(၁)
တိုင်းပြည်၏ အရေးပါအရာ ရောက်ကြသူ အားလုံး ဆရာ၊ ဆရာမ များ၏ တပည့်များဖြစ်ခဲ့ကြဖူးသော် လည်း ဆရာ၊ဆရာမတို့၏ ဆန်အိုးတွင် ဆန်ပြည့်နေစေ ရန်လို အပ်ကြောင်းကို အစိုးရသစ်လက်ထက်တွင် စတင်ပြော ဆိုလိုက်သည့် အမျိုးသားလွှတ်တော် ဥက္ကဋ္ဌကြီး ဦးခင်အောင်မြင့်မှလွဲ၍ ပညာရေးမြှင့်တင်ရန် စိတ်အားထက် သန်နေကြသော မည်သည့်လွှတ်တော် အမတ်မင်းကမျှ ဆရာ၊ ဆရာမတို့၏ ဘဝ ယခုအရေး နောက်အရေးနှင့် ပတ်သက်သည့် စာနာသိတတ်မှုအဆို ကိုမျှ မတင် သွင်းနိုင်ဘဲ ကျေးဇူးတုံ့ပြန် နေကြသည်။ ဆက်လက်၍ ဦးခင်အောင်မြင့် က အောက်တိုဘာ ၁ဝ ရက် အမျိုး သား လွှတ်တော်အစည်းအဝေးတွင် ”ကျောင်းသား ဗဟိုပြုတဲ့ စနစ်က ပြော သာပြောနေတယ် ဘာမှ ကျောင်းသား ကို ဗဟို မပြုဘူး” ဟူ၍လည်း ဝေဖန်လိုက်သည်။
(၂)
ပညာရေးအကြောင်း ပြောဆို ကြသည့်အခါ လက်ညှိုးထိုးအခံရဆုံးမှာ ကျူရှင်ဝန်ထုပ်ဝန်ပိုးကြီးပင် ဖြစ်သည်။ သက်ဆိုင်ရာတာဝန်ရှိသူများကလည်း ကျူရှင်ပပျောက်ရေး အ တွက် အမိန့်ထုတ်တားဆီးခြင်းနှင့် အရေးယူအပြစ်ပေးခြင်းတို့ကိုသာ တွင် တွင်ဆောင်ရွက်ခဲ့သည်ချည်း ဖြစ်သည်။ ကျူရှင်သင်ရသည့် အကြောင်းရင်းနှင့် ကျူရှင် သင်ဖြစ်အောင် ဖန်တီးပေးနေ သည့် ဝန်းကျင် အခြေအနေတို့ကိုမူ မစဉ်းစားခဲ့ကြချေ။ ထို့ကြောင့် မပ ပျောက်ခဲ့ပါ။ ကျူရှင်မစို့မပို့သင်မိ၍ အရေးယူခံလိုက်ရသော သူများ ရှိ သကဲ့သို့ ကျူရှင်ဖြင့် တိုက်ဆောက်ကားစီး ပြီး ဘေးရန်ကင်းရှင်း နေကြသူများ လည်း ရှိပါသည်။
(၃)
ဆရာ၊ဆရာမများသည် စကတည်း က ကျူရှင်သင်ခဲ့ကြသူများ မဟုတ်ပါ။ ပိုသိ ပိုတတ်လိုသည့်ကြေးရတတ် မိ သားစုအချို့နှင့် စာမလိုက်နိုင်သူအချို့ လောက်သာ ကျူရှင်တက်လေ့ရှိခဲ့ကြ သည်။ သို့သော် ထိုကျူရှင်ရေစီးထဲ တွင် ကျောင်းသင်ဆရာများ မပါဝင် ကြသေးပါ။ ဆရာ၊ ဆရာမတို့မှာ စာ မလိုက်နိုင်သူ ကျောင်း သူ၊ ကျောင်း သား များကို အိမ်တွင်ခေါ်သင်သည့်အခါ အခကြေး ငွေ မရသည့်အပြင် လိုအပ် သည်တို့ကိုပင် ကူညီခဲ့ကြရသည့်အဖြစ် များရှိခဲ့ဖူး သည်။ ကျောင်းသားများက လည်း ကျေး ဇူးသိတတ်မှုကို တန်ဖိုး မများသော စားသောက်ဖွယ်ရာ၊ လုပ် အားအကူအညီတို့ဖြင့် ပြန်လည်ပေး ဆပ်ပြီး နွေးထွေးလှပသော ဆရာ တပည့် မိသားစုဆန် ဆန်နှောင် ဖွဲ့မှုကို ရရှိခဲ့သည်။ သို့သော် ထိုလှပသည့် ရှုခင်းသာယာကလေးအား ဖျက်ဆီး လိုက်သည်မှာ ၈၈ အလွန် ကာလများ ဟု မှန်းဆနိုင်သော ကသောင်းကနင်း ဆန်သည့်
ရေတိုစီမံခန့်ခွဲမှုများနှင့် စီးပွားရေး သရဲစီးမှုများပင် ဖြစ်သည်။ ယင်းမုန်တိုင်းထန်ထန်တွင် အိုးထဲမှ ဆန်အတွက်ထက်ပိုသော ဆရာမဆန် မှုများလည်း ပေါ်ပေါက်လာ ရ သည်။ ကုစားရန်အတွက် အမိန့်ထုတ်တားဆီး ခြင်းနှင့် အရေးယူအပြစ်ပေးခြင်းတို့ကို ကျင့်သုံးခဲ့သော်လည်း အနာနှင့်ဆေး မတည့်ဘဲ လူနာလည်းပန်း ဆေးလည်း ကုန် အနာလည်းတိုးသည့်အဖြစ်နှင့် သာ ကြုံတွေ့ခဲ့ရသည်။ လွှတ်တော် ဥက္ကဋ္ဌကြီးကဲ့သို့ ဆရာများ၏ ဆန်အိုး ထဲငဲ့ကြည့်သူ မရှိခဲ့။ တပ်မတော်သား များကဲ့သို့ အခမဲ့ ကုသ စရာ ဆေးရုံ ဆေးခန်းကား ဝေးစွ။
ပြဿနာ၏ မူလရင်းမြစ်ကို မစူး စမ်း မကိုင်တွယ်ဘဲ ပညာရေး ဒုဝန် ကြီးဖြေကြားသကဲ့သို့ ”ကျူရှင်လုံးဝ မသင်ရ အမိန့်ထုတ်ပြန်” လိုက်ရုံဖြင့် ပြေလည်သွားမည် မဟုတ် သလို လုံ လောက်သော အဖြေလည်းမဟုတ်ပါ။ ထို့ကြောင့်လည်း လွှတ်တော်ဥက္ကဋ္ဌကြီး က ”ဒုဝန်ကြီးက အလွတ်ကျက်လာတဲ့ စာကို လာရွတ်ပြသ လို ဖြစ်နေတယ်” ဟု ထောက်ပြလိုက်ခြင်း ဖြစ်သည်။
(၄)
မြေဆီသြဇာ မကောင်းသော နေရာတွင် မည်သည့်အပင်မျှ အပြိုင်း အရိုင်း ရှင်သန်နိုင်မည်မဟုတ်ပါ။ ကျူ ရှင်များအားကောင်းမောင်းသန် ရှင် သန်နေရခြင်းမှာ ကျူရှင် သင်ကြား၍ ရသော ပညာရေးစနစ်နှင့် ပတ်ဝန်း ကျင်ကြောင့်ဖြစ်သည်ကို သတိမလစ် စေလိုပါ။ ကျူရှင်များ၏ အဓိက အလုပ်မှာ အထပ်ထပ် ပြန်လှန်လေ့ ကျင့်ပေးခြင်းဖြစ် သည်။ ပညာရေး၏ ရည်ရွယ်ချက်မှာ စဉ်းစားတွေးခေါ် တတ်ရာမှ တီထွင်ဖန်တီးတတ်လာ စေရန်ဖြစ်သည်။ အလွတ်ကျက်မှတ် တတ်စေရန်မဟုတ်ပါ။ အလွတ်ကျက် မှတ် ထားသမျှကို ပြန်လည်စစ်ဆေး သော စာမေးပွဲစနစ်ကြောင့် ကျူရှင် နှင့်ဂိုက်များ နေရာရလာခြင်းဖြစ်သည်။
၁ဝ တန်းစာမေးပွဲများတွင်ပင် မေး ခွန်းဟောင်းများကို အပြန်ြ ပန်လေ့ ကျင့်ခြင်းဖြင့် ကျူရှင်နှင့် ဂိုက်များက ရေးကြီးခွင်ကျယ် ဖြစ်လာကြသည်။ သင်ထားသမျှနှင့် တိုက်စစ်ဆေးသော စနစ်ကြောင့်လည်း သင်ထားသည့် အတိုင်း မဖြေလျှင် အမှတ်မပေးဟူ သည့်ညစ်ကွက်များ လုပ်ပိုင်ခွင့် ကျယ် လာသည့်သဘောလည်း ရှိလာသည်။ အလွတ်ကျက်ပညာရေး အသက်ရှည် နေသမျှ ကျူရှင်နှင့် ဂိုက် များက အရေး ပါ အရာရောက်နေကြဦးမည် ဖြစ် သည်။ ဆရာ၊ ဆရာမများ ကျူရှင်သင် ကြားခွင့်ကို တင်းတင်းဖိဖိ ပိတ်လိုက် လျှင် လည်း ပြင်ပကျူရှင်များက နေ ရာချဲ့ ထွင်ကာ အခွင့်ကောင်းယူလာ ကြမည်ကိုလည်း တွက်ဆရမည်ဖြစ်ပြီး ထိစေချင်သည့် ပစ်မှတ်မှာ ပိုင်စိုးပိုင် နင်း ကျူရှင်ပညာရေးလား ဆရာ၊ ဆရာမများကိုလား ချိန်ဆ ရ မည်ဖြစ် ပြီး ပစ်မှတ်နှင့်ကျည်ဆန် လွဲမှာစိုးလှ ပါသည်။
(၅)
ကျူရှင်များကို ရေလောင်းပေါင်း သင်နေသည့် အခြားသော အင်အားစု မှာ ကဲကဲတက်မိဘများနှင့် အဆင့် ၁၊ ၂၊ ၃ ခွဲခြားသောစနစ်ဖြစ်သည်။ အ ဆင့် ၁၊ ၂၊ ၃ မရမည်ကို စိုးရိမ် ကြောင့်ကြကြီးနေကြသူများမှာ ကျောင်း သားများမဟုတ်ဘဲ မိဘများသာ ဖြစ် သည်။ ထို့ကြောင့် ကျောင်းသားများမှာ ကျောင်းမနေခင် ကျူရှင်ရောက်ကြ ရသည်။ အမှတ် ၁ မှတ်မျှကွာရုံမျှဖြင့် အမှတ်တူများသည့်အခါ အဆင့်များ စွာ ကွာခြားသွားရသည်။ ရင်ထုမနာ ဖြစ်ရသူမှာ မိဘများဖြစ်ပြီး ဖိအား ပေးခံရသည်မှာ ကလေးများဖြစ် သည်။ သို့ဖြင့် ဂိုက်များ နှင်းဆီခိုင်ဖြစ်ကာ ကျူရှင်များ ဈေးကောင်းရလာကြသည်။
စာမေးပွဲကျမှာ မစိုးရိမ်ရသော ပညာရေးတွင် ကျူရှင်တက်ကြသည် မှာ အဆင့်ကောင်းကောင်းနှင့် မျက် နှာကောင်းကောင်း ရလိုဇောကြောင့် ဖြစ်ပြီး စနစ်အမှားကြီး ထဲ တွင် မိဘ များနှင့်အတူ ဆရာစိတ်နည်းသော ဆရာ၊ ဆရာမအချို့က ပါဝင်အားဖြည့် ထားကြသည်။ သင်ထားသမျှကို ပြန် လည် စစ်ဆေးသောစနစ်၊ ဖတ်စာ အုပ်ထဲမှ စာကို သာ အားပြုရသော စနစ်၊ အဆင့် ၁၊ ၂၊ ၃ ခွဲသောစနစ်တို့မှ အားကစား အနုပညာ ဝါသနာပါရာ အလုပ်တို့ကိုပါ ထည့်သွင်းအကဲဖြတ် သော စနစ်များ ပါဝင်လာ မည်ဆို လျှင် မိဘများနှင့် ဆရာအချို့၏ အလွဲစိတ်များ လျော့ပါးတန်သည်ကို ထည့်သွင်းတွက်ဆရမည် ဖြစ်သည်။
အမျိုးသားလွှတ်တော် ဥက္ကဋ္ဌက ပြောကြားရာတွင် ကျူရှင်မပြရဟု အမိန့်ထုတ်ထားပြီး စုံစမ်းစစ်ဆေးမှု များ ရှိသော်လည်း ပပျောက်မှု မရှိ ခြင်းမှာ တရားသဖြင့် ပေးသည့် အမိန့် မဟုတ်သောကြောင့်ပင် ဖြစ်သည်ဟု ပါရှိရာ ပညာရေးဟူသည် အမိန့်အာ ဏာဖြင့် တည်ဆောက်ရသည် မဟုတ် ဘဲ သိမ်မွေ့ညင်သာသော နည်းများ ဖြင့် ဖြေရှင်း ရ သည်ကို သက်ဆိုင်ရာ တာ ဝန်ရှိသူများအနေဖြင့် သတိမ လွတ်ကြ စေလိုပါသည်။
စည်သူငြိမ်း
Popular Myanmar News
No comments:
Post a Comment