစုများ၏ ဘ၀များလည်း ပါဝင်ခဲ့သည်။
ကျည်ဆံများ အကြား ဒဏ်ရာရထားသည့် မ၀င်းမော်ဦးကို အလုပ်သင် ဆရာဝန်နှစ်ဦးက ပွေ့ချီကယ်တင်ခဲ့သည့် ဓာတ်ပုံသည် ကမ္ဘာကျော်ခဲ့သည်။ ကျူးလွန်သူတို့က ဖုံးဖိရန် ကြိုးစားခဲ့သော်လည်း ထိုဓာတ်ပုံသည် မြန်မာနိုင်ငံ၏ နိုင်ငံရေး ခရောင်းလမ်းကို တစိတ်တပိုင်း မီးမောင်းထိုးပြခဲ့သည်။ ခေတ်ကို သရုပ်ဖော်ခဲ့သည်။
တချိန်က တိတ်တဆိတ် ကြားဖူးခဲ့ရသော ထိုအကြောင်း၊ ၀ှက်၍ ကြည့်ခဲ့ရသည့် ဓာတ်ပုံတပုံက ပြောသည့် အကြောင်း အရာများနှင့် မ၀င်းမော်ဦး ဖြတ်သန်းခဲ့ရသည့် ဘ၀ကို ရုပ်ရှင်ဒါရိုက်တာ အဏ်ထော်ဏီက ရုပ်ရှင်ကားကြီး တကားအဖြစ် ပိတ်ကားပေါ်သို့ တင်နိုင်ရန် ကြိုးစားနေသည်ဟု ဆိုသည်။ စိတ်ဝင်စားဖွယ် အကြောင်းအရာ၊ သမိုင်းဖြစ်ရပ်မှန်ကို အခြေခံ ရိုက်ကူးမည့် ထိုဇာတ်ကားနှင့် ပတ်သက်၍ ဒါရိုက်တာ အဏ်ထော်ဏီနှင့် ဧရာဝတီက တွေ့ဆုံ မေးမြန်းခွင့် ရခဲ့သည်။

ဩစတြေးလျမြောက်ပိုင်းတွင် ရှားပါးတိရစ္ဆာန်သုံးမျိုးတွေ့ရှိ

[ ဆစ်ဒနီ ၊ အောက်တိုဘာ ၂၈ ၊ Ref-AFP ]
ဩစတြေးလျနိုင်ငံမြောက် ပိုင်းCape York ကျွန်းဆွယ်ပေါ် ရှိ တောင်ထူထပ်သောCape Melville တွင် ရှားပါးသောကျော ရိုးရှိ သတ္တဝါသုံးမျိုးအား သိပ္ပံ ပညာရှင်James Cook နှင့် National Geographic မှ ဓာတ် ပုံသမားအဖွဲ့တို့က ယခုနှစ် စော စောပိုင်းက တွေ့ရှိခဲ့ကြကြောင်း၊ ထိုနေရာဒေသအား ပျောက်ဆုံး နေသောကမ္ဘာဟု အမည်ပေးခဲ့ ကြောင်း သိရသည်။

သစ်ရွက်ပုံအမြီးရှိသော တောက်တဲ့၊ ရွှေရောင်သမ်းသော တွားသွားသတ္တဝါစားသည့် ကင်း လိပ်တစ်မျိုးနှင့် ကျောက်တုံးကြီး များအနီးနေသော အဝါရောင်ဖား တို့သည် မျိုးစိတ်သစ်များဖြစ်ပြီး ထိုဒေသတွင် ဂရင်းနိုက်ကျောက် တုံးကြီး သန်းပေါင်းများစွာရှိနေ ကြောင်းလည်း သိရသည်။

နက္ခတ်ကြောင့် မြစ်ထဲရောက်နေရတဲ့ ဓမ္မစေတီခေါင်းလောင်းကြီး ရှေ့ရေး

ကမ္ဘာ့အကြီးဆုံး ခေါင်းလောင်းကြီး "ဓမ္မစေတီ"    ရန်ကုန်မြို့ပြင်တနေရာ မြစ်ထဲမှာ နစ်မြုပ်နေရတာဟာ ခေါင်းလောင်းကို သွန်းလုပ်ခဲ့တဲ့ နက္ခတ်ကြောင့်ဖြစ်တယ်၊ ပြန်ဆယ်ယူရေး အောင်မြင်ဖို့ ဆိုတာ လာမယ့် ဇွန်လ ကျော်သွားမှ ဖြစ်နိုင်ချေရှိတယ်လို့ နက္ခသိပ္ပံ  ပညာရှင် ဦးဇေယျာကိုက ပြောလိုက်ပါတယ်။

အဲဒီအကြောင်း စနေနေ့ထုတ် LADIES ဂျာနယ်မှာ ရေးထားပါတယ်။

"ခေါင်းလောင်းကြီး၏ စိုးမိုးမှုမှာ မွန်ဘုရင်မင်းမြတ်ဖြစ်နေ၍ အထက်ပုဂ္ဂိုလ်များ၊ မွန်ရိုးရာနတ်များနှင့် မူလ ခေါင်းလောင်းစောင့်နတ်များ ပင့်ဖိတ်ခြင်း၊ အမျှဝေ မေတ္တာပို့သခြင်း၊ မွန်ဓလေ့ထုံးစံများဖြင့် ဆင်ယင်ဆယ်ယူပါက အောင်မြင်မှု ရလဒ်ကောင်းများ ထွက်ပေါ်မည်" လို့ ဦးဇေယျာကိုက သုံးသပ်ကြောင်း ဂျာနယ်မှာ ရေးထားပါတယ်။

ခေါင်းလောင်းသွန်းလုပ်မှုက နက္ခသိပ္ပံ နည်းနဲ့ လုပ်ခဲ့တယ်၊ ဆယ်ယူဖို့ ကြိုးစားသူ အဆက်ဆက်က "ဒီပညာအလိုနဲ့ မညီညွတ်တဲ့အတွက်" မအောင်မြင်ခဲ့တာပါ လို့ ဆရာက ဆက်ပြောပါတယ်။

တရားမ၀င် မြန်မာ ၃၀ ထိုင်းနယ်ခြားစောင့်တပ်က ဖမ်းမိ

မြန်မာနုိုင်ငံ တနင်္သာရီတိုင်း ကော့သောင်းမြို့ဘက်ကနေပြီး ထိုင်းနုိုင်ငံ ရနောင်းဘက်ခြမ်းကို လူပွဲစားတွေကတဆင့် တရားမဝင် ဝင်ရောက်လာတဲ့ အသက် ၁၈ နှစ်အောက် လူငယ် ၂ ယောက်အပါအ၀င် မြန်မာနုိုင်ငံသား အယောက် ၃၀ ကို ထိုင်းနယ်ခြားစောင့်တပ်ကနေ အောက်တိုဘာ ၂၇ ရက်နေ့ မနေ့ညပိုင်းက ရနောင်းမြို့မှာ ဖမ်းဆီးရမိခဲ့တယ်လို့ သိရပါတယ်။

မြန်မာနုိုင်ငံသားတွေကို ရနောင်းမြို့အထွက်နား ခလောင်လောရွာအနီးက ထိုင်းနယ်ခြားစောင့်တပ်ရဲ့ စစ်ဆေးရေးဂိတ်မှာ ဖမ်းဆီးရမိခဲ့တာဖြစ်တယ်လုို့ မြန်မာအလုပ်သမားအရေး ကူညီဆောင်ရွက်ပေးနေတဲ့ ကိုသားကျော် က ပြောပါတယ်။

“တပ်မ ၂၅ က ဖမ်းတာ စစ်တပ်က၊ သူတို့ ဒီ ပွဲစားနဲ့ လာတာကိုး၊ ပွဲစားနဲ့လာရင်းနဲ့ စစ်တပ်ကဖမ်းတယ်၊ ဖမ်းပြီးတော့ တောမော ( လူဝင်မှုကြီးကြပ်ရေးဌာန) ကိုလာအပ်တယ်၊ မိတဲ့နေရာကတော့ ကျနော်တို့ ရနောင်းကနေအထွက်ဖက် ကီလိုသုံးလေးဆယ်တော့ ရှိမယ်ပဲခင်ဗျ၊ ဒီကျနော်တို့ ချွန်ဖွန်ကိုတက်တဲ့လမ်းမှာ၊ ဒီ ရနောင်းကနေ အထွက်မှာဆိုရင် ဂိတ်တွေရှိတယ်၊ အဲ့ဂိတ်မှာ ဂိတ်ကနေစစ်တော့ မိတယ်ခင်ဗျ“

ပဲခူး၊ ဟင်္သာကုန်းက ပဒေသာပင်ပွဲအား မင်းမဲ့စရိုက်ဆန်ဆန် ၀င်ရောက်ဖျက်ဆီးမှု

ပဲခူးမြို့ ဟင်္သာကုန်း မွန်စံပြရှိ မွန်ရိုးရာပဒေသာပင်ပွဲတော်အား မင်းမဲ့စရိုက်ဆန်ဆန် ၀င်ရောက်ဖျက်ဆီးမှု သီတင်းကျွတ်လပြည့်ညက ဖြစ်ပွားခဲ့ရာတွင် ပြစ်မှုကျူးလွန်သူများကို ဖမ်းဆီးအရေးယူပေးခြင်းမရှိသေး ဟု ပွဲတော်ရှိ စည်းကမ်းထိန်းသိမ်းရေးခေါင်းဆောင်ဖြစ်သူ ကိုဖြိုးဝေမြင့်က မဇ္ဈိမကို ပြောဆိုလိုက်သည်။

“အခုချိန်ထိ အရေးယူခြင်းမရှိသေးဘဲ ပြစ်မှုကျူးလွန်ခဲ့တဲ့ ချာတိတ်တွေကို လွှတ်ပေးထားတယ်” ဟု ၄င်းက ပြောပြသည်။

အမှုမှာ ယင်းနေ့ည ၁၀ နာရီအချိန်က မွန်းရိုးရာပဒေသာပင်ပြုလုပ်နေသော ပွဲတော်လမ်းအတွင်းသို့ လူ ငယ် ၁၅ ဦးခန့်က အိတ်ဇောဖြုတ်ထားသော ဆိုင်ကယ်များအား မွေလိမ်မွေကောက်မောင်းနှင်ခြင်းများ၊ ပဒေသာပင်များရှိ ပိုက်ဆံများအား ဖြုတ်ယူမောင်းပြေးမှုများ ပြုလုပ်ခဲ့ကြကြောင်း စည်းကမ်းထိမ်းသိမ်း ရေးခေါင်းဆောင်က ပြောသည်။

ထို့ကြောင့် လမ်းအတွင်းမှ လူများက လိုက်လံဖမ်းဆီးရာတွင် ဆိုင်ကယ်တစ်စီးကျန်ခဲ့ပြီး ည ၁ နာရီခွဲ အချိန်တွင် အဆိုပါ ဆိုင်ကယ်အား ပြန်လည်ယူဆောင်ရန် တုတ်ကိုယ်စီကိုင်ဆောင်ထားသော လူငယ် သုံးဆယ်ဦးခန့်ဖြင့် လမ်းအတွင်းသို့ လာရောက်ခဲ့ကြခြင်းဖြစ်သည်။

ဝ နှင့် မိုင်းလား တပ်ဖွဲ့ လိုင်ဇာညီလာခံ မတက်ရောက်

အောက်တိုဘာ ၃၀ ရက်နေ့မှ နိုဝင်ဘာ ၁ ရက်နေ့အထိကျင်းပမည့် တိုင်းရင်းသား လက်နက်ကိုင်တပ်ဖွဲ့ခေါင်းဆောင်များ ၏ ‘လိုင်ဇာညီလာခံ’ သို့ ဝ နှင့် မိုင်းလားတပ်ဖွဲ့ တက်ရောက်မည်မဟုတ်ဟု နီးစပ်သည့် အသိုင်းအဝိုင်းက ပြောပါသည်။

အပစ်ရပ်ထားသည့် မိုင်းလားတပ်ဖွဲ့ နှင့် ၀ တပ်ဖွဲ့တို့သည် လက်ရှိကျင်း ပမည့် လိုင်ဇာညီလာခံအားတက်ရောက်မည်မ ဟုတ်ကြောင်း၊ တက်ဖို့လည်းမလိုအပ်ကြောင်း၊သို့သော်တနိုင်ငံလုံးအပစ်ရပ်ပွဲတွင် မြန်မာအစိုးရဖိတ်ကြားပါက တက်ရောက်မည်ဖြစ်ကြောင်းအမည်မဖေါ်လိုသူ မိုင်းလားတပ်ဖွဲ့ အရာရှိ ကပြော သည်။

“ကျနော်တို့နဲ့ မိုင်းလာက အထူးနီးစပ်တဲ့ မဟာမိတ်တွေလေ။ ကျနော်တို့ လဲ အဲဒီ လိုင်ဇာ အစည်းဝေးကို မသွားဘူး။ သူတို့လဲမသွားဘူး။ အခုဟာက - စောင့်ကြည့်နေရဦးမှာလဲ။ ဘာဘဲ ဖြစ် ဖြစ် ကျနော်တို့ က အပစ်ရပ်ထားတဲ့ တပ်ဖွဲ့တွေဘဲ” - ဟု အမည်မဖေါ်လိုသည့် ပန်ဆန်းအရာရှိတဦးကပြော သည်။

“တပ်မတော်က သမ္မတ ဘက်ကလည်း မလိုက်ဘူး။ ဦးရွှေမန်း ဘက်ကလည်း မလိုက်ဘူး”

ဗိုလ်မှူးချုပ်ဝေလင်း (ဓာတ်ပုံ – ဧရာဝတီ)

အငြိမ်းစား ဗိုလ်ချုပ်မှူးကြီးဦးသန်းရွှေက မြန်မာ့နိုင်ငံရေးဖြစ်စဉ်များအပေါ် စိုးရိမ်သည်ဟု ပြောဆိုကြောင်း သူရဦးရွှေမန်းက သတင်းစာ ရှင်းလင်းပွဲတခုတွင် ထုတ်ဖော်ပြောဆိုလိုက်ပြီးနောက် မြန်မာ့နိုင်ငံရေးလောကတွင် ဦးသန်းရွှေစိုးရိမ်မှုနှင့် ပတ်သက်ပြီး အမျိုးမျိုးအဖုံဖုံ သုံးသပ်ပြောဆိုနေကြသည်။ လတ်တလော နိုင်ငံရေးအခြေအနေမှာလည်း အခြေခံဥပဒေ ပြင်ရေး၊ အသစ်ရေးဆွဲရေး၊ ငြိမ်ချမ်းရေးနှင့်အပစ်အခတ်ရပ်စဲရေး၊ အာဏာလွန်ဆွဲပွဲများနှင့် ရှုပ်ထွေးနေပြီး အာဏာရှိ ပုဂ္ဂိုလ်များ အကြား အကွဲအပြဲများတွေ့မြင်နေရသည်။  လက်ရှိနိုင်ငံရေးတွင် တပ်မတော်၏ အခန်းကဏ္ဍသည် မြန်မာ့ နိုင်ငံရေး အတွက် အဆုံးအဖြတ်အဖြေ တခု ဖြစ်နေရာ  တပ်မတော်သား ပြည်သူ့လွှတ်တော် ကိုယ်စားလှယ် ခေါင်းဆောင် လည်းဖြစ်၊ တောင်ပိုင်းတိုင်းစစ်ဌာနချုပ်၏ ဒုတိယတိုင်းမှူးလည်းဖြစ်သူ ဗိုလ်မှူးချုပ်ဝေလင်းကို ဧရာဝတီ အယ်ဒီတာ အဖွဲ့ဝင် သာလွန်ဇောင်းထက်က ဆက်သွယ်မေးမြန်းထားပါသည်။
မေး။     ။ အငြိမ်းစား ဗိုလ်ချုပ်မှူးကြီး ဦးသန်းရွှေက လက်ရှိ မြန်မာ့နိုင်ငံရေးအပေါ် စိုးရိမ်တယ်ဆိုပြီး ပြောတယ်လို့ သူရ ဦးရွှေမန်းက သတင်းစာရှင်းလင်းပွဲမှာ ပြောဆိုပါတယ်။ အဲဒီတော့ လက်ရှိ မြန်မာ့နိုင်ငံရေး အခြေအနေ က ဘယ်လိုမျိုး စိုးရိမ်စရာ တွေရှိနေပြီလဲ။
ဖြေ။     ။ အဲဒါနဲ့ပတ်သက်လို့တော့  ဗိုလ်ချုပ်ကြီးသူရရွှေမန်းရဲ့ ယူဆချက်ပဲဖြစ်မယ်ထင်တယ်။ စိုးရိမ်စရာ ဘာမှ မရှိဘူးလေ။ ကိုယ်တို့လည်း လွှတ်တော်မှာ တက်နေတာပဲ။ ကိုယ့်လုပ်ငန်းတွေ ကိုယ်လုပ်နေကြတာပဲ။ ပါတီတွေလည်း လုပ်ငန်းတွေ ကိုယ်စီနဲ့ လုပ်နေကြတာပဲ။ လောလောဆယ် စိုးရိမ်စရာတော့မရှိဘူး ထင်တယ်။  ဖွဲ့စည်းပုံ အခြေခံဥပဒေ နဲ့ပတ်သက်လို့ လည်း ဘာမှ စိုးရိမ်စရာမရှိဘူး။   အားလုံး လေ့လာနေကြတာပဲ။ အပြုသဘောနဲ့ အကုန်လုံး ၀ိုင်း ဆွေးနွေး ကြမယ့် သဘောပဲ။

မန္တလေး အပါအဝင် မြို့ခြောက်မြို့တွင် ကွန်တိန်နာဆိပ်ကမ်း တည်ဆောက်မည်

မန္တလေး၊ အောက်တိုဘာ ၂၇

ပြည်တွင်း ရေကြောင်းပို့ဆောင်ရေးကဏ္ဍ ဖွံ့ဖြိုး တိုးတက်ရေးအတွက် အဆင့်မြင့် ကွန်တိန်နာဆိပ်ကမ်း ခြောက်ခုကို မန္တလေးမြို့တော် အပါအဝင် မြို့ကြီးများ၌ တည်ဆောက်သွားမည် ဖြစ်ကြောင်း ပို့ဆောင်ရေး ဝန်ကြီးဌာန ရေအရင်းမြစ်နှင့် မြစ်ချောင်းများ ဖွံ့ဖြိုးတိုးတက်ရေး ဦးစီးဌာန ညွှန်ကြားရေးမှူးချုပ် ဦးထွန်းလွင်ဦးက ပြောကြားသည်။

မန္တလေးမြို့တော် ကမ်းနားလမ်းပေါ်တော်မူ ဘုရားရင်ပြင်တော်တွင် အောက်တိုဘာလ ၂၆ ရက်နေ့ နံနက် ၁၀ နာရီတွင် ပြုလုပ်သော ပြည်တွင်း ရေကြောင်းပို့ဆောင်ရေးကဏ္ဍ တိုးတက်ဖွံ့ဖြိုးရေး သဘာဝပတ်ဝန်းကျင် ထိခိုက်မှုကို ဆန်းစစ်လေ့လာ အကဲဖြတ်ခြင်း လူထုတွေ့ဆုံ ရှင်းလင်းပွဲတွင် ၎င်းကအထက်ပါအတိုင်း ပြောကြားခြင်း ဖြစ်သည်။

ယင်းဆိပ်ကမ်းများအနက် မန္တလေးမြို့တော် ဆိပ်ကမ်းမြေနေရာမှာ လျာထားပြီးဖြစ်ကာ မြေဧရိယာ ၃၁ ဒသမ ၃၉ ဧကတွင် ဆောင်ရွက်သွားမည် ဖြစ်ပြီး စီမံကိန်းမှာ ၂၀၁၅ ခုနှစ် နှစ်ဆန်းပိုင်းတွင် စတင်နိုင်မည် ဖြစ်ကြောင်း မန္တလေးတိုင်းဒေသကြီး အစိုးရအဖွဲ့လမ်းပန်း ဆက်သွယ်ရေးဝန်ကြီး ဦးကျော်ဆန်းက ပြောကြားသည်။

သစ်ပင်တက်ခုတ်သည့် အမျိုးသားတစ်ဦး ဓာတ်လိုက်သေဆုံး

ဇော်ဇော်ထွေး

တွံတေးမြို့နယ်တွင် သစ်ပင်တက်ခုတ်သည့် အမျိုးသားတစ်ဦး အောက်တိုဘာ ၂၇ ရက်က သစ်ပင်ပေါ်တွင် ဓာတ်လိုက်သေဆုံးခဲ့သည်ဟု ရန်ကုန်တိုင်း ရဲတပ်ဖွဲ့မှူးရုံးက ဆိုသည်။

အဆိုပါ သေဆုံးမှုကို မွန်းလွဲ ၂ နာရီခွဲအချိန် သတင်းအရ တွံတေးမြို့နယ် ရဲစခန်းမှ တာဝန်ရှိသူများက သွားရောက်စစ်ဆေးခဲ့ကြပြီး တွေ့ရှိချက်အရ သေဆုံးသူမှာ ဘုရားကြီးကျေးရွာ မြောက်ပိုင်းနေ လယ်လုပ် ကိုင်သူ ကိုချစ်ကိုကို (၁၈)နှစ် ဖြစ်သည်။

၎င်းသည် မိုးရွာပြီးစအချိန် နေအိမ်ရှေ့လမ်းပေါ်ရှိ သရက်ပင်ပေါ်သို့တက်ကာ အပင်၏ အရှေ့ဘက်တွင် ထွက်နေသော သစ်ကိုင်းကို ခုတ်ခဲ့သည်ကို စစ်ဆေးတွေ့ရှိထားသည်ဟု ရဲတပ်ဖွဲ့က ဆိုသည်။

တရုတ်ကအင်အားသုံးလာပါက ဂျပန်အနေဖြင့် တုံ့ပြန်ရန်အသင့်ရှိကြောင်း ဂျပန်ဝန်ကြီးချုပ်သတိပေး

AFP

အကယ်၍ တရုတ်နိုင်ငံအနေဖြင့် ပထ၀ီနိုင်ငံရေးအကျိုးစီးပွားတွင် အင်အားသုံးခြင်းကို ဦးစားပေးမည်ဆို ပါကဂျပန်နိုင်ငံအနေဖြင့်လည်း တရုတ်နိုင်ငံကိုတုံ့ပြန်ရန်အသင့်ရှိကြောင်း စနေနေ့ကထုတ်ဝေခဲ့သည့် အင်တာဗျူးတစ်ခုတွင် ဂျပန်ဝန်ကြီးချုပ်ရှင်ဇိုအာဘေးကပြောခဲ့ကြောင်း အောက်တိုဘာ ၂၇ ရက် က အေအက်ဖ်ပီ သတင်းဌာနမှဖော်ပြထားသည်။

“ဂျပန်နိုင်ငံအနေနဲ့ စီးပွားရေးမျက်နှာစာမှာသာမက အာရှ-ပစိဖိတ်ဒေသရဲ့ လုံခြုံရေးနယ်ပယ်မှာလည်း ခေါင်းဆောင်မယ်လို့ မျှော်လင့်ထားကြောင်း ကျွန်တော်သဘောပေါက်ပါတယ်” ဟု ယခုလအတွင်း ဒေသတွင်းခေါင်းဆောင်များနှင့်အတူ ထိပ်သီးဆွေးနွေးပွဲများတက်ရောက်ခဲ့သည့် ဂျပန်ဝန်ကြီးချုပ် အာဘေးက Wall Street ဂျာနယ်ကို ပြောကြားခဲ့သည်။

လွန်ခဲ့သည့် ၁၅ နှစ်ကျော်အတွင်း ဂျပန်နိုင်ငံသည် ပြည်တွင်းရေးကိုသာ အဓိကအာရုံစိုက်ခဲ့သော်လည်း၊ ဂျပန်စီးပွားရေးအင်အား ပြန်လည်တောင့်တင်းလာသည်နှင့်အမျှကမ္ဘာကြီး ပိုမိုကောင်းမွန်သောနေရာ တစ်ခုဖြစ်လာအောင် ပြုလုပ်ရေးတွင်လည်း ပိုမိုအားထည့်ဆောင်ရွက်သွားမည်ဖြစ်ကြောင်း ဂျပန်ဝန်ကြီး ချုပ်က ပြောခဲ့သည်။

မြို့နယ်ရဲမှူးဦးဆောင်သော မော်တော်ယာဉ် စစ်ဆေးရေးအဖွဲ့အား ကိုယ်ပိုင်ကားတစ်စီးက အရှိန်လျော့မပေးဘဲ ၀င်တိုက်

ဇော်ဇော်ထွေး

စမ်းချောင်းမြို့နယ် ရဲတပ်ဖွဲ့မှူးရုံးမှ ရဲမှူးဦးဆောင်သော ယာဉ်စစ်ပိတ်ဆို့စစ်ဆေးရေးအဖွဲ့အား ကိုယ်ပိုင် ကားတစ်စီးက ရပ်တန့်ခြင်းမရှိဘဲ အရှိန်ပြင်းစွာဖြင့် ၀င်တိုက်မှုတစ်ခု အောက်တိုဘာ ၂၇ ရက် ည ၁၂ နာရီကျော်က ဖြစ်ပွားခဲ့ကြောင်း ရန်ကုန်တိုင်းရဲတပ်ဖွဲ့မှူးရုံးက ဆိုသည်။

အမှုတွင် ယင်းနေ့ည ၁၀ နာရီက စမ်းချောင်းမြို့နယ်ရဲမှူး အပါအ၀င် ယဉ်ထိန်းရဲများသည် ပြည်လမ်းရှိ ဟံသာဝတီအ၀ိုင်း ကားမှတ်တိုင်တွင် ပူးပေါင်းယာဉ်စစ်ပိတ်ဆို့ရှာဖွေရေးများ ပြုလုပ်နေစဉ် စမ်းချောင်း မုန့်လက်ဆောင်ကုန်းရပ်ကွက်၊ မကြီးကြီးလမ်းနေ ဦးမြင့်စိုးမောင်းနှင်လာသည့် မတ်တူးအမျိုးအစား ခဲ ရောင် ကိုယ်ပိုင်ယာဉ်သည် အရှိန်ပြင်းစွာဖြင့် မြေနီကုန်းဘက်မှ ဟံသာဝတီ အ၀ိုင်းဘက်သို့ အရှိန်ပြင်းစွာ မောင်းခဲ့သည်ဟု ဆိုထားသည်။

ထို့ကြောင့် ယာဉ်ထိန်းတပ်ဖွဲ့ဝင်များက လက်အချက်ပြမီးချောင်းများဖြင့် အရှိန်လျှော့ပေးရန် တားမြစ်ခဲ့ သော်လည်း လိုက်နာခြင်းမရှိဘဲ ဆက်လက်မောင်းဝင်ခဲ့သည်ဟု မှုခင်းမှတ်တမ်းတွင် ဖော်ပြထားသည်။

ရည်းစားနှင့် ချိန်းတွေ့ပြီး ယောက်ျားလေးကို ရွှေလက်ကောက်ခိုးယူဟု စွပ်စွဲ

ကိုတိုးကြီး

မုံရွာမြို့၊ ရုံးကြီးရပ်ကွက် ၀င်းယူနတီဟိုတယ်တွင် တည်းခိုခဲ့ပြီးနောက် စုံတွဲတစ်တွဲမှ မိန်းကလေးဖြစ်သူက ရွှေလက်ကောက် ပျောက်ဆုံးသွား သည့်အတွက် သူမနှင့်အတူ တည်းခိုခဲ့သူယောက်ျားလေးကို ခိုးယူပေါင်နှံသူအဖြစ် စွပ်စွဲတိုင်တန်းလိုက်သည့်အတွက် ရဲစခန်းက အမှုဖွင့်လိုက်သည်။

အဆိုပါ မိန်းကလေးမှာ မုံရွာမြို့တွင် အိမ်ငှားနေထိုင်ကာ စာရင်းအင်း ပညာရပ်သင်တန်းများ တက်ရောက် နေသူဖြစ်ပြီး ရည်းစားဖြစ်သူ၏ ချိန်းဆိုချက်အရ အောက်တိုဘာ ၅ ရက်က ၀င်းယူနတီဟိုတယ်တွင် တည်းခိုရန် သွားရောက်ခဲ့ကြောင်း ရဲမှတ်တမ်းများတွင် ဖော်ပြထားသည်။

ခိုးယူခံရသည်ဟု စွပ်စွဲထားသည်မှာ ပလက်တီနမ်မှုတ်ထားသည့် တစ်ကျပ်သားခန့်ရှိသည့် ရွှေထည် လက်ကောက်နှစ်ကွင်းဖြစ်ပြီး ဟိုတယ်တွင် တည်းခိုနေစဉ်အတွင်း မိန်းကလေး၏ လက်ကိုင်ပိုက်ဆံ အိတ်အတွင်း ထည့်ထားခဲ့သည်ဟု ရဲစခန်းတွင် ထွက်ဆိုထားသည်။

နိုင်ငံခြား ရင်းနှီးမြှုပ်နှံမှုနှင့် နိုင်ငံသားများ၏ အကျိုးစီးပွား

မုံရွာမြို့အနီးရှိ ကြေးနီထုတ်လုပ်မည့် လက်ပံတောင်းတောင် စီမံကိန်း လုပ်ငန်းခွင်ကို တွေ့ရစဉ်
ပြီးခဲ့တဲ့ အောက်တိုဘာလ တတိယပတ် အတွင်းက ရန်ကုန်မြို့မှာရှိတဲ့ ပြည်ထောင်စု မြန်မာနိုင်ငံ ကုန်သည်ကြီးများနှင့် စက်မှုလက်မှု လုပ်ငန်းရှင်များ အသင်းချုပ်မှာ ပြုလုပ်တဲ့ သတ္တုတူးဖော်ရေးကဏ္ဍ ဖွံ့ဖြိုးတိုးတက်ရေး ဆွေးနွေးပွဲမှာ သြစတြေးလျ ပညာရှင် အချို့ရဲ့ နိုင်ငံခြားရင်းနှီး မြှုပ်နှံမှုတွေ ဖိတ်ခေါ်မှုတွေအပေါ် အကြံပြုချက်တွေက စိတ်ဝင်စားစရာ ကောင်းလှပါတယ်။
သြစတြေးလျ ပညာရှင်တွေက အကြံပြုချက်
သြစတြေးလျ ပညာရှင်တွေက သတ္တုတူးဖော်ရေး ဥပဒေ ရေးဆွဲတာနဲ့နိုင်ငံခြား ရင်းနှီးမြှုပ်နှံမှု ဖိတ်ခေါ်ရာမှာ နိုင်ငံခြားငွေ ရရှိရေးထက် နိုင်ငံနှင့် နိုင်ငံသားတွေ အတွက် အကျိုးစီးပွားကို မြှင့်တင်ပေးနိုင်တဲ့ ဥပဒေတွေ ရေးဆွဲဖို့ လိုအပ်ပြီး အကျိုးစီးပွား ထုတ်ယူဖို့သာ လုပ်ဆောင်တဲ့ စီးပွားရေး ကုမ္ပဏီတွေထက် ရေရှည်တည်တံ့တဲ့ အကျိုးစီးပွားကို ဆောင်ကြဉ်းပေးနိုင်တဲ့ ကုမ္ပဏီတွေကို ရွေးချယ်သင့်တယ်လို့ အကြံပြုခဲ့တာ ဖြစ်ပါတယ်။ ယခုနောက်ပိုင်း စီးပွားရေး လုပ်ငန်းတွေ ထူထောင်လုပ်ကိုင်ဖို့ ခွင့်ပြုရာမှာ အရေးကြီးတဲ့ သဘာဝ ပတ်ဝန်းကျင် ထိန်းသိမ်းရေးအတွက် ထည့်သွင်း ဆောင်ရွက်တဲ့ လုပ်ငန်းတွေ ဖြစ်ဖို့လိုအပ်ပြီး နိုင်ငံတကာ စီးပွားရေး စံနှုန်းတွေကို ဘယ်လောက်ထိ လိုက်နာနေသလဲဆိုတာ လေ့လာအကဲဖြတ်ဖို့ လိုအပ်တယ်လို့ သြစတြေးလျ ပညာရှင်တွေက အကြံပြုခဲ့တယ်လို့ မီဒီယာတွေမှာ ဖတ်လိုက်ရပါတယ်။

စည်းကမ်းမဲ့ မောင်းနှင်နေသည့် မော်တော်ယာဉ်များကို အမြင့်ဆုံး ထောင်ဒဏ် ခြောက်လအထိ အရေးယူမှု နိုဝင်ဘာ ၁၅ ရက်တွင် စတင်မည်

(တာမွေမြို့နယ် အ၀ိုင်းထိပ် ကားမှတ်တိုင်အနီး လမ်းပြောင်းပြန် မောင်းနှင်လာသည့် ခရီးသည်တင် ဘီအမ်တစ်စီးကို တွေ့ရစဉ် (ဓာတ်ပုံ-အောင်မျိုးသန့်))

ရန်ကုန်တိုင်း ဒေသကြီးအတွင်း စည်းကမ်းမဲ့စွာ မောင်းနှင်နေသည့် မော်တော်ယာဉ်များကို နိုဝင်ဘာ ၁၅ ရက်မှ စတင်ကာ အမြင့်ဆုံး ထောင်ဒဏ် ခြောက်လအထိ အရေးယူသွားမည် ဖြစ်ကြောင်း ယာဉ်ထိန်းဒု တပ်ဖွဲ့ခွဲမှူးရုံး (ရန်ကုန်) မှ တာဝန်ရှိသူ ရဲမှူးသာဌေးက အောက်တိုဘာ ၂၈ ရက် နံနက်ပိုင်းတွင် ပြောကြားခဲ့သည်။

တစ်ဖက် ယာဉ်ကြောမှ ပြောင်းပြန် မောင်းနေသည့် ယာဉ်များအပါအ၀င် စည်းကမ်းမဲ့ မောင်းနှင်နေသည့် ယာဉ်မောင်းများကို အနိမ့်ဆုံး ပြစ်ဒဏ်အနေဖြင့် လိုင်စင်ပိတ်သိမ်းပြီး အရေးယူသွားမည် ဖြစ်ကြောင်း သိရှိရသည်။

ယခင်က စည်းကမ်းမဲ့ မောင်းနှင်နေသည့် မော်တော်ယာဉ်များကို စီမံချက် ဒဏ်ငွေများဖြင့် အရေးယူ သော်လည်း လိုက်နာမှု လုံးဝမရှိသောကြောင့် အဆိုပါ စီမံချက်ဒဏ်ငွေကို ပယ်ဖျက်ကာ အမြင့်ဆုံး ထောင်ဒဏ် ခြောက်လအထိ အရေးယူမှု အစီအစဉ်ကို ဥပဒေအတိုင်း သတ်မှတ်ရခြင်း ဖြစ်ကြောင်း သိရသည်။

လွန်ခဲ့သည့် ၁၉ နှစ်က ပေးအပ်ထားသည့် ဂုဏ်ထူးဆောင် ရောမမြို့တော်သူဆုကို ဒေါ်အောင်ဆန်းစုကြည် လက်ခံရယူ

(ဆုလက်ခံ ရယူနေသည့် ဒေါ်အောင်ဆန်းစုကြည်ကို ရောမမြို့တော်ဝန်၊ မြို့တော်ဝန်ဟောင်းနှင့် ကမ္ဘာကျော် ဘောလုံးသမား ရောဘတ်တိုဘတ်ဂီယို တို့နှင့်အတူ တွေ့ရစဉ် (Photo:AFP))

အီတလီနိုင်ငံ ရောမမြို့သို့ ရောက်ရှိနေသော မြန်မာ့အတိုက်အခံ ခေါင်းဆောင် ဒေါ်အောင်ဆန်းစုကြည်သည် တနင်္ဂနွေနေ့တွင် ဂုဏ်ထူးဆောင် ရောမမြို့တော်သူဆုကို လက်ခံရယူနိုင်ခဲ့ပြီ ဖြစ်သည်။ ဒေါ်အောင်ဆန်းစုကြည်သည် ထိုဆုကို ချီးမြှင့်ခံထားရပြီး ၁၉ နှစ်အကြာတွင်မှ လက်ခံရယူ နိုင်ခဲ့ခြင်းဖြစ်သည်။

ရောမမြို့တော်ဝန် Ignazio Marino က ၎င်း၏ တွစ်တာအကောင့်တွင် ရေးသားထားခဲ့ရာ၌ ''ဒေါ်အောင်ဆန်းစုကြည်ကို ဂုဏ်ထူးဆောင် ရောမမြို့တော်သူအဖြစ် ပေးအပ်ခဲ့တာ အခုဆိုရင် ၁၉ နှစ် ကြာမြင့်နေခဲ့ပါပြီ။ ဒီနေ့တော့ လွတ်လပ်တဲ့ အမျိုးသမီး တစ်ဦးကို ဒီဆုကို ပေးအပ်နိုင်ခဲ့ပါပြီ'' ဟု ရေးသားထားခဲ့သည်။

ဒေါ်အောင်ဆန်းစုကြည်သည် နေအိမ် အကျယ်ချုပ် ဘ၀ဖြင့် ဆယ်စုနှစ် နှစ်ခုကြာ နေထိုင်ခဲ့ရပြီး အဆိုပါဆုကို ၎င်းအကျယ်ချုပ် ကျခံနေရချိန်တွင် ချီးမြှင့်ခဲ့ခြင်းဖြစ်သည်။ ''ဒီဆုဟာ ဒေါ်အောင်ဆန်းစုကြည်ရဲ့ အကြမ်းမဖက်ဘဲ ဒီမိုကရေစီနဲ့ လူ့အခွင့်ရေးအတွက် ကြိုးစားအားထုတ် မှုတွေကို အသိအမှတ်ပြုခြင်း ဖြစ်ပါတယ်'' ဟု မြို့တော်ဝန်ရုံးမှ ထုတ်ပြန်ခဲ့သည်။

တိုင်းရင်းသား လက်နက်ကိုင်များ၏ လိုင်ဇာထိပ်သီး ဆွေးနွေးပွဲတွင် တစ်နိုင်ငံလုံး အတိုင်းအတာအရ အပစ်ရပ်ရေး မူကြမ်းနှစ်ခုကို ညှိနှိုင်းပြီး တစ်ခုတည်းဖြစ်ရန် ဆွေးနွေးမည်

တိုင်းရင်းသား လက်နက်ကိုင်များ၏ လိုင်ဇာ

တိုင်းရင်းသား လက်နက်ကိုင်များ၏ လိုင်ဇာထိပ်သီး ဆွေးနွေးပွဲတွင် တစ်နိုင်ငံလုံး အတိုင်းအတာအရ အပစ်အခတ် ရပ်စဲရေး မူကြမ်းနှစ်ခုကို ညှိနှိုင်းပြီး တစ်ခုတည်းဖြစ်ရန် အဓိက ညှိနှိုင်းဆွေးနွေးရန် စီစဉ်ထားကြောင်း ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC) ၏ တွဲဖက် အတွင်းရေးမှူး-၂ ဗိုလ်မှူးကြီး ခွန်ဥက္ကာက အောက်တိုဘာ ၂၈ ရက်တွင် ကေအိုင်အို ဌာနချုပ် လိုင်ဇာမြို့တွင် ပြောကြားသည်။

တိုင်းရင်းသား လက်နက်ကိုင် အဖွဲ့အစည်း (၁၇) ဖွဲ့ကျော် တက်ရောက်မည့် တိုင်းရင်းသား လက်နက်ကိုင်များ၏ ထိပ်သီးညီလာခံကို အောက်တိုဘာ ၃၀ ရက်မှ နိုဝင်ဘာ ၁ ရက် အထိ ကေအိုင်အို ဌာနချုပ် လိုင်ဇာတွင် ပြုလုပ်မည်ဖြစ်ပြီး ထိပ်သီးဆွေးနွေးပွဲ မတိုင်မီ အချိန်တွင် ဗိုလ်မှူးကြီး ခွန်ဥက္ကာက ယင်းကဲ့သို့ ပြောကြားလိုက်ခြင်း ဖြစ်သည်။

တစ်နိုင်ငံလုံး အတိုင်းအတာအရ အပစ်အခတ် ရပ်စဲရေး စာချုပ်မူကြမ်းနှင့် ပတ်သက်ပြီး ဇူလိုင်လ နှောင်းပိုင်းက ပြုလုပ်ခဲ့သော ဒုတိယအကြိမ် တိုင်းရင်းသား ညီလာခံတွင် ဆုံးဖြတ်ချက်များနှင့် အောက်တိုဘာလ အတွင်းက UNFC အဖွဲ့တွင်း ပြုလုပ်ခဲ့သော အစည်းအဝေးတို့မှ ရေးဆွဲခဲ့သည် မူကြမ်းတစ်ခု ရှိနေသည်။ ထို့အပြင် တိုင်းရင်းသား ပူးပေါင်းဆောင်ရွက်ရေး ကော်မတီ (WGEC) မှ ရေးဆွဲပြီး KNU နှင့် RCSS တို့မှ အစိုးရ အဖွဲ့သို့ တင်ပြပြီး အစိုးရဘက်က ပြင်ဆင်ဖြည့်စွက် ချက်များနှင့် ရေးဆွဲထားသော အပစ်အခတ် ရပ်စဲရေး သဘောတူညီချက် မူကြမ်းတစ်ခုလည်း ရှိနေပြီး ထိုမူကြမ်းနှစ်ခုကို လိုင်ဇာထိပ်သီး ဆွေးနွေးပွဲတွင် ညှိနှိုင်းရန် ပြင်ဆင်နေခြင်း ဖြစ်သည်။