ခုကိစ္စမှာကျတော့ တစ်မျိုးဖြစ်၏။ ဒေါ်ငွေဇံတို့ဘက်က အားလုံးပေါင်းမှ သားအမိနှစ်ယောက်တည်းသာ ရှိ၏။ မြလွင် က သတို့သမီးဆိုတော့ ဘာမှတခြားတာဝန် မယူနိုင်။ သူကလည်း လက်ဖွဲ့နေရာမှာ တစ်ချိန် လုံး ထိုင်စောင့်ကြည့်နေလို့ မရဘူုး။ ချစ်မှူးတို့ဘက်ကို မယုံကြည့်လို့မဟုတ်။ ရပ်ကွက်ထဲက ကောင်လေး တွေ ကောင်မလေးတွေက တာဝန်ယူပြီး ဝင်ရောက်ကူညီနေခြင်းဖြစ်၏။
ဒါကိုပဲ သူကစိတ်မချတာ၊ မတော်လို့ လက်ဖွဲ့အထုပ်သေးသေးတစ်ထုပ် အသာလေး ဝှက်ထားရင် ဘယ်လို လုပ်မလဲ။ ဒါမှမဟုတ် လက်ဖွဲ့ငွေထဲက တချို့တစ်ဝက်ကို စာရင်းမသွင်းဘဲထားရင် ဘယ်လိုလုပ် ရမလဲ။ ထို့ကြောင့် လက်ဖွဲ့လက်ခံတဲ့ နေရာဆီ မကြာခဏ သွားပြီးလက်ဖွဲ့က ဘယ်နှဘူး၊ ဘယ်နှထုပ် ရပြီလဲ၊ ငွေ ကစုစုပေါင်း ဘယ်လောက်ရှိပြီလဲဆိုတာ စစ်ဆေးနေလေ၏။
ကောင်လေးတွေ၊ ကောင်မလေးတွေက
" အားလုံးပြီးမှ စုပြီးတွက်မှာပေါ့ အဒေါ်ရဲ့ တစ်ခုချင်းလိုက်ပေါင်းနေရင် အလုပ်ရှုပ်တာပေါ့"
"ဒီလို ဘယ်ဟုတ်မလဲ၊ မကြာခဏ ပြန်စစ်ကြည့်မှ စနစ်တကျဖြစ်မှာပေါ့၊ နို့မို့ဆို စာရင်းတွေ မှာနိုင်တယ်"
ကောင်လေး ကောင်မလေးမျာမှာ တမင်တကာ စေတနာနဲ့ လာလုပ်ပေးကြခြင်းဖြစ်၏။ သူများတွေလို ဟိုသွား၊ ဒီသွား မလုပ်နိုင်ဘဲ ခြေချုပ်မိ အညောင်းခံပြီး လုပ်ပေးကြရတာ၊ ဒါကိုပဲ ဒေါ်ငွေဇံက မသင်္ကာ သလို မျိုး စစ်ဆေးရေး မကြာခဏဝင်နေသဖြင့် နည်းနည်းအောင့်သက်သက် ဖြစ်လာကြ၏။
ထို့ကြောင့် ဒေါ်ငွေဇံကို နည်းနည်းပညာပေးဖို့ စိတ်ကူးမိကြ၏။ နောက်တစ်ခါလာပြီး စစ်ဆေးသောအခါ တစ်ယောက်ကို တစ်ယောက်ကြည့်လိုက် ခေါင်းကုတ်လိုက်လုပ်နေကြ၏။
"ဟဲ့.... ဘာဖြစ်နေကြတာလဲ"
မေးတော့မှ ပြောရမှာ ခက်နေသော ပုံစံမျိုးဖြင့်
"ငွေစာရင်း မကိုက်လို့"
ဟုပြောလိုက်သည်။ ဒေါ်ငွေဇံ ထိတ်ထိတ်ပျာပျာ ဖြစ်သွားပြီး။
"ဘယ်လို ဖြစ်ကြတာလဲ၊ ပြောစမ်းပါဦး"
"ကျွန်တော်တို့လည်း သတိတော့ထားတာပဲ၊ ဧည့်သည်လေးငါးယောက်ပြုံဝင်လာလို့ အလုပ်ရှုပ်သွားတာနဲ့"
"ဒါကြောင့် ငါပြောတာပေါ့ သေသေချာချာ သတိထားလုပ်ပါလို့၊ ဒီလိုကိစ္စမျိုးက ပေါ့ပေါ့ဆဆ လုပ်လို့ရ တာ မဟုတ်ဘူး။ ငါကလည်းတစ်ကိုယ်တည်းနဲ့ ထောင့်စေ့အောင် လိုက်ကြည့်နေရတာ၊ နည်းနည်းလေး လစ်တာနဲ့ ပြဿနာပေါ်တော့တာပဲ၊ ခက်လိုက်တာ" ဆိုပြီး မြည်တွန်နေ၏။ ကောင်လေးတွေ၊ ကောင်မ လေး တွေက အသာငြိမ်ကုပ်ပြီး ပြောသမျှ နားထောင်နေသည်။ ဒေါ်ငွေဇံက အတော်ကြာအောင် အပြစ်တင် ပြီးမှ။
"ကဲ.... ဆိုစမ်း၊ ငွေက ဘယ်လောက်ကွာတာလဲ"
"ငါးရာ"
"ဟင်.... ငါးရာဆိုတာ နည်းသလား၊ ဘာပဲဖြစ်ဖြစ် နင်တို့ တာဝန်ယူထားတာ၊ နင်တို့ပဲ စိုက်လျော် ပေတော့"
ဒီတော့မှ ခေါင်းဆောင်လုပ်သောကောင်လေးက...
"စိုက်စရာ မလိုပါဘူး အဒေါ်ရဲ့"
"ဘာ.... ဘာကြောင့်လဲ"
"ဒီလိုလေ ငွေကွာတယ်ဆိုတာ လိုနေတာမဟုတ်ဘူး၊ ပိုနေတာ စာရင်းထဲမှာရှိတာထက် တကယ်ရတဲ့ငွေ က ငါးရာ ပိုနေတာကို ပြောတာ လက်ဖွဲ့တဲ့ ငွေကို စာရင်းထဲထည့်မမှတ်လိုက်မိလို့"
ဒေါ်ငွေဇံ ရှက်အမ်းအမ်းဖြစ်သွား၏။ သူက စာရင်းကွာတယ်ဆိုတာနဲ့ အဆိုးဘက်က လှည့်တွေးပြီး ထင်ရာ စွတ်ပြောချ လိုက်မိခြင်း ဖြစ်၏။
"အဲ... အဲဒါတော့... အင်း... ပြီးတာလည်း ပြီးပါစေတော့ ပြန်စစ်မနေပါနဲ့ ... ပင်ပန်းပါတယ်"
ဟု လျှောချ လိုက်သည်။ ခပ်လှမ်းလှမ်းက နားစွင့်နေခဲ့သော ချစ်ဦးက အနားကို လျှောက်လာပြီး
"ဒီလို ဘယ်ရမလဲ၊ စောစောတုန်းက ငွေလိုရင် သူတို့စိုက်လျော်ရမယ်လို့ အဒေါ်ကြီးပြောတယ် မဟုတ် လား၊ အခုငွေ က ပိုနေတာဆိုတော့ ပိုတဲ့ငွေ သူတို့ကို ပေးလိုက်မှ တရားမှာပေါ့"
ဟု ဝင်ပြောသည်။ ဒေါ်ငွေဇံက...
"ဒီလိုတော့ ဘယ်ရမလဲ"
ပြောရင်း ချစ်ဦးကို မျက်စောင်းတစ်ချက်ခဲပြီး ထွက်သွားသည်။ တကယ်တော့ ကောင်လေးတွေ ကောင်မ လေးတွေ တိုင်ပင်ပြီး စာရင်းကွာတယ်ဟု ညာပြောလိုက်ခြင်း ဖြစ်၏။
ဒီလိုနဲ့ မင်္ဂလာဧည့်ခံပွဲ အောင်မြင်စွာ ပြီးဆုံးသွားသည်။ ဒေါ်ငွေဇံ မှန်းထားတာထက် ရေခဲမုန့်သုံးစည် ပိုကုန် သွားသည်။ သို့ရာတွင် လက်ဖွဲ့ငွေကလည်း သူမှန်းတာထက် ပိုရသောကြောင့် ကျေနပ်သွားသည်။
ထိုအတူ ကြိုတင် တွက်ချက်မထားသော ကုန်ကျစရိတ်တွေလည်း ရှိလာသည်။ ပထမ တစ်ခုကတော့ ရပ်ကွက်ထဲက လူငယ်တွေက ရွှေကြိုးတားပြီး ခဲဖိုးတောင်းကြခြင်းဖြစ်၏။ ဒီလိုကိစ္စမျိုးက ထုံးစံဖြစ်သည်။ ဒေါ်ငွေဇံ က သူရဖို့သာ ဦးစားပေး စဉ်းစားခဲ့သဖြင့် သတိမေ့နေခြင်းပါပဲ။
နောက်တစ်ခု ကတော့ ညမှောင်ရီပျိုးချိန်တွင် မြလွင် ပျောက်သွာခြင်းပင်ဖြစ်သည်။ ကြားကြားချင်း မှာတော့ ဒေါ်ငွေဇံ အတော်လန့်ဖျပ်သွား၏။ မြလွင်သည် ချစ်မှူးကို မချစ်ဘဲ အမေပေးစားလို့သာ ယူ လိုက်ရပြီး ခုတော့ စိတ်ပြောင်းပြီး ထွက်ပြေးသွားတာလား၊ ဒါဆိုရင် ငါတစ်ယောက်တည်း ကျန်ခဲ့ပြီပေါ့။ တကယ်လို့ များ ချစ်မှူးက မထူးတော့ပါဘူးဆိုပြီ...
စသည်ဖြင့် ကယောင်ကတမ်းတွေ လျှေက်တွေးသည်။ မင်္ဂလာဆောင်ကိစ္စဗျာများခဲရသဖြင့် ခေါင်းတွေ ပူပြီး ယုတ္တိရှိရှိ မတွေးနိုင်ခြင်းဖြစ်၏။ တကယ်တော့ မြလွင်ကို ချစ်ဦးတို့ လူသိုက်ကခေါ်သွားတာ၊ သတို့သမီး ဝှက်ခြင်း ဖြစ်သညည်ဟု သူတို့ကဆို၏။
ဒေါ်ငွေဇံ ဒေါပွပြီး။
"ဘယ်နှယ်တော်၊ ရှင်လောင်ဝှက်တယ်လို့သာ ကြားဖူးပါတယ်၊ သူတို့နဲ့ကျမှ သတို့သမီးဝှက်သတဲ့"
ချစ်မှူးကတော့ သူ့ညီအကြောင်းသိသဖြင့် စားဖို့သောက်ဖို့ မုန့်ဖိုးပေးပြီး ပြန်ရွေးယူလိုက်သည်။ မြလွင်က လည်း ချစ်ဦး တို့ ကျေနပ်အောင် သူကိုယ်တိုင် လိုလိုလားလား လိုက်သွားခဲ့ခြင်းဖြစ်။
ဒေါ်ငွေဇံက.....
"ညည်းကပါ အရူးနဲ့ပေါင်းပြီး နှမ်းတမ်းတမ်းဖြစ်နေပြီလား"
ဟု မြလွင် ကို ဆူသည်လေ။
ချစ်ဦး သည် သူ့အစ်ကိုမိန်းမရသွားခြင်းကို အလွန်ဝမ်းသာအားရဖြစ်နေ၏။ အရင်ကဆိုလျှင် သူတို့အိမ် သည် ခြောက်ကပ်ကပ် နှင့် ပျင်းစရာကောင်းလှသည်။ ညီအစ်ကိုနှစ်ယောက်နှင့် ဆွေမ်ျိုးနီးစပ် အဒေါ် တစ် ယောက်သာ ရှိ၏။
အဒေါ်ဖြစ်သူသည် တစ်ချိန်က ချစ်ဦးတို့အဖေ၏ ကျေးဇူးရှိခဲ့ဖူးခြင်း၊ သူရွာတစ်ခေါက် ပြန်တိုင်းချစ်မှူးက ငွေကြေးအထိုက်အလျောက် ပေးကမ်းခြင်း စသောအချက်အလက်များကြောင့်သာ ဒီအိမ်မှာ နေနေခြင်း ဖြစ်၏။ ရွာမှာ ကျန်ခဲ့သော သူ့သားသမီးတွေနှင့် အတူသွားနေချင်လှပြီ။ သူက ချက်ပြုန်ကျွေးမွေးခြင်း၊ အိမ်ကို စောင့်ရှောက်ပေးခြင်းတို့လောက်သာ ဆောင်ရွက်ပေးနိုင်သည်။ ချစ်ဦး အပျင်းပြေအောင်တော့ လုပ်မပေးနိုင်။ စကားကလည်း နည်းသေးသည်။ တစ်ခါတလေ ချစ်ဦးက ပေါက်တက်ကရတွေ မေးလျှင် မဖြေတတ်ဘဲ ငါ့ဟာငါ နားအေး၊ ပါးအေး နေပါရစေဟယ် ဟု ဆိုတတ်သည်။
ထို့ကြောင့် ချစ်မှူးကား ထွက်ပြီဆိုလျှင် ချစ်ဦးသည် စကားပြောဖော်မရှိတော့၊ ရပ်ကွက်ထဲ ဟိုလျှောက် သွား ဒီလျှောက်သွားရင် အပျင်းဖြေရသည်။
ခုတော့ အိမ်မှာ စိုစိုပြည်ပြည်ဖြစ်လာပြီ၊ အိမ်မှာ လူများများရှိမှ ပျော်စရာကောင်းသည်ဟု သူက ထင်သည်။ အထူးသဖြင့် မြလွင်ရောက်ရှိလာခြင်းမှာ သူ့အတွက် ကံကောင်းခြင်းပင်ဖြစ်၏။
မြလွင် က ထမင်းဆိုင်မှာ လုပ်ခဲ့သူဖြစ်သောကြောင့် ဟင်းချက်ကောင်းသည်။
ဖွယ်ဖွယ်ရာရာ ချက်တတ် သည်။ ချစ်ဦးကြိုက်တတ်သော ဟင်းတွေချက်ကျွေးသည်။ အစားမက်သော ချစ်ဦး အကြိုက်တွေ့နေသည်။ တစ်ခါတစ်လေ ဆိုင်မှာတုန်းကလို ထမင်းသုပ်ခိုင်းတတ်သည်။ သူ့ တစ်သက် မှာ မြလွင်သုပ်သော ထမင်းသုတ်လောက် ကောင်းတာ မစားဖူးသေးဘူးဟုဆို၏။
မြလွင်က သဘောလည်းကောင်းတယ်။ စိတ်လည်းရှည်သည်။ ချစ်ဦးပေါက်တက်ကရ ပြောသမျှကိုလည်း ဗွေမယူ ဘဲ အလိုက်သင့် ပြန်ပြောတတ်သည်။ သူ့ကို ခုလိုနာလည်ခွင့်လွှတ်တတ်သူ တစ်ယောက်တိုး ခြင်း အတွက် ချစ်ဦး ကျေနပ်နေသည်။
ချစ်ဦးသည် မြလွင်ကို အစ်မရင်းတစ်ယောက်လို ချစ်သည်။ မြလွင်ကလည်း မောင်အရင်းလို သဘောထား သည်။ မောင်လေးဟု ခေါ်လေ့ရှိ၏။ နောက်တစ်ချက်ကတော့ ချစ်ဦးကြောင့် လူရိုးလိူကောင်း ဖြစ်သော ချစ်မှူးနှင့် ဖူးစာဆုံရခြင်း ဖြစ်သည်ဟု မြလွင်မှတ်ယူထားခြင်းပင် ဖြစ်၏။ ချစ်ဦးကလည်း ဒီအချက်ကို မကြာ ခဏ ဂုဏ်ဖော်၍ ပြောတတ်သည်။
"ကျွန်တော် ပြောပေးလို့သာ ကိုကြီး မမမြလွင် ကို ရတာဗျ၊ ကိုကြီးဘာသာဆိုရင် နောက်သုံးနှစ်လောက် နဲ့ တောင် ယူဖြစ်မှာမဟုတ်ဘူး"
ထိုအခါ မြလွင် က ကျေနပ်စွာ ပြုံးနေသည်။ ချစ်မှူးကတော့။
"ဟုတ်ပါတယ်ဗျာ၊ ငါ့ညီလေးဟာ ကိုကြီးတို့ လင်မယားရဲ့ ဖူးစာရေးနတ် ကျေးဇူးရှင်လေးပါပဲ"
ဟု ချီးကျူးစကား ပြောရ၏။
တစ်ခါ တစ်ခါတော့လည်း ထုံးစံအတိုင်း ခွကျကျ ဖြစ်ရသည်။
ချစ်ဦး က ကလေးမရသေးဘူးလားဟု ခဏ ခဏ မေးနေသောကြောင့်ပင် ဖြစ်၏။ မရသေးဘူး ပြောတော့ …
"မြန်မြန်ရအောင် လုပ်ဗျာ"
ဟု ဆိုသဖြင့် လင်မယားနှစ်ယောက် မျက်နှာပူပူဖြင့် ပြုံးကြရသည်။
ဒါတွင်မက ချစ်ဦးက ကြားဖူးနားဝဖြင့် ပြောတာ ရှိသေးသည်။ မိန်းမတွေ ကိုယ်ဝန်ရှိလျှင် အော့အန်တယ် အန်တတ်တယ်ဆိုတာကို မှတ်ထား သည်။ ထို့ကြောင့် …
"မမမြလွင် မအန်ချင်ဘူးလား"
ဟု မေးသည်။ မြလွင်က ရုတ်တရက် မတွေးမိဘဲ …
"မအန်ချင်ပါဘူး"
"ဒါဆိုလည်း အာခေါင်ထဲ လက်ထိုးပြီးတော့ အန်လိုက်ဗျာ"
"ဟဲ့ … ဘာဖြစ်လို့ အန်ရမှာလဲ"
"ဒါမှ ကလေးရှိလာမှာပေါ့ဗျ"
ဒီတော့မှ မြလွင် သဘောပေါက်ပြီး။
"အန်တိုင်းလည်း ရှိတာ မဟုတ်ဘူးကွယ့်"
ဟု ပြီးပြီးရော ပြောလိုက်ကာမှ။
"ဒါဆို ဘယ်လိုလုပ်မှ ရှိမှာလဲ"
မြလွင် ဘာပြောရမှန်းမသိ ဖြစ်သွား၏။ တခြားယောက်ျားလေးတစ်ယောက်သာဆိုလျှင် အတော်ရှက်စရာ ကောင်းတဲ့ မေးခွန်းပဲ။ ချစ်ဦးကိုကျတော့ ဗွေယူလို့ မဖြစ်။
"ဒီလိုရှိတယ် မောင်လေးရဲ့၊ သားသမီးဆိုတာ ကိုယ်လိုချင်တိုင်းလည်း ရတာ မဟုတ်ဘူး၊ ကိုယ်နဲ့ ထိုက်တန် တဲ့အခါကျရင်တော့ အလိုလိုရလာတာပဲ"
"ရှုပ်လိုက်တာဗျာ၊ ဘာတွေမှန်းလည်း မသိဘူး၊ ကလေးဆိုတာ ပိုက်ဆံပေးပြီး ၀ယ်လိုရရင် ကိုကြီးမှာ ရှိသမျှ အကုန်ထုတ်ပြီး ၀ယ်ခိုင်းပါမယ်။
ဟု အားမလို အားမရလေသံဖြင့် ပြော၏။
ချစ်ဦးကို စောင့်ရှောက်ဖို့ စိတ်ချရပြီဆိုတော့ ချစ်မှူးလည်း သူ့အလုပ်ကို စိတ်ချလက်ချ လုပ်နိုင်ပြီ။ မြလွင် က ချစ်ဦးကို တော်တော်ဂရုစိုက်သည်။ ချစ်ဦးမှာ လူပျိုကြီးဖားဖား ဖြစ်နေသော်လည်း မြလွင်က ကလေး လို ပင် သဘောထားသည်။ ချစ်ဦးကလည်း မြလွင်ကို ချွဲချင်သည်။
သူတို့ နှစ်ယောက်သည် ဘယ်လို ရှေးရေစက်ကြောင့်မှန်း မသိ။ တစ်ယောက်ကို တစ်ယောက် အတော် သံယောဇဉ် ရှိကြသည်။ မောင်တစ်ယောက်လိုချင်နေသူနှင့် အစ်မတစ်ယောက် တောင်းတနေသူတို့ တွေ့ဆုံကြ တာပဲလား မသိ။
သူတို့အိမ်မှာ အားလုံး စင်းလုံးချော အဆင်ပြေနေတာတော့ မဟုတ်။ အသေးအဖွဲ့ ပြဿနာလေး တွေတော့ ရှိ၏။ ဒါကလည်း ဒေါ်ငွေဇံကြောင့်ပါ။
ဒေါ်ငွေဇံက ဒီအိမ်မှာ သူ့လက်၊ သူ့ခြေ၊ သူ့သြဇာ ဖြစ်အောင် တစ်ဆင့်ပြီးတစ်ဆင့် ဆောင်ရွက်နေသည်။
ချစ်မှူးတို့ ချစ်ဦးတို့၏ အဒေါ်သည် သူနှင့် အသက်ချင်း မတိမ်းမယိမ်း ဖြစ်၏။ ဒီအိမ်မှာ လူကြီးနှစ်ယောက် ဖြစ်နေခြင်းကို မလိုလား။ ချစ်မှူးတို့အဒေါ်အပေါ် စရောက်ကတည်းက အပေါ်စီးက ဆက်ဆံသည်။ အိမ်မှု ကိစ္စ တွေမှာ ဟိုဟာလုပ်လိုက်ပါဦး။ ဒီဟာ လုပ်လိုက်စမ်းပါဆိုပြီး အခိုင်းအစေ တစ်ယောက်ကို ခိုင်းသလို လေသံမျိုး လုပ်တတ်သည်။ တစ်ခါတလေ ခပ်ငေါက်ငေါက်ကလေး ပြောတာမျိုး ရှိ၏။
ချစ်မှူးတို့အဒေါ်သည် ဒေါ်ငွေဇံက သူ့ကိုပြိုင်ဘက်လို သဘောထားပြီး မလိုလားကြောင်း ရိပ်မိသည်။ သူကလည်း နဂိုပင် သူ့သားသမီးတွေရှိရာ ရွာသို့ ပြန်ချင်နေသူဖြစ်သဖြင့် အတော်ပဲ ဖြစ်သွား၏။ ထို့ကြောင့်
"မင်းလည်း အိမ်ထောင်ရက်သား ကျပြီပဲ၊ အိမ်ကို ထိန်းသိမ်းကြပ်မတ်မယ့် လူလည်း ရှိပြီး၊ ငါရွာကို ပြန်ပါရ စေတော့"
ဟု ချစ်မှူး ဆီ ခွင့်တောင်းပြီး ပြန်သွားသည်။
ဒီနောက်မှာတော့ ဒေါ်ငွေဇံသည် ဒီအိမ်ရဲ့ တစ်ဦးတည်းသော လူကြီးသူကြီး ဖြစ်သွားပြီ။ ချစ်မှူးက လူလေး ဖြစ်သောကြောင့် သူ့သြဇာကို နာခံသည်။ ချစ်မှူးသည် ရှာလို့ရသမျှငွေကို မြလွက်လက်ထဲ အပ်သည်။ လင်ရှာတဲ့ငွေ မယားကကိုင်တာ သဘာဝကျသည်။ ဒီအတွက် ပြဿနာ မရှိ။ မြလွင်ဆိုတာကလည်း သူ့ကို လွန်ဆန်နိုင်သူ မဟုတ်သဖြင့် နောက်ကွယ်က ထိန်းချုပ်လို့ရသည်။
ဒေါ်ငွေဇံက တော်တော်လေးတော့ စေ့စပ်သည်။ ချစ်မှူးတို့ မင်္ဂလာဆောင်မှာ ရရှိခဲ့သော လက်ဖွဲ့ပစ္စည်း တွေကို သူကပဲ စနစ်တကျ စီမံထိန်းသိမ်းသည်။ တချို့ကတော့ နောင်တစ်ချိန်လိုရင်သုံးဖို့၊ တချို့က သူများ မင်္ဂလာဆောင်မှာ ပြန်လက်ဖွဲ့၊ ကြာရှည် သိမ်းထားဖို့လည်းမကောင်း၊ လောလောဆယ်လည်း အသုံး မလို သော ပစ္စည်းတွေကိုတော့ ဆိုင်မှာ ပြန်သွင်းလိုက်သည်။
လက်ဖွဲ့ထဲမှာ ပုဆိုးခြောက်ထည်ပါသည်။ ချည်ပုဆိုးလေးထည်ထဲက နှစ်ထည်ကို ၀တ်ဖို့ ထုတ်ထားသည်။ နှစ်ထည် ကိုတော့ သိမ်းထားပြီး နောက်ပိုင်းလိုမှ ထုတ်ပေးမည်။ ဒါဆို ဒီတစ်နှစ်ျအတွင်း ချစ်မှူးအတွက် ပုဆိုးထပ် ၀ယ်စရာမလိုတော့။ ပိုးတွဲနှစ်ထည်ထဲက တစ်ထည်ကို ပွဲနေပွဲထိုင်အတွက် ထားမည်။ တစ်ထည် ကိုတော့ …
ချစ်ဦးသည် ပိုးတွဲလုံချည် တစ်ထည်ကို ဆတ်ခနဲ ဆွဲယူပြီး။
"ဟာ … လှလိုက်တာ၊ ကျွန်တော့်ပေးနော် ကိုကြီး"
ဆိုပြီး ရင်မှာ ပိုက်ထားလိုက်သည်။ ချစ်မှူးက …
"အေး … အေး … ယူလိုက်"
ဟု ပြောသည်။ မြလွင်ကလည်း
"ဟုတ်တယ်၊ ဒီအဆင်လေးက မောင်လေးနဲ့ လိုက်တယ်"
ဟု ထောက်ခံသည်။ ဒေါ်ငွေဇံသည် ချစ်မှူးရှေ့မှာမို့ ဟန့်တားဖို့ အခွင့်မသာ။ ဆိုင်မှာ ပြန်သွင်းရင် ထောင့်ငါးရာလောက်တော့ ရနိုင်တယ်ဆိုတာ အတွေးသာ တိုးလိုးတန်းလန်း ကျန်ခဲ့၏။
နောက်တစ်ချက်ကတော့ ချစ်ဦး ဟင်းစားကြီးသော ကိစ္စ ဖြစ်၏။ နဂိုကမှ အစားမက်ရတဲ့ကြားထဲ မြလွင်က ဟင်းချက်ကောင်းတော့ အတိုင်းထက်အလွန်ပေါ့။ သူကြိုက်တတ်တဲ့ ဟင်းမျိုးဆိုလျှင် အိုးတစ်ဝက် လောက် ကို သူတစ်ယောက်တည်း စားပစ်တတ်သည်။ သူကြိုက်တဲ့ ဟင်းဆိုတာကလည်း တစ်ပတ် မှ လေးရက် လောက် ချက်နေဖြစ်တာလေ။
ဒါကို ဒေါ်ငွေဇံက သိပ်သဘောမကျ။
"ဒီလို အတိုင်းအဆမရှိ စားလို့ ဘယ်ဖြစ်မလဲ၊ စည်းနဲ့ကမ်းနဲ့ စားမှပေါ့"
ဆိုတော့ ချစ်ဦးက။
"ဟာဗျာ၊ ဒါ ထမင်းဆိုင်မှ မဟုတ်ဘဲ"
ဟု ပြန်ပြောသည်။ သူ့ကို ထမင်းဆိုင်က အကျင့်တွေ မပျောက်သေးဘူးဟု ဆိုလိုရာရောက်သဖြင့် ဒေါ်ငွေဇံ အောင့်သွားသည်။
တစ်ခါတစ်လေ ချစ်မှူးအတွက် ချန်ထားတဲ့ဟင်းတွေ ယူစားချင် စားသည်။ ဒေါ်ငွေဇံက။
"ပင်ပင်ပန်းပန်း အလုပ်လုပ်ပြီး ရှာကျွေးနေရတဲ့ လူအပေါ် သိတတ်ဖို့တော့ ကောင်းတာပေါ့"
ဟု ချစ်ဦးကို ဆုံးမစေချင်သော စကားမျိုးပြောတော့ အစ်ကိုလုပ်သူက။
"စားပါစေ ဒေါ်ဒေါ်ရယ်၊ ကျွန်တော်ရှာဖွေနိုင်တုန်း ကျွေးရတာ၊ ပြီးတော့ ကျွန်တော့က ခရီးသွားရင် ဆိုင်တွေ မှာ ဟင်းကောင်းစားရပါတယ်"
ဟု ပြေရာပြေကြောင်း ပြောသည်။
ပြဿနာ အဖြစ်ရဆုံးကတော့ ၀က်သားဟင်းချက်သောနေ့ပင် ဖြစ်၏။ ချစ်ဦးက ၀က်သားကို သိပ်ကြိုက် သည်။ မြလွင် ကလည်း ၀က်သားချက်တာ အလွန်ကောင်းသည်။ ၀က်သားကို မရမ်းပြားနှင့် ဆီပြန်ချက် တော့ အအီပြေပြီး အလွန်စားလို့ကောင်းသည်။ ဒီလို ရက်မျိုးဆိုလျှင် ချစ်ဦးက ထမင်းငါးထပ်လောက် စား သည်။
ဒေါ်ငွေဇံ ညနေစာ စားမယ်လုပ်တော့ ဟင်းက ပြောင်နေပြီ။ သူကလည်း ၀က်သားကို အလွန်ကြိုက်သူပဲ။ တိုက်တိုက် ဆိုင်ဆိုင် ချစ်ဦးလိုပဲ သုံးထပ်သားကိုမှ ပိုကြိုက်တာကိုး။ ကောင်းကောင်းလေး စားလိုက်မဟဲ့ ဆိုပြီး ဟင်းအိုး လှန်လိုက်တော့ ဟိုကောင်လက်ဦးသွားပြီ။
ထိုအခါ …
"ဇူဇကာ ၀င်စားတဲ့ကောင်၊ စားပိုးနင့်သေမယ်ကောင်"
ဟု တစ်ယောက်တည်း ရေရွတ်ကျိန်ဆဲနေတတ်သည်။
နောက်ပိုင်းကျတော့ ချစ်ဦးကြောင့်တော့ မဟုတ်။ ချစ်ဦးက ဟိုအရင်ကအတိုင်း နေထိုင်ပြုမူ စားသောက် နေခြင်းသာ ဖြစ်၏။ တခြားသူတွေနှင့် တစ်အိမ်တည်းမှာ အတူပေါင်းနေရလျှင် ဘယ်လိုဘယ်ပုံ အဆင်ပြေ အောင် လိုက်လျောညီထွေစွာ ပြုမူရမလဲဆိုတာ သူမသိ။ သူ့စိတ်ထဲမှာ အစ်ကို့မိန်းမဆိုတာ သူ့အစ်မပဲ။ အစ်ကို့ ယောက္ခမဆိုတာလည်း အမျိုးတော်တာပဲဟု သဘောထားသည်။
ဒေါ်ငွေဇံဘက်မှ အမြင်ကတစ်မျိုး။ ချစ်မှူးသည် သူ့သမက်မို့ အမျိုးတော်သည်။ ချစ်ဦးက ဘာမှမဆိုင်။ ပြီးတော့ သူ့သမက် က ပင်ပင်ပန်းပန်း အလုပ်လုပ်ရပြီး ချစ်ဦးကတော့ ဘယ်မှ မလုပ်ဘဲ သွားဖြဲနားဖြဲ ထိုင်စား နေသည်ဟု ယူဆသည်။ ထို့ကြောင့် ချစ်ဦးအပေါ် မကြည်မလင် ဖြစ်နေသည်။
ချစ်ဦးတို့ လင်မယားမှာ အတော်ကြာသည်ထိ ကလေးမရဘဲ ဖြစ်နေခြင်းအတွက် ချစ်ဦး အတော်မချင့်မရဲ ဖြစ်နေရ၏။ ရပ်ကွက်ထဲက လူတွေကို ကလေးရအောင် ဘယ်လိုလုပ်ရသလဲ လိုက်မေးနေသဖြင့် ရယ်ကြရ သေးသည်။
"မင်းနဲ့ ဘာဆိုင်လို့လဲကွ"
ဆိုတော့ …
"အစ်ကို့ကို နည်းလမ်းပြန်ပြောပြမှာပေါ့ဗျ"
ထို့ကြောင့် တချို့က ပေါက်တတ်ကရတွေ လျှောက်ပြောလိုက်သည်။ သူကလည်း ချစ်မှူးကို ပြန်ပြောပြ သည်။ ဒါတွင်မက ဘယ်ကရှာလာမှန်းမသိသော တောကြက်ဥကလေးတွေ ယူလာပြီး …
"ပျားရည် နဲ့ ခေါက်ပြီး သောက်ရတယ်တဲ့ ကိုကြီးရဲ့"
ဟုဆိုသဖြင့် ချစ်မှူးက
"သူများတွေ ပေါက်ကရပြောတိုင်း မယုံစမ်းပါနဲ့ကွာ"
"ဒါဆိုလည်း ကလေးရအောင် မြန်မြန်လုပ်လေ၊ သူများတွေက ကိုကြီးကို ပြောနေကြပြီးဗျ … ဟိုဟာဖြစ်"
"ဟေ့ကောင်၊ တော်တော့ကွာ၊ နေဦး ကိုကြီး ပြောဦးမယ်၊ သူများတွေ ပြောတာတွေ မင်းအစ်မကို ပြန်မပြော နဲ့နော်။ ရှက်စရာကြီး ကြားလား"
ဟု ဟန့်တားရသည်။ ဒါတောင်မှ …
တစ်ရက်မှာ မြလွင် ချဉ်ပေါင်ရွက်သင်နေတုန်း ချစ်ဦးက ရှေ့မှာလာထိုင်ပြီး စေ့စေ့ကြည့်နေသည်။ အစတော့ အမှတ်တမဲ့ပင်။ နောက်မှ မြလွင် သတိပြုမိပြီး …
"ဟဲ့ … ဘာလာပြီး စိုက်ကြည့်နေတာလဲ"
"မမ ပိန်သွားတယ်"
"အေး … ဟုတ်မှာပေါ့၊ ခုတစ်လော အစားအသောက် ပျက်ချင်တယ်"
"မမကို ကြည့်ရတာ တစ်မျိုးပဲ"
"ဘာဖြစ်လို့လဲ"
"ဆံပင်တွေက ခြောက်ကပ်ကပ်နဲ့။ နားထင်တွေလဲ ကျတယ်။ မဟုတ်မှလွဲရော … မမ ဗိုက်ကြီးနေပြီ ထင်တယ်"
"ဟယ် … ငါ့ဘာသာတောင် မသေချာသေးဘဲနဲ့ ဟင်"
မြလွင်သည် ရုတ်တရက် လွှတ်ခနဲ ပြောလိုက်မိပြီးမှ မျက်နှာ ရဲခနဲ ဖြစ်သွား၏။ ပြီးတော့ ထပြေးသည်။ ထိုနေ့ တစ်ညနေလုံး အခန်းထဲက မထွက်တော့။
ချစ်မှူး ခရီးထွက်ရာက ပြန်ရောက်သောအခါ ဆရာဝန်ဆီ သွားပြသည်။ ထိုအခါ ချစ်င်္ဦးခန့်မှန်းလိုက်သလို ပင် မြလွင်မှာ တကယ်ကလေး ရှိနေကြောင်း သိရလေ၏။
ချစ်မှူးက အံ့သြ၀မ်းသာဟန် ပြုံးပြုံးကြီးသာ လုပ်နေသော်လည်း ချစ်ဦးကတော့ …
"ဟား … ဟား … ချစ်ရူးကွ၊ ဟား … ဟား ဘာမှတ်နေသလဲ။ ချစ်ရူးတဲ့ကွ … ဟေ့"
ဟု ခုန်ပေါက်အော်ဟစ်ပြီး ရပ်ကွက်ထဲ လျှောက်ပြေးလေသည်။ တွေ့သမျှ လူကိုလည်း …
"ချစ်ရူး ဦးလေး ဖြစ်တော့မယ်ဗျ၊ သိရဲ့လား။ ဟား … ဟား …"
ဆက်ရန်
http://www.shwezinu.com
No comments:
Post a Comment