ကချင်ပြည်နယ်က စစ်ဘေးသင့် တိုင်းရင်းသားတွေအတွက် ဒေါ်အောင်ဆန်းစုကြည်
လှူဒါန်းတဲ့ ကျပ်ငွေသိန်း ၁၀၀ ကို မန္တလေးတိုင်း အန်အယ်လ်ဒီ
စည်းရုံးရေးခေါင်းဆောင် ဒေါ်ဝင်းမြမြနဲ့အဖွဲ့
သွားရောက် ပေးအပ်ခဲ့ပါတယ်။
RFA
ကချင်ပြည်နယ်အတွင်း ဖြစ်ပွားနေသည့်
တိုက်ပွဲများကြောင့် ၂ဝ၁၁ ခုနှစ် ဇွန်လအတွင်း တရုတ်-မြန်မာနယ်စပ်
လိုင်ဇာမြို့ကို ဝင်ရောက် ခိုလှုံလာသော မြန်မာနိုင်ငံသား တချို့ကို
တွေ့ရပုံ။
ဒေါ်ဝင်းမြမြနဲ့အဖွဲ့ဟာ မြစ်ကြီးနားကနေတစ်ဆင့် မိုင်တိုင် ၄ စခန်းနားက
နယ်ခြားစပ်တပ် (၁၀၀၃) တည်ရှိရာဒေသက ဒုက္ခသည်စခန်းကို သွားရောက်ပြီး
တခြားစခန်းတွေအတွက်ပါ ကူညီခဲ့တာပါ။
ကချင်ပြည်နယ်နဲ့ တရုတ်နယ်စပ်တစ်လျှောက်မှာ စုစုပေါင်း စစ်ပြေးဒုက္ခသည် ၃
သိန်း ၉ သောင်းလောက် ရှိနေတယ်လို့ ဒေါ်ဝင်းမြမြက ပြောပါတယ်။
တချို့နေရာတွေကို တရုတ်နိုင်ငံဘက်ကနေ
ပြန်လှည့်ဝင်ရတဲ့အတွက် အဲဒီဒေသတွေကို ကူညီရေးအဖွဲ့တွေရောက်ဖို့ ခက်ခဲသလို
တရုတ်အာဏာပိုင်တွေကလည်း ကုလသမဂ္ဂအဖွဲ့တွေ အပါအဝင် နိုင်ငံရေးနဲ့
ပတ်သက်တဲ့အဖွဲ့တွေဆိုရင်
ဝင်ခွင့်မပြုဘူးလို့ သိခဲ့ရကြောင်း ပြောပါတယ်။
ဒါပေမယ့် တရုတ်နယ်စပ်နဲ့နီးတဲ့ အဲဒီဒုက္ခသည်စခန်းတွေကို တရုတ်လူမျိုးတွေက
အစားအသောက်၊ ခြုံစောင်နဲ့ တခြားပစ္စည်းတွေ လာရောင်းတာတွေရှိတယ်လို့
ပြောပါတယ်။
RFA
No comments:
Post a Comment