မိန်းမဖြစ်သူကို သတ်ပြီး ချက်ပြုတ်ခဲ့သည့် အမေရိကန် စာဖိုမှူး

အမေရိကန် စာဖိုမှူးတစ်ဦးသည် မိန်းမဖြစ်သူ၏ အလောင်းအား ဖျောက်ဖြက်ရန် ၄ ရက်ကြာ ချက်ပြုတ်ခဲ့ခြင်းအား ဝန်ခံခဲ့ပြီးနောက် ထောင်ဒဏ် တစ်သက်တစ်ကျွန်း ချမှတ်ခံရဖွယ် ရှိနေသည်။

David Viens (၄၉ နှစ်) အား တရားရုံး၌ ၆ ရက်ကြာ စစ်ဆေးမေးမြန်းခဲ့ရာ ယင်းက မိန်းမဖြစ်သူအား အိမ်မှ ထွက်ခွာသွားခြင်း မရှိရန် တိပ်ဖြင့်ပတ်ပြီးထားခဲ့ကြောင်း၊ ၄ နာရီအကြာ ယင်းအိပ်ယာမှ နိုးလာသည့်အခါတွင် မိန်းမဖြစ်သူမှာ အသက်မရှိတော့ကြောင်း၊ ယင်းအနေဖြင့် သတ်ဖြတ်ရန် ရည်ရွယ်ချက် မရှိသော်လည်း သေဆုံးသွားခဲ့ရာ ထိတ်လန့်တုန်လှုပ်ပြီး စိတ်ကူးပေါက်ရာ လုပ်ဆောင်ခဲ့ခြင်းသာ ဖြစ်ကြောင်း ထွက်ဆိုခဲ့သည်။

၂၀၀၉ ခုနှစ်တွင် ဖြစ်ပွားခဲ့သည့် ဤလူသတ်မှုတွင် Viens အနေဖြင့် မိန်းမဖြစ်သူ၏ အလောင်းအား သံစည်ပိုင်းကြီး တစ်ခုထဲထည့်ကာ ပြုတ်ခဲ့ခြင်းဖြစ်ကြောင်း “အလောင်းကို တစ်ဖြေးဖြေးနဲ့ ပြုတ်ခဲ့တာပါ။ နောက်ဆုံး ၄ ရက် ကြာသွားပါတယ်။ ၄ ရက်ကြာတော့ အအေးခံ၊ ရေစစ်ပြီး အမှိုက်ပုံမှာ ပစ်ခဲ့ပါတယ်။” ဟု ထွက်ဆိုခဲ့သည်။

ထို့အပြင် ပြုတ်ထားသည့် အလောင်းမှ အကျွင်းအကျန်များအား ထည့်ထားသည့် အိတ်တစ်လုံးရှိသေးကြောင်း၊ ထို့အပြင် ဦးခေါင်းခွံမှာလည်း ယင်း၏ အမေ၏အိမ် မျက်နှာကျက် ကြားထဲတွင် ဖွက်ထားကြောင်း ရဲထံ ထွက်ဆိုခဲ့သော်လည်း ရှာဖွေတွေ့ရှိခြင်း မရှိခဲ့ပေ။

အမျိုးသား ၆ ဦးနှင့် အမျိုးသမီး ၆ ဦးပါ ဂျူရီအဖွဲ့က ယင်းအား ဒုတိယအဆင့် လူသတ်မှုဖြင့် ပစ်မှုထင်ရှားကြောင်း ဆုံးဖြတ်ချက် ချခဲ့ပြီး လာမည့် နိုဝင်ဘာ ၂၇ ရက်နေ့တွင် တရားသူကြီးက စီရင်ချက် ချမှတ်မည်ဖြစ်ရာ အနည်းဆုံး ထောင်ဒဏ် ၁၅ နှစ်မှ တစ်သက်တစ်ကျွန်း ကျခံရဖွယ်ရှိသည်။

အဆိုပါ စားဖိုးမှူးသည် မိန်းမဖြစ်သူအား ယခင်ကလည်း တိပ်ဖြင့်ပတ်ကာ ချုပ်နှောင်ထားခဲ့ဖူးကြောင်း၊ သူမအား အရက်မူးပြီး ကားလျှောက်မောင်းခြင်း၊ မူးယစ်ဆေးသုံးခြင်းတို့ မပြုလုပ်နိုင်ရန် ယင်းကဲ့သို့ ပြုလုပ်ရခြင်းဖြစ်ကြောင်း ထွက်ဆိုခဲ့သည်။

တရားခံသည် တရားရုံးသို့ wheelchair ဖြင့် လာရောက်ခဲ့ခြင်း ဖြစ်ပြီး ပြီးခဲ့သည့် ၂၀၁၁ ခုနှစ် ဖေဖော်ဝါရီလအတွင်းက အမြင့်ပေ ၈၀ ခန့်ရှိ တောင်စောင်းမှ ခုန်ချခဲ့ခြင်းကြောင့် ဒဏ်ရာများ အပြင်းအထန် ရရှိခဲ့ခြင်း ဖြစ်သည်။

Viens အနေဖြင့် ယင်း၏ ရည်းစားဖြစ်သူအားလည်းကောင်း၊ သမီးဖြစ်သူအားလည်းကောင်း ယင်း၏ မိန်းမ သေဆုံးခဲ့ခြင်းမှာ မတော်တဆမှု တစ်ခုကြောင့်သာဖြစ်ကြောင်း ပြောကြားထားခဲ့သည်။

Shwelone.com (ရွှေလုံး) | Myanmar Social Entertainment News Network