Saturday, November 23, 2013
ဗြိတိန်နိုင်ငံ လန်ဒန်မြို့ရှိ နေအိမ်တစ်လုံးတွင် နှစ် ၃ဝ ကြာ ကျွန်အဖြစ် ဖမ်းဆီးခံခဲ့ရသော အမျိုးသမီးသုံးဦးအား ရဲတပ်ဖွဲ့က ကယ်ဆယ်နိုင်ခဲ့ကြောင်း ယင်းအဖွဲ့မှ နိုဝင်ဘာ ၂၁ ရက်က ပြောကြားခဲ့သည်။ ရဲတပ်ဖွဲ့သည် အဆိုပါ ကိစ္စနှင့်စပ်လျဉ်း၍ ၎င်းနေအိမ်မှ အသက် ၆၇ နှစ်အရွယ် အိမ်ရှင် အမျိုးသားတစ်ဦးနှင့် အမျိုးသမီးတစ်ဦးကို နိုဝင်ဘာ ၂၁ ရက်က ဖမ်းဆီးခဲ့ပြီး ၎င်းတို့နှစ်ဦးလုံးသည် ဗြိတိန်နိုင်ငံသားများ မဟုတ်ကြောင်း လန်ဒန်ရဲတပ်ဖွဲ့၏ မှုခင်းစုံစမ်းရေး ဌာနဖြစ်သည့် စကော့တလန် ယာ့ဒ်အဖွဲ့က ထုတ်ပြန်ခဲ့သည်။
ကျွန်အဖြစ် ဖမ်းဆီးထိန်းသိမ်းခံခဲ့ရသူ အမျိုးသမီးသုံးဦးမှာ အသက် ၆၉ နှစ်အရွယ် မလေးရှားနိုင်ငံသူ အမျိုးသမီး တစ်ဦး၊ အသက် ၅၇ နှစ်အရွယ် အိုင်ယာလန် အမျိုးသမီးတစ်ဦးနှင့် အသက် ၃ဝ နှစ်အရွယ် ဗြိတိန်နိုင်ငံသူ တစ်ဦးတို့ဖြစ်ကြပြီး ၎င်းတို့အနက်တစ်ဦးက လူမှုရေးအဖွဲ့သို့ ဆက်သွယ်ခဲ့ပြီးနောက် ၎င်းတို့အားလုံးကို ရဲတပ်ဖွဲ့က ကယ်ဆယ်နိုင်ခဲ့ခြင်း ဖြစ်သည်ဟု သိရသည်။
http://www.myawady.net.mm/allnews/global/item/30936-2013-11-23-09-35-35
No comments:
Post a Comment