|
ဇူလိုင်လတွင် ကျင်းပပြုလုပ်မည့် စင်ကာပူဖလားပြိုင်ပွဲတွင် မြန်မာနိုင်ငံမှ
Me N Ma GirlBand အဖွဲ့ သွားရောက်ဖျော်ဖြေရန် စီစဉ်ထားသည်ဟု
သတင်းရရှိပါသည်။ စင်ကာပူ ဖလားပြိုင်ပွဲသည် ဇူလိုင် လ ၂ရက်နေ့မှ ၉ရက်နေ့အထိ
ပြုလုပ်သွားမည်ဖြစ်ပြီး ပြည်ပနိုင်ငံများမှ ဖိတ်ခေါ်အသင်းများအဖြစ် ကမ္ဘောဇ
FC အသင်းနှင့် ဖိလစ်ပိုင်နိုင်ငံမှ Loyola Meralco Sparks အသင်း တို့
ပါဝင်ကစားသွားမည်ဟု သိရှိရပါသည်။ အဆိုပါပြိုင်ပွဲတွင် ဖိလစ်ပိုင် Idol
ပြိုင်ပွဲမှ ပထမဆုရှင် Ms Mau Marcelo နှင့်မြန်မာနိုင်ငံမှ Me N Ma Girl
Band တို့က ဖျော်ဖြေသွားရန် စီစဉ်ထားခြင်းဖြစ်သည်ဟု သိရှိရပါသည်။
“ဘောလုံးပြိုင်ပွဲ စီစဉ်သူတွေက ဖိတ်လာတာပါ။ ပြည်ပဖျော်ဖြေပွဲမှာ မြန်မာ
girl band အနေနဲ့ ဖျော်ဖြေခွင့် ရတဲ့အတွက်လည်း ၀မ်းသာမိပါတယ်။
အတွေ့အကြုံလည်း ရတာပေါ့လေ။ Me N Ma အဖွဲ့နဲ့အတူ ဖိလစ်ပိုင် Idol က
ပထမရထားတဲ့သူလည်း ပါဝင်မယ်ဆိုတော့ ဂုဏ်ယူမိသလို အနုပညာပိုင်းဆိုင်ရာတွေလည်း
ဖလှယ်ခွင့်အများကြီးရမယ်လို့ ထင်ပါတယ်” ဟု Me N Ma Girl Band မှမန်နေဂျာ
ကိုသက်ပိုင်ဖြိုးက ရှင်းပြခဲ့သည်။
မြန်မာနိုင်ငံမှ Me N Ma Girl Band အဖွဲ့သည် ဇူလိုင်လ ၈ ရက် နေ့တွင်
ဖျော်ဖြေရန်စီစဉ်ထားပြီး ဖိလစ်ပိုင် Idol မှ ပထမဆုရှင်မှာမူ ဇူလိုင်လ ၅
ရက်နေ့တွင် ဖျော်ဖြေရန် စီစဉ်ထားသည်ဟု သိရှိရပါသည်။ ဖျော်ဖြေချိန်များကို
ဘောလုံးပွဲများ မကစားမီအချိန်နှင့် ပွဲတစ်ဝက်နားချိန်များတွင် ပြုလုပ်ရန်
စီစဉ်ထားသည်ဟု သိရှိရသည်။
EMG |
No comments:
Post a Comment