|
ခေါ်စာလက်ခံရရှိမှု စာရင်း သိရှိနိုင်ရန် အစိုးရပြည်ပ အလုပ်အကိုင် အေဂျင်စီရှိ ကြော်ငြာသင်ပုန်း လာကြည့်သူများ
EPS-TOPIK စာမေးပွဲ အောင်မြင်သူများအား ကိုရီးယားနိုင်ငံဘက် မှ
အလုပ်ခေါ်စာများ ပြန်လည်ချပေးသည့် ရက် ၂၀ တာ ကာလအတွင်း လုပ်သား ၂၀၀၀
ကျော်အတွက် အလုပ်ခေါ်စာများ ကျလာပြီဖြစ်ကြောင်း အစိုးရပြည်ပ အလုပ်အကိုင်
အေဂျင်စီမှ သိရသည်။
ပြည်တွင်း လုပ်သားခေါ်ယူမှုအား ကိုရီးယားနိုင်ငံဘက်က ပြီးခဲ့သည့် ၂၀၁၁
ခုနှစ် နိုဝင်ဘာလနှောင်းပိုင်းမှ ၂၀၁၂ ခုနှစ် ဇန်န၀ါရီလ ၁၂ ရက်နေ့အထိ
အလုပ်ခေါ်စာ ချထားပေးမှုများ ရပ်နားခဲ့ပြီး ဇန်န၀ါရီလ ၁၃ ရက်နေ့မှစတင်ကာ
အလုပ်ခေါ် စာများပြန်လည် ချထားပေးခြင်း ဖြစ်သည်။ ထိုသို့အလုပ်ခေါ်စာများ
ချထားပေးရာတွင်လည်း ဒုတိယအကြိမ် နှင့် တတိယအကြိမ်မြောက် ကိုရီးယား ဘာသာ
အရည်အချင်းစစ် စာမေးပွဲတို့ ၌ ဖြေဆိုအောင်မြင်သည့် သူများအား
အလုပ်ခေါ်စာများ ချထားပေးခြင်း ဖြစ်ကာ စာမေးပွဲ အောင်မြင်ပြီးသူများမှာ ၈၀၀၆
ဦးရှိသည်။
“လက်ရှိအလုပ်ခေါ်စာ လက်ခံရရှိတဲ့သူတွေထဲ မပါသေးတဲ့သူတွေလည်း
စိတ်ဓာတ်ကျစရာ မလိုဘဲ နောက်ထပ်ကျလာမယ့် အလုပ်ခေါ်စာတွေကို
ထပ်စောင့်ဖို့လိုပါတယ်”ဟု အစိုးရ ပြည်ပ အလုပ်အကိုင် အေဂျင်စီမှ
တာဝန်ရှိသူတစ်ဦးက ရှင်းပြပါသည်။
အလုပ်ခေါ်စာ လက်ခံရရှိမှုစာရင်း သိရှိနိုင်ရန် အစိုးရပြည်ပ
အလုပ်အကိုင်အေဂျင်စီရှိ ကြော်ငြာသင်ပုန်း တွင် နေ့စဉ်လာကြည့်ရန် လိုပြီး
ခေါ်စာကျသူများသည် ကိုရီးယားနိုင်ငံရှိ ကုန်ထုတ်လုပ်ငန်းများတွင်
ဝင်ရောက်လုပ်ကိုင်ရမည် ဖြစ်ကြောင်း သိရသည်။
EMG |
No comments:
Post a Comment