ထို့နောက်တွင်မူ ကျဆုံးလေပြီးသော အာဇာနည် ခေါင်းဆောင်ကြီးဖြစ်သည့် ဗိုလ်ချုပ်အောင်ဆန်း၏ ဂူဗိမာန်အား သမီးဖြစ်သူ ဒေါ်အောင်ဆန်းစုကြည်မှ လွမ်းသူ့ပန်းခြင်း( ၃)ခြင်း ချကာ ဂါရဝပြုခဲ့ပြီး၊ ဗိုလ်ချုပ်၏ သားဖြစ်သူကိုယ်စား ဗိုလ်မှူး လှဖေ(ငြိမ်း)မှ တက်ရောက် ဂါရဝပြုခဲ့သည်။
ဆက်လက်၍ ကျဆုံးလေပြီးသော အာဇာနည်ခေါင်းဆောင်ကြီးများ ဖြစ်သည့် သခင်မြ၊ ဦးဘချို၊ ဦးဘဝင်း၊ မန်းဘခိုင်၊ ဦးရာဇတ်၊ ဦးအုန်းမောင်၊ ရဲဘော် ကိုထွေးတို့၏ မျိုးဆက်ဖြစ်သူ ဆွေမျိုးသားချင်းများက တက်ရောက်ခဲ့ပြီး လွမ်းသူ့ပန်းခွေချ ဂါရဝပြုခဲ့ကြသည်။
၂ဝ၁၂ ခုနှစ် (၆၅)နှစ်မြောက် အာဇာနည်နေ့ အခမ်းအနားသို့ ရန်ကုန်တိုင်း ဒေသကြီးအတွင်းရှိ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ၊ အမျိုးသား ဒီမိုကရေစီ အဖွဲ့ချုပ် အပါအဝင် ပါတီပေါင်း (၂၂)ခု တက်ရောက်ကြောင်း သိရသည်။
ထို့အပြင် အမေရိကန်သံရုံးမှ သံအမတ်ကြီးဖြစ်သူ ဒဲရက်မစ်ချယ် အပါအဝင် သံရုံး (၃၂)ခုမှ တာဝန်ရှိသူများမှလည်း အာဇာနည် ခေါင်းဆောင်ကြီးများအား တက်ရောက် ဂါရဝပြုကြသည်။
မြန်မာနိုင်ငံ မီးသတ်တပ်ဖွဲ့၊ မြန်မာနိုင်ငံ သတင်းစာဆရာများ အသင်း စသည့် အစိုးရမဟုတ်သည့် အဖွဲ့အစည်း (NGO)ဆယ်ဖွဲ့မှ တာဝန်ရှိသူများလည်း အာဇာနည် ဗိမာန်သို့ လာရောက်ကာ ဗိုလ်ချုပ်အောင်ဆန်း အပါအဝင် ကျဆုံးလေပြီးသော အာဇာနည် ခေါင်းဆောင်ကြီးများအား ဂါရဝပြုကြသည်။
အများပြည်သူများမှ တက်ရောက် ဂါရဝပြုလိုသူများ အနေဖြင့်လည်း မိမိတို့၏ နိုင်ငံသားမှတ်ပုံတင်ကတ် ကို မပါမဖြစ် ယူဆောင်ကာ ယနေ့ညနေ (၄)နာရီအထိ သွားရောက် ဂါရဝပြုနိုင်ကြောင်း သိရသည်။
Independent News Journal
No comments:
Post a Comment