ကျွန်တော်တို့သည်
အချိန်ကြည့်ရန်သက်သက် ဖန်တီးထားသော
နာရီများစွာကိုပိုင်ဆိုင်နိုင်ကြပါသည်။ သို့သော် အချိန်များကိုတော့
မပိုင်ဆိုင်ပါ။ မပိုင်ဆိုင်နိုင်ပါ။ ပိုင်ဆိုင်ခွင့်မရရှိခဲ့ကြပါ။
ဝယ်ယူစုဆောင်း၍မရနိုင်သလို
ပိုင်ဆိုင်ခွင့်လည်းမရှိသောအချိန်များကို
ရေတွက်စောင့်ကြည့်ရန်အသုံးပြုသည့် နာရီ
များကိုတော့ကျွန်တော်တို့ပိုင်ဆိုင်ခဲ့ကြဖူးပါလိမ့်မည်။
ကျွန်တော့်ဘ၀ထဲက နာရီအချို့ကတော့အချိန်ကိုကြည့်ရန်သက်သက် မဟုတ်ပဲ၊
ဖြတ်သန်းလာခဲ့ရဖူးသော ကိုယ့်ဘ၀ကို ကိုယ်ပြန်ကြည့်ရန် (သို့မဟုတ်)
ပြန်လွမ်းတ,သရန် ဖလင်လ်ိပ်များ ဖြစ်နေ တတ်သေးကြောင်း
ကျွန်တော်မေ့လျော့နေခဲ့သည်။ နာရီများအကြောင်း ပြန်တွေးမိ၊သတိရမိတိုင်း
ကျော်လွန်ခဲ့ပြီးဖြစ်သော ဘ၀မှတ်တိုင်များ တဖြတ်ဖြတ်ခုန်ကာ
သက်ဝင်လှုပ်ရှားလာတတ်၏။ နာရီများသည် ကျွန်တော့်အတွက် အတိတ်ဆီသို့
(စိတ်ဖြင့်) အချိန်မရွေးသွားလာနိုင်သော ကာလယန္တရားတစ်ခုလည်း
ဖြစ်နေတတ်ပြန်ပါသေးသည်။
ကျွန်တော့်ဘ၀တွင်
လက်ပတ်နာရီအတော်များများ ပိုင်ဆိုင်ခဲ့ဖူးသည်။ သို့သော် နာရီမှန်သမျှ
ဝယ်ယူစုဆောင်း ရခြင်းတွင် ကျေနပ်နှစ်သက်နေတတ်သော
နာရီစုဆောင်းသူတစ်ဦးတော့ မဟုတ်ခဲ့ပါ။ ရှင်းရှင်းဆိုရလျှင်
နာရီရူးတစ်ယောက် မဟုတ်ခဲ့။
တိုင်ကပ်နာရီများကိုမူ
အချိန်ကြည့်လိုလျှင် သူများကပ်ထားသည်များမှ လှမ်းလှည့်ကြည့်မိယုံသာ
စိတ်ဝင်စားခဲ့သူ ဖြစ်၏။ တစ်သက်တွင် ကိုယ်တိုင်ဝယ်ဖူးသော တိုင်ကပ်နာရီ
တစ်လုံးသာရှိဖူး၏။ နာရီအမျိုးအစားကောင်းလွန်း၍မဟုတ်။ ပန်းထိုးထားသော
အိုးတစ်လုံးကို သက်ငြိမ်ပန်းချီကားအဖြစ် နောက်ခံဖွဲ့စည်းထားမှုက ထိုနာရီအား
ကိုယ်တိုင်ဝယ်ယူ ဖြစ်စေရန် ကျွန်တော့်ကို တိုက်တွန်းလှုံ့ဆော်ခဲ့သည်။
ကျွန်တော်သည် နာရီတစ်လုံးကို ၀ယ်ခဲ့သည်လား။ ကိုယ်နှစ်သက်သော
ပန်းချီကားတစ်ချပ်ကို ၀ယ်ခဲ့သည်လားဆိုသည်ကို ယခုတိုင်ဝေး၀ါးနေဆဲ။
အချိန်တန်လျှင် “ဓာတ်ခဲလဲပေးရုံမျှဖြင့် ထိုနာရီ သည်
နှစ်ပေါင်းနှစ်ဆယ်ကျော်ကြာမြင့်ချိန်ထိ ကျွန်တော့်အိမ်နံရံတွင်ချိပ်ဆွဲလျက်
အသုံးတော်ခံတုန်း။ ကျွန်တော်ကလည်း အခွင့်သင့်တိုင်းသူ့ကိုကြည့်တုန်း။
ကြည့်တိုင်း ရှုမ၀ဖြစ်နေတုန်း။ ထိုနာရီသည် နာရီတစ်လုံး၏အလုပ်ထက် ပိုသော
တာဝန်ကို ထမ်းဆောင်နေသလို ကျွန်တော်ကလည်း နာရီကို
နာရီတစ်လုံး၏သုံးရည်တန်ဖိုးထက် ပိုလွန်အသုံးချနေသူ တစ်ယောက်
ဖြစ်နေခဲ့သည်။
ကျွန်တော် ပထမဆုံးပိုင်ဆိုင်ခဲ့ဖူးသည့်
နာရီမှာ ကိုးတန်းအောင်တုန်းက အဖေ၀ယ်ပေးခဲ့သော လက်ပတ်နာရီ လေးဖြစ်မည်။Seiko
တံဆိပ်ဖြစ်၏။ လက်မှာပတ်ထားမှ သံပတ်ဝင်ကာ အလုပ်လုပ်သည်။ နာရီလေးကို
လက်ထဲထည့်ပြီး ထက်အောက်လွှဲကြည့်လျှင် သံပတ်အလေးတုံး၏ လွှဲရမ်းသံ
တကျိကျိကြားရတတ်သည်။ ထိုအသံနှင့်အတူ လက်ထဲတွင် ခံစားရသောထိတွေ့မှုအရသာကို
ကျွန်တော် အလွန်သဘောတွေ့ခဲ့ဖူး၏။ ယခုလည်း ထိုသို့သော နာရီမျိုးတွေ့လျှင်
နာရီကို လက်ထဲဆုပ်လျက် ကျွန်တော်လွဲရမ်း ကစားနေလေ့ရှိတုန်း။ ငယ်ကျင့်က
ကြီးသည်အထိ ပါလာနေဟန်တူသည်။
တကယ်တော့ ကျွန်တော်သည်
ခန္ဓာကိုယ်ပေါ်တွင် မည်သည့်အပိုပစ္စည်းမျှ တင်မထား/တပ်မထားလိုသော လူပျင်း
တစ်ယောက်သာ ဖြစ်၏။ ကျွန်တော့်မှာ လက်ပတ်နာရီမပိုင်ဆိုင်ခင်က
အိမ်ကစားပွဲတင်နာရီကို စာမေးပွဲခန်းထဲသို့ ယူသွား ကာ ဖြေဆိုခဲ့ဖူးသည်။
ကျွန်တော့်ယူသွားသောနာရီကိုကြည့်ကာ လူများ ၀ိုင်းရယ်မောကြသည်။ သူတို့
ဘာ့ကြောင့် ရယ်မော ကြသည်ကို ကျွန်တော်သဘောမပေါက်ခဲ့။ အချိန်
ကြည့်ဖို့အတွက်ဆိုလျှင် ဘာနာရီ ယူကြည့်ကြည့်မရဘူးလားဟု သူတို့ကို စိတ်ထဲက
ပြန်ပြောဖြစ်ခဲ့သည်။ ထိုစဉ်က ကျွန်တော့်အတန်းဖေါ် အားလုံးလိုလိုမှာ
လက်ပတ်နာရီကိုယ်စီနှင့်ဖြစ်ကြ၏။ နာရီ အမျိုးအစားအမျိုးအမျိုးသည်
သူ့နေရာနှင့်သူသုံးရန်၊ တန်ဆာဆင်ရန်ဖြစ်သည် ဆိုသည့်အကြောင်း
ကျွန်တော်မတွေးမိ။ ခုနေချိန်မှ ထိုစဉ်ကအကြောင်းများ ပြန်တွေးမိတော့
ရယ်ဟဟဖြစ်မိသည်။ ဟုတ်ပေသားပဲ။ ဧည့်ခန်းထဲတွင် လက်ပတ်နာရီ
သေးသေးလေးချိပ်ထားပြီး အချိန်ကြည့်ဖို့ မသင့်လျော်သလို၊ စာမေးပွဲခန်းထဲသို့
ဘုန်းကြီးကျောင်းက မတ်ရပ်နာရီကြီး သယ်,မသွားဖို့မှ မသင့်ပေပဲ။
နာရီတစ်လုံးမျှ မပိုင်ဆိုင်ဘူးခင်ကတည်းက ကျွန်တော့်နားထဲတွင်
အမြဲယဉ်ပါးနေသော အသံနာရီများရှိနှင့်ခဲ့သည်။ ထိုအသံနာရီများသည်
ဘုန်းကြီးကျောင်းမှ အုန်းမောင်းခေါက်သံများ၊ ကင်းတဲမှ နာရီမှတ်
သံချောင်းရိုက်သံများ၊ နေ့စဉ်မပျက် တွန်ကြူးတတ်သော ကြက်ဖများ၏
တွန်သံများဖြစ်သည်။ အိမ်၏စည်းမျဉ်းစည်းကမ်းများအရ ကင်းတဲ
နာရီသံချောင်းခေါက်သံ ကိုးချက်ထွက်ပေါ်လာလျှင်၊
ကျွန်တော်စာကျက်စားပွဲကနားခွင့်ရပြီ။ အိပ်ရာဝင်ခွင့်ရပြီ။ ကလေးပီပီ
ငိုက်မြည်းနေတတ်သော မျက်လုံးများအတွက် ထိုနာရီသံချောင်းသည် မင်္ဂလာရှိလှ၏။
တစ်ရက်တာ တန်းဖြုတ်ချိန်ဖြစ်၏။ ညဥ့်ဦးယံ အိပ်စက်တေး ဖြစ်၏။
ညကိုးနာရီသံချောင်းခေါက်သံများကို ကျွန်တော်ရွှေချ သိမ်းဆည်းထားခဲ့ဖူးသော
ငယ်ဘ၀ဖြစ်သည်။
ဘူးနဲ့ထည့်ထားတဲ့
နာရီက ဆုံးသွားတဲ့ ကျွန်တော့်အဖေပတ်ခဲ့တဲ့နာရီပါ။ (အမှတ်တရသိမ်းထားတာ)
ချိပ်ထားတာက ခရီးကြမ်းတွေမနားတမ်း သွားရတတ်တဲ့ ကျွန်တော့်ရဲ့ တောတက်နာရီပါ။
မြို့ရောက်ရင် ရွှေရောင်အိုး၊ သားရေကြိုးလေးကို ပတ်ပါတယ်။
လမ်းလျှောက်ဖြစ်ရင်တော့ အပေါစား တရုတ်နာရီလေးကို သုံးပါတယ်။ ဘ၀မှာ
ပိုင်သမျှနာရီများ (တိုင်ကပ်နာရီ/စားပွဲတင်နာရီမပါ) ပါ။ အချိန်တွေကို
ဝယ်လို့မရဘူးဆိုတဲ့ အတွေးနဲ့ ဒီပုံလေးကို ရိုက်ဖြစ်ပါတယ်။
ကြက်ဖတွန်သံကြားလျှင်၊
အဖွားက ဆွမ်းထချက်ပြီ။ သြကာသ သြကာသ သြကာသနှင့် ကြေးစည် တနောင်နောင်
ထုသည်။ တုံးမောင်းခေါက်သံကြားလျှင် ဆွမ်းခံကြွမည်ကိုယ်တော်များ
မကြာခင်လာတော့မည်မို့ ဆွမ်းလောင်းဖို့ အဖွား ပြင်ဆင်နေတော့သည်။
ကျွန်တော်တို့ တောနာရီများမှာ သံပတ်မပါ၊ ဓါတ်ခဲမရှိ။ သို့သော်လည်း
ရာသီမရွေးအချိန်မှန်လှ ၏။ တောနာရီသံများ ဖျားနာပျက်ကွက်သည်ကို
ကျွန်တော်မကြားခဲ့ရဘူး။ ရိုးရှင်းသော အသံနာရီများသည် ရိုးစင်းသော တောနေ
လူ့အဖွဲ့အစည်းနှင့် အပ်စပ်အသားကျလှသည်။ နေ့ညမပြတ် ကားသံလူသံ
တဝေါဝေါဆူညံလှသောမြို့ကြီးပြကြီးများတွင် နှစ်လရှည်စွာနေထိုင်ရချိန်တွင်
တောနာရီသံများကိုလွမ်းလွန်းလှတော့သည်။
သည်လိုနှင့်ဆယ်တန်းတံတိုင်းကိုခုန်ကျော်နိုင်ခဲ့ပြီး၊သည့်ထက်မြင့်မားသော
အတန်းပညာရပ်များကိုဆည်းပူးချိန် နှစ်ကာလများတွင် ဘယ်လိုလက်ပတ်နာရီမျိုးကို
ကျွန်တော်ပိုင်ဆိုင်ခဲ့ဖူးကြောင်း ပြန်အမှတ်မရတော့။ လူပျိုပေါက်အရွယ်
ကောင်လေးတစ်ယောက်အဖို့ အဆင်တန်ဆာအတွက်ဖြစ်စေ၊ သုံးရည်တန်ဖိုးအတွက်ဖြစ်စေ၊
တန်ဖိုးကြီးလက်ဝတ်ရတနာ တစ်မျိုးအဖြစ် ဖြစ်စေ ၀တ်ဆင်ခဲ့တတ်ကြသော
နာရီတစ်မျိုးမျိုးကိုတော့ အမှတ်ရနေဖို့ ကောင်းသည်မဟုတ်ပါလား။ သို့သော်
ထိုစဉ်က ကျွန်တော်ဘယ်အမျိုးအစား၊ ဘယ်လိုနာရီဝတ်ဆင်ခဲ့ကြောင်းကို
မည်သို့ပင်ပြန်စဉ်းစားစဉ်းစား မမှတ်မိတော့ပါ။
ကျောင်းသားဘ၀တွင် ထောင်တန်းကျခဲ့ရသည့်အခါ ကျွန်တော့်လက်တွင်
နာရီတစ်လုံးတော့ ပါသွားမည်မှာ သေချာ သည်။ ပြန်လွတ်လာတော့လည်း
သူတို့သိမ်းဆည်းထားရာမှ ပြန်ထုတ်ပေးလိုက်ကြမည်မှာသေချာသည်။ သို့သော်
ထိုနာရီ ၏အမျုိုးအမည်မဆိုထားနှင့် ကျွန်တော့်လက်တွင် ထောင်ထဲကနာရီ ပြန်ပါလာ
မပါလာကို ယနေ့အထိ ကျွန်တော် မမှတ်မိ။ ပြန်ထွက်လာ(လွတ်လာ)သောနေ့က
ကျွန်တော့်လက်တွင် ကျစ်ကျစ်ပါအောင်ဆုပ်ကိုင်လာခဲ့သည်မှာ
ကျွန်တော်ရေချိုးလျှင်၊ ရေနွေးခိုးကြိုလျှင်၊ဟင်းခိုးချက်လျှင်အသုံးပြုသော
မည်းနက်ပိန်ရှုံ့နေပြီဖြစ်သည့် ဒန်ဖလားတစ်လုံးနှင့် ဆရာကြီးဗန်းမော်
တင်အောင် ကိုးကိုးကျွန်းတွင် ၀တ်ဆင်ခဲ့သည်ဟုဆိုသော
(ထိုအင်္ကျီ
ကျွန်တော့်ထံ မည်သို့ရောက်လာခဲ့သည်ကို မမှတ်မိ တော့၊ ဆရာကြီး၏သား
ကိုဗဟိန်းအောင်ထံကလား၊ ကြားတစ်ဆင့်ခံဆီကလား မပြောတတ်၊မမှတ်မိတော့ပါ။)
စုတ်ပြဲနေသည့် ရှပ်အင်္ကျီ တစ်ထည်သာ ဖြစ်သည်။ အိမ်ရောက်တော့ အဖေ့ကို
‘ဒန်ဖလားလေးနှင့်အင်္ကျီ၏ ဇာတ်ကြောင်းပြောပြတော့ အဖေက ထိုပစ္စည်းများကို
တယုတယသိမ်းဆည်းပါသည်။ အဖေသည် ဆရာဗန်းမော်တင်အောင်အား လေးစားကြည်ညို
ယုံမျှမက သူတို့နှစ်ဦးသည် ရင်းနှီးသောမိတ်ဆွေရင်းချာ၊ ယုံကြည်ချက်တူ
ရဲဘော်ရဲဘက်များ ဖြစ်နေသောကြောင့်ဖြစ်သည်။ 'ဒါတွေဟာ
သမိုင်းတန်ဖိုးကြီးတယ်ကွ' ဟု အဖေပြောခဲ့သောစကားသံကို ကျွန်တော် ယနေ့အထိ
ကြားယောင်နေမိသေးသည်။ နှစ်ပေါင်းများစွာကြာပြီးနောက် အခြေအနေများ၊
နေရာဒေသများ မြောက်များစွာ ပြောင်းရွှေ့ခဲ့ရပြီးသည့်နောက် ထိုပစ္စည်းများ
(အဖေ့စကားအတိုင်းဆိုရလျှင် သမိုင်းတန်ဖိုးများ) ကျွန်တော့်ထံတွင်
မကျန်ရစ်တော့ပါ။ အဖေတိမ်းပါးသွားသည်ပင် (၁၇)နှစ် ကျော်ခဲ့ပြီ။
နာရီများအကြောင်းတွေးတိုင်း ကျွန်တော့်အာရုံရိပ်တွင် နာရီတစ်လုံး
အမြဲပါလာလေ့ရှိသည်။ ထိုနာရီသည် ကျွန်တော့် သူငယ်ချင်း 'ဂျွန်' ပတ်လေ့ရှိသော
အိန္ဒိယလုပ် သားရေကြိုးတတ် ရွှေရောင်လက်ပတ်နာရီလေးပင် ဖြစ်သည်။ မည်သည့်
အတွက် နှစ်ပေါင်းများစွာ ကြာအောင် ထိုနာရီလေးက ကျွန်တော့်ကို
စိုးမိုးနေသည်ကို ကျွန်တော်လည်း မစဉ်းစားတတ်ပါ။
ထိုနာရီလေးတွင်ကျွန်တော်တို့သူငယ်ချင်းနှစ်ဦး၏ ဘ၀များအတွင်း
ထဲထဲဝင်ဝင်ပတ်သက်ခဲ့ဖူးသည့် ဇာတ်လမ်းမရှိ။ သို့သော် ထိုနာရီလေးကို
ကျွန်တော် အမြဲတစေ သတိရနေတတ်သည်။ “ဂျွန်”နှင့်ကျွန်တော်
ခရီးအဝေးကြီးတစ်ခုကို သက်စွန့်ဆံဖျား အတူထွက်ခဲ့ကြရဖူးသည်။
နှစ်အချို့ကွဲကွာသွားကြပြီးမှပြန်တွေ့ဆုံကြချိန်၊
နယ်စပ်ချောင်းလေးတစ်ခုတွင် အတူရေးချိုးကြခိုက် ထိုနာရီအကြောင်း သူ့ကို
ကျွန်တော် မေးမိသေးသည်။ သို့သော် သူ့လက်တွင် ထိုနာရီမရှိတော့၊
နာရီပိုင်ရှင် “ဂျွန်”ကိုယ်တိုင် ထိုနာရီကို
မေ့လျော့နေလောက်ပြီဖြစ်သည်။ ကျွန်တော်ကတော့ “ဂျွန်”၏အသားညိုညို
လက်ဖျံပြားပြားပေါ်တွင် ပတ်ထားလေ့ ရှိသော ထိုနာရီလေးကို ယနေ့တိုင်သတိရဆဲ။
ကျွန်တော်သည် ထိုရွှေရောင်နာရီကိုချစ်ခဲ့သည်လော သူငယ်ချင်းအပေါ် သံယောဇဉ်
ကြီးခဲ့သည်လော ယခုထိ မခွဲခြားနိုင်။
ဘ၀တွင် နောက်ထပ်
မှတ်မှတ်ရရဖြစ်စရာ နာရီလေးတစ်လုံးရှိခဲ့ဖူးပြန်သည်။
ထိုနာရီသည်Citizenအမျိုးအစားဖြစ်၏်။ သံပတ်နာရီတော့မဟုတ်။ နေ့လရက်အပြင်
အချိန်မှတ်ဒိုင်ခွက်ပါသည်။ အပူချိန်ပြဂဏန်းပါသည်။ ၈၅ခုနှစ်လောက်က
နယ်စပ်တွင် ကျပ်နှစ်သောင်းလောက်တန်သည်ဟုဆိုသော နာရီဖြစ်သည်။ တကယ်တော့
နှစ်ထောင်ကျပ်သာ တန်ကောင်း တန်မည်။ ခေတ်ပေါ်ပစ္စည်းများ ဈေးနှုန်းများကို
စိုးစဉ်းမျှမသိသည့် ကျွန်တော်တို့တောတွင်းသားများ လိမ်လည်ခံခဲ့ရခြင်း လည်း
ဖြစ်နိုင်ပါသည်။ ထိုစဉ်က ကျွန်တော့်လစာမှာ မြန်မာငွေ တစ်ဆယ်ကျပ်သာ ဖြစ်၏။
ဤနာရီရပုံက ဆန်းသည်။ ရှမ်းပြည်မြောက်ပိုင်းက “ကောင်းတပ်”ဟူသောရွာလေးနားက
တောထဲတွင် ကျွန်တော်တို့ စခန်းချ အလုပ်လုပ်နေစဉ်ဖြစ်သည်။ တစ်ဖွဲ့လုံး၏
စားနပ်ရိက္ခာများ၊ အိုးခွက်များ(ပန်းကန်မပါ/ ၀ါးဆစ်ဗူးများ၊ ဖက်ရွက် များသည်
ပန်းကန်ဖြစ်သည်)ကို ကျွန်တော့်အိပ်ရာခြေရင်းတွင်
ဝါးစင်လေးထိုး၍သိမ်းကြသည်။ ညစဉ်အိပ်မရလောက်အောင် ထိုဝါးစင်လေးက
တဒုန်းဒုန်းတဂွမ်းဂွမ်းဆူညံနေလေ့ရှိသည်။ စားကြွင်းစားကျန်များ၊ အထူးသဖြင့်
အသားများငါးများကို တောကြောင်လာဆွဲခြင်းဖြစ်၏။ ပထမညတော့ ကြောင်မှန်းမသိ။
ဓါတ်မီးထိုးသည်နှင့် အမြီးပင်မမြင်ရအောင် ပျောက်သွား တတ်သော
အတော်မြန်ဆန်သည့် အကောင်များဖြစ်သည်။ ဘာကောင်ဝင်ဆွဲလဲဟုသာ ပဟေဋိဖြစ်နေရသည်။
မောင်းထုတ် လည်းမရ။ မကြောက်။ နောက်ညများတွင်လည်း လာဆွဲမြဲ။ နောက်တော့
သည်းမခံနိုင်။ ကိုယ့်အဖွဲ့စားရမည့်အစာများလည်း သူတို့စားတာနှင့်
အတော်ကုန်လှပြီ။
ဤသို့ဖြင့် တစ်ညတွင်
စားကြွင်းစားကျန်များ အားလုံးကို လုံလုံခြုံခြုံထုပ်သိမ်းပြီး၊
အသားစိမ်းတစ်တုံးထဲ ယမ်းခွဲသော ကက်ပ်တစ်လုံး ထည့်မြှုပ်ကာ
အိုးခွက်စင်တွင်ထောင်ချောက်ဆင်ရသည်။ သန်းကောင်ကျော်တွင် ဗျောက်အိုးအကြီးစား
တစ်လုံးပေါက်ကွဲသံကြားရပြီး ကျွန်တော့်ခြေရင်းသို့
အကောင်တစ်ကောင်လွင့်စင်ကျလာသည်။ ကြည့်လိုက်တော့ ကြောင်တစ်ကောင်။
ပါးစပ်ကတော့ ယမ်းကွဲအားကြောင့် ပွင့်ကြေနေပြီ။ ကျွန်တော်က ကြောင်ဟုသာသိသည်။
တောမှုရေးရာ ကျွမ်းကျင်သော ဆရာဝန်က
''ဒါ ကြောင်ကတိုးကွ။
သူ့ 'သို'က သိပ်အဖိုးတန်တာ။ ကိုယ်ဝန်ဆောင်တွေဆို ထိကိုမထိရဘူး။ ထိရင်
ကိုယ်ဝန် ပျက်ကျရော''ဟု ပြောပါသည်။ သို့နှင့်နက်ဖြန်မနက်ဈေးနေ့တွင်
ထိုကြောင်သိုနှင့်သားရေကို သူယူသွားရောင်းချပါသည်။ မိုးချုပ်စတွင်
ဒုတ်မီးတ၀င်းဝင်းနှင့် သူတို့ ပြန်လာကြတော့ အားလုံးက
ဘာတွေရလာခဲ့သလဲဝိုင်းမေးကြသည်။ စခန်းအတွက် အသားနှင့်ဟင်းသီးဟင်းရွက်များ
ပါလာပြီး၊ ကျွန်တော့်အတွက် ထိုနာရီလေးပါလာပါသည်။ တော်တော်
တန်ဖိုးကြီးပေထသော ကြောင်ကတိုးပါတည်း။ နာရီကအသစ်မဟုတ်။ ကြောင်ကတိုးဖိုး
ပိုက်ဆံ ချေစရာမလောက်၍ ပတ်လက်စနာရီကို တန်ဖိုးဖြတ် ယူလာခြင်းဖြစ်သည်။
မည်သို့ဆိုစေ နာရီမရှိသော ကျွန်တော့်အတွက်တော့ ပတ်စရာနာရီတစ်လုံးရခဲ့သည်။
သို့သော် ထိုနာရီ သည် ကျွန်တော့်လက်တွင် သက်ဇိုးမရှည်။ ရဲဘော်တစ်ယောက်
မင်္ဂလာဆောင်ဖို့ ငွေလိုတော့ လက်က ချွတ်ပြီး မင်္ဂလာစရိတ်
လုပ်ပေးလိုက်ရသည်ပင်။ထိုနာရီသည် တောအိမ်ယာသစ်ထူထောင်မှု တစ်ခု အတွက်တော့
အတန်သင့်အသုံးဝင်ခဲ့၏။
by
ငြိမ်းအေးအိမ်
From Facebook Page
No comments:
Post a Comment