 |
| မလေးရှားနိုင်ငံတွင် အသတ်ခံခဲ့ရသော မဌေးဌေးသန်း၏ရုပ်အလောင်း လေကြောင်းလိုင်းဖြင့် မြန်မာနိုင်ငံသို့ ရောက်ရှိလာစဉ် ဓာတ်ပုံ-ကျော်ဇင်သန်း / 7day Daily |
ဒီဇင်ဘာ ၃၀ရက်တွင် မလေးရှားနိုင်ငံ၌ အသတ်ခံရသော မဌေးဌေးသန်း၏ ရုပ်အလောင်းကို ဇန်န၀ါရီ ၁၇ရက်တွင် ထိုင်းလေကြောင်းဖြင့် သယ်ဆောင်လာပြီး ရန်ကုန်အပြည်ပြည်ဆိုင်ရာလေဆိပ်၌ ရန်ကုန်နာရေးကူညီမှုအသင်းမှ လာရောက်သယ်ယူကာ ပြည်မြို့ထိ ပို့ဆောင်ပေးမည်ဖြစ်ကြောင်း ရန်ကုန်နာရေးကူညီမှုအသင်း တာဝန်ရှိသူ ကိုမျိုးဝင်းကပြောသည်။
ပြည်မြို့ နာရေးကူညီမှုမှတစ်ဆင့် မဌေးဌေးသန်း၏ဇာတိဖြစ်သော မကွေးတိုင်း၊ ပေါက်မြို့နယ်၊ ညောင်ဝေးပေါက်ကျေးရွာထိ ပို့ဆောင်ပေးမည်ဖြစ်ကြောင်း သတင်းရရှိသည်။
““သူဘာကြောင့်အသတ်ခံရတယ်ဆိုတာ ဦးတို့က ဘာမှမသိပါ ဘူး။ သူ့ကိုသတ်တဲ့တရားခံတွေကိုလည်း ဖမ်းထားတယ်လို့ ကြားပါတယ်။ သူ့အမျိုးသားကနေ အလောင်းကို ပို့ပေးလိုက်တာပါ။ သူ့ကို ရွာထိသယ်ဆောင်သွားမှာပါ။ ရွာကျမှ သဂြုင်္ိဟ်မှာပါ””ဟု ရန်ကုန် အပြည်ပြည်ဆိုင်ရာလေဆိပ်တွင် မဌေးဌေးသန်း၏ ရုပ်အလောင်းကို လာရောက်သယ်ဆောင်သော ၎င်း၏ ဦးလေးတော်စပ်သူ ဦးသန်းမြင့်ကပြောသည်။
မလေးရှားနိုင်ငံတွင် ဒီဇင်ဘာ ၃၀ ရက် နံနက်က ဈေးဝယ်သွားသော မြန်မာအမျိုးသမီးနှစ်ဦးဖြစ်သည့် မသန်းနှင့် မဌေးဌေးသန်းတို့မှာ ၄င်းတို့၏ အိမ်အနီးရှိ လမ်းဘေးနေရာတွင် ဓားဒဏ်ရာများဖြင့် သေဆုံးခဲ့သည်။ သေဆုံးသူနှစ်ဦးအနက်မှ မသန်းကို ဇန်န၀ါရီ ၁ရက်တွင် မလေးရှားနိုင်ငံ၌ သဂြုင်္ိဟ်ပေးပြီးဖြစ်ကြောင်း မဌေးဌေးသန်း၏ ရုပ်အလောင်းကို မလေးရှားနိုင်ငံမှ ပြန်လည်ပို့ဆောင်ပေးသည့် မလေးရှားနိုင်ငံရှိ ဒါနကုသလနာရေးကူညီမှုအသင်း(ပီနန်း-မလေးရှား)မှ ကိုရဲကပြောသည်။
7Day Daily
No comments:
Post a Comment