အမေရိကန်ကို ဆီးရီးယား အီလက်ထရောနစ် တပ်မတော် ဟက်ကာအဖွဲ့ မှ တိုက်မည်

အမေရိကန်ဟာ ဆီးရီးယားကို တိုက်ဖို့သေချာသလောက်ရှိ တဲ့အနေအထား မှာ ရှိပါတယ်။ ဒါကြောင့် ဆီးရီးယား အီလက်ထရောနစ် တပ်မတော် ကလည်း အမေရိကန်ကို တိုက်ခိုက်ဖို့ တရားဝင်စစ်ကြေညာလိုက်ကြောင်း သိရပါတယ်။ ဒါကြောင့် ဆီးရီးယား အီလက်ထရောနစ် တပ်မတော် (SEA) ကို Mashable တို့ တရားဝင် အင်တာဗျူးခဲ့ကြပါတယ်။ အင်တာဗျူးမှ အမေးအဖြေအချို့  ကတော့ အောက်ပါအတိုင်း ဖြစ်ပါတယ်။

SEA (Syrian Electronic Army) ဟာ ဆီးရီးယား အစိုးရရဲ့  ထောက်ပံ့မှုကို ရရှိထားပါသလား

ဟင့်အင်း။ ကျနော်တို့က Volunteer တွေပါ။ အရေးကြီးသွေးနီးဆိုတဲ့အတိုင်းပါပဲ။ ကျနော်တို့အားလုံး ကိုယ့်ထမင်း ကိုယ်စားပြီး တိုင်းပြည်ကို ကာကွယ်နေတဲ့ သူတွေပါ။ အစိုးရ Assad ကို ကျနော်တို့ အပြည့်အဝ ထောက်ခံ ပါတယ်။



အဖွဲ့မှာ ဟက်ကာ ဘယ်နှစ်ဦး ပါဝင်ပါသလဲ..

အဖွဲ့မှာ ဟက်ကာပေါင်း တစ်ထောင်ကျော်ပါဝင်ပါတယ်။ ကျနော်တို့ ခေါင်းဆောင် ဟက်ကာ ၁၀ ဦးက ထိန်းချုပ်ကွပ်ကဲ ပါတယ်။

SEA ရဲ့ အခြေတည်တဲ့နေရာကို သိပါရစေ..

အားလုံး ဆီးရီးယားနိုင်ငံမှာပဲ Based လုပ်ထားပါတယ်။

SEA ဟက်ကာတွေက အရင်တုန်းက ဘယ်ဟက်ကာအဖွဲ့တွေမှာ ပါဝင်ဖြစ်ခဲ့ကြလဲ

ကျနော်တို့အားလုံး အရင်ကတည်းက ဒီအဖွဲ့ရှိပြီးသားပါ။ အဖွဲ့မရှိခင်ကလည်း ဘယ်အဖွဲ့မှာမှ ပါဝင်ခဲ့သူတွေ မဟုတ်ပါဘူး။

SEA ကို အပျော်တမ်း ဟက်ကာလို့ ပြောနေသူတွေကို ဘယ်လိုတုန့်ပြန့်ချင်ပါသလဲ။

အစ္စရေးရဲ့  အရေးအကြီးဆုံး စက်ရုံသုံး ဆော့ဖ်ဝဲလ်နဲ့ ဝဘ်ဆိုဒ်၊ အင်တာနက်ဆက်သွယ်ရေး စနစ် SCADA System (Industrial Control system) ကို ဘယ်လို ဟက်လိုက်တာလဲလို့ အရင်မေးလေ။ ဒီလောက်ဆို SEA တွေဟာ Amateur ဟုတ်မဟုတ် မေးစရာမလိုပဲ သိနေမှာပါ။

ဟက်ကာ အများစုက Attack မလုပ်ခင် ကြေညာလေ့ မရှိဘူး။ SEA အနေနဲ့ ယခုလို တရားဝင် ကြေညာပြီး တိုက်ခိုက်ဖို့ ပြင်ဆင်မှုအပေါ် လုံခြုံရေး ထိခိုက်တယ်လို့ကော မြင်မိပါသလား။

SEA က အရာရာတိုင်းကို ကြေညာပြီးလုပ်တယ် ထင်ရင်မှားသွားပါပြီ။ ကျနော်တို့ တကယ့်အရေးကြီး တိုက်ခိုက်မှ တိုင်းကို ဘယ်တုန်းကမှ မကြေညာခဲ့ပါဘူး။ ဒါကို ခံနေရတဲ့ အစ္စရေးတို့ ပိုသိမှာပါ။ အမေရိကန် ကို တိုက်ဖို့ တရားဝင်ကြေညာပေမယ့် မျော်လင့်မထားတဲ့ အရာတွေက ဖြစ်လာမယ်လို့ ဘယ်သူမှ ကြိုမသိနိုင်ဘူးလေ..

SEA ဟာ တရုတ် ဟက်ကာတို့နဲ့ အဆက်သွယ်ရှိပါသလား၊ သို့တည်းမဟုတ် ထောက်ပံ့မှု ရရှိထားပါသလား

ဟင့်အင်း။ ကျနော်တို့ တစ်ဖွဲ့လုံး တရုတ်စကား မပြောတတ်ဘူးဗျ။ တရုတ်တွေက အမေရိကန် စစ်ဘက်နဲ့ နိုင်ငံရေးက အရေးကြီးတဲ့ သတင်းအချက်အလက်တွှေကို ခိုးယူတယ်။ ပြီးတော့ စီးပွားရေးတွက်ချေနဲ့ ပြန်ရောင်းစားနဲ့။ ရည်ရွယ်ချက်ကိုက ကျနော်တို့နဲ့ သိသိသာသာ လွဲနေပါပြီ။

ဒါဆိုရင် SEA က ရုရှားရဲ့  ထောက်ပံ့မှုကော ရရှိပါသလား

တရုတ်၊ ရုရှား၊ အီရန် ဘယ် နိုင်ငံတို့မှ ထောက်ပံ့မှုတို့ ရရှိမထားပါဘူး။ အီရန်နဲ့လည်း အဆက်အသွယ် မရှိပါဘူး။

SEA အနေနဲ့ အမေရိကန် ကို တိုက်မယ်ဆိုရင် ဘယ်အပိုင်းကို တိုက်ဖြစ်မှာပါလဲ။ မီဒီယာလား၊ အစိုးရလား…။

နှစ်ခုစလုံးကို တိုက်ဖြစ်မှာပါ။ အများစုက အမေရိကန် အစိုးရနဲ့ စစ်ဘက်ကိုပဲ တိုက်ကြတယ်။ ကျနော်တို့ ကတော့ အစိုးရကော၊ အမေရိကန်က ခပ်စွာစွာ မီဒီယာတို့ကိုပါ အားလုံးပေါင်းလို့ တိုက်ခိုက်မှာပါ။

SEA နဲ့ အဆက်အသွယ်လုပ်ချင်တဲ့သူတွေကို ဘယ်လို contact မျိုးပေးနိုင်မလဲ

ကျနော်တို့ကို ဝဘ်ဆိုဒ်ကနေပဲ ဆက်သွယ်နိုင်ပါတယ်။ ဘယ် Gmail, Skype နဲ့မှ ဆက်သွယ်သူတွေကို တွေ့ဆုံ စကားပြောဖို့ အကြောင်းမရှိပါဘူး။ ကျနော်တုိ့ အဖွဲ့အချင်းချင်းလည်း Secure ဖြစ်တဲ့ Channel တစ်ခုနဲ့ပဲ ဆက်သွယ်ပါတယ်။ ဘယ် Public Communication စနစ်ကိုမှ အသုံးပြု မထားပါဘူး။

SEA အနေနဲ့ အမေရိကန် အပေါ် ဘယ်လို စကားမျိုး မှာချင်ပါသေးလဲ

ကျနော်တို့က ဆီးရီးယား အစိုးရကို ထောက်ခံသူတွေပါ။ ဒါကြောင့်မို့ ဆီးရီးယားတို တိုက်မယ်ဆိုရင် အမေရိကန်မှ မဟုတ်ပါဘူး။ ဘယ် နိုင်ငံကိုမဆို အီလက်ထရောနစ် လမ်းကြောင်းကနေ တိုက်ခိုက်ဖို့ အဆင်သင့်ပါပဲ။ ဆိုင်ဘာ တိုက်ပွဲမှာတော့ SEA က အကောင်းဆုံး ကြိုးစားတိုက်ခိုက်သွားမှာပါ။
.
Ref: Mashable
Aung Kham (TSJ team)