ကျွန်တော့်ဘ၀ထဲက နာရီများ၊ အပိုင်း(၃)+အပိုင်း(၄)(ငြိမ်းအေးအိမ်)

တောကရလာဖူးသည့် နာရီအကြောင်းပြောရင်း နောက်ထပ် တောတိုးနာရီတစ်လုံးကို ဖျတ်ကနဲသတိရသွား ပြန်သည်။ ပတ်ခဲ့ရသောနာရီများအနက် ထိုနာရီသည် ကျွန်တော့်ခိုင်းစေမှုကိုအသေလဲ ခံခဲ့ရပြီး သုံးနှစ်အတွင်း အသက်ကုန် သွားခဲ့သည်။ ဆီကိုအမျိုးအစား ခရီးကြမ်းသွားနာရီဖြစ်သည်။ သံလိုက်အိမ်မြှောင်၊ ပင်လယ်ရေမျက်နှာပြင် အနိမ့်အမြင့်ပြ ဂဏန်းများ၊ အပူချိန်ပြဂဏန်းများ၊ ရာဦဥတုခန့်မှန်းသည့် ဂရဖ်များပါသည်။ ညဘက်တွင် နာရီပတ်ထား သောလက်ကို ကိုယ့်ဘက်ကိုလှည့်စောင်းလိုက်သည်နှင့် ဒိုင်ခွက်က မီးလင်းလာသောဖန်ရှင်များရှိသည်။ သူလုပ်နိုင်သည့် အလုပ်ကများလှ သည်။ နာရီကလေးလုပ်နိုင်သမျှကိုလည်း ကျွန်တော်မညှာမတာခိုင်းစေခဲ့သည်မှာ ရက်မပျက်။
ကျွန်တော်ကလည်း ထိုကာလ များတွင် တောတကတော တောင်တကတောင်နှင့် ခရီးကြမ်းများ မနေမနား သွားနေရသူဖြစ်သည်။ ထို့ကြောင့် ကိုယ့်လုပ်ငန်း အခြေအနေနှင့်ဟတ်စပ်မည့် ထိုနာရီမျိုးကို ၀ယ်ပို့ပေးပါရန် ရန်ကုန်သို့ပြန်မှာရသည်။ ရန်ကုန်ကလူတွေကလည်း ဟိုမှာ သည်မေးလုပ်ပြီး ကျွန်တော်လိုအပ်သည့်နာရီအမျိုးအစားကို မရမကရှာဖွေပို့ပေးလိုက်ကြသည်။ ကျေးဇူးတင်ဖို့ ကောင်းလှ ပေစွ။
မီတာတစ်ထောင်ကျော်ခန့်ရှည်လျားပြီး မီးရောင်မရှိသော ကွေ့ကောက်နေသည့် ဥမင်လှိုဏ်ခေါင်းတစ်ခု၏ တည်နေရာကို ထိုနာရီအသုံးပြုပြီး မြေပုံပေါ်တွင် မှတ်တမ်းတင်နိုင်ခဲ့သည်။ သစ်ခွမျိုးတစ်ခုတွေ့ရှိရာနေရာကို၊ မြေအနိမ့် အမြင့်၊ ထိုနေရာထိုရာသီတွင် ရှိတတ်သည့် အပူချိန်အတိအကျတို့ဖြင့် မှတ်သားနိုင်ခဲ့သည်။ လျှပ်စစ်မီးမရှိသော တောတောင် ထဲတွင် ညကြီးမင်းကြီး ကြည့်ချင်သည့်အချိန်ကောက်ကြည့်၊ ဖြတ်ကနဲ မီးလင်းကာ အချိန်ပြဂဏန်းများကို မြင်ရမည်။ လေယဉ် ခရီးစဉ်များတွင် ကိုယ်စီးသည့်လေယဉ် ဘယ်အမြင့်ကပျံနေသည်ကိုပင် ထိုနာရီလေးက ဖေါ်ပြတတ်သေးသည်။ သို့သော် နာရီ၏ပုံသဏ္ဍာန်သည် ကလေးကြိုက်ဇာတ်ကောင် ပါဝါရိန်းဂျားစက်ရုပ်လက်က နာရီမျိုးနှင့်ဆင်သည်။ အုံထူထူ၊ ထုထည် ကြီးကြီး၊ ပြူးပြူးပြဲပြဲဖြစ်၏။ မြို့သို့ရောက်ပြီး ထိုနာရီပတ်ထားမိသောကခါ “ကလေးကလားနဲ့ ဘယ့်နှယ်ဖြစ်လာတာတုန်း” ဟု အမေးခံခဲ့ရဖူးသည်။ သူတို့သည် ကျွန်တော်နှင့်ထိုနာရီလေးလက်တွဲပြီး အလုပ်များစွာလုပ်ခဲ့သည့် ဖြစ်စဉ်ကိုမသိ၊ သုံးရည် တန်ဖိုးကိုမသိသူများဖြစ်ကြသည်။ မြို့သားများအတွက် နာရီဟူသည်မှာ အချိန်နှင့် နေ့ရက်ကြည့်စရာတစ်မျိုးသာ ဖြစ်ပုံရ သည်။ သူတို့အတွက် နာရီတစ်လုံး၏အသုံးဝင်မှုသည် ထိုအကန့်အသတ်အတွင်းတွင်သာ ရှင်သန်နေပုံရသည်။
            ထို့ကြောင့် မြို့ရောက်၍ ထိုဆရာများထံသွားလာ လည်ပတ်သည့်အခါ၊  နာရီအပါးလေးကို(မြို့သားစတိုင်လ်) ၀တ်ဆင်ရသည်။ ထိုနာရီလေးက 25Hours ဟု အမည်ရှိသည်။ တစ်ရက်တွင် ၂၄နာရီသာရှိသော်လည်း သူက သူ့ကိုယ်သူ နှစ်ဆယ့်ငါးနာရီဟု အမည်ပေးထားသော အချိန်မှတ်ကရိယာဖြစ်နေခြင်းက သူ့အပေါ်စိတ်ဝင်စားမှုပိုစေခဲ့ဟန်တူသည်။ ဇနီးသည်က ကျွန်တော့်မွေးနေ့တစ်ခုတွင် လက်ဆောင်ဝယ်ပေးခဲ့ခြင်းဖြစ်၏။ အခြားနာရီများထက် တစ်ဝက်သာသာ ပါးလျား ပေါ့ပါးလှခြင်း၊ အဖြူရောင်ဒိုင်ခွက်ပေါ်တွင် ကျွန်တော့်အကြိုက် ရောမဂဏန်းများထည့်သွင်းထားခြင်းက သူ့ကိုစွဲစွဲမြဲမြဲ ပတ်စေ ဖို့ အကြောင်းဖန်လာပုံရသည်။ သို့သော် ထိုနာရီသည် တောတောင်တွင်အသုံးမတည့်လှ။ ညကြည့်၍မရ။ အခြား ကျွန်တော့် အတွက်အသုံးတည့်သော ဖန်ရှင်များမဆိုထားနှင့် ရက်လပြဒိုင်ခွက်လေးပင်မပါ။ ထို့ကြောင့် လှပပေါ့ပါးပြီး၊ ကျွန်တော် နှစ်သက်လှသောနာရီလေးသည် မြို့က ကျွန်တော့်စားပွဲအံဆွဲလေးထဲမှာပင် နှစ်ရှည်လများအကျဉ်းကျနေရရှာသည်။ ကျွန်တော့်သမီးက သူ့လက်ဆောင်နာရီလေးကိုကျွန်တော့်လက်တွင်ပတ်ပေးခဲ့ပြီး နောက်တစ်ရက်တွင် ဇနီးသည်က သူ့ 25Hours နာရီလေးကို ဘူးခွံထဲထည့်သိမ်းသည်။ မျက်နှာမကောင်းလှ။ “သင်္ခါရဆိုတာ ဒါပဲထင်တယ်။ အချိန်တန်ရင် နေရာ ဖယ်ပေးလိုက်ရတာပါပဲ”ဟု ဆွေးဆွေးမြည့်မြည့်ဆိုသည်။ (ကျွန်တော့် လက်ကောက်ဝတ်ပေါ်တွင် သူ၏ ချစ်ခင်မှု အမှတ်တရ နာရီလေးအစား သမီး၏ အဖေ့အပေါ်ချစ်ခြင်းအမှတ်တရ နာရီလေးက အစားထိုးသွားခြင်းကြောင့်ဖြစ်သည်။) သူ့ဆွေးမြေ့မှု မျက်လုံးများထဲတွင် အဖေနှင့်သမီး၏သံယောဇဉ်အပေါ်ကျေနပ်ကြည်နူးမှုနည်းနည်း၊ သူ့ချစ်သက်လက်ဆောင် လေးကို ကျွန်တော့် လက်ပေါ်တွင် မတွေ့ရမှုအတွက် ၀မ်းနည်းကြေကွဲခြင်းက နည်းနည်း ပါနေနိုင်ပါသည်။
            နောက်အမှတ်ရနေသည့် နာရီမှာ အဖေ့ကို ကျွန်တ်ာလက်ဆောင်ပေးခဲ့သော Mido အမျိုးအစားနာရီဖြစ်သည်။ အဖေက မပတ်။ တန်ဖိုးကြီးလှသည်ဟုဆိုကာ ၀ယ်လာသည့်ဘူးအတိုင်းပင်သိမ်းဆည်းထားသည်။ အဖေ့အတွက်ရည်စူး ၀ယ်လာတာမို့ ပတ်ပေးပါဟု တောင်းတောင်း ပန်ပန်ပြောပါမှ တစ်ခါနှစ်ခါ ထုတ်ပတ်သည်။ အဖေကွယ်လွန်ပြီးနောက် သူ့ကို သတိတရရှိသောအခါမျိုးတွင် ထိုနာရီကို ကျွန်တော်ထုတ်ပတ်လေ့ရှိ၏။ တစ်ရက်သားမှာ ထုကြီးထည်ကြီးရှိလှသော Mido နာရီပတ်ထားသည်ကို ဆရာဆူဒိုနင်မြင်တော့ မောင်ရင်တို့ထားဝယ်သားတွေဒီနာရီမျိုးသိပ်ကြိုက်ကြတယ်၊ ထားဝယ် တောသူဌေးကြိုက်ဟုဆိုသည်။ ခင်မင်သူရင်းမို့ မြို့သားက တောသားကို “ဟား”ခြင်းဖြစ်သည်။ နောက်ပြောင် ကျီစယ်ခြင်း ဖြစ်သည်။ သူ့အဆိုမမှားပါ။ အဖေတို့ခေတ်က ထားဝယ်သားများ ထိုအမျိုးအစားနာရီကို အပြိုင်အဆိုင် နှစ်နှစ်သက်သက် ပတ်ကြတာ ကျွန်တော်အမှတ်ရနေပါသည်။
ကျွန်တော့်သား ဆယ်တန်းရောက်တော့ “ဒါ မင်းအဖိုးနာရီ”ဟု ပြောကာ နာရီကိုလက်ထဲဆုပ်ကိုင်လွှဲရမ်းလျှင်ရသည့် သံပတ်တုံး၏ တုန်ခါမှုအထိအတွေ့နှင့် ထွက်ပေါ်လာသော တကျိကျိအသံအကြောင်း လက်တွေ့မိတ်ဆက်ပြသည်။ သူ အတော် သဘောကျသွားသည်။ “မင်းပတ်မလား”ဆိုတော့ လိုလိုလားလား ပတ်မည်ဟုဆိုသည်။ သို့နှင့် နာရီလေးကို သူ့လက်မှာပတ်ပေးခဲ့သည်။ “မင်းလက်သေးသေးလေးနဲ့စာရင် ကြိုးက နည်းနည်းရှည်နေတယ်။ နာရီဆိုင်မှာ သွားတိုင်းပြီး ဖြတ်လိုက်။ ကိုယ့်ဖာကိုယ်မဖြတ်နဲ့”ဟု မှာခဲ့သေးသည်။ ကျွန်တော်အလုပ်နှင့် ခရီးထွက်ရာက ပြန်တော့ နာရီလက်ပတ်ကြိုး အတိုအစ အပိုင်းအပြတ်များ စားပွဲပေါ်တွင် ဟိုတစ်စ သည်တစ်စ ဖြစ်နှင့်ပြီ။ သူ့လက်မှာလည်း သူပတ်လက်စ ဒစ်ဂျစ်တယ် နာရီနက်ကလေးက နဂိုနေမပျက်နေရာယူလျက်။ အကောင်းတိုင်းကျန်နေသေးသောနာရီအိမ်ကို သူ့ဘူးထဲ သူပြန်သွင်းရ သည်။ သိမ်းရသည်။ ထိုကြိုးမပါတော့သော နာရီအိမ်လေးကို ဘူးထဲပြန်သွင်း နေရာချသိမ်းဆည်းနေရသည့်အခိုက်သည် အဖေနေမကောင်းဖြစ်စဉ်က သူ့ကုတင်တွင် ပြန်သိပ်ရပေးရသော ညများစွာကိုသတိရစေခဲ့သည်။ မည်သို့ဆိုစေ ထိုနာရီလေး ကတော့ ထားဝယ်သားမျိုးဆက်သုံးခု အကြောင်းကို တစေ့တစောင်းတော့ ပြောပြနိုင်တော့မည်ဖြစ်၏။ အဖိုးမှသည် မြေးအထိ ထိုနာရီတစ်လုံးတည်းကို ပတ်ဖူးခဲ့ ကြပြီ။

ကျွန်တော်တို့အိမ်တွင် နာရီအစုဆုံးသူကို လက်ညှိုးညွှန်ရလျှင် ကျွန်တော့်“အိမ်သူ”မှလွဲ၍ အခြားသူမဖြစ်နိုင်။ သူ့ ၀ါသနာက တစ်မျိုး။ သူက လက်ပတ်နာရီများကို မချစ်၊ တိုင်ကပ်၊ နံရံချိပ်၊ စားပွဲတင် နာရီများပေါ်တွင်သာ အာရုံညွတ်သည်။ စတုရန်းပေခြောက်ရာကျော်သာရှိသော အခန်းလေးထဲတွင် နာရီဆယ်လုံးခန့် ချိပ်ဆွဲထောင်မတ်ပေးထားတတ်သူဖြစ်သည်။ သူ့သမီးနှင့်သားအား အချိန်ဖြင့် အလုပ်လုပ်စေလိုသည်။ အချိန်အပေါ်တန်ဖိုးထားစေလိုသည်။ ပါးစပ်ဖြင့်ပြောရသည်ကို အားမရသောကြောင့် အိမ်နံရံများအနှံ့ နာရီများ ချိပ်ဆွဲပေးထားသည်။ ဧည့်ခန်း၊ အိပ်ခန်း၊ မီးဖိုခန်း၊ ရေချိုးခန်း။ တစ်ခန်းမှ နာရီလွတ်သည့်နေရာမရှိ။ တစ်ချို့အခန်းများတွင် ချိပ်ဆွဲထားသော/ထောင်မတ်ထားသော နာရီသည် နှစ်လုံးအထက်ရှိသည်။ အိမ်သာနံရံများသာ သူ့နာရီများ ချိပ်ဆွဲတွယ်ဖက်မှုဘေးမှ ကင်းဝေးခဲ့ကြသည်။ ရေချိုးခန်းထဲကနာရီဆိုလျှင် တပ်ဆင်ပြီးကာစ မှာသာ အလုပ်လုပ်သည်။ တစ်ပတ်နှစ်ပတ်ကြာလျှင် ရေငွေ့ရိုက်ပြီး၊နာရီက ရပ်သွားတတ်သည်။ ထိုအခါ၊ သူကိုယ်တိုင်ပြုပြင် သည်။ သုံးလေးခါ ပြုပြင်ပြီးနောက် သူလက်လျှော့သွားသောအခါ ရေချိုးခန်းနံရံတွင် အသက်မဲ့သောနာရီသာ ထီးထီးကျန် တော့သည်။
ထိုသို့ နာရီများစွာ သံစုံကြူးလျက်မင်းမူနေသော ကျွန်တော်တို့အိမ်ခန်းလေးတွင် မနက်မိုးလင်းလျှင် ကျောင်းချိန် မီဖို့ ကလေးတွေကို နှိုးကြရသည့် နှိုးစက်မှာ သူနှင့်ကျွန်တော်သာဖြစ်သည်။ ကျွန်တော်တို့ ကိုယ်တိုင်သည် သက်ရှိနာရီများ ဖြစ်နေကြရပြန်တော့သည်။ ရေချိုးချိန်၊ အိမ်သာတက်ချိန်ကြာလျှင် (ကလေးများက အိပ်ရေးမ၀လျှင် ရေချိုးခန်းနှင့် အိမ်သာ များထဲတွင် ငိုက်မြည်း အချိန်ကုန်နေတတ်သည်) ခုနှစ်သံချီဖြင့် အော်ဟစ်သတိပေးနေရသူမှာလည်း သူသာလျှင်ဖြစ်သည်။  နာရီပြင်ဆရာတစ်ယောက်၏အိမ်နှင့်တူယောင်ရှိအောင် ဆင်ယင်ထားသော ကျွန်တော်တို့အိမ်၏ အတိအကျဆုံးသောနာရီမှာ ပါးစပ်က အမိန့်သံထွက်တတ်သော ကျွန်တော့်အိမ်သူသာဖြစ်၏။ ကျွန်တော်တို့မိသားစုသည် ရယ်စရာလည်းကောင်း မောစရာလည်းကောင်းသော နာရီပေါင်းများစွာနှင့်အတူ နှစ်ပေါင်း များစွာကို ဖြတ်သန်းချီတက်ခဲ့ကြဖူးပြီ။
            လွန်ခဲ့သော ဒီဇင်ဘာက မိုင်ထောင်ချီဝေးသောအရပ်တွင် အလုပ်လုပ်နေသူ သမီးက၊ လက်ပတ်နာရီတစ်လုံး ပို့လိုက်သည်။ ကျွန်တော့်အတွက် သူ့လုပ်ခလစာများကို စုဆောင်းဝယ်ယူပေးလိုက်သော အမှတ်တရ လက်ဆောင်ဖြစ် သည်။ အချိန်မီပေးလိုသောပစ္စည်းအတွက် လူကြုံပါးရခက်၍ထင်သည်။ နာရီက အလုံးလိုက်အရင်ရောက်လာသည်။ နာရီ ထည့်ထားသောဘူးခွံကို သူခွင့်ပြန်လာချိန်မှယူလာပေးမည်ဟု မှာလိုက်သည်။ (သူပြန်လာသောအခါ၊ နာရီမပါသော ဧရာမ ဘူးခွံကြီးတစ်ခု သူနှင့်အတူသယ်ဆောင်လာသည်။) နာရီက Tissotအမျိုးအစား။ ''Only 8888 limited edition sets were produced in 2003 to commemorate the 150th anniversary of the firm since 1853.'' ဟူသောစာတမ်းလေးကို ဖတ်မိတော့ ဘ၀မှာ အရေးပါတဲ့အချိန်တွေဟာ ရှစ်ဂဏန်းတွေနဲ့ကို မလွတ်ကင်းနိုင်ပါလား တွေးမိရင်း ပြုံးမိသေး၏။ ကုမ္ပဏီ တည်ထောင်ခြင်း အနှစ်(၁၅၀)ပြည့်အထိမ်းအမှတ်၊ အလုံးရေအကန့်အသတ်ဖြင့်သာ ထုတ်ဝေသော နာရီ။ ဈေးအလွန်ကြီး မည်ဟု ခန့်မှန်းမိသည်။ သူ ရသည့်လခ တစ်လစာဖြင့်ပင် သည်နာရီမျိုးဝယ်နိုင်လိမ့်မည်မထင်။ သမီးအိမ်ပြန်မရောက်ခင် အထိ နာရီကို ကျွန်တော်အသုံးမပြု။
သမီးခွင့်ပြန်လာသည်။ သူအိမ်ပြန်ရောက်သည့် ညမှ ကျွန်တော်လည်း ခရီးက ပြန်ရောက်ရသည်။ ကျွန်တော်က မနက်ဖြန်အလုပ်ဖြင့် ခရီးဆက်ထွက်ရမည်။ တစ်နှစ်တာအတွင်း ပထမဆုံးပြန်လည်ဆုံတွေ့ရသော သားအဖနှစ်ယောက် တွေ့ရချိန်သည် (၂၄)နာရီပင်မပြည့်တတ်။ ထိုအချိန်လေးတွင် သူ့လက်ဆောင် နာရီကို သူ့လက်ဖြင့်ပတ်ပေးခဲ့သည်။ ကျွန်တော့် လက်ကောက်ဝတ်တွင် သူ့ချွေးနည်းစာနာရီလေးကိုပတ်ပေးနေချိန်တွင် သူပီတိ ဖြစ်နေလိမ့်မည်မှာသေချာ သည်။ ကျွန်တော်လည်း ပီတိစိတ်ဖြင့်ကြည်နူးနေခဲ့သည်။ ထိုအချိန်အခိုက်အတန့်လေး၌အဖေ့အတွက် (တစ်သက်တွင် တစ်လုံး တည်းသာ) ၀ယ်ပေးဖြစ်ခဲ့ဖူးသော နာရီလေးဆီ ကျွန်တော် စိတ်ရောက်နေသည်။ ထိုနာရီကို အဖေ့လက်တွင် ကျွန်တော် ပတ်ပေးခဲ့စဉ်က အဖေလည်း ယခု ကျွန်တော်ခံစားနေရသော ပီတိမျိုး ရရှိနေလေ မလားဟု တွေးနေမိသည်။ တစ်ခါတရံ (ပြန်မရနိုင်တော့သောအတိတ်တို့တွင် ရှိခဲ့/ရခဲ့ဖူးသည့်) ပီတိစိတ်များသည် ကြေကွဲစရာကောင်းအောင် လွမ်းစရာ ဇာတ်များအဖြစ် အာရုံတွင်ပြန်လည်ကပြ အသုံးတော်ခံတတ်ပုံရသည်။
နေထိုင်ခွင့်အနည်းငယ်သာကျန်တော့သော လာမည့်ခုနှစ်သက္ကရာဇ်များအတွင်း နောက်ထပ် မည်သည့်နာရီမျိုး နှင့် ကြုံတွေ့ရဦးမည်ကို ကျွန်တော်မသိပါ။ သို့သော် ယခုကြုံဆုံခဲ့ရပြီးဖြစ်သော နာရီများနှင့်ပင် ကျွန်တော့်ဘ၀သည် လွမ်းဖို့ရော၊ ကြည်နူးဖို့ပါ လုံလောက်နေပြီ။ အချိန်ကို ကျွန်တော်မပိုင်ဆိုင်ပါ။ “နာရီ”အလုံးတော်တော်များများကိုတော့ ပိုင်ဆိုင်ခဲ့ဖူးပါ သည်။ ကျွန်တော်ပိုင်ဆိုင်သောနာရီများထဲတွင် အချိန်များပါဝင်နေနိုင်သည်။ နာရီထဲမှာ အချိန်တွေကို ထည့်သိုလှောင်ထား သည်လား၊ သိုှု့မဟုတ်၊ အချိန်တွေက သူ့ကိုရေတွက်စောင့်ကြည့်နေကြသည့် နာရီများကို ထုပ်ပိုးသိမ်းဆည်းထားသည်လား ဟူသည့် ခပ်ကြောင်ကြောင်မေးခွန်းများလည်း ကျွန်တော့်ခေါင်းထဲ ၀င်ရောက်လာတတ်ပါသေးသည်။ သို့သော် ကျွန်တော့် ဘ၀ထဲကနာရီများအတွင်းရှိ အချိန်များသည် ပစ္စုပ္ဗန်ထဲတွင်ရှိမနေ၊ အနာဂတ်ဆီသို့လည်းမသွား။ အတိတ်၏ ခုနှစ်သက္ကရာဇ် များနှင့်အဖြစ်အပျက်များထဲတွင်သာ ၀ဲလှည့်နေသည်။ ထိုနာရီများထဲတွင် သံယောဇဉ်များပါ၏။ ကြေကွဲရမှုများရှိ၏။ အားနာ ကျေးဇူးတင်ရမှုများပါ၏။ ပီတိများနှင့်လည်းပြည့်လျှံနေသည်။ အမှတ်ရမှုများ နက်နက်ရှိုင်းရှိုင်းဝင်ရောက်စွဲကပ်နေသည်။ ထို နာရီများထဲမှ အချိန်များ ခုန်ထွက်နေသည်။ ခုန်ထွက်လာသမျှသော အချိန်များသည် အတိတ်ကာလများသာဖြစ်ကြသည်။ ထိုထွက်ကျလာနေသော အချိန်များသည် ကျွန်တော့်နှလုံးကို ခုန်စေသည်။ ကျွန်တော်နှလုံးခုန်မရပ်ခင်အချိန်ထိ ဘ၀ထဲက နာရီများသည်လည်း ကျွန်တော့်နှလုံးစည်းချက်နှင့်အညီ ခုန်လှုပ်လိုက်ပါနေဦးမည်ဟု ယုံကြည်နေမိတော့သည်။
ကျွန်တော်တို့သည် ဘ၀၏ လက်ကျန်အချိန်များကို နှစ်သက်စွာချစ်ခင်နေကြရုံမှတစ်ပါး၊ အခြားမရှိပြီ။

ငြိမ်းအေးအိမ်
၂၀၁၁ ဇန်န၀ါရီ ၂၅ရက်။
၁၃း၀၇နာရီ။ နေပြည်တော်။