မင်းလူ ၏ အများနှင့် မသက်ဆိုင်သောသူ, အပိုင်း (၄)

(၆)

မြလွင် ကိုယ်ဝန်ရှိလာခြင်းအတွက် သူတို့အိမ်အခြေအနေကို တစ်မျိုးတစ်စုံ အထောက်အကူပြုသလို ဖြစ် သွားသည်။ အားလုံး ပျော်ရွှင်နေကြ၏။ ချစ်မှူးက အလုပ်ကို ပို၍ ကြိုးစားလုပ်ရမည်ဟု ဆိုသည်။ ဒေါ်ငွေဇံ သည်လည်း မြေးဦးရတော့မှာမို့ ပျော်နေသည်။ ကလေးရလာလျှင် ချစ်မှူးသည် မြလွင်ကို ပိုပြီး သံယောဇဉ် တွယ်လာတော့မှာကို မြင်ယောင်ပြီး အားတက်မိခြင်း ဖြစ်၏။ ဒီဘက်ကို အာရုံရောက်နေသဖြင့် ချစ်ဦးကို အပြစ်ရှာဖို့တောင် မေ့နေသည်။
ချစ်ဦးဆိုတာကတော့ ပြောမနေနဲ့တော့။ ကာယကံရှင်ဖြစ်သော ချစ်မှူးထက်တောင် သူကပိုကဲသေးသည်။ သူလျှောက်ပြီး မေးမြန်းစုံစမ်းထားချက်များအရ ကိုယ်ဝန်ဆောင်မိခင်သည် အထိုင်အထ အသွားအလာ ပေါ့ပါးသွက်လက်လျှင် ယောက်ျားလေး မွေးတတ်သည်။ လေးကန်နှေးကွေးနေလျှင် မိန်းကလေးဖြစ်တတ် သည်ဟု သိထား၏။

ထို့ကြောင့် မြလွင်က ထိုင်နေရာမှ ဆိုးခနဲ ဆတ်ခနဲ ထလိုက်လျှင်။
"ဟာ … ဖြည်းဖြည်းလေးထပါ မမရဲ့၊ တော်ကြာ ယောက်ျားလေး မွေးနေပါဦးမယ်"
ဟု ဆိုတတ်သည်။ ဒါတွင်မက ဗိုက်ချွန်လျှင် ယောက်ျားလေး၊ ဗိုက်ပြားလျှင် မိန်းကလေးဟု ဆိုကြသဖြင့် …
"မမ၊ ညအိပ်ရင် မှောက်အိပ်ဗျ၊ ဒါမှ ဗိုက်ပြားမှာ"
ဟု ပြောတတ်သေးသည်။ မြလွင်မှာ ရှင်းပြမနေတော့ဘဲ။

"အေးပါ မောင်လေးရယ်"
ဟု သူကျေနပ်အောင် ပြောရသည်။ "ယောက်ျားလေးသာ မွေးလာလို့ကတော့ သူ့စကား နားမထောင်ရ လေကောင်းလားလို့ ဆူမှာ ကြိမ်းမှာ မြင်ယောင်သေးတယ်" ဟု ချစ်မှူးနှင့် ပြောပြီး ရယ်ကြရ၏။
ထိုရက်များအတွင်း ချစ်ဦးမှာ ဒေါ်ငွေဇံ၏ အဓိကပြဿနာမှာ ယောက်ျားလေး ဖြစ်မလား၊ မိန်းကလေး မွေးမလား၊ ငြင်းကြခုန်ကြခြင်းပင် ဖြစ်၏။ ချစ်ဦးက မိန်းကလေးမှ မိန်းကလေး။ ဒေါ်ငွေဇံကလည်း ယောက်ျားလေး ဖြစ်ရမယ်ဟု ဇွတ်ငြင်းသည်။

"ကဲ … ဒါဆို ဒေါ်ကြီးနဲ့ ကျွန်တော်တို့ လောင်းမလား၊ ရှုံးတဲ့လူက နင်းနှိပ်ပေးကြေး"
"အောင်မာ … ငါက ဘာလို့ နင့်ကို နင်းပေးရမှာလဲ၊ နင်နင်းပေးတာလည်း ငါ မခံနိုင်ဘူး၊ နင့်လို အစားပုပ်တဲ့ ကောင်ရဲ့ ကိုယ်ကအလေးကြီး"
သူတို့ နှစ်ယောက်မှာ ငြင်းတယ်ဆိုသော်လည်း ဟိုအရင်ကလို တင်းတင်းမာမာ မဟုတ်။ ဒေါ်ငွေဇံ၏ မျက်နှာထားက ရွှင်းရွှင်းပျပျ။ နောက်ဆုံးတော့ ချစ်ဦးက "အရူးစကားဆိုတာ သုံးခွန်ပြောရင် တစ်ခွန်းမှန် တတ်တယ်နော်" ဆိုသော စကားဖြင့် အနိုင်ပိုင်းတတ်၏။

ချစ်မှူးက ခရီးထွက်ရာက ပြန်လာလျှင် မီးဖွားရာမှ သုံးဖို့ ဆန်လွတ်နနွင်းအစစ်၊ တောင်နံကြီးတုံးများ၊ နှမ်းနက်စသည်တို့ ယူလာတတ်သည်။
သူတို့တစ်အိမ်လုံးမှာ ဒီကိစ္စကလွဲလျှင် တခြားလုပ်စရာ အလုပ်မရှိ၊ တခြားပြောစရာ စကားမရှိတော့သလို တောင် ဖြစ်နေ၏။ ချစ်မှူးသည် ခရီးထွက်ခါနီးလျှင် မြလွင်ကို အနေအထိုင် အစားအသောက် သတိပြု ဆင်ခြင်ဖို့ တတွတ်တွတ် မှာသည်။ ထိုအခါ ချစ်ဦးက …
"ဒီလောက်လည်း စိတ်ပူ မနေစမ်းပါနဲ့ ကိုကြီးရာ၊ ကျွန်တော်တစ်ယောက်လုံး ရှိပါတယ်"

ဟု အားကိုးလောက်ဖွယ် ယောက်ျားကြီး ဟန်ပန်လေသံဖြင့် ပြောသည်။ ဒါတွင်မရ ခုရက်ပိုင်းအတွင်းမှာ ဟိုအရင်လို တစ်ချက် တစ်ချက် ထထဖောက်တာမျိုးတောင် သိပ်မလုပ်ဖြစ်တော့။ သာမန်ကြောင်ရိုး ကြောင်စဉ် အသေးအဖွဲ့လောက်သာ ရှိ၏။ မြလွင်၏ ကိုယ်ဝန်ဆီ အာရုံရောက်နေသောကြောင့် ဖြစ်နိုင်၏။ ထိုအချက်သည် ချစ်ဦး၏ စိတ်အခြေအနေကိုပါ တိုးတက်တည်ငြိမ်အောင် ထိန်းသိမ်းပေးနိုင်ကောင်းသည် ဟု ဆိုရမလို ဖြစ်၏။

သူတို့အားလုံး ပျော်ရွှင်တက်ကြွနေကြသည်။ သူတို့အိမ်ကလေးမှာ သာယာကြည်နူးဖွယ် အနေအထားကို သာ နေ့စဉ်ကြုံတွေ့နေရသည်။ သို့ရာတွင် ကံကြမ္မာဆိုသည်မှာ တစ်ခါတစ်လေကျတော့ သားကောင်ကို အလစ်ချောင်းနေတတ်သော ကျားဆိုးတစ်ကောင်နှင့် တူနေပြန်၏။
ချစ်မှူး ခရီးတစ်ခေါက် ထွက်သွားပြီး ရက်ပိုင်းလောက်အကြာမှာ သူ၏လုပ်ဖော်ကိုင်ဖက် တစ်ယောက်အိမ် ကို ရောက်လာပြီး သတင်းဆိုးတစ်ခုကို ပြောပြသည်။ ချစ်မှူး ကားမှောက်လို့ ဒဏ်ရာ အပြင်းအထန်ရပြီး ဆေးရုံရောက်နေသည်။

မြလွင်သည် ချစ်ဦးသည် အဖော်ပြုပြီး အမြန်လိုက်သွားသည်။ ချစ်မှူး၏အခြေအနေက မကောင်းလှ။ သူသည် မြလွင်နှင့် ချစ်ဦးတို့ကို ဆွေ့ဖို့အားတင်းပြီး စောင့်နေခဲ့ခြင်းသာ ဖြစ်၏။ သူတို့ကို မြင်တွေ့လိုက်ရ ပြီးနောက် မိနစ်ပိုင်းအကြာမှာ ချစ်မှူးဆုံးသည်။ မြလွင်ကို သူနောက်ဆုံးမှာကြားသွားတော့ စကားကတော့ …
"ညီလေးကို စောင့်ရှောက်ပါ"
 

(၇)

ရပ်ကွက်ထဲမှ လူတွေ ချစ်ဦးအတွက် စိုးရိမ်ကြသည်။ နဂိုကပင် ကြောင်တောင်တောင် ဖြစ်နေတာ။ ဒီကြားထဲ အစ်ကိုဖြစ်သူ ချစ်မှူး ဆုံးပါးသွားတော့ သွက်သွက်ခါအောင် ရူးသွားနိုင်သည်ဟု ခန့်မှန်းထားကြ သည်။
တကယ်တမ်း ကျတော့ ချစ်ဦးသည် သူ့အစ်ကို၏ ဈာပနာမှာ အံ့သြစရာကောင်းလောက်အောင် တည်ငြိမ် နေသည်။ လုပ်စရာရှိတာတွေကို ခပ်အေးအေးပင် လုပ်ကိုင်သွားသည်။ သူကတောင် မြလွင်ကို ပြန်ပြီး အားပေး နှစ်သိမ့်လိုက်သေးသည်။

"အားမငယ်ပါနဲ့မမရာ၊ ကျွန်တော် တစ်ယောက်လုံး ရှိပါသေးတယ်"
မြလွင်သည်လည်း ဖြစ်လာသော အခြေအနေကို ဣနြေ္ဒရရ ရင်ဆိုင်ခဲ့သည်။ ရက်လည်တဲ့နေ့မှာ အမျှဝေ ရင်း မူးမေ့လဲသွားတာကလွဲလျှင် ရုပ်ပျက်ဆင်းပျက် မဖြစ်ခဲ့။
မထင်တဲ့ လူက ထဖောက်နေသည်။ ဒေါ်ငွေဇံ ဖြစ်၏။

"အမလေး … ကျုပ်သမက် လူရိုးလူကောင်းလေးကိုမှ ဘာဖြစ်လု့ ရွေးခေါ်ရတာလဲတော့ …၊ ဘယ်သူ့ကို ယုံလို့ ငါတို့သားအမိကို ထားရစ်ခဲ့ရတာလဲ မောင်ချစ်မှူးရဲ့ … အဲ့ … အဲ့"
ဟု အော်ဟစ် ငိုကြွေးရှုး မြေပေါ်ကို ပစ်လှဲချလိုက်သည်။ ချစ်ဦးက …
"တရားနဲ့သာဖြေပါ ဒေါ်ကြီးရာ"
ဟု နှစ်သိမ့်ပြန်တော့လည်း …
"အလိုလေး … တမူး အသာခံလိုက်ရပြန်ပြီတော့၊ တရားနဲ့ ဖြေပါတဲ့ … ဖြေနိုင်ဘူး၊ မဖြေနိုင်ဘူး၊ ဆန်ကုန် မြေလေးတွေကျတော့ ဘာဖြစ်လို့ မခေါ်တာလဲဟဲ့"
ဆိုပြီး ချစ်ဦးကို တစ်ချက်စောင်းပြီး လှမ်းခွပ်သည်။ ဒီကြားထဲမှာ ကူငွေစာရင်းကိုလည်း မှန်ကန်တိကျ အောင် စစ်ဆေးရရှာသေးသည်။
ရက်လည်တဲ့နေ့မှာတော့ ရေခဲမုန့်တစ်ယောက်တစ်ခွက်နှုန်းနဲ့ တွက်ပြီး ကျွေးလု့ မဖြစ်သောကြောင့် မုန့်ဟင်းခါပဲ ကျွေးရလေသည်။

သူ့အစ်ကို ဆုံးပါးသွားခြင်းနှင့် ပတ်သက်ပြီး ချစ်ဦး၏ တုံ့ပြန်မှုမှာ တည်တည်ငြိမ်ငြိမ် ရှိသည်ဆိုသော ကိစ္စ သည် သိပ်တော့ သဘာဝမကျလှ။ ခုလို ထူးထူးခြားခြား တည်ငြိမ်နေတာကိုက ပုံမှန်မဟုတ်ဟု ဆိုရမည်။
ချစ်ဦးတို့လို လူမျိုးတွေက တစ်ခါတစ်ခါ အများနှင့်မတူသော အပြုအမူမျုးတွေသော အပြုအမူမျိုးတွေ လုပ် တတ်သည်။ ခုကိစ္စမျာလည်း သူသည်အပေါ်ယံအားဖြင့် မတုန်မလှုပ် ရှိနေသော်လည်း မသိစိတ်ထဲမှာတော့ ၀မ်းနည်းပူဆွေးမှုက ကိန်းအောင်နေလိမ့်မည်။ ဒါမျိုးက ငုပ်လျှိုးနေရာမှ ရုတ်တရက် မထိန်းချုပ်နိုင်ဘဲ ပွင့်အန်ထွက်လာလျှင် ဟိုအရင်က အခြေအနေထက် ပိုဆိုးသွားနိုင်သည်။
ချစ်ဦးသည် ရက်လည်နေ့ ညနေပိုင်းအိမ်မှာ ဧည့်သည်တွေစဲသွားသော အချိန်ကစပြီး အိမ်အပြင်ဘက်မှာ ထိုင်ပြီး ကောင်းကင်ကို မော့ကြည့်နေသည်။ စကားလည်း တစ်ခွန်းမှ မပြော။ ဒီပုံစံအတိုင်း မလှုပ်မယှက် နေနေသည်။

မြလွင်ကလည်း သူ့အပူနှင့် သူမို့ ချစ်ဦးကို သတိမရနိုင်သေး။ ဒေါ်ငွေဇံမှာ တစ်ပတ်လုံး ပင်ပန်းခဲ့ရသည်။ ရပ်ကွက် ထဲက လူတွေက သူတို့အတွက် အကောက်အစားရအောင် ပိုကာဝိုင်း၊ ရှိုးဝိုင်းကလေးတွေ လာလုပ် ပေးကြသည်။ ထိုအခါ အကောက်ကောက်လို့ရတဲ့ ငွေတွေ အလေအလွင့် အဖိတ်အစင် မရှိရအောင် စောင့်ကြည့်ရသဖြင့်  အိပ်ရေးပျက်ခဲ့သည်။ ထို့ကြောင့် ရက်လည်တဲ့ ညနေကျတော့ ပန်းဖျား ဖျားချင်သလို ဖြစ်လာသဖြင့် မြလွင်ကို ပြန်ပြီး ပြုစုနေရသေးသည်။

မြလွင်မှာ စိတ်မထိခိုက်ဘဲ ဘယ်နေပါ့မလဲ။ သူချစ်လို့ လက်ထပ်ခဲ့တဲ့ လင်ယောက်ျားကို စွန့်လွှတ်လိုက်ရ တာပဲ။ သို့တိုင်အောင် အမေဖြစ်သူ သူ့ထက်ပိုဆိုးနေသဖြင့် သူ့ကိုယ်သူအလိုလို ထိန်းသိမ်းနိုင်သလို ဖြစ် သွားရ၏။ နဂိုကပင် အေးအေးတည်းငြိမ်သူဖြစ်သောကြောင့် စိတ်ကို ဖြေနိုင်ခြင်းလည်း ဖြစ်ကောင်း ဖြစ် မည်။
သူသည် ဒေါ်ငွေဇံကို ပြုစုနေရတာရော၊ စိတ်အာရုံများနေတာရောကြောင့် ညစာထမင်းစားဖို့တောင် သတိ မရ။ ညအတော်ကြီးမှောင်မှ ထမင်းမစားရသေးကြောင်း သတိရသည်။ စားချင်စိတ် မရှိလှသော်လည်း ကိုယ့်ကျန်းမာရေးအတွက် အာဟာရတော့ ဖြည်းရဦးမည်။ ရှေ့ဆက်ပြီး လုပ်စရာတွေ ရှိသေးသည်။ သူပါ အိပ်ရာထဲ ပုံလဲကျသွားလို့ မဖြစ်သေး။

ထမင်းလေးတော့ ၀င်သလောက်စားလိုက်မှဟု စိတ်ကူးမိသောအချိန်မှာပင် ချစ်ဦးကို သတိရသည်။ ချစ်ဦး တစ်ယောက် ထမင်းမှ စားရသေးရဲ့လား။ ဘယ်များ ရောက်နေပါလိမ့်ဟု တွေးင်း လိုက်ရှာသည်။
အသုဘအိမ်သို့ ထုံးစံအတိုင်း တစ်ပတ်လုံးလုံး လူတွေဝင်ထွက် စည်ကားခဲ့ပြီး ရက်လည်နေ့ညကျတော့ အိမ်သူအိမ်သားမှလွဲ၍ ဘယ်သူမှ မရှိတော့။ ကျန်ရစ်သူများအဖို့ အားအငယ်ရဆုံး အချိန်ပင် ဖြစ်၏။ အိမ်ရှေ့မှာ လူတစ်ယောက်မှ မရှိဘဲ တိတ်ဆိတ်ခြောက်ကပ်နေသည်။

အိမ်ဝင်းထောင့်ရှိ သစ်လုံးကို ထက်ခြမ်းခြမ်းပြီး ပြုလုပ်ထားသော ခုံတန်းလျားမှာ ချစ်ဦး ထိုင်နေသည်။ သူသည် ကောင်းကင်ကြီးကို မမှိတ်မသုန် မော့ကြည့်နေ၏။ ဒီခုံတန်းလျားသည် သူတို့ညီအစ်ကို နှစ်ယောက် စကားထိုင်ပြောနေကျ နေရာ ဖြစ်၏။
မြလွင် သည် ချစ်ဦးနားကို လျှောက်သွားသည်။ ချစ်ဦးက စွပ်ကျယ်အင်္ကျီလက်ပြတ်ကလေးသာ ၀တ်ထား သည်။
"ဟယ် … မောင်လေးရယ်၊ အပြင်မှာ ဒီလောက်အေးတာ၊ ဘာလို့ ထိုင်နေတာလဲ၊ အပေါ်အင်္ကျီလည်း မ၀တ်ဘူး၊ ထမင်းလည်း မစားရသေးဘူး မဟုတ်လား၊ ထ ထ"
ချစ်ဦးက လှည့်ကြည့်သည်။ ထို့နောက် …
"အားမငယ်ပါနဲ့ မမရယ်၊ ကျွန်တော် တစ်ယောက်လုံး ရှိပါသေးတယ်"

ဟု ပြောသည်။ မြလွင်က ချစ်ဦး၏ လက်မောင်းကို ဆုပ်ကိုင်လိုက်သည်။ ချစ်ဦး၏ ကိုယ်သည် အေးစက် နေ ၏။

နောက်တစ်နေ့တွင် ချစ်ဦး အပြင်းဖျားသည်။ သုံးရက်လောက် တုံးခနဲ လဲကျသွားသည်။ ဒီနောက်မှာတော့ ချစ်ဦးသည် ပုံမှန်ပြန် ဖြစ်သွားသည်။ ပုံမှန်ဆိုတာ ဟိုအရင်လိုပဲ စိတ်ကူးပေါက်ရာ ထထလုပ်တတ်ခြင်းပင် ဖြစ်၏။ ဒါကိုပဲ သူ့အဖို့ ပြန်ကောင်းသွားခြင်း ဖြစ်သည်ဟု ဆိုရလေမလားမသိ။ ခုလိုပြန်ဖြစ်သွားတာကို ဘယ်နေရာမှာ သိသာသွားသလဲဆိုတော့။
တစ်ရက်မှာ မြလွင် ထမင်းချက်နေတုန်း ဒေါ်ငွေဇံ ရောက်လာပြီး။

"ညည်းရဲ့ မတ်တော်မောင် အရူး ဘာလုပ်နေသလဲလို့ သွားကြည့်စမ်းပါဦး"
ဟု ပြောသည်။ မြလွင်လည်း ဘာတွေ လျှောက်လုပ်နေပါလိမ့်ဟု စိုးရိမ်သွားသည်။ ထွက်ကြည့်လိုက်တော့ အိမ်ဘေးက ရေစည်ထဲက ရေတွေ ခပ်ချိုးနေသော ချစ်ဦးကို တွေ့လိုက်ရသည်။ ရေချိုးတာကတော့ ဘာမှ မဆန်း၊ ထူးခြားတာကတော့ ချစ်ဦးသည် ဆွယ်တာအင်္ကျီကြီး ၀တ်လျက်နှင့် ကိုယ့်ပေါ်ကို ရေတွေလောင်းချ နေခြင်းပင် ဖြစ်၏။ မြလွင် မျက်လုံးပြူးသွား၏။
"ဟဲ့ … မောင်လေး … ဘယ်လိုဖြစ်တာလဲ၊ ရေချိုးတာ အင်္ကျီမချွတ်ဘဲနဲ့"
ချစ်ဦးက ပြုံးလိုက်ပြီး

"ရာသီဥတုက တော်တော်အေးလာပြီး မမရဲ့၊ ဒါကြောင့် အအေးမမိအောင် အနွေးထည်လေးဝတ်ပြီးမှ ရေချိုးရတာလေ၊ မမလည်း သတိထားဦး၊ ရေချိုးရင် မျက်နှာသုတ်ပ၀ါလေးဖြစ်ဖြစ် ခြုံပြီးမှ ချိုးသိလား။
မြလွင် သက်ပြင်းချလိုက်သည်။ ထို့အတူ နည်းနည်းလည်း စိတ်သက်သာရာရသွားသည်။ ချစ်ဦးအနေဖြင့် ခုလို ရူးကြောင်ကြောင် ပြန်ဖြစ်လာတာက စကားလုံးဝ မပြောတော့ဘဲ တစ်နေရာကို တွေတွေကြီး ငေးကြည့်နေတာထက်စာလျှင် အများကြီး တော်သေးတယ် မဟုတ်လား။
 

(၈)

ချစ်မှူး မရှိတော့ဘဲ နောက်ပိုင်း ဘယ်လိုနေထိုင်စားသောက်ကြမလဲဆိုတာ စဉ်းစားစရာ ရှိလာသည်။ သူတို့ လက်ထဲမှာ ငွေကလး အသင့်အတင့် ရှိသေးသည်။ မြလွင်၏ လက်ဝတ်လက်စားတွေလည်း ရှိသည်။ လောလောဆယ်တော့ ပူစရာ မလိုသေး။ သို့ရာတွင် ဒီအတိုင်း ထိုင်စားနေလို့တော့ မဖြစ်။ မြလွင် မွေးဖို့၊ ဖွားဖို့ စရိတ်ကလည်း ကုန်စရာ ရှိသေးသည်။ သူ့ကိုယ်ဝန်က လရင့်နေပြီ။ မြလါင် ကလေး မွေးပြီးလျှင်တော့ ရှေ့ရေးအတွက် ဘာလုပ်ကြမလဲဆိုတာ စဉ်းစားရမည်။
ခုလောလောဆယ်မှာတော့ အိမ်ရဲ့ ကုန်ကျစရိတ်ကို အစွမ်းကုန် လျှော့ချဖို့ ဒေါ်ငွေဇံက ဆုံးဖြတ်လိုက် သည်။

ပထမဆုံး စလုပ်တာကတော့ ချစ်မှူးကျန်ရစ်ခဲ့သော အ၀တ်အစားနှင့် အသုံးအဆောင်များကို အဟောင်း ဆိုင်မှာ သွားရောင်းပစ်လိုက်ခြင်း ဖြစ်၏။ တချို့ အ၀တ်အစား ခပ်လတ်လတ်ကလေးတွေကို ချစ်ဦးအား မြလွင် က ပေးချင်သည်။ သို့ရာတွင် ဒေါ်ငွေဇံက ခုချိန်မှာ ငါးကျပ်တစ်ဆယ်ကအစ တွက်ချက်ဖို့ လိုအပ် တယ် ဆိုပြီး အကုန် ရောင်းပပစ်လိုက်သည်။
နောက်တစ်ခုကတော့ အစားအသောက်ကိစ္စ။ အိမ်မှာ ဟင်းကောင်းကောင်း မချက်တော့။ ဒီကိစ္စကတော့ ချစ်ဦးကို အတော်အထိနာစေသည်။ သူက အစားကောင်း ကြိုက်တတ်သူ၊ ဟိုအရင်က ဟင်းကောင်း ကောင်း ကို တစ်ဝတစ်ပြဲစားခဲ့သူ ဖြစ်၏။ ခုကျတော့ ဟင်းမကောင်းရတဲ့ကြားထဲ တိုင်းထွာပြီး ချက်တော့ စားရတာ မ၀ချင်။

"ဟင်းကောင်းကောင်းလေး ချက်ပါ မမရာ"
"၀က်သားဟင်း မစားရတာ ကြာပြီ"
ဆိုတာမျိုး ချစ်ဦးက ပြောလာတော့ မြလွင်စိတ်မကောင်း ဖြစ်ရ၏။ ထို့ကြောင့် ချစ်ဦးကြိုက်တတ်သော ၀က်သားဟင်း ကို တစ်ခါတစ်လေ ချက်ကျွေးသည်။ ထိုအခါ ကျပြန်တော့လည်း ဒေါ်ငွေဇံက ဟင်းအိုးကို အပိုင်စီး ထားပြီး ချစ်ဦးပန်းကန်ထဲသို့ ဟင်းနှစ်ဖက်လောက်သာ ထည့်ပေးသည်။

"ဟာ … ဟင်းကလည်း ကြောင်ချီးလောက်ပဲ ရှိတယ်၊ နည်းနည်းလေး"
ချစ်ဦး က ပြောတော့ ဒေါ်ငွေဇံက …
"နင့်အစ်ကို မရှိတော့ဘူး၊ ဆိုတာလည်း သတိထားဦး"
ဟု ပြောသည်။ ဒေါ်ငွေဇံ ဆိုလိုတာက ချစ်မှူး မရှိတော့လို့ ၀င်ငွေလည်း မရှိတော့။ ဒါကြောင့် ချွေချွေ တာတာ စားရမယ်ဆိုတာ သဘောလည်း ဖြစ်သည်။ နောက်အဓိပ္ပာယ်တစ်ခုကတော့ နင့်ကို အားကို မရှိ တော့ဘူး၊ ငါ ကျွေးသလောက်ပဲစား။

ချစ်ဦးကတော့ သူ့အဓိပ္ပာယ် သူကောက်ပြီး …
"အစ်ကို မရှိတော့မှ ပိုတောင် များများ ကျွေးသင့်သေးတယ်"
ဟုဆိုသည်။
"ဘာပြောတယ်"
"ဟုတ်တယ်လေ၊ အရင်က လေးယောက် မျှစားတာ၊ အခု သုံးယောက်ပဲ ရှိတော့တယ်၊ အစ်ကို့အစား ကျွန်တော့် ကို ပိုကျွေးလိုက်ပေါ့"
"ဘာ … ပိုက်ဆံက ဘယ်ကရမလဲ၊ နင့်လုပ်စာ တစ်ပြားသား ရှိလို့လား"
"တော်ပါတော့ အမေရယ်"
ဟု မြလွင်က တားလိုက်ပြီး။

"မောင်လေး မ၀ရင် မမဆီက ယူစားလေ"
ဆိုပြီး သူ့ပန်းကန်ထဲက ဟင်းတုံးကို ချစ်ဦးဆီ ကမ်းပေးသည်။ ဒီလိုကျတော့လည်း ချစ်ဦးက သိတတ်ပြန် ရော။
"ဟာ … ဘယ်ဖြစ်မလဲ၊ မမက ဗိုက်နဲ့၊ ဗိုက်ကြီးသည်ဆိုတာ များများစားမှ အားရှိပြီး မွေးလို့ လွယ်တာလို့ သားဖွား ဆရာမ ပြောတယ်ဆို"
ဟု ပြောပြီး ဟင်းကိစ္စ ထပ်စောဒက မတက်တော့။

နောက်ရက်များမှာလည်း ဟင်းနည်းတယ်များတယ် မပြောတော့။ ဟင်းမကောင်းတဲ့ ကိစ္စလည်း မပြောတော့။ ဒါတွင်မက ကြက်ဥမွှေကြော်တို့လို ဟင်းမျိးချက်တဲ့အခါ "ကြက်ဥက အားရှိတယ်။ မမက များများစား" ဆိုပြီး သူ့ကိုယ်တာထဲကတောင် မြလွင်ကို ခွဲကျွေးလိုက်ချင်သေးသည်။
နောက်တစ်ခုကတော့ ရေကိစ္စ။ ဟိုအရင် ချစ်မှူးရှိစဉ်က အိမ်အတွက် သောက်သုံးရေကို ရေစည်လှည်းမှာ ပြီး သုံးခဲ့သည်။ ခုတော့ ရေဖိုးအကုန်မခံနိုင်တော့။
သူတို့အိမ်နှင့် ဓားလွယ်ခုတ်ရှိ ခြံဝင်းကြီးထဲမှာ ရေတွင်းတစ်တွင်း ရှိ၏။ ရေ၀ယ်မသုံးနိုင်သူတွေက ထိုရေတွင်းမှာ သွားခပ်ကြသည်။ သူတို့လည်း တွင်းရေကိုသာ သုံးဖို့ ဆုံးဖြတ်လိုက်သည်။ ရေသွားထမ်းဖို့ တာဝန်ကျသူကတော့ …

"ဟာ … ကျွန်တော်မှ တစ်ခါမှ ရေမထမ်းဖူးတာ ပြီးတော့ ရေတွင်းက အဝေးကြီး"
ဟု ချစ်ဦးက ပြောသည်။ ဒေါ်ငွေဇံက …
"မထမ်းလို့ မရဘူး၊ နင့်ကို ဒီအတိုင်း ကျွေးမထားနိုင်ဘူး၊ အိမ်အတွက် တစ်ခုခု တာဝန်ယူရမှာပဲ"
http://www.shwezinu.com