ရန်ကုန်၊ မတ် ၂၀
၁၉.၃.၂၀၁၄ ရက်နေ့ ၁၈၃၀ အချိန်တွင် ရန်ကုန်တိုင်းဒေသကြီး၊
တောင်ပိုင်းခရိုင်၊ သုံးခွမြို့ဈေးအတွင်း၌ ငြိမ်းသူ(၃၂)နှစ်(ဘ)ဦးတင်ယု၏ ဆိုင်ခန်းအမှတ် (n-၂၂/၂၃)၊ ကုန်ခြောက်ဆိုင်အတွင်း ထွန်းညှိထားသော
ခြင်ဆေးခွေမီးမှ ကုန်ခြောက်များကိုစတင်လောင်ကျွမ်းခဲ့ပြီး ဈေးဆိုင်ခန်း
များသို့ကူးစက်လောင်ကျွမ်းခဲ့ရာ မီးသတ်ယာဉ်များရောက်ရှိငြှိမ်းသတ်
ခဲ့သဖြင့်၂၀၁၀ အချိန်တွင် မီးငြိမ်းသွားခဲ့ပါသည်။
မီးလောင်မှုကြောင့် ဈေးဆိုင်ခန်း(၁၀)ခန်းနှင့်ကုန်ပစ္စည်းများ စုစုပေါင်း တန်ဘိုးငွေကျပ်(၂၄)သိန်းခန့်ဆုံးရှုံးခဲ့ပြီး မီးငြှိမ်းသတ်စဉ်ထိခိုက်မိသဖြင့် ကိုသက်အောင်တွင် ၀ဲလက်ဖျံနှင့်ကျောကုန်းပွန်း၊ ခါးနာကျင်ဒဏ်ရာ၊ အရန်မီးသတ်ဦးမြအုန်းတွင် ကျောကုန်းဖူးရောင်၊ယာခြေဖမိုးပြတ်ရှဒဏ်ရာ
တို့ရရှိခဲ့ကြသောကြောင့် သုံးခွဆေးရုံတွင် အတွင်းလူနာ(မစိုးရိမ်ရ)များ
အဖြစ် တက်ရောက်ကုသခဲ့ရပါသည်။
ယင်းကဲ့သို့ မီးပေါ့ဆစွာသုံးစွဲသူ ငြိမ်းသူကို သုံးခွမြို့မရဲစခန်း (ပ)၁၀၁/၂၀၁၄၊ ပုဒ်မ၂၈၅ဖြင့် အမှုဖွင့်အရေးယူဆောင်ရွက်လျက်ရှိ
ကြောင်း သတင်းရရှိပါသည်၊
Yangon Police
No comments:
Post a Comment