မရမ်းကုန်းမြို့နယ်အတွင်းက အိမ်တစ်အိမ်တွင် ယခင် ဘိုးဘွားပိုင်လက်ထက်ကတည်းက မြှုပ်နှံထားခဲ့သော ကျောက်စိမ်းများကို Galaxy S2 ဖုန်းသုံး၍ ရှာဖွေတွေ့ရှိခဲ့ကြောင်း သိရသည်။
ဖုန်းထဲမှာပါရှိတဲ့ သံလိုက်စက်ကွင်း လှိုင်းဆွဲအားတိုင်းတာတဲ့ Application ကို အသုံးပြု၍ လှိုင်းကြိမ်နှုန်း အနိမ့်အမြင့်ကို ကွန်တိုဆွဲကာ လှိုင်းဆွဲအား အမြင့်ဆုံးနေရာတွင် တူးဖော်ခဲ့တာဖြစ်ကြောင်း ၊ ယင်းအိမ်ရှင်၏ ကွယ်လွန်သွားခဲ့သော အဘိုးက ယခင်အစိုးရလက်ထက်တွင် စိုးရိမ်သဖြင့် အိမ်ခြံဝင်းတစ်နေရာ၏ အနက်ခြောက်ပေခန့်၌ သစ်သားခင်းများခံ၍ အိုးဖြင့်ထည့်ကာ မြှုပ်နှံခဲ့သဖြင့် စတူးစဉ်တွင် ရေတွေထွက်လာသောကြောင့် ရှာဖွေရာ၌ အခက်အခဲရှိခဲ့ကြောင်းနှင့် (၆)ရက်လောက်ကြာမျှ ရှာဖွေခဲ့ကြရကြောင်း သိရသည်။
သံလိုက်စက်ကွင်း အပြောင်းအလဲကို အသုံးပြုပြီး ရှာဖွေသောနည်းစနစ်သည် သာမာန်လူများ၌လည်း အဆင့်မြင့်ဖုန်းများကို အသုံးပြု၍ ပျောက်ဆုံးနေသော ရှေးဟောင်းပစ္စည်းများကို အကြမ်းဖျဉ်းသိရုံဖြင့် ရှာဖွေနိုင်မည်ဖြစ်ကြောင်း ၊ သတ္တုကြောများ ၊ ရွှေကြောများကိုလည်း ယင်းအဆင့်မြင့်ဖုန်းများသုံး၍ အနီးစပ်ဆုံး လွယ်ကူစွာ ရှာဖွေနိုင်ကြောင်း ၊ သို့ပေမယ့် နိုင်ငံပိုင်မြေနေရာများ၌ ရှာဖွေတူးဖော်မည်ဆိုလျှင် ဥပဒေအရ ငြိစွန်းနိုင်ကြောင်းလည်း သိရသည်။
Source : Popular
No comments:
Post a Comment