မင်းလူ ၏ အများနှင့် မသက်ဆိုင်သောသူ, အပိုင်း (၉)

(၁၄)

အိမ်ဝင်းထောင့်မှာ ချစ်ဦးအတွက် တဲကလေးတစ်လုံးဆောက်ဖို့ ကိစ္စကို ဒေါ်ငွေဇံ က အလျင်အမြန် စီစဉ် သည်။ တဲတစ်လုံး ဆိုပေမယ့် ကုန်ကျစရိတ်က သိပ်မနည်းလှ။ ခုချိန်မှာ သစ်ဈေး၊ ၀ါးဈေးတွေ မသေး။ မဒမတိုင် ထူပြီး ၀ါးထရံကာ ဓနိမိုးမျှသာ ဖြစ်သော်လည်း သူ့အတိုင်းအတာနဲ့သူ အတော်ထိသည်။

တကယ်တော့ ဒေါ်ငွေဇံသည် ချစ်ဦးအတွက်ဆိုရင် နည်းနည်း သဒ္ဓါသူ မဟုတ်။ ချစ်ဦး ခြုံတဲ့စောင်ကလေး အစုတ်စုတ် အဖာဖာ ဖြစ်နေလို့ တစ်ထည်လောက် ၀ယ်ပေးဖို့ မြလွင်က ပြောတုန်းကတောင် မသိချင်ယောင် ဆောင်နေခဲ့တာ။ ခုကိစ္စမှာတော့ သူကိုယ်တိုင်က အားတက်သရော ဖြစ်နေ၏။ ဒါတွင်မက ချစ်ဦး အိမ်ပြောင်းမယ့်နေ့မျာ တစ်ပတ်ရစ်စောင်တစ်ထည်တောင် လက်ဆောင်ပေးလိုက်သေးသည်။ အစ ကတော့ စောင်အသစ် ကို ပေးမလို့ပါပဲ။ ၀ယ်ပြီးမှ အရောင်ကလေးလှတော့ နှမြောသွားသည်။ ထို့ကြောင့် စောင်အသစ် ကို သူယူလိုက်ပြီး သူခြုံလက်စစောင်ကို ချစ်ဦးအား ရက်ရက်ရောရော ပေးလိုက်ခြင်း ဖြစ် ၏။

ဘာပဲဖြစ်ဖြစ် ချစ်ဦးကတော့ သူအိမ်ကလေးကို အလွန်သဘောကျသည်။ တဲကလေးမှာ မြေစိုက် ဖြစ်၏။ ၉ပေ၊ ၁၅ပေ သာ ကျယ်သည်။ ချစ်ဦးတစ်ယောက်စာတော့ အနေတော်ပဲ ဖြစ်၏။
တဲကလေး သို့ ပြောင်းသောနေ့မှာ သူက မြလွင်ကို ပြောသည်။
"ခုမှပဲ လွတ်လွတ်လပ်လပ် စိတ်ရှိလက်ရှိ အိပ်ရတော့မယ်၊ ဟိုရက်တွေတုန်း က အိပ်ရတာ အသက်ရှူ တောင် မ၀ဘူးဗျာ"
"ဘာဖြစ်လို့ အသက်ရှူမ၀ရတာလည်း မောင်လေးရဲ့"

ဟု မြလွင်မေးတော့ ...
"ဒီလိုလေ မမရဲ့၊ ကျွန်တော်က ညညအိပ်ရင် ထယောင်တတ်တယ် မဟုတ်လား၊ အဲဒီအခါ သဲသဲလေးက လန့်ပြီး ငိုတယ်လို့ ပြောတာကိုး၊ ဒါကြောင့် ညကျရင် ထပြီး မယောင်ရအောင်လို့ ပါးစပ်ကို အ၀တ်နဲ့ စည်း စည်းပြီး အိပ်ရတာ၊ အိပ်ရင်းနဲ့  အဲဒီ အ၀တ်စကြီးက နှာခေါင်းကိုသွား သွားအုပ်မိတော့ မွန်းတာပေါ့ဗျ၊ ခုတော့ ပူစရာ မလိုတော့ဘူး၊ ကြိုက်သလို အိပ်လို့ ရပြီ"
မြလွင်မှာ ချစ်ဦးကို သနားပြီး မျက်ရည်တောင် လည်ချင်လာသည်။

ချစ်ဦးသည် သူတဲကလေးကို စိတ်ကြိုက်ပြင်ဆင်သည်။ သူအိပ်သော ကွပ်ပျစ်ကလေးကို ထောင့် တစ်ထောင့် မှာ နေရာချသည်။ သူ့အ၀တ်အစားတွေ ထည့်ထားသော ထင်းရှူးသေတ္တာကို အောက်က အုတ်ခဲ တွေခံပြီး တင်သည်။ ပက်လက်ကုလားထိုင် အဟောင်းကလေးတစ်လုံးလည်း ချထား သည်။ ကုလားထိုင် က သူနှင့် ဒေါ်ငွေဇံတို့ လုပြီး ထိုင်နေကျ။ အခုတော့ တစ်ဦးတည်းပိုင် ဖြစ်ပြီ။
ဘုရားစင် ကလေးကိုလည်း ခေါင်းရင်းဘတ် ခပ်မြင့်မြင့်မှာ ရိုက်ထားသည်။ ရုပ်ပွားတော်တော့ မရှိသေး။ နောက်တော့ မှ ငွေစုပြီး ၀ယ်ရမည်။ ခုတော့ ပုံတော်ကားချပ်ကလေးသာ ထားနိုင်သည်။ သောက်တော် ရေခွက် တစ်ခွက် နှင့် ညောင်ရေအိုးတစ်လုံးလည်း ရှိ၏။

ဝါးထရံမှာတော့ သူသဘောကျတော့ ရာဇ၀နေ၀င်းပုံနှင့် ကျန်ကျောင်းပုံတို့ကို ကပ်ထားသည်။ ဝေနေယျ သုခ ရေချမ်းစင် အသင်း မှ ထုတ်သော ပြက္ခဒိန်ကလေးကိုလည်း ချိတ်ဆွဲထား၏။
ဒါတွင်မကသေး သူစိတ်ကူးရသမျှ စာတမ်းကလေးတွေလည်း ရေးပြီး ကပ်ထားသေးသည်။
"လူသာလာပါ၊ ပြဿနာ ခေါ်မလာပါနှင့်"
"ခြင်မကိုက်ရ"
"ကြွက်မ၀င်ရ"
"သူခိုး သည်းခံပါ"
ကြားဖူးနားဝ ရှိတာတွေကို သူ့ဘာသာ စပ်ဟပ်ပြီး ရေးထားတာလည်း ရှိသေးသည်။.

"ကြွေးယူတော့ပြုံး
တောင်းတော့မုန်း
ပွေးပုန်းပေါင်မှ
မနေသာ"

ချစ်ဦးသည် သူ့တဲ့ကလေးကို အလွန်သဘောကျ ကျေနပ်နေသည်။ လွတ်လွတ်လပ်လပ် နေချင်သလို နေလို့ရပြီ။ အိပ်ချင်သလို အိပ်လို့ရပြီ။ သူ့ဆီမှာ သူခိုးမျက်စိကျလောက်တဲ့ ပစ္စည်းဆိုလု့ ဘာမှ မရှိ။ သို့ရာ တွင် အိမ်ဆိုသည်မှာ အိမ်နှင့်တူအောင် လုံခြုံမှုတော့ ရှိရမည်။ အိမ်တစ်လုံးဖြစ်လာလျှင် တံခါး ရှိရမည်။ တံခါး ရှိလျှင် လုံအောင်ပိတ်ရမည်။
ချစ်ဦးအဖို့ တဲကလေးပင်ဖြစ်စေ အိမ်တစ်လုံးလိုပဲ သဘောထားသည်။ ထို့ကြောင့် သူ့အိမ်တံခါးကို ခတ်ဖို့ သော့တစ်စုံဝယ်လေသည်။ တစ်ခုပဲ ရှိ၏။ သူ့အိမ်တံခါးသော့ခတ်ပုံက နည်းနည်းဆန်းလေသည်။
အိမ်ပြောင်းပြီး နောက်နေ့မနက် မြလွင်က ဆိုင်ဖွင့်ဖို့ခင်းကျင်းပြင်ဆင်နေစဉ် ချစ်ဦး ရောက်လာပြီး အချဉ်ထုပ်ကို ကူချိတ်ပေးသည်။

"ညက အိပ်လို့ အဆင်ပြေရဲ့လား မောင်လေး"
ဟု မြလွင်က မေးသည်။
"ဟာ ... ဘာပြောကောင်းမလဲ၊ တစ်ချိုးတည်းပဲ၊ ယောင်ဖို့တောင် သတိမရသေးဘူး"
"အိပ်ရာစိမ်းနေလို့ အိပ်မရမှာကို မမက ပူနေတာ"
"ဘာထူးလဲဗျ၊ ကျောခင်းလို့ရရင် အိပ်ရာပဲပေါ့"
"အဆင်ပြေရင် ပြီးတာပါပဲ"
"အဆင်ပြေပါတယ်၊ ဒါပေမယ့် ချေးစော်တော့ နည်းနည်းနံတယ်"

"ဟင် ... အိပ်သာနဲ့ နီးလို့ထင်တယ်"
"မဟုတ်ဘူးဗျ၊ ၀ါးလုံးတွေက နံတာ"
"သြော် ... အဲဒါဝါးစိမ်းနံ့ပါ၊ ၀ါးလုံးတွေက မခြောက်ခင်မှာ အဲဒီလိုပဲ ပုပ်အက်အက် အနံ့နံ့တတ်တယ်၊ တစ်ရက်နှစ်ရက်ဆို အနံ့ပျောက်သွားလိမ့်မယ်"
"ဒါဆိုလည်း ပြီးတာပဲ၊ အဲ ... မမကို တစ်ခု ပြောရဦးမယ်၊ ကျွန်တော်က အိမ်အသစ်ကို ပြောင်းတာ ဆိုတော့ အိမ်တက် မင်္ဂလာလေး ဘာလေး လုပ်မှကောင်းမယ် ထင်တယ်"
မြလွင် မျက်လုံးပြူးသွား၏။

"အိမ်တက် မင်္ဂလာလုပ်တယ်ဆိုတာ လွယ်လွယ်လေး မဟုတ်ဘူး မောင်လေးရဲ့၊ အနည်းဆုံး မုန့်ဟင်းခါး လောက်တော့ ကျွေးမှကောင်းမှာ မမတို့မှာလည်း သိပ်ရှိတာ မဟုတ်ဘူး"
"လူအများကြီးဖိတ်မှာ မဟုတ်ပါဘူး မမရဲ့၊ ကျွန်တော်နဲ့ခင်တဲ့ ဆယ်လေးငါးယောက်ထဲပါ၊ ပြီးတော့ မမတို့ လည်း ပိုက်ဆံ အကုန်မခံရပါဘူး၊ ကျွန်တော် စုထားတဲ့ထဲက ပေးမှာပါ။ မမလည်း မုန့်ဟင်းခါး ကောင်းကောင်း ချက် တတ်တာပဲ"
"အေးလေ၊ နည်းနည်းပါးပါး ဆိုရင်တော့ မမ လုပ်ပေးပါ့မယ်"
"အိုကေ ... အိုကေ ... မမ အားကိုးရတယ်ဆိုတာ ကျွန်တော် သိပါတယ်ဗျ"
ချစ်ဦးပျော်သွားတာ မြင်ပြီး မြလွင်က ကရုဏာပြုံးပြုံးလိုက်စဉ် ချစ်ဦးက ...
"ဒါဆို ဈေးရှေ့က ကွန်ပျူတာဆိုင်မှာ ဖိတ်စာသွားရိုက်လိုက်ဦးမယ်"

"ဟယ် ... လူဆယ့်ငါးယောက်လောက်အတွက်များ ပါးစပ်နဲပ ဖိတ်လိုက်ပြီးတာပဲ၊ ဖိတ်စာတွေ ဘာတွေ ရိုက်မနေပါနဲ့တော့၊ ပိုက်ဆံကုန်ပါတယ်"
"မရိုက်လို့ မဖြစ်ဘူး၊ လုပ်ရင် အပီအပြင်လုပ်မှ၊ ကျွန်တော့်အတွက် အရေးမကြီးပါဘူး၊ မမတို့ သိက္ခာရှိ အောင် လို့ပါ။ ပြီးတော့ ပိုက်ဆံလည်း သိပ်မကုန်ပါဘူး၊ ကွန်ပျူတာဆိုင်က ကျွန်တော်နဲ့ခင်ပါတယ်၊ အလကားတောင် လုပ်ချင်လုပ်ပေးမှာ"
"ဒါဆိုလည်း ပြီးရောလေ၊ မောင်လေးသဘောပဲ"
"ကဲ ... ကျွန်တော် သွားဦးမယ်၊ ရော့ ... ကျွန်တော့်အိပ်သော့ ခဏ သိမ်းထားပေးစမ်းပါ"ဆိုပြီး သော့ခလောက် တစ်လုံး ကို လှမ်းပေးသည်။ မြလွင်က…
''သော့ခလောက် က ဘာလုပ်ဖို့လဲ၊ ခတ်မသွားဘူးလား''

''ခတ်ခဲ့ပြီ''
''ဟင်… ဘယ်လို''
ချစ်ဦး က ခပ်မိန့်မိန့်ပြုံးလိုက်ပြီး…
''ကျွန်တော်က သူခိုးကို ပညာပေးခဲ့တာလေ''
''ဘာ… ပညာပေးတာ''
''ဟုတ်တယ်၊ ဟိုတစ်ခါ ကင်းစောင့်တုန်းက ကိုသန်းမောင်ကပြောဖူးတယ်၊ သူခိုးတွေဟာ ဘယ်လိုသော့ ခလောက်မျိုးမဆို သော့တုနဲ့ ဖွင့်တတ်တယ်တဲ့၊ ဒီတော့ ကျွန်တော်ကသော့ချောင်းကို တံခါးမျောက်လက် မှာ ကြိုးနဲ့ချည်ထားခဲ့ပြီး သော့ခလောက်ကို ယူလာခဲ့တာပေါ့၊ သူခိုးတွေဟာ သော့တုပဲလုပ်လို့ရမယ်၊ သော့ ခလောက်အတု လုပ်လို့ မရဘူးလေ၊ ပိုင်တယ်နော်၊ ကျွန်တော်က ပေါ့သေးသေးမဟုတ်ပါဘူး မမရဲ့''

ဟု ပြောပြီး ရင်ကော့၍ ထွက်သွားသည်။ မြလွင်မှာ လက်ထဲက သော့ခလောက်ကို ကြောင်တောင်တောင် ကြည့်နေပြီး မှ ပြုံးလိုက်မိ၏။
ချစ်ဦး ၏ အိမ်တက်မင်္ဂလာပွဲသည် ခန့်မှန်းထားတာထက် လူပိုများနေသည်။ ချစ်ဦးက လူတွေကို ဖိတ်ရာ မှာ တိုးတိုးတိတ်တိတ် မဟုတ်ဘဲ လက်ဖက်ရည်ဆိုင်ထဲမှာ ခပ်ပြောင်ပြောင်ကြီး ဖိတ်စာကမ်းချင် ကမ်းသည်။ ဒီတော့ ဘေးလူတွေက….
ဟုပြောလျှင်
''လာချင်လည်း လာခဲ့လေ''
ဆိုပြီး ဖိတ်လာခဲ့တော့ အားလုံး လူငါးဆယ်လောက်ဖြစ်သွား၏။ မြလွင်လည်း ချစ်ဦးအကြောကိုသိသဖြင့် ပို ပို သာသာ ချက်ထားသောကြောင့် အဆင်ပြေသွားခြင်းဖြစ်၏။ ဒါတောင် နောက်ပိုင်းဆယ်ယောက်စာ လောက် ကို ပဲမှုန့်နှင့် ငံပြာရည်ထပ်စွက်ပြီး ရေနည်းနည်းထိုးလိုက်ရသေးသည်။ မြလွင်က ငါးများများနှင့် ကောင်းကောင်း ချက်ထားသဖြင့် ရေထိုးသည့်တိုင် စားလို့ကောင်းနေသေးသဖြင့် မသိသာလိုက်။

ဒီပွဲမှာ ချစ်ဦးက မဖိတ်သော်လည်း ဆိုက်ဆိုက်မြိုက်မြိုက်ရောက်လာသူ တစ်ယောက်တော့ရှိသည်။ ဦးဝင်း မောင်ကြီး ပင် ဖြစ်၏။ ချစ်ဦးက မြလွင်ကိစ္စနှင့် ပတ်သက်ပြီး သူ့ကို သိပ်ကြည်လင်လှတာမဟုတ်၊ သို့ရာတွင် သူက ပါးသည်။ အိမ်တက်ပွဲကိုလာရင်း ချစ်ဦးအတွက်လက်ဆောင်ဆိုပြီး စစ်ခြင်ထောင်တစ်လုံး ယူ လာပေး သည်။
ချစ်ဦးမှာ သူ့ခြင်ထောင်အဟောင်းက အစုတ်စိတ် အဖာဖာဖြစ်နေသောကြောင့် ငွေလေး ဘာလေး အဆင် ပြေရင် အဟောင်းဆိုင်မှာ ခြင်ထောင်တစ်လုံးလောက် ဝယ်ရဦးမယ်ဟု စိတ်ကူးထားခဲ့တာ။ ခုတော့ အတော်ပဲ ဖြစ်သွား၏။ ဦးဝင်းမောင်ကြီး ကိုလည်း ဒီနေ့အဖို့ ကြည်ကြည့်သာသာပင် ဆက်ဆံ ပြောဆိုလေသည်။

ကိုဘိုလေးနှင့် ကိုသန်းမောင်တို့ကတော့…
''ချစ်ဦးတစ်ယောက်တော့ မြလွင်ကို ခြင်ထောင်နဲ့လဲတော့မယ်နဲ့ တူတယ်''
ဟု ကွယ်ရာမှာ နောက်ပြောင်မိကြ၏။
ချစ်ဦးက အိမ်တက်မင်္ဂလာမှာ ဘုန်ကြီးကျောင်းက ဆရာတော်ကိုတောင် ပင့်ချင်သေးတာ။ မုန့်ဟင်းခါး ကျွေး မှာဆိုတော့ အရုဏ်ဆွမ်းကပ်မှ ဖြစ်မည်။ ဆရာတော်က အရုဏ်မှာ တခြားအလှူတစ်ခု ကြွစရာ ရှိနေ၏။ ထို့ကြောင့် မြလွင်က နေ့ဆွမ်းအတွက် ဆွမ်းချိုင့်ပို့နိုင်ဖို့ စီစဉ်ပေးသည်။

ဆရာတော်သည် ချစ်ဦးတို့ မိဘတွေ လက်ထက်ကတည်းက ကိုးကွယ်လာခဲ့သဖြင့် ဒကာရင်းဆရာရင်း ဖြစ် ၏။ ချစ်မှူးမရှိတဲ့နောက်ပိုင်းမှာလည်း မြလွင်က သူတတ်နိုင်သလောက် လှူဒါန်းလေ့ရှိ၏။ အိမ်ဆိုင် လေး ဖွင့်လာတဲ့အခါကျတော့လည်း ကြုံတဲ့အခါတိုင်း လက်ဖက်၊ လက်ဖက်ခြောက်၊ ထန်းလျက်စသည်တို့ ပို့ခိုင်း တတ်၏။ ဆရာတော်က မြလွင်ကို မကြာခဏ ချီးကျူးတတ်၏။ ဒီနေ့ ချစ်ဦးဆွမ်းချိုင့် သွားပို့တဲ့ အခါကျ တော့လည်း…
''ကောင်းတယ်ဟေ့၊ မြလွင်လက်ရာ မစားရတာကြာပြီ''
ဟု ချစ်ဦးဝမ်းသာအောင် ပြောသည်။ တကယ်လည်း မြလွင်လက်ရာကို ဆရာတော်ကနှစ်သက်သည်။ ဆရာတော်က အညာဆက်ဖြစ်၏။ သားကြီး ငါးကြီးတွေ၊ ဆီပြန်ဟင်းတွေ သိပ်မစုံမက်တတ်၊ ချဉ်ရည်ဟင်း၊ ငါးပိချက်၊ ပဲဟင်းတို့ကိုသာ နှစ်သက်သည်။ မြလွင်လည်းသိသည် ထို့ကြောင့် ငါးခူကို ငရုတ်သီးစိမ်း များများ အုပ်ပြီး ငါးပိချက်ဆန်ဆန် ချက်သည်။ ငါးရံ့ခြောက်ဖုတ်ဆီဆမ်းနှင့် သရက်သီး သုပ်ကလေးပါ ထည့်ပေး လိုက်၏။

''မြလွင်ဟာ အင်မတန်စိတ်ထားကောင်းတဲ့ ကလေးမပဲကွယ့် မောင်ချစ်ဦးရဲ့၊ မင်းကိုလည်း အတော် ဂရုစိုက် ရှာတယ်ဆို''
''ဂရုစိုက်တာ ပေါ့ဘုရား၊ အစ်မအရင်းဆိုရင်တောင် ဒီလောက် ကောင်းချင်မှကောင်းမယ်''
''ဒါမျိုး ဆိုတာကလည်း ဘဝဘဝက ရေစက်ရှိခဲ့လို့ လာဆုံကြရတာကလား၊ တန်တော့ ဟိုဘဝက မောင်ချစ် ဦးနဲ့ မြလွင်တို့ဟာ မောင်နှမတော်စပ်ခဲ့ဖူးပုံရတယ်''
''ဟင်… ဘုန်းဘုန်း ပြောသလိုဆိုရင် ကိုကြီးချစ်မှူးကကျတော့ ဟိုဘဝတုန်းက ယောက်ဖဖြစ်နေမှာပေါ့''

ချစ်ဦးအတွေးကို သဘောကျပြီး ဆရာတော်က ပြုံးတော်မူ၏။ ချစ်ဦးက ဆက်၍….
''တပည့်တော်ကတော့ မမမြလွင်ဟာ တပည့်တော်တို့ အမေဝင်စားတာလို့ ထင်တာပဲဘုရား''
''ဆရာတော်က 'အိမ်း' ဟု ရေရွတ်ရင်း ခေါင်းတစ်ချက်ညိတ်လိုက်မိသေးသည်။ ပြီးမှ…
''ဟယ်… ပေါက်ကရ ပြောရော့မယ် မောင်ချစ်ဦးရယ်၊ မြလွင်က မင်းထက်တောင် အသက်ကြီးသေးတာ၊ မင်းအမေဆုံးတော့ သူတောင် အတော်ကြီးရောပေါ့ဟဲ့''
ချစ်ဦးကလည်း 'ဟုတ်သားပဲ'ဆိုပြီး ရယ်ကျဲကျဲ လုပ်နေလိုက်သည်။ ခဏစဉ်းစားပြီးနောက် မေးလိုက်ပြန်၏။

''လူဝင်စားတယ်ဆိုတာရော တကယ်ရှိလို့လားဘုရား''
''ရှိနိုင်တာပေါ့ သတ္တဝါတွေဟာ နိဗ္ဗာန်ကို မျက်မှောက်မပြုနိုင်မချင်း ဘဝတစ်ခုပြီးတစ်ခု ကူးပြောင်းနေရ တယ်လို့ အဆိုရှိတာကိုးကွယ့်''
''ဒါဆို တပည့်တော်ကတော့ ဘယ်သူဝင်စားတာလဲ''
''လူတစ်ယောက်ရဲ့ အတိတ်ဘဝကို ဘုရားမှတစ်ပါး ဘယ်သူမှ မသိနိုင်ဘူးကွယ့်''
''တပည့်တော် စဉ်းစားနေတာ တစ်ခုရှိသေးတယ်၊ အခုချိန်မှာ ကမ္ဘာပေါ်မှာ လူဦးရေ တွေ အရမ်းတိုးလာ တယ် လို့ လက်ဖက်ရည်ဆိုင်မှာ ပြောတာကြားဖူးတယ်''
''အေး.. ဟုတ်သလေ ဘာဖြစ်တုန်း''

''အဲဒီ တိုးလာတဲ့ လူတွေကကော ဘယ်ကရောက်လာတာလဲဘုရား''
ဆရာတော် တွေသွား၏။ ထို့နောက် ခေါင်းတညိတ်ညိတ်လုပ်ပြီး…
''အင်း… ဒါဟာ မေးသင့်မေးထုတ်တဲ့ မေးခွန်းပဲ၊ ခုနပြောသလို ဘဝတွေတစ်ခုပြီး တစ်ခု ပြောင်းလဲ နေရာက လူ့ဘဝကို ရောက်ရှိလာကြတာပဲလို့ အကြမ်းဖျင်း ပြောရလိမ့်မယ်''
''ဒါဆိုရင် လူဦးရေ တိုးလာတာဟာ နတ်ပြည်က ပြုတ်ကျလာတဲ့လူတွေမျာူးလာလို့လား၊ ငရဲပြည်က လွတ်ပြီး တက်လာတဲ့လူတွေများလာလို့လား''

ဆရာတော် နဖူးကြောရှုံ့ရပြီ
''အင်း…ဒါမ်ျိုးဆိုတာကတော့ စာတတ်ပေတတ် ပညာရှိဆရာတော်ကြီးတွေမျ လိပ်ပတ်လည်အောင် ဖြေ နိုင်မှာပဲ၊ ကြုံကြိုက်တဲ့ အခါ မေးထားပေးမယ်၊ ဟုတ်ပြီလား၊ အရေးကြီးတာက မင်းဘယ်ဘဝက ကူးပြောင်း လာတာလဲဆိုတာထက် ဘယ်ဘဝကို သွားမလဲဆိုတဲ့ ကိစ္စပဲ၊ ဘုရား တရားကို မမေ့နဲ့ ကြားလား''
ချစ်ဦးက ခေါင်းညိတ်လိုက်ပြီး
''တပည့်တော်ကတော့ နောင်ဘဝမှာ ခုလိုရူးပေါပေါ မဖြစ်ရင်တော်ပါပြီဘုရား''
''ဟယ်… ဒီလိုမပြောနဲ့ မောင်ချစ်ဦး ရဲ့ လောဘဒေါသမောဟ ဖုံးလွှမ်းပြီး ကိုယ့်ကိုယ်ကိုရူးလို့ ရူးမှန်း မသိတဲ့ လူတွေထက်စာရင် မင်းက အပုံကြီးသာသေးတယ်ကွယ့်''
ချစ်ဦးက ပြုံးဖြီးဖြီးလုပ်ပြီး။

''ဒီလိုကျတော့လည်း ဘုန်းဘုန်းက တော်သွားပြန်ရော''
ဟု ပြောလိုက်သည်။ ဆရာတော်မှာ ရယ်ပဲရယ်လိုက်ရမလား၊ ငေါက်ပဲ ငေါက်လိုက်ရမလား မသိ ဖြစ်နေ ပြီးမှ…

''ဘုန်းကြီးကို ဒီလို ပြောရသလားဟဲ့''
ဟု မိန့်လိုက်သည်။
ချစ်ဦး သည် ခုလိုပဲ မကြာခဏဆိုသလို ဆရာတော်ကို ကပ်သီးကပ်သပ်တွေ မေးတတ်သည်။ ခြင်ဆေးခွေ ထွန်းတာ အပြစ်ရှိသလား၊ ဘုန်းကြီးတွေ ဘာဖြစ်လို့ ကားမမောင်းရတာလဲ၊ ဆေးလိပ်ကိုလည်း ငါးပါးသီလ ထဲ ထည့်သင့်တယ် စသည်ဖြင့်။
ဆရာတော်ကလည်း အရူးအပေါပဲဟု ပြီးပြီးရော ဖြေလေ့မရှိ။ စိတ်ရှည် လက်ရှည် ဂရုစိုက် အလေးထားပြီး ဖြေကြား လေ့ရှိ၏။ ထို့ကြောင့် လည်း ချစ်ဦးက ဆရာတော်ဆီ လာလေ့ရှိခြင်းဖြစ်၏။
''အဲဒါက အရေးမကြီးဘူး၊ ဘုန်းဘုန်းနဲ့ စကားပြောလိုက်ရတာနဲ့ပဲ ဗိုက်တောင်ဆာလာပြီ၊ ဘာကျွေးစရာရှိ လဲ ဘုရား''
''အလို မင်း က မေးလို ငါကလည်း ဖြေရသေးတယ်၊ ဗိုက်ဆာလာပြန်ပတဲ့လား၊ ကဲကဲ…. ဟောဟိုက စားပွဲ ပေါ် မှာ  ငှက်ပျောသီးရှိတယ်''
''ဟာ… ငှက်ပျောသီး က ခဏ ခဏ စားနေရတာ ကိတ်မုန့်မရှိဘူးလား''

''ဟယ်.. ငါ့ကျောင်းကိုများ ဟိုတယ်မှတ်နေလို့လား၊ သြော်.. နေဦးမရွေးတော့ ရှိတယ်၊ စားချင်ယူစား''
''ရှိတာပဲ၊ စားရတော့မှာပေါ့လေ၊ ဘုန်းဘုန်းကျောင်းကလည်း ဆင်းရဲလိုက်တာ ဘော့စ်ကျတဲ့ ဒကာလေး ဘာလေး ရှာပါဦး''
ဟု ပြောပြီး မရွေးတွေကို အားပါးတရ စားနေသည်။ ဆရာတော်က ပြုံးကြည့်နေလိုက်၏။
ချစ်ဦးအိမ်ဝင်းထဲ ဝင်လာစဉ် အိမ်ရှေ့ကွက်လပ်ကလေးမှာ ကစားနေသော သဲသဲချစ်ကို လှမ်းမြင်ရသည်။ သူ့ ခြေလှမ်းတုံ့ခနဲ ဖြစ်သွား၏။ သဲသဲကြိုက်တတ်သော ခေါက်မုန့်ဝယ်လာဖို့ မေ့သွားကြောင်း သတိရ လိုက် သောကြောင့် ဖြစ်၏။ ထို့ကြောင့် သဲသဲချစ်မသိအောင် အသာကလေး ပြန်လှည့်အထွက်မှာ..

''ဟဲ့.. ဆင်''
သဲသဲချစ်က သူ့ကို မြင်သွားပြီး လှမ်းအော်ခေါ်လိုက်ခြင်းဖြစ်၏။ ဒါမျိုး သူတို့နှစ်ယောက် လုပ်နေကျဖြစ်၏။ သဲသဲချစ်က 'ဟဲ့..ဆင်' ဟု အော်ခေါ်လိုက်တာနဲ့ ချစ်ဦးကချက်ချင်း လေးဖက်ထောက်ချလိုက်ပြီး 'ဗူး'ဟု အော်လိုက်၏။ ထိုအခါ သဲသဲချစ်က ပြေးလာပြီး ကျောပေါ်ခွစီးလိုက်သည်။ ချစ်ဦးက တဝူးဝူး အော်ရင်း မြေပြင် မှာ လှည့်ပတ်သွားနေသည်။ သဲသဲချစ်က သဘောတွေကျပြီး တခစ်ခစ်ရယ်နေ၏။
သဲသဲချစ် ၏ ရယ်သံကိုကြားသဖြင့် မြလွင်ထွက်ကြည့်သည်။ သူတို့ကိုမြင်တော့..
''ဟယ်… သမီးရယ်၊ ရူးရူးသနားပါတယ်၊ မြေကြီးပေါ်မှာဆိုတော့ ဒူးတွေလက်တွေ ပွန်းပဲ့ကုန်မျာပေါ့''
''ရပါတယ် မမရဲ့''
ဟု ချစ်ဦးက ပြောသည်။ သဲသဲချစ်က ကျောပေါ်မှ လျှောဆင်းလိုက်ပြီး

''ရူးရူး ဒူးတွေ ပွန်းသွားသလားဟင်''
ဟု စိုးရိမ်သံဖြင့် မေးရင်း ချစ်ဦး၏ ဒူးကို လှန်ကြည့်သည်။ ခဲတွေ သဲတွေနှင့် ဖိမိသဖြင့် အချိုင့်ရာ အစင်းရာ တွေ ထင်နေ၏။ သဲသဲချစ်က ပွတ်သပ်ကြည့်ပြီး..
''နာလားဟင်''
ဟု မေးသည်။ ချစ်ဦါ်က
''ဟား ဟား…. ဘယ်နာမလဲ၊ ရူးရူးက ရှောင်လင်ဆရာကြီးလေ၊ အတွင်အားသိပ်ကောင်းတာ၊ ဒီလောက် တော့ အပျော့ပေါ့''

ဆိုပြီး အတွင်းအား ကျင့်တဲ့ပုံမျိုးလုပ်ပြနေသေးသည်။ သဲသဲချစ်က သဘောကျပြီး လက်ခုပ်တီးသည်။ ချစ်ဦး လည်း အားတက်လာပြီး ရှောင်လင်သိုင်းကစားသလိုမျိုး လုပ်ပြနေသည်။ ပါးစပ်ကလည်း စိတ်ကူး တည့်ရာတွေ ရေရွတ်နေ၏။
''ဟောဒါက မြွေနှစ်ကောင်သိုင်းကွက်၊ ဒါက ဂဠုန်ရာဇာ၊ ဒီမှာကြည့် မြဟင်္သာတဲ့၊ ဟောဒီမှာ ဆင်ခြောက် ကောင်''
ချစ်ဦးက ကိုးရိုးကားရား တွေလုပ်ပြ၊ သဲသဲချစ်က တခစ်ခစ်ရယ်၊ မြလွင်ပင်လျှင် မရယ်ဘဲ မနေနိုင်။ ထိုစဉ်မှာ ပင်….
''ဟာ… ဘာလုပ်နေကြတာလဲ''
ဟု ရုပ်ရှင်တွေထဲကလို စကားစပ်ရင်း ဦးဝင်းမောင်ကြီးရောက်လာသည်။
''မြလွင်၊ နေကောင်းတယ်နော်''
ဟု နှုတ်ဆက်သည်။ မြလွင်က 'ဟုတ်ကဲ့'ဟု ဣနြေ္ဒရရ ဖြေသည်။ ဦးဝင်းမောင်ကြီး သည် ချစ်ဦး တစ်ယောက် လုံး ကိုကျော်ပြီး မြလွင်ကိုကွက်၍ နှုတ်ဆက်လိုက်မိတာကို သတိပြုမိပြီး…
''ဟဲ ဟဲ၊ ချစ်ရူး မင်းကော နေကောင်းရဲ့လား''

''နေလို့တော့ ကောင်းပါတယ်၊ ဒါပေမယ့် ဝမ်းနည်းနည်းချုပ်နေတယ်ဗျ''
ချစ်ဦးဖြေပုံကြောင့် ဦးဝင်းမောင်ကြီး ကြောင်အအ ဖြစ်သွားသေးသည်။ ပြီးမှ….
''ဝမ်းမှန်အောင်တော့ ဂရုစိုက်ကွ၊ ဝမ်းတစ်လုံးကောင်း ခေါင်းမခဲဘူးဆိုတဲ့ စကားရှိတယ် မဟုတ်လား၊  ဒါနဲ့ သားအမိတစ်တွေ၊ တူဝရီးတွေ ဘာများသဘောကျနေကြတာလဲ''
ချစ်ဦးသည် ရုတ်တရက် စိတ်ကူးတစ်ခုရသွားပြီး….
''တခြား မဟုတ်ပါဘူးဗျာ၊ သဲသဲက ဆင်ကြီးစီးချင်တယ်ပြောနေလို့ အဲဒါဗျာ ကျွန်တော်ကလည်း ဘကြီးထွန်း တို့အိမ်က အုန်းပင်ကို အသီးတွေချပေးဖို့ သွားရမှာမို့ မအားဘူး၊ ဒီတော့ ဦးဝင်းမောင်ကြီးပဲ ဆင် ကြီး လုပ်ပြီး အစီးခံလိုက်ပါလား''
ဦးဝင်မောင်ကြီး အကြံအိုက်သွား၏။

''အဲ… ဒါကတော့… ဟိုဒင်း''
မြလွင် ဝင်၍ပြောသည်။
''အို…. မောင်လေးကလည်း ဘယ့်နှယ့်၊ အားနာစရာကြီး''
ချစ်ဦးက…
''ဟာ… ဘာအားနာစရာရှိလဲ၊ ဦးဝင်းမောင်ကြီးပဲ ကလေးချစ်တတ်တယ်လို့ ခဏ ခဏ ပြောတာမဟုတ် လား''
ဦးဝင်းမောင်ကြီးမှာ မတတ်သာလှသဖြင့်
''အဲ.. .ဟုတ်ပါတယ်၊ ဟုတ်ပါတယ်၊ လာသမီးလာ''
ဆိုပြီး ကုန်းပေးလိုက်ရ၏။ မြလွင်တစ်စုံတစ်ခု မပြောနိုင်ခင်မှာပင် ချစ်ဦးက သဲသဲချစ်ကို စွေ့ခနဲ ကောက်ချီ ပြီး ဦးဝင်းမောင်ကြီး၏ ကျောပေါ်တင်ပေးလိုက်၏။ ဦးဝင်းမောင်ကြီးက ရှက်ပြီး လေးဖက် မထောက်ဘဲ ကုန်းကုန်းကွကွကြီးလုပ်နေသဖြင့် ကုန်းပိုးထားသလို ဖြစ်နေသည်။ ထိုအခါ သဲသဲချစ်က…
''ဆင်ကြီး လိုလုပ်လေ''

ပြောသဖြင့် လေးဖက်ထောက်လိုက်ရသည်။ ချစ်ဦးလည်း မြလွင်ကို မျက်စိမှိတ်ပြလိုက်ပြီး လစ်ထွက်သွား သည်။ ဦးဝင်းမောင်ကြီးခမျာ သဲသဲချစ်က ''ဝူးလိုအော်ဦးလေ''ဆိုသဖြင့် အော်ရသေးသည်။ ဒီကြားထဲမှာ ရပ်ကွက်ထဲက ကောင်မလေးနှစ်ယောက် အချဉ်ထုပ်လာဝယ်ရင်း သူတို့ဖြစ်နေပုံကို မြင်သွားပြီး ပြုံးစိစိ လုပ်သွားကြသေးသည်။
ဒေါ်ငွေဇံသည် အစတုန်းကတော့ ဦးဝင်းမောင်ကြီးကို ချစ်ဦးအိမ်ပြောင်းဖို့ကိစ္စအတွက် အသုံးချဖို့ ရည်ရွယ် စိတ်ကူးခဲ့ဖူးသည်။ ချစ်ဦးကို အိမ်ပြောင်းခိုင်းဖို့ မြလွင်က သဘောမတူခဲ့၊ ထိုအခါ ချစ်ဦးနှင့် ဖြစ်သွားမှာ စိုးရမ်လို့ ဦးဝင်းမောင်ကြီးနဲ့ပဲ သဘောတူသယောင်ယောင်လုပ်ပြီး ဖိအားပေးဖို့ ကြံစည်ခဲ့သည်။ ဦးဝင်း မောင်ကြီးကို မယူချင်လျှင် ချစ်ဦနှင့် ကင်းကင်းရှင်းရှင်း ဖြစ်အောင် အိမ်ပြောင်းခိုင်းဆိုသောသဘော။

ခုကျတော့ ချစ်ဦးက ကြည်ကြည်သာသာပင် အိမ်ပြောင်းပေးလိုက်သည်။ ဦးဝင်းမောင်ကြီးကို အသုံးချစရာ မလိုတော့သဖြင့် ပထုန်လိုက်ဖို့သာ ရှိ၏။ သို့ရာတွင် ဒေါ်ငွေဇံတွင် စိတ်ကူးတစ်မျိုး ပေါ်လာခဲ့ပြန်၏။
မြလွင်ကို ဦးဝင်းမောင်ကြီးနှင့် အမှန်တကယ်ပဲ နေရာချပေးလိုက်ရလျှင် ဘယ်လိုနေမလဲ။

ဦးဝင်းမောင်ကြီးသည် မုဆိုးဖိုဆိုသော်လည်း သားသမီးမရှိသဖြင့် လူပျိုကြီးလိုပင် ဖြစ်၏။ တစ်နည်းအား ဖြင့် နောက်ကြောင်းရှင်းသည်ဟု ဆိုရမည်။ တခြားထောက်ပံ့စရာတွေ အမွေကိစ္စတွေ ပြဿနာမရှိနိုင်။ သူက  ချမ်းသာကြွယ်ဝသူမဟုတ်သည့်တိုင် သူတိ်ု့အတိုင်းအတာအရဆိုလျှင် စီးပွားရေးကောင်းသူ ဖြစ်၏။ သဘောထားကလည်း မဆိုးလှ၊ ဒေါ်ငွေဇံ၏သြဇာကို နာခံမည့်ပုံရသည်။ ကိုယ့်လက်ကိုယ်ခြေ ကြိုက်သလို စီမံခန့်ခွဲနိုင်မည်။ ရှေ့ရေးအတွက်လည်း ဘာမှ ပူပင်စရာမလိုတော့။ ဒီလောက်ကောင်းတဲ့ အခွင့်အရေးကို လက်လွှန်လိုက်လျှင် မိုက်မဲရာကျလိမ့်မည်။
တစ်ခုပဲ ပြောစရာရှိ၏။ ဦးဝင်းမောင်ကြီး၏ အသက်က သူနှင့် မတိမ်းမယိမ်း ဖြစ်နေခြင်း၊ သမက်နဲ့ ယောက္ခ မရွယ်တူလို ဖြစ်နေတာကတော့ လူပြောစရာ ဖြစ်နိုင်သည်။ သို့ ရာတွင် လူတွေပြောတာလောက်နဲ့ပဲ ကိုယ့် အကျိုးရှိရာရှိကြောင်းကို စွန့်လွှတ်ရမယ်ဆိ်ုလျှင် နှမြောစရာကြီး။

တကယ်တော့ ဒီလောက်စိုးရိမ်စရာမလို။ အသက်ချင်းမတိမ်းမယိမ်းဆိုသော်လည်း ဘယ်သူကမှ အသက် အတိအကျ သိကြတာမဟုတ်၊ ပြီးတော့ ဦးဝင်းမောင်ကြီးက သူ့ကိုယ်သူ နုအောင် နေတတ်သည်။ ခု နောက်ပိုင်း မှ ပိုပြီး သိသာလာ၏။
ဆံပင်ဖြူစ ပြုလာတာကို ဆေးဆိုးသည်။ ဆံပင်ပုံစံကို လူုငယ်စတိုင်ညှပ်သည်။ လူငယ်တွေ လိမ်းသော ခေါင်းလိမ်းဆီကို သုံးသည်။ ရှပ်အင်္ကျီလက်တို သို့မဟုတ် စပို့ရှပ်အရောင်နုနုကလေးတွေ ဝတ်သည်။ ပုဆိုး ကွက်စိပ်ကလေးတွေ ငါးနှစ်လောက်ငယ်သွားပုံရသည်ဟု သူ့ကိုယ်သူ မှတ်ချက်ချထား၏။
ဒေါ်ငွေဇံကလည်း အသက်ချင်းကွာသယောင်ထင်ရအောင် ''မောင်ဝင်းမောင်''ဟု ခေါ်သည်။ သူ့ကိုယ်သူ တော့ အန်တီ ဟု သုံးနှုန်းသည်။ ဦးဝင်းမောင်ကြီးကတော့ အန်တီဟု မခေါ်ရဲသဖြင့် အစ်မကြီး ဟုသာ ခေါ်လေ၏။

ဆက်ရန်
 http://www.shwezinu.com