ဗိုလ်ချုပ်အောင်ဆန်း အဖြစ် သရုပ်ဆောင်ရန် ရွှေးချယ်ခံရသူ မောင်ကျောက်ခဲ
အထက်ပါ အကြောင်းအရာနှင့် ပတ်သက်၍ကာယကံရှင်ကိုကျောက်ခဲက“ကြံ့ခိုင်ရေး ပါတီဝင် စည်းရုံးရေးမှူး တစ်ဦးဆိုတာ မှန်တယ်လို့ ပြောလို့ရပါတယ်။ ကျွန်တော်က လူမှုရေး အဓိက ထားလုပ်တာပါ။ ရပ်ကွက် ဆွမ်းလောင်းအသင်းတို့ နာရေးတို့ ဆိုရင် ဦးဆောင်ပြီး လုပ်ခဲ့ပါတယ်။ လူမှုရေးအသင်းမှာ လူမှုရေးအရ လုပ် ခဲ့တာပါ။ နောက်ပိုင်း ပါတီလုပ်လိုက်တဲ့ အခါမှာတော့ လှုပ်ရှားမှု သိပ်မလုပ်ခဲ့ရပါဘူး ခင်ဗျာ။ အကျင့်စာရိတ္တ ညံ့ ဖျင်းတယ် ဆိုတာကတော့ လူတစ်ဦးတစ်ယောက် ကျွန်တော့်ကို မလိုလို့ ပြောတဲ့စကား ဖြစ်နိုင်ပါတယ်။ မန္တလေးတိုင်း ဒေသကြီး၊ ပြည်ကြီးတံခွန်မြို့နယ်၊ နံ့သာရပ်ကွက် ရာအိမ်မှူးတစ်ဦး ဖြစ်တာလည်း မှန်ပါတယ်။ အကျင့်စာရိတ္တ ဖောက်ပြားတာ လုံးဝ မဟုတ်ပါဘူး။ မဟုတ်တန်းတရား အိမ်ထောင်ရေး ဖောက်ပြန်တာ ဘာညာ ဆိုတာက အိမ်မှာကျွန်တော့်မိန်းမ ရှိတယ်လေ သွားမေးလို့ရပါတယ်။ ရပ်ကွက်က သိပါတယ်။ ဒီလိုဟာက လူတစ်ဖက်သားကို ချောက်တွန်းတာပါ။ သူတို့ ကိုယ့်အပေါ်မှာ ဘာအစာမကြေတာတွေ ရှိလို့လည်း မသိဘူး။ အိမ်ထောင်ရေး ဖောက်ပြန်တယ်ဆိုရင် တစ်ဖက်က မိန်းကလေးတစ်ယောက်တော့ ရှိမှာပဲ။ အဲဒီတော့ ကျွန်တော့ မကောင်းကြောင်း ပြောတဲ့သူနဲ့ ဖောက်ပြန်ခဲ့ပါတယ်ဆိုတဲ့ အမျိုးသမီးရဲ့ နာမည်လေး တစ်ချက်လောက် သိချင်ပါတယ်”ဟု ဖြေရှင်း ပြောကြားသွားခဲ့သည်။
Independent News Journal
No comments:
Post a Comment