ပြင်သစ်သမ္မတ နီကိုလတ်စ်ဆာကော်ဇီ၏ ၂၀၀၇ ခုနှစ်က မဲဆွယ်စည်းရုံးမှုအတွက်
သေဆုံးသွားပြီဖြစ်သော လစ်ဗျားအာဏာရှင်ဟောင်း မွမ်မာကဒါဖီက ယူရိုသန်း ၅၀
(အမေရိ ကန်ဒေါ်လာ ၆၆ ဒသမ ၃ သန်း) ကူညီပေးခဲ့သည်ဟု ပြင်သစ်အွန်လိုင်း
မဂ္ဂဇင်းတစ်ခုက ဧပြီလ ၂၈ ရက်တွင် သတင်းဖော်ပြခဲ့သည်။
မေလ ၆ ရက်တွင် ပြုလုပ်ရန်ရှိသော ပြင်သစ်သမ္မတရွေးကောက်ပွဲ
ဒုတိယအကျော့မတိုင်မီ ယင်းသတင်းထွက်ပေါ်ခဲ့ပြီး ပထမအကျော့တွင် ကပ်နိုင်ထားသော
ဖရန်ဆွာဟော်လန်ဒီက ယင်းသတင်းနှင့်ပတ်သက်၍ ဆာကော်ဇီအား စုံစမ်းစစ်ဆေးမှု
ပြုလုပ်သင့်ကြောင်း တောင်းဆိုခဲ့သည်။
ကဒါဖီအစိုးရ၏ မှတ်တမ်းရရှိထားသော Mediapart က ယင်းကဲ့သို့
သတင်းဖော်ပြခဲ့ခြင်းဖြစ်ပြီး ယင်းမှတ်တမ်းမှာ ၂၀၀၆ ခုနှစ်၊ ဒီဇင်ဘာလ ၁၀
ရက်နေ့စွဲဖြင့် မှတ်တမ်းတင်ထားခြင်းဖြစ်သည်။ ယင်းမှတ်တမ်းတွင် ဆာကော်ဇီသို့
ငွေကြေး လျို့ဝှက်ပေးဆောင်ရန်ကိစ္စကို ယင်းအချိန်က
လစ်ဗျားထောက်လှမ်းရေးအကြီးအကဲဟောင်း Moussa Koussa က
ကြီးကြပ်လုပ်ဆောင်ခဲ့သည်ဟု ဖော်ပြထားသည်။ စီအင်န်အင်န် သတင်းဌာနက
မူယင်းမှတ်တမ်း၏ အထောက်အထား ခိုင်လုံမှုနှင့်ပတ်သက်၍ ချက်ချင်း
အတည်မပြုနိုင်သေးပေ။ ဆာကော်ဇီကလည်း ယင်းစွပ်စွဲချက်များကို ငြင်းဆိုထားသည်။
ကဒါဖီကသာ မိမိ၏မဲဆွယ်မှုများကို ကူညီပေးမည်ဆိုပါက အားမနာစတမ်း ပြောရလျှင် ကျေးဇူးတင်မည်မဟုတ်ကြောင်း ၎င်းက ပြောကြားခဲ့သည်။
လစ်ဗျားတော်လှန်ရေးသမားတို့၏ ဖမ်းဆီးမှုခံရပြီးနောက် ရုံးတင်
စစ်ဆေးမှုခံယူရန် စောင့်ဆိုင်းနေရသော ကဒါဖီ၏သား ဆာအိဖ်အစ္စလာမ် ကဒါဖီကလည်း
ဆာကော်ဇီအနေဖြင့် ပထမဆုံးလုပ်ရန် လိုအပ်သည်မှာ ယင်းငွေများကို လစ်ဗျားသို့
ပြန်ပေးရန်ဖြစ်ကြောင်း၊ သူ့(ဆာကော်ဇီ) ကို အကူအညီပေးခဲ့သော်လည်း
မိမိတို့ကို စိတ်ပျက်အောင် လုပ်ဆောင်ခဲ့ကြောင်း ပြောကြားခဲ့သည်။
ယင်းငွေလွှဲပေးမှုများနှင့် ပတ်သက်၍ လစ်ဗျားရှိ ဘဏ်အားလုံးတွင် အသေးစိတ်
အချက်အလက်များရှိကြောင်း ဆာအိဖ်က ပြောကြားခဲ့သည်။
ယင်းကဲ့သို့
သတင်းထွက်ခဲ့ခြင်းမှာ အကြောင်းမဲ့မဟုတ်ဘဲ အဖြစ်မှန်ကိုဖော်ထုတ်ရန်
တရားစီရင်ရေးအပေါ် မူတည်နေကြောင်း၊ အချက်အလက်မှန်များ ဖော်ထုတ်၍
တရားစီရင်ရမည်ဖြစ်ပြီး မမှန်မကန် စွပ်စွဲခံရပါကလည်း အထောက်အထားများ ပြသ၍
မမှန်ကန်ကြောင်း သက်သေပြရမည်ဖြစ်ကြောင်း ဟော်လန်ဒီ၏ ပြောခွင့်ရပုဂ္ဂိုလ်
Delphine Batho က ပြောကြားခဲ့သည်။
Ref:CNN
EMG |
No comments:
Post a Comment