“မြန်မာ့ရိုးရာ ယဉ်ကျေးမှု၊ မန္တလေးရဲ့ အရိပ်အငွေ့၊ ရှမ်းတောင်တန်းတွေရဲ့ ကြီးမားလေးနက်မှုတွေကို ပုံဖော်ချင်တာကြောင့် ဒီဇာတ်ကားကို ရိုက်ကူးဖြစ်တာပါ” ဒါရိုက်တာ စင်ရော်မောင်မောင်နှင့် တွေ့ဆုံခြင်း



ရုပ်ရှင်ချစ်ပရိသတ်များ ရင်ခုန်ကြရသည့် အကယ်ဒမီပွဲကျင်းပမည့်အချိန်က နီးကပ်လို့လာခဲ့ပြီ။ ၂၀၁၁ ခုနှစ်အတွက် ပေးအပ်ချီးမြှင့်မည့် မြန်မာ့ရုပ်ရှင်ထူးချွန်ဆု အကယ်ဒမီအတွက် ဆန်ခါတင်ရုပ်ရှင်ဇာတ်ကား ၁၅ ကားရှိသည့်အနက် တစ်ကားအပါအ၀င်ဖြစ်သည့် ‘ပန်းကြာဝတ်မှုန်’ ရုပ်ရှင်ဇာတ်ကားသည် အကယ်ဒမီ ရင်ခုန်သံအတွက် ပရိသတ်များကြား ရေပန်းစားသော ဇာတ်ကားတစ်ကားပင် ဖြစ်သည်။ ခင်ခင်ထူး၏၀တ္ထုကို ပုံဖော်ထားခြင်းဖြစ်ပြီး မြန်မာနိုင်ငံ၏ အထင်ကရနေရာများစွာကို နောက်ခံထားကာ တက္ကသိုလ်ကျောင်းသားကျောင်းသူများ၏ ဖြတ်သန်းမှုမှသည် ဘ၀ကိုယ်စီ ရှင်သန်နေထိုင်ကြသည်အထိ ခေတ်ပုံရိပ် သုံးခုကို ရိုက်ကူးထားခြင်းဖြစ်သည်။ နန်နင်းရုပ်ရှင်ပွဲတော်၊ ထိုင်းနိုင်ငံရှိ မဟာချိုင်၊ ဖူးခက်၊ ဘန်ကောက်၊ စင်ကာပူနိုင်ငံများတွင် ပြသလျက်ရှိသည့် ‘ပန်းကြာဝတ်မှုန်’ ရုပ်ရှင်ဇာတ်ကား၏ ဖန်တီးသူ ဒါရိုက်တာ အကယ်ဒမီစင်ရော်မောင်မောင်နှင့် တွေ့ဆုံဖြစ်သည့်အခိုက် ဖန်တီးခဲ့သည့် အတွေ့အကြုံနှင့် အကယ်ဒမီအကြိုခံစားမှုများကို မေးမြန်းဖြစ်ခဲ့ပါသည်။ မေး ။ အခုနှစ် အကယ်ဒမီအတွက် ‘ပန်းကြာဝတ်မှုန်’ ဇာတ်ကားက ရေပန်းအစားဆုံး ဇာတ်ကားတစ်ကား ဖြစ်နေပါတယ်။ အဲဒီအပေါ် ခံစားချက်လေး အရင်ပြောပြပေးပါလား။ ဖြေ ။ အဲဒီဇာတ်ကားရဲ့တင်ပြပုံက ထူးခြားတယ်။ ဇာတ်ကားရဲ့ အရည်အသွေးပိုင်းဆိုရင်လည်း အသံပိုင်း၊ ရုပ်ပိုင်း၊ edit ပိုင်းတွေက တော်တော်လေးကောင်းတယ်။ မြန်မာပြည်ကို ကမ္ဘာကစိတ်ဝင်စားအောင် မြန်မာ ပြည်ရဲ့ အထင်ကရနေရာတွေကို ထည့်ရိုက်ထားတယ်။ ပုဂံ၊ မင်းကွန်း၊ ရှမ်းပြည် စသဖြင့်ပေါ့။ လူဆိုတာက တက္ကသိုလ်ကျောင်းသားဘ၀ကို ဖြတ်သန်းခဲ့ကြရတယ်လေ။ တက္ကသိုလ်ဘ၀ အမှတ်တရအနေနဲ့ မန္တလေး တက္ကသိုလ်ကြီးမှာ ရိုက်ခွင့်ရခဲ့တယ်။ အကယ်ဒမီရင်ခုန်သံမှာ ကျွန်တော့်ဇာတ်ကားကို အားပေးကြတဲ့အတွက် ၀မ်းသာသလို ကျွန်တော်လည်း ရင်ခုန်နေပါတယ်။ မေး ။ ကိုယ်တိုင်ဖန်တီးထားတဲ့ ဇာတ်ကားကို ကိုယ်တိုင်အကဲဖြတ်မယ်ဆိုရင်ရော ဘယ်အရာတွေကို အားရလဲ။ ဖြေ ။ နံပါတ်တစ်အားအရဆုံးက အသံပါ။ ပြီးတော့ မင်းသား မင်းသမီး။ ကင်မရာပိုင်းကိုလည်း အားရတယ်။ editing ကိုလည်း အားရပါတယ်။ မေး ။ အကယ်ဒမီဆိုတာနဲ့ ပတ်သက်ပြီးတော့ရော ဘယ်လိုခံယူထားပါသလဲ။ ဖြေ ။ ကျွန်တော်တို့ ရုပ်ရှင်သမားတိုင်းက အကယ်ဒမီဆိုတာ နီးလာရင် ရင်ခုန်ကြရတယ်။ တန်ဖိုးထား ကြရတယ်။ ကျွန်တော့်အတွက်တော့ အကယ်ဒမီဆိုတာ အထွတ်အမြတ်ထားရတဲ့ အရာတစ်ခုပါ။ မေး ။ အခုနှစ် အကယ်ဒမီ စိစစ်အကဲဖြတ်တဲ့ အဖွဲ့အဆင့်ဆင့်မှာ အနုပညာရှင် အတတ်ပညာ ရှင်တွေ ပါဝင်လာပါတယ်။ အဲဒီအပေါ်ဘယ်လိုမြင်ပါသလဲ။ ဖြေ ။ ကျွန်တော်အရမ်းဝမ်းသာပါတယ်။ ကျွန်တော်တို့လေးစားရတဲ့ ဒါရိုက်တာဦးအောင်မြင့်မြတ်တို့ ဦးဝင်းဖေတို့ ပါဝင်စိစစ်အကဲဖြတ်တယ်ဆိုတာ တကယ့်ကိုတန်ဖိုးရှိပါတယ်။ မေး ။ ပန်းကြာဝတ်မှုန် ဇာတ်ကားက ခေတ်စနစ်သုံးခုကို ရိုက်ကူးပုံဖော်ခဲ့တာနော်။ ဒီကားကို ရိုက်ကူးပုံဖော်ခဲ့ခြင်းရဲ့ အဓိကရည်ရွယ်ချက်ကို လည်းသိချင်ပါတယ်။ ဖြေ ။ ကျွန်တော်က မန္တလေးကို သိပ်ချစ်ပါတယ်။ မန္တလေးကို အခြေခံထားတဲ့ ဇာတ်ကားတစ်ကားကို ခိုင်ခိုင်မာမာရိုက်ချင်တယ်။ မြန်မာ့ရိုးရာ ယဉ်ကျေးမှု၊ မန္တလေးရဲ့ အရိပ်အငွေ့၊ ရှမ်းတောင်တန်းတွေရဲ့ ကြီးမားလေးနက်မှုတွေကို ပုံဖော်ချင်တာကြောင့် ဒီဇာတ်ကားကို ရိုက်ကူးဖြစ်တာပါ။ မေး ။ တက္ကသိုလ်တို့ ဆေးရုံတို့ရိုက်ကူးခွင့်ဆိုတာ ခက်ခဲနေဆဲပဲလို့ ရုပ်ရှင်လောကသားတချို့ ပြောနေကြချိန်မှာ မန္တလေးတက္ကသိုလ်မှာ ရိုက်ကူးခွင့်ရခဲ့တာကိုလည်း ပြောပြပေးပါဦး။ ဖြေ ။ ကျွန်တော်မန္တလေးတက္ကသိုလ်မှာ ရိုက်ကူးခွင့်ရဖို့အတွက် ပြင်ဆင်ချိန်ရှစ်လကြာခဲ့ပါတယ်။ ဇာတ် လမ်းတစ်ခုလုံးရဲ့story board ကို သေချာပြင်ဆင်ပြီးခါမှ တင်ပြခဲ့တာပါ။ ဒီတော့ တကယ်သာရိုက်ကူး ချင်တယ်ဆိုရင် ပြည့်ပြည့်စုံစုံသာတင်ပြတယ်ဆိုရင် ရိုက်ကူးခွင့်ရပါတယ်။ မေး ။ ထိုင်းနိုင်ငံ မဟာချိုင်မှာ ဒီဇာတ်ကားကို သွားရောက်ပြသခဲ့တယ်လို့ သိရပါတယ်။ အဲဒီ အခြေအနေလေးလည်း သိချင်ပါတယ်။ ဖြေ ။ ထိုင်းနိုင်ငံ မဟာချိုင်ဒေသမှာ မြန်မာလုပ်သား အများစုရှိပါတယ်။ ကျွန်တော်ဒီဇာတ်ကားကို သွားပြသခဲ့ တဲ့ အဓိကရည်ရွယ်ချက်က မြန်မာလုပ်သားတွေအနေနဲ့ ဒီဇာတ်ကားကို ကြည့်ဖြစ်ခြင်းအားဖြင့် မြန်မာအစား အစာတွေ၊ ပုဂံ၊ မင်းကွန်း၊ ရှမ်း တောင်တန်း၊ စစ်ကိုင်းစတဲ့ မြန်မာနိုင်ငံရဲ့ အထင်ကရနေရာတွေကို ခဏတာအိပ်မက်မက်ခွင့် ရစေချင်တာပါ။ အဲဒီအိပ်မက်တွေကမှတစ်ဆင့် သူတို့ချစ်တဲ့ မြန်မာနိုင်ငံကို ပြန်လာစေနိုင်ဖို့ဆိုတဲ့ ရည်ရွယ်ချက်ပါ။ တကယ်တမ်း သွားရောက်ပြသတဲ့အခါမှာလည်း မြန်မာပရိသတ်တွေက တကယ်ကို အားပေးခဲ့ကြပါတယ်။ ဖူးခက်နဲ့ ဘန်ကောက်မှာလည်း ပြသဦးမှာပါ။   EMG