မင်းလူ ၏ အများနှင့် မသက်ဆိုင်သောသူ အပိုင်း (၁)

(၁)

"နာမည်"
"ချစ်ဦး"
"ငယ်နာမည်"
"မောင်ချစ်ဦး"
"အတူတူပဲလေ"
"ငယ်နာမည်ဆို၊ ကျွန်တော်ငယ်ငယ်က အမေက မောင်ချစ်ဦးလို့ပဲ ခေါ်တာပဲ"
"ငယ်နာမည် ဆိုတာက ငယ်ငယ်က ချစ်စနိုးနဲ့ ခေါ်တဲ့နာမည်မျိုးကို ပြောတာလေ၊ ကြွက်နီတို့ ဖိုးခွေး တို့ ဆိုတာမျိုးကို ပြောတာ"
"တစ်ခါတလေတော့လည်း အမေက အငယ်ကောင်လို့ခေါ်တာပဲ"
"ဒါကလည်း မဟုတ်သေးဘူး၊ ကဲပါ ငယ်နာမည် မရှိဘူးပေါ့ အဲ့ … ပြီးတော့ တခြားနာမည်ရှိသေးလား"

"ဗျာ … ဟာ ဘာတွေမှန်းလည်း မသိဘူး"
"ဒီလိုလေ … တချို့က နာမည်သုံးလေးခု ရှိတယ် မဟုတ်လား"
"သူများ တွေကတော့ ကျွန်တော့ကို ချစ်ရူးလို့ ခေါ်ကြတာပဲ"
"ဘယ်လိုရယ် … အချစ်ရူး ဟုတ်လား"
"ချစ်ရူးပေါ့"
"ချစ်ရူး"
"ဟုတ်တယ်"
သက်ဆိုင်ရာမှ ရပ်ကွက်ထဲအထိ ကွင်းဆင်းပြီး နိုင်ငံသားစီစစ်ရေးကတ်ပြား ပြုလုပ်ပေးနေခြင်း ဖြစ်၏။ ကိုယ်ရေးရာဇ၀င်အသေးစိတ် မေးမြန်းရာမှ တတ်နိုင်သမျှ တိကျဖို့ လိုသည်။ လ.၀.က ၀န်ထမ်းအမျိုးသမီး သည် အတွေ့အကြုံများနေပြီ ဖြစ်သောကြောင့် သိပ်အခက်အခဲ မရှိသော်လည်း ချစ်ဦး ခေါ် ချစ်ရူးနဲ့ ကျတော့ နည်းနည်း လည်ချင်သည်။

"မွေးနေ့"
"တနင်္လာ"
"အဲဒါပြောတာ မဟုတ်ဘူး၊ ဘယ်နှစ်၊ ဘယ်လ၊ ဘယ်ရက်မှာ မွေးတာလဲ မေးတာ"
"သြော် … ဒါလား"
ဆိုပြီး အင်္ကျီနှင့် ရင်ဘတ်ကြားထိုးထည့်လာသော ဇာတာကို ထုတ်ပေးသည်။ ဇာတာထဲမှာ မြန်မာကောဇာ နှစ် သာပါသည်။ မြန်မာလဆန်း၊ ဘဆုတ်ဘယ်ရက်ဆိုတာသာ ပါသည်။ အလုပ်ရှုပ်ရပြန်၏။ အရပ် ဘယ်လောက် သလဲဆိုတော့ "ကျွန်တော့အကိုထက် တစ်လက်မနိမ့်တယ်"တဲ့။ အကိုကကော ဘယ်လောက် ရှိသလဲဆိုပြန်တော့ "ကျွန်တော့ထက် တစ်လက်မမြင့်တယ်"တဲ့။
"ဘယ်မှာ မွေးသလဲ" ဟု ဇာတိကို မေးတော့
"အမေက ဘကြီးတို့ အိမ်သွားသည်ရင်း ဗိုက်နာလာတာနဲ့ အိမ်ကိုတောင် မပြန်နိုင်တော့ဘူး။ အဲဒီမှာပဲ ညကြီး မွေးတာ" ဟု ဆိုပြန်သည်။ ထင်ရှားတဲ့ အမှတ်အသားကတော့ နှာခေါင်းနည်းနည်းကြီးပါသတဲ့။
အဖေနာမည် ကို ရုတ်တရက် အစမဖော်နိုင်ဘဲ ဖြစ်နေသေးသည်။

"ကိုယ့်အဖေနာမည်တောင် မမှတ်မိဘူးလား" ဆိုတော့
"အဖေက ကျွန်တော်ငယ်ငယ်လေးထဲက ဆုံးသွားတာကိုးဗျ၊ ရုတ်တရက် ဘယ်မှတ်မိမလဲ၊ အဲ … နေဦး၊ အမေ တစ်ခါ ပြောဖူးတာတော့ ရှိတယ်။ နင့်တို့အဖေ ကိုအောင်ဘ ဟာ င့ါကိုတစ်သက်လုံး နှိပ်စက် လာခဲ့တာ တဲ့"
ဒီလိုနဲ့ အဖေနာမည် အဆင်ပြေသွားသည်။ ဒါတောင်မှ သူကပြန်ပြီး ဆရာလုပ်လိုက်တာ တစ်ခု ရှိသေး သည်။ ပုံစံစာရွက်ထဲ မှာ အဖေနာမည်ကို ထုံးစံအတိုင်း အဘအမည်ဟု ရေးထားသည်။ ဒါကို ကြည့်ပြီး သူက ဘကြီး နာမည်ပြောတာ ဟု ထင်သောကြောင့်
"ဦးအောင်ဘ ဆိုတာ အဖေလေ၊ အဘ မဟုတ်ဘူး" ဟု ပြောလိုက်၏။ အဘိုးအဘွားနာမည်ကျတော့ မပြော တတ်။ ထို့ကြောင့် …
"အဆင်ပြေ သလို ကြည့်ထည့်လိုက်ပေါ့ဗျာ၊ ဘယ်သူကလိုက်စစ်နေမှာလိုက်လို့" ဟု လုပ်လိုက်သေးသည်။

"အဖေရဲ့ ညီအစ်ကိုမောင်နှမများ"
"ဟာ … ရှုပ်တယ်ဗျာ၊ အဲဒါတွေ မထည့်နဲ့"
"မထည့် လို့ ဘယ်ရမလဲ"
"သူတို့ကစပြီး အဖေ့ ကို သေခန်းဖြတ်ထားလို့ အကို ကပြန် ပြောတာဗျ"
ဝန်ထမ်းအမျိုးသမီး သည် စိတ်ရှည်ပြီး သဘောကောင်းသူမို့လို့သာ တော်တော့သည်။ ဒါတောင်မှ ပုံစံ စာရွက် နှင့် စီစစ်ရေးကတ်ပြားပေါ်မှာ ကပ်ဖို့ ဓာတ်ပုံ ကို ရိုက်ရာမှာ နေကာမျက်မှန်တပ်ပြီး ပြုံးပြုံးကြီး ရိုက်လာခဲ့သကိုး။
 

(၂)

သူ၏ အမည်ရင်း သည် ချစ်ဦး ဖြစ်၏။
သူ့ကို အမည်ရင်း အတိုင်း မှန်မှန်ကန်ကန်ခေါ်တဲ့ လူဆိုလို့ သိပ်မရှိဘူး။ သူ့မိဘတွေရယ်၊ သူ့အကိုရယ်၊ သူ့မရီး ရယ်၊ ဘုန်းကြီးကျောင်းက ဆရာတော်ရယ်၊ ကျောင်းကဆရာ၊ ဆရာမတွေရယ်လောက်သာ ရှိခဲ့၏။
အများစု ကတော့ သူ့ကို ချစ်ရိုး ဟူ၍သာ ခေါ်ကြသည်။ ဒီလိုခေါ်တာကို သူကလည်း စိတ်မဆိုး၊ လိုလို လားလား လက်ခံသည်။ သူကိုယ်တိုင် က ကိုယ့်ဘာသာ ညွန်းတဲ့အခါမှာ "ချစ်ရူးကို ပေါ့သေးသေးလို့တော့ မထင် လိုက်ကြနဲ့" ဆိုတာမျိုးတောင် ပြောတတ်သေးသည်။

တချို့က သူ့ကိုဝမ်းတွင်းရူး ဟု ပြောသည်။ ၀မ်းတွင်းရူးဆိုသည်မှာ မိခင်၏ ၀မ်းထဲမှာကလည်း (မမွေးခင် ကတည်းက) ဦးနှောက်ချို့ယွင်းလာခဲ့ခြင်းကို ပြောခြင်း ဖြစ်၏။
ဒီလိုပြောလျှင် သူက …
"ကျုပ်က ၀မ်းတွင်းရူးဆိုတော့ ခင်ဗျားတို့က သဲတောရူး တို့ ပျော်ဘွယ်ရူး တို့ပေါ့နော်" ဟု ပြန် နောက် တတ် ၏။
တချို့ကတော့ သူ့ကို ကျပ်မပြည့်ရှာဘူးဟု သတ်မှတ်ကြသည်။ ဒီအခါကျတော့လည်း …
"ကျပ်မပြည့်ဘူး ဆိုတော ဆယ့်ငါးပဲရည် လောက်တော့ ရှိတာပေါ့နော်"ဟု တုန့်ပြန်လေသည်။

သူ့ကို ရူးနေတာဟု ပြောလို့ မဖြစ်ပါ။ သူသည် စိတ်ဝေဒနာသည် တစ်ယောက်လို ပရမ်းပတာ မဟုတ်။ ကြည့်လိုက်လျှင် သွားလာ၊ နေထိုင်၊ စားသောက်၊ ၀တ်စားမှုသည် ပုံမှန်အတိုင်းပင် ဖြစ်၏။ တစ်ချက် တစ်ချက် စိတ်မထင်တဲ့အချိန်မှာ ထဖောက်ခြင်းသာ ရှိသည်။
သူဖောက်ပုံကလည်း ကြမ်းကြမ်းတမ်း မဟုတ်။  အူကြောင်ကြောင် ကလေးတွေ လျှောက်လုပ်ခြင်းသာ ဖြစ်၏။ သာမာန် လူကောင်းဆိုသူတို့ လုပ်လေ့လုပ်ထ မရှိတာမျိုး ထူးထူးခြားခြား ဖြစ်သောကြောင့်သာ ရူးသည် ဟု ယိုးစွပ်ရခြင်း ဖြစ်၏။
ထို့အတူ တစ်ချက်တစ်ချက်ကြောင်ကွက် တွေ ထထလုပ်ပုံကြောင့် လူကောင်းပကတိပါဟု ပြောဖို့ကလည်း ခက်နေပြန်သည်။
တကယ်တော့လည်း လူအားလုံးတို့သည် "ကောင်းခြင်း" နှင့် "ရူးခြင်း" တို့ကြားမှာ ဟန်မပျက်နေထိုင်နေ ခြင်းသာ ဖြစ်၏။ ဟိုဘက်ဒီဘက် တည်းတည်းကလေးပဲ။ လူတိုင်းလူတိုင်း တစ်ချိန်မဟုတ်တစ်ချိန် တစ်နည်းနည်း နဲ့တော့ ရူးခဲ့မိဖူးကြတာပါပဲ။

ကောင်းချင်ယောင်ဆောင်ရာမှ ပိပိရိရိရှိသူကို လူကောင်းဟု ခေါ်သည်။ ဟန်မဆောင်တတ် မမျိုသိပ်၊ မဆင်ခြင်တတ် ဘဲ စိတ်ထဲရှိတာ လျှောက်ပြော၊ စိတ်ကူးထဲမှာ ပေါ်သမျှလောက်လုပ်တတ်သူမျိုးကျတော့ "အရူး" ဖြစ်သွားတာပေါ့လေ။

သူတို့မှာ မောင်နှမငါးယောက် ရှိသည်။ အလယ်က သုံးယောက်က ဆုံးသွားသည်။ ချစ်မှူး နှင့် ချစ်ဦး နှစ်ယောက် သာ ကျန်သည်။ အကိုအကြီးဆုံးနှင့် ညီအငယ်ဆုံးဆိုတော့ အသက်က ဆယ်နှစ်နီးပါး ကွာသည်။
အဖေက ချစ်ဦးငယ်ငယ်ကလေးကတည်းက ဆုံးသွားသည်။ အမေကလည်း သူဆယ်နှစ်သားအရွယ် လောက် မှာ ကွယ်လွန်ခဲ့ပြန်သည်။ ထို့ကြောင့် ချစ်မှူး က ချစ်ဦးကို ညီလိုတစ်မျိုး၊ သားလိုတစ်မျိုး ကျွေးမွေး စောင့်ရှောက်ခဲ့သည်။

ချစ်ဦးသည် ခုနှစ်တန်းအထိ ကျောင်းနေဖူးသည်။ ခုနှစ်တန်းစာမေးပွဲဖြေခါနီးကျမှ ကျောင်းထွက်လိုက်ခြင်း ဖြစ်၏။ ကျောင်းထွက် ရတာကလည်း စာမလိုက်နိုင်သောကြောင့် မဟုတ်။
သူက မှတ်ဥာဏ်တော့ ကောင်းသည်။ ကျောင်းစာတွေကို နားလည်တာမလည်တာအပထား၊ အလွတ်ရ အောင် ကျက်သည်။ သင်္ချာပုစ္ဆာတွေကိုပါ အလွတ်ကျက်ထားသည်။ အငယ်တန်းတွေအတွက် ကျောင်းစစ် စာမေးပွဲ တွေမှာ သင်ထားတာတွေထဲက သင့်လျော်ရာကို မေးမြန်းခြင်း ဖြစ်၏။ ထို့ကြောင့် သူ အလွတ်ကျက် ထားတာတွေထဲက ပါပါလာတတ်သဖြင့် အောင်မှတ်လောက်တော့ ရတတ်သည်။ တစ်ခါက ကိန်းဂဏန်း တွေပါ အလွတ်ကျက်ထားသော သင်္ချာပုစ္ဆာတွေနှင့် တိုးသဖြင့် အမှတ်တစ်ရာ အပြည့်တောင် ရ သွားသေး သည်။

သူငယ်တန်းစာမေးပွဲတုန်းကတော့ တစ်လုံးမှ မဖြေဘဲ ငုတ်တုတ်ထိုင်နေသဖြင့် ဆရာမ ဗျာများသွားရ သေးသည်။ ဘာဖြစ်လို့ မဖြေတာလဲမေးတော့ …
"စာမေးပွဲ ဆိုပြီး ဘာမှလည်း မထူးဆန်းဘူး၊ ဆရာမ သင်ပြီးသားတွေ ပြန်မေးတာပဲ" ဆိုပြီး ပေကပ်ကပ် ထိုင် နေသဖြင့် ချော့မော့ပြီး ဖြေခိုင်းရသည်။
လေးတန်းစာမေးပွဲမှာတော့ သူကျသည်။ မြို့နယ်က မေးခွန်းထုတ်ခြင်းဖြစ်သောကြောင့် သင်္ချာဘာသာမှာ နည်းနည်း လှည့်ထားသည်။ ကိန်းဂဏန်းတွေလည်း လွှဲထားသဖြင့် အလွတ်ကျက်ထားတာတွေနှင့် အံမကိုက်၊ ထို့ကြောင့်ကျသွားခြင်း ဖြစ်၏။

သူကတော့ စာမေးပွဲကျတာမဟုတ် မအောင်မြင်သာဖြစ်သည်ဟု ဆို၏။ သူ့အကြောင်းပြချက်ကတော့ …
"စာမေးပွဲကျတယ် ဆိုရင် လေးတန်းကနေသုံးတန်းကို ပြန်ဆင်းရမှာပေါ့ အခုလေးတန်းမှာပဲ ပြန်နေရမယ် ဆိုတော့ အရင်းပဲ၊ ဒါကြောင့် ကျတာ မဟုတ်ဘး မအောင်တာပဲ ရှိတယ်" ဟု ဆိုလေ၏။
ချစ်မှူးတို့က သူ့အကြောင်းပြောထားသဖြင့် ဆရာ၊ ဆရာမတွေက တော်ရုံတန်ရုံ ခွင့်လွှတ်ကြသည်။ စောင့်လည်း စောင့်ရှောက်ကြသည်။ အတန်းဖော်သူငယ်ချင်းတွေကလည်း "ချစ်ရူး" ဟု ခေါ်ကြတာကလွဲ လျှင် အနိုင်ကျင့်တာမျိုး သိပ်မရှိ။ တချို့ကတော့ တစ်စုံတစ်ခု ချွတ်ယွင်းအားနည်းသူကို ချိုးချိုးနှိမ်နှိမ် လုပ်လေ့ ရှိသော သာဘ၀အတိုင်း ချောက်ချချင်တာမျိုး ရှိသည်။
ဥပမာ …
အတန်းထဲမှ  လူရှုပ်သုံးကောင်က ချစ်ဦးကို ပြောသည်။

"ဟေ့ကောင့် ချစ်ရူး၊ မင်းသိပြီးပြီလား"
"ဟေ့ကောင် ချစ်ရူး၊ မင်းသိပြီးပြီလား"
"ဘာလဲကွ"
"ဒီနေ့ကစပြီး ကျောင်းတက်ချိန်အတွင်းမှာ အိမ်သာသွားချင်ရင် ခွင့်တိုင်ရမယ်လို့ ပြောတယ်ကွ"
"ဟ … ဒါဘာဆန်းလို့လဲ၊ အရင်လည်း ဆရာမကို ခွင့်တောင်း ပြီးမှ သွားရတာပဲ"

"အခုဟာက ပါးစပ်နဲ့ ခွင့်တောင်းရတာ မဟုတ်ဘူးကွ၊ ခွင့်တောင်းပြီး တင်ရမှာတဲ့"
ချစ်ဦးတကယ်မှတ်သည်။
"မင်းတို့ပြောမှ ငါတောင်သေးပေါက်ချင်လာပြီကွာ" ဆိုပြီး စာရွက်လွတ်တစ်ရွက်ဖြဲ၍ ခွင့်စာရေးလေသည်။ သူရေးပုံက …

သို့

ဆရာမခင်ဗျား
ကျွန်တော်ဖြစ်သူ မောင်ချစ်ဦးသည် အိပ်သာသွားချင်တဲ့အတွက် ခွင့်ခဏလေးပေးပါလို့ တောင်းပန် ပါသည်။

ချစ်ဦး

ထိုစာကို သွားပေတော့ ဆရာမက ဖတ်ကြည့်ပြီး ပြုံးစေ့စေ့လုပ်ရင်း …
"ဟဲ့ … မောင်ချစ်ဦး၊ ဒါက ဘယ်လိုဖြစ်ရပြန်တာလဲ"

"ခွင့်စာလေ ဆရာမ"
"အိမ်သာသွားတာ ခွင့်စာတင်ရမယ်လို့ မင်းကို ဘယ်သူပြောလဲ"
"ဟိုကောင်တွေ ဆရာမ"
"အင်း … ဖြစ်ရမယ်၊ ဖြစ်ရမယ် … မင်းကတော့လေ"
ချစ်ဦးကို အတန်းထဲက ကျောင်းသားကျောင်းသူတွေက ၀ိုင်းဟားသည်။ ချစ်ဦးကတော့ ဒါမျိုးရိုးနေပြီ ဖြစ် သောကြောင့် ရှက်မနေတော့ဘဲ စပ်ဖြဲဖြဲလုပ်နေ၏။
မေ့သလောက်ရှိသောအခါကျမှ သူ၏လက်တုံ့ပြန်မှု့ ကို အကောင်အထည် ဖော်သည်။

တစ်ရက်မှာ လူရှုပ်သုံးကောင် ကျောင်းကိုအလာလမ်းမှာစောင့်နေသော ချစ်ဦးနှင့် တွေ့သည်။
"ချစ်ရူး၊ ဘာစောင့်နေတာလဲ" မေးတော့
"ငါတစ်ယောက်တည်း မသွားရဲလို့ကွ"
"မင်းကလည်း အရင်းမရှိ အဖျားမရှိကွာ၊ ဘယ်ကို မသွားရဲတာလဲ"
"ဒီလို့ကွ၊ အိမ်တစ်အိမ်မှာ ငါတွေ့ခဲ့တာ၊ မာလကာပင်ကွ၊ ခြံစည်းရိုး အပြင်ကို ထွက်နေတဲ့ အကိုင်းမှာ အသီး တွေ ပြွတ်နေတာပဲ၊ ကီလိုသီးကြီးတွေကွ"
"အိမ်ရှင်တွေကတော"
"အိမ်ရှင်တွေက မနက်ဆိုရင် အလုပ်သွားကြတာ၊ ဘယ်သူမှ မရှိဘူး၊ အဲဒါ ငါတစ်ယောက်တည်း မသွားရဲ လို့"
"ဒါများကွာ၊ ကဲ … လာ၊ ငါတို့ပါ လိုက်မယ်"

ဟိုရောက်တော့ မာလကာပင်ကိုတော့ တွေ့သည်။ အသီးတွေက တစ်လုံးမှ မရှိတော့။ ချစ်ဦးက …
"ငါ မနေ့ညနေ က သေသေချာချာ တွေ့ပါတယ်ကွာ"
"မင်းလုပ်လိုက်ရင် ဒီအတိုင်းချည်းပဲ"
ချစ်ဦးက တမင်တကာ အချိန်ဆွဲလို့ရအောင် မျှားခေါ်သွားခဲ့ခြင်းသာ ဖြစ်၏။ မာလကာသီးကိစ္စကြောင့် အချိန်လင့် သွားသဖြင့် ကျောင်းတက် နောက်ကျသွားသည်။ ကျောင်းဝင်းနားရောက်ခါနီး တစ်ဖာလုံ လောက် အလိုမှာပင် ကျောင်းတက်ခေါင်းလောင်း ထိုးသံကြားရသည်။

"ဟာ … ကျောင်းတက်သွားပြီ"
သူတို့ အပြေးအလွှား သွားကြ၏။ ၀င်းတံခါးနားအရောက်တွင် ကျောင်းဝင်းထဲမှာ တစ်ယောက်မှ မရှိတော့ ကြောင်း တွေ့လိုက်ရသည်။ ကျောင်းသားအားလုံး အတန်းထဲမှ ရောက်ကုန်ပြီ။
ကျောင်းဝင်း ထဲ ၀င်ဝင်ချင်းပင်မှာပင် ချစ်ဦးက ဆောင့်ကြောင့်ထိုင်ချလိုက်ပြီး လက်နှစ်ဖက်ကို နောက်စေ့ မှာ ယှက်တင် လိုက်၏။
"ဟေ့ကောင်၊ ဘာလုပ်တာလဲ"
လူရှုပ်တစ်ကောင် မေးတော့ ချစ်ဦးက …
"မင်းတို့ မသိသေးဘူးလား၊ သြော် … အေး .. ဘယ်သိမလဲ၊ မင်းတို့က မနေ့က ကျောင်းပြေးတာကိုး"
"ဘာဖြစ် လို့လဲကွ"

စိုးရိမ်သံနှင့် မေးကြတော့ …
"ကျောင်းနောက်ကျတဲ့လူတွေ ဖားခုန်ခုန်ပြီး ၀င်ရမယ်လို့ ဆရာကြီးက အမိန့်ထုတ်ထားတယ်ကွ၊ ဒါမှ မဟုတ်ရင် တော့ ကြိမ်ဒဏ်ဆယ်ချက်တဲ့"
"ဟေ"
"ဆရာကြီးလက်သံပြောင်တာ မင်းတို့သိသားပဲ၊ ဆယ်ချက်မပြောနဲ့၊ သုံးချက်ဆိုရင်တောင် နနွင်း သိပ် ရတာ"
ဟိုကောင်ဇဝေဇ၀ါဖြစ်ပြီး တွေဝေသွား၏။ ချစ်ဦးက
"ဖင်အသားနီလန်အောင်တော့ အရိုက်မခံနိုင်ဘူး၊ ဖားခုန်ခုန်ရတာက သက်သာသေးတယ်"
လူရှုပ်သုံးကောင် မှာ မနေ့က ကျောင်းပြေးမိတာက တစ်ပြစ်၊ ကျောင်းနောက်ကျတာက တစ်ပြစ်ဆိုတော့ ထူပူပြီး ဘာလုပ်ရမှန်းမသိ ဖြစ်နေကြစဉ် …
"ကဲ … ငါတော့ သွားပြီဟေ့"

ချစ်ဦးက ပြောပြောဆိုဆို ဖားခုန်ခုန်ပြီး စထွက်သည်။ ဟိုကောင်တွေလည်း ကြံရာမရဘဲ ဆောင်ကြောင့် ထိုင်ချလိုက်ပြီး ဖားခုန်ခုန်ရင်း လိုက်ကြရတော့သည်။
ချစ်ဦးက ရှေ့က ဦးဆောင်ပြီး ဟိုကောင်သုံးကောင်က နောက်ကခုန်ဆွခုန်ဆွ လိုက်ဘာသော မြင်ကွင်းကို အတန်းထဲ က လှမ်းမြင်ရတော့ ကျောင်းသားကျောင်းသူတို့အားလုံး တ၀ုန်းဝုန်းရယ်ကုန်ကြသည်။ ဆရာမ လည်း ဘာဖြစ်တာလဲဟု လှမ်းကြည့်ပြီးနောက် ကျောင်းဆင်ဝင် အောက်တွင် ရပ်လိုက်၏။ ထိုစဉ်မှာပင် ချစ်ဦး ခေါင်းဆောင်သော ဖားခုန် အဖွဲ့လည်း ပန်းဝင်လာသည်။
ချစ်ဦးက ထရပ်ပြီး ဆရာမကို ပြုံးဖြဲဖြဲ နှုတ်ဆက်သည်။ ဟိုသုံးကောင်လည်း ထရပ်ရင်း ပေါင်တွေကို နှိပ်နယ် နေ၏။

"ဘာလုပ်ကြတာလဲကွယ့်"
"ကျောင်းနောက်ကျလို့ပါ" ဟု လူရှုပ်တစ်ကောင်က ပြော၏။ နောက်တစ်ကောင်က …
"ကျွန်တော် တို့ကို ဆရာကြီးဆီတော့ မပို့ပါနဲ့နော် ဆရာမ၊ ဖားခုန်လည်း ခုန်ပြီးပါပြီ"
"နေစမ်းပါ၊ မင်းတို့ကို ဘယ်သူက ဖားခုန်ခုန်ခိုင်းတာလဲ"
"ဟို … ချစ်ရူး ဆရာမ"
"ဟေ … သူခုန်ခိုင်းတာ နဲ့ မင်းတို့က ခုန်တယ်"
"ဟိုလေ … ကျောင်းနောက်ကျရင် ဖားခုန်ခုန်ရမယ်လို့ ဆရာကြီးက အမိန့်ထုတ် … ဟာ"

ဆရာမ ပင် ဟန်မဆောင်နိုင်ဘဲ ခွီးခနဲ ရယ်မိသဖြင့် ဟိုကောင်တွေ ခံလိုက်ရပြီဆိုတာ သိသွားပြီး အကြီးအကျယ် ရှက်သွား၏။ ဆရာမက ရယ်ရင်း …
"ဖြစ်ရလေကွယ်၊ အင်း … လူပါးပုလင်းထိဆိုတာ ဒါမျိုးပေါ့"
"လူရှုပ်သုံးကောင်မှာ တစ်တန်းလုံး ၀ိုင်းဟားတာ ခံလိုက်ရ၏။ အထူးသဖြင့် ချစ်ဦး လိုကောင်က ပြန်နှပ်ချ တာ ခံလိုက်ရသဖြင့် အတော်အောင့် သက်သက် ဖြစ်သွားကြရသည်။ တခြားအတန်းက ကျောင်းသား ကျောင်းသူတွေလည် သူတို့ဖားခုန်ခုန်တာကို လှမ်းမြင်ခဲ့သောကြောင့် သတင်းက တစ်ကျောင်းလုံး ပျံ့နှံ့ သွားသည်။
ချစ်ဦး အဖို့ကတော့ နဂိုကပင် ပေါခွင့်လိုင်စင်ရထားတာ အားလုံးအသိဖြစ်သောကြောင့် ဘာမှအရေးကြီး ခွင်ကျယ် မဖြစ်။ ဒါတွင်မက "လူရှုပ်သုံးကောင်ကို ငါလုပ်တဲ့အတိုင်း လိုက်လုပ်ခိုင်းပြမယ် ကြည့်နေ" ဟု သူငယ်ချင်းတွေ နဲ့ လောင်းကြေးစားကြေးလုပ်ခဲ့တာ နိုင်သွားသဖြင့် မုန့်ဟင်းခါး တစ်ပွဲတောင် စားလိုက်ရ သေးသည်။

ချစ်ဦးက အဲဒီလိုကောင်မျိုး။
ခုနှစ်တန်းရောက်တဲ့အခါမျိုးမှာတော့ သူ့မှာ ထူးထူးခြားခြား စိတ်ရူးတစ်ခုပေါက်လာခဲ့လေသည်။
ကျောင်းမှာ သင်ရသော ဘာသာရပ်များအပေါ် ဝေဖန်ဆန်းစစ်လာခြင်းပင် ဖြစ်၏။
မြန်မာစာဆိုတာ ကောင်းကောင်းရေးတတ် ဖတ်တတ်ရင် တော်ရောပေ့ါ။ ဘာကြောင့်အများကြီး ထပ်သင် နေဖို့လိုသလဲ။
အင်္ဂလိပ်စာကတော့ တတ်ထားရင် ကောင်းတယ်။ အင်္ဂလိပ်ဇာတ်ကားကြည့်ရင် နားလည်တာပေါ့။

သင်္ချာဆိုတာ အပေါင်း၊ အနုတ်၊ အမြှောက်၊ အစားတတ်ဖို့ပဲ လိုတယ်။ အက္ခရာသင်္ချာဆိုတာ ဘာမှ သုံးလို့ ရတာ မဟုတ်ဘူး။ ပြီးတော့ ဂျီသြမေတြီဆိုတာကတော့ တြိဂံတစ်ခုမှာ အနားသုံးဖက်ရှိတယ်ဆိုတာ ကြည့်ရုံ နဲ့ သိတာပဲ၊ ရေးကြီးခွင်ကျယ်လုပ်လို့။ အတွင်း ထောင့်သုံးခုပေါင်းတစ်ရာ့ရှစ်ဆယ်ဒီဂရီတဲ့။ သူ့ဟာသူ တစ်ရာ့ရှစ်ဆယ် မကလို့ နှစ်ရာပဲရှိရှိ ဘာလုပ်ရမှာလဲ။
ပထ၀ီ ဆိုတာကကော။ သဘာဝပေါက်ပင်ဆိုတာ ဘာထူးဆန်းသလဲ။ စာထဲမပါလည်း သူ့ဘာသာ ပေါက်တာ က ပေါက်မှာပဲ။
သမိုင်းကတော့ သိပ်မဆိုးလှ။ ဟိုရှေးရှေးတုန်းက အကြောင်းတွေက နားထောင်လို့ကောင်းသည်။
သိပ္ပံဘာသာ လည်း မဆိုးလှ။ စိတ်ဝင်စားဖို့တော့ ကောင်းသား။

ဒီအကြောင်းတွေကို သူက အတန်းပိုင်ဆရာမ ပြောပြသည်။ မလိုတာတွေကို အလကား အချိန်ကုန်ခံပြီး မသင် ဖို့။
ဆရာမက ထိုဘာသာရပ်များ၏ အသုံးဝင်ပုံများကို စိတ်ရှည် လက်ရှည် ရှင်းပြသည်။ သို့ရာတွင် သူက နားမ၀င်။ ကျောင်းအုပ်ဆရာကြီးဆီအထိ သွားပြီး တင်ပြသည်။ ဆရာကြီးမှာ အတော် ဦးနှောက် ခြောက်သွား ၏။ ချစ်ဦးအကြောင်းသိနေသဖြင့် ဆူတော့ မဆူ။ ပြဋ္ဌာန်းစာတွေကို မသင်ချင်လို့မရကြောင်း နှစ်သိမ့် ပြောဆိုသည်။

ချစ်ဦးက လက်မခံ။ သူစိတ်မ၀င်စားသော ဘာသာ သင်သောအချိန်မှာ နားမထောင်ဘဲ အိပ်နေသည်။ ဒါမှ မဟုတ် အတန်းပြင် ထွက်ထိုင်နေသည်။
မတတ်တာတော့သဖြင့် သူ့အစ်ကို ချစ်မှူးကို ခေါ်ပြီး အခြေအနေကို ပြောပြသည်။ ချစ်မှူးက သူ့ညီကို ချော့မော့ စည်းရုံးသော်လည်း မရ။
နောက်ဆုံးတော့ တစ်နိုင်ငံလုံးအတွက် ပြဋ္ဌာန်းထားသော သင်ရိုးညွှန်းတမ်းကို သူတစ်ယောက်တည်း အတွက် ပြင်ဆင်ပေး လို့ မဖြစ်နိုင်သဖြင့် ချစ်ဦး ကျောင်းထွက်လိုက်လေတော့သည်။
ချစ်မှူးမှာ သူ့ညီကို တော်တော်ချစ်သဖြင့် ခုကိစ္စအတွက် မဆူရက်၊ အပြစ်မတင်ရက်။ တကယ်တော့ ချစ်ဦး ၏ အခြေအနေအရ … စာလေးရေးတတ် ဖတ်တတ်ရင်တော်ပြီဆိုပြီး ကျောင်းထားခဲ့ခြင်းသာ ဖြစ်၏။ ခုလို ခုနစ်တန်း အထိ ရောက်အောင်တက် နိုင်တာကိုက အမြတ်ပဲဟု သဘောထားလိုက်ရ၏။

ဆက်ရန်
http://www.shwezinu.com