နေပြည်တော်၊ မတ် ၁၉
ပုဂ္ဂလိက နေ့စဉ်ထုတ် သတင်းစာများ အရှုံးပေါ်နေချိန်တွင် ပြန်ကြားရေး ဝန်ကြီးဌာန လက်အောက်ရှိ သတင်းနှင့် စာနယ်ဇင်းလုပ်ငန်းမှ ထုတ်ဝေနေသည့် နိုင်ငံပိုင် သတင်းစာများ အနေနှင့် အရှုံးပေါ်နေခြင်း မရှိဘဲ အမြတ်ငွေရရှိလျက် ရှိကြောင်း အဆိုပါ ဝန်ကြီးဌာန ဒုတိယဝန်ကြီး ဦးပိုက်ထွေးက ပြောကြားသည်။
ပြည်ထောင်စုဝန်ကြီးဌာန အသီးသီးနှင့် သက်ဆိုင်သော နိုင်ငံပိုင် စီးပွားရေး အဖွဲ့အစည်းများ၏ ရငွေသုံးငွေများနှင့် ပတ်သက်ပြီး မတ်လ ၁၉ ရက်နေ့တွင် ကျင်းပသည့် ပြည်ထောင်စု လွှတ်တော် အစည်းအဝေး၌ ၎င်းက ယင်းသို့ ထုတ်ဖော်ပြောကြားခြင်း ဖြစ်သည်။
ပြည်သူလူထုအတွက် သတင်းစာများကို ဈေးနှုန်းချိုသာစွာ ရောင်းချပေးခဲ့သော်လည်း သတင်းနှင့် စာနယ်ဇင်းလုပ်ငန်း အနေနှင့် ၂၀၁၃-၁၄ ဘဏ္ဍာနှစ် ၁၁ လတာအတွင်း ရရှိငွေသည် ကျပ်သန်းပေါင်း ၁၇၂၅၃ ဒသမ ၀၀၆ သန်း ဖြစ်ပြီး သုံးငွေ ကျပ်သန်း ပေါင်း ၁၂၄၉၀ ဒသမ ၉၈၃ သန်းဖြစ်သည့်အတွက် ပိုငွေ ၄၇၆၂ ဒသမ ၀၂၃ ကျပ်သန်း ရှိကြောင်း ၎င်းက ရှင်းလင်းပြောဆိုသည်။
သတင်းမီဒီယာများတွင် အဆိုပါ သတင်းစာများ အရှုံးခံ ထုတ်ဝေနေသည်ဆိုသော သတင်းများ ဖော်ပြနေခြင်းကိုလည်း ဒုတိယဝန်ကြီးက ငြင်းဆိုခဲ့ခြင်း ဖြစ်သည်။
ပြန်ကြားရေးဝန်ကြီးဌာန လက်အောက်တွင် ပုံနှိပ်ရေးနှင့် စာအုပ်ထုတ်ဝေရေး လုပ်ငန်း၊ သတင်းနှင့် စာနယ်ဇင်း လုပ်ငန်း၊ မြန်မာ့ရုပ်ရှင် လုပ်ငန်းများရှိပြီး ဝန်ကြီးဌာန တစ်ခုလုံးအတွက် ၂၀၁၃ ခုနှစ် ဧပြီလမှ ၂၀၁၄ ခုနှစ် ဖေဖော်ဝါရီလအထိ ဝင်ငွေရရှိမှုမှာ ကျပ်သန်းပေါင်း ၂၇၂၉၆ ဒသမ ၃၁၈ ဖြစ်ပြီး သုံးငွေ ၂၁၅၉၄ ဒသမ ၉၀၈ ကျပ်သန်း ရှိခဲ့ကာ အမြတ်ငွေ ရရှိမှုမှာ ၅၇၀၁ ဒသမ ၄၁၈ ကျပ်သန်း ဖြစ်ကြောင်း ၎င်းက ထပ်မံ ပြောကြားသည်။
အစိုးရ သတင်းစာများအနေနှင့် လက်ခွဲ သတင်းစာတိုက်များ၊ ပုံနှိပ်စက်များ၊ ဝန်ထမ်းများကို ယခင်အစိုးရ လက်ထက် ကတည်းက ပိုင်ဆိုင်ထားပြီး ဖြစ်သည့်အပြင် နိုင်ငံပိုင်မြေနှင့် အဆောက်အအုံများကို အသုံးပြုခွင့် ရရှိသည့်အပြင် အစိုးရ၏ ဘတ်ဂျက်ငွေ လုံလောက်စွာ ရရှိသည့်အတွက် တစ်စောင်လျှင် ကျပ်ငါးဆယ်နှုန်းဖြင့် ရောင်းချသော်လည်း ရှုံးစရာ မရှိကြောင်း Tomorrow သတင်းဂျာနယ် အယ်ဒီတာအဖွဲ့ဝင် ဦးဇော်သက်ထွေးက The Voice သို့ ပြောကြားသည်။
“သူတို့က ရှုံးစရာတော့ အကြောင်းမရှိဘူး၊ အစိုးရ လုပ်သမျှကို ကာကွယ် စောင့်ရှောက်ပြီးတော့ ပြည်သူလူထုရဲ့ လူမှုပတ်ဝန်းကျင်မှာရှိတဲ့ အားနည်းချက်တွေကို ဝေဖန် ထောက်ပြမှု ဘက်မှာတော့ သူတို့က တာဝန်ပျက်ကွက် နေတယ်လို့ ယူဆတယ်။ ဒါကြောင့်မို့ သူတို့ဟာ တာဝန်သိ မီဒီယာတစ်ခုလို့ မှတ်ချက်ပြုဖို့တော့ ခဲယဉ်းတာပေါ့။ စီးပွားရေးအရ မရှုံးဘူး ဆိုတာတော့ ဖြစ်နိုင်ပါတယ်၊ ဒါပေမဲ့ လူမှုတာဝန်သိ မီဒီယာတစ်ခု ဖြစ်ဖို့တော့ သံသယရှိတယ်” ဟု မြန်မာနိုင်ငံ စာနယ်ဇင်းကောင်စီ အဖွဲ့ဝင်တစ်ဦးက ဆိုသည်။
မြန်မာနိုင်ငံတွင် နှစ်ပေါင်း ၅၀ ကျော် ပိတ်ပင်ထားခဲ့သည့် ပုဂ္ဂလိက နေ့စဉ် သတင်းစာများကို ၂၀၁၃ ခုနှစ် ဧပြီလမှ စတင်ထုတ်ဝေခွင့်ပြုခဲ့ရာ လက်ရှိတွင် နေ့စဉ်ထုတ် သတင်းစာ ၂၀ ဝန်းကျင်ရှိပြီး အားလုံးမှာ အရှုံးခံ ထုတ်ဝေနေခြင်း ဖြစ်ကြောင်း သတင်းစာ ထုတ်ဝေသူများထံမှ သိရသည်။
ပုဂ္ဂလိက သတင်းစာများမှာ စတင်ထုတ်ဝေသည့် ကာလ ဖြစ်သည့်အတွက် ထုတ်လုပ်မှုစရိတ် ကြီးမြင့်ခြင်း ဈေးကွက်ဝေစု နည်းပါးခြင်းနှင့် ဝန်ထမ်းလစာ စသည်တို့ကြောင့် အစိုးရ သတင်းစာများက အသာရရှိ နေသော်လည်း ရေရှည်တွင် အစိုးရ သတင်းစာများကို ယှဉ်ပြိုင်နိုင်လာမည် ဖြစ်ကြောင်း ရွှေဂုံတိုင် အခြေပြု သတင်းစာဂျာနယ် ဖြန့်ချိရေးလုပ်ငန်း လုပ်ကိုင်နေသူ တစ်ဦးက ပြောကြားသည်။
ပြန်ကြားရေး ဝန်ကြီးဌာန၊ သတင်းနှင့် စာနယ်ဇင်း လုပ်ငန်းက မြန်မာ့အလင်း၊ ကြေးမုံနှင့် အင်္ဂလိပ် ဘာသာဖြင့် The New Light of Myanmar သတင်းစာ သုံးစောင်ကို ထုတ်ဝေနေခြင်း ဖြစ်သည်။
The Voice Weekly
No comments:
Post a Comment