မင်းလူ ၏ အများနှင့် မသက်ဆိုင်သောသူ, အပိုင်း (၆)

မြလွင် မီးထွက်ပြီးနောက် သူတို့၏ ရှေ့ရေးအတွက် ဘာလုပ်ကြမလဲဆိုတာ တိုင်ပင်ကြသည်။ တိုင်ပင် တယ် ဆိုရာမှာ ချစ်ဦးကတော့ စာရင်းထဲမှာမပါ။ မြလွင်နှင့်ဒေါ်ငွေဇံတို့ တိုင်ပင်ကြခြင်းသာဖြစ်၏။
သူတို့လက်ထဲမှာ ငွေအသင့်အတင့် ကျန်သေးသည်။ မြလွင်မှာ လက်ဝတ်လက်စား အချို့လည်းရှိသေး သည်။ ဒါ ပေါင်းလိုက်လျှင် ဆိုင်ကလေး တစ်ဆိုင်တည်နိုင်လောက်သော အခြေအနေမှာရှိ၏။ မြလွင်အနေ ဖြင့် ကလေး က ငယ်သေးသဖြင့် တခြားမှာ ထွက်ပြီးအလုပ်လုပ်နိုင်သော အခြေအနေမရှိ။ အိမ်မှာပင် ဆိုင် ကလေးတစ်ဆိုင် ဖွင့်ခြင်းသည်။ အသင့်တော်ဆုံး ဖြစ်၏။
ဒေါ်ငွေဇံက သူတို့ကျွမ်းကျင်ပြီးသား ထမင်းဆိုင်အလုပ်ကို လုပ်ချင်သည်။ မြလွင်က ဖြစ်နိုင်မယ်မထင်။ သူတို့ ရပ်ကွက်က လူအများစုသည် ကိုယ့်အိမ်မှာပဲ ချက်ပြုတ်စားကြခြင်း၊ ဖြစ်၏။

ထမင်းဆိုင်ဆိုတာက လမ်းဆုံလမ်းခွ၊ ဈေးအနီး၊ စက်ရုံအလုပ်ရုံအနီးစသော လူစည်းကားတဲ့ နေရာတွေမှာ ဖွင့်မှရောင်းရသည်။ သူတို့အိမ်က ရပ်ကွက်အတွင်း နည်းနည်းချောင်ကျသော နေရာမှာ။
မြလွင် သည် မုန့်ဟင်းခါး ကောင်းကောင်းချက်တတ်သည်။ သို့ရာတွင် သူတို့ ရပ်ကွက်ထဲမှာ မုန့်ဟင်းခါး ဆိုင် နှစ်ဆိုင်ရှိခဲ့ပြီး ဖြ်၏။ ဟိုဘက်ခြမ်းမှာတစ်ဆိုင်၊ ဒီဘက်ခြမ်းမှာတစ်ဆိုင်၊ သူ့ပရိသတ်နှင့်သူ၊ သူ့ဖောက် သည်နှင့်သူ ကွက်တိရှိပြီးသား။ ပြီးတော့ အစားအသောက် ရောင်တယ်ဆိုတာက အရည်အသွေး ကောင်း ချင်ကောင်း လက်သာချင်လည်းသာမှ ဖြစ်သည်။
မုန့်ဟင်းခါး နှစ်ဆိုင်ထဲမှာ တစ်ဆိုင်က မုန့်ဖက်များများ၊ ဟင်းရည်ရွှဲရွှဲ ထည့်ပေးတတ်သည်။ နောက် တစ်ဆိုင် ကတော့ နည်းသော်လည်း ဟင်းရည်ကိုကောင်းကောင်းချက်သည်။ သူ့အကြိုက်နဲ့သူ အဆင်ပြေ ကြသည်။

မြလွင်သာရောင်းလျှင် ဟင်းရည်ကောင်းကောင်းကို ပိုပိုသာသာ ထည့်ပေးနိုင်သည်။ သို့ရာတွင် ဒေါ်ငွေဇံ က ဝင်ရောက်စွက်ဖက်မှာ သေချာသည်။ ပဲမှုန့်ကောင်းကောင်း မသုံးချင်တာ၊ ငံပြာရည် အညံ့စား ထည့်တာ ကြက်သွန်ဥခိုတာ တို့ဖြစ်လာနိုင်သည်။ မုန့်ပွဲပြင်လျှင်လည်း လက်တိုနေမှာသေချာသည်။ ဒေါ်ငွေဇံ လို တွန့်တိုတတ်သူ၊ တွက်ကပ်တတ်သူမျိုးက အစားအသောက်ရောင်းလို့ မဖြစ်။
ကံအားလျော်စွာ အဆင်ပြေသွားတာက.....
သူတို့လမ်းထိမ်မှာ ကုန်စုံဆိုင်ကလေး တစ်ခုရှိ၏။ သိပ်ကြီးကြီးမားမားတော့မဟုတ်။ စားသောက်ကုန်တချို့ လူသုံးကုန် အသေးအမွှားလေးတွေ ရောင်းသည်။ စားသောက်ကုန်အချို့နှင့် လူသုံးကုန် အသေးအမွှား လေးတွေ ရောင်းသည်။ ဒီလုဆိုင်မျိုးက ရပ်ကွက်ထဲမှာ သူ့ဖောက်သည်နှင့်သူ အတော်အသင့် ရောင်းအား ရှိသည်။ မိသားစု ခပ်သေးသေးတစ်ခု အတွက်တော့ စားဝတ်နေရေးကို ထိန်းပေးထားနိုင်သည်။

ထိုဆိုင်မှ လူများက အိမ်ပြောင်းတော့မည်ဖြစ်၏။ မြလွင်တို့ကလည်း ဘာလုပ်ရကောင်းမလဲ စဉ်းစား နေချိန် နဲ့ အတော်ပဲဖြစ်သွား၏။ စကားစပ်မိရင်းက သူတို့ဆီက ဆိုင်အခင်းအကျင်းတွေ၊ လက်ကျန် ပစ္စည်းတွေ မြလွင်တို့ကို ဈေးသက်သက်သာသာနှင့် ရောင်းခဲ့ဖို့သဘောတူသည်။ ကုန်စုံဆိုင်နှင့် ပက်သက်ပြီး သိသင့်သိ ထိုက်တာတွေလည်း သင်ပေးသည်။ ဈေးဝယ်သူတွေကိုလည်း လဆန်းကျလျှင် မြလွင်တို့အိမ်မှာ ဆိုင်ဆက် ဖွင့်မည်ဖြစ်ကြောင်း သတင်းပေးသည်။ ပစ္စည်းယူနေကျ ဈေးထဲက လက်ကား ဆိုင်ကြီး နှင့်လည်း ဆက် သွယ်ပေးခဲ့သည်။
ထို့ကြောင့်မြလွင်တို့အနေဖြင့်ကုန်စုံဆိုင်ကလေးကို အဆင်ပြေစွာ ဖွင့်နိုင်သည်။ လိုအပ်သော ပစ္စည်းတွေကို စာရင်းလုပ်ပြီး ချစ်ဦးကို သွားယူခိုင်းသည်။ တစ်ချို့ပစ္စည်းတွေဆိုလျှင် ငွေလက်ငင်းချေစရာ မလိုဘဲ ကြိုတင်ရောင်းနိုင်တာ အခွင့်အရေးလည်းရသည်။ ရပ်ကွက်ထဲက လူတွေကလည်း ဝယ်ယူ အားပေး ကြ သည်။

အားလုံး အဆင်ချောတာတော့မဟုတ်။ ထုံးစံအတိုင်း ဒေါ်ငွေဇံကြောင့် ကသိကအောက် ဖြစ်ရတာလေးတွေ တော့ ရှိသည်။ သူက ဆိုင်မှာ 'အကြွေးသည်းခံပါ' ဆိုသော စာကပ်ချင်သည်။ ရပ်ကွက်ထဲမှာ ဆိုင်ဖွင့်တဲ့ အခါ အကြွေးနဲ့ကင်းလို့ မရ၊ တစ်ဆယ်လိုတယ်၊ နှစ်ဆယ်လိုတယ်ဆိုတာမျိုးတော့ အကြွေးထားပေးနိုင် ရမည်။
''အို... ဘာပဲဖြစ်ဖြစ် စာကပ်ထားတော့ အဟန့်လေးတွေ ဖြစ်တာပေါ့''

ဟု ဒေါ်ငွေဇံကဆိုသည်။ မြလွင် ဆိုင်ထိုင်တဲ့အလှည့်ကျလျှင်တော့ တော်ရုံတန်ရုံ အကြွေးပေးသင့် ပေးလိုက် တာပါပဲ။ ထို့ကြောင့် မြလွင်ဆိုင်ထိုင်လျှင် ဝယ်သူပိုလာတတ်သည်။
ချစ်ဦးသည် ဆိုင်အတွက် ဈေးထဲမှာ ပစ္စည်းသွားယူရင်း အသိအကျွမ်းတွေ တိုးလာသည်။ သူက ရူးပေါပါမို့ ဟိုလူက နောက်လိုက်၊ ဒီလူကနောက်လိုက်၊ သူကလည်း ဟီဟီဟဲဟဲ လုပ်ရင်း ပြန်နောက်တတ်သဖြင့် သူ လာလျှင် ပျော်ကြသည်။
တချို့ကလည်း ကြုံတိုင်း ခိုင်းတတ်ကြသည်။
''ချစ်ရူးရေ.... ဒီတောင်းလေး အုန်းသီးဆိုင်ကို ပို့ပေးစမ်းပါ''
''ဟယ်.... နင်လာတာနဲ့ အတော်ပဲ။ ကားဂိတ်မှာ ကြက်သွတ်တစ်အိတ် အပ်ထားတယ်၊ လူမရှိလို့ မသယ် ရသေး ဘူး၊ သွားသယ်ပေးစမ်းပါ''

စသည်ဖြင့်....
သူကလည်း မညည်းမညူ လုပ်ပေးသည်။ တချို့က လက်ဖက်ရည်တိုက်သည်။တချို့က မုန့်ဖိုးပေးသည်။
ရပ်ကွက်ထဲက လူတွေကလည်း ချစ်ဦးကို ဈေးကြုံမှာတတ်သည်။ ချစ်ဦးကလည်း မညည်းမညူ သယ်လာ ပေးသည်။ တစ်စုံတစ်ခု ရရကောင်းစေဟု သဘောမထား။ ပေးလျှင်ယူသည်။ ကျွေးလျှင်စားသည်။ မပေး လည်း အရေးမကြီး။
ဒီလိုကျပြန်သော်လည်း တချို့က မညှာမတာ လုပ်ချင်သည်။ သူတို့ဘာသာဆိုလျှင် ဆိုက်ကားနဲ့မှ သယ်လို့ ရမည့်ပစ္စည်း အလေးအပင်ကြီးတွေ ချစ်ဦးကို ထမ်းခိုင်းသည်။ ဆိုက်ကားနဲ့ဆိုလျှင် တစ်ရာ လောက်ပေးရမှာ ဒါဆိ်ု....
''ချစ်ရူးရေ၊ ရော့.... မုန့်ဝယ်စား''
ဆိုပြီး နှစ်ဆယ်လောက် ပေးချင်တာ၊ ထိုအခါ ချစ်ဦးက ....

''နေပါစေဗျာ အဒေါ်တို့လို တစ်နေ့လုပ်မှ တစ်နေ့စားရတဲ့ လူမျိုးဆီက မယူရက်ပါဘူး''
ဟု ပြောသဖြင့် တစ်ဖက်လူမှာ အောင့်သီအောင့်သက် ဖြစ်သွားရ၏။
ဒီကြားထဲ သူ့ရဲ့ ကြောင်ကွက်ကလေးတွေ တွေ့ရတတ်သေးသည်။ တစ်ခါတလေ သူတို့ဆိုင်အတွက် သယ်ရမည့် ပစ္စည်းတွေ များနေလျှင် ဆိုက်ကားငှားရသည်။ ထိုအခါမျိုးတွင် သူက ဆိုက်ကားပေါ် ထိုင် လိုက်လာရင်းက ပစ္စည်းထုပ်ကြီး တစ်ထုပ်ကို ထမ်းလာသည်း။ ဆိုက်ကားဆရာက...
''ဟကောင်ရ၊ ဘယ်လိုဖြစ်တာလဲကွ''

ဟုမေးတော့ ချစ်ဦးက
''ကျွန်တော် ထမ်းလာတော့ ဦးလေးဆိုက်ကား နင်းရတာ နည်းနည်းပေါ့သွားတောပေါ့''
ဟု ပြန်ပြောလေသည်။
ချစ်ဦး သည် ရပ်ကွက်ထဲမှာ ဟိုလူကခိုင်း ဒီလူကခိုင်းနဲ့ ခိုင်းဖက်ကြီး ဖြစ်နေ၏။ တန်ရာတန်ကြေးပေးတဲ့ လူကပေး၊ မတန်မရာ ခိုင်းတဲ့လူကခိုင်း၊ ဘာပဲဖြစ်ဖြစ် သူသုံးဖို့စွဲဖို့ ငွေကလေးတော့ ရသည်။
သူက အလုပ်ကို ရွေးတာမဟုတ်၊ ကြုံရာ ကျရာခိုင်းသမျှ လုပ်သည်။ မြက်တောရှင်းခိုင်း၊ သစ်ပင်ခုတ်ခိုင်း၊ မြောင်းတူခိုင်း၊ အလေးအပင်ထမ်းခိုင်း ဘာဖြစ်ဖြစ်လုပ်သည်။ တစ်ခါတစ်ခါ သူစိတ်မလိုလျှင်တော့ ဘယ်လောက် ပေးပေး မလုပ်ဘဲအိမ်မှာ လှိမ့်ပိမ့်ပြီး အိမ်ချင်အိပ်နေတတ်တာမျိုးတော့ ရှိ၏

တစ်ရက်မှာတော့ ချစ်ဦးသည် ''သဲသဲရေ... သဲသဲရေ'' ဟုအော်ရင်း အိမ်ထဲဝင်လာသည်။ ခုနောက်ပိုင်းမှာ သူအပြင်က ပြန်လာလျှင် တူမလေးနာမည်ကို အော်ခေါ်လာလေ့ရှိ၏။ သဲသဲကလည်း ချစ်ဦး အသံကြားလျှင် လှုပ်လှုပ်ရွရွဖြစ်လာတတ်၏။
မြလွင်က ဆိုင်မှာထိုင်နေသည်။ သဲသဲက မြလွင်ပေါင်ပေါ်မှာ ဒေါ်ငွေဇံက ခပ်လှမ်းလှမ်းမှာ ထိုင်ပြီးထမင်း နှင့် လက်ဖက်သုပ်ကို အဆာပြေ စားနေသည်။
ချစ်ဦးက မြလွင်နားသွားပြီး ကလေးကို ချီဖို့လက်လှမ်းလိုက်ပြီးမှ ကိုယ်ရှိန်သတ်ပြီင်္း....
''ဟာ..... နေဦးဟ သဲသဲရေ၊ ဦးဦးကိုယ်က ပေနေတယ်၊ ရေချိုးလိုက်ဦးမယ်''

ဟု ပြောသည်။ ချစ်ဦး တစ်ကိုယ်လုံး ရွှံ့နှစ်ခြောက်တွေ ကပ်နေသည်။ ထိုမျှမက...
''ဟင်... မောင်လေး၊ ...ဘာတွေလုပ်လာတာလဲ၊ ပြီးတော့''
ဒေါ်ငွေဇံကလည်း နှာခေါင်းရှံ့လိုက်ပြီး
''ဟီး... ဟီး... အိမ်သာတွင်းဆယ်လာတာ မမရဲ့''
''ဟယ်.... ဖြစ်ရလေ၊ မောင်လေးရယ်''
''အမယ်... သုံးရာတောင်ရခဲ့တာဗျ၊ သိရဲ့လား''
''ဘာပဲဖြစ်ဖ်ြစပေါ့ မောင်လေးရယ်၊ တခြားအလုပ်လုပ်တာ မမ မပြောပါဘူး၊ ဒီလိုအလုပ်မျိုးတော့ မလုပ်ပါ နဲ့ မုန့်ဖိုးမရှိရင် မမပေးပါ့မယ်''

မြလွင်က ဂရုဏာသက်စွာ ပြောခြင်းဖြစ်၏။ ဒေါ်ငွေဇံကတော့
''ဘယ်နှယ့်တော် ချေးတွင်းဆယ်ရတယ်လို့ ဒါသက်သက်ငါတို့ ဂုဏ်သိက္ခာကို ထိခိုက်အောင် လုပ်တာပဲ၊ တို့ အမျိုးထဲမှာ ဒီလိုအောက်တန်းစား အလုပ်လုပ်တဲ့လူ တစ်ယောက်မှ မရှိဘူး။
ချစ်ဦးက ဒေါ်ငွေဇံဘက်သို့ လှည့်လိုက်ပြီး
''အဒေါ်တို့က အဲဒါခက်တာပဲ၊ ချေးဆိုတာ လူတိုင်းထွက်တဲ့ပစ္စည်းပဲ၊ လူတွေဟာ ကိုယ်ပါတဲ့ချေးတောင် ထွက်ကျပြီးရင် ထိရ၊ ကိုင်ရမှာ ရွံ့တတ်ကြတယ်၊ ဗိုက်ထဲမှာ ရှိနေတုန်းကတော့ မရွံ့ဘူး၊ အခုတောင် အဒေါ့် ဗိုက်ထဲ မှာ ရှိချင်ရှိနေမှာ''
ဒေါ်ငွေဇံမှာ ထမင်းစားလျက်တန်းလန်း ဖြစ်သောကြောင့် ချစ်ဦး၏စကားကို ကြားပြီး ပျို့အန်ချင် လာသည်။

''ကျွန်တော်က ပိုက်ဆံစုနေတောဗျ၊ မမရဲ့ သဲသဲတစ်နှစ်ပြည့်ရင် ဂါဝန်အကောင်းစား လှလှလေး မွေးနေ့ လက်ဆောင်ပေးချင်လို့''
ဟု ပြောပြီး ရေချိုးဖို့ ထွက်သွားသည်။ သဲသဲမှာ ချစ်ဦးကသူ့ကို မချီဘဲ ထွက်သွားသဖြင့် ဝါးခနဲ အော်ငို လိုက်သည်.။
ဒေါ်ငွေဇံ နဲ့ ရပ်ကွက်ထဲက ကလေးတွေနဲ့ကတော့ တကျက်ကျက်ပဲ။ ကလေးဆိုတာမျိုးက မုန့်ဝယ်လျှင် တစ်ခါ တည်း ဘယ်တော့မှ မပြီးချင်။
ဆိုင်ကို ရောက်လျှင် သူတို့စားချင်တာနဲ့ သူတို့မှာရှိတဲ့ ပိုက်ဆံနဲ့ ချိန်ဆပြီး ရွေးချယ်ရသေးသည်။ စဉ်းစားရင်း ဟိုယောင် ဒီယောင် ဟိုဟာကိုင်လိုက်ပြန်ချလိုက် လုပ်တတ်သည်။ အချဉ်ထုပ်ကို ဖြူတ်ယူ ထွက်သွားပြီးမှ စိတ်ပြောင်းသွားပြီး။

''အဒေါ်ကြီး .... ပီကေပဲ ယူတော့မယ်''
ဆိုပြီး လာပြန်လဲချင်လဲသည်။
''အစကတည်းက စဉ်းစားမလာဘူး၊ အပေါက်အစပ်ကို များတယ်''
ဟု ဒေါ်ငွေဇံက မြည်တွင်တတ်သည်။
အမှန်တော့ ဒါဟာ ကလေးတွေရဲ့ အကျင့်ပဲ၊ အချဉ်ထုပ်ဆိုရာမှာတောင် ဇီးသီလား၊ မရမ်းပြားလား၊ မက်မန်းလား၊ ရှောက်သီးလား ဆိုတာ ကွဲပြားသေးသည်။ ဇီးထုပ်ချင်း အတူတူ သူတို့စားနေကျ တံဆိပ်ကို ရှာရသေးသည်။ဒီကြားထဲမှာ နည်းနည်းပိုများတဲ့ အထုပ်များရှိမလားလို့ ရွေးရသေးသည်။

ဒေါ်ငွေဇံက စိတ်မရှည်၊ အားလုံးအတူတူချည်းပဲဟု အော်တတ်၏။ ထို့ကြောင့် ဒေါ်ငွေဇံဆိုင်ထိုင်လျှင် ကလေး တွေက သိပ်မဝယ်ချင်ကြဘူး၊ ဆိုင်ရှေ့မှာ လာရစ်သီရစ်သီ လုပ်ရင်း ဒေါ်ငွေဇံ ထိုင်တာမြင်လျှင် ပြန်လှည့်သွားတတ်သည်။ မြလွင်ဆိုင်ထိုင်ပြီဆိုမှ ကလေးတစ်ယောက်ယောက်က သတင်းပေးလိုက်ပြီး နောက် ဟုပြုံရောက်ရှိလေ့ ရှိ၏။
ဒါကို ဒေါ်ငွေဇံကြီးကလည်း ရိပ်မိသဖြင့် တစ်ခါတစ်ခါ.......
''ညည်းဟာ လေးတွေ တစ်ရစ်ဝဲဝဲနဲ့ လာချောင်းနေကြပြီ ဆိုင်သွားထိုင်လိုက်ဦး'' ဟု ပြောတတ်၏။

မြလွင်ကတော့ စိတ်ရှည်သည်။
''သိပ္ပံမရမ်းပြား ဟုတ်လား၊ စောစောကတောင် တွေ့ပါသေးတယ်၊ သြော် ဒီအောက်ဘက်ရောက်နေလို့''
ဆိုပြီး ကလေးတွေ လိုချင်တာကို ကူရှာပေးတတ်၏။ ကလေးတွေ မုန့်တစ်မျိုးပြီး၊ တစ်မျိုးလဲကြတာကို မကန့် ကွက်တဲ့အပြင်။
''ဟောဒီ အသစ်ထွက် တဲ့ မန်ကျည်းတော်ဖီစားကြည့်ပါလား၊ ချိုချဉ်လေး၊ သိပ်စားလို့ကောင်းတယ်၊ ခုလို နွေရာသီ မှာ မန်ကျဉ်းတော်ဖီစားရင် ဝမ်းအေးတယ်။ မိတ်တွေဘာတွေ မထွက်တော့ဘူး''
ဟု ကောင်းရာကောင်းကြောင်းညွှန်တတ်သေးသည်။

ကလေးတို့ရဲ့ အချစ်တော်ကတော့ ချစ်ဦးပေါ့။ တစ်ခါတစ်ရံ ဒေါ်ငွေဇံတို့၊ မြလွင်တို့ မအားတဲ့အခါ ချစ်ဦးကို ဆိုင်စောင့်ခိုင်းသည်။ ချစ်ဦးဆိုင်ထိုင်လျှင် ကလေးတွေ တရုန်းရုန်းပဲ။ သူက ကလေးတွေ ဘာ လုပ်လုပ် ဘာယူယူ ကြည့်နေလိုက်တာ၊
''ကိုကြီးချစ်ဦး၊ ငါးကျပ်လိုတာ နောက်နေ့မှ ယူနော်''
ဆိုလျှင်လည်း ရတယ်၊ ရတယ်။
တစ်ခါတလေ ကလေးကြီးတွေကမုန့် ဝယ်စားပြီး အတူပါလာသောသုံးလေးနှစ်အရွယ် ကလေးငယ်တွေ မစားရလို့ ငိုမဲ့မဲ့လုပ်လျှင် ချစ်ဦးက....
''သူတို့စား တဲ့ ဇီးထုပ်တွေက ကလေးနဲ့ မတည့်ဘူးကွ၊ချောင်းဆိုးတတ်တယ်၊ သကြားလုံးစား''
ဆိုပြီး သကြားလုံးတွေ အလကားပေးတတ်သည်။

စိတ်ကူးပေါက်တဲ့အခါ အရောင်းမြှင့်တင်ရေး လုပ်တယ်ဆိုပြီး အချဉ်ထုပ် သုံးထပ်ဝယ်လျှင်တစ်ထုပ် လက်ဆောင်ပေးသည်။ ပြီးတော့ ကံစမ်းမဲဖောက်သည်။ မုန့်လာဝယ်လျှင် သူ့ဘာသာလုပ်ထားသော မဲလိပ် ကို နှိုက်ရသည်။ မပေါက်တဲ့မဲ ပေါက်လျှင်တော့ သကြားလုံးတို့ ၊ ပီကေ တို့ ဆေးပူဖောင်း တို့ ပေးသည်။
ဒါတွေကို ဒေါ်ငွေဇံက သိတော့.......
''ကုန်ပါပြီ၊ ကုန်ပါပြီ၊ နင်လုပ်တာနဲ့ ငါဆိုင် အရင်းပြုတ်တော့မယ်ဟဲ့ ဆန်ကုန်မြေလေးရဲ့''

ဟု ပူညံလေသည်။ ချစ်ဦးက....
''အဒေါ်ကြီးဘာသိလို့လဲ ခုချိန်မှာ သမားရိုးကျနည်းလမ်းနဲ့ မရတော့ဘူး၊ ကုမ္ပဏီကြီးတွေတောင် ကံစမ်းမဲ နဲ့ စားသုံးသူကို ဆွယ်နေတာ။ ဒါဟာ ခေတ်သစ်ရောင်းဝယ်ရေးဗျူဟာပဲ''
ဟု လက်ဖက်ရည်ဆိုင်မှာ ဖတ်ခဲ့ရသော ကုမုဒြာဂျာနယ်ထဲမှာ စီးပွားရေးဆောင်းပါးတွေထဲက အလွတ် ကျက်ထားသည့် စကားလုံးတွေနှင့် ပြောသည်။
''ဘာပြောတယ်၊ အမလေး စကားကြီးစကားကျယ်တွေနဲ့  လာပြောနေတယ်။ နောက်ဆိုရင် ငါ့ဆိုင်ကို တီဗွီ ထဲမှာ ကြော်ငြာခိုင်းဦးမလား မသိဘူး''
''စီးပွားကန်ထုတ်လုပ်ငန်းမှာ ကြော်ငြာဟာ အသက်ပဲဗျ၊ ဒီတော့ ကြော်ငြာသင့်ရင် ကြော်ငြာရမှာပဲ၊ အဲဒီအခါကျရင် အဒေါ်ကြီးကို မင်းသမီး လုပ်ခိုင်းရမယ်၊ မိုးဒီ နဲ့ တွဲခိုင်းမယ်''
''အောင်မာ... ငါက ဘာဖြစ်လို့ လုပ်ရမှာလဲ၊ နင့်ဘာသာ လုပ်ပါလား''

''လုပ်ဆို လုပ်ရတာပေါ့ဗျာ၊ ကျွန်တော်ကတော့ ထက်ထက်မိုးဦးနဲ့ တွဲမှာဗျ''
ဟု ပြောပြီး ရာဇာနေဝင်းအိုက်တင်မျိုး ဆတ်တော်ကဆတ်တောက်လုပ်ရင်း သီချင်းဆိုပြသည်။
''ဆန်တစ်ပြည် ပေးပါ ပေးပါ''
ထိုအခါ ဒေါ်ငွေဇံက
''ပေးလိုက်မယ် ခုံဖိနပ်စာ''
ဟု ကာရန်လိုက်ပြီး အော်သဖြင့် မြလွင် ရယ်ရသေးသည်။

နောက်ပိုင်းကျတော့ ဒေါ်ငွေဇံက ချစ်ဦးကို ဆိုင်မထိုင်ခိုင်းတော့။ ချစ်ဦးကလည်း သိပ်ပြီး ဆိုင်ထိုင်ချင်တာ မဟုတ်။ သူက တစ်နေရာတည်းမှာ ငြိမ်ငြိမ်နေရတာမျိုးကို သိပ်သဘောမကျ၊ ရပ်ကွက်ထဲ လျှေက်သွား ပြီး ဟိုအိမ်ဝင် ဒီအိမ်ထွက်လုပ်ချင်သည်။ ကြုံတုန်းသူများခိုင်းတာလေးတွေ လုပ်ပေးလျှင် သုံးဖို့စွဲဖို့ ငွေ ကလည်း ရသည်။ လက်ဖက်ရည်ဆိုင် သွားထိုင်ပြီး စကားလေး၊ ဘာလေးပြောချင်သေးသည်။
ချစ်ဦး လက်ဖက်ရည်ဆိုင်ထဲဝင်သွားပြီး ထိုင်လိုက်သောအခါ စားပွဲထိုးတစ်ယောက်က....
''ချစ်ရူး မစ်ပလိန်းလားကွ''
ဟု မေးသည်။ ချစ်ဦးသည် မနေ့တုတ်က သူများကိုအားကျပြီး ကော်ဖီမစ်ပလိန်းတစ်ခွက် မှာ သောက်သည်။ သူမကြိုက်၊ ချိုလည်းမချို၊ နို့လည်းနည်းသည်။ ခါးခါးကြီး၊ ထို့ကြောင့် လက်ဖက်ရည်ပဲ သောက်တော့မည် ဟု စိတ်ကူးသည်။

ချက်ချင်း မမှာသေးဘဲ  လက်မှနာရီကို မြောက်ကြည်လိုက်ပြီးမှ...
''သုံးနာရီတောင် ထိုးနေပြီပဲ၊ လက်ဖက်ရည်တစ်ခွက်ဟေ့ ၊ ချိုဆိမ့်'' ဟုမှာလိုက်သည်။ မနက်ကမှ သူဝယ် လိုက်သော လက်ပတ်နာရီကလေးကို ကြွားလိုက်ခြင်းဖြစ်၏။ နာရီမှာ အကောင်းစားမဟုတ်၊ ရန်ကုန်မြို့ လယ်က ပလက်ဖောင်းပေါ်မှာ သုံးရာ့ငါးဆယ်နှင့် ချရောင်းနေသော ဂဏန်းကွက်ပေါ်သည့် ဓာတ်ခဲနာရီ ကလေး သာ ဖြစ်၏။ ဒါလည်း တခြားလူတစ်ယောက်ဆီက တစ်ဆင့် ပြန်ဝယ်ခြင်း ဖြစ်၏။
မနက်က ဈေးသွားရင်း ကုန်မျိုးစုံဆိ်ုင်မှ အလုပ်သမားတစ်ယောက် ပတ်ထားသော နာရီကို မြင်ပြီး သဘော ကျသွားသည်။

''ခင်ဗျားနာရီက လှတယ်ဗျ ဘယ်လောက်ပေးရသလဲ''
မေးတော့..
''လေးရာ့ငါဆယ်ကွ၊ မင်းကြိုက်ရင် ပြန်ယူသွားလေကွာ လေးရာပဲပေး''
ဟု သူကပဲ ငါးဆယ်လျှော့သလိုလို လုပ်ပြီး ညာရောင်းလိုက်ခြင်း ဖြစ်၏
ချစ်ဦးသည် လက်ဖက်ရည်တစ်ငုံ့ငုံ့လိုက်ပြီး နာရီတစ်ခါကြည့်လုပ်နေ၏။ နှုတ်မှလည်း။
''ဟာ သုံးနာရီခွဲတော့မှာပါလား''
စားပွဲထိုးသည် နောက်ချင်ပြောင်ချင်စိတ် တားမရအောင် ဖြစ်လာသည်။ ထို့ကြောင့် အသာစောင့်ကြည့် နေလိုက်သည်။

ချစ်ဦးသည် လက်ဖက်ရည်ကုန်သွားပြီး ရေနွေးကြမ်းငှဲ့သောက်သည်။ လက်ပတ်နာရီကို ပိုပြီးပေါ်လွင် အောင် ဘယ်ဘက်လက်ဖြင့် ခွက်ကို ကိုင်သည်။ အကွက်ကောင်းစောင့်နေသော စားပွဲထိုးက ချစ်ဦး လက်မြောက် လိုက်စဉ်မှာပင် အချိန်ကိုက်၍...
''ချစ်ရူး ဘယ်နှနာရီ ထိုးပြီလဲကွ''
ဟုမေးလိုက်သည်။ ချစ်ဦးမှာ နာရီကို ကြွားချင်နေသော အချိန်မှာ အမေးခံလိုက်ရသဖြင့် ရုတ်တရက် ယောင်ပြီး နာရီးကိုကြည့်လိုက်သည်။ ထိုအခါ လက်ထဲမှာ ကိုင်ထားသော ပန်းကန်လုံးစောင်းသွားပြီး ရေနွေးကြမ်းတွေ သူ့ခြေထောက်ပေါ် ဖိတ်ကျသည်။
''လေးနာရီထိုးဖို့.... ဟာ..... ပူလိုက်တာ''
စားပွဲထိုးက ရယ်လိုက်သည်။ သို့ရာတွင် ချစ်ဦးကတော့ စိတ်မဆိုးမိ။ သူ့အော်သံကြောင့် လူတွေ အားလုံးက ဝိုင်းကြည့်ကြရပြီလေ။ သူ့နာရီကို အားလုံးမြင်သွားကြပြီ မဟုတ်လား၊ သူက....
''နာရီ ဘာမှမဖြစ်လို့ တော်သေးတယ်'' လို့တောင် ရယ်ရယ်မောမော ပြောလိုက်သေးသည်။

သူနဲ့ ကပ်လျက်ဝိုင်းမှ လူတွေက ပြုံးကြည့်ကြပြီးနောက် သူတို့ပြောလက်စ စကားကို ပြန်ဆက်သည်။
ရုတ်တရက် ကြားလိုက်လျှင် ဘဲဥ၊ ကြက်ဥတွေ ဈေးထိုးကျသွားပြီလာတောင် ထင်စရာရှိ၏။ အမှန်မှာ ဘောလုံးပွဲ အကြောင်း ပြောနေခြင်းသာ ဖြစ်၏။
ခုနောက်ပိုင်းမှာ ရုပ်မြင်သံကြားမှာ ဘောလုံးပွဲတွေ တစ်ပတ်တစ်ကြိမ် တိုက်ရိုက်လွှင့်ပေးနေသည်။ ဒါတွင် မက ဂြိုလ်တုစလောင်းတွေလည်း တပ်ဆင်နိုင်ကြပြီ ဖြစ်သဖြင့် ရှိုးရုံတွေကလည်း စလောင်းတပ်ပြီး ဘောလုံးပွဲကိုဝင်ကြေးကောက်ပြီး ပြနေသည်။ အင်္ဂလိပ် ပရီမီးယားလိဂ်၊ ယူအီအက်ဖ်အေ စသည်ဖြင့် ကြည့်ချင်ပွဲတွေက ဆက်နေသည်။
ဒီနေ့ ကစားမယ့် အသင်းနှစ်သင်းနှင့် ပတ်သက်ပြီး ပထမအကြော့တုန်းက ဘယ်သူနိုင်ခဲ့လဲ၊ ဘယ်သူ့ကွင်း မှာ ကစားရမှာလဲ၊ ပြီးခဲ့သော အပတ်က ကစားခဲ့ရာမှာ ဘယ်လိုအခြေအနေရှိခဲ့သလဲ၊ ပွဲဆက်များပြီး ပန်းနေတာမျိုးရှိသလား။ ဘောလုံးသမားတွေကကော။

''ဘာဘူက ခြေပျက်နေတာကြာပြီနော်၊ အရှုံးနဲ့ သရေပွဲတွေပဲ များနေတနာ''
''အမြောက်ကြီးက နိုင်ခြေရှိတာတော့ မှန်တယ်။ဒါပေမယ့် ပီရက်စ်က နာနေတယ်၊ အွန်နရီကလည်း ပြီးခဲ့တဲ့ ပွဲတုန်းက ထမ်းစင်နဲ့ ထုတ်သွားရတာ ဒီပွဲကစားချင်မှ ကစားနိုင်မှာ''
''ပြောလို့မရဘူး၊ အိုဝင်က ခြေစွမ်းပျောက်နေပေမယ့် ဂိုးသွင်းပြီဆိုရင် နှစ်ဂိုးသုံးဂိုး ဆက်တိုက်သွင်းတတ် တယ်''
စသည်ဖြင့် ဆန်းစစ်တွက်ချက်နေကြသည် ဘာဘူဆိုတာက လစ်ဗာပူးလ်အသင်းကို အရပ်ခေါ်ခေါ်တာ၊  အမြောက်ကြီးဆိုတာက အာဆင်နယ်အသင်း တံဆိပ်မျာ အမြောက်ပုံပါလို့  မာန်ယူဆိုတာကတော့ အားလုံးသိပြီးသား။

အပေါ်ထိုင်မယ်၊ အောက်ထိုင်မယ်၊ ဘော်ဒီကစားမယ် နှစ်ချောင်းပါမယ်၊ သုံးချောင်းပါမယ်၊ ပြောနေကြ ရင်း က မြန်မာဘောလုံးအသင်းကြောင်း ရောက်သွားပြန်သည်။
ပြီးခဲ့သော တိုက်ဂါးဖလားပွဲနှင့် ပတ်သက်ပြီး ဝေဖန်ကြသည်။ တချို့က မြန်မာအသင်းကို အာမရ၊ ဟိုလူ ခေါ်သွားသင့်တယ်၊ ဒီလူပါရင် ဒီလိုမဖြစ်ဘူး၊ ဟိုလူညံ့တယ်၊ ဒီလူကောင်းတယ် ပြောကြသည်။ တချို့ကတော့ မခိုမကပ်တတ်ညီလက်ညီ ကြိုးစား ကစားကြတာကို ချီးကျူးသည်။ အတွေ့အကြုံနည်းလို့ မအောင်မြင်တာ၊ နိုင်ငံခြားအသင်းတွေနဲ့ ခြေစမ်းပွဲတွေ များများကစားသင့်တယ်၊ လူငယ်တွေချည်းပါဝင် သော အသင်းအနေဖြင့် အိမ်ရှင်အသင်းကို သရေကစားနိုင်တာနဲ့တင် ကျေနပ်ဖို့ သင့်တယ်ဟု အကောင်း ဘက် မှ မြင်ကြသည်။

''ဒါနဲ့ ၁၈နှစ် အောက် အာဆီယံဖလားပွဲကို မြန်မာနိုင်ငံက အိမ်ရှင်လုပ်မယ်ဆိုပါလား''
''ဟာ... ဒါဆိုကောင်းတာပေါ့ ငါတို့ပွဲကောင်းတွေ ကြည့်ရတာပေါ့''
''ဒါက အရေးမကြီးဘူးကွ၊ နိုင်ငံတကာပြိုင်ပွဲဆိုတော့ လူတွေက အရမ်းစိတ်ဝင်စားကြမှာ ပရိတ်သတ်တွေ အများကြီးလာကြည့်ကြမှာပဲ၊ ကွင်းမဆံ့မှာ စိုးရိမ်ရတယ်''
ထိုအခါ ဘေးမှနားထောင်နေသော ချစ်ဦးက..
''အဲဒါများ လွယ်လွယ်လေး သူဝဏ္ဏကွင်းနဲ့ အောင်ဆန်းကွင်း နှစ်ကွင်းခွဲကန်ခိုင်းလိုက်ပေါ့''
ဟု ပြောပြီး ထထွက်သွားသည်။ ပြောနေသူမှ ရုတ်တရက်ကြောင်ပြီး

''အေးကွ ဒါဆိုရင်တော့ ..ဟာ ဒီကောင် လုပ်ချသွားပြန်ပြီဘောလုံး ကန်တာရုပ်ရှင်ပြသလို တစ်ပြိုင်တည်း နှစ်နေရာ ကန်လို့ရတာမှမဟုတ်တာ၊ အတော်နောက်တဲ့ကောင်''
''တစ်ကွင်းမှ.... ငါးယောက်စီ၊ နောက်တစ်ကွင်းမှာ ခြောက်ယောက်စီနဲ့ ခွဲကန်ကြပေါ့ဗျ  ဟား ဟား''
တစ်ချက် တစ်ချက် ချစ်ဦးဝင်နှောက်လိုက်လျှင် ဟုတ်သလိုလိုနှင့် အူလည်လည် ဖြစ်ကျန်ရစ်ခဲ့တတ်သည်။

ချစ်ဦးက သဲသဲချစ်ကလေးကို သည်းသည်းလှုပ်အောင်ချစ်သလို ကလေးကလည်း ချစ်ဦးကို အလွန်တွယ် တာသည်။ ချစ်ဦးအိမ်မှာ ရှိနေလျှင် သဲသဲချစ်နှင့်သာ အချိန်ကုန်တတ်သည်။
သဲသဲချစ်ကလည်း ချစ်ဦးရှိနေလျှင် တခြား ဘယ်သူ့ကိုမှအရေမလုပ်တော့ဘူး၊ သူ့အမေ ကိုတောင် နို့စို့ချင် တော့မှ သတိရသည်။ ကျန်အချိန်တွေမှာ ချစ်ဦးကိုသာတွယ် ကပ်နေတော့သည်။
မကပ်ဘဲလည်း ဘယ်နေမလဲ။ ချစ်ဦးက မကြာခဏ ဆိုသလို အရုပ်ကလေးတွေ ဝယ်ပေးပြီး ပြီးရောဆို တာမျိုးမဟုတ်။ သူကိုယ်တိုင်ကလေးနှင့် အတူကစားပြခြင်းဖြစ်၏။ ပူဖောင်းဆိုလျှင် သဲသဲနှင့် အပြန် အလှန် ပစ်ပေါက်ကစားသည်။ ဂျောက်ဂျောက်ကလေးကို သူက လှုပ်ပြလိုက်၊ သဲသဲကို လှုပ်ခိုင်းလိုက်၊ ပီပီ ကို မှုတ်ရင်း ကပြသေးသည်။

ဒီလိုအခါမျိုးမှာသဲသဲသဘောကျပြီး တခစ်ခစ်ရယ်တတ်၏။ ကလေးငယ်တွေအနေဖြင့် လူကြီးဆိုတာ ဣနြေ္ဒ သိက္ခာနှင့် နေရတယ်ဆိုတာ နားမလည်ကြသေး၊ သူတို့အမြင်မှာ လူကြီးဆိုတာ ကလေးအကြီးစား တွေ ဟုသာ သဘောပေါက်လိမ့်မည်။ ထို့ကြောင့် လူကြီးတွေက ကိုးရိုးကားရား ရူးပေါပေါလုပ်ပြတာမျိုးကို သိပ်သဘောကျတတ်သည်။ ဒါကြောင့်လည်း သဲသဲက ချစ်ဦးကို အသည်းစွဲ ဖြစ်နေဟန်တူ၏။
နောက်တစ်ချက်ကတော့ ကလေးတို့သည် မိခင်ကိုတွယ်တာသလို ဖခင်ကိုလည်းခင်တွယ်ချင်တတ်ကြ သော သဘာဝရှိလ်ိမ့်မည်။ သဲသဲမှာ သိတတ်တာ အရွယ်မဟုတ်သည့်တိုင် ချစ်ဦးကို ဖခင်သဖွယ် ခံစားမိ တာမျိုးဖြစ်နိုင်၏။ ပြီးတော့ သွေးချင်း အလွန်နီးသော ဦးလေူးအရင်း တော်တယ်မဟုတ်လား။

ဒါတွင်မက... ကလေးတွေက အနေနီးသူကို ခင်တွယ်တတ်သော သဘောလည်းရှိ၏။ ချစ်ဦးမှာ သဲသဲ မွေးပြီးခါစအချိန်ကတည်းက တပွေ့ပိုက်ပိုက် နေလာခဲ့တာ ချစ်ဦး၏ အငွေ့အသက်ကို မှတ်သားလက်ခံ ထားပြီးပြီ။
ချစ်ဦးက သဲသဲကို တစ်ချိန်လုံး ပွေ့ချီချော့မြူလာခဲ့သည်။ မွေးခါစ ဘာမှမသိခင်ကတည်းက စကားတွေ တတွတ်တွတ် ပြောခဲ့တာ။
''သဲသဲလေးက နို့ဆာလို့လား ဘာလဲသြော် ချီရမယ်လား၊ အေး အေး.... သီချင်းဆိုပြမယ်နော် ... ဟင် မဟုတ်ပြန်ဘူး၊ ပုံပြောပြမှာလား.... ဟိုးရှေးရှေးတုန်းက မင်းသားလေးတစ်ယောက်ရှိတယ်တဲ့၊ အဲဒီမင်းသား လေးက ဦးနှောက်မကောင်းပေမယ့် ရုပ်ကတော့ သိပ်ချောတာတဲ့၊ ဦးနှောက် မကောင်းတာ ကလည်း စုန်းမကြီးက ပြုစားထားလို့လေ၊ အဲဒီစုန်းမကြီးက မင်းသားလေးကို ဖမ်းထားတာပေါ့ ထမင်း လည်း ဝအောင် မကျွေးဘူးတဲ့''

စသည်ဖြင့် စိတ်ကူးတည့်ရာ လျှော်ကပြောသဖြင့် ဒေါ်ငွေဇံက မျက်စောင်းထိုးသေးသည်။
ချစ်ဦးက သဲသဲကို စကားသိပ်တတ်စေချင်သည်။ လသားကလေးကိုပင်။
''သဲသဲရေ... ထူးပါဦး...ရှင်လို့''
''ဦးဦးလိ်ို့ ခေါ်စမ်း''
စသည့်ဖြင့် ပြောနေတတ်၏။ တစ်ခါတလေ ကလေးက သူ့ဘာသာ အဲ... အု စသည်ဖြင့် အသံပြုတာကိုပင်။
''ဦးလို့ခေါ်တာလား မသိဘူး'' ဟုဆိုသည်။

''ဒီအရွယ်ကလေးက ဘယ်စကားတတ်ဦးမလဲကွယ့် မောင်လေးရဲ့''
ဟု မြလွင်ကပြောတော့
''ဟာ.... ဒီအရွယ် မပြောဘူးလို့ သတ်မှတ်ထားလို့လား၊ သူလည်း ပါးစပ်ပါတာပဲ၊ ပြောချင်ပြောမှာပေါ့''
ဆိုပြီး စကားဆက်သင်မြဲသင်နေသည်။
သဲသဲမှာ စကားမပြေတတ်သေးသည့်တိုင်....
''ဦးဦးကို ချစ်လား'' ဆိုလျှင် ခေါင်းညိတ်ပြတာမျိုး။

''ဦးဦးရဲ့ အသည်းလေး ဘယ်မှလဲ''
မေးလျှင် ရင်ဘတ်ကို ပုတ်ပြတာမျိုးလောက်တော့ လုပ်တတ်နေပြီ၊ ဒါကိုပင် ချစ်ဦးက ဂုဏ်ယူမဆုံး ဖြစ်နေ၏။ ဒီလိုနဲ့ တစ်ရက်မှာတော့...
ချစ်ဦးသည် ညက အလှူအိမ်တစ်ခုမှာ သွားကူနေသဖြင့် လင်းအားကြီးကျမှ အိပ်ရသည်။ ထို့ကြောင့် ခါတိုင်းလို မနက်စောစော မနိုးဘဲ ဖြစ်နေ၏။ သဲသဲမှာ အိပ်ရာက နိုးတော့ ချစ်ဦးကို မတွေ့သဖြင့် လိုက်ရှာ သည်။ သဲသဲသည် မတ်တတ်စမ်းခါစ ရှိသေးသည်။ နှစ်လှမ်း၊ သုံးလှမ်း၊ လှမ်းလိုက်၊ ပြန်ထိုင်ချပြီး လေးဖတ် သွားလိုက်လုပ်ရင်း ချစ်ဦး၏ အိပ်ရာဆီ ရောက်လာသည်။
ခြင်ထောင်ကို လှန်၍ဝင်ပြီး ချစ်ဦး၏ ရင်ဘတ်ကို ပုတ်သည်။ ချစ်ဦးက အိပ်မောကျနေသဖြင့် ရုတ်တရက် မနိုးနိုင်၊ ထိုအခါ ကိုယ်ပေါ်တက်ခွသည်။ ချစ်ဦးကို မြင်းလုပ်စီးနေကျဖြစ်သည်။ အိပ်ချင်မူးတူးဖြစ်နေသဖြင့်
''နေပါဦး သဲသဲရာ၊ ဦး ဦး အိပ်ပါရစေဦး''
ဟုပြောသည်။ ထိုအခါ သဲသဲက မကျေနပ်ဟန်ဖြင့် တအင်းအင်းလုပ်ရင်း ချစ်ဦး၏ ရင်ဘတ်ကို လက်သီး လေးနှင့် ထုပ်ပြီး။

''ရူး..ရူး''
ဟုအော်လိုက်၏။ ချစ်ဦးမှာ အစတော့ကလေးက ပါးစပ်ထဲ တွေ့ကရာ ရေရွတ်လိုက်တာပဲထင်သည်။ ''ရူး ရူး''ဟု ထပ်ခေါ်တော့မှ မျက်လုံးဖွင့်ကြည့်သည်။ သဲသဲက ထပ်ခေါ်ပြန်သည်။ ချစ်ဦး မျက်လုံးပြူးသွား သည်။
''ဘာရယ်.... သဲသဲဘာ ပြောလိုက်တယ်''
''ဟာ သဲသဲက ... သဲသဲက''
ချစ်ဦး ဝုန်းခနဲ ထထိုင်သည်။
''မမမြလွင်ရေ  သဲသဲ စကားတတ်ပြီဗျ''
ဟုအော်ရင်း ဆိုင်ဖွင့်ဖို့ ပြင်ဆင်နေသော မြလွင်ဆီပြေးသွားသည်။ မြလွင်က ...

''ဟုတ်ရဲ့လားဟယ်..... သမီး... ဟုတ်လား''
ဟု သဲသဲကိုပါ မေးလိုက်သည်။ သဲသဲက ခေါင်းညိတ်ပြသည်
''မမ မယုံရင်ကြည့် ...သဲသဲပြောလိုက်လေ ဦးဦးကို ခေါ်ပြလိုက်''
''ရူး ရူး''
''တွေ့လား၊ ကျွန်တော့ကို ခေါ်တာဗျ''
ဟု ချစ်ဦးကို လက်ညိုးထိုးပြပြီး မေးတော့ ''ရူးရူး ''ဟု ဖြေပြန်သည်။ ချစ်ဦးမှာ သဘောကျပြီး တဟား ဟားရယ်ရင်း....
''ဟား ...ဟား ရူး ရူးတဲ့ ကောင်းတယ်ဟေ့၊ ကလေးကတောင် ငါရူးမှန်းမိတယ်၊ ရူး ရူး၊ ရူး ရူး သိပ်ခေါ်လို့ ကောင်းတာပဲ၊ နားထောင်လို့လည်း ကောင်းတယ်၊ နောက်ကို အဲဒီအတိုင်းခေါ်နော်.. သဲသဲလေး''
သဲသဲက ခေါင်းညိတ်ပြီး ''ရူး ရူး''ဟု ခေါ်ပြန်သည်။

''ကျွန်တော် ပြောတယ်မဟုတ်လား မမရဲ့၊ သဲသဲက ဥာဏ်ကောင်းမှာပါလို့၊ အင်း... ဒီနေ့ကစပြီး အလုပ်ကို ပိုကြိုးစားမယ်ဗျာ၊ ပိုက်ဆံလည်းစုရမယ်၊ သဲသဲက ဥာဏ်ကောင်းတော့ စာတော်မှာဗျ၊ သူ့ကို တက္ကသိုလ် တက်ခိုင်းမယ်၊ ဆရာဝန်မကြီးလုပ်ခိုင်းမယ်။ သူဆရာဝန်ဖြစ်ရင် ကျွန်တော့်ကို အရင်းဆုံးကုခိုင်းမယ်''
''မောင်လေးက ဘာဖြစ်နေလို့ ကုရမှာလဲ''
''ဒါလေဗျာ ဒါ''
သူ့နားထင်ကို လက်ညိုးနှင့် ထောက်ပြပြီး
''ဦးနှောက် နည်းနည်းချောင်နေတာလေ''
မြလွင်မှာ ရယ်လိုက်ရင်းကပ်င ကရုဏာ သက်သွားရသေးသည်။

တကယ်တော့် ကလေးအများစုတို့သည် မ နှင့် စသော စကားလုံးများကို အရင်ဆုံး စပြီး ပြောတတ်လေ့ရှိ ၏။ ဒါကြောင့်လည်း မေမေ မာမာဆိုသော ဝေါဟာရ ပေါ်လာခြင်း ဖြစ်မည်။
သဲသဲကတော့ တစ်မျိုးဖြစ်၏။ ချစ်ဦး တစ်ချိန်လုံး ဦးဦးကို ချစ်သလား၊ ဦးဦးလို့ ခေါ်ပါဦး၊ ဦးဦးရဲ့ အသည်း လေးလား စသည်ဖြင့် ဦးဦးချင်းထပ်အောင် ပြောလေ့ရှိသဖြင့် ကလေးက နားရည်ဝပြီး သူ့အသံ ထွက် တတ်သလို 'ရူး ရူး' ဆိုသော စကားလုံးကို ပထမဆုံး ပြောတတ်ခြင်း ဖြစ်နိုင်၏။
ဘာပဲဖြစ်ဖြစ် ထိုနေ့က ချစ်ဦးသည် ဘယ်မှမသွားတော့ဘဲ  သဲသဲနှင့်သာ အချိန်ကုန်သည်။
'ရူး ရူး' 'ဗျ ဗျ'ဆိုသော အသံများမှာ တစ်နေကုန် စီစီညံနေတော့သည်။

လက်ဖက်ရည်ဆိုင်က သတင်းစာထဲမှာပါသော ထီပေါက်စဉ်နှင့် သူထိုးထားသော  ထီလက်မှတ်နံပါတ်ကို တိုက်ကြည့်သည်။
ရှေ့ဆုံး နှစ်လုံးလောက်တူတာတောင် မပါ၊ ချစ်ဦး မကျေနပ်သေး။ လက်ဖက်ရည်ဆိုင်မှ သတင်းစာက ကြေးမုံဖြစ်၏။ဆံပင်ညှပ်ဆိုင်သို့ပြေးသည်။ မြန်မာ့အလင်း သတင်းစာထဲက ထီပေါက်စဉ်နှင့် တိုက်ကြည့် ပြန်သည်။
''တောက် ... ဒီသတင်းစာမှာလည်း လွဲပြန်ပြီကွာ''
ဟု တက်တခေါက်ခေါက် ဖြစ်နေသည်။ နောက်တော့ ဈေးထိပ်က ထီဆိုင်ကို သွားပြီး မကျေမချမ်း ပြောပြန် သည်။
''ခင်ဗျားတို့က ကျွန်တော့်ကို ပေါ့သေးသေးမှတ်လို့ မပေါက်တဲ့ ထီလက်မှတ်တွေ ညာရောင်းတာလား''
''ဟာကွာ၊ ထီထိုးတိုင်း ပေါက်တာမှမဟုတ်တာ၊ ဒါက ကံနဲ့လည်းဆိုင်တယ်လေ မင်းတစ်ယောက် တည်း မဟုတ်ဘူး၊ တခြားလူတွေလည်း ဒီလိုပဲ ထိုးကြတာပဲ''

''တခြားလူတွေလည်း မပေါက်ကြဘူး မဟုတ်လား၊ အဲဒါကိုက ခင်ဗျားတို့က မရိုးသားဘူးဆိုတာ သိသာ နေတာပဲ''
ဆိုင်ကလူတွေလည်း ဘယ်လိုရှင်းပြရမှန်းမသိ နောက်ဆုံးမတတ်သာသဖြင့် ...
''မင်း မကျေနပ်လည်းပင်ရင်းဆိုင်ကြီးကိုသာ သွားပြောပေတော့၊ ငါတို့လည်း သူတို့ဆီကတစ်ဆင့် ကိုယ်စာ လှယ်ယူပြီး ရောင်းရတာ''
ဒီကိစ္စ ဒီမှာတင် ပြီးလို့ တော်တော့သည်။ ပင်ရင်းဆိုင်ကြီးကိုသာ ချစ်ဦးသွား ပြဿနာရှာခဲ့လျှင် မလွယ် ထိုဆိုင်ကြီးကလည်း မကျေနပ်ရင် အောင်ဘာလေသိန်းဆုဌာန သွားပြောဆိုဒုက္ခ၊ အဲဒီကမှ တစ်ဆင့် ပြည်တွင်းအခွန်များ ဦးစီးဌာန၊ နောက်ဆုံးဘဏ္ဍာရေးနှင့် အခွန်ဝန်ကြီးဌာနထိ ရောက်ကောင်းရောက် ကောင်းရောက်သွားနိုင်သည်။

ချစ်ဦး က ထီအရမ်းပေါက်ချင်နေသည်။ ဘာဖြစ်လို့ ပေါက်ချင်တာလဲဆိုတော့ ....
''ကျွန်တော့် တူမလေး သဲသဲကို ဆေးကျောင်းတက်ခိုင်းမလို့ဗျ''
ဟု အစချီပြီး သဲသဲမှာ အလွန်ဥာဏ်ကောင်းကြောင်း အခုစကားတောင် စပြောနေပြီ ဖြစ်ကြောင်း သူ့ကို ရူး ရူးဟုခေါ်ကြောင်း၊ စာလည်း အရမ်းတော်မှာ သေချာကြောင်း ကြီးလာလျှင် ဆေးကျောင်းတက်ခိုင်းမည်  ဖြစ်ကြောင်း ၊ ဆရာဝန်မကြီးဖြစ်လျှင် သူ့ကို ကုခိုင်းမည်ဖြစ်ကြောင်း။
 ''အဲဒီအခါကျရင် ကျွန်တော်က ခုလို ရူးပေါပေါဖြစ်မှာ မဟုတ်တော့ဘူး၊ အားလုံးက လေးစားကြရမှာ၊ ဆရာဝန်မကြီးရဲ့ ဦးလေးမဟုတ်လားဗျ၊ ဟဲ... ဟဲ.... ပေါ့သေးသေးလို့တော့ မမှတ်လိုက်နဲ့''
တချို့လူတွေက
''ထီကြီးက ပေါက်ခဲတယ်ကွ၊ နှစ်လုံးတို့၊ သုံးလုံးတို့ ထိုးပါလား''

ဟု အကြံပေးသောအခါ
''ဟာဗျာ ... ဒါတွေတော့ ဝါသနာ မပါဘူး၊ ကျွန်တော်မြင်သလောက်တော့ ပေါက်တဲ့လူကနည်းနည်း မွဲတဲ့ လူက များများပါဗျာ''
ဟု ပြန်ပြောတတ်သည်။ သူကဝါသနာ မပါဘူးဆိုသော်လည်း ဝါသနာပါဘူးသူတွေရဲ့ စက်ကွင်းကတော့ မလွတ်နိုင်။
ဒီလိုကိစ္စမျိုးမှာ ဝါသနာကြီးသူတို့သည် အားကိုးရာရှာတတ်ကြသည်။ တွက်တက်ချက်တတ်သူတွေကို ဆရာတင်ကြသည်။ နောက်ဆုံးကြံရာမရလျှင် စိတ်ဝေဒနာရှင်တွေလည်း မရေ။ ဟိုနေရာ၊ ဒီနေရာတွေမှာ ကျပ်မပြည့်ရှာသူတချို့ပြောတာ သိပ်မှန်တာပဲဟု ကြားရသောအခါ ချစ်ဦးကို မျက်စိကျသူတွေ ရှိလာလေ သည်။
တစ်ရက်မှာ ဆက်တိုက်အထိနာနေသူ မိန်းမတစ်ယောက်က သွေးရူးသွေးးတန်းနှင့် အားကိုးရာ ရှာနေခိုက် ရှေ့မှာလျှောက်လာသော ချစ်ဦးကို မြင်သောအခါ ရုတ်တရက် အတွေးပေါက်သွားပြီး။
''ဟဲ.... ချစ်ရူး၊ ဒီနေ့ဘာကောင်းလဲ''

ဟုမေးလိုက်သည်။
ချစ်ဦးသည် လက်ဖက်ရည်ဆိုင်မှ ထလာခြင်းဖြစ်၏။ ဒီလိုရက်မျိုးမှာ မနက်အစောကြီးကတည်းက လက်ဖက်ရည်ဆိုင်မှာ လူစည်ကားနေတတ်သည်။ သူက နံပြားမှာစားသည်။ နံပြားဖုတ်ဖို့ ဂျုံလုံးက နှစ်လုံး သာကျန်တော့သည်။ နံပြားဖုတ်တဲ့အလုပ်သမားကလည်း မြန်မြန်ကုန်စေချင်နေပြီ။ ဒါမှ သူလည်းဟိုကိစ္စ စနည်းနာဖို့ အချိန်ရမည်။
ထို့ကြောင့် လက်ကျန်ဂျုံနှစ်လုံးစလုံးပေါင်းပြီး ဖုတ်ပေးလိုက်၏။ ချစ်ဦးလည်း နံပြားဧရာမကြီးကို တစ်ဝကြီး စားလိုက်ရသဖြင့် အလွန်ကျေနပ်သွားသည်။ လက်ဖက်ရည်ဆိုင်က အထွက်မှာ ဟိုမိန်းမ ဒီနေ့ဘာကောင်း သလဲမေးတော့....
''နံပြားကောင်းတယ်''

ဟု သူ့အဓိပ္ပါယ်နှင့် သူပြောလိုက်သည်။ ဒါကို ဟိုမိန်းမက အတိတ်ကောက်လိုက်သည်။ နံပြားဆိုတော့ ၇၅ ပေါ့။ တကယ်တမ်းကျတော့ ၅၇ ဖြစ်သွား၏။ ဟိုမိန်းမကတော့....
''ငါက ဒါမျိုးဖြစ်တတ်တာသိလို့ လှန်လိုက်တော့ အဆင်ပြေသွားတာပေါ့''
ဟု ဆိုသည်။ ချစ်ဦးကိုလည်း ကျေးဇူးတင်တဲ့အနေနဲ့ စွပ်ကျယ်တစ်ထည် ဝယ်ပေးသည်။ ဒီသတင်းပျံ့နှံ့ သွားတော့ တခြားလူတွေလည်း ချစ်ဦးကို ဘာကောင်းလဲ၊ ဘာကောင်းလဲ မေးကြသည်။ ချစ်ဦးကလည်း ..
''ပလာတာကောင်းတယ်''
'စမူဆာ'
'ဘိန်းမုန့်'
''ကောက်ညှင်းပေါင်း' စသည်ဖြင့် သူစားခဲ့တာတွေပြောသည်။ တစ်ခါတလေ.. '
'မုန့်ဟင်းခါးက ရေရောတာ  များသွားလို့လားမသိဘူးဗျာ၊ ဘာအရသာမှ မရှိဘူး'

ဒီလိုအခါမျိုးကျတော့ အဓိပ္ပါယ်ကောက်ရတာ နည်းနည်းခက်သည်။ တချို့ကလည်း
''ဘာအရသာမှ မရှိဘူးဆိုတော့ သုညပေါ့''ဆိုတာမျိုး လာချင်သေးသည်။ ဟုတ်တာလည်းရှိ၊ လွဲတာလည်းရှိ ဘာပဲဖြစ်ဖြစ်  ချစ်ဦးကတော့ လဆန်းရက်တွေမှာ ကျွေးချင်မွေးချင်သူတွေ ရှိနေသဖြင့် စားသာနေ၏။
''သူတို့က ဘာကြောင့်  တစ်လမှာ တစ်ပတ်လောက် သဘောကောင်းနေကြရတာလဲ''
ဟု ချစ်ဦး နားမလည်နိုင်ဖြစ်နေ၏။ သူ့အပေါင်းအသင်းတွေက အဖြစ်မှန်ကို ပြောပြတော့မှ...
''သြော်.. ဒီလိုကိုး၊ လူတွေဟာ ပိုက်ဆံသာ ရမယ်ဆိုရင် အရူးကိုဆရာတင်ဖို့လည်း ဝန်မလေးဘူးနော်''
ဟု ချစ်ဦးက မှတ်ချက်ပြုသည်။

နောက်ပိုင်းကျတော့ နှစ်လုံး၊ သုံးလုံးကိစ္စတွေ ထိထိရောက်ရောက်နှိပ်ကွက်ခံရသဖြင့် လုံးဝနီးပါး ငြိမ်ကုပ် သွားသည်။ ထိုအခါ ရပ်ကွက်ထဲက လူတို့သည်လည်း ချစ်ဦးအပေါ် သဘောမကောင်းကြတော့..
ရပ်ကွက်ထဲမှာ ကင်းအလှည့်ကျတဲ့ အိမ်တွေက စောင့်ဖို့ အဆင်မပြေလျှင် လူငှားထည့်ရသည်။ လူငှာက တော့ တခြားမဟုတ်။ ချစ်ဦးပင်ဖြစ်၏ဒ
သူကလည်း ကင်းစောင့်ရတာကို သဘောကျသည်။ တကယ်တော့ ကင်းစောင့်တယ်ဆိုသော်လည်း သိပ်ပင်ပင်ပန်းပန်း ဝိရိယ စိုက်နေရတာမျိုးမဟုတ်၊ သူတို့ရပ်ကွက်မှာ လူဆိုးသူခိုးမရှိ။ လူစိမ်းတွေလည်း သိပ်ဝင်ထွက်ရဲတာမဟုတ်။ မီးရေးထင်းရေး အတွက်သာ အဓိကထားပြီး ကင်းစောင့်ကြရခြင်းပင်ဖြစ်၏။

ဒီတော့ ကင်းစောင့်ရင်း အေးအေးလူလူ စကားထိုင်ပြောကြ၊ ထိုင်ရတာညောင်းလာလျှင် ရပ်ကွက်ထဲ တစ်ပတ်လျှောက်ကြည့်ကြ၊ ပျင်းလျှင် သီချင်းညည်းကြ ရေနွေးကြမ်းကို ပဲလှော်နှင့် မြည်းကြ၊ အိပ်ငိုက်လာလျှင် တစ်လှည့်စီ အိပ်ကြ။ ဒါမျိုးလောက်ကတော့ ချစ်ဦးအဖို့ ပျော်စရာတောင် ကောင်းသေး သည်။
ဒီနေ့လည်း ကင်းအလှည့်ကျသော ကိုဘိုလေးနှင့် ကိုသန်းမောင်တို့ ကင်းတဲဆီသို့ လာခဲ့သောအခါ အသင့် ရောက်နှင့်နေသော ချစ်ဦးကို တွေ့ကြရသည်။
''အမယ် ချစ်ရူးဒီနေ့ မင်းတို့အိမက ကင်းအလှည့်မဟုတ်ပါဘူး။ ဘယ်သူ့အစားလာစောင့်ပေးတာလဲ''
''ဘကြီးထွန်းတို့ အစားလာစောင့်ပေးတာပါ''
''ဘယ်လောက်ရသလဲကွ''

''ဟာဗျာ၊ ဘကြီးထွန်းတို့က ပိုက်ဆံရှိတဲ့လူတွေမှ မဟုတ်တာ၊ အဘိုးကြီး၊ အဘွားကြီး လင်မယားနှစ် ယောက်ထဲ ချို့ချို့တဲ့တဲ့ နေရတာ၊ ဘကြီးထွန်းကလည်း ကင်းလာစောင့်ဖို့နေနေသာသာ၊ အဆစ်အမြစ်တွေ ကိုက်လို့ အိပ်ရာထဲကတောင် မထနိုင်ဘူး၊ ဒါကြောင့် ကျွန်တော်က ကူပြီးစောင့်ပေးတာဗျ၊ ပိုက်ဆံမယူပါ ဘူး''
ချစ်ဦးမှာ ဒီလိုစိတ်ကောင်းရှိတတ်တာကို သိသဖြင့်...
''အေးအေး ကောင်းပါတယ်ကွာ၊ ဒါနဲ့ တချို့ က မင်းကို ကင်းစောင့်ခ မှန်မှန်မပေးကြဘူးဆို''
''ဟုတ်တယ်ဗျာ၊ နောက်အပတ်မှာ ပေါင်းပေးမယ် ဘာညာဆိုပြီး အမေ့ခံချင်ကြတယ်၊ ကျွန်တော်က တောင်းတဲ့အခါကျတော့... ပေးပြီးပြီလိုလို ဘာလိုလို ငြင်းကြရော၊ သူတို့စိတ်ထဲမှာ ဦးနှောက်မကောင်းတဲ့ လူဆိုရင် သတိလည်း မေ့တတ်တယ်လို့ ထင်ကြတာကိုး၊ ကျွန်တော်က မှတ်ဥာဏ်တော့ ကောင်းပါတယ် ဗျ၊ဟိုတစ်ခါက အသုဘအိမ်မှာ ကိုဘိုလေး ဖဲရှုံးတာ ငါးရာခြောက်ဆယ့်ငါ့ကျပ်မဟုတ်လား''

ဟု ပြောလိုက်သဖြင့် ကိုဘိုးလေးက 'အေပေးလေး၊ ဆက်မပြောနဲ့၊ တော်ကြာလက်ပတ်နာရီ ပေါင်တာပါ ပေါ်ကုန်တောမယ်''ဟု ရယ်ရင်းပြောသည်။ ချစ်ဦးက ဆက်၍...
''ခုနောက်ပိုင်းတော့ ကျွန်တော်လည်း ပိုင်မှ လုပ်တော့မယ်''
''ဘယ်လိုလုပ်တာလဲကွ''
ကိုသန်းမောင်က ဝင်မေးသဖြင့်
''ဒီလိုဗျ၊ ကျွန်တော့်ကို ကင်းစောင့်ခိုင်းချင်ရင် ပါးစပ်နဲ့ ခိုင်းလို့မရတော့ဘူး စာချုပ်ချုပ်ရတယ်''

''ဟေ့... ကင်းစောင့်တာ စာချုပ်နဲ့''
''တကယ့်စာချုပ်တော့ မဟုတ်ဘူးပေါ့ဗျာ စာရွက်တစ်ရွက်ပေါ်မှာ ရေးပြီးလက်မှတ်ထိုးခိုင်းတာပေါ့၊ အမယ်... ဒါမျိုးကျတော့ သူတို့က မကြိုက်ဘူး၊ ကျွန်တော့်ကို လူပါးဝတယ်၊ ဘာညာပြောချင်ကြသေးတာ၊ ချစ်ရူးဆိုတဲ့ ကောင်ကလည်း ပေါ့သေးသေးမှ မဟုတ်ဘဲကိုး၊ လက်မှတ်မထိုးနိုင်ရင် ကင်းစောင့် မပေးဘူး ပေါ့''
''မင်းကတော့ ဖြစ်ရမယ်၊ အေးလေ တချို့လူတွေကလည်း မင်းလိုကောင်မျိုးနဲ့မှ ကိုက်တာပဲ''
ကိုဘိုလေးတို့ ကိုသန်းမောင်တို့ကလည်း ချစ်ဦးနှင့်အတူ ကင်းစောင့်ရတာကို သဘောကျသည်။ ခုလိုပဲ ပေါက်ကရတွေ လျှောက်ပြောနေရသဖြင့် အပျင်းပြေသည်။ ချစ်ဦးကို စရနောက်ရသဖြင့် တော်ရုံနှင့် မအိပ် ချင်တော့။

ဆက်ရန်
http://www.shwezinu.com/search/label/%E1%80%99%E1%80%84%E1%80%B9%E1%80%B8%E1%80%9C%E1%80%B0%20%E1%81%8F%20%E1%80%A1%E1%80%99%E1%80%BA%E1%80%AC%E1%80%B8%E1%82%8F%E1%80%BD%E1%80%84%E1%80%B9%E1%82%94%20%E1%80%99%E1%80%9E%E1%80%80%E1%80%B9%E1%80%86%E1%80%AD%E1%80%AF%E1%80%84%E1%80%B9%E1%80%B1%E1%80%9E%E1%80%AC%E1%80%9E%E1%80%B0