 |
| (၂၀၁၃-၂၀၁၄ ပညာသင်နှစ် ကျောင်းပြင်ပ မူလတန်းပညာရေး အခြေစိုက်စခန်း (၂) တွင် တက်ရောက် နေကြသည့် ကလေးများအား တွေ့ရစဉ်) |
ပညာသင်ယူမှု အခွင့်အလမ်းများ ဆုံးရှုံးနေကြသည့် ရခိုင်ပြည်နယ် ကယ်ဆယ်ရေး စခန်းများရှိ ကလေးများအား ကျောင်းပြင်ပ မူလတန်း ပညာရေး အစီအစဉ်ဖြင့် သင်ကြားပေးရန် စီစဉ်လျက် ရှိသည်ဟု သိရသည်။
အဆိုပါ ကလေးများအတွက် ကျောင်းပြင်ပ မူလတန်း ပညာရေး အစီအစဉ်ဖြင့် သင်ကြားပေးနိုင်ရေး အတွက် ကျောင်းပြင်ပ မူလတန်း ပညာရေး နည်းပြသင်တန်းများကို ၂၀၁၃-၂၀၁၄ ပညာသင်နှစ်မှ စတင်ကာ ဖွင့်လှစ်ခဲ့ပြီး ဆင့်ပွားသင်တန်း များကိုလည်း ပြန်လည် ဖွင့်လှစ်ပေးခဲ့သည်။
''ရခိုင်ပြည်နယ် ကယ်ဆယ်ရေး စခန်းတွေမှာရှိတဲ့ ကလေးတွေဟာ ပညာသင်ယူမှု အခွင့်အလမ်းတွေ မရရှိကြတဲ့ အတွက် ဒီကလေးတွေကို ကျောင်းပြင်ပ မူလတန်းပညာရေး အစီအစဉ်နဲ့ သင်ကြားပေးနိုင်အောင် နည်းပြသင်တန်းတွေ ပို့ချပေးပြီး ဆင့်ပွားသင်တန်းတွေကို ဒီပညာသင်နှစ်မှာ စတင်ဖွင့်လှစ်ခဲ့တယ်'' ဟု ကျောင်းပြင်ပ မူလတန်း ပညာရေး အစီအစဉ်မှ တာဝန်ရှိသူက ဆိုသည်။
ကျောင်းပြင်ပ မူလတန်း ပညာရေး အစီအစဉ်အား ၂၀၀၈-၂၀၀၉ ပညာသင်နှစ်က မြို့နယ် ငါးမြို့နယ်တွင် စတင်ဆောင်ရွက်ခဲ့ပြီး ၂၀၁၃-၂၀၁၄ ပညာသင်နှစ်၌ မြို့နယ် ဦးရေ ၁၆ ဆတိုးကာ မြို့နယ် ၈၀ တွင် ဆောင်ရွက်လျက် ရှိသည်။ တိုင်းဒေသကြီးနှင့် ပြည်နယ် ၁၃ ခုတို့၌ ဆောင်ရွက်လျက်ရှိရာ ဧရာဝတီတိုင်း ဒေသကြီး၌ ၁၈ မြို့နယ်၊ ရန်ကုန်တိုင်း ဒေသကြီး၌ ၁၄ မြို့နယ်၊ မွန်ပြည်နယ်၌ ၁၀ မြို့နယ်၊ ပဲခူးတိုင်း ဒေသကြီး၌ ကိုးမြို့နယ်၊ နေပြည်တော်တိုင်း ဒေသကြီး၌ ရှစ်မြို့နယ်၊ စစ်ကိုင်းတိုင်း ဒေသကြီး၌ လေးမြို့နယ်၊ မကွေးတိုင်း ဒေသကြီး၌ သုံးမြို့နယ်၊ မန္တလေးတိုင်း ဒေသကြီး၌ သုံးမြို့နယ်၊ ရှမ်းပြည်နယ်၌ သုံးမြို့နယ်၊ တနင်္သာရီတိုင်း ဒေသကြီး၌ သုံးမြို့နယ်၊ ကရင်ပြည်နယ်၌ နှစ်မြို့နယ်၊ ရခိုင်ပြည်နယ်၌ နှစ်မြို့နယ် နှင့် ကချင်ပြည်နယ်၌ တစ်မြို့နယ်တို့တွင် ဆောင်ရွက်လျက်ရှိပြီး ကယားပြည်နယ်နှင့် ချင်းပြည်နယ်တို့တွင် ကျောင်းပြင်ပ မူလတန်းပညာရေး အစီအစဉ် ဆောင်ရွက်ရန် ကျန်ရှိနေသေးကြောင်း သိရသည်။
ကျောင်းပြင်ပ မူလတန်းပညာရေးအား ကုလသမဂ္ဂ ကလေးသူငယ်များ ရန်ပုံငွေအဖွဲ့၊ ပြည်တွင်း အလှူရှင်များနှင့် ပညာရေး ၀န်ကြီးဌာနတို့မှ ပူးပေါင်း အကောင်အထည်ဖော် ဆောင်ရွက်နေခြင်း ဖြစ်သည်။
Eleven Media Group
No comments:
Post a Comment