ယင်းကိစ္စရပ်များကို ဒေါ်အောင်ဆန်းစုကြည်က ပြန်လည်ဖြေရှင်းပြောကြားခဲ့ရာတွင် မိမိအနေဖြင့် ရော ဒီချုပ်ပါတီအနေဖြင့်ပါ အချိန်တိုတွင်းဆောင် ရွက်နိုင်သော ကိစ္စရပ်များကို အချိန်တိုတွင်းဆောင်ရွက်ပြီးစီနိုင်အောင် စီစဉ်ပေးရန်ကြိုးစားသွားမည်ဖြစ်ကြောင်း ၊ အချိန်ယူဆောင်ရွက်ရမည့် ကိစ္စရပ်များအတွက် တတ်သိနားလည် ကျွမ်းကျင်သူများဖြင့် ညှိနှိုင်းတိုင်ပင်ပြီး ဆောင်ရွက်ပေးနိုင်ရန် ကြိုးစားသွားမည်ဖြစ်ကြောင်း ပြောကြားခဲ့သည်။
““ ဒီဒေသမှာ အထူးလိုအပ်နေတာ ရေနဲ့ လမ်းပမ်းဆက်သွယ်ရေးဆိုတာ ကျွန်မသိတယ်။ မိုးကုန်တာနဲ့ ဒါတွေ စနိုင်ဖို့ကြိုးစားမယ်။ ကျေးရွာဆေးပေး ခန်းတွေနဲ့ပတ်သက်လို့ ဘယ်လိုကျေးရွာမျိုးတွေမှာ အဓိကလိုအပ်နေသလဲ ၊ ဘယ်လောက်ထိ အနီးဝန်ကျင်မှာရှိတဲ့ ဒေသတွေပါ အကျိုးရှိနိုင်မလဲ ဆိုတာကိုလေ့လာဖို့ အဖွဲ့တစ်ခု စေလွှတ်မယ်။ အမြန်ဆုံးလုပ်ရမယ့် ကိစ္စတွေကို အမြန်ဆုံးလုပ်မယ်။ အချိန်ယူပြီး လုပ်ရမယ့်ဟာကို အချိန်ယူပြီး လုပ်မယ် ”” ဟု ဒေါ်အောင်ဆန်းစုကြည်က ဒေသခံများ၏ တင်ပြချက် များကို ပြန်လည်ဖြေရှင်းပြောကြားခဲ့သည်။ဒေါ်အောင်ဆန်းစုကြည်က ကော့မှူးမြို့နယ် ဒေသခံများ၏ တင်ပြချက်များကို နံနက် ၁၁ နာရီမှ မွန်းလွဲ ၁နာရီ မိနစ် ၅၀ ထိ မတ်တပ်ရပ်လျှက်ဖြင့် နားထောင်ကာ ပြန် လည်ဖြေရှင်းပြောကြားခဲ့ခြင်းဖြစ်သည်။
Popular Myanmar News
No comments:
Post a Comment