ယင်းသို့ တိုင်ကြားထားမှု အပေါ်တွင် မိမိကို နာမည် ပျက်စေချင်သော ရည်ရွယ်ချက်ဖြင့် အင်တာနက် သတင်းများ မှတစ်ဆင့် အနုပညာ လောက၌ ရပ်တည်ခွင့် မရအောင် လုပ်ဆောင်ခြင်း ဖြစ်ကြောင်း၊ ဖြစ်စဉ် အရ မိမိအိမ်ခြံ ဝင်း နောက်ဘက် တံခါးပေါက်၌ သစ်ပင်ဖြတ်စများ ပိတ်ဆို့နေသဖြင့် ကားအဝင်အထွက် ပြု လုပ်၍ မရသောကြောင့် ရပ်ကွက် ဥက္ကဋ္ဌမှတစ်ဆင့် ဖြေရှင်းပေးရန် တောင်းဆိုခဲ့သော်လည်း တစ်ဖက်မှ ဒေါ်တင်တင်အေး နှင့် မခင်ဆွေလှိုင်တို့က ကြိမ်းမောင်း ပြောဆိုမှုများဖြင့် ခြိမ်းခြောက်ခဲ့ကြောင်း သရုပ်ဆောင် ဖိုးသောကြာက ရှင်းပြခဲ့သည်။
ဖိုးသောကြာ
တရားလို ဒေါ်အေးအေးညွှန့် ဘက်မှ တရားစွဲဆိုထားသည့် ဖြစ်စဉ်အရ ၁၈.၉.၂ဝ၁၂ နေ့၊ ည ၈ နာရီတွင် တိုက်(၂)၊ အခန်း(၂)၊ သာဓုအိမ်ရာ၊ ဇ/တောင်ရပ်ကွက်၊ သင်္ဃန်းကျွန်းမြို့နယ်နေသူ ဒေါ်အေးအေးညွန့်သည် ကျောင်းသို့ သွားနေစဉ် ယင်း၏ နေအိမ်တိုက်ခန်း နောက်ကပ်လျက် နေထိုင်သော သရုပ်ဆောင် ဖိုးသောကြာ သည် သူမ၏ နေအိမ် ရှေ့ သို့ ရောက်ရှိလာပြီး အိမ်ရှေ့ရှိ သစ်ပင်အောက်၌ သစ်ကိုင်းများ ချထားသည်ကို မကျေနပ်၍ ဆဲဆိုခဲ့ခြင်း၊ ခြိမ်းခြောက်ခဲ့ခြင်း တို့ကြောင့် သင်္ဃန်းကျွန်းရဲစန်း၌ အမှုဖွင့် တရားစွဲဆိုခဲ့ခြင်း ဖြစ်သည်။
အဆိုပါ ဖြစ်စဉ်အရ သင်္ဃန်းကျွန်း ရဲစခန်းတွင် (ပ)၆၁၆/၁၂/ ပုဒ်မ-၂၉၄/၃၄၁/၅ဝ၆/၁၁၄ ဖြင့် နှစ်ဖက်စလုံးမှ အပြန်အလှန် တရားစွဲဆို ထားကြောင်း သိရသည်။
Independent News Journal
No comments:
Post a Comment