အမေရိကန်လက်ထောက်နိုင်ငံခြားရေးဝန်ကြီး ကပ်၊ ကမ့်ဘဲလ် (Kurt Campbell)ဟာ
မြန်မာ့အရေးအပါအဝင် နှစ်နိုင်ငံ အကျိုးတူ ကိစ္စရပ်တွေကိုဆွေးနွေးဖို့အတွက်
တရုတ်နိုင်ငံ၊ ဘေဂျင်းမြို့ကို ဒီကနေ့ အင်္ဂါနေ့မှာ ရောက်ရှိသွားပါတယ်။
မြောက်ကိုရီးယားခေါင်းဆောင် ကင်မ်ဂျုံအီးလ်သေဆုံးပြီးတဲ့နောက်
အရှေ့မြောက်အာရှဒေသကို အမေရိကန် အဆင့်အမြင့်ဆုံး တာဝန်ရှိသူတဦး
ပထမဆုံးအနေနဲ့ သွားရောက်တာဖြစ်ပါတယ်။ ဇန်နဝါရီလ ၃ ရက်နေ့ကနေ ၇ ရက်နေ့အထိ ၄
ရက်ကြာမယ့် ဒီခရီးစဉ်အတွင်း တောင်ကိုရီးယားနိုင်ငံ၊ ဆိုးလ်မြို့နဲ့
ဂျပန်နိုင်ငံ၊ တိုကျိုမြို့တို့ကိုလည်း ခရီးဆက်မှာဖြစ်ပါတယ်။
တရုတ်၊ တောင်ကိုရီးယားနဲ့ ဂျပန်နိုင်ငံခရီးစဉ်အတွင်းမှာ မစ္စတာ ကပ်၊
ကမ့်ဘဲလ်အနေနဲ့ မြန်မာနိုင်ငံရဲ့ နောက်ဆုံးဖြစ်ထွန်းမှုတွေ အပါအဝင်
အိမ်ရှင်နိုင်ငံတွေနဲ့ ၂ နိုင်ငံအကြား
အရေးကြီးတဲ့ကိစ္စရပ်တွေ၊
ဒေသတွင်းနဲ့နိုင်ငံတကာရေးရာတွေကိုလည်း ကျယ်ကျယ်ပြန့်ပြန့်
ဆွေးနွေးဖို့ရှိတယ်လို့ အမေရိကန်နိုင်ငံခြားရေးဝန်ကြီးဌာနက
ပြီးခဲ့တဲ့သီတင်းပတ်တုန်းက သတင်းထုတ်ပြန်ထားပါတယ်။
နျူကလီယားလက်နက်တွေပိုင်ဆိုင်တဲ့ မြောက်ကိုရီးယားနိုင်ငံနဲ့
အိမ်နီးချင်းတွေဖြစ်ကြတဲ့ တရုတ်၊ တောင်ကိုရီးယားနဲ့ ဂျပန်နိုင်ငံတို့ဟာ
ရှေ့မတိုး၊ နောက်မဆုတ်တန့်နေတဲ့ မြောက်ကိုရီးယား နျူကလီယားအရေး ၆
နိုင်ငံဆွေးနွေးပွဲမှာ ပါဝင်ဆွေးနွေးကြတဲ့နိုင်ငံတွေ ဖြစ်ပါတယ်
By VOA
No comments:
Post a Comment