''ဒါနဲ့ ဟေ့ကောင်၊ မြလွင်က ကလေးမွေးပြီးမှ ပိုတောင်လှလာပါလားကွ''
ကိုဘိုလေးကပြောသည်။
''ဒါကတော့ ကျွန်တော့် အစ်မကိုးဗျ၊ ဟဲ ဟဲ''
ဟု ချစ်ဦးက ဂုဏ်ယူသော လေသံဖြင့် ပြန်ပြော၏။
''မင်းအမ အရင်းတော့ မဟုတ်ပါဘူး''
''အစ်ကိုကတော့ အရင်းပါဗျ''
''အေးလေ၊ ချစ်မှူးကတော့ မင်းအစ်ကိုအရင်းပေါ့ကွ၊ ဒါပေမယ့် မြလွင်က မင်းအစ်မအရင်းတော့ မဟုတ် ဘူး မင်းအစ်ကိုရဲ့ မိန်းမပဲ''
''ဘာထူးလို့လဲ''
''ထူးတယ်ကွ၊ ဘယ်လိုထူးတယ်ဆိုတာ ငါပြောပြမယ်''
ကိုဘိုလေးက ဆေးပေါ့လိပ်ကို မီးဖိုထဲက မီးကျီးခဲမှာ ထိုးပြီး မီးညိလိုက်သည်။ ကိုသန်းမောင်က ရေနွေး ကြမ်းကို မှုတ်သောက်ရင်း နားစွင့်နေသည်။ ချစ်ဦးက သိချင်စိတ်ဖြင့်....
''ဘယ်လိုထူးတာလဲဗျ၊ ပြောစမ်းပါ''
ဟု လောသည်။ ကိုဘိုးလေးက ဆေးလိပ်ဖွာပြီးမှ...
''ဒီလိုကွ၊ အဲ''
ခေါင်းကုတ်စဉ်းစားပြီး..
''အဲ... ဟုတ်ပြီ၊ အခု မင်းတို့နေတဲ့အိမ်ကို ဘယ်သူပိုင်သလဲ''
''ဟာ.... ကိုယ့်အိမ်ကိုယ် ပိုင်တာပေါ့၊ ဒါများအဆန်းလုပ်လို့''
''ဒီလို လက်လွတ်စပယ် ပြောလို့မရဘူးလေကွာ၊ ဒီမှာ .. အဲဒီအိမ်ကို ဘယ်သူစဆောက်တာလဲ''
''ဦးတင်အောင် ဆိုတာ လက်သမားဆရာကြီးလေ၊ သိပ်တော်တာတဲ့၊ သူပဲဦးစီးပြီး ကျွန်တော်တို့အိမ်ကို ဆောက် ပေးတာလို့ ကိုကြီးက ပြောဖူးတယ်''
''ငါပြောတာက ဘယ်လက်သမားနဲ့ ဆောက်တာလဲလို့ ပြောတာမဟုတ်ဘူး။ အိမ်ရဲ့ မူလပိုင်ရှင် ကိုပြောတာ''
''အဖေပေါ့ဗျ''
''အေး... ဟုတ်ပြီ၊ အဲဒီအိမ်က မင်းအဖေပိုင်တဲ့အိမ်ပေါ့၊ မင်းတို့အဖေသေတော့ ဘယ်သူက ဒီအိမ်ကို ပိုင်သလဲ''
''ကိုကြီး ဖြစ်မှာပေါ့''
''မင်းအစ်ကို ဆုံးသွားတော့ရော ဘယ်သူက ဆက်ပိုင်သလဲ''
ချစ်ဦး တွေးပြီး စဉ်းစားနေသည်။ ခုလောလောဆယ် အိမ်မှာ စီမံအုပ်ချုပ်နေတာကတော့ ဒေါ်ငွေဇံပဲ၊ သူများ ပိုင်နေလို့လား၊ ဒါလည်း သိပ်တော့ အဓိပ္ပါယ် မရှိသလိုဘဲဟု တွေးနေတုန်း ကိုဘိုလေးက...
''မင်းအစ်ကို မရှိတော့ မင်းပိုင်တာပေါ့ကွ''
''ဟုတ်ရဲ့လားဗျာ''
''ဟုတ်တာပေါ့ကွ၊ အိမ်တွင် မကဘူးကွ၊ မင်းအစ်ကိုပိုင်ခဲ့တဲ့ ပစ္စည်းအားလုံး မင်းကဆက်ပြီးပိုင်တယ်''
ကိုဘိုလေး စကားက ဘယ်ကိုဦးတည်နေတယ်ဆိုတာ ရိပ်မိသော ကိုသန်းမောင်က ချောင်းသံပေးပြီး ဟန့် တားဖို့ကြိုးစား သေးသည်။ သို့ရာတွင် ကိုဘိုလေးက အရှိန်ရနေပြီ။ ထို့ကြောင့်...
''မင်းပိုင် တဲ့ အထဲ မှာ မြလွင်လည်းပါတယ်''
ချစ်ဦးဆတ်ခနဲ ဖြစ်သွားပြီး.....
''မမမြလွင် က လူပဲဗျ၊ ပစ္စည်းမှမဟုတ်တာ''
ချစ်ဦး၏စကားကို ကိုသန်းမောင်က သဘောကျပြီး ခေါင်းတညိတ်ညိတ် လုပ်နေသည်။ ကိုဘိုးလေးက ဆက်ပြောသည်။
''မိန်းမဆိုတာ ယောက်ျားတွေပိုင်တဲ့ ပစ္စည်းတစ်မျိုးပဲကွ၊ ယောက်ျားတွေ စကားပြောတဲ့အခါ၊ ငါ့မိန်းမ၊ ငါ့မိန်းမ နဲ့ ပြောကြတာဟာ သူတို့ပိုင်တဲ့ ပစ္စည်းမို့လို့ပေါ့၊ ဒါကြောင့် မြလွင်ကို မင်းပိုင်တယ် လို့ ပြောတာပေါ့''
ချစ်ဦးနည်းနည်းခေါင်းရှုပ်သွားသည်။ လည်ပင်းကို ကုတ်လိုက်ပြီး...
''အဲဒီတော့ ကျွန်တော် က ဘာလုပ်ရမှာလဲ''
''မြလွင် ကို မင်းယူလိုက်ပေါ့ကွာ''
''ဟာဗျာ ငရဲကြီးမှာပေါ့''
ချစ်ဦး မျက်လုံးပြူးသွားရင်း ပြောသည်။ ကိုသန်းမောင်ကလည်း....
''ဘိုလေး၊ ဘာတွေလျှောက်ပြောနေတောလဲကွ''
ဟု ဟန့်တားသေးသည်။ ကိုဘိုလေးက အသာနေစမ်းပါဟုဆိုသော သဘောလက်ကုတ်လိုက်ပြီး။
''မင်းစဉ်းစားကြည့်စမ်း ချစ်ရူး၊ မြလွင်ဟာ ကလေးတစ်ယောက်အမေသာဆိုတယ် အပျိုထက်တောင် လှသေးတယ် မဟုတ်လား''
ချစ်ဦး အလျင်အမြန် ခေါင်းညိတ်သည်။
''ဒီတော့ သူ့ ကို ကြိုက်နေတဲ့လူတွေရှိမှာပဲ၊ သူကလည်း ငယ်သေးဆိုတော့ တစ်ယောက်ယောက်ကို ပြန်ကြိုက်ပြီး ယူသွားရင် ဘယ့်နှယ်လုပ်မလဲ''
''သူဟာသူ ကြိုက်ရင် ယူပစေ့ပေါ့ဗျာ''
''ပြီးစလွယ် မပြောနဲ့ကွ၊ မုဆိုးမဆိုရင် လူတွေက သိပ်တန်ဖိုးမထားချင်ဘူး၊ ယူပြီးမှ နှိပ်စက်ကလူ ပြုနေရင် ဘယ်လို လုပ်မလဲ''
ချစ်ဦး က ဘာမှ ပြန်မပြောဘဲ ငြိမ်နေသည်။
''တစ်ခုပြောရဦးမယ်ကွ၊ ဆိုက်ကားအုံနာကိုဝင်းမောင်ကြီး မင်းတို့ဆိုင်ကို ခဏခဏ ဈေးလာဝယ်တာ သိတယ် မဟုတ်လား''
''အဲဒါ အကောင်းမဟုတ်ဘူးကွ၊ ဈေးဝယ်တာ အကြောင်းပြပြီး မြလွင်ဆီကို လာနေတာ''
ချစ်ဦး က ခဏစဉ်းစားနေပြီးမှ ပြုံးဖြီးဖြီးဖြစ်လာပြီး...
''အေးဗျ ဖြစ်နိုင်တယ်''
''အသက် က ငါးဆယ်လောက်ရှိနေပြီနော်၊ မြလွင်ထက် အသက်နှစ်ဆလောက်ကြီးတယ်''
''သဘောကတော့ ကောင်းပါတယ်ဗျ၊ ကျွန်တော့်ကိုတောင် ညီလေး ညီလေးဆိုပြီး လက်ဖက်ရည်တွေ ဘာတွေတိုက်သေးတယ်''
''အဲဒါ.... မင်းကို သူ့ဘက်ပါအောင် စည်းရုံးနေတာပေါ့ကွ၊ မင်းက မြလွင်ကို ဒီလို မုဆိုးဖိုကြီးလက်ထဲ အပါ ခံ မလား မင်းသဘောတူနိုင်မလား''
ဒါတော့ ချစ်ဦးလည်း မပြောတတ်။ ဦးဝင်းမောင်ကြီးက ဆိုက်ကားသုံးစင်းပိုင်သည်။ ဈေးထဲမှာလည်း နေ့ပြန် တိုးပေးသေးသည်။ ထို့ကြောင့် ငွေရေး၊ ကြေးရေး အဆင်ပြေသည်။ သဘောလည်း ကောင်းပုံ ရသည်။ သူ့ကို ယူလျှင် မမမြလွင် ကောင်းကောင်းနေ၊ ကောင်းကောင်းစားရမည်။ သူလည်း ဟင်း ကောင်းကောင်း စားရမည်။ ဒါပေမယ့် မမမြလွင်ကို ပေးလိုက်ရမှာတော့ နှမြောစရာကြီးဟု လျှောက်တွေး နေတုန်း ကိုဘိုလေးက ...
''အရေးအကြီးဆုံး အချက် ကျန်သေးတယ်ကွ၊ တကယ်လို့ မြလွင်က ကိုဝင်းမောင်ကြီးကို လက်ထပ်လိုက် ရင် မင်းတူမလေး သဲသဲချစ် ကိုပါ၊ ပေးလိုက်ရမှာနော်''
ချစ်ဥိး တောင့်ခနဲ ဖြစ်သွား၏။
''ဟာ ... ဒါတော့ မရဘူး၊ သဲသဲကိုတော့ မပေးနိုင်ဘူး''
ဟု အလန့်တကြား လေသံဖြင့် ပြောလိုက်သည်။
''အဲဒါကြောင့် ပြောတာပေါ့၊ သူများ လက်ထဲတော့ အပါမခံနဲ့၊ မြလွင်ကို မင်းပဲ ရအောင်ကြံကွာ၊ ဖိတ်ချင်းဖိတ်''
''ဟေ့ကောင် တော်တော့ကွာ၊ မင်းပေါက်ကရတွေ မြှောက်ပေးမနေနဲ့''
ကိုသန်းမောင်က တားမြစ်လိုက်ပြီး စကားစဖြတ်လို့ရအောင် ...
''ကဲ ... ဘယ်နာရီ ထိုးပြီးလဲ၊ သံချောင်းခေါက်ရအောင်''
ဟု လမ်းလွဲလိုက်သည်။ ကိုဘိုလေးက လက်ပတ်နာရီ လက်နှိပ်ဓာတ်မီးနှင့် ထိုးကြည့်ပြီး ...
''၁၁နာရီ ၁၅၊ ဟား ... မဟုတ်သေးပါဘူး၊ ၁၁နာရီ သံချောင်းခေါက်ပြီးတာဖြင့် ကြာလှပြီ၊ ဟင် ... နာရီက ရပ်နေပါလား''
ချစ်ဥိးက လက်နှိပ်ဓာတ်မီး လှမ်းယူပြီး သူ့နာရီကလေးကို ထိုးကြည့်ရင်း ...
''၁၂နာရီထိုးဖို့ ၅မိနစ်ပဲ လိုတော့တယ်ဗျ''
ဟု ပြောလိုက်သည်။ ကိုဘိုလေးက သူ့လက်ပတ်နာရီကို စိတ်ပျက်လက်ပျက် ကြည့်လိုက်ပြီး ...
''ဘယ်လိုဖြစ်တာလဲ၊ ဘယ်ထရီ လဲထားတာ ဘယ်လောက်မှ မကြာသေးဘူး ရပ်သွားပြီ''
ဟု ညည်းညူလိုက်သည်။ ထိုအခါ ချစ်ဦးက ...
''ကိုဘိုလေး က နာရီကို အမြဲပတ် ထွက်နေတော့ ... မြန်မြန်အားကုန်တာပေါ့'' ဟု ပြောလိုက်၏။
''အေးကွ၊ ငါကလည်း အမြဲအပြင်ထွက်နေရတော့ ... ဟာ ... ဟေ့ကောင် လုပ်ချလိုက်ပြန်ပြီ၊ ဓာတ်ခဲ နာရီ ဆိုတာ ပတ်ပတ်မပတ်ပတ် အမြဲသွားနေတာပဲဟု ရုတ်တရက် ငါတောင်ကြောင်သွားတယ်''
''ဟား ဟား ... သူများကို ချွန်တွန်းလုပ်ချင်တဲ့ကောင် ခံရပြီ မဟုတ်လား'' ကိုသန်းမောင်က ကိုဘိုလေးကို ဟားသည်။
ချစ်ဦးက ထထွက်သွားပြီး ၁၂နာရီသံချောင်းခေါက်လိုက်သည်။ ထို့နောက် တစ်စုံတစ်ခုကို လေးလေး နက်နက် တွေးနေပုံမျိုးဖြင့် အမှောင်ထဲကို ငေးကြည့်နေသည်။
သဲသဲချစ်က ''ရူးရူးသိပ်မှ အိပ်မယ်'' ဟု ဆိုသဖြင့် ချစ်ဦးက ထမ်းပြီး ချော့သိပ်ရသည်။ သဲသဲချစ်က ဒီလိုပဲ၊ ရူးရူးသိပ်မှ အိပ်မယ်၊ ရူးရူးကျွေးမှ စားမယ်၊ ရူးရူး ရေချိုးပေးဆိုတာမျိုး လုပ်တတ်သည်။ ချစ်ဦးကလည်း အမြဲတမ်း အလိုကျအောင် လုပ်ပေးတတ်သည်။ အချိန်အားရတဲ့ အခါတိုင်း သဲသဲနှင့် ကစားသည်။
ကစားနည်းတွေကတော့ မျိုးစုံပင် ဖြစ်၏။ သဲသဲသည် သုံးနှစ်ပြည့်တော့မည် ဖြစ်သဖြင့် စကားတွေလည်း တွတ်တီးတွတ်တာ ပြောတတ်နေပြိ။ ကစားနည်းတချို့ကိုလည်း တတ်နေပြီ။ ပုစွန်ဆီဆိတ်ဆိတ်တို့ ဘာတို့ လောက်ကိုတောင် သိပ်မဆော့ချင်တော့။ တခြားအိမ်နီးချင်းကလေးကြီးတွေ ကစားသလို လက်သုပ် ရောင်းတမ်း ဘာတွေ ကစားချင်သည်။
ထိုအခါ ချစ်ဥိးက သစ်ရွက်တွေခူး၊ ဓားနှင့် ပါးပါးလှီးပေးပြီး အသုပ်ရောင်းတမ်း ကစားကြသည်။ ချစ်ဦးက ၀ယ်စား တယ်ဆိုပြီး စားဟန်ပြုသည်။ သဲသဲက တစ်ခါတလေ ...
''တကယ်လည်း စားဘူး'' ဟု အလိုမကျဟန် ပြောလျှင် အရွက်တွေကို ပါးစပ်ထဲ တကယ်ထည့်၍ ၀ါးပြ သည်။ တချို့အရွက်တွေက ခါးသဖြင့် ရှုံ့ရှုံ့မဲ့မဲ့။ အစေးတွေ ပါသဖြင့် ပါးစပ်လောင်တာလည်း အခါခါ။
တစ်ခါတလေ တော့ အိမ်နီးနားချင်းမိန်းမတွေလို ရန်ဖြစ်တမ်း ကစားကြသည်။ ချစ်ဦးက ''ညည်းကလည်း အေ့၊ ကျုပ်ကိုအေ့၊ ဒီလိုမပြောပါနဲ့အေ့'' ဟု ဟန်နှင့် ပန်နှင့် လုပ်ပြရသည်။ ထိုအခါ သဲသဲက ခါးလေး ထောက်ပြီး နှုတ်ခမ်းကို ထော်၍ ...
''ဘာလဲအေ့ ... ဘာလဲအေ့'' ဟု ရန်တွေ့သလို လုပ်ပြတာ သိပ်ချစ်ဖို့ ကောင်းသည်ဟု ချစ်ဦးက ဆို၏။
သဲသဲ သဘောအကျဆုံးကတော့ ချစ်ဦးကို ဆင်ကြီးလုပ်စီးရခြင်း ဖြစ်၏။ ချစ်ဦးကလည်း မမောနိုင်၊ မပန်းနိုင် အစီးခံသည်။
ဒီနေ့ ညဦးပိုင်းမှာလည်း တစ်ချိန်လုံး ကစားကြပြီးနောက် သဲသဲက ... အိပ်ချင်ပြီး၊ ရူး ရူး သိပ်ပါဆိုသဖြင့် ချစ်ဦး က ထမ်းပြီး ချော့သိပ်ရခြင်း ဖြစ်၏။ အိပ်ပျော်သွားပြီဆိုမှ အိမ်ရှေ့ခန်းမှာခင်းထားသော ဖျာ ကလေး ပေါ် ခဏချသိပ်ထားရ၏။
မြလွင်က သဲသဲ၏ အ၀တ်အစားတွေကို မီးပူတိုက်နေသည်။ ချစ်ဦးသည် မြလွင်၏ဘေးမှာ ၀င်ထိုင်လိုက် သည်။ ပြီးတော့ ဟိုအရင် မြလွင် ကိုယ်ဝန်ရှိခါစတုန်းကလိုပင် ငေးကြည့်နေမိ၏။ မြလွင်လည်း သူ့အလုပ်နဲ့ သူမို့ အမှတ်တမဲ့ပဲ။ အ၀တ်တွေ မီးပူတိုက်ပြီးတော့မှ ဘာစကားမှ မပြောဘဲ ဘေးမှာလာထိုင်နေသော ချစ်ဦး ကို သတိပြုမိပြီး လှည့်ကြည့်သည်။
''ဟဲ့ ... ဘယ်လိုဖြစ်လို့ လူကို စိုက်ကြည့်နေတာလဲ''
ချစ်ဦးက ခေါင်းတညိတ်ညိတ်လုပ်ရင်း ...
''အင်း ... ဟိုလူတွေ ပြောတာလည်း မှန်တာပဲ''
''ဘာမှန်တာလဲ၊ ဘယ်သူတွေက ပြောတာလဲ''
''မမ က ကလေးတစ်ယောက်မွေးပြီးမှ ပိုလှလာတယ်တဲ့''
''ဟယ် ... တောက်တီးတောက်တဲ့၊ ဟိုအရင်ကတည်းက ဒီရုပ်ပဲဟာ၊ ခုဆိုရင် အသက်ကြီးလာလို့ ပိုတောင် ရုပ်ဆိုး သွားရမှာပေါ့''
''မဟုတ်ဘူး မမရဲ့၊ သဲသဲ မွေးခါစတုန်းကတော့ ပိန်သွားတယ် မှန်တယ်။ ခုကျတော့ ဟိုအရင်ကထက် တောင် လှလာသေးတယ်''
မြလွင် မျက်မှောင်ကုတ်လိုက်၏။ ချစ်ဦးခုလို ပြောလာတာ အကြောင်းတစ်ခုခု ရှိရမယ်ဟု တွေးမိ၏။ ထို့ကြောင့် ...
''မောင်လေး၊ မမကို မှန်မှန်ပြောစမ်း၊ သူများတွေက မင်းကို ဘာတွေပြောလိုက်ပြန်ပြီလဲ''
ချစ်ဦးက ကိုဘိုလေးပြောခဲ့တာတွေ ပြန်ပြောပြပြီး ...
''အဲဒါ ... ကိုကြီး မရှိတော့ မမကို ကျွန်တော်က ပိုင်တယ်တဲ့၊ ဒါကြောင့်''
''ဘာဖြစ် သတဲ့လဲ''
''ဒါကြောင့် မမကို ကျွန်တော်က ယူရမယ်တဲ့''
''ဟယ် ... ''
မြလွင် ရင်ဘက်ကို ဖိလိုက်ပြီး
''မင်း မမ ကို အဲဒီလို ပြစ်မှားရင် ငရဲကြီးလိမ့်မယ် သိလား''
''ကျွန်တော် လည်း အဲဒီလိုပဲ ထင်တာပါပဲ''
ချစ်ဦးသည် သူ့အပေါ် မရိုးမသား စိတ်မျိုးထားလိမ့်မည် မဟုတ်ကြောင်း မြလွင် ယုံကြည်သည်။ သို့ရာတွင် သူများ တွေက ဘယ်လိုတွေ မြှောက်ပေးထားသလဲဆိုတာ အကုန်အစင် မသိရ။ ပြီးတော့ ချစ်ဦး၏ စဉ်းစားတွေးခေါ် ပုံက တစ်ခါတစ်ခါ ပုံမှန်မဟုတ်။
လုံးဝ စိတ်ချလက်ချရှိဖို့ ခက်နေပြန်သည်။ သူ့စိတ်ထဲမှာ ဘာတွေရှိနေသလဲဆိုတာ အကဲခတ်ကြည့်ဖို့တော့ လိုသည်ဟု မြလွင်တွေးမိ၏။
မြလွင်က ချစ်ဦးကို စူးစူးစိုက်စိုက် ကြည့်လိုက်သည်။ ချစ်ဦးက မျက်လုံးလေးကလယ်ကလယ် လုပ်ရင်း ပါးစပ်ကလေး ဟပြီး ပြန်ကြည့်နေသည်။ မြလွင်က မေးလိုက်သည်။
''မောင်လေးကို မမ တစ်ခု မေးမယ်၊ မှန်မှန်ဖြေမလား''
ချစ်ဦးက ခေါင်းညိတ်ပြပြီး ...
''မမကို တစ်ခါတလေ ကျွန်တော် ညာခဲ့ဖူးပေမယ့် ဒီတစ်ခါတော့ မှန်မှန်ဖြေပါ့မယ်''
ချစ်ဦးက ကတိပေးသည်။
''ကောင်းပြီး၊ မောင်လေးရင်ထဲမှာ ရှိတဲ့အတိုင်း ဖြေရမယ်နော်၊ မောင်လေးရဲ့ စိတ်ထဲမှာ မမကို ဘယ်လို သဘောထားနေသလဲ''
ချစ်ဦးက လက်ညှိုးကို ကိုက်ရင်း တစ်အောင့်လောက်ကြာအောင် စဉ်းစားနေသည်။ ပြီးမှ ...
''ကျွန်တော် အမှန်တိုင်းပြောရင် မမ စိတ်မဆိုးရဘူးနော်''
''မဆိုးဘူး၊ ညာရင်သာ စိတ်ဆိုးမှာ''
ချစ်ဦး က ခေါင်းငုံလိုက်ပြီး လေသံတိမ်တိမ်ဖြင့် ...
''ကျွန်တော် မမ ကို အမေလို သဘောထားတယ်''
မြလွင် ရင်ထဲက လှိုက်ခနဲ ဖြစ်သွား၏။ ချစ်ဦး၏ လက်မောင်းကို ဆုပ်ကိုင်လိုက်ပြီး ...
''မောင်လေးရယ်၊ မင်းက မမထင်တာထက်တောင် ပိုပြီး ရိုးသားသန့်စင်နေပါလားကွယ်''
ချစ်ဦးက မြလွင်ကို မော့ကြည့်သည်။ သူ့မျက်လုံးများသည် အရည်လဲပြီး စိုစွတ်နေကြ၏။ ချစ်ဦးက ...
''မမကိုလည်း ကျွန်တော် တစ်ခု မေးချင်တယ်''
''မေးလေ၊ မောင်လေး''
''ကျွန်တော်က သဲသဲကို ကျွန်တော့် သမီးအရင်းလို သဘောထားရင်ကော ငရဲကြီးမှာလားဟင်''
မြလွင် မနေနိုင်ဘူး။ ချစ်ဦး၏ ခေါင်းကို သိမ်းဖက်ထားလိုက်ရင်း....
''ငရဲမကြီးပါဘူး မောင်လေးရယ်၊ မင်းက ဘယ်တော့မှ ငရဲကြီးမယ့် ကလေးမဟုတ်ပါဘူး''
ချစ်ဦးသည် မြလွင်၏ ပခုံးပေါ်မှာ ခေါင်းမှီရင်း ငြိမ်နေသည်။ မြလွင်၏ ကိုယ်သည် နွေးထွေးနေသည်။
ချစ်ဦး စိတ်ထဲက ကလေးဘဝကို ပြန်ရောက်သွားသလို ခံစားလိုက်ရ၏။
ဒေါ်ငွေဇံကတော့ ဒီလိုမယူဆပါ။ ထိုနေ့က သူသည် ထမင်းအစားများပြီး ဗိုက်လေးလာသဖြင့် အစောကြီး အိပ်ပျော် သွားခဲ့သည်။ တစ်ရေးနိုးလို့ ရေထသောက်ဖို့ ထွက်အလာ အိမ်ရှေ့ခန်းက စကားပြောသံကြားရ သည်။ ထို့ကြောင့် အသာချောင်းကြည့်လိုက်သောအခါ...
သူတုန်လှုပ်ချောက်ချားသွား၏။ မြလွင်က ချစ်ဦးကို ဖတ်ထားသည်။ ချစ်ဦးကလည်း မြလွင် ပခုံးပေါ်မှာ မှေး လို့ပါလား။
''ညည်းတို့က ဒီလိုဖြစ်နေကြပြီပေါ့လေ''
ဟု နောက်နေ့မနက်မှာ မြလွင်ကို ကျိတ်ပြီးမေးသည်။
''မဟုတ်တာ အမေရယ်''
''ဘာမဟုတ်ရမှာလဲ၊ ငါ့မျက်စိနဲ့ တပ်အပ်မြင်တာ အဲဒီတုန်းကတည်းက ပါးနားပိတ်ရိုက်လိုက်ချင်တာ၊ လက်ကိုယားနေတာပဲ၊ ကလေးလန့်နိုးသွားမှာစိုးလို့ အောင့်ထားလိုက်ရတာ၊ ညည်းနှယ်အေ၊ ကိုယ့်ရုပ် ကိုယ့်ရည်ကလေး နဲ့ ကြိုက်စရာလူရှားလို့ ဒီအရူးကိုမှ''
''အို ... အမေ၊ ဘာတွေလျှောက်ပြောနေတာလဲ၊ ကျွန်မတို့က အမေထင်သလို မဟုတ်ပါဘူး၊ ဘာမှလည်း မဖြစ်ဘူး၊ မောင်နှမအရင်းလို သဘောထားကြတာ''
''ဒါလား၊ မောင်နှမအရင်းလို''
''ခက်ပါလား၊ အမေရယ်..... အမှန်က''
ဆိုပြီး မနေ့ညက ချစ်ဦးပြောပြသည့် အကြောင့်းတွေကို ပြန်ရှင်းပြလိုက်သည်။ မြလွင် ညာမပြော တတ်မှန်း သိသဖြင့် မယုံလို့မဖြစ်၊ သို့ရာတွင် ချစ်ဦးကိုတော့ စိတ်ချလက်ချထားလို့မဖြစ်ဘူး၊ သူက သိပ်ဦးနှောက် မှန် တာမဟုတ်။ စိတ်ရူးပေါက်ရာ ထလုပ်တတ်သည်။ သူများတွေ မြောက်ပေးတဲ့အတိုင်း တစ်ချိန် မဟုတ် တစ်ချိန် ပြဿနာရှာနိုင်သည်။
ဒီကိစ္စကို စောစောစီးစီး ကြိုတင်ကာကွယ်တားဆီးရမည်။ အဓိကအချက်က တစ်အိမ်တည်း အတူတူ ရှိသော ကိစ္စ ဒါကို အရင်ရှင်းရမည်။ ချစ်ဦးကို မြလွင်နှင့် တတ်နိုင်သမျှ အနေဝေးအောင် လုပ်ရမည်။
ထို့ကြောင့်.....
''ညည်း တို့ အနေအထိုင် မဆင်ခြင်လို့ လူတွေက ပြောကုန်ကြပြီ''
ဟု မြလွင်ကို အပြစ်တင်သည်။
''ဘာတွေပြောကြလို့လဲ အမေရဲ့''
''ဘာရှိရမလဲ၊ နင် နဲ့ ဟိ်ုအရူး နဲ့ ဖြစ်နေကြပြီလို့ ပြောနေကြတာပေါ့''
ထိုစကားမှာ လူတွေက တကယ်ပြောတာ ဖြစ်ချင်လည်း ဖြစ်မည်။ ဒေါ်ငွေဇံက လုပ်ကြံပြောတာလည်း ဖြစ် နိုင်၏။ တကယ်ပြောနေကြတယ်ဆိုလျှင်တောင် ဒါမျိုးကို ကြံဖန်ပြီး အတင်းအဖျင်း ပြောတတ်သူ တစ်ယောက်စ နှစ်ယောက်စသာ ဖြစ်မည်။ အများစုကတော့ မြလွင်၏ သိက္ခာရှိမှုကို ထိပါးကြမှာမဟုတ်။
''ဘယ်သူ တွေ ဘာပြောပြောပေါ့ အမေရယ်၊ ကိုယ်မဟုတ်ရင် ပြီးတာပဲ၊ လူတွေကလည်း ယုံကြမှာ မဟုတ် ပါဘူး''
''နင် မရှက်ပေမယ့် ငါတော့ရှက်တယ်၊ ဘာပဲဖြစ်ဖြစ်အေ ဒီကောင့်ကို အိမ်မှာ ဆက်ထားလို့ မဖြစ် တော့ဘူး''
''ဟင်... အိမ်မှာမထားလို့ နှင်ထုတ်ရမှာလား၊ ဘယ်ဖြစ်မလဲ၊ အစ်ကိုချစ်မှူးက မောင်လေးကို ကျွန်မလက် ထဲ အပ်သွားတာ၊ ပြီးတော့ ဒီအိမ်ကလည်း သူတို့ညီအစ်ကို ပိုင်တဲ့အိမ်ပဲ''
''နှင်ထုန်ဖို့ ပြောတာမဟုတ်ပါဘူးဟဲ့၊ သူကို အိမ်ဘေးက ကွက်လပ်မှာ တဲကလေးတစ်လုံး ထိုးပြီး သပ်သပ် နေခိုင်းဖို့ ပြောတာ''
''အဲဒီလိုဆိုရင်လည်း လူတွေက ကျွန်မတို့ မတရားလုပ်တယ်လို့ ပြောကြမှာပဲ၊ အဲဒီလို အပြောခံရတာ၊ ဟိုကိစ္စ စွပ်စွဲခံရတာထက်တောင် ပိုပြီး ရှက်ဖို့ကောင်းသေးတယ်''
ချစ်ဦးကို အိမ်က ပထုန်ချင်သော ကိစ္စမှာ မြလွင်နှင့် ဖြစ် သွားမှာစိုးသော အကြောင်းတစ်ခုတည်းကြောင့် မဟုတ်၊ နောက်တစ်ခုရှိသေးသည်။
သူတို့ ရပ်ကွက် အနေအထားက ဂရန်ပိုင်မဟုတ်သည့်တိုင် ကျူးကျော်စစ် စစ်ကြီးလည်းမဟုတ်၊ ဟိုတစ် ချိန်က မြို့နယ် ၏ အစီအစဉ်ဖြင့် နေရာချပေးထားသော နေရာဖြစ်၏။ ကျူးကျော်တွေတောင် အထိုက် အလျောက် ခံစားခွင့်ရှိသေးတာ၊ သူတို့က ပိုလို့တောင် ရသင့်သေးသည်။
ဟိုအရင်က ဒီအိမ်မှာ ချစ်မှူးတို့မိဘများ အိမ်ဖြစ်သောကြောင့် ချစ်ဦးနှင့်လည်း သက်ဆိုင်နေသေးသည်။ ဒေါ်ငွေဇံ၏ စိတ်ကူးက ချစ်ဦးကို အိမ်ခွဲနေခိုင်းပြီးလျှင် အိမ်ထောင်စုစာရင်း (သန်းခေါင်စာရင်း)ကိုပါ ခွဲထုတ် ပစ်လိုက်မည်။ တကယ်လို့ အိမ်ရာစီမံကိန်းတွေ ဘာတွေလုပ်လို့ ခံစားခွင့် ပြန်ရလျှင် ချစ်ဦးနှင့် မဆိုင်တော့။ ကံကောင်းလို့များ တဲကလေးအတွက်ပါရမယ်ဆိုလျှင် ပိုတောင် အဆင်ပြေသွားဦးမည်။
သို့ရာတွင် ချစ်ဦးကို ပထုတ်ဖို့ ကိစ္စကို မြလွင် သဘောမတူသဖြင့် လုပ်ချင်တိုင်း လုပ်လို့မရဘဲ ဖြစ်နေ၏။ ချစ်ဦးကလည်း မြလွင်က မဖယ်ခိုင်းဘဲနဲ့တော့ သွားမှာမဟုတ်။ ထိုအခါ ဒေါ်ငွေဇံဘက်က တစ်မျိုးဖိအား ပေးလာပြန်သည်။
"ငါတော့ အိပ်ရေးပျက်ပြီး သေတော့မှာပဲ၊ ညညဆိုရင် စိတ်ဖြောင့်ဖြောင့်နဲ့ နှစ်နှစ်ခြိုက်ခြိုက် အိပ်ရတယ် လို့မရှိဘူး။ ဟိုအရူးကို စိတ်မချလို့ အမြဲသတိထားနေရတယ်၊
ဘယ့်နှယ်တော်....သူခိုးမကြောက်ရဘူး၊ အိမ်က လူကိုပြန်ကြောက်နေရတယ်၊ ကောင်းကြသေးရဲ့လား" ဟု မကြာခဏပြောနေသည်။ တစ်ခါတလေ ချစ်ဦးရှေ့မှာပင် ပြောတတ်သဖြင့်......
အဒေါ်ကြီးက အိမ်ကလူ ဘယ်သူ့ကြောက်နေရလို့လဲ
ဟုချစ်ဦးကမေးသည်။
ဘယ်သူရှိရမှာလဲ၊ နင့်ကိုပေါ့။
"ဟာဗျာ၊ ကျွန်တော့်ကို ဘာလို့ကြောက်ရမှာလဲ၊ စိတ်ချပါဗျ၊ ကျွန်တော်က အဒေါ်ကြီးကို လက်ဖျား နဲ့တောင် မတို့ပါဘူး"
ချစ်ဦးက ဘာရယ်မဟုတ်။ စိတ်ကူးပေါက်ရာ ပြောချလိုက်ခြင်းဖြစ်၏။ ဒေါ်ငွေဇံမှာ ဆတ်ဆတ်ခါ သွားပြီး.....
"တယ်လေ..ငါပြောလိုက်ရ အဆီတစ်ထပ်၊ အသားတစ်ထပ် ဖြစ်သွားတော့မယ်"
"တကယ်ဆိုလျှင် ဒီလိုကိစ္စမျိုးဆိုတာ မိန်းကလေးကိုယ်တိုင်က အလိုတူဖို့လည်း လိုသေးသည်။ သူပြောပုံ အရ မြလွင်ကိုပါ စိတ်မချသည့် သဘောဆောင်နေ၏။ မြလွင်ကတော့ သူ့အမေအကြောင်း သိသဖြင့် ဘာမှပြန်ပြောမတော့။ ဘာမှအရေးမကြီးသလို လျစ်လျူရှုထားလိုက်သည်။"
ဆက်ရန်
http://www.shwezinu.com
No comments:
Post a Comment