Friday, 01 November 2013
စစ်ကိုင်းတိုင်း ဒေသကြီး မုံရွာမြို့နယ် ကံပြားကြီးလေးရွာရှိ ဖိနပ်လုပ်ငန်းများသည် သားရေဈေးနှုန်း မြင့်တက်လာမှုကြောင့် တွက်ခြေ မကိုက်ဖြစ်ရသော်လည်း အရောင်း
အဝယ်လိုက်နေသည့် အတွက် ဖောက်သည် မပျက်စေရန် ဆက်လက် လုပ်ကိုင်နေကြောင်း ရွှေ တောင်တန်း ဖိနပ်လုပ်ငန်းရှင် ဦးအောင်ကျော်ဦးက ပြောကြားခဲ့သည်။
လွန်ခဲ့သည့်နှစ်များက သားရေ တစ်ပေါင်လျှင် ငွေကျပ် ၇ဝဝ၊ ၈ဝဝ ဈေးနှုန်းဖြင့် ဝယ်ယူလုပ်ကိုင် ခဲ့ရသော်လည်း ယခုနှစ်တွင် သားရေတစ်ပေါင်လျှင် ငွေကျပ် ၂၃ဝဝ အထိ ဈေးနှုန်းမြင့်တက် လာခဲ့ကြောင်း ၎င်းက ပြောကြားခဲ့သည်။
ပြည်တွင်း သားရေဈေးကွက်၌ သားရေတစ်ပေါင်လျှင် ငွေကျပ် ၇ဝဝ မှ ငွေကျပ် ၂၃ဝဝ အထိ အဆမတန် ဈေးနှုန်းမြင့်တက်လာ ရခြင်းမှာ ပြည်တွင်းသားရေ ဈေးကွက်ရှိ ကျွဲသားရေနှင့် နွားသားရေများကို တရုတ်နိုင်ငံ သားရေဈေးကွက်သို့ နည်းလမ်းမျိုးစုံဖြင့် ကုန်သွယ်ခဲ့သည့် အတွက် သားရေဈေးနှုန်းများ မြင့်တက်လာခဲ့ခြင်း ဖြစ်သည်။
မြန်မာ့ရိုးရာ သားရေညှပ်ဖိနပ် လုပ်ငန်းများသည် ယခင်က လုပ်ငန်းသုံး သားရေများကို ဒေသပေါက်ဈေးဖြင့် ဈေးနှုန်း ချိုသာစွာ ဝယ်ယူလုပ်ကိုင် ခဲ့ရသော်လည်း ယခုအခါ သားရေကုန်သွယ်မှုများ ဖွံ့ဖြိုးလာခြင်းကြောင့် ဒေသပေါက်ဈေးဖြင့် ဝယ်ယူ၍ မရရှိတော့ဘဲ ပြည်ပသို့ တင်ပို့သည့် ဈေးနှုန်းများကို အမီလိုက်၍ ဝယ်ယူသုံးစွဲနေရခြင်း ဖြစ်ကြောင်း သိရသည်။
မြန်မာနိုင်ငံတွင် နှစ်ရှည်ပင် စီမံကိန်း စိုက်ပျိုးလုပ်ကိုင်မှု ထွန်းကားလာသော်လည်း ဖိနပ်လုပ်ငန်း သုံးရော်ဘာ (ကလစ်) ဈေးနှုန်းများသည် ဈေးကောင်းလျက် ရှိနေကြောင်း သိရသည်။
သားရေညှပ် ဖိနပ်တစ်ရန်၏ အမှန်တကယ် ကုန်ကျစရိတ်သည် သားရေကုန်ကျစရိတ် ငွေကျပ် ၁၂ဝဝ၊ ရော်ဘာ (ကလစ်) ငွေကျပ် ၂၅ဝ၊ သဲကြိုး ငွေကျပ် ၅ဝဝ၊ လက်ခငွေကျပ် ၃၅ဝ စုစုပေါင်း ငွေကျပ် ၂၃ဝဝ ခန့်ကုန်ကျသည်။ ၎င်းကုန်ကျစရိတ်သည် သာမန်ဖိနပ် အမျိုးအစားတစ်ရန်၏ ကုန်ကျစရိတ်ဖြစ်သည်။ အဆိုပါ ကုန်ကျစရိတ်တွင် ပစ္စည်းထုပ်ပိုး စရိတ်များ ပါဝင်ခြင်းမရှိကြောင်း သိရသည်။
ယခုအခါ အညာဒေသတွင် မိုးရာသီကုန်ဆုံး၍ ဆောင်းဦးပေါက် ရာသီသို့ ကူးပြောင်း ရောက်ရှိလာတော့မည် ဖြစ်သဖြင့် သားရေညှပ် ဖိနပ်များ အရောင်းအဝယ်လိုက်၍ မှာယူရောင်းချသူ အများအပြား ရှိသော်လည်း သားရေဈေးနှုန်းမှာ အဆမတန် မြင့်မားလာမှုကြောင့် ဖိနပ်လုပ်ငန်းရှင်ကြီးများ တွက်ခြေ မကိုက်သည့်ကြားမှ ဖောက်သည် မပျက်ရန် လုပ်ကိုင်နေရခြင်းဖြစ်ကြောင်း သိရသည်။
မြ၀တီ
http://www.myawady.net.mm/allnews/local/item/29398-2013-11-01-10-15-41
No comments:
Post a Comment