အရှိန်လွန် ၁၈၈ ရွှေအင်းဝခရီးသည်တင်ယာဉ် ဘရိတ်ပေါက်၍ ကားခုနစ်စီး ဆင့်တိုက် တစ်ဦးဒဏ်ရာရ

 

By ကြယ်စင်လင်း၊ မင်းမင်း(မြစ်မခ)

ရန်ကုန်တိုင်းဒေသကြီး မရမ်းကုန်းမြို့နယ်၌ အင်းစိန်လမ်းမကြီးအတိုင်း အင်းစိန်ဘက်သို့သွားစဉ် ခ၀ဲခြံမှတ်တိုင်အနီး အရှိန်လွန်မောင်းနှင်လာသည့် ခရီးသည်တင်ယာဉ် ၁၈၈ ရွှေအင်းဝ ယာဉ်လိုင်းစိမ်း/၀ါယာဉ်သည် ဘရိတ်ပေါက်ကာ အငှားယာဉ်ခြောက်စီးနှင့် ကိုယ်ပိုင်ယာဉ်တစ်စီးအား ဆင့်ကဲ့တိုက်မိခဲ့သည်။
ဖြစ်စဉ်မှာ နိုဝင်ဘာလ ၁ရက်နေ့ နံနက် ၇ နာရီ မိနစ် ၅၀တွင် အင်းစိန်းလမ်းမကြီးအတိုင်း မြောက်မှ တောင်သို့ ယာဉ်မောင်း အောင်လွင်ဟိန်းမောင်းနှင်လာသည့် ရွှေအင်းဝယာဉ်လိုင်း အမှတ် ၁၈၈သည် လမ်းဘေးတွင် ရပ်ထားသည့် အငှားယာဉ်အား တိုက်မိပြီး ဘရိတ်ပေါက်ကာ ဈေးလမ်းထိပ်တွင် BB ဆလွန်းအဖြူရောင် အငှားယာဉ်ကို နောက်မှဝင်ရောက်တိုက်မိပြီး မြဂန္နမာ ဈေးအရောက်တွင်AA ကရီးနားနက်၊ ခဲရောင်အငှားယာဉ်၊ BB ဗင်အဖြူေ၇ာင်အငှားယာဉ်၊ ၂ခ ကင်တာဘောက် အဖြူရောင် ကိုယ်ပိုင်ယာဉ်နှင့် ၆က စလွန်း မီးခိုးရောင်အငှားယာဉ်တို့အား ဆင့်ကဲ့တိုက်မိခဲ့ပြီး စတင်တိုက်မိခဲ့သည့် အငှားယာဉ်ပေါ်သို့ တက်ရန် ပြင်နေသည့် ရွှေပြည်သာမြို့နယ်နေ ကိုရွှေမြင့်(၂၅နှစ်)တစ်ဦးသာ ဒဏ်ရာရရှိကာ အင်းစိန်ဆေးရုံကြီး၌ အတွင်း လူနာ(မစိုးရိမ်ရ)အဖြစ် တင်ပို့ထားရကြောင်း သိရသည်။
ယင်းဖြစ်စဉ်တွင် ထွက်ပြေးတိမ်းရှောင်လျှက်ရှိသည့် ရွှေအင်းဝယာဉ်မောင်းကို ယာဉ်ဆင်မခြင်မောင်းနှင်၍ ယာဉ်များပျက်စီးပြီး လူအားဒဏ်ရာရစေအမှုအဖြစ် တိုက်ခံရသည့် ယာဉ်ပိုင်ရှင်များက တိုင်ကြားပြီး ပြစ်မှုပုဒ်မ (ပ)၄၂/၂၀၁၃၊ ပြစ်မှုပုဒ်မ ၂၇၉/ ၃၃၈/၂၀၂ဖြင့် ဘုရင့်နောင်နယ်မြေရဲစခန်း၌ အမှုဖွင့်အရေးယူထားကြောင်း အဆိုပါဖြစ်စဉ်အား တာဝန်ယူထားသည့် မရမ်းကုန်းရဲစခန်းမှ ယာဉ်ထိန်းရဲအုပ်ဝင်းဌေး ထံမှ သိရသည်။

“ကားက ၃စ ကို တိုက်တဲ့ အချိန်မှာ ဘရိတ်အုပ်ခါမှ ဘရိတ်ကျွံသွားပုံရတယ်၊ ဘရိတ်ပေါက်တဲ့အရှိန်နည်းရင် လမ်းဘေး ဆွဲကပ်လို့ရပေမယ့် အရှိန်များတော့ ရှောင်ရင်းနဲ့ ဆင့်ကဲတိုက်မှုတွေ ဖြစ်သွားတယ်၊ အဓိကက အရှိန်ပြင်းပြီး မဆင်မခြင် မောင်းနှင်လို့ဖြစ်တယ်” ဟု မရမ်းကုန်းရဲစခန်းမှ ယာဉ်ထိန်းရဲအုပ်ဝင်းဌေးက ပြောသည်။
အဆိုပါယာဉ်(၇)စီးဆင့်ကဲတိုက်မူကြောင့် အင်းစိန်းလမ်းမကြီး၌ (၂)နာရီခန့် ယာဉ်ကြောပိတ်ဆို့ခဲ့ပြီး ယာဉ်တိုက်မှုကြောင့် ကျပ် (၂၅)သိန်းကျော်ခန့်ဆုံးရှုံးခဲ့ကြောင်း သိရသည်။
“ကျွန်တော်ကားက ရပ်ထားတာ၊ နောက်က ၀င်တိုက်ခံလိုက်ရတယ်၊ လောလောဆယ်တော့ ပိုက်ဆံကတော့ ကိုယ်အရင် ကုန်ရမှာပေါ့၊ တိုက်တဲ့ယာဉ်ရဲ့ပိုင်ရှင်ကတော့ အခုမှ သိတာ၊ ယာဉ်ထိန်းက အကြောင်းထူးရင်တော့ ဆက်သွယ်မယ်ပြောတယ်” ဟု အတိုက်ခံရသည့် ယာဉ်များမှယာဉ်ပိုင်ရှင်တစ်ဦးက ပြောသည်။
ပြစ်မှုစစ်ဆေးချက်များအရ ထွက်ပြေးတိမ်းရှောင်လျှက်ရှိသည့် အင်းဝယာဉ်လိုင်းမောင်း အောင်လွင်ဟိန်းကို သက်ဆိုင်ရာ အုပ်ချုပ်ရေးမှူး၊ နယ်ထိန်းတပ်ဖွဲ့ဝင်များနှင့် ညှိနှိုင်းပူးပေါင်းကာ ဖမ်းဆီးရရှိရန် ဆောင်ရွက်လျှက်ရှိကြောင်း သက်ဆိုင်ရာ ရဲစခန်းမှသိရသည်။

Shwe MyitMaKha