မြန်မာငွေဈေးကျလာတော့ တကယ်အကျိုးရှိမှာ ဘယ်သူတွေလဲ

ကျပ်ငွေနှင့် ဒေါ်လာဈေးကွာဟမှုမှာ နောက်ပိုင်းတွင်မြင့်မား လာနိုင်မည့် အလားအလာရှိနေ။
ဓာတ်ပုံ - ကောင်းထက်

လတ်တလော အက်ဖ်အီးစီနဲ့ ဒေါ်လာ ဈေးက မြန်မာငွေ ၈၇၀ နဲ့ ၈၈၀ ကြားမှာ ရှိနေပြီး ပြီးခဲ့တဲ့လတွေက ငွေဈေးထက် သိသိသာသာလေးကို တက်လာတော့ ဒေါ်လာ၊ ဒါမှမဟုတ် အက်ဖ်အီးစီနဲ့ အလုပ်လုပ်နေကြ တဲ့ ကုမ္ပဏီဝန်ထမ်း တွေ၊ အစိုးရမဟုတ်တဲ့ သက်ဆိုင်ရာအဖွဲ့ အစည်းက ၀န်ထမ်းတွေအတွက် အသက်ရှူချောင်လာခဲ့ပြီး ဒီထဲမှာ ကျွန်တော်လည်း အပါအ၀င်ဖြစ်ပါ တယ်။
လစာထုတ်လို့ ငွေဈေးကောင်းရင် ပျော်တာပေါ့။ ပိုက်ဆံ ပိုရတာကိုး။ ကျွန်တော်တို့ထက်ပိုပြီး ပျော်တဲ့သူတွေ ကတော့ ပို့ကုန်လုပ်ငန်းရှင် တွေပါ။ ဒါပေမယ့်လည်း အခုလက်ရှိဈေးနဲ့က သူတို့ရဲ့ လုပ်ငန်းမှာ ထင်သလောက် တွက်ခြေမကိုက်သေးတဲ့ပြင် တချို့ပို့ကုန် လုပ်ငန်းရှင် တွေဆိုရင် အရှုံးပြနေတုန်းပဲ ဆိုပြီး ပြောနေဆိုနေကြတဲ့ အသံတွေက လည်း စီးပွားရေးလောကထဲက မဆုံးနိုင် တဲ့ အသံတွေပါပဲ။

ဒါပေမယ့် သွင်းကုန် လုပ်ငန်းရှင်တွေကတော့ လက်ရှိဖြစ်နေ တဲ့ အခြေအနေပေါ်မှာ သိသိသာသာ အသံတိတ်လျက် ရှိနေတာ ကတော့ စဉ်းစားစရာပါပဲ။ လက်ရှိကာလမှာ ဒီလိုမျိုး မြန်မြန်ဆန် ဆန်နဲ့ ငွေတန်ဖိုးလျော့ကျလာတာဟာ အရှေ့တောင်အာရှနိုင်ငံတွေ ထဲမှာ မြန်မာနိုင်ငံဟာ အမြန်ဆုံးဆိုပြီးတော့ ငွေကြေးနဲ့ စီးပွားရေးဆိုင်ရာ အချက်အလက်တွေကို စုံစမ်းကောက်ခံပြီး အမြဲတမ်း သတင်း ထုတ်ပြန်နေတဲ့ ကမ္ဘာကျော် Bloomberg သတင်းဌာနကြီးရဲ့ ဇူလိုင်လ ၂၆ ရက်နေ့က သတင်းတစ်ပုဒ်မှာ ဖော်ပြထား ပါတယ်။
ပြီးခဲ့တဲ့ ဧပြီလ ၂ ရက် နေ့ကစပြီး မြန်မာနိုင်ငံဗဟိုဘဏ်က ဦးစီးပြီး ငွေဈေးကို နှုန်းရှင်အဖြစ် သတ်မှတ်ခဲ့ပါတယ်။ အဲဒီနောက်ပိုင်းက နေစပြီး ကျပ်ငွေဈေးလည်း တဖြည်းဖြည်း အားနည်းလာခဲ့ပါတယ်။ ဇူလိုင်လ ၂၆ ရက်နေ့က ဗဟိုဘဏ်ရဲ့ သတ်မှတ်ဈေးနှုန်း ဟာ ၈၇၁ ကျပ်ဖြစ်ပြီး ဒီဈေးဟာ ငွေ ဈေးနှုန်းရှင်စတင်ခဲ့တဲ့ ဧပြီ ၂ ရက်နေ့က ဈေးနဲ့ယှဉ်ရင် ၆ ဒသမ ၃ ရာခိုင်နှုန်း လျော့နည်းလာတာ ဖြစ်ကြောင်းကို လည်း Bloomberg သတင်းမှာ ဖော်ပြ ထားပါတယ်။
နိုင်ငံတကာ ငွေကြေး လဲလှယ်နှုန်းနဲ့ကြည့်ရင် မြန်မာငွေဈေး ဟာ ပြီးခဲ့တဲ့လမှာ ၁ ဒသမ ၇ ရာခိုင်နှုန်း၊ အင်ဒိုနီးရှားငွေ ရူပီယာက သုည ဒသမ ၄ ရာခိုင်နှုန်းနဲ့ တရုတ်ယွမ်ငွေကတော့ ၀ ဒသမ ၃ ရာခိုင်နှုန်း အသီသီးကျဆင်းခဲ့ ပေမယ့်လည်း မြန်မာနိုင်ငံက ရွှေ့ပြောင်း လုပ်သားတွေ မြောက်မြားစွာသွား ရောက်လုပ်ကိုင်နေကြတဲ့ နိုင်ငံတွေဖြစ် တဲ့ မလေးရှားနိုင်ငံ ရင်းဂစ်ကတော့ သုည ဒသမ ၇ ရာနှုန်းနဲ့ ထိုင်းနိုင်ငံရဲ့ ဘတ်ငွေ ကတော့ သုည ဒသမ ၄ ရာခိုင်နှုန်း တက်ခဲ့သလို မြန်မာနိုင်ငံရဲ့ အဓိက ကုန်သွယ်ဖက်နိုင်ငံ တွေထဲက တစ်နိုင်ငံ ဖြစ်တဲ့ အိန္ဒိယနိုင်ငံရဲ့ ရူပီးငွေကတော့ ၁ ဒသမ ၇ ရာခိုင်နှုန်းအထိ မြင့်တက်လာ ခဲ့တယ်လို့လည်း ဖော်ပြထား ပါသေးတယ်။
ဒီလို မြန်မာငွေကြေးအားနည်းလာ တာကြောင့် ပြည်ပကလုပ်ငန်းရှင်တွေ ကတော့ မြန်မာနိုင်ငံကို လာရောက်ရင်းနှီး မြှုပ်နှံဖို့ အတော်လေးကို စိတ်ဝင်စားနေ ကြပါတယ်။ မကြာသေးခင်ကပဲ အမေ ရိကန်လုပ်ငန်းရှင်တွေကို သူတို့နိုင်ငံက မြန်မာနိုင်ငံမှာ လာရောက်ရင်းနှီးမြှုပ်နှံ ဖို့ကို ၁၅ နှစ်နီးပါးကာလအတွင်းမှာ ပထမဆုံးအကြိမ်အဖြစ် ခွင့်ပြုပေးလိုက်ပါတယ်။
နိုင်ငံတော်သမ္မတ ဦးသိန်းစိန်က လည်း နိုင်ငံတော်ရဲ့ စီးပွားရေးတိုးတက် ကောင်းမွန်လာစေရေးနဲ့ ပြည်တွင်းမှာ အလုပ်အကိုင် အခွင့်အလမ်းတွေ ပိုမို ပွင့်လင်းလာအောင်ရည်ရွယ်ပြီး ပြည်ပက ရင်းနှီးမြှုပ်နှံမှုတွေကို ဖိတ်ခေါ်ခဲ့တာ ကြောင့် နိုင်ငံတကာက လုပ်ငန်းရှင်တွေနဲ့ လုပ်ငန်းကြီးတွေကလည်း ရင်းနှီးမြှုပ်နှံဖို့ အတွက် အသေအချာလေ့လာမှုတွေ လုပ်လာကြတယ်လို့လည်း Bloomberg သတင်းမှာ ရေးသားထားပါတယ်။
ဒီလို မြန်မာနိုင်ငံမှာ လာရောက်အလုပ်လုပ် ကိုင်ဖို့ ပြင်ဆင်နေကြတဲ့အထဲမှာ နာမည် ကြီး လုပ်ငန်းကြီးတွေဖြစ်ကြတဲ့ အမေရိကန် ကုမ္ပဏီ Coca-Cola၊ ဂျပန်နိုင်ငံက Honda Motor Company နဲ့ အိမ်တွင်း အသုံးအဆောင်ဆိုင်ရာပစ္စည်းတွေ ထုတ်လုပ်တဲ့ Pioneer Corporation တို့ လည်း ပါဝင်နေပါသေးတယ်။ သူတို့ကလည်း မြန်မာကျပ်ငွေကို နှုန်းရှင် သတ်မှတ်ပြီးချိန်ကတည်းက လာရောက် လုပ်ကိုင်ဖို့ စဉ်းစားနေကြတာလို့လည်း ရေးသားထားပါသေးတယ်။
ဒီလို ပြည်ပကလုပ်ငန်းရှင်တွေ လာရောက်လုပ်ကိုင်ကြဖို့ အင်မတန် စိတ်ဝင်စားလာကြတဲ့အထဲမှာ မြန်မာ ငွေကြေးအားနည်းလာတာ ကလည်း အဓိကကျတဲ့ အကြောင်းတစ်ရပ်ဖြစ်ပါတယ်။ ပြည်ပလုပ်ငန်းရှင်တွေလိုပဲ ကျွန်တော်တို့ ပြည်တွင်းက ပို့ကုန် လုပ်ငန်းရှင် တွေ ကိုယ်တိုင်ကလည်း မြန်မာငွေဈေးကို ဒီထက်ပိုပြီးကျဆင်း လာစေချင်ပြီး လုပ်ငန်းရှင်အများစုက သူတို့လုပ်ငန်း တွက်ခြေကိုက်ဖို့ ဆိုရင် တစ်ဒေါ်လာကို အနည်းဆုံး မြန်မာငွေ ကျပ် ၉၀၀ လောက် ရောက်အောင်လုပ် နိုင်မှ ပိုပြီးအဆင်ပြေမယ်လို့ ယုံကြည်နေ ကြပါတယ်။
မြန်မာကျပ်ငွေဈေးဟာ ၂၀၀၉ ခုနှစ်ကုန်လောက်ပိုင်းကနေစပြီး တစ်ဒေါ်လာကို ကျပ် ၁,၀၀၀ ရှိနေရာ ကနေ တဖြည်းဖြည်း တစ်ထောင်အောက်ကို ဆင်းလာခဲ့ပြီး ၂၀၁၀ ပြည့်နှစ် ဇူလိုင်နဲ့ ဩဂုတ်လပိုင်းတွေမှာ ၁,၀၀၀ ကျော် ပြန်ရောက်ခဲ့ပေမယ့်လည်း အဲဒီ အချိန်ကစလို့ နောက်ပိုင်းနှစ်တွေမှာ ၉၀၀ ရာနဲ့ ၈၀၀ အောက်ကို ဆက်တိုက် တဖြည်းဖြည်း ဆက်ကျလာတဲ့ ငွေဈေးဟာ ၂၀၁၁ ခုနှစ်၊ ဩဂုတ်လ တတိယပတ် လောက်မှာ ၇၀၀ နီးပါးအထိကို ကျခဲ့ တာကြောင့် ပို့ကုန်လုပ်ငန်းရှင်တွေ အတော်အထိနာခဲ့ပြီး ဒေါ်လာနဲ့ ပတ်သက်တဲ့ သူမှန်သမျှ ၀င်ငွေနည်းခဲ့ရ တာကြောင့် အခုလို ၈၇၀ နဲ့ ၈၈၀ ကြား ရောက်လာတာကို ကျိတ်ပြီးဝမ်းသာ နေခဲ့ကြရပါ တယ်။ အမှန်တကယ်ဖြစ် သင့်တာက ကိုယ့်နိုင်ငံက ငွေတန်ဖိုး တက်လာရင် ကျွန်တော်တို့က ၀မ်းသာ ရမှာပါ။ ဒါပေမယ့် မပျော်နိုင်ပါဘူး။
ဒါက ဘာကိုပြနေလဲဆိုတော့ ကျွန်တော် တို့နိုင်ငံရဲ့ ငွေကြေးဖောင်းပွမှုနှုန်း ဘယ် လောက်တောင် မြင့်တက်နေလဲဆိုတာကို ဖော်ပြ နေတာပါ။ နောက်ပြီး ငွေတန်ဖိုး ကျရင် သွင်းကုန်တန်ဖိုးမြင့်လာပြီး ပြည်တွင်းမှာလည်း ဒီသွင်းကုန်ဈေးတွေ ပါလိုက်တက်လာနိုင်ပြီး ကဏ္ဍအသီးသီး က ၀ယ်ယူသုံးစွဲသူတွေဖြစ်တဲ့ မြန်မာပြည်သူပြည်သားတွေပဲ အဲဒီရဲ့ဆိုးကျိုး ကို ခံစားရမယ်ဆိုတဲ့ အချက်ကိုလည်း သတိချပ်ရမှာပါ။
ပြည်ပက ရင်းနှီးမြှုပ်နှံလိုသူတွေ အတွက် အင်မတန်မှ မက်လောက်စရာ ကောင်းတဲ့ နောက်ထပ်အချက်တစ်ခု ကတော့ မြန်မာပြည် တွင်းမှာရှိတဲ့ စက်ရုံတွေမှာလုပ်ကိုင်နေကြတဲ့ အလုပ်သမားခ တွေက တခြားနိုင်ငံတွေနဲ့နှိုင်းယှဉ်ကြည့်ရင် အံ့ဩစရာ ကောင်းလောက် အောင် တော်တော်သက်သာနေတာကြောင့်ပါ။ Japan External Trading Org-anization ရဲ့ ဖော်ပြချက်တွေအရ တရုတ်နိုင်ငံ ကွမ်ကျိုးပြည်နယ်က အလုပ်သမားတစ်ယောက်ကို ပေးရတဲ့ တစ်လစာ လုပ်ခငွေဟာ မြန်မာနိုင်ငံက အလုပ်သမား ခြောက်ယောက် ရဲ့တစ်လ လုပ်ခလစာငွေနဲ့ ညီမျှနေပါတယ်။
သူတို့ဖော်ပြထားတဲ့ စာရင်းဇယားတွေ အရ မြန်မာနိုင်ငံက အလုပ်သမား တစ်ယောက်ရဲ့ ပျမ်းမျှတစ်လလုပ်ခလစာ ငွေဟာ
ကျပ် ၅၀,၄၃၇ ဖြစ်ပြီး အမေရိကန် ၅၈ ဒေါ်လာနဲ့ညီမျှပါတယ်။ တရုတ်နိုင်ငံ ကွမ်ကျိုးပြည်နယ်က အလုပ်သမား တစ်ယောက်ဟာ တစ်လကို ၃၅၃ ဒေါ်လာရပြီး ဗီယက်နမ်နိုင်ငံ ဟနွိုင်းမြို့ က အလုပ်သမားတစ်ယောက်ဆိုရင် တစ်လဒေါ်လာ ၁၁၀ ရသလို ဘန်ကောက် က အလုပ်သမားတစ်ယောက်ရဲ့ လစာ ကလည်း ဒေါ်လာ ၂၇၀ ရှိနေပါတယ်။
ဒါတွေကိုကြည့်ရင် ရင်းနှီးမြှုပ်နှံသူတွေ အနေနဲ့ မြန်မာပြည်မှာ အလုပ်လာလုပ် ဖို့ စိတ်ဝင်စားတာဟာ မဆန်းပါဘူး။ ဒါကြောင့်လည်း ဖိလစ်ပိုင်နိုင်ငံက အစား အသောက်ထုတ်လုပ်တဲ့ Universal Robina Corporation က ထိုင်းနိုင်ငံမှာ လုပ်ကိုင် နေတဲ့ သူ့ရဲ့ စက်ရုံနဲ့အတူ တွဲဖက် လုပ်ကိုင်ဖို့ မြန်မာနိုင်ငံမှာ စက်ရုံတစ်ရုံ လာရောက် တည်ဆောက်ဖို့တောင် ပြင်ဆင်နေပြီ ဖြစ်ပါတယ်။
နောက်ပြီး အားလျော့လာတဲ့ မြန်မာ ငွေဈေးကြောင့် လာရောက်အလုပ်လုပ် ကြတဲ့ ပြည်ပလုပ်ငန်းရှင်တွေ အတွက် ကတော့ အစစအရာရာအသာဘက် ကချည်းပါပဲ။ မြန်မာငွေဈေးက ခိုင်မာ မှုမရှိတဲ့အတွက် ပေးရတဲ့လစာက သက်သာပြီး ကုန်ပစ္စည်း ဈေးနှုန်းက လည်းသက်သာတော့ အသုံးစရိတ်ပါ သက်သာလာတယ်။ နောက်ပြီး ပြည်ပက နေ မြန်မာနိုင်ငံက ပစ္စည်းတွေဝယ်တဲ့ ၀ယ်လက်တွေအတွက်လည်း အားလျော့လာတဲ့ မြန်မာငွေဈေးကြောင့် အလိုလို နေရင်း အသာစီးရနေပြီးသား ဖြစ်နေပါ တယ်။
ဒါတွေကြောင့်လည်း အာရှဖွံ့ဖြိုးမှု ဘဏ်ရဲ့ စစ်တမ်းတစ်ခုမှာ မြန်မာနိုင်ငံ ဟာ လူဦးရေစုစုပေါင်းရဲ့ ၇၀ ရာခိုင်နှုန်း က စိုက်ပျိုးရေး လုပ်ငန်းနဲ့ အသက်မွေးနေ ကြရပြီး လူဦးရေ ၁,၀၀၀ မှာ ကိုယ်ပိုင် ကားစီးနိုင်တာ ၁၈ ဦးသာရှိကြောင်းနဲ့ ဒီပိုင်ဆိုင်မှုဟာ တခြား အရှေ့တောင် အာရှနိုင်ငံတွေဖြစ်တဲ့ အင်ဒိုနီးရှားနိုင်ငံ မှာ ပျှမ်းမျှလူ ၁,၀၀၀ ကို ကိုယ်ပိုင်ကားစီး နိုင်တဲ့သူ အယောက် ၂၅၀ ရှိတာနဲ့ ထိုင်း မှာ လူ ၃၇၀ ကားပိုင်စီးနိုင်တာတွေကို နှိုင်းယှဉ်ပြထားတာကိုလည်း တွေ့ရပါတယ်။
ဒါကြောင့်လည်း မြန်မာပြည်သူတွေ ပိုမိုကောင်းမွန်စွာ နေထိုင်လာနိုင်စေရေး အတွက် ရည်ရွယ်ပြီး စီးပွားရေးကောင်း လာအောင် ရည်ရွယ်တဲ့အနေနဲ့ နိုင်ငံခြား ရင်းနှီးမြှုပ်နှံမှုတွေကို မြန်မာက ဖိတ်ခေါ် တာကြောင့် လာရောက်ဆွေးနွေးကြတဲ့ လုပ်ငန်းရှင်တွေထဲမှာ တရုတ်နိုင်ငံရဲ့ Top Form International Limited က ဥက္ကဋ္ဌဖြစ်သူ Willlie Fung "မြန်မာ က တာဝန်ရှိသူတွေနဲ့ လာရောက် ဆွေးနွေး ကြည့်တဲ့အခါ သူတို့ဘက်ကတော့ ပြည်ပ ရင်းနှီးမြှုပ်နှံမှုတွေနဲ့ တိုင်းပြည်ရဲ့ စီးပွား ရေးကို ပြန်လည်တိုးတက်လာအောင် လုပ်ဖို့ဆိုတဲ့ ဆုံးဖြတ်ချက်ကို ပိုင်ပိုင် နိုင်နိုင်ချထားတဲ့ အနေအထားတွေကို တွေ့ရပါတယ်။ ဒါပေမယ့် ကျွန်တော် တို့ ရင်းနှီးမြှုပ်နှံသူတွေအတွက် ပြင်ဆင် မှုတွေကို မေးကြည့်တဲ့အခါမှာတော့ တိတိပပပြောပြနိုင်တာ သိပ်မရှိသေး ပါဘူး" လို့ ပြောပါတယ်။
မြန်မာနိုင်ငံအနေနဲ့လည်း နိုင်ငံခြား ရင်းနှီးမြှုပ်နှံမှုဆိုင်ရာ ဥပဒေသစ်ကို အခုကျင်းပနေတဲ့ လွှတ်တော်မှာ အမြန် ဆုံးအပြီးသတ် ဆွေးနွေးအတည်ပြုနိုင် မှသာ ၀င်ရောက်လာမယ့်လုပ်ငန်းရှင် တွေအတွက် ထင်သာမြင်သာရှိတဲ့ အကြောင်းအရာတွေကို ရှင်းရှင်း လင်းလင်းချပြနိုင်တာကြောင့် ပြုပြင် ပြောင်းလဲရေးမူဝါဒအရ ဦးတည်သွား ချင်နေတဲ့ လမ်းကြောင်းပေါ်ကိုရောက် အောင် အမြန်ဆုံး အကောင်အထည် ဖော်နိုင်မှာ ဖြစ်ပါတယ်။ (Bloomberg မှ သတင်းထောက် Yumi Teso နှင့် Lilian Karunungan တို့ရေးသားသော ''Pioneer Weighs Myanmar Plant as Kyat Cuts Costs'' ကို ကိုးကားရေးသားထားခြင်း ဖြစ်ပါသည်)
Myanmar Times