ဒေါ်အောင်ဆန်းစုကြည် ဥက္ကဌအဖြစ် တာဝန်ယူမည့် လက်ပံတောင်းတောင် ကြေးနီစီမံကိန်း စုံစမ်းစစ်ဆေးရေးကော် မရှင် နိုင်ငံတော်သမ္မတ ဖွဲ့စည်း

 ဒေါ်အောင်ဆန်းစုကြည် ဥက္ကဌအဖြစ် တာဝန်ယူမည့် လက်ပံတောင်းတောင် ကြေးနီစီမံကိန်း စုံစမ်းစစ်ဆေးရေးကော်မရှင်ကို နိုင်ငံတော်သမ္မတ ဦးသိန်းစိန်က ဒီဇင်ဘာလ ၁ ရက်နေ့တွင် ဖွဲ့စည်းခဲ့ကြောင်း နိုင်ငံတော်သမ္မတရုံးက အမိန့်ကြော်ငြာစာ အမှတ် ၉၂/၂၀၁၂ ဖြင့် ထုတ်ြ

ပန်ခဲ့သည်။

အဆိုပါစုံစမ်းစစ်ဆေးရေးကော်မရှင်တွင် ဒေါ်အောင်ဆန်းစုကြည် အပါအ၀င် အမျိုးသားဒီမိုကရေစီ အဖွဲ့ချုပ်မှ လွှတ်တော်ကိုယ်စားလှယ် ၃ ဦး၊ ပြည်ထောင်စုကြံခိုင်ရေးနှင့် ဖွံ့ဖြိုးရေးပါတီမှ လွှတ်တော်ကိုယ်စားလှယ် ၄ ဦး၊ နိုင်ငံရေးပါတီခေါင်းဆောင် ၂ ဦး၊ ၈၈ မျိုးဆက် ကျောင်းသားအဖွဲ့မှ ၂ ဦး၊ အစိုးရ အရာရှိ ၈ ဦး၊ တပ်မတော်မှ အရာရှိကြီး ၁ ဦး၊ မြန်မာနိုင်ငံ အမျိုးသားလူ့အခွင့်အရေးကော်မရှင်မှ ၂ ဦး၊ စာရေးဆရာ ၁ ဦး၊ Myanmar Enviromental Institute မှ ၂ ဦး၊ မြန်မာ့စီးပွားရေးဦးပိုင်လီမီတက်မှ ၁ ဦး၊ Myanmar Peace Centre မှ ၁ ဦးနှင့် ဒေသခံ ၃ ဦးတို့ပါဝင်ကြောင်း သိရသည်။

ယင်းကော်မရှင်တွင် အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင် ဆန်းစုကြည်အား ဥက္ကဋ္ဌ အဖြစ် တာဝန်ပေးအပ်ထားပြီး အတွင်းရေးမှူးအဖြစ် မြန်မာနိုင်ငံ အမျိုးသားလူ့အခွင့်အရေးကော်မရှင်မှ ဦးစစ်မြိုင်အား တာဝန်ပေးအပ်ထားကြောင်း သိရသည်။

လက်ပံတောင်းတောင် ကြေးနီစီမံကိန်းအား သဘာဝပတ်ဝန်းကျင်ထိန်းသိမ်းရေးအတွက် နိုင်ငံတကာ ပြဋ္ဌာန်းချက်များ၊ ဆောင်ရွက်သင့်သည့် နည်းပညာများ အသုံးပြု၍ စနစ်တကျ ဆောင်ရွက်ခြင်းရှိမရှိ၊ ကြေးနီစီမံကိန်းကြောင့် လူမှုပတ်ဝန်းကျင်နှင့် သဘာဝပတ်ဝန်းကျင်အပေါ် ကောင်းကျိုးနှင့် ဆိုးကျိုးသက်ရောက်မှုများ၊ ကြေးနီစီမံကိန်း ဆောင်ရွက်ခြင်းကြောင့် နိုင်ငံတော်အတွက် အကျိုးရှိမရှိ၊ ကြေးနီစီမံကိန်းရပ်ဆိုင်းရန် ဆန္ဒထုတ်ဖော်ရသည့် အကြောင်းရင်းများ၊ ဆန္ဒဖော် ထုတ်မှုအပေါ် ထိန်းသိမ်းဆောင်ရွက်မှုနှင့် ဆန္ဒဖော်ထုတ်သည့် သံဃာတော်များအား ထိခိုက်ဒဏ်ရာရသည့် အပေါ်သုံးသပ်ချက်၊ ကြေးနီစီမံကိန်းအား ဆက်လက်ဆောင်ရွက်ရန် သင့်မသင့်နှင့် နိုင်ငံခြားရင်းနှီးမြှုပ်နှံမှုအား ရပ်ဆိုင်းရန် သင့်မသင့်၊ နိုင်ငံဖွဲ့ဖြိုးတိုးတက်ရေးနှင့် ဥပဒေစိုးမိုးရေးဆိုင်ရာ အကြံပြုချက်များ၊ ကော်မရှင်၏ အထွေထွေသုံးသပ် တင်ပြချက်နှင့် အကြံပြုချက်များကို စုံစမ်းစစ်ဆေးရေး ကော်မရှင်မှ အစီရင်ခံစာရေးသားကာ ဒီဇင်ဘာလ ၃၁ ရက်နေ့မတိုင်မီ နိုင်ငံတော် သမ္မတထံ ပေးပို့သွားရမည်ဖြစ်သည်။

စုံစမ်းစစ်ဆေးရေးကော်မရှင်သည် စုံစမ်းစစ်ဆေးမှုများ ဆောင်ရွက်ရာတွင် ပြစ်မှုဆိုင်ရာကျင့်ထုံး ဥပဒေ၊ သက်သေခံဥပဒေတို့နှင့်အညီ စုံစမ်းစစ်ဆေးနိုင်သည့်အပြင် သက်သေများဆင့်ခေါ်ခြင်း၊ စာရွက်စာတမ်းများ တောင်းခေါ်ခြင်းနှင့် လိုအပ်သည့်နေရာသို့ သွားရောက်စစ်ဆေးခြင်းတို့ ဆောင်ရွက်ခွင့်ရှိကြောင်း နိုင်ငံတော်သမ္မတ၏ ကြေညာချက်တွင် ဖော်ပြခဲ့သည်။

လက်ပံတောင်းတောင် ကြေးနီစီမံကိန်းနှင့်ပတ်သက်၍ အကျိုးသက်ရောက်မှုအပေါ် လွတ်လပ်သော နိုင်ငံတော်အဆင့် ကော်မရှင်တစ်ရပ်ဖွဲ့စည်းစစ်ဆေးရန် အရေးကြီးအဆို တစ်ရပ်ကို NLD ပါတီမှ နိုဝင်ဘာ လ ၂၃ ရက်နေ့က ပြုလုပ်သော ပြည် သူ့လွှတ်တော်အစည်းအဝေးတွင် တင်သွင်းခဲ့ကာ ယင်းအဆိုကို လွှတ်တော်က အတည်ပြုခဲ့သည်။

လက်ပံတောင်းတောင် ကြေးနီစီမံကိန်းသည် မြန်မာ့စီးပွားရေးဦးပိုင်လီမိတက်နှင့် တရုတ်ဝမ်ပေါင် ကုမ္ပဏီတို့ အကျိုးတူပူးပေါင်းဆောင် ရွက်နေခြင်းဖြစ်ပြီး ယင်းစီမံကိန်းကြောင့် လယ်ယာမြေများ သိမ်းဆည်းခံရခြင်း၊ သဘာဝပတ်ဝန်းကျင် ထိခိုက်ပျက်စီးခြင်း၊ ဒေသခံများ ကျန်းမာရေးထိခိုက်ခြင်းနှင့် သာသနိကအဆောက်အအုံများ၊ စာသင်ကျောင်းများ ဖျက်ဆီးခံရသည်ဟုဆိုကာ ၂၀၁၂ ခုနှစ် မတ်လမှစ၍ စီမံကိန်း ဖျက်သိမ်းပေးရန် တောင်းဆိုမှုများ ဆက်တိုက်ဖြစ်ပေါ်ခဲ့သောကြောင့် အစိုးရမှတားမြစ်နယ်မြေအဖြစ် ပုဒ်မ ၁၄၄ ထုတ်ပြန်ကာ တားမြစ်ခဲ့သည်။

နိုဝင်ဘာလ ၁၈ ရက်နေ့မှစ၍ သံဃာတော်များမှ ယင်းတားမြစ် ဧရိယာအတွင်း သပိတ်စခန်းများဖွင့်လှစ်ကာ ဆန္ဒဖော်ထုတ်မှုများပြုလုပ်ခဲ့ပြီး အစိုးရက နိုဝင်ဘာလ ၂၇ ရက်နေ့ ည ၁၂ နာရီနောက်ဆုံးထားကာ သပိတ်စခန်းများ ဖျက်သိမ်းပေးရန် ကြေညာချက် ထုတ်ပြန်ခဲ့သည်။ ထို့နောက် အမျိုးသား ဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်လာရောက်မည့် နိုဝင်ဘာလ ၂၉ ရက်နေ့ နံနက် ၃ နာရီတွင် လုံခြုံရေးရဲတပ်ဖွဲ့ဝင်များမှ အကြမ်းဖက်ဖြိုခွင်းမှုများ ပြုလုပ်ခဲ့သောကြောင့် သံဃာတော်များအပါအ၀င် ရာဂဏန်းဝန်းကျင် ထိခိုက် ဒဏ်ရာရရှိမှုများ ရှိခဲ့ကြောင်း သိရသည်။

ယခုကဲ့သို့ ဖြိုခွင်းခဲ့ခြင်းမှာ ၂၀၁၁ ခုနှစ် မတ်လတွင် ဦးသိန်းစိန် သမ္မတအဖြစ် တာဝန်ယူပြီးနောက်ပိုင်း ဆန္ဒဖော်ထုတ်မှုများကို အကြီးမားဆုံး အင်အားသုံး ဖြိုခွင်းမှုဖြစ်ခဲ့ပြီး နယ်ပယ်အသီးသီးမှ ပညာရှင်များနှင့် လူပုဂ္ဂိုလ်များမှ ယင်းလုပ်ရပ်အပေါ် ပြင်းပြင်းထန်ထန်ရှုံ့ချခဲ့ကာ ရန်ကုန်နှင့် မန္တလေးမြို့များတွင်လည်း ဆန္ဒထုတ်ဖော်မှုများ ဖြစ်ပေါ်ခဲ့သည်။

ဒေါ်အောင်ဆန်းစုကြည်သည် ယင်းဒေသများသို့ သွားရောက်ကာ ဒေသခံများ၊ ကုမ္ပဏီမှ တာဝန်ရှိသူများ၊ တိုင်းဒေသကြီးအစိုးရအဖွဲ့ တာဝန်ရှိသူများ၊ လုံခြုံရေးအရာရှိကြီးများ၊ ဒဏ်ရာရရှိသူများနှင့် တွေ့ဆုံဆွေးနွေးမှုများ ပြုလုပ်ခဲ့သည်။

သီတဂူဆရာတော်၊ ရွှေည၀ါဆရာတော်နှင့် ၈၈ မျိုးဆက် ကျောင်းသားခေါင်းဆောင်များလည်း ယင်းဒေသသို့ သွားရောက်ခဲ့ပြီး ဒဏ်ရာရသူများအား တွေ့ဆုံမှုများ ပြုလုပ်ခဲ့ကာ ဆေးဝါးနှင့် အသုံးအဆောင် လှူဒါန်းမှုများ ပြုလုပ်ခဲ့သည်။
နိုင်ငံတော်သမ္မတ၏ စုံစမ်းစစ်ဆေးရေးကော်မရှင်ဖွဲ့ပြီး နာရီပိုင်းအတွင်းတွင် ၈၈ မျိုးဆက်ကျောင်းသားများက လွတ်လပ်သည့်စုံစမ်းစစ်ဆေးရေးကော်မရှင်တစ်ရပ်ဖွဲ့ရန် မိမိတို့အနေဖြင့် တောင်းဆိုခဲ့ကြောင်း၊ ယခုဖွဲ့စည်းလိုက်သည့် ကော်မရှင်တွင် ၈၈ မျိုးဆက်ကျောင်းသားများအနေဖြင့် ပါဝင်ဆောင်ရွက်လိုသည့် ဆန္ဒမရှိပါကြောင်း သဘောထားကြေညာချက် ထုတ်ပြန်ခဲ့သည်။

Eleven Media Group