တရားမဝင် စီတန်းလှည့်လည်မှုဆိုင်ရာ ဥပဒေပုဒ်မ (၁၈) နဲ့ တရားစွဲဆိုခံထားရပြီး လက်ရှိ အင်းစိန်ထောင်မှာ အကျဉ်းကျခံနေရတဲ့ နိုင်ငံရေးအကျဉ်းသားဟောင်း ကိုထင်ကျော်ကို ဒီကနေ့ ကျောက်တံတားမြို့နယ် တရားရုံးက ထောင်ဒဏ် ၃ လနဲ့ ပန်းပဲတန်းမြို့နယ် တရားရုံးက ထောင်ဒဏ် ၆ လ စုစုပေါင်း ၉ လ ပြစ်ဒဏ်ချမှတ်လိုက်ပါတယ်။
ဒီကိစ္စနဲ့ပတ်သက်ပြီး သူ့ရဲ့အမှုကို လိုက်ပါဆောင်ရွက်ပေးနေတဲ့ ရှေ့နေ ဦးရောဘတ်စန်းအောင်က RFA ကို အခုလို ပြောပါတယ်။
"ပန်းပဲတန်းမြို့နယ် တရားရုံးက အမှုနှစ်ခုအတွက် ပုဒ်မ ၁၈ အရ တစ်မှုကို ထောင် ၃ လစီ ကျခံစေဆိုပြီးတော့ချတယ်၊ ကျောက်တံတားမြို့နယ် တရားရုံးက ၃ လတစ်မှုကျတယ်၊ ဒါပေမယ့်လို့ မင်္ဂလာတောင်ညွန့်နဲ့ တာမွေတရားရုံးတို့က ချမှတ်ထားတဲ့ပြစ်ဒဏ်နဲ့ တစ်ပေါင်းတည်းကျခံစေဆိုပြီးတော့ အမိန့်ချတယ်"
ကိုထင်ကျော်ကို ကျောက်တံတား၊ ပန်းဘဲတန်း၊ မင်္ဂလာတောင်ညွန့်၊ တာမွေ၊ သင်္ဃန်းကျွန်းမြို့နယ်တွေက ပုဒ်မ ၁၈ နဲ့ တရားစွဲထားတာပါ။ တာမွေနဲ့ မင်္ဂလာတောင်ညွန့်မြို့နယ်တွေက ၆ လစီ ပြစ်ဒဏ်ချမှတ်ခဲ့ပြီး ဒီနေ့ ပန်းပဲတန်းနဲ့ ကျောက်တံတားမြို့နယ်တွေက ၃ လစီ ပြစ်ဒါဏ်ချမှတ်ခဲ့တာပါ။
ကိုထင်ကျော်နဲ့အတူ တရားစွဲဆိုခံထားရသူ ဦးဇော်ဝင်းကိုလည်း ပုဒ်မ(၁၈) နဲ့ ထောင်ဒဏ် ၃ လ ချမှတ်လိုက်ပါတယ်။
RFA
No comments:
Post a Comment