ပို့စ်မော်ဒန်၏ နိဂုံး (၂)( ဇော်ဇော်အောင်)



အရင်အပတ်က ပို့စ်မော်ဒန်ဝတ္ထုရေးဆရာ ရေမွန်ဖက်ဒါမင် Federman ပြောခဲ့တဲ့ ၁၉၉၁ ခုနှစ်အတွင်းက ပို့စ်မော်ဒန်ကွယ်လွန်သွားပြီ death of postmodernism ဆိုတဲ့အကြောင်း တင်ပြခဲ့ပါတယ်။ ဆောင်းပါးအဆုံးမှာ ချက်နိုင်ငံသမ္မတကြီးဗားကလပ်ဟာဗယ်လ် Vaclav Havel ရဲ့စကားတစ်ခွန်းနဲ့ အဆုံးသတ်ခဲ့ပါတယ်။ ဟာဗယ်လ်ဒီလိုဆိုမိန့်တယ်။ 'မော်ဒန်ခေတ် ကုန်ဆုံးသွားပြီ။ ဒီနေ့ ကျွန်ုပ်တို့သည် ကူးပြောင်းရေး ကာလတစ်ခုကိုဖြတ်သန်းနေကြသည်ဟု အကြောင်းတော်တော်များများက ဖော်ပြနေကြသည်။ တစ်စုံတစ်ခုသည် ထွက်ခွာသွားနေသည်ထင်ရ၏။ အခြားသောအရာတစ်ခုသည် နာကျင်စွာမွေးဖွားလာ၏။ တစ်စုံတစ်ခုသည် အားအင်ကုန်ခန်းမောပန်းလှစွာ ပျက်စီးပြိုကျနေ၏။ ထိုအချိန်မှာပင် အခြားသောအရာတစ်ခု သည် မသဲမကွဲအပျက်အစီးပုံတွေထဲမှ ရှင်သန်ပေါ်ထွက်လာနေသည်' (ဟာဗယ်လ်) The Search for Meaning in a Global Civilization မှ။ (မှတ်ချက်- Havel ဆိုတဲ့နာမည်ကို လွန်ခဲ့တဲ့နှစ်အနည်းငယ်တုန်းက ရေးလို့မရခဲ့ဘူး။ တင်မိုးဆိုတဲ့နာမည်၊ ၀င်းဖေဆိုတဲ့နာမည်၊ မာမာအေးဆိုတဲ့နာမည်တွေကို စာထဲထည့်ရေးလို့ မရသလိုပဲပေါ့။ သိကြမှာပါ။ Havel ဟာ ၂၀၀၅ ခုနှစ်အတွင်းက နိုဗယ်ဆုရှင်ဘုန်းတော်ကြီး ဒက်စ်မွန်တူတူ Bishop Desmond Tutu နဲ့ နှစ်ယောက်ပူးပေါင်းပြီး စာတမ်းကြီးတစ်စောင်ရေးခဲ့တယ်။ ကုလသမဂ္ဂလုံခြုံရေးကောင်စီက မြန်မာနိုင်ငံကို အရေးယူပေးဖို့ဖြစ်တယ်။Threat to the Peace:A call for the UN Security Council to Act in Burma ဆိုတဲ့စာတမ်းကြီးပါပဲ။ အမေရိကန် ပြည်ထောင်စုက DLA Piper Rudnick Gray Cacry ဆိုတဲ့ ဥပဒေရေးရာ အတိုင်ပင်ခံအဖွဲ့ law firm ကြီးက တာဝန်ယူဆောင်ရွက်ထုတ် ဝေခဲ့တယ်။ ဟာဗယ်လ်ဆိုတာ နာမည်တောင် လေသံမဟ၀ံ့ပါဘူး။ အဲဒီတော့ ကြံရဖန်ရတာပေါ့။ သမ္မတကြီးဟာဗယ်လ်ရဲ့စာတွေကို ကျွန်တော့်ဆောင်းပါးတွေ၊ ၀တ္ထုတွေထဲမှာ ကြားညှပ်ပြီးထည့်ရေးတယ်။ အဆက်အစပ်ရှိတာတွေ ပြောမနေနဲ့တော့။ ကျွန်တော့်ဝတ္ထုတွေ၊ ဆောင်းပါးတွေ collage တွေ pastiche တွေလို ပို့စ်မော်ဒန်ရေးဟန်တွေပါနေတော့ ညှပ်ထည့်လို့ရတယ်။ ဆိုင်ရာပိုင်ရာပုဂ္ဂိုလ်တွေ ဘာမှမသိဘူး။ ကျွန်တော့်တပည့်တစ်ယောက်ကတော့ ဆရာ့ဟာကအလစ်ချောင်းရိုက်တာပဲ လို့နောက်တယ်။တော်သေးတာပေါ့။ ဘာမှအသံမပေးဘဲ ကွပ်ပျစ်အောက်က ခွေးထွက်ဆွဲသလိုဆိုတဲ့ အလင်္ကာမသုံးလို့။ ဒီလိုနဲ့'ဟာဗယ်လ်' ဆိုတဲ့ နာမည်ကို ဘာမှအထူးအထွေမဖော်ပြဘဲ စမ်းထည့်ကြည့်တယ်။ ရတယ်။ အဲဒီပုဂ္ဂိုလ်တွေဟာ စာနဲ့ပေနဲ့ပတ်သက်လို့ ဘာမှသိပ်မသိကြဘူး။ အလားတူပဲ ဒေါ်အောင်ဆန်းစုကြည်ရဲ့ပေးစာ၊ ဆောင်းပါးစာသားတချို့ကို ညှပ်ပြီး ထည့်ကြည့်တယ်။ ရတယ်။ အဲဒီ ပုဂ္ဂိုလ်တွေဘာမှမသိဘူး။ ကျွန်တော့် အဖို့တော့ အင်မတန်ပျော်စရာကောင်း တဲ့ သမိုင်းအဖြစ်မှန်တွေပါပဲ။ (အခုတော့ဖြင့် မြန်မာပြည်ပေါ်မှာ စေတနာကြီးမားတဲ့ ဒေါ်အောင်ဆန်းစုကြည်ကိုအလွန်ခင်မင်လေးစားတဲ့ ပြဇာတ်ရေး ဆရာကြီးနိုင်ငံရေးတွေးခေါ်ရှင်ကြီး၊ သမ္မတကြီးဟာဗယ်လ် Havel မရှိရှာ တော့ပါဘူး။သူ့စာတွေသာကျန်ရစ်ပါတော့တယ်။) 'မော်ဒန်ခေတ် ကုန်ဆုံးသွားပြီ။ ဒီနေ့ ကျွန်ုပ်တို့သည် ကူးပြောင်းရေး ကာလတစ်ခုကိုဖြတ်သန်းနေကြသည်ဟု အကြောင်းတော်တော်များများက ဖော်ပြနေကြသည်။ တစ်စုံတစ်ခုသည် ထွက်ခွာသွားနေသည်ထင်ရ၏။ အခြားသောအရာတစ်ခုသည် နာကျင်စွာမွေးဖွားလာ၏။ တစ်စုံတစ်ခုသည် အားအင်ကုန်ခန်းမောပန်းလှစွာ ပျက်စီးပြိုကျနေ၏။ ထိုအချိန်မှာပင် အခြားသောအရာတစ်ခု သည် မသဲမကွဲအပျက်အစီးပုံတွေထဲမှ ရှင်သန်ပေါ်ထွက်လာနေသည်' (ဟာဗယ်လ်) သမ္မတကြီးဟာဗယ်လ်ပြောတာက မော်ဒန်ခေတ်အကုန် ပို့စ်မော်ဒန်ခေတ်ကို အကူးအချိန်ကိုပြောတာ ဖြစ်တယ်။ ပို့စ်မော်ဒန်လို့ သတ်သတ်မှတ်မှတ်မပြောခဲ့ဘူး။ still indistinct တစ်ခုခုက အပျက်အစီး အစုအပုံတွေထဲက ထွက်ပေါ်နေတယ်။  arising from the rubble ဆိုတာဘာလဲ။ မော်ဒန်အစုအပုံအပျက်အစီးတွေထဲက ပို့စ်မော်ဒန်ဆိုတာ ထွက်ပေါ်လာနေတယ်လို့ ဆိုလိုတာဖြစ်တယ်။ ကျွန်တော်တို့အသေအချာသတိပြုမိဖို့က ပို့စ်မော်ဒန်အခြေအနေ (၀ါ) ပို့စ်မော်ဒန်ခေတ်ကာလအတွင်းမှာ ဖြတ်သန်းနေရတဲ့ ကျွန်တော်တို့အခြေအနေဟာ သီးခြားဖြစ်တယ်။ အနောက်နဲ့တစ်ထပ်တည်း တူချင်မှတူမယ်။ ယေဘုယျလက္ခဏာတွေ တူချင်တူမယ်။ သို့သော် အနောက်ကအခြေအနေအတိုင်း တစ်ထပ်တည်းတစ်သွေမတိမ်းဆိုတာတော့ မ ဖြစ်နိုင်ပေဘူး။ အနောက်ကိုမှပြောတာမဟုတ်ဘူး။ အရှေ့က အခြားနိုင်ငံတွေနဲ့လည်း တစ်ထပ်တည်း မတူနိုင်ဘူး။ ကျွန်တော်တို့သမိုင်းစဉ်၊ ကျွန်တော်တို့လူမှု၊ စီးပွား၊ နိုင်ငံရေးအခြေအနေတွေ အဆောက်အအုံတွေဟာ ကွဲပြားခြားနားနေတယ်။ စကားပမာ အနောက်မှာသိပ္ပံနဲ့ နည်းပညာအရမ်းတိုးတက်နေတယ်။ post-industrial age စက်မှုလွန် ခေတ်ကိုရောက်နေတယ်။ late capitalism အရင်းရှင်ခေတ်နှောင်းလို့ ပြောကြတယ်။ ကျွန်တော်တို့က လယ်ယာစိုက်ပျိုးရေးနိုင်ငံ၊ လယ် ယာကုန်ထုတ်လုပ်ငန်းကို လုပ်နေရတယ်။ လယ်ထွန်ရာမှာ နွားနဲ့ကျွဲကို လက်မလွတ်နိုင်သေးဘူး။ သမိုင်းခေတ်ကိုပြောရရင် ကျွန်တော်တို့ဟာ နယ်ချဲ့သမားလက်အောက် ကိုလိုနီခေတ်ကနေပြီး မင်းဆိုးမင်းညစ်ခေတ် age of tyranny စစ်ဘုရင်ကြီးများ ခေတ် the age of warlords တွေကို ဖြတ်သန်းလာခဲ့ရတယ်။ အများကြီး ပေးဆပ်ခဲ့ရတယ်။ အနောက်တိုင်းမှာ အခြေကျနေတဲ့ ဒီမိုကရေစီဘ၀၊ ဒီမိုကရေစီယဉ်ကျေးမှုတွေ dumo-cratic life/culture ကျွန်တော်တို့နဲ့ သိပ်ဝေးခဲ့ရတယ်။ သမ္မတကြီးဟာဗယ်လ် ပြောခဲ့တဲ့ အပျက်အစီးအစုအပုံ rubble ဆိုတာ ကျွန်တော်တို့အဖို့ 'မော်ဒန်ခေတ်' ရဲ့ အပျက်အစီးအပုံမဟုတ်ပါဘူး။ တစ်ပါတီအာဏာရှင်စနစ်ရဲ့ဆိုးမွေ၊ ခေတ်ဆိုးခေတ်ကျပ်ကြီးရဲ့အခြေအနေဖြစ်တဲ့ လူမှု ဘ၀ ဒုက္ခအစုအပုံထဲက ရုန်းကန်ထွက်ပေါ်နေရတာပါ။ ဉာဏ်အမြော်အမြင်နဲ့ ဆင်ခြင်တုံတရားမရှိတဲ့အစိုးရတွေဖျက်ခဲ့လို့ ကျွန်တော်တို့ရဲ့ စိတ်ဘ၀အခြေအနေ ရုပ်ဘ၀အခြေအနေတွေပျက်ခဲ့ရတယ်။ အထူးသဖြင့် ရေရှည်မှာအထိနာခဲ့တာ ကျွန်တော်တို့ ပညာရေးပါပဲ။ ပညာရေးပေါ်လစီအလွဲကြီးကိုချမှတ်လိုက်တော့ တည်ဆောက်ခဲ့တဲ့ပညာရေးစနစ်ကလည်း လွဲတော့တာပေါ့။ တိုင်းပြည်သိပ်နာခဲ့ပါတယ်။ တစ်ကမ္ဘာလုံးအတိုင်းအတာနဲ့ ပြောင်းလဲရွေ့လျားသွားတဲ့ အ တွေးအခေါ်အယူအဆတွေ၊ အခြေအနေဖြစ်ရပ်တွေရဲ့ ရိုက်ခတ်မှုအကျိုးသက်ရောက်မှုတွေဟာ ကျွန်တော်တို့အပေါ်မှာ မရှိဘူးလို့ ငြင်းတာမဟုတ်ပါဘူး။ ရှိမှာပါ။ ရှိမှလည်း သဘာဝကျပါမယ်။ ဒါပေမဲ့ အရေးကြီးတာက ခေတ်နောက်ကျနေတဲ့ ကျွန် တော်တို့အခြေအနေ၊ အပျက်အစီးတွေထဲက ကုန်းရုန်းထနေရတဲ့ ကျွန်တော်တို့အခြေအနေကို ကျွန်တော်တို့  သိဖို့လိုပါတယ်။ အရေးအကြီးဆုံး အဓိကအကျဆုံးအချက်တစ်ချက်ကို ပြောချင်ပါတယ်။ ကျွန်တော်တို့နိုင်ငံအတွက် ကျွန်တော်တို့ ပြည်ထောင်စုသားတွေအတွက် ဒီနေ့အရေးကြီးဆုံးက ကျွန်တော်တို့အတွက် ဘာအကျိုးရှိမလဲ၊ ကျွန်တော်တို့ လူမှုဒုက္ခအ၀၀က လွတ်မြောက်ဖို့အတွက် ဘယ်လိုအထောက်အကူပြုမလဲ၊ အဲဒီလိုအကျိုးရှိမယ့် အထောက်အကူပြု မယ့် အတွေးအခေါ်အယူအဆတွေ၊ စိတ်ကူးစိတ်သန်းတွေကို ကျွန်တော်တို့ယူရမယ်။ ရအောင်ယူရမယ်။ ပွားများရမယ်။ ရွေးချယ်ကျင့်သုံးရမယ်။ ဒါဟာ လက်တွေ့အကျိုးစီးပွား အဓိက၀ါဒ Pragmatics ၀ါဒပါပဲ။ ဒါဟာ တစ်ကိုယ်ကောင်းဆန် တာမဟုတ်ဘူး။ ဘယ်သူ့ကိုမှ ထိပါး နှောင့်ယှက်တာမဟုတ်ဘူး။ ကိုယ့်ကိုယ်ကိုယ်ကောင်းအောင်ကြိုးစားတာ ဖြစ်တယ်။ ဒီနေ့ ကျွန်တော်တို့ ပြည်ထောင်စုအတွက် အလိုအပ်ဆုံးပါ။ ပို့စ်မော်ဒန်အကြောင်းပြောတာ ပြန်သွားကြဦးစို့။ အထက်က ပြောခဲ့တဲ့အတိုင်း တချို့က ပို့စ်မော်ဒန်နိဂုံးချုပ်ပြီလို့ပြောတယ်။ တချို့က သမိုင်းစက်ဝန်းဆိုတဲ့စကားလို မော်ဒန်ကနေ ပို့စ်မော်ဒန်ကိုကူး၊ ပို့စ် မော်ဒန်ကနေ မော်ဒန်ကိုတစ်ကျော့ ပြန်လှည့်လာဆိုတဲ့ သဘောပြောကြတယ်။ (ပို့စ်မော်ဒန်တို့ရဲ့ သမ္မာကျမ်းစာ Bible လို့တောင်တင်စားကြတဲ့ The Postmodern Condition ကို ရေးတဲ့ ဂုရုကြီးလိုင်ယိုတာ Lyotard ပြောခဲ့တာပါ။ Lyotard himself sees postmodernism and modernism as a cyclical movements which alternate through out the course of history) ကျွန်တော်တို့နဲ့ကတော့ အတော်မီအောင်လိုက်ရမှာပါ။ ဒီနေရာမှာ ကျွန်တော်တို့ဆီက ပညာရှင်များ၊ ဆရာများကိုမေတ္တာရပ်ခံချင်တာက မော်ဒန်အကြောင်း ပို့စ်မော်ဒန်အကြောင်း ကျွန်တော်တို့ (လူငယ်ကလေးတွေ) သိအောင် ရေးကြပါ။ ဖော်ထုတ်တင်ပြကြပါ။ သိပ်အခြေခံမရှိသေးတဲ့လူငယ်ကလေးတွေ  နားလည်အောင်အတတ်နိုင်ဆုံး လွယ်လွယ်ရေးကြပါ။ နောက်မေတ္တာရပ်ခံ ချင်တာတစ်ခုက ဆရာတို့ ရေးသားတင်ပြကြရာမှာ critical ဖြစ်ဖို့ (ဝေဖန်တင်ပြတဲ့သဘောဖြစ်ဖို့)လိုအပ်မယ်ထင်ပါတယ်။ ဘယ်သူက ဘယ်လိုဆိုတယ်၊ ဘယ်သူကပြောတယ်ဆိုတာ ပထမအဆင့်လိုအပ်ပါတယ်။ အဲသလိုလည်း ရေးသားတင်ပြကြရ မှာပါပဲ။ဒုတိယအဆင့်က ကျွန်တော်တို့ လက်ရှိအခြအနေနဲ့ အကျိုးရှိစေမယ့် အထောက်အကူဖြစ်စေမယ့် ရည်ရွယ်ချက်နဲ့ ဝေဖန်ကောက်ယူတာတွေ၊ ရွေးချယ်ပွားများတာတွေလုပ်ဖို့လိုအပ်တယ်လို့ ထင်မိပါတယ်။ critical ဖြစ်ဖို့ဆိုတာ ဒါမျိုးကိုပြောတာ ပါ။အထက်မှာတင်ပြခဲ့တဲ့ 'လက်တွေ့ အကျိုးစီးပွားအဓိက၀ါဒ' Pragmatics ဆိုတာလည်း ဒါမျိုးပါပဲ။ (အခု ကျွန်တော်တင်ပြနေတာတွေကို သဘောမတူဘူးဆိုရင်လည်း ချေဖျက်ရေးသားကြပါ။ အကျိုးယုတ်မယ်မထင်ပါဘူး။ ဆက်ပြောပါဦးမယ်) ထပ်ပြီး မေတ္တာရပ်ခံခဲ့ပါရစေ။လူအများအလွယ်တကူနားလည်နိုင်မယ့် စကားပြေကောင်းကောင်းသန့်သန့်ကလေးနဲ့ ရေးကြဖို့လည်း လိုအပ်လှပါကြောင်း။ EMG